رواية العشق الوهمي الفصل الرابع والاخير
سيلا خرجت من المستشفى بعد ما عملوا ليها اللازم وبقت كويسة ،
مكانتش عارفه تعمل ايه لحد اللحظة دي مشمستوعبة اللي حصل فيها ،معقول الدنيا تخرب مرة واحدة كدا ،فضلت تعيط بانهيار وتتخيل لو كان الوطي ده عمل اللي ناوي عليه هتتصرف ازاي ،
معقول احلامها كانت هتقضي عليها ،وكمان كل اللي وصلت ليه كدب ودي خطة ملعوبة ،ياااه هي طلعت غبية وسهل يتلعب بيها اوي كدا ،
كانت مشتتة وبتفكر في حاجات كتير مع بعض ،حاولت تهدى عشان تكلم ليلى تحجز ليها تذكرة لمصر ،لازم ترجع لولادها وتنسى الشغل وكل العك ده ،ايوا هتعتذر لجوزها وهتخليه يسامحها على كل غلطها في حقه ،هترجع الزوجة والام المثالية ،هتعمل كل حاجة معاهم بكل حب ورضى ،هي كانت اكبر متخلفة لما سمعت لأختها وفضلت الوظيفة وشغل المساواة والعبط ده كله على استقرارها في بيتها ،
ابتسمت بأمل ،ومسحت اي اثر لدموعها وقالت بتفاؤل ويقين ،اكيد هما ماهيصدقو اني سبت الشركة ومشلازم اشرح اسباب ،هقول اني اخيرا رجعت لعقلي وبطلت اسمع لصوت شيطاني ،وهما بيعشقوني ومشهيفكرو غير اني هبقى معاهم وخلاص ،
وعشان سليم يفرح ويعرف اني ندمت بجد هخلي كل شيء يرجع لأصله همشي جنى وهتعامل بنفسي في البيت وهعمل كل حاجة بايدي ،مسكت فونها وكلمت اختها وفعلا حجزتلها ونزلت القاهرة وليلى كانت في استقبالها ،
وقالت بصدمة معقول انتي حصل معاكي كل ده ،بجد زعلتيني اوي ،
كملت بتعاطف ،ياه انتي لسه هتلفي على شغل تاني ده احنا ماصدقنا نلاقي وظيفة كويسة في شركة كبيرة ،
كملت بلهفة بس اطمني انا مشهرتاح غير لو جبتلك منصب مرموق في احسن مكان في البلد ،سيلا بضيق انسي الحوار ده يا ليلى انا مشهشتغل ولا هخرج من بيتي تاني ،كفاية اللي وصلت ليه من تحت راس غباءي وطموحي اللي كان هيدمرني ،
ليلى بتحريض يعني ايه هترجعي تاني خاضعة وذليلة تستني الباشا يحن عليكي ويرجع من الشغل ويدفنك مع ولاده انطقي انتي عايزة كدا؟.
،سيلا بصراخ كفاية بقى كلامك ده حرام عليكي ،انتي فضلتي تزني عليا لحد ما زرعتي افكار مسمومة في عقلي ،خليتيني احلم اني هاطول السما وفي الاخر نزلت على جدور رقبتي واكتشفت اني مشيت ورا سراب ،
ليلى بسخرية لا والله في النهاية طلعت شريرة وانا الشيطان في روايتك ،
كملت بمكر عموما ماشي ارجعي لبيتك وعيالك ده لو لاقتيهم ،سيلا بعدم فهم قصدك ايه ،
ليلى بحقد اختها ماشافتهوش ،انا بقول اي كلام كبري دماغك ،وصلنا تعالي ندخل عايزة اشوف العيال ،كملت باستهزاء اصلهم وحشيني موووت ،
سيلا كانت مستغرباها ومشفاهمة هي بتقول ايه او بتلمح لايه
دخلت بمفتاحها ولقتهم قاعدين كلهم بيسمعو فيلم قربت منهم وقالت باشتياق ،وحشتوني اوي يا حبايبي تعالو في حضني ،
ماحدش التفت ليها نهائي ،محسوش بوجودها ،قلبهم كان بارد من ناحيتها ،جنى قالت ببرود اهلا بيكي اتفضلي ورحبت بليلى اللي كانت سعيدة من اللي هي شايفاه ،
سيلا كانت مستغربة رد الفعل ده من الولاد بس فسرته زعل منها وهي هتعرف ازاي تراضيهم ،بصت لجنى وقالت بتساؤل ،فين سليم مشموجود ليه ده المفروض يكون هنا من ساعتين ،
جنى بغيرة وغيظ حاولت تداريهم ،قالت باختصار عنده اجتماع ومشراجع دلوقتي ،بعدين هو بقى بيتاخر اوقات كتير برى ،
سيلا بضحك ده كان زمان بس آن الأوان أن كل شيء يرجع لأصله ،جنى بعدم فهم وتوتر قصدك ايه ،ابتسمت بهدوء هتعرفي كل حاجة لما ادخل ارتاح وبعدها نتكلم ،
ليلى بخبث ايه يا رينو مشهتسلمي على مامي ولا ايه دي مسافرة من زمان ،ريناد بصت ليهم الاتنين ببرود وقالت بجمود ،اديكي قلتي بتسافر يعني متعودين على غيابها ،وكمان مافيش بينا اللي يخليني اشتاق ليها أو توحشني ،
بصت لجنى اللي فهمت أنها موجوعة اوي وقالت بصوت مهزوز ،تعالي أوضتي عشان تحلي معايا كام مسالة قبل ما اروح الدرس ،سيلا بلهفة خليكي يا جنى انا هروح اساعدها ،البنت بحزم ،اظن سمعتي وانا بوجه كلامي ليها فإذا سمحتي ماتدخليش ،
جنى بحدة عيب كدا يا ريناد كلمي مامتك بأسلوب افضل من كدا ،ليلى بمكر ايوا اسمعي الكلام يا رينو لحسن جيجي تروح تعرف بابا ،
سيلا بذهول مكانتش فاكرة أن بنتها ممكن تكلمها بالنبرة دي ابدا ،وكمان جنى بقت ليها التأثير الاقوى عليها ،حاولت تهدى وقالت بحزن انا مقدرة زعلك مني بس عشان خاطري حاولي تسامحيني ،البنت دموعها نزلت وافتكرت كل حاجة وكل كلمة قاسية سمعتها منها ،قلبها وجعها وهمست بضعف عمري ماهسامحك ولا هقدر ابص في وشك تاني. ،انتي قطعتي اي حاجة بيني وبينك ،كل اللي يخصك عندي هو نعم وحاضر وكمان حسب قدرتي على تنفيذ اللي هتطلبيه ،انما علاقة سوية بين بنت وامها فسوري ده مبقاش اوبشان عندي وده بسببك ،
اخدت نفس طويل وقالت لزياد بأمر ،يلا قوم البس عشان هوصلك الدرس في طريقي ،وقربت وشالت اياد اللي نام ،وهي بتقول لجنى بعد اذنك ابقي شوفي حرارته كل شويا ،جنى اخدته منها وقالت بحب ،حبيبتي مشمحتاجة توصيني على ديدو ده في عيوني يلا ادخلي ذاكري وانا هلحقك بس هشوف الاكل استوى وهساعد اخوكي يلبس ،
ريناد هزت دماغها بطاعة وبصت لامها بنفور ومشيت من اصادها بغضب ،
اما سيلا فمقدرتش تنطق حرف معقول بنتها بقت شايفاها بالصورة البشعة دي ،طب هتعمل ايه وهتصلح اخطاءها في حقهم ازاي ،
دموعها نزلت بندم وبصت لأختها برجاء ،قوليلي حل ينقذ الموقف يا ليلى ،انا ماكنتش فاكرة أن ريناد جواها كل القهر ده مني ،كملت بخزي انا عايزة اعوضهم عن كل الوقت اللي بعدت عنهم فيه ،
ليلى ببرود ماليش دعوة بحياتك ،سبق واتهمتيني اني كنت السبب في اللي وصلتيله فمن فضلك خرجيني برى خلافاتك مع ولادك ،انا هامشي عشان اروح اقابل صاحبتي باي ،
كانت فرحانة اوي بكل اللي حصل واتمنت أن اختها تكتشف السر اللي هيقسم روحها نصين ،وقتها بس هتحس أنها حققت خطتها ،
سيلا بصت ناحية المطبخ ولقت نفسها عايزة تخلص من جنى لأنها بقت عائق بينها وبين ولادها ،قربت وقالت بضيق ،انا بشكرك يا جنى حقيقي عشان قمتي بدورك في البيت على أكمل وجه ،
بس خلاص انا قررت اني أتفرغ واهتم بشؤون بيتي واعمل كل حاجة بنفسي ،فانا بطلب منك تمشي وميرسي ليكي ومتقلقيش انا هديكي تعويض مناسب ،
كانت بتسمعها بذهول معقول استغنت عنها وهتحرمها من سليم والولاد ،قررت تكون قوية وقالت بجمود ،بس انا ماقدرش ابعد عن هنا ،انا حبيت الولاد وبقو ليا كل شيء ،وهما كمان حبوني ،سيلا زعقت بغضب اسكتي ونفذي الأمر قلتلك امشي ومشعايزة رغي كتير انا مشباخد رايك اصلا ،
جنى بندية بس انا مشمتحركة اللا لو الباش مهندس طردني بنفسه هو أو ريناد ،سيلا بذهول انتي اتجننتي بتعانديني ده انا هوديكي في داهية. وقبل ما جنى ترد جه سليم وبص لمراته بجمود وقال بآلية اهدي الموضوع مشمحتاج عصبية ،انتي مستعدة تسيبي اشغالك ومؤتمراتك وتخدمينا وتقومي بكل طلباتنا؟.
،سيلا فرحت أنه هنا وحست أنه كان واحشها اوي ،فضلت تبص لملامحه كتير وهي ساكتة ،قطع نظراتها ليه صوته بيقول بملل ،ها انجزي هتقدري؟ ،نطقت بصدق ايوا انا سبت كل حاجة وهرجع حياتنا واوعدك اني مشهزعلك تاني ،ماردش عليها وبص لعيون حبيبته اللي شاف فيهم رجاء صامت أنه ماينطقش باللي متوقعاه ،واتصدمت لما قال بثبات تمام يا جنى تقدري تلمي حاجتك وتمشي طالما الهانم عايزة كدا ،
سيلا بصتلها بتشفي وانتصار وقالت بتعالي ياريت ماشفش وشك هنا او في اي مكان يخصنا ،جنى مكانتش سمعاها ،هي مركزة معاه هو وبس ،معقول اتخلى عنها ،طب ليه وجعها بالطريقة دي ،طب هي هتعيش من غيره هو والولاد ازاي ،قلبها اتنفض لمجرد التخيل ،حاولت تلاقي صوتها وقالت بضعف ،حاضر يا باش مهندس همشي ،
دموعها وخزت عيونها ،وحاولت تقوى عشان متنهارش اصادهم ،بصتله بعتاب ومشيت في هدوء ،
اما سليم فكره الموقف كله ولعن سيلا واتمنى يخلص منها عشان يقدر يعيش ،راح اوضته وقبل ما يدخل جنى قربت منه وهمست بضعف برافو عليك قدرت تكسرني ،بعدت وهو قفل الباب وهمس بشرود اسف بس مكانش عندي اختيار تاني سامحيني 🤩،
ريناد حست أن جنى اتاخرت عليها فخرجت تشوفها واتفاجءت أنها مشموجودة ،سالت زياد اللي رد عليها بجهل ،معرفش يا رينو انا استنتها عشان تخرجلي طقم كالعادة ماجاتش ،لسه هترد شافت سيلا داخلة وقالت بحماس ،ها يا زيزو تحب تاكل حاجه قبل ما تروح الدرس ؟
بصلها ببرود لا مشعايز ،انا مابحبش اكل وانا عندي امتحان لاني بكون متوتر وممكن ارجع من القلق ،سيلا استغربت لأن ابنها عمره مكان كدا ،بنتها قالت بسخرية ،طبعا ماتعرفيش حاجة زي دي مانتي نسيانا من زمان واي تغير في حياتنا معندكيش أدنى علم بيه ،شاورت لأخوها بهدوء ،يلا يا حبيبي روح حضر كتبك عشان مانتاخرش ،بصت لسيلا بتساؤل هي فين جنى ؟،ردت بحرج من الموقف اللي هي فيه ،شكلها هتخوض معركة شرسة مع بنتها عشان تقدر تكسب ودها من تاني ،بس هي عندها حق في كل كلامها ولازم تعافر لحد ما تسترضيها ،
قالت بترقب انا مشيتها خلاص مبقاش ليها أهمية تاني ،هي كانت جاية لاني كنت مشغولة وخلاص انا فضيت ،
زياد جه وقال بعصبية انتي عملتي كدا ليه انا عايز جنى بص لأخته باستنجاد ،خلي بابا يجيبها انا مستحيل اقعد هنا من غيرها ،
رينو حاوطت كتفه وقالت باطمئنان حبيبي متخافش هترجع بس اجهز وخلينا نمشي ،بصلها بعدم تصديق فقالت بوعد هو انا عمري قلتلك حاجة وكذبت عليك ،رد بنفي صراحة محصلش انتي عسل يا رينو وبتجيبيلي كل حاجة زي جنى ،ضمته بحب وحنان ،
بعدها تجاهلت سيلا وخرجت هدوم ليه وقررت تأجل اي كلام لحد ما ترجع من الدرس ،
سيلا نادت عليها بسرعة وقالت باستفهام قصدك ايه باللي قلتيه جوى ،هو انتي فاكرة أن البنت دي هتيجي هنا تاني ،ريناد جنى مجرد خدامة لا تعني ليكو شيء ،فبلاش الولاء الزايد عن حده ده ،
سليم خرج على صوتهم وشاور لبنته تشوف حالها ورد ببرود ،
عايزة ايه يا مدام ،طلبتي نمشيها قلنا حاضر نعملك ايه؟ ،زعقت بعصبية بنتك شكلها اتجننت دي عايزاها تيجي وبتوعد زياد بكدا ،
سليم قعد وبصلها باستفزاز ،هو مشانتي نفذتي اللي في دماغك ،دورك بقى تصلحي اللي افسدتيه ،
رجعي ثقتهم فيكي من جديد ،عوضيهم عن اهمالك تجاههم ،حاولي تمحي اي اثر لوجع قلوبهم منك ،صاحبي ريناد وخليكي سرها زي اي ام بعد كل اللي دمرتيه جواها ،قربي من زياد وعالجي سلوكياته المشينة مع أصحابه ،طمنيه في كل مرة هيجيلك خايف عشان غرق هدومه وهو نايم لانه تعبان نفسيا ،عالجي العنف والانطواء اللي بعدك وقسوتك اتسببو فيه ،ضمي اياد اللي كان بيفضل يصرخ عشانك لحد ما ينام من العياط وصوت شهقاته تقطع القلب ،
كان بيصرخ فيها بكل قوته ،مشطايق يبص في وشها ،كره كل لحظة جمعته بيها في يوم ،لعن كل مرة قلبه دق ليها ،
اما هي فكانت متجمدة من الصدمة اول مرة تحس أن سليم بقى واحد تاني عيونه كلها غضب وقلبه قاسي ،معقول يكون بطل يحبها ،لسه هتنطق لقته قال بثقة عشان هو عارف انها مش هيكون ليها مكان في حياتهم ،صدقيني لو قدرتي تعملي كل اللي قلته لك يمكن ولادك يكونو ليكي ،
قرب منها وقال بيقين بس انا وانتي متأكدين أن اللي بينكسر مستحيل يترمم تاني من نفس الايد ،اصل اللي بيهد مابيعرفش يعمر ،وانتي صراحة خربتي بيتنا ،
وجنى اللي مشعجباكي هي اللي عمرت وخلت الأرض البور تتملي ورد مفتح ،ولادك رموكي من حساباتهم ،اقبلي بالحقيقة دي بقى ،
اخد نفس طويل ومسح وشه وقال بانهاك ،اظن عرفتي ليه بنتك واثقة أنها هترجعها ليه ،
كمل بتفسير ،خلي بالك انا وافقت على قرارك مش دعم ليكي أو عشان انصرك عليها لا خالص ،
قرب من وشها وهمس بتشفي ،لكن كنت قاصد اوريكي كرههم ليكي ،حبيت تشوفي نفورهم منك ،عجبني اوي نظرات التحدي اللي بنتك بصتلك بيها ،
سيلا بصدمة مستحيل تكون سليم اللي حبيته وكان بيبقى ملهوف عليا ،معقول كل ده يطلع منك. ،كملت بقوة وإصرار ،انا هنسى كل العبط ده واوعدك اني هنسيهم البنت دي وهتشوف ،
سليم ضحك بصوته كله وقال بغموض اوكي وانا هتمتع اوي وانا شايفك قاعدة لوحدك في اخر المطاف ،وكمل بتسلية الا صحيح ايه اللي خلاكي تستقيلي وتفوقي فجءة وتحسي بالذنب وتقرري تسيبي منصب السيدة الخارقة بسهولة اوي كدا ،
سيلا كانت عايزة تمسح ابتسامته السمجة دي باي شكل ،عايزة تثور في وشه ،مشحابة يقف اصادها بالندية والعند دول ،هو مشكدا وطول عمره حليم وطيب ومش مؤذي طيب ليه اتحول للشخص ده ،
حاولت تهدى عشان ترد بمنطقية عشان مايشكش فيها ،
مشلازم يعرف لانه هيشمت فيها وهيوجعها باللي عمرها ماهتستحمله فقالت بكذب ،الشركة هتتقفل في مصر وهيفتتحوها في أوربا وقالو اللي هيحب يسافر يمضي على عقد لمدة ١٠ سنين أنه ماينزلش خالص مهما كانت المبررات. ،وطبعا ده مكانش مناسب ليا ،
سليم بذهول مصطنع ،يااااه انا مش مصدق هو فيه حاجة كدا ،اول مرة اسمع عن شركة بتعمل النظام ده ، لو بتقرءي روايات بطلي لأنها الظاهر أثرت على خيالك ،
كمل بغضب ،اخرسي لاني لو سبت نفسي عليكي مشهرحمك ،شدها بعنف وقال بصراخ زلزل كيانها من الرعب ،انتي قظرة وتستاهلي اللي كان هيجرالك ،
انا عرفت كل حاجه من اختك يا حقيرة ،فتحت عيونها من الصدمة وهمست بضياع ليلى ،
سليم زقها بحدة ايوا مانا اتنيلت رجعت بدري لما بعتت رسالة تعرفني فيها انك جيتي بعد ما مديرك ، حاول ،معرفش ينطق دي مهما كان مراته ،قال بغضب انا كرهتك يا سيلا ومشعايز نكمل سوى ،
دخل اوضتهم وقعد على السرير بتعب ،وهي جات وهمست برجاء سامحني عشان خاطري انا مستعدة اعمل اللي تطلبه مني ،
بصلها بملل ،انا حقيقي مرهق ومحتاج ارتاح شويا ،
سيلا مسكت أيده فسحبها في لحظة وقال بتحذير ،اوعي تلمسيني ابدا وقومي شوفي مكان تاني تقعدي فيه ،
سيلا بقهر وذل ،سليم انت بتقولي انا كدا ،
بصلها اوي وقال بتذكير ،فاكرة قلتلك ايه هنا وفي نفس المكان؟ ،
ساعتها وعدتك اني هفكرك بس هكون بمشاعر مختلفة وبظروف متغيرة ،وانا هكرر تاني ،مشعايزك يا سيلا امشي من هنا واحفظي كرامتك دي لو كانت لسه موجودة ،
اداها ضهره ونام وهي خرجت مقهورة ومصدومة من الكل ،
سليم رفضها وعيالها مشعايزينها حتى اختها خانت ثقتها ،عيطت بانهيار ،مشبس خسرت شغلها دي خسرت دنيتها ،لكن هي مشهتستسلم وهتحاول ترجع اللي ضيعته ،
قامت وجهزت اكل ولما اياد صحي جات تشيله بعد عنها وهو بيعيط وفضل ينادي على جنى ،في اللحظة دي كرهتها أضعاف وحست أنها اخدت مكانها في البيت وفي قلوب ولادها ،
سليم جه وسكته وبصلها بشماتة وسابها وخرج 🤍،
مر اسبوع والكل متجاهلها تماما ،لو كلمتهم بيردو بتذمر وعلى اد السؤال ،
لو عملت ليهم اي اكل مابيرضوش ياكلوه وبيطلبو من برى ،
لو قاعدة في مكان بيسيبوها ويمشو ،رفضو اي مساعدة منها لدرجة أن ابنها زهق وقال بزعيق ،امشي من هنا احنا مش عايزينك معانا ،
وفي مرة بنتها قالت بكره ،انا بتخنق اول ما بشوفك اصادي ،روحي مكان ما كنتي عشان وجودك فرق جمعنا وهدد استقرارنا ،
صدقيني وجودك مشمرغوب فيه ،سليم جاب اخره وقال بشكل مباشر ،سيلا انا كلمت المازون عشان إجراءات الطلاق ،انا مشعايزك تبقي على ذمتي اكتر من كدا ،بصت بصدمة وهي عاجزة عن الرد فكمل بحسم ،انا مشهسمع منك اي كلام ،
كفاية لحد كدا ،جهزي نفسك لانك هتمشي بمجرد ما هرمي عليكي اليمين. ،كمل بتذكر ،اه انا نسيت اعرفك اني متجوز جنى والعيال عارفين وموافقين كمان ،قرب وهزها بعنف فوقي انتي خسرتي يا مدام ،كنتي فاكرة هفضل قاعد استناكي صح ،كبرياءك صورلك انك هتدمريني وهبقى عليكي ،اسمحيلي انتي غبية وسازجة ،
اخد نفس طويل ونادى ولاده وقال باستفهام ،انتو بتحبو جيجي صح ،ريناد بصدق طبعا يا بابا وفرحانين انكو اتجوزتو وهنعيش كلنا سوى ،
بصت لامها بعدائية لكن وانتي مشموجودة وسطنا ،انتي اتخليتي عن دورك بكامل إرادتك فمتدوريش عليه دلوقتي لانه مبقاش يخصك ،احنا حبينا جنى عشان داوت جروحنا وكمان عوضت بابا عن كسرته منك ،
بعدت عنها وقالت بملل وجمود انا هروح المكتبة وهتاخر عشان عندي درس ،اتمنى لما اجي تكون خلصت كل شيء عشان ماما جنى تنور البيت بس وهي مراتك مش مجرد شغالة ،
زياد بسعادة انا فرحان أنها هترجع من تاني وهنلعب سوى ،سليم قال بجمود اعتقد اني اكدتلك اني بتكلم بجد ،سيلا جنى عشق حقيقي إنما انتي العشق الوهمي ،حبك مزيف ومشاعرك باردة ،انتي كدبة عشت فيها سنين وبحمد ربنا انه ظهرلي معدنك وبايدك انتي ،
انا تعبت من الرغي وهمشي لاني عايز اجهز ليلة مميزة لمراتي ،كلهم مشيو وهي لسه مشقادرة تستوعب ،معقول سليم عمل كدا ،وجنى خاينة وخطفته منها ،فاقت وفضلت تضحك وتعيط في نفس اللحظة ،روحها انقسمت نصين وصوت كسرة قلبها كان مسموع في ودانها ،
دلوقتي بس حصدت اللي زرعته ،هي قدمت كل شيء هدية على طبق من فضة وجنى قبلت هديتها بكل ترحاب 🤍،
جه الليل وسليم كان معرف ليلى وامها بحوار الطلاق ماهو عرفها كل حاجة لما اشتكى من إهمال بنتها بدل المرة الف وهي مقدرتش تلومه ابدا ،اخواتها كمان دعموه في قرار جوازه لدرجة أن واحد فيهم شهد على كتب الكتاب وده ،لانهم حذروها بس هي مسمعتش غير ل ليلى اللي كانت طايره من الفرح عشان بيتها اتخرب وهو ده اللي بتسعة ليه من زمان ،
خلصت المراسم وسليم قال براحة وعيون بتلمع بالفرح ،انتي طالق يا سيلا طالق بالتلاتة ،مضت بضياع وذهول وبعدها اخواتها اخدوها وسط صراخها ومشيو ،
ريناد بزعل ،احنا لازم نصالح جيجي ونفهمها أن كل حاجة خلصت ماشي ،سليم ضمهم كلهم وقال بموافقة حاضر يا حبايبي بس ساعدوني عشان نظبط ليها مفاجءة حلوة اوكي ،ردو بحماس اوكي يا اجمل اب في الدنيا 🤍،
جنى قاعدة في بيتها من يوم ما سليم قرر يمشيها رغم كل اللي بينهم ،
كانت موجوعة منه اوي مع أن ريناد فهمتها أن هو عمل كدا عشان يخلي سيلا تتأكد من استحالة تقبلهم ليها تاني. ،اصل العيال معرفوش يبعدو عنها طول الوقت ده فكانو بيروحو يقضو معاها كام ساعة كل يوم ،
تذاكرليهم وتاكلهم وتعمل ليهم كل طلباتهم زي العادي ،لكن هو مطلعش ولا مرة يشوفها ،بيكتفي أنه يطمن عليها منهم ،
كانت وحشاه اوي وهيموت ويشوف عيونها اللي بيعشقهم ،هي كمان اشتاقت ليه بجنون وفرحت أن خلاص انهارده سيلا هتخرج من حياتهم للابد وحبيبها هيبقى ليها لوحدها ،ابتسمت وقررت انها هتكلم ريناد تفهم منها الاخبار وهي ماسكة الفون سمعت الباب بيخبط ,واتفاجءت بسليم اصادها ومعاه الولاد ،
دخلو وسلمو عليها كلهم وفتحو العلب اللي كان فيها ترت وجاتوهات وقالو بفرحة سنة حلوة يا اجمل مامي في الدنيا ،
جنى بتأثر حبايبي تسلمولي ومنحرمش منكو ،بس عارفين احلى هدية هي كلمة مامي اللي خرجت قلبي من مكانه ،
حضنتهم اوي ،وزياد قال بمرح انتي احلى مامي وبنوعدك أننا هنفضل كلنا مع بعض لآخر العمر ،
ريناد بتأكيد فعلا احنا مشهنسمح لاي حد يبعدك عننا ابدا يا ماما ،جنى دموعها نزلت بفرح وقالت بحب انتو احلى حاجة حصلت ليا ،
سليم ابتسم ليها وكان نفسه يحضنها اوي ويعبر ليها عن كل اللي حاسس بيه ،قطعو التورتا وهزرو سوى وهيصو وبعد وقت كتير دخلتهم ينامو عندها ماهي ساكنة لوحدها لأن أهلها ميتين ومقطوعة من شجرة زي ما بيقولوا ،
خرجت ولقته مستنيها بس هي تجاهلته فقرب وشدها عليه وسط تذمرها وهمس باعتذار ،اسف ياقلبي انا عارف انك زعلتي لكن والله غصب عني ،مسد خدها وقال بشوق انتي وحشاني بجنون معقول اهون عليكي تحرميني من النظر لعيونك ،
جنى بعتاب انت ليه معرفتنيش وقتها ،مسك وشها وقرب منها اوي وهمس بعشق عشان لو كنت بصيت ليكي ولمحت دموعك كنت طردتها في لحظتها وماكنتش هسيبك تبعدي. ،اتنهد بحزن ،كان لازم اشوف بشكل فعلي أن ريناد واخواتها مشعايزينها ومتمسكين بيكي انتي ،خفت يجي يوم وحد فيهم يلومني لاني مادتش امهم فرصة تانية ،جنى بغيرة وضيق ياترى سيادتك قعدت معاها في أوضة واحدة؟ ،
ضحك اوي وهمس بحب لا ياقلبي محصلش والله انا كنت بنام مع اياد. ،وكمل بمشاكسة ،بعدين لو نفترض أنه حصل فعادي ده طبيعي ماهي كانت لسه مراتي ،
جنى بغيظ سلييييم متعصبنيش بجد هزعل منك ،ضمها وقال بجدية خلاص بهزر والله ،انا بحبك ولا يمكن اخلف وعدي معاكي ،
جنى استكانت في حضنه وهمست بعدم تصديق ،يعني بجد انت بقيت ليا لوحدي وانا بس اللي ملكك؟ ،
سليم بحنان اه ياروحي كل حاجة خلصت ،كمل بسعادة احلى لحظة لما بقيتي على اسمي فاكرة يا جيجي ،جنى ابتسمت وقالت بحب طبعا عشان انا اتولدت من جديد يومها يا حبيبي#فلاااااش باااااااك #جنى اعترفت لسليم بعشقها ليه وسط فرحته فقرر يقرب منها ويعبرلها عن حبه اللي حاسس بيه وقبل ما يعمل اللي فكر فيه جات اصاده صورة سيلا ،
افتكر ربنا وخاف منه ،تخيل ريناد مكانها وحد بياذيها بالشكل ده ،حس في الوقت ده أنه قظر ومعندهوش شرف ،بعد عنها بسرعة وهي كانت مصدومة ،معقول هي زبالة اوي كدا وكانت هتضيع بسبب اندفاعها وتهورها ،قعدت بعيد عنه ومقدرتش تنطق بحرف ماهي غلطانة وهي اللي دفعته يعمل كدا ،
اما هو فكان مشعارف يتخطى ذهوله ،ده كان هيرتكب معصية وكبيرة من الكبائر ،طب هو ليه مكانش ناضج كفاية أنه يمنع قربه منها ،حاول يهدى عشان ماتفهمش غلط وتجيب اللوم عليها لوحدها ،قعد بعيد عنها وقال باعتذار انا اسف بس مكانش ينفع يحصل أي تجاوز بينا حتى لو مجرد لمسة ايد ،
ربنا فوقني في اخر ثانية لاني عمري وقتها ما كنت هسامح نفسي ،عشان هبقى دمرتك وخنت سيلا اللي مهما عملت فمينفعش ابقى خاين ليها ،كمان ولادي مايستهلوش مني كدا ،واهم سبب ،هو الذنب اللي مش هقدر اتحمله يوم القيامة ،،جنى بدموع انا كمان غلطت ومشلاقية اي مبرر ادافع عني بيه ادامك ،
اخد نفس طويل وسكت لحظات وقال بلهفة واندفاع موافقة تتجوزيني ؟،بصت باستغراب طب امتا ولا ازاي مشفاهماك ،سليم بلهفة ،امتا فيوم الخميس ،ازاي فزي اي حد بيتجوز رسمي عند مازون وشهود ،جنى بحزن ،طب مراتك هتقولها ولا هتخبي عليها؟ ،ابتسم وقال بهدوء ،بصي انا مشهعرفها مشعشان خايف أو عايز اعيش في السر ولا حتى بعمل حاجة غلط ،بس لأنها خرجت من حساباتي للابد وبقت بالنسبة ليا زوجة على ورق ومابيربطنيش بيها غير صلة الدم وعيالي وخلاص فهمتي؟ ،
انا كل اللي هعمله هبلغ أهلها وهما عارفين كل اللي بنتهم عملته ،وبكدا اكون راعيت قرابتي ليها ،ها موافقة؟ ،
جنى بتفكير بس تعرف الولاد وتاخد رأيهم الاول من غير مأكون موجودة ،اوعدك لو جم وباركو ليا هوافق فورا ،سليم هز دماغه بموافقة ،
وقررو مايختلوش ببعض ابدا قبل الجواز ،دعو ربنا في صلواتهم أنه يغفر ليهم كل الذنوب دي ،وفعلا عرف الولاد وفرحو جدا وكمان بلغ أهل سيلا اللي رغم حزنهم عشان بنتهم لكن وافقو لأن بنتهم هي اللي مهملة ودمرت بيتها ،
ليلى شمتت في اختها وراحت تحضر كتب الكتاب اللي اتعمل في مسجد عشان شرط الاشهار يتحقق ،كانت بتكذب عليها لما قالت إنها ماتعرفش حاجه عن ولادها ،
#باااااك ،اتنهدو بعشق وضمها ليه اوي وهو حاسس أنه مرتاح وقال بجدية حبيبي عندي موضوع عايز اكلمك فيه ،
رفعت وشها من حضنه وقالت باهتمام خير ياقلبي انا سامعاك ،
اتنهد بحيرة انا جالي عقد برى مصر بفكر اقبله ونستقر هناك في امريكا ايه رايك؟ ،سيلا بتساؤل انت عايز ايه ،هل حابب تبعد خالص عن هنا ولا بتفكر وبس؟ ،
سليم بزهق ،صراحة انا متردد شويا بس بنسبة كبيرة عايز امشي من هنا ،يمكن دي فرصة لينا انا وانتي والولاد نبدء حياتنا في بلد جديدة بعيد عن الذكريات السيئة دي ،
جنى بحماس انتقله تلقائيا يبقى ماتفكرش كتير واقبل العرض ،سليم بذهول بجد موافقة يعني مشهتندمي انك هتسيبي بلدك وهتيجي معايا لمصير مجهول؟ ،مسكت أيده وقالت بحب انا اروح معاك للجحيم ياحبيبي وهبقى مبسوطة ،بعدين انا معنديش اللي يخليني اقعد هنا غيرك انت والولاد فطالما هنكون سوى فمايفرقليش اي مكان نهائي ،
سليم بارتياح تمام انا هبدء ابيع حاجتي واجمع فلوسي من البنك وهنسافر بعد ما السنة دي تخلص ،
جنى بابتسامة ماشي ياقلبي وانا هشرح للولاد واحدة واحدة عشان يفهمونا ،
هز دماغه باماءة وفعلا ظبط كل الإجراءات وجهز كل الاوراق للسفر بشكل نهائي وسط حماس ولاده لخطوة مختلفة زي دي 🤩،
اما سيلا فكانت هتجنن ،بقت مشقادرة تتخطى فكرة أن جنى اخدت كل حاجه منها ،فضلت حابسة نفسها في أوضتها ،كرهت أهلها وشافت أنهم خاينين عشان وافقو على مؤامرة ضدها ،اقسمت أنها مستعدة تدمرهم كلهم لو سمحت ليها الفرصة ،حست اد ايه هي ضعيفه وماتقدرش تنفذ اي شيء ،اخرها تتكلم وخلاص ،
دموعها نشفت وقلبها اتقهر ،اتمنت لو الزمن يرجع بيها لورى مكانتش هتفرط في بيتها مهما كانت الأسباب ،
ليلى قررت تيجي تكشف ليها اد ايه بتكرهها وشمتانة فيها ،دخلت وقالت براحة وهي بتبصلها اوي ،ياااه يا سيلا ماتتخيليش انا مرتاحة ازاي بعد كل اللي وصلتي ليه ،
رفعت وشها وقالت بضيق امشي انا أساسا محاسبتكيش على اللي قلتيه لسليم ،كملت بزعيق انا امنتك على سري تفضحيني ليه
تمت بحمد الله
