رواية ترويض الشياطين الفصل الثالث بقلم ميار زاهر
اسر وقف بصدمه وقال: نعم؟؟...
راغب: زي ما سمعت كده
اسر: هتتجوز ازاي حضرتك بس يا بابا
راغب: هو ايه الي ازاي زي اي واحد وواحده بيتجوزا
اسر: ايوه يا بابا بس...
راغب: مفيش بس انا قولت هتجوز يعني هتجوز
زين بهدوء: طيب يا بابا انت شوفتها فين؟ وعرفتها ازاي وليه الخبر طلع فجاه كده
راغب:كنت بشتري حاجه وشوفتها وحسيت اني عايز اتجوزها فا قررت اني هروح اتقدملها واه صحيح انت كتب كتابك علي بنتها تغريد وانت يا اسر كتب كتابك علي بنتها تماره
زين وقف بغضب وقال: بابا حضرتك حر في اختياراتك انما اختيارتنا احنا حرين فيها
اسر: احنا مش ستات عشان هتقرر تجوزنا مين
راغب: اولا اقعدوا ثانيا بقا انا هفهمكم الي عايز اتجوزها اسمها حليمه وهي عندها تلت بنات تغريد اكبر واحده وعندها 26 سنه وتقي الوسطانيه وعندها 23 سنه اما بقا اصغر واحده واسمها تماره وعندها 15 سنه وهما وحدانيين ملهمش غير مامتهم ولا ليهم لا سند ولا ضهر والي رايح والي جاي بيدايقهم بقا ومقولكش الي بيعاكسوهم والي بيقفوا في طريقهم عشان ملهمش حد والي في مره كانت هتتعرض لحاله اغتصاب وهما يعيني مبيعرفوش ياخدوا حقهم
وكمل في سره وقال: يارب سامحني علي الكدب ده
ووجه كلامه ليهم وقال: فا هما صعبوا عليا اوي بصراحه وقررت اني اجوزهملكوا عشان يبقا اسمهم ليهم سند وضهر ومتخافوش هو جواز علي ورق وبس
زين: ايوا يعني واحنا مالنا برضوا اشمعنا احنا ما تروح تجوزهم لاي حد تاني
راغب قرر يلعب في مشاعرهم وقال: انت يا زين انت يا ظاابط بلدك يلي بتحمي بلدك انت تقول كده يلي المفروض تحمي الناس كلها هما دول مش اهل بلدك برضوا ولا ايه يعني هتسيبهم الي رايح والي جاي ينهش في عضمهم
وبص لاسر وقال: انا عارف انك مش بيفرق معاك حاجه بس اكيد هيفرق معاك ابوك صح راضيني يابني
زين واسر بصوا لبعض بحيره وقالوا: خلاص يا بابا الي تشوفه بس انا عندي شرط
راغب: قول
زين: هتطلقها بعد فتره من جوازنا ماشي؟
راغب: خلاص ماشي
وعند البنات كانوا واقفين التلاته ورا بعض وهما فاتحين بوقهم بصدمه من الي حليمه قالتوا
حليمه: جرا ايه يا ولااد هتفضلوا فاتحبن بوقكوا كتير دبان الحاره كلوا دخل في بوقكوا
تغريد: تت... تتجوزي
حليمه: اه ياختي اتجوز ومالو انا مش قد المقام ولا ايه
تقي: ايوه بس... يعني وافقتي ازاي بالسرعه دي
حليمه: فكرت و قولت اننا محتاجين سند وضهر لينا ليه موافقش
تماره: يا ياماما انتي لحقتي تفكري دانتي تفكيرك زي الاكس
تغريد مكانتش عارفه تقول ايه دي حريتها برضوا
حليمه: اه صحيح يا بت يا تغريد انتي وتقي انا هجوزكوا لولاده انتي يا تغريد لزين ابنو الكبير وانتي يا تقي لاسر ابنو الوسطاني
تماره: وانا لمين
حليمه: اتنيلي اقعدي علي جمب انتي
تغريد بشهقه : نعم نعم نعم يا حليمه
حليمه: جرا ايه يا بت هتشرشحي لامك ولا ايه
تقي: ماما هو انتي من امتي وانتي بتجبرينا علي حاجه
حليمه: انا هفهمكوا راغب قالي انوا عايز يتجوزني عشان تبقي في ست في حياته وقالي انوا عايز يجوز تغريد لزين وتقي لاسر بس انا قولتله انا مبجبرش بناتي علي حاجه قالي انا طبعا مش هسمح بكده بس حال ولاده صعب اوي زين ابنو الكبير عنده 30 سنه وشغال ظابط وبيطلع مهمات علطول ومش بيشوفه الا كل فين وفين وبيكره حاجه اسمها جواز واسر ابنه التاني عنده 26 سنه ده بقا علي الله حكايته بيشرب ويسهر ويسكر وقالي ان هو عجبوا تربيتكم اوي ازاي معرفش وانتوا مشفتوش ريحه التربيه اصلا المهم وان هو بس عايز انكم تربوهم تغريد تخلي زين يشيل اي فكره عن الست وحشه وتقي تخلي اسر يبطل الي هو بيعمله ويركز في حياته اكتر بس عشان يبقا محلل ليكم كل ده تبقوا متجوزين وعلي الورق بس لحد اما يتربوا بعد كده تطلقوا ها ايه رايكم واه كمان احنا هنروح نعيش في الفيلا عندهم
تماره: انا لو منكم اوافق علطول
تغريد: خلاص ماشي ياماما انا موافقه
تقي: اشطا وانا كمان اصبر عليا بس يا اسر بقا يا زنديق بتشرب انا هوريك
وتاني يوم عند اوضه البنات صحيوا علي صوت حليمه وهي بتزعق وبتقول: ما تصحوا بقااا
تقي: ايه ايه يا ماما عايزه مننا ايه دلوقتي
تغريد بصت علي ساعتها ولقتها 6 الصبح وقالت: ايه يا ماما بتصحينا ليه دلوقتي ده لسه علي معاد شغلي كتير
تقي: وانا كمان
حليمه: يا بت قومي منك ليها راغب واقف تحت
تقي قامت بصدمه وقالت: وبيعمل ايه ده تحت
حليمه: هيجي ياخدنا يابت هو انتوا نسيتوا ولا ايه
تغريد: ماشي بس دلوقتي؟
حليمه: اه دلوقتي
تغريد: طب احنا لسه مجهزناش حاجتنا
حليمه: لا مانا سهرت وجهزتهالكوا انا قوموا بس يلا البسوا بسرعه الراجل واقف تحت
تماره: طب هما هيتجوزو انا ماالي
حليمه: يا غبيه ماحنا هنقعد هناك في الفيلا هتقعدي هنا لوحدك يعني
تماره قامت بسرعه وقالت: فوريرا واكون جاهزه
وقاموا التلت بنات وجهزوا وبعد اما خلصوا طلعوا من الشقه ونزلوا تحت
وتماره كانت فرحانه اوي لحد اما افتكرت حاجه خليتها تكشر
راغب طلع من العربيه وساعدهم انهم يحطوا الشنط في شنطة العربيه ورا
وبعد اما خلص ركبوا العربيه كلهم
تقي كانت بصه علي تماره باستغراب هي ليه وشها قلب فجاه كده
تقي: مالك يا بت يا تماره
تماره اتنهدت بحزن وقالت : خلاص هسيب ريان
تقي: الله يهدك يا شيخه افتكرت في حاجه
تماره: دي بالنسبالي حاجه وحشه اوي
تقي: خلاص بقا متزعليش وبعدين احنا يعني مش هنقعد هناك علطول هي فتره بس وهنرجع تاني طب بصي اوعدك كل اسبوع هاخدك ونروح عندهم
تماره في اللحظه دي حضنتها بقوه
تغريد: خلاص يخربيتك هتخنق
تماره: احلي اخت دي ولا ايه يا نااس
تغريد: في ايه يا بت منك ليها بتحبوا في بعض كده ليه
تماره: ها لا مفيش عادي يعني مش اختي يبقي اكيد هحب فيها
تغريد: هحاول اصدق
تقي بصت علي ساعتها ولقتها الساعه 7 ونص
شهقت بخضه وقالت: هييي يلهوي مس هلحق الشغلل
راغب بصلها وضحك وقال: انتي حوله ولا ايه
تقي: ليه يعني
راغب: اصل قاعد قدامك صاحب الشركه بنفسه وقريب هيبقا يعتبر ابوكي وخايفه تتأخري دانتي حوله بجد
تقي: ايه ده الغباء ده صحيح
وبعد وقت مش كتير كانوا وصلوا
راغب: انزلوا
تغريد: ننزل فين لمو اخذه
راغب: انزلوا هنا
تغريد: حضرتك دي جنينه وحاجه كده كبيره احنا هنقعد في الشارع يعني ولا ايه
راغب: يا اغبي خلق الله ما هي دي فلتي
تماره: هيي احلف كدهه يلهووي بقا انا هقعد في الجمال ده كلوا
تقي: لا وكمان فيه حمام سباحه داحنا هنخربهت يا ولااه
راغب: ههههه طب يلا خشوا
راغب راح جاب الشنط وراح فتح باب الفيلا واول ما دخلوا
حليمه: يا ماشاءالله يا ماشاءالله ايه العز ده كلوا
راغب: عجبتك
حليمه: عجبتني ايه دي الكلمه دي قليله اوي على جمالها ده
راغب: طب يلا خشوا ارتاحوا في الاوضه اللي في الدور الاول وانا علي بليل كده هجيب المأذون
تقي وهي بتتاوب بنعاس : ماشي بس المفروض ده معاد شغلي
راغب: انتي لسه حوله ياا تقي روحي ناامي يا حبيبتي مفيش شغل النهارده
تقي: اللهي يسطر عرضك يا شيخ
تماره: خوديني معاكي يا بت يا تقي
تغريد: ماشي انا هطلع استريح شويه لحد معاد شغلي
وطلعت التلت بنات
حليمه: اومال فين ولادك
راغب: نايمين فوق زين شويه وهتلاقيه صحي اما اسر هبقا اصحيه انا يلا بس اطلعي ارتاحي وانا هبقا اجيب المأذون بعد شويه
حليمه: خلاص تمام
وطلعت حليمه ورا بناتها
وراغب قعد بتعب وسند راسوا علي الكرسي الي قاعد عليه
وهوب راح في النوم
وبعد تلت ساعات صحي راغب علي هزه في جسمه قويه وكان زين الي بيصحيه وهو بيقول: بابا بابا انت ايه الي منيمك هنا
راغب فتح عينه وكان لسه هيتكلم
لكن لقا تغريد نازله علي السلم بتاع الفيلا وهي لابسه الزي الشرطي بتاعها وكانت بتقول: انا ماشيه يا حليمه الله يسامحك راحت عليا نومه واتاخرت ده المقدم محمود هينفخني
زين اول ما شافها فتح بوقه بصدمه
وتغريد اول ما شافت زين طلعت المسدس بتاعها وراحت عليه وقالت: اسبت مكانك متاخفش يا عمو راغب
راغب اتصدم وكان لسه هيتكلم
لكن لقا تغريد كعبلت زين علي الارض وهو وقع
زين اتصدم اكتر وقال: انتي مجنونه يا بت انتي وبعدين انتي مين
تغريد: انا الي مين يا حيلتها قوم معايا
راغب: استني بس يا بنتي ده...
تغريد: ده ايه نصاب صح
راغب: يا بنتي ده ابني زين
تغريد اول ما سمعت كده سابته بسرعه وقالت: يوه لمو اخذه ياخويه اصلي افتكرتك حرامي او نصاب
زين: الله يخربيتك دي ايد بنت دي دانا ضهري اتكسر
تغريد: جرا ايه ياخويه ما قولنا معلش متصدعنيش بقا عالصبح
زين: مين دي يا بابا
راغب بتوتر: دي... دي تغريد
زين بصدمه: نعممممم؟
راغب: اه هي شوفت بقاا
زين: هي دي الغلبانه الي كل الناس بيدايقوها وهي مبتعرفش تدافع عن نفسها
راغب: احم اه هي
زين:وبعدين انتي ايه الي ممسكك المسدس ولابسه زي شرطي ليه
تغريد: معاك الرائد تغريد مصطفي اكفأ رائد في المهمات
زين اتصدم اكتر
راغب: استني بس انا هفهمك
وقبل اما يكمل راغب كلاموا سمع صوت جامد اوي واتصدم لما شاف تقي جايبه اسر من هدومه ورمته علي الارض
تقي: اه يا قذر يا حيوان انا هربيك وهعلمك ازاي تعمل كده تاني
راغب: في ايه بس يا بنتي
تقي: الحيوان ده مسك ايدي وانا في المطبخ
اسر: يعني انتي خلتيني امسكها كلها دانا يدوب لسه بقول يا هادي لقيتك لويتي دراعي
تقي: احسن عشان تتربي
اسر: وبعدين انتي مين يا حجه انتي اصلا
راغب: دي تقي يا اسر
اسر بصدمه: هي دددي تقي هي دي الي كانت هتتعرض للاختصاب
راغب: احم اه هي
تقي: مين ده الي يغتصبني طب يفكر بس يلمسني ويشوف انا هعمل فيه ايه
وفي الوقت ده نزلت تماره وقالت: يااه دي الحرب العالميه السادسه دي ولا ايه
زين: ودي مين دي كمان
راغب: دي بقا تماره الكيوته الصغيره
وقبل اما يكمل كلاموا لقا تماره بتعقب وهي بتقول: عقباوي دم حامي دنيا دايره بالاسامي وي وي وي وي اديلواا
تقي: شاطره يا بت واللا وبقيتي بتعرفي تعقبي
تغريد: حاجه نفتخر بيها الله عليكي يا فخر العرب يلهوي اتاخرت اوي اما الحق اجري بقاا
راغب: متتاخريش يا بنتي عشان كتب الكتاب
تغريد: اشطا يا باشا يلا سامو عليكوا
تقي: بما ان النهارده اجازه فا بفكر اعمل حاجه مجنونه
اسر قام من علي الارض وقال: ايه هي؟
تقي: وانت مالك
اسر استغرب اوي لان كل البنات بتموت فيه ودي اول بنت تبقي كده معاه وقاال: نعم
تقي: زي ما سمعت ويلا بقا قدامي عشان انا الي هطبخلكوا النهارده
اسر: طب وانا مالي ما تتنيلي لوحدك
تقي: لا مانت هتيجي تساعدني
اسر: نعم ياختي
تقي: هو انت سمعك تقيل
اسر: بت انتي امشي من وشي
تقي: مش ماشيه يعني مش ماشيه وامور السهوكه دي مبتاكلش معايا ويلا قدامي بدل ما اعملك انت بدل الاكل
اسر: هههه انا خوفت كده يعني
تقي: يعني مش خايف
اسر: وانا يوم ما اخاف هخاف منك انتي
تقي: تماممم
وفجاه تقي طلعت سكينه من جيبها وقالت: قدامي يااض بدل ما السكينه دي ترشق في بطنك
اسر بصدمه : يلهوي ارمي السكينه دي يا بت
تقي: قداامي
اسر: انتي بتخوفيني بس لاكن اكيد مش هتعمليها
تقي: تحب اوريك
وبدات تقي تقرب منه وهو بدا يخاف وقال: اه يا بنت المجانين خلاص خلاص جاي
تقي: ايوا كده الناس مبتجيش غير بالعين الاورنج
راغب كان مصدوم
وتقي بصت لراغب وقالت بصوت واطي: دي سكينه لعبه متخافش
راغب ابتسملها وفرح اوي من الي عملته
زين: باباااا انت كدبت علينا ولا ايه يعني
راغب: ها لا يا بني هما بس اول ما شافوكوا اتطمنوا فا اتعاملوا براحتهم يعني
زين: طب انا بقا مش هتجوز البت الي اسمها تغريد
راغب.: ازاي يابني بس والمأذون جاي بليل وكمان انا قايل لمامتهم مينفعش نفركش
زين نفخ بضيق وقال: يوووهه بقاا
راغب: يابني هي فتره وابقا طلقها
زين: خلاص ماشي انا رايح الشغل
وطلع زين اوضته غير هدومه وخرج
وعند تقي واسر
تقي: اممم نعمل ايه يا واد يا اسر
اسر: واد؟
تقي: امال بت كر كر كر يخربيت خفه دم اهلي عسل
اسر: ما هو باين فعلا
تقي: المهم نعمل ايه
اسر: اعملي الي تعمليه انا كده كده هبقا بره
تقي: ده عند الست المرحومه
اسر: نعم ياختي
تقي: يا عم انت بجد عندك مشكله في ودنك روح اكشف باطنه
اسر: باطنه؟ ودي ايه علاقتها بالودن اصلا
تقي: معرفش سيبك سيبك المهم نعمل ايه
اسر بمقاطعه : يا ستي انا كده كده مش هاكل معاكوا فا اعملي الي تعمليه
تقي: مفيش نزول يا عسل
اسر: وانتي بقا مالك يعني
تقي: هو كده وكيفي كده انا حره وبعدين انا شويه وهبقا مراتك يبقا تحترمني وتسمع كلامي
اسر: هو اعتقد المفروض العكس
تقي: مش مهم المهم ان انت تسمع كلامي وخلاص
اسر: بطلي هبل كده ووسعي من وشي
تقي: اسر شوفت الخربوشه الي في رقبت تماره
اسر: اه مالها
تقي طلعت السكينه تاني وقالت: انا الي عملاهلها عشان ضايتني فا متخلنيش ازعل منك عشان معملكش واحده زيها
اسر: يلهوي دانتي مجنونه بجد بقا
تقي: هتقول ولا....
اسر: لا لا خلاص هقول بصي انا بحب المكرونه والبانيه
تقي: ايوه كده وريني بقا مكان الحاجات دي فين
و نسيبهم يطبخوا براحتهم ونروح في القسم كان واقف زين وقداموا تغريد
زين: انتي ايه الي جابك هنا
تغريد: يا عم انت عندك فقدان ذاكره
محمود: ايه ده انتوا تعرفوا بعض
تغريد: يعني مش اوي
محمود: يا محاسن الصدف اكفأ رائدين عندي واقفين قدامي
زين: هي دي اكفأ اشك بصراحه
تغريد: ههههه تشك
محمود: دي تغريد دي بسم الله ماشاء الله عليها قويه اوي ودايما بتنجح في المهمات الي بتطلعها
زين استغرب اوي ازاي بنت وتبقي بالشطاره دي
تغريد: ايه مستغرب ليه
زين بصلها من فوق لتحت وسكت
تغريد: لا لا انت تبص حلو اه اديني بقولك اهو
زين: ما تتكلمي عدل بقااا
تغريد: انا حره اعمل فيك الي انا عايزاه مش هتبقى جوزي برضوا ولا ايه
محمود اتصدم وقال: ايه ده انتوا هتتجوزوا امتي
تغريد: النهارده بإذن الله
محمود: ومتعزمنيش يا زفته
زين رد عليه بسرعه وقال: لا احنا مش عاملين فرح اصلا ده هو كتب كتاب عالديق كده
محمود: اه طب الف مبروك وربنا يتمملكوا علي خير يارب
ونسيبهم ونروح عند تماره الي كانت قاعده في الاوضه وبصه علي التيلفون بتردد هل تكلم ريان ولا لا اه صحيح هي لما كانت بتروح عندهم خدت رقمه بحجت انها تبقا تطمن عليهم لان مامته معهاش موبيل
تماره: اكلمه ولا لا يااربي خلاص انا هكلمه
واتصلت بيه تماره وبعد 10 ثواني قلب تماره اتنفض بقوه لما سمعت صوته
ريان: الو مين معايا
تماره قالت بتوتر : ا... الو انا تماره
ريان: اه ازيك يا تماره عامله ايه
تماره: الحمدلله وانت عامل ايه
ريان: الحمدلله بخير ايه غريبه يعني منزلتيش النهارده زي كل مره
تماره: اصل اخواتي هيتجوزوا ولاد راغب الزيناتي وخدنا نقعد معاه هناك في الفيلا
ريان: اه تمام
تماره: لا تقلق يا باشا هبقا اجي كل اسبوع اشقر عليكوا
ريان: هههههه ماشي با ستي
تماره:امك عامله ايه
ريان: الحمدلله هي كويسه صحيح هتبتدي مذاكره امتى بقا
ونسيبهم في كلامهم مع بعض ونروح عند حليمه وراغب
راغب: انا كلمت المأذون وقالي ان هو جاي بعد ساعتين
حليمه: خلاص تمام إنما فين البت تقي
راغب: دي بنتك تقي عملت الصح مع ابني خلته يروح يطبخ معاها وميخرجش
حليمه : بت قادره بصحيح
راغب: انا بقا عايز كده
حليمه: بس كده اتفرج وشوف دول هيخلوهم يكرهوا نفسهم
راغب بضحك: هههههه بس كده من عنيا
وعند تقي واسر
تقي كانت بتدوق الصلصه وقالت: اممم الله عليكي يا بت يا تقي مااهره في الطبخ طول عمرك
اسر: يخربيت ثقتك في نفسك
تقي: يا باشا دي اهم حاجه المهم هاتلي بقا المكرونه عشان نحطها علي الصلصه عشان خلاص مش قادره انا هموت من الجوع ولو مكلتش بعد. خمس دقايق انا ممكن اكلك انت
اسر: يخربيتك انتي من فصيله مصاص الدماء ولا ايه
تقي: لا من فصيله جوعني شكرا ولو انت مكلتش كويس كل الي قدامك من غير تردد
اسر: دي فصيله مفجوعه ومتسرعه كمان
تقي: عشان كده اختارتني وعلى فكره بقا فاضل دقيقتين وهاكلك الحق نفسك يابني
اسر راح جاب المكرونه وادهالها وقال: لا وعلي ايه خودي
وبعد شويه
تقي: كده احنا خلصنا بص بقا انا هغرف وانت هتودي
اسر: يا بنتي هو انا كنت الخدام بتاعك مثلاّ
تقي: لا كنت اسر مثلا كر كر كر
اسر: يلهوووي الحقوني من خفه دمها دي
تقي: عارفه عارفه اننا دمي خفيف المهم يلا ودي
وفضل اسر رايح جاي لحد اما خلص وقعدوا كلهم علي السفره
واول ما كلوا
راغب: الله تسلم ايدك يا تقي حقيقي بتعرفي تطبخي حلو
حليمه: شاطره يا بت يا تقي جدعه يابت تربيتشي دي
تماره: طلعتي بتعرفي تطبخي
تقي: وانت يا عم اسر مش ناوي تقول رايك
اسر: مش بطال
تقي قامت بغضب ومسكت السكينه وقالت: بتقول ايه
اسر بتوتر: بقول انوا احلي حاجه اكلتها في حياتي
تقي سابت السكينه وقعدت تاني وقالت: ايوه كده جتك الهم
راغب كان هيفطس علي نفسوا من الضحك ولكن حاول يمسك نفسوا
وعند تغريد كانت واقفه وبتدور علي تاكسي وجه عليها زين وقال: انتي بتعملي ايه
تغريد : بعملي محش وبانيه
زين: يا ظرافتك ياختي
تغريد: اصل هكون بعمل ايه يعني بشاور لتاكسي عشان اغور من وشك
زين: تغوري من وشي عموما تعالي اركبي معايا
تغريد بشهقه: نعم ياخويه مين دي الي تركب معاك كنت مراتك ولا كنت مراتك
زين: ايه بس بس نافورا واتفتحت في وشي وبعدين هو انا هخطفك مانتي راحه نفس الحته الي انا رايحها
تغريد: وانا علي جستي اركب معاك
زين: يعني انتي عايزه تقفي كده
تغريد: اه ملكش دعوع
زين: ماشي انتي حره
ومشي زين ناحيه عربيته
وتغريد فضلت تشاور عشان اي تاكسي يقف ولاكن لا حياتاً لمن تنادي
تغريد: ايه ده بقا هو انا هفضل كده يعنيي اممم انا شكلي هروح اركب معاه
وجريت تغريد علي زين قبل اما يمشي وركبت معاه وقالت: اتوكل علي الله يسطا
زين: انتي ايه الي جابك مش كنتي هتركبي تاكسي
تغريد: ما هو انا مرضتش ازعلك وقولت اما اكسب ثواب واجي اركب معاك
زين: يا شيخه طب مانا مش جوزك
تغريد: لا مانت مقدماً هتبقي قرة عيني
زين كتم ضحكته واتحرك بالعربيه وبعد وقت كانوا وصلوا واول ما دخلوا لقوهم بياكلوا
تغريد: هييي بتاكلوا من غيري ده العشم يا حليمه
حليمه: كنت جعانه ايه مكلش
تغريد: لا يا حليمه كلي ومالو
وراحت تغريد قعدت معاهم وقالت: يااه ايه الاكل الي يفتح النفس ده واد يا زين تعالا اقعد يلا
زين: واد؟
تغريد: امال بت يلا تعالا
زين: مش جاي
تغريد: عنك جتك الهم وانت عامل زي البومه
وبدات تغريد تاكل بكل شهيه وهي بتبص علي زين وبتحاول تجوعه
زين حس انوا مش قادر الاكل منظره حلو اوي وراح قعد وبدا ياكل
تغريد: مانت جيت اهو
زين: الله الاكل حلو اوي
تغريد: كل كل ياخويه
وبعد شويه كانوا كلهم خلصوا اكل
تقي: يلا كل واحد زي الشاطر كده يشيل طبقه لمو اخذه بقا يا عمو راغب
راغب: لا يا حبيبتي ولا يهمك
وبعد اما كلهم شالوا الاطباق
قعدوا
وسمعوا صوت جرس الباب
راغب: اكيد ده الماذون
وقام راغب فتح وكان الماذون
ودخله راغب وقال: اتفضل يا شيخنا
الماذون: هكتب كتاب مين الاول
راغب: انا وحليمه تعالي يا حليمه
وتم كتب كتاب راغب وحليمه
راغب: تعالا يا زين يا بني انت وتغريد
وتم. كتب كتاب زين وتغريد
وبعديها اسر وتقي
الماذون: بارك الله لكما وبارك عليكما وجمع بينكما في خير وعلي خير
تماره: لولولولوي مبروك يا اخواتشي يا حبايبي
تقي بصت لاسر بكل شر
اسر: ايه في ايه هتاكليني ولا ايه
تقي: تعلالي دانا هربيك من اول وجديد بقا يا جزمه كنت بتسهر وبتشرب وكمان تبقي مع نسوان تعلالي هنا
اسر جري لفوق بسرعه وقفل علي نفسه الباب
وتقي راحت وراه وقالت: فاكر اني مش هعرف اجيبك هجيبك يعني هجيبك
اسر: ابقي قابليني
تقي: مااشي انا بقا قاعدالك وريني هتخرج ازاي
اسر: ماشي وانا مش خاارج
نسيبهم في جنونهم ده ونروح عند زين وتغريد
تغريد: بقا انتتت بتكره الستات ليههه عملولك ايه مثلا ولا يمكن اتعقدت عشان واحده خانتك ها قولي ليه بقاااا
زين: وانتي مالك اكرهم ولا لا يخصك في ايه
تغريد: لا يخصني يخصني ونص كمان
زين: طب روحي العبي بعيد يا شاطره
تغريد: بقا كده مااشي
زين: ايه هتعملي ايه
تغريد: هعمل كل خير اصبر عليا بس...
شكرا لزيارتكم عالم روايات سكيرهوم
