رواية امتلكني بالاجبار الفصل السادس
ادهم بص على مريم اللي جسمها كان بيترعش من الخوف
ادهم رجع بص على جلال /انت مين يا جدع انت و ايه جابك هنا
جلال بصلهم باحتقار/انا ابوها و لا الهانم مش معرفاك أن عندها اب ...كمل و هو بيبص بقرف...ما هي اللي تشتغل في القرف ده اكيد معندهاش أهل
مريم قامت بصعوبة و هي بتقف وره ادهم و اتكلمت بهمس/خليه يمشي من هنا
ادهم بغضب/قرف ايه يا بني ادم انت مش عارف بتتكلم مع مين
جلال طلع السكينه بشر و هو بيبص على مريم /جاي اخد شرفي اللي بنتي ضيعته
أدهم ببرود/نزل اللعبه اللي في ايدك دي
جلال و هو بيقرب علي مريم اللي انكمشت من الخوف و شريط ذكرياتها بيعدي قدامها و بتفتكر قد ايه كانت عايشه في خوف و ضرب و اهانه طول حياتها
جلال/مشيتي و سبتي البيت و خدتي اختك و قولت ماشي ريحتيني من الهم التقيل اللي علي قلبي بس لما تيجي في شرفي ميكفنيش فيكي روحك يا مريم
قال كلامه و هو بيرفع السكينه عليها بس ادهم مسك أيده بغضب/مريم مراتي و انا مش هحسبك علي الكلام اللي قولته دلوقتي بس مريم مراتي و ابقي اسئل مين ادهم نصار قبل تيجي هنا
جلال بص علي مريم بسخريه/طبعا عشان يداري على قرفك قال الكلمتين دول
ادهم بغضب/كلامك معايا انا قولتلك
جلال بعصبيه/و انا ابوها و من حقي اعرف بنتي اتجوزت ازاي من ورايا ده لو كانت متجوزاك فعلا
مريم بدموع/والله العظيم مش بعمل حاجه غلط
جلال /و هو في غلط اكتر من كده عايشه مع راجل غريب لوحدكم
ادهم /قولتلك مراتي و يلا امشي من هنا عشان متعملش معاك بأسلوب مش لطيف....و كمل بسخريه ..ده انت حمايا برضو
جلال بغضب/مش همشي غير لما اخد كاميليا هي فين
مريم بخوف/لا مش هتخدها هديك اللي انت عايزه بس متخدهاش ونبي
جلال/هترميلي ملاليم زي اللي رمتيهملي قبل كده
ادهم بصله بقرف/طب ما طلاما دي سكتك كنت قولت من الاول....كمل كلامه بهدوء مخيف...امشي و فلوسك هتوصلك
جلال بخبث/يومين لو الفلوس موصلتش هاجي اخدها
مريم قعدت على الكرسي و هي بتعيط
ادهم نزل لمستواها /مش هياخدها اطمني
مريم بنفي/لا هياخدها مني مش هيسيبها
ادهم /مش هياخدها صدقيني ..ادهم مدلها أيده..انا بوعدك أنه مش هياخدها
مريم بصت علي أيده بصدمه و هي بتمسح دموعها/ايدك.. ايدك بتنزل دم
ادهم بص على أيده بهدوء/اه ده ممكن من السكينه عورتني و انا مش واخد بالي
مريم وقفت/بس ده دم كتير
ادهم جه يرد عليها بس لقاها اختفت من قدامه و رجعت بعد شويه و هي بتقعد قدامه بهدوء
مريم مسكت أيده و هي بتنضف الجرح/ملقتش غير قطن و شاش هعملك بيه مؤقت و انت ابقي عدي على الصيدليه
ادهم ابتسم بهدوء
مريم نفخت علي أيده بهدوء /كده احسن
ادهم /اه اه شكرا
مريم قامت من قدامه بهدوء و طلعت اوضتها
_________________________
نور كانت قاعده في اوضتها بهدوء و هي بتفكر تروح لمريم
مامتها دخلت اوضتها و بصت بضيق/لا بقي بصي انتي من امبارح و انتي مش عجباني و متوتره كده و مش على بعضك في ايه
نور بتوتر/مفيش حاجه يا ماما
مامتها قعدت قدامها (فاطمه)/و لما هو مفيش مروحتيش لمريم ليه انهارده و منزلتيش الكليه بتاعتك ليه
نور بصتلها بحيره و هي مش عارفه تقول ايه
فاطمه/مريم حصلها حاجه
نور اتنهدت بهدوء/مريم اتجوزت يا ماما
فاطمه بفرحه/بجد امتي
نور بضيق/امبارح
فاطمه /ازاي متقوليش هي نسيت أني خالتها و لا ايه كلميهالي البت دي و يلا نروحلها
نور /لا مينفعش
فاطمه بأستغراب/مينفعش لي
نور بتوتر/قصدي مينفعش عشان هي سافرت
فاطمه/و كاميليا فين
نور/خدتها معاها
فاطمه ابتسمت بفرحه/باين عليها متجوزه واد ابن حلال ربنا يهنيها يا حبيبتي
نور بصتلها بسخريه و هي بتقول في نفسها/ابن حلال اوي
______________________________
ناديه/و سبتها و مشيت يا اخويا
جلال /هعملها ايه يعني ما طلعت متجوزه
ناديه /متجوزه ايه و هو الجدع اللي عايش في قصر زي ده هيتجوز بنتك على ايه
جلال بدون وعي/خلاص بقي يا ناديه روحي هاتي البرشام اللي جوه
ناديه قعدت قدامه بخبث/البرشام قرب يخلص و مفيش حد هيرضي يديك حاجه تاني من غير فلوس
جلال /ماشي ماشي هاتي بس اللي فاضل و انا هتصرف و اجيب الفلوس
ناديه ابتسمت بخبث و هي بتقوم من قدامه و بتجيب البرشام
__________________________
مريم وقفت بصدمه /و قولتلها
نور بهدوء/اكيد لا قولتلها انك اتجوزتي و خلاص
مريم اتنهدت بهدوء/بابا جه انهارده
نور/و هو عرف مكانك منين احنا ما صدقنا خلصنا منه عملك حاجه
مريم/مشي يا نور طلب فلوس زي كل مره و مشي
نور/و ادهم هتعملي معاه ايه
مريم بدموع/مش عارفه يا نور وجوده بيخنقني مش عارفه اتعامل معاه مش عارفه هفضل كده لحد امتي
نور حضنتها بحب/ مريم انتي لازم تدوري وراه متسبيهوش كده يستغل ضعفك افضلي وراه بكل الطرق اي حاجه تلاقيها ممكن تأذيه و تخلصك منه متتردديش لحظه و اعملي فيه زي اللي عمله فيكي متخليهوش يستغل ضعفك يا مريم
مريم سكتت و دموعها بتنزل في صمت
_________________________
معتز/مش ناوي تسيبك من اللعبه دي كفايه اللي حصلها بسببك امبارح
ادهم/مريم في حاجه في حياتها غريبه
معتز/غريبه ازاي يعني
ادهم/كلها على بعضها غريبه ازاي عايشه مع اختها لوحدها فين مامتها و بعد اللي حصل انهارده جه في بالي ميت سؤال ايه اللي يخلي بنت في سنها تسيب البيت و تعيش لوحدها
معتز /مجربتش تسألها
ادهم /مش عارف بس خوفها من ابوها انهارده بيأكدلي أن في حاجه
معتز /مش عارف نهايتك ايه يا ادهم
___________________________
مريم كانت نايمه و مغمضه عينيها و فتحتها على حركة ادهم في الاوضه
مريم قربت منه بهدوء /خالتي عرفت أننا اتجوزت
ادهم بصلها بسخريه/و المطلوب
مريم اتكلمت و هي بتتنفس بصعوبه/خالتي عايزه تيجي تزورني
ادهم اتكلم و هو بيفرد جسمه على السرير/خليها تيجي
مريم قعدت جمبه بهدوء/اللي احنا فيه ده هيفضل لحد أمتي
ادهم بصلها بتقييم و هو بيرجع شعرها لوره/برأيك انتي كده ممكن ده يستمر لحد امتي
مريم بعدت أيده بقرف
ادهم رجع دماغه لوره/والله كله متوقف عليكي
مريم /يعني ايه
ادهم همس جنب ودنها/شوفي هتبقي جاهز امتي تديني حقي الشرعي
