رواية ورطة زواج الفصل الرابع بقلم لبنى عباس ( نجمة الشمال )
لكم راجي الشاب الذي مسك يد هالة فارتد على الكرسي ووقع للخلف وفر الشاب الآخر فنظر إلى الملقى على الأرض وظل يضرب فيه
وأخواته يصرخون فيه ان يتركوه فترك راجي الشاب بعد ما أعطاه ضربة مبرح ولم يبقى عظمة سليمة فيه ذهب ناحية الطاولة وأخرج محفظته ودفع الحساب
مسك راجي يد هالة وصرخ فيهم :
- يلا
خرجوا جميعا من المطعم وركبوا العربية
كان راجي غاضبا وكانوا البنات خائفين منه فنظر راجي إليهم ثم ابعد نظره بعيدا ونظر من النافذة على الطريق
وصلوا البيت بعد مدة
راجي وهو ينزل من العربية بغضب :
- انتي ازاي تسيبه يمسك يديك
هالة بغضب :
- ايه اللي بتقوله دا انت فاكرني قولته امسك يدي ولا حاجه ولا انا اللي قولته تعالي عاكسني صح
راجي بعصبية :
- آه غلطانه هو كان هيعاكسك لو مكنتش جميلة
خجلت هالة من كلمته وادرك راجي ما قال فنظر بعيدا
ريتال وهي تهدأ الوضع :
- خلاص ي راجي انت وهالة الموضوع عدي على خير
راجي :
- ادخلوا يلا البيت
هالة :
- ثوان بس ي ريتال
ثم نظرت إلى راجي وقالت بغضب :
- لو اتكلمت معايا كدا تاني صدقني مش هيعدي على خير
راجي :
- ريتال قولت ادخلوا البيت
ريتال وهي تشد هالة للدخول برجاء :
- يلا ي هالة
دخلوا البنات البيت وصعدوا إلى غرفة هالة
ذهب راجي الي غرفته وهو غاضبا
راجي بغضب :
- سيطر على نفسك ي راجي محلصش حاجه لكل دا
في غرفة هالة
ريتال :
- معلش ي هالة بس راجي لما يتعصب مش بيشوف قدامه
هالة بدموع :
- أنا ذنبي إيه يعني ي ريتال أنا ما صدقت ان بيعامل كويس اهو رجع لعادته القديمة
ريتال وهي تخفف عنها :
- مش ذنبك حاجه ي حبيبتي بس راجي كويس لما يتعصب تستحمليه شوية
هالة :
- حاضر هحاول وأمري الله
ريم بغمزة :
- بس باين علي راجي أن هو وقع على بوزه
ريتال :
- تقصدي إيه
ريم بمكر :
- يعني الصنارة غمزت
ريتال بغضب :
- ما توضحي كلامك ي بت
ريم بتساؤل :
- راجي ضرب الولد ليه
ريتال :
- علشان كان بيعاكسنا
ريم بخبث وهي تنظر لهالة :
- غلط راجي ضربه علشان مسك يد هالة ومعنى كدا انه بيغير عليها وبدأ يعجب بيها
تذكرت هالة جملته التي قالها وابتمست تلقائياً ثم قالت بارتباك :
- مستحيل طبعآ مفيش حاجه كدا
ريم بسخرية وهي تقلدها :
- مستحيل طبعا
ثم اردف بمكر :
- يمكن مش راجي بس اللي صنارة عنده كمان
هالة بغيظ :
- اللي يشوفك يقول حلوة وكدا ميعرفش انك سم
ريم بضحك وهي ترسل لها قبلة في الهواء :
- على قلبي زي العسل
وقامت هالة برمي المخدة عليها وفمكست ريم المخدة وبدأت تضربها بها
ريتال :
- والله انتوا فايقين ورايقين انا همشي
نظروا هالة وريم إلى بعض ثم بدأوا في ضرب ريتال بالمخدة وظلوا يضربون في بعض إلى أن سمعوا طرق على الباب ثم دخل من على الباب وكان راجي فصدمت هالة من قدومه
راجي وهو ينظر إلى هالة :
- ممكن أتكلم معاكي
هالة بخجل :
- أكيد
راجي بندم :
- أنا أسف إني زعقت فيك كنت متعصب وطلعته عليكي معلش مكنتش قصدي
هالة بخجل :
- لاء ولايهمك
غادر راجي ونظروا البنات إلى هالة بمكر
هالة بتوتر وهي تنظر إليهم :
- في ايه بتبصوا عليا ليه
ريم بمكر :
- عادي مفيش حاجة
هالة بتوتر :
- طيب يلا كل واحدة على اوضتها تعبانة وعاوزة انام
ريم بكبرياء مصطنع :
- احنا بنطردنا صح
ريتال هي الأخرى بكبرياء مصطنع :
- بنطردنا ايوة بس بشياكة
ريم وهي تضع يديها على كتف ريتال وتقول بحزن مصطنع :
- يلا ي اختي احنا مالناش إلا بعضينا
خرجوا البنات من الغرفة ورقدت هالة على السرير ثم رفعت يديها التي مسكها راجي ونظرت إليها وابتسمت اغمضت عيونها بابتسامه وسريعا ما غرقت في النوم
ريم بغلاسة :
- ايه رايك نغلس على راجي شوية
ريتال بضحك :
- يلا بينا
نزلوا الي الأسفل وطرقوا على باب غرفة راجي الذي اخذ قليلا من الوقت ليفتح لهم ثم دخلوا
راجي باستغراب لوجودهم وقد تركهم منذ قليل في غرفة هالة :
- في حاجه
ريم بابتسامة :
مفيش حاجه ي راجي احنا جينا نطمن عليك
راجي بقلق :
- مش كنتهم مع هالة قبل شوية في حاجه... حصل ليها حاجه
ريتال بمكر :
- لاء مفيهاش حاجه بس غريبة ي راجي قلقان على هالة ولاء اعتذرت ليها كمان
راجي باستغراب :
- وفيها إيه أنا اعتذرت لما كلمتها غلط
ريتال بخبث :
- أصلا غريبة احنا عمرنا ما شوفتنا راجي بيعتذر لأحد
ريم بمكر :
- دي هتبقى مراته فعادي ي بنتي راجي اعتذر علشان هالة متزعلش قالها ايه اسف مكنتش قصدي معليش
ثم اردفت بغناء وهي ترقص كمغنية ميرنا فارس وتهز كتفيها
- جاي تقولي معليش... معليش اوه معليش
قاتل حاله عليا وأنا مالي بيه
راجي بغضب مصطنع وهي يمسك ريم من الخلف :
بترقصي قدامي كنت فين وانتي بتربي معرفش
ريم وهي تكمل غناء :
كنت بتاخد كورس في معليش
معليش أوه معليش
شاركت ريتال ريم في الرقص
جالي تقولي معليش
مسك راجي اخواته الاثنيتن من ملابسهم من الخلف
راجي بحسرة :
- أنا معرفش اربي لا كبيرة ولا صغيرة يلا بره
ريتال :
- احنا بنطرد تاني بس معليش
ريم بغناء وهي ترقص :
غدارة ي دنيا لو تسمحي..... برضو معلش فيك ي دنيا
فيك ي دنيا برضو معليش فيك ي دنيا
ريتال :
- فيك دنيا
راجي بغيظ :
- يقطع معليش وسنين معليش ياريت ما كنت قولت الكلمة دي يلا بره
ريتال بكبرياء مبعثر للمرة الثانية :
- احنا بنطرد للمرة التانية
ريم :
- يلا نلم كرامتنا ونمشي غدارة ي دنيا لو تسمحي
واردفت ببكاء مصطنع وهي تغمز لراجي ثم جرت للخارج :
- برضو معلش فيك ي دنيا
وخرجوا البنات وضحك راجي على جنونهم
في الصباح التالي كانت الاستعدادات على قدم وساق كانت تذبح الذبائح وتفرق على الفقراء في داخل القصر كان أصوات أدوات الطبخ والخدم الذي يجرون في كل مكان حتى يتنهوا سريعا قبل قدوم الليل
في غرفة هالة كانت تنظر من النافذة على تحضيرات كتب الكتاب كانت مبتسمة من الخارج ولكن من الداخل تشعر بعض الحزن فهي تمنت لو كانت والدتها موجودة بجوارها قد تركها منذ زمن طويل وهذا ما يجعلها حزينة فهي تتمنى وجودها في مثل هذا اليوم وتحزن بشأن أمر اخر وهو أن راجي لا يتزوجها بارادته تمنت لو زواجها كان طبيعي فكيف ذلك وحياتها ليست طبيعية من الأساس فهي سوف يتزوج من شخص لا يريد الزواج ولا يريدها هي من الأساس
وعند هذا الخاطر كادت تدمع عنياها لكن اخرجها من أفكارها صوت طرق على الباب
هالة بصوت طبيعي :
- اتفضل
ريم بمرح :
- ايه دا ي عروسة انت لسه متجهزش احنا ورانا حاجات كثيرة اووي
هالة بحزن :
- مفيش داعي لحاجات دي ي ريم أنا هلبس الفستان والطرحة وبس
ريم بمرح :
- أنت عاوزة أمي تذبحني دي تقاليد ي ماما وأحنا لازم نتبع التقاليد علشان متنزلش علينا لعنة أجدادنا ولا انتي عاوزة لعنة أجدادنا تنزل علينا لو كدا فدا كلام تاني انت متعرفيش ممكن يحصل ايه لو
قاطعها هالة مسرعة وهي تضع يدها على فمها :
- خلاص خلاص هلبس أنا غلطانة أن أتكلمت
ثم حركت يدها من على فم ريم
ريم وهي تبعث لها قبلة في الهواء :
- شاطرة أنا كدا أحبك اسيب تستعدي على ما الميكب أرست تستعد
هالة :
- هي جاءت
ريم وهي تشير بيديها :
- ايوو من بدري
دخلت هالة لتأخذ شاور ونزلت ريم للأسفل وبعد قليل صعدوا مرة أخرى واخذوا معهم طعام لهالة
طرقوا على الباب
هالة وهي تجفف شعرها :
- اتفضل
ريتال بابتسامة :
- صباحك سكر ي قمر
هالة بحب :
- صباح الخيرات عليكي ي حبيبتي
ريتال :
- اخبار عروستنا ايه
هالة :
- بخير الحمد لله
ريتال :
- أحنا قدامنا يوم طويل فمش هنعرف ناكل فجبت اكل هنا علشان نعرف نفطر قبل ما الميكب أرست تبدأ
هالة باستغراب :
- وهي فين الميكب
وقفت ريتال على السرير ومسكت فرشاة الشعر وبدأت تعلن وهي تنظر في كل مكان
- سيداتي انساتي أحب اقدم إليكم الوحيدة والجميلة والفريدة من نوعها the lonely أشهر ميكب ارتست في العالم كله ريم بشير
ريم وهي تحي وترسل قبلات :
- شكرا شكرا
هالة بصدمة :
- نعم ازاي مش فاهمة
ريم بشرح :
- أنا بحب المكيب اووي فخدت كورسات على النت لحتى ما بقيت بيرفكت وأنا قريب هفتح محل صغير ليا دلوقتي هل تسمحي لي أن اجهزك ي عروسة أم هذة الفتاة لا تليق
هالة بحماس :
- موافقة اكيد
ثم اردفت بخوف
بس اوعي تبوظي وشي
ريم بثقة :
- مين اللي تبوظ وشك بس
إحنا نأكل دلوقتي وبعد كدا نشتغل على وشك تمام
هالة :
- تمام
في المساء
تم كتب كتاب راجي وهالة وما أن دخل حتى تكلم الرجل الذي سمعهم البارحة وحكي للرجال ما سمعه ولم يتحدثوا الرجالة واجلوا الأمر للصباح
في الداخل
دخل راجي ليلبسها الشبكة
ماجدة :
- نسيب العرسان مع بعض شوية
ثم دخلوا غرفة كانت مزينة لهم
وما أن دخل راجي الغرفة حتى دار بنظره في المكان كله ولا ينظر إلى الواقفة جواره
ما رأي طاولة الطعام حتى ذهب ناحيتها وجلس على الكرسي وبدأ يأكل بنهم
هالة بابتسامة :
- شكلك جائع اووى
راجي بتوتر فهي أصبحت زوجته لكنه لا يعرف كيف يتصرف معها :
- يوم كان طويل ومتعب فعلشان كدا
هالة بابتسامة :
- بالهنا والشفا
ابتسم راجي ثم رجع ليكمل طعامه
بدأت هالة تتمشى في الغرفة وتتجول فيها وكان تركيز راجي بالكامل معها
راجي باحباط :
- معلش بس كدا مش عارف اركز
هالة بانتباه :
- اسفة بس مش لاقية حاجه أعملها
أكملت وهي تتحرك ناحية الباب
- أنا هروح اوضتي أحسن
راجي بسرعة :
- لاء خليكي
ثم قال بحرج :
- قصدي استنى لما نطلع سوا أقولك على حاجه تعالي اكلي معايا بدلا ما بأكل لوحدي
هالة بتوتر :
- لاء انا مش جعانة
راجي :
- تعالي
جلست هالة ثم بدأت تفرك في يديها بتوتر الذي زاد ما أن جلست
راجي :
- كلي يلا مد يديك
بدأت هالة في الأكل ومن الجوع بدأت تأكل بسرعة ونهم حتى تزيل توترها وكانت تضع اللقيمات في فمها ورا بعض إلى أن اختنقت وبدأت تسعل
راجي بقلق وهي يمسد على ظهرها :
- أهدى أهدى ثم أعطاها مياه
راجي بعد ما هدات هالة من حالة السعال :
- أحسن دلوقتي
سكت راجي قليلا ثم بدأ يضحك
هالة باستغراب :
- في ايه وبتضحك فجأة ليه كدا
راجي بضحك :
- دايما بسمع عن وفاة عريس وعروسة بسبب السخان ودلوقتي شوفت ازاي كنت هتموتي و أنتي بتكح بدرجة فظيعة بسبب الأكل
هالة بسخرية وهي ترفع حاجبيها :
- والله
راجي دون أن يتنبه إلى كلامه :
- عارف ناس في الآخر بتتكلم وتحكي ان العريس قتل مراته ومعرفش إيه
شقهت هالة بصدمة أما راجي ظل يلعن نفسه وإن لم ينتبه لكلامه وقاله بدون وعي
راجي بتبرير :
- انا مكنتش قصدي
هالة بحرج :
- ولا يهمك
ظل راجي يلعن في نفسه ويشتم في باله بكل الألفاظ
راجي :
- معلش ي هالة بس أنا متوتر لما اتوتر تلاقيني
( وتجيلي تلاقيني لسه بخيري ايوة أنا غيري مفيش سكر محلي محطوط على سوري اندمجت شوية😂😂😂)
كدا معرفش بقول ايه وغير كدا مش عارف أتصرف بطبيعتي واتعامل عادي ولا أعمل ايه ب
قاطعته هالة وهي تردف بابتسامة :
- فاهمك ي راجي بص أتعامل معايا زي ما يريحك أتعامل كاصدقاء ماشي أخوات ماشي أو زي أي زوجين عادي أتصرف براحتك
راجي براحة :
- ربنا يطمن قلبك طيب بصي احنا نبدأ واحدة واحدة نتعرف على بعض ونبقى صحاب تمام
هالة :
- تمام
راجي بابتسامة :
- نتعرف على بعض من أول وجديد
أنا راجي وانتي ي قمر
هالة وهي تمد يديها لتصافحه :
- هالة
راجي بمغازلة :
- تسمحلي ليا أبدى إعجابي بيك وأقول إنك زي القمر
هالة وهي ترفع كتفها في إشارة لنفسها وتحاول إخفاء خجلها التحدث بمرح :
- أنا دايما جميلة
راجي بغمزة :
- ي واثق في نفسك انت
وظلوا يتحدثون إلى أن بدأت هالة تبثأوث وهي تضع يدها على فمها
راجي وهو ينظر إلى الساعة :
- ايه دا... دا الوقت اتأخر قووي وإحنا قاعدين نحكي أنا مش سامع صوت كلكم ناموا ولا ايه
فتح راجي الباب ثم خرجوا
راجي باستغراب :
- دا ما محدش خبط علينا تحس ان هم ما صدقوا يخلصوا منا إحنا كلنا عالة عليهم وأنا معرفش ولا إيه
شردت هالة في كلامه هل هو حقا كذلك هم لا يريدونها لم تفكر بالأمر من هذة الجهة بل كانت تفكر أن راجي مجبور عليها ولم تفكر في الأمر من ناحيتها لماذا أهلها يصرون على زواجها كذلك الا اذا كان لا يريدونها
راجي وهو يحرك يديه أمام وجهها
راجي :
- هالة روحت فين
هالة بعدم انتباه :
- اها
راجي :
- ايه اها دي روحت فين ي بنتي بقالي ساعة بكلمك
هالة باستهجان :
- بنتي ليه شايفني طفلة للدرجات يعني
راجي بسخرية :
- يعني أنا بقالي ساعة بنادي عليكي وفي الاخر مش مركزة وسيبت كل الكلام ومسكت في بنتي والله بتهزري
هالة وهو تشعر بالغضب لا تعرف ربما بسبب ما قاله :
- لاء مش بهزر هو أنا طفلة علشان تقولي كدا
راجي وهي مستغرب حالتها :
- لاء مش طفلة وأنا غلطان ي ستي
هالة بعد ما هدأت فهو لا ذنب له في غضبها
- خلاص معلش ي راجي اتنزفرت عليك
راجي :
- ولا يهمك تصبحي على خير يا صحبتي
هالة :
- وانت من اهل الخير
في الصباح
كانت هالة تجلس في غرفتها وتفكر في راجي وتتذكر ما حدث بينهم البارحة
هالة :
- أنا شكلي هاحبه ولا إيه
قلبها :
- أنت بتحبيه خلاص وقعت وانتهى الأمر
عقلها :
- لاء انت مش بتحبيه اوعي تحبيه ايش عرفك أن هيفضل معاكي ولا هسيبك
قلبها :
- اعترفي لراجي ي هالة لما يعرف انك بتحبيه مستحيل يسيبك
هالة بتوتر :
- لاء لاء لسه بدري أنا وراجي علاقتنا لسه في بدايتها مستحيل أروح أقول بحبك وأحنا معدش علينا أسبوع حتى
في الأسفل
راجي :
- أحنا هنرجع البيت خلاص ي عمدة واظن ان كتبت كتابي على هالة يبقى نرجع البيت هتبقى عيبة في حقي لو قعدت في بيت أهل مراتي دا
عبدالرحمن :
- تمام ي راجي
وذهب راجي وعيلته إلى منزلهم ومرت الأيام وبدأ راجي يعتاد على هالة
ذهب راجي إلى منزل هالة ليزورها
راجي باستاذان :
- هاخد هالة البيت عندنا ي حج بعد إذنك
الكبير بابتسامه :
- دي مراتك ي ولدي خدها عادي
نزلت هالة بعد أن أرسل جدها أحدا لتنزل وما أن أتت حتى ألقت السلام على راجي ثم خرجوا
هالة بتساؤل :
- هنروح فين
راجي :
- رايحين البيت عندي
في منزل راجي
ريم وهي تدخل غرفة والدتها لتقظ والدتها بعد ما وجدت انها ما زالت نائمة حتى الآن وهذا آثار استغرابها :
- هروح اصحى ماما ي ريتال
ريتال :
- ماشي
دخلت ريم لتصحي والدتها وكانت والدتها نائمة ونادت عليها فلم ترد
ريم بقلق :
- ريتال ماما مش راضية تصحى
ريتال بابتسامه :
- اصحيها تاني ي بت ماما نومها خفيف وهتصحي
تأكدت ريم من تنفس والدتها وجدته منقطعا ولا يوجد نفس
في نفس الوقت في الخارج كان راجي يطرق باب منزلهم بصحبته هالة زوجته جرت ريم للخارج لتفتح لها وفتحت الباب ثم دخل هو وهالة
راجي وهو يسلم عليها :
- ازيكي ي بت ثم اكمل بغناء وازاي ماما.... وبابا ازاي..... ازاي طنط.... وازي البت..... واحمد وتميم
ريم بخوف :
- الحق ي راجي ماما قاطعة النفس
راجي وهو ينظر لزوجته بلا مبالاة وكأنه لم يسمع شئ :
- ادخلي اقعدي
وثم نظر الي ريم وقال بأمر :
- روحي ي ريم هاتي كوباية مية هموت من العطش
دخلت ريم الي والدتها وظلت تصحى فيها وحين لم تستيقظ بدأت في البكاء دخلت ريتال حين سمعت صوت بكاء ريم وظلت تقظ في والدتها لكنها لم تستيقظ أيضا وشعرت بالخوف على والدتها فهي لم تستيقظ إلى الآن
في الخارج قلقت هالة وقامت لتدخل فمسك راجي يديها
راجي باستغراب :
- رايحة فين
هالة بصدمة من رده فعله :
- رايحة اشوف ماما
راجي بصرامة :
- خليك هنا
هالة بغضب :
- ايه البرود اللي انت فيه اللي جوه دي امك
راجي ببرود :
- تصدقي مكنتش اعرف شكرا على المعلومة الجديدة متنسيش احنا اتزوجنا ازاي مفيش داعي تلعبي دور الكنة الطيبة
هالة بغضب وهي تستغرب مما يقوله :
- دا ملوش دعوة بزواحنا وانا مسمحتش ليك انك تقول عليا كدا وانا مش بمثل
راجي بضيق :
- خلاص خلاص اهدي انا الغلطان اني مسكت ايدك تفضلى شوفي انتي رايحة فين
وقفت هالة مكانها تنظر اليه وهي تعقد ساعديها أمام صدرها وتهز رجلها بغضب
راجي بتتأفف :
- خلاص خلاص هقوم اشوف ماما
دخل راجي المكان وكانوا ريتال وريم يحاولون افاقتها وجلس راجي بجانبها على السرير وظل يحاول افاقتها
راجي :
- ماما قومي لو سمحت بلاش هزار
لم تسجيب
راجي :
- ي ماما بطلي مقالب بقى
ومثل المرة الأولى لم تجيب ايضا
بدأ راجي في البكاء
راجي ببكاء وهو يصرخ :
- متسيبش ي ماما انا ليه مين غيرك مين هيشتمني ويقولي ي ابن الموكوسة قومي ي ماما انا سمعت كلامك وتجوزت مش نفسك تشوفي عيالي قومي بقى علشان انتي اللي هتربي
راجي بصريخ وهي يمسك امه من كتفيها ويهزها بقوة :
- ماماااااااااااا
