رواية متمرده في جحيمى الفصل الثالث بقلم سندس عمر
فاقت جميله بعد فتره لقت نفسها متربطه في كرسي وفي حاجه ومحطوط لزق علي بؤقها. وبصت قدامها لقت زين واقف ببرود وحاطط ايدو في جيبه..
زين.. اسكتي يا جميله مش انا سمعت ان علي هرب من الس*جن..!
جميله بصتلو ورفعت حاجبها..
زين.. متردي ولا اخرسيتي..؟ ايه دا معلش مش نسيت اني حاطط لزق علي بؤق!
زين راح عند جميله وشد اللزقه بعنف.
جميله بألم.. انت ازاي تخطفني..!؟
زين بجديه.. تعرفي حاجه عن علي..؟!!
جميله بعصبيه.. انا هوديك في ستين داهيه علي اللي انت عملته دا..
زين.. ردي علي سؤالي.. تعرفي حاجه عن علي؟!.
جميله.. لا!
زين.. كدابه..؟
جميله.. مش عايز تصدق متصدقش..!
زين.. رجلتي شافته وهو نازل من عندك!!
جميله بنبره شديده.. ولما رجلتك شافته نازل من عندك مغفلهوش لي وخطفوا زي ما عملت معايا!!..
زين بصلها باستغراب وسكت.
جميله
فكني يا زين وسبني امشي علشان اللي بتعملو دا غلط وكفايه اوي اللي عملته في بابا وعلي..!
زين.. ما انا قولتلك وافقي علي الجوازه وهطلعلك ابوكي واخوكي من الس*جن..!؟
جميله.. الموت اهونلي يا زين من اني اتجوزك..!!
زين.. هو انتِ لي كرهاني اوي كده! مش انتِ كنتي بتحبيني زمان ولا انا بيتهيالي!؟
جميله.. اهو انت قولتلها كنت دلوقتي بقيت اكتر واحده بكرهك موضوع انك كسرتني وذلتني بتاع زمان دا لما كنت بحبك موضوع وعده وانا قفلتوا والموضوع بالنسبالي مات وكنت عادي لا بحبك ولا بكرهك ومش عارفه ايه اللي خلاك تيجي وتبقي عايز تتجوزني دلوقتي برغم انك مكنتش بطقني بس انا كنت رفضاك لو كنت فضلت ورايا اكيد كنت هوافق عليك لما اشوف انك بتحبني بجد دا لو بتحبني يعني انما اللي خلاني بقيت كرهاك اكتر ومبقتش عايزه اشوف وشك ولو شوفته ابقي عايزه اشرب من دم*ك حبس اخويا وابويا علشان مرضتش اتجوزك.. انت ازاي كده؟ انا مصعبتش عليك؟! مصعبتش عليك لما كنت كنت شيفاني وانا منهاره وواقعه علي الارض وبعيط لما الظباط جم واخدو ابويا واخويا قدام عيني وانا مش عارفه اعملهم حاجه كل اللي كنت بعملو بعيط علشان خايفه عليهم.. انت بجد معندكش قلب..! ازاي قلبك محسش بكسرتي وانا شايفه اهلي بيضيعوا وبيتحبسوا ظلم بسببك! ازاي عملت كده؟ بتنام ازاي؟! بتعرف تحط راسك علي المخده وانت ظالم؟! بتعرف تحط راسك علي المخده وانت حابس ابويا واخويا وعارف ان الورق اللي يودي في ستين داهيه والاسلحه والمخد*رات اللي الظباط لقوها في الشقه عندنا وهيا مش بتاعت ابويا واخويا وانت عارف كويس اوي ان الحاجات دي مش بتاعتهم وانت اللي حطاتهم وعارف انهم مش هيخدو اقل من 25سنه س*جن وكل دا لي علشان رفض اتجوزك..؟!
زين.. انا مكنتش هعمل كده ودايما بحس بتأنيب الضمير بس انا اكتشفت اني بحبك ومقدرش استغني عنك ولما مرضتيش انك تتجوزيني ملقتش طريقه غير دي
جميله.. انا بكرهك يا زين..!؟
زين بصلها بحزن وفاجاء دخل حد عليهم المخزن.
زين بصدمه.. بابا؟!!
سلطان.. مين دي يا زين وربطها كده لي.. وفي حاجه الراجل اللي اسمه مجدي وابنه علي طلعوا براء من الس*جن علشان في حد جي واعترف ان الحاجات دي بتاعته هو مش بتاعت له مجدي ولا علي؟!!
جميله بفرحه.. يعني بابا وعلي خدو براء..؟!
سلطان باستغراب..بابا وعلي ايه انتِ مين بظبط؟!
