رواية غموض الحب عائلة الرفاعى الفصل السبعون بقلم لولا
وفتحت الصور اتصدمت بشده وحطت ايديها على بوقها كانت صور لاسماء فمختلف خروجاتها مع سليم بنفس استايل اللبس اللي سيف زعقلها عليه وواقفه جنبه في البار وبتضحك فتابعت بهمس وخوف : يانهار اسود ومنيل يانهاار اسود وحطت ايديها على وشها بصدمه
عمر من وراها ها كلمتيها ؟
زينب شهقت جامد واتخضت والفون وقع من ايديها مقلوب وبصت للفون ورفعت نظرها لعمر بتوتر شديد
فاستغرب عمر وتابع مالك يا زينب في ايه ??
زينب بتوتر مفيش يحبيبي ورجعت شعرها ورا ودنها وتابعت مفيش انا .. انا بس كنت سرحانه وانت لما جيت اتخضيت فا الفون وقع مني وبعت لاسماء اه
عمر ابتسم وباس جبينها وتابع بسم الله عليكي يحبيبتي ومشى ايديه طالع نازل على كتفها
زينب ابتسمت بتوتر وتابعت ولا يهمك يحبيبي عادي
عمر ابتسم ووطى رايح يمسك الفون فوطت زينب بسرعه جابته قبله وتابعت بضحك مصطنع : سيبه هغير صورتنا اللي على الشاشه علشان كنت حامل ومش عجباني كمل الفطار بقى بالله عليك علشان جوعت
عمر بحب حاضر من عيوني كنت طالع بس اسالك البيض هتاكليه اومليت ولا مسلوق
زينب بابتسامه مسلوق
عمر بحب ماشي يا قمر انت وغمز
زينب بضحك عمر اتلم واخلص جعانه بالله عليك
عمر بحب يخرابي ياناس مزتي جعانه وانا واقف بارد كده !! بس منا بردو جعان وساكت اهو
زينب بضحك طب اخلص بقى وبسرعه علشان ناكل
عمر بخبث لا انا نيتي حاجه تانيه
زينب بضحك اممم قولتلي طب هنعمل نفسنا معرفناش ايه هي نيتك وادخل حضر الفطار يا عمر
عمر بضحك داخل علشان مفيش وقت وهننزل بس مسيرنا هنرجع بيتنا هااا
زينب بضحك طب اخلص ياعمر علشان الحق اكل عدل قبل ما ابنك يصحى
عمر ضحك لا متشيليش همه هعمله كراويه
زينب بضحك بالله غايظني انت والكراويه يلا خلص الاكل لحد منا اغير هدومي وجايه علشان ننزل ومنتاخرش
عمر بضحك تمام ماشي ودخل المطبخ وهي دخلت الاوضه وقفلت الباب ووقفت وراه وفتحت فون عمر وبصت للصور بذهول ومسحتهم من عند عمر وعملت للرقم بلوك ومسحته وتنهدت بارتياح وتابعت الحمدلله اني انا اللي شوفتهم ربنا يستر بجد وراحت غيرت وطلعت لقيت عمر بيرص الاكل فابتسمت وقعدت وتابعت في حاجه جوه ادخل اجيبها ??
عمر بحب لا خليكي دول اخر طبقين هجيبهم انا
ودخل وفون زينب رن فمسكته ولقيت سهر صاحبتها فردت عليها تابعت الو
سهر بحب ايه يا بنتي اخبارك ايه طمنيني ??
زينب بحب الحمد لله يا حبيبتي كويسه انتي عامله ايه
سهر بحب انا الحمد لله كويسه قوليلي عملتي ايه في اللي قولتلك عليه
زينب بصت وراها ملقيتش عمر فرجعت اتعدلت تاني في قعدتها وتابعت بتوتر والله يا سهر هو لسه نازل اجازه بقاله يومين بس ولسه مقلتلوش حاجه
سهر اخلصي يا زينب بجد بطلي برود كلمه اه هتريح وكلمه لا هتريح متقعديش تاجلي
زينب بتوتر حاضر هشوف عمر وهاكد عليكي اقرب وقت باذن الله بس انا عارفه انه هيرفض والله
عمر من وراها باستغراب هرفض ايه ???
زينب اتخضت من وجوده وتابعت بتوتر طب سلام انتي يا سهر دلوقتي هكلمك بعدين
سهر باي وقفلت معاها وحطت الفون على جنب
فحط عمر الاطباق وتابع باستغراب اه مقولتليش هرفض ايه ??
زينب بتوتر لا ولا حاجه احنا ناكل دلوقتي وبعدين نتكلم
عمر تنهد بعمق وتابع لو حاجه عارفه اني فعلا هرفضها وفري كلامك وصوتي العالي احسن مش لازم الناس تتفرج علينا
زينه ابتسمت بتوتر وتابعت لا والله هي حاجه اول مره هاخد رايك فيها مختلفه خالص عن اي حاجه عملتها قبل كده فمعرفش فعلا هترفض ولا لا
عمر بتنهيده طب قولي
زينب بتوتر لا لا لما نروح لياسمين ونرجع
عمر بتنهيده اللي يريحك يلا كلي طيب عشان منتاخرش
زينب بابتسامه متوتره حاضر وبدات تاكل بالفعل وتابعت تسلم ايدك يعمري
عمر ابتسم وتابع الف هنا يحبيبي
——-
عند يونس ونور في الكليه
يونس ساب القلم وتابع بتنهيده عميقه : بس كده تمام انهارده صوروا اللي اتكتب وضيفوه كملاحظات في الكشكول واي حد عنده اسئله يبقي يبعتلي علشان انا همشي بدري انهارده مش قاعد اتفضلوا
وكلهم بدائو يتحركوا علشان يمشوا ونور قامت وقفت بتعب وتأوهت بوجع بصوت منخفض ويونس لاحظ وراح سندها وتابع بخوف مالك في ايه ??
نور بابتسامه مفيش حاجه يحبيبي متخافش بطني واجعاني شويه بس
يونس حط ايديه على كتفها وضمها لصدره وباس راسها وطلع مفتاح عربيته من جيبه وتابع طب مفتاح العربيه اهو روحي اقعدي وانا خمسه وجايلك
نور خدته وتابعت باستغراب ليه رايح فين
يونس رايح المكتب ثواني وجايلك وبص على البنات النازلين من المدرج وتابع بصوت مسموع : سيلياااا
سيليا لفت وبصتله وتابعت نعم يا دكتور ?
يونس برفعه حاجب: ورايا على مكتبي وساب نور ونزل وسيليا ابتسمت بفرح وتابعت حاضر جايه ونزلت تروح وراه
نور فتحت بوقها بدهشه وتابعت بعصبيه هو ايه اللي بيهببه دده !!!
هند بخوف بس بس اهدي وطي صوتك عادي دي طالبه عنده يمكن عايز يقولها حاجه
نور بعصبيه يقولها ايه وزفت ايه .. يعني هو يسيبني واقفه وبقوله تعبانه ويروح يرغي مع ست زفته في المكتب وبعدين انا هروح العربيه ليه ما انا ادخل واسمعهم بيقولوا ايه ولا هو عيب اقف اسمع
هند يا بنتي اقصري الشر واحترمي نفسك واسمعي كلام جوزك حرام عليكي ثقي فيه شويه ده قال قدام الكل انه بيحبك
نور بعصبيه لا يا هند دي ملهاش علاقه انا بثق في جوزي وعارفه انه ميشوفش غيري انما مبثقش فيها هي وخصوصا انا عارفه نيتها ناحيته ايه ده صبره عليا بجدد ونزلت بسرعه عشان تروح على مكتب يونس وهند وراها
في مكتب يونس دخل قعد وسيليا وقفت قدامه
سيليا بابتسامه اؤمرني يا دكتور عاوزني في ايه
يونس بتنهيده انا هحذرك مره انما قسما بالله العظيم في التانيه مش هتكوني بره محاضراتي بس ولا بره الكليه بس انتي هتكوني بره الجامعه كلها هرجعك على بلدكم بمعنى اصح
سيليا بتوتر هو في ايه يا دكتور هو انا عملت لحضرتك حاجه ضايقتك ??
يونس بحده عملتي لمراتي واللي يحاول يأذي مراتي كانه اذاني انا بالظبط
سيليا بتوتر ليه هو انا عملت ايه مش فاهمه
يونس بعصبيه سيلياااا انا استعباط مش عااايز سبق وروحتي قولتيلها قااسم غاار في ستين داهيه ماات علشان تخربي حياتنا وانا عديتها وقولت عيله صغيره قد اختك متحطش عقلك بعقلها وكبر دماغك انما توصل لانك عايزة توقعيهاا من على سلم المدرج !! ليه ان شاء الله ملهاااش ضهر يُقفلهاا ولا اييه
سيليا بعياط يا دكتور والله انا مكنتش هوقعها ولا عملت حاجه هي اتكعبلت انا ذنبي ايه
يونس بعصبيه طب متحلفيش طيب علشان ربنا ميسخطكيش وانتي واقفه ده انا شاايفك بعيني وانتي بتوقعي الشنطه علشان توقعيها ودي اخر مره هحذرك يا سيليا انما قسما بالله بعد كده هتشوفي مني وش احقر من ماتتخيلي اتفضلي غوري براا
سيليا عيطت وخرجت وقفلت الباب ونور شافتها بتمشي وبتعيط واستغربت اوي وتابعت مالها دي
هند بستغراب مش عارفه هيكون قالها ايه ??
نور بغيره هنشوف دلوقتي ورايحه تدخل يونس خرج فلما شافها تابع بتنهيده مش قايلك استنيني في العربيه يا نور
نور برفعه حاجب وانت مكنتش عايزني افضل معاك ليه ??
يونس بتنهيده لا انا بنسبالي مش هتفرق بس علشان انتي تعبانه فكنت عايزك ترتاحي لحد ما اجيلك المهم يلا علشان نمشي
نور بحده استنى يا يونس انت كنت بتهبب ايه مع البت دي ومش عايزني اكون موجوده
يونس برفعه حاجب وبحده : هو ايه اللي كنت بهبب ايه معاها ومش عايزك تكوني موجوده انتي اتجننتي ولا ايه ???!!!
نور بحده والله سؤال واضح جاوب عليه ولا انا مش من حقي اني …
يونس بمقاطعه وبحده: نوررر
نور بدموع وبحده نعم
يونس بعصبيه فوقي لنفسك وانتي بتتكلمي ونقي كلامك علشان مزعلكيش
نور رايحه تتكلم فتابع يونس بعصبيه هششش خلصنا خلاااص شدي بلاستر واتكتمي علشان مدكيش قلم واقل منك قدام صاحبتك ومشي
فتابعت نور بدموع شايفه الاسلوب ???
هند بحزن حقك عليا واحده واحده وكل حاجه هتتحل والله هو بس زعل علشان انتي عارفه هو بيحبك قد ايه فمفيش داعي لاسلوبك اللي كله شك ده
نور بحده ودموع انا غيرانه علييه مش بشك
هند طبطبت عليها بحزن وتابعت عارفه والله حقك عليا اهدي بقى علشان اللي في بطنك مينفعش كده
نور مسحت دموعها وتابعت بتنهيده حزينه : همشي انا علشان متأخرش عليه وهبقى اكلمك يا هند
هند بحزن ماشي يحبيبتي خلي بالك من نفسك
نور ابتسمت بحزن وتابعت حاضر
ومشيت وراحت ركبت جنب يونس اللي ملامحه اتغيرت لانه كلم ياسمين وبيحاول ميبينش
نور بقلق مالك في ايه
يونس وهو بيسوق تابع بقلق مفيش ..مفيش حاجه
نور بخوف ياسمين وزين كويسين ???
يونس هز راسه ب اه وتابع اه اه كويسين متخافيش وتنهد بعمق وهو بيدعي ربنا انا احمد يبقى بخير ومشي على المستشفى
——————–
في المستشفى الكل كان قاعد متوتر وزينب وعمر كانوا وصلوا وعرفوا اللي حصل ومستنيين الدكتور يطمنهم ودقايق وخرج الدكتور وكلهم جريوا عليه مره واحده وتابع مازن بخوف شديد ها يا دكتور طمني احمد اخباره ايه ??
الدكتور بابتسامه الحمد لله عدى مرحله الخطر ونقلناه اوضه عاديه وهيمشي بكره وشويه وهيفوق باذن الله
كلهم تنهدوا بارتياح وحمدوا ربنا وشهد عيطت بفرح وتابعت الحمد والشكر ليك يا رب الحمد لله طب انا عايزه اشوفه يا دكتور ارجوك
الدكتور بابتسامه تقدري تخشي تشوفيه عادي
شهد بدموع عشان خاطري سيبوني معاه شويه لوحدنا وبعدين ادخلوا
مازن ابتسم والدموع متجمعه في عينيه وتابع ادخلي حبيبتي عادي المهم ان احنا اطمنا عليه
سيف تنهد بارتياح وتابع والله العظيم الواحد كان قلبه هيقف الحمد والشكر ليك يا رب
امنيه بحب الحمد لله حقيقي ربنا يطمنكم عليه ويكمل شفاه على خير يا رب
عايده بدموع فرح : يا رب يا بنتي يا رب يسمع منك ربنا الحمد والشكر ليك يا رب انه كويس
زينب بقلق طب يا دكتور ده كان بسبب ايه ??
الدكتور ضغط نفسي وهو مريض قلب فمستحملش فاتمنى الفتره اللي جايه ان كل اللي حواليه يدعموه وبلاش ضغط عليه في التفكير او في اي حاجه
شهد غمضت عينيها بوجع فتابع عمر الحمد لله انه كويس دي بالدنيا كلها ناخد بالنا بقى في اللي جاي
ياسمين بابتسامه باذن الله الحمد لله يا رب انه بخير
شهد بدموع طب انا هدخله
الدكتور بابتسامه اتفضلي تعالي ورايا هوديكي
وبالفعل مشيت وراه ودموعها بتنزل على خدها بوجع وندم واحساس بالذنب وفي نفس الوقت بتحمد ربنا انه كويس ووصلوا عند الاوضه فتابع الدكتور هي الاوضه دي بتاعته اتفضلي فابتسمت شهد وتابعت شكرا
الدكتور العفو تحت امرك ومشي وهي دخلت وشافته نايم وحاطينله جهاز اكسجين ومعلقين كانيولا فعيطت وراحت قعدت جنبه وشدت الكرسي قربته اوي منه ومسكت ايديه وباستها بحب وتابعت بعياط حقك عليا ينورعيني … انا اسفه يا احمد .. متزعلش مني والله مقصدش كل ده يحصل .. انت لو كان حصلك حاجه انا كنت هموت انا مش عايشه غير علشانك اصلا .. وعيشت طول حياتي مستنيه تبقى معايا .. ليه تخليني قاعده انهارده خايفه الدنيا كلها تطفي في عيني وتسبني ??? وعيطت اكتر وتابعت انا عارفه ان انت عملت علشاني كتير وحاولت تخليني اثق فيك مره والف وانا اللي لسه بشك بس والله من كتر حبي فيك وغيرتي عليك انما مقصدش اوصلك للضغط النفسي ده … حقك عليا يحبيبي وعيطت وتابعت قوم يا احمد وخليك كويس علشان خاطري .. شهد تعبانه من غيرك .. شهد انت مصدر قوتها وعمري مااقدر اسيبك وقطع لساني لو قولت كلمه تانيه ضايقتك ده انت حبيبي وصاحبي وابويا واخويا وكل دنيتي ومقدرش اعيش من غيرك والله العظيم انا بقول اي كلام انما انت لو كان حصلك حاجه انا كنت هاجي وراك علطول واصلا مقدرش اشوفك مع حد غيري وابتسمت بوجع وتابعت ده انا عشت عمري كله بدعي تكون نصيبي ومستنيه تعقل وتتغير فاكيد مش لما تبقى معايا هفرط فيك كده بس انا غصب عني وحياتك عندي يا احمد وعيطت لما بصت على شكله وتابعت انا اسفه والله اسفه بعد الشر عليك من التعب ووجع القلب والموت وكل اللي انت فيه ده ياريتني انا وانت لا يحبيبي وعيطت اكتر وتابعت ياريتني انا وانت لا والله وفضلت تبوس ايديه وهي محطوطه على السرير ودموعها بتنزل على ايديه
فهمس احمد بتعب : بس يحيوانه بعد الشر
شهد اتفاجئت ورفعت وشها بسرعه وبصتله بفرح ودموعها نزلت وتابعت احمد انت فوقت ?? انت سامعني ?? انت كويس صح ??
احمد ابتسم بتعب وتابع بهمس كويس يحبيبتي كويس متخافيش
شهد بعياط يعمرري الف الف مليون سلامه عليك ينورعيني انا اسفه والله
احمد حاول يتعدل فتأوه بوجع فخافت شهد وتابعت بس واحده واحده على مهلك ابوس ايديك وقامت عدلته في قعدته وقعدت تاني وتابعت بعياط وانهيار: حقك عليا وغلاوتي عندك ماتزعل مني والله مقصدش كل ده يحصل
احمد نزل جهاز الاوكسجين من على وشه وحط ايديه على كتفها وضمها لصدره وباس راسها بعمق وهي بتعيط بشده وهمس مقدرش ازعل منك ده انتي بنتي يعبيطه
شهد عيطت بدموع فرح وتابعت يعني وغلاوه شهد مش زعلان ??
احمد باس جبينها وتابع وغلاوه شهد مش زعلان اهدي بقى وكفاياكي عياط حقك عليا
شهد بعياط ده حقك انت اللي عليا .. ده انا روحي كانت بتطلع بالبطيئ وحاسه قلبي هيقف وانا قاعده مستنيه الدكتور يطلع يطمني والله
احمد طبطب عليها وتابع بابتسامه خلاص خلاص اهدي بنورعيني انا كويس اهو والله
شهد بدموع الحمدلله الف مره انك كويس يحبيبي
احمد ابتسم وسند جبينه على جبينها وهمس بحب شهد
شهد بدموع ايه يعيون شهد
احمد ابتسم بحب وتابع ماتوافقي نتجوز في الكام يوم دول
شهد فتحت عينيها بتفاجئ وتابعت بضحك من بين دموعها انت مجنون صح ??
احمد بصلها بحب وتابع هو انتي اللي يحبك ميبقاش مجنون ?? ورايح يقرب فوقفته وتابعت بضحك احمد بس اتربى انت التعب اثر على مخك ولا اييه
احمد بصلها بهيام وتابع بالله عليكي يا شيخه وافقي جبت اخري
شهد فضلت تضحك وتابعت ما تجيب اخرك ولا اولك اعملك ايه انا ?? وبعدين انا قاعده قلقانه وبعيط علشان انت تعبان ومش مستوعبه اننا في المستشفى والدكاتره رايحه جايه عليك وجو يقلق وماصدقت فوقت علشان اطمن قلبي انك بخير .. تقوم انت في عالم موازي تقولي ما توافقي نتجوز في الكام يوم دول !!!
احمد بضحك شهد خلصي بجد مبهزرش فرقت ايه يعني من دلوقتي لبعد 8 شهور ??
شهد بضحك لا يااراجل تصدق صح مفرفتش اوعااا عايزه اقوم انت حاضني على فكره
احمد بضحك والمصحف ??!!
شهد بضحك احمد بطل استعباط واوعااا بجد
واحمد ضحك ورايح يتكلم دخلوا فاجاه فشهد بعدت عن احمد بسرعه ويونس ونور كانوا معاهم فتابعت نور بعياط وخوف وهي بتجري عليه : احمد مالك يحبيبي انت كويس
احمد خدها في حضنه وباس راسها وتابع بحب بس بس اهدي كويس والله يحبيبتي متخافيش
يونس بحده انت كنت بتعمل ايه يا حيوان انت قبل ما ندخل ??
احمد بضحك ايه كنت بعمل ايه مش فاهم
يونس بحده احمدد متخلنيش اغيب عليك وربنا
نور بعياط بس يا يونس مش وقته خناق هيكون بيعمل ايه يعني ما هو تعبان قدامك اهو
يونس بحده ممكن تخرسي انتي خالص ومسمعتش صوتك انا بتكلم معاه هو وبص لشهد بحده
شهد بصت للارض بتوتر وسكتت فتابع يونس بحده ماشي ماشي لما نروح هطلع عين اهلك انهارده
مازن بستغراب هو في ايه ??
احمد بضحك يا ابني مفيش حاجه وربنا انا كنت حاطط ايدي على كتفها وبطبطب عليها علشان كانت بتعيط مش فاهم انا ايه معصب يونس
يونس بحده يا ابني مش عايزه امد ايدي عليك انت تعبان فشد بلاستر واقعد ساكت
سيف فضل يضحك وتابع يبجحك يااخي يعني حاضن اخته ومش عايزه يتعصب ??
امنيه فضلت تضحك وتابعت طب ماتجوزوهم يا جماعه شهد دخلت طب ودي لسه بدري اوي عليها يعني مش هينفع نقول تتخرج بعدين تتجوز فاخلصوا منهم بقى وريحونا وخليهم يرتاحوا
احمد بضحك ايوووه عليكي نور يا دكتوره هو ده اللي انا بتكلم فيه والله لسه مع شهد انا عايزه اتجوزها خلاص بجد جبت اخري
يونس ضرب كف في كف وتابع بحده يا ابني مش عايز اهزقك واقل منك قدام الناس هو ايه اللي جبت اخرك ?? جبت اخرك ازاي يعني ?? انت عبيط في دماغك ولا ايه ???
كلهم فضلوا يضحكوا فتابع سيف بضحك حقك عليا امسحها فيا انا بيحبها يا جدع اعذره ده انت بتحب من زمان وفاهم
يونس بحده يعني هو عمر لو قال كده على زينب انت هتسكتله ???
سيف بضحك ده يتدفن حي في ليلتها
كلهم فضلوا يضحكوا بشده فتابع عمر بضحك تشكر يا ابو نسب
سيف بضحك حبيبي
يونس برفعه حاجب طيب عايزني اسكتله ليه ??
سيف بضحك علشان ده ابن عمك يعني من لحمك ودمك هندفن لحمنا ودمنا يعني يا يونس ?? مش كده ياخي
احمد بضحك بالله عليك وافق وخليها تتجوزني الاسبوع الجاي
كلهم فضلوا يضحكوا فتابعت عايده بضحك شوف الواد اللي قاعدين خايفين عليه وهنموت من الرعب واول ما فاق يقولك عايز اتجوز فيك صحه انت ياخويا للجواز
كلهم فضلوا يضحكوا فاحمد بص لشهد بحب وتابع ده الواحد يخف مخصوص والله العظيم يا ست الكل
شهد اتكسفت وبصت للارض ويونس بص لسيف وشاور على احمد وتابع شوف بردو !!!
سيف فضل يضحك وتابع حقك عليا .. حقك عليا انا عيل وفرحان
مازن بضحك لا ده حقيقي مستفز انا مش عارف ادافع عنه وقعت قلبنا يا حيوان واول ما تفوق تعمل مشاكل كده
احمد بضحك الله يا جماعه بقول عايز اتجوز هو انا قولت ايه بس
نور وهي نايمه في حضن احمد تابعت علشان خاطري يا يونس وافق بليز وانا والله لما نروح هحضرلك حتت مفاجاه محصلتش
كلهم فضلوا يضحكوا فتابعت نور بضحك لالا والله العظيم مفاجاه محترمه محدش يفهمني غلط
يونس بضحك مش عايز منك مفاجات انا كده كده مش بكلمك
نور بتمثيل حزن بذمتك نورك تهون عليك ???
سيف زغده في جنبه وتابع بضحك نورك هتهون عليك ??
يونس فضل يضحك وتابع احترم نفسك يا حيوان متركزش
سيف فضل يضحك وتابع مركزش ايه دي عرفت الكل ان في مفاجاه في البيت وغمز
نور فضلت تضحك وتابعت والله العظيم مش اللي في دماغك بس هو يوافق على جواز احمد وشهد في خلال الاسبوع الجاي وانا هقوله لما نروح
عز الدين بضحك على اساس ان يونس بس اللي لازم يوافق مش كده ??
احمد بضحك يا عمي يا عمي انت حبيبي ومعايا مش هتزعلني كده كده انا واثق فيك
عز الدين فضل يضحك وتابع واثق فيا اه
صافيه بضحك شوف الواد وجنانه الاسبوع اللي جاي ايه يا حبيبي انا عارفه ان شقتك خلصانه وفاضل فيها حاجات بسيطه مستنين المهندسه تعملها بس فاجاه كده
احمد بضحك يا تيته الله يخليكي خليكي محضر خير او اسكتي خالص
صافيه بضحك شوف الواد وقله ادبه
عمر بضحك هو ماشي بمبدا لتقل خير او تصمت
احمد بضحك بالظبط كده
مازن راح باس راسه وتابع بضحك قوم طيب بالف سلامه واحنا هنقنع يونس باذن الله سلامتك يحبيب اخوك
احمد بحب الله يسلمك يا غالي
يونس برفعه حاجب لا هوافق ولا هتنيل
زينب بضحك سؤال بس انتوا عمالين تتكلموا مش تشوفوا راي العروسه اللي عايزين تجوزوها الاسبوع اللي جاي دي ولا هو لازم تتزنق زيي
عمر برفعه حاجب ليه يعمري هو انتي زعلانه ان فرحنا جي فاجاه ??
زينب بضحك يخواتي دي احلى فاجاه جات في حياتي
عمر فضل يضحك وخدها في حضنه وتابع اصيله والله يا بت يا زينب
سيف بضحك اه اصيله زينب لدرجه محترمتش لا كبير ولا صغير ولا عيل بيرضع حتى وسابتك تحضنها قدامنا
كلهم فضلوا يضحكوا فتابعت زينب بضحك حقك عليا يعمري نسيت
سيف بضحك نسيتي اه ده انا هطلع عين اهلك بس مش دلوقتي
عمر بضحك الله مراتي يجدع هو عيب ??
سيف بضحك بالنسبالي عيب
يونس بضحك يعني زينب مراته ومستحملتش وشهد خطيبها وتقولي عيل وفرحان
كلهم فضلوا يضحكوا فتابع سيف بضحك يا عم قولنا ده ابن عمك ولحمنا ودمنا مش غريب الله
يونس بضحك اه انت اخترعت دين جديد وانت واقف مش كده ???
سيف بضحك اه حاجه زي كده
احمد بضحك والله انت حبيبي يا سيف وربنا يعلم سبب من ضمن الاسباب اللي عايز الفرح الاسبوع اللي جاي علشانها ان انت تبقى وسطنا
شهد الدموع اتجمعت في عينيها وتابعت مبدائيا فعلا مش هتجوز من غير سيف
كلهم فضلوا يضحكوا لانها كده موافقه فعلا تتجوز الاسبوع الجاي ويونس بصلها بذهول من موافقتها وسيف ابتسم بحب وتابع يا حبيبت سيف ونور عين سيف هبقى معاكم ان شاء الله
ياسمين بضحك انا رايي تستخبي احسن يا شهد
شهد بضحك وتوتر اه حسيتها فعلا
يونس بذهول ده انتي عايزه تتربي والله العظيم هو انتي موافقه وانا رافض عادي كده ??
شهد راحت حضنته وتابعت بحب اكيد مش هعمل حاجه انت مش عاوزها بس اعتقد ان انت هتوافق علشان انا هكون مبسوطه مش كده ??
احمد ابتسم بفرح ان شهد وافقت ويونس حضنها وضمها لصدره اكتر وباس راسها بعمق وتابع اكيد اي حاجه هتفرحك انا مقدرش اعترض عليها
كلهم فرحوا بشده وشهد ابتسمت في حضنه واحمد ابتسم بفرح شديد ونور زغرطت بفرح فبصلها يونس وتابع بحده بس يا بت اخفي صوتك ده
نور بضحك الله ياخويا مبسوطه في ايه
يونس بضحك اخوكي في عينك وعين اهلك يشيخه
ايمن بضحك تشكر يمحترم
يونس بضحك بنتك اللي مستفزه والله يا عمي
احمد بضحك المهم ان انت وافقت وان الفرح الاسبوع الجاي يلا بقى خرجوني من ام المستشفى دي علشان الحق اخلص الحاجات اللي فاضله
مازن بصله بحده وتابع هتخرج بكره استعجال واستعباط في صحتك مش عايز
احمد بذهول هو ايه اللي بكره انا كويس اصلا وبعدين ياسمين مولدتش ليه
ياسمين بضحك هو كان في حد اعصابه موجوده علشان اولد الحمد لله جات من عند ربنا انا كنت اصلا متوتره
احمد تنهد بعمق وتابع حقكم عليا بجد طب هتولدي امتى كده
مازن بابتسامه بكره ان شاء الله ومتقولش كده يا عبيط ده نحمد ربنا ان انت بخير ودي بالدنيا كلها
احمد بحب ربنا يديمك ليا يقلب اخوك
مازن بحب ويديمك ليا يا رب وباس راسه
عايده بحب حمد لله على سلامتك يقلب امك
احمد بحب الله يسلمك يا ست الكل
سيف بحب خليك يا احمد النهارده متتعبش نفسك وبكره لما تخرج باذن الله نكتب الكتاب وايدينا في ايدين بعض هنخلص اللي فاضل في شقتك خلال الاسبوع
احمد ابتسم بفرح وتابع موافق جدا تمام
شهد اتوترت شويه وابتسمت بحب لفرحته ومن جواها ابتدت تقلق لكونها خلاص هتبقى عروسه
ونور لاحظت توترها وتابعت بابتسامه مالك بس ما كنتي فرحانه اتوترتي ليه تعالي طيب عايزاكي في كلمتين برا
يونس بضحك عشنا وشوفنا نور متجوزه وعايزه شهد عشان تقولها كلمتين
كلهم فضلوا يضحكوا فتابعت نور بضحك لا على فكره انا اعجبك اوي
يونس بضحك اه فالمفروض دلوقتي ان انتي خبره وتهدي توترها بقى مش كده
نور بضحك عيب عليك هتهدى وهتشوف يلا يا بت يا شهد تعالي
شهد بضحك حاضر جايه
وطلعت معاها فتابع سيف بابتسامه نور فعلا عقلت وبقيت حاجه تاني بصراحه
يونس ابتسم بحب وتابع الحمد لله حقيقي
احمد بضحك طب انا عايز اعرف هتقولها ايه ??
كلهم فضلوا بيضحكوا فتابع يونس بضحك مش لازم تعرف بس احب اطمنك طالما نور اللي بتنصحها فهيطلع عين اهلك
وكلهم فضلوا يضحكوا وقعدوا مع احمد شويه واطمنوا عليه وشهد صممت تفضل معاه والباقي مشيوا يروحوا وامنيه صممت تقعد مع سيف شويه على البحر وكانت الساعه 7:00 بالليل
سيف قاعد وواخدها في حضنه قدام البحر والدنيا هدوء وفي نسمه هواء فبصلها وهي نايمه على صدره وتابع بضحك انتي هتنامي ولا ايه
امنيه بضحك لالا بغمض عيني عايزه استرخي بس متقلقش
سيف بضحك لا اقلق هتناميلي في الشارع على اخر الزمن قومي طيب نروح البيت
امنيه بحب لالا بالله عليك خلينا الجو حلو اوي وغمضت عينيها تاني باستمتاع فباس جبينها بعمق وتابع بحب طب بردانه تاخدي الجاكت
امنيه هزت راسها ب لا وتابعت بحب لا يحبيبي خليك عادي مش اوي
سيف بضحك لازمتها ايه لا يحبيبي خليك عادي اما هترزعي اخرها كلمه مش اوي بتتعبي ضميري يعني علشان اتحايل عليكي شويه ??
امنيه فضلت تضحك وتابعت بصراحه اه اصل مستحرمه اقلعلك جاكتك الجو هوا
سيف عدلها من حضنه وتابع بضحك وهو بيقلع الجاكت : طب ماقولنا نروح يالهوي عليكي ده انتي عنيده بشكل محصلش
امنيه بضحك شوف مين بيتكلم عن العند مؤسس نادي العند بنفسه
سيف فضل يضحك وهو بيلبسها الجاكت وتابع طب بالله انتي بتقولي فيها انتي عنيده وانا اعند منك ابتديت اقلق على بريتي
امنيه بضحك هتطلع زينا اصل هتجيبه منين يعني العقل والهدوء
سيف وهو بيرجعها حضنه تاني فنامت على صدره تابع بضحك لعمها يونس باذن الله
امنيه بضحك طب ده ياريت والله اتمنى الا صحيح يا سيف
سيف بحب عيون سيف وباس ايديها اللي على صدره
امنيه بحب عمرك اتمنيت امنيه واتحققت
سيف بحب اه امنيه
امنيه رفعتله وشها وتابعت بحب ايه هي بقى
سيف باس خدها وهمس بحب منا بقولك « امنيه »
امنيه اتفاجئت وابتسمت بحب واضح والدموع اتجمعت في عينيها وتابعت بالله بموت فيك يا قلب ونور عين وروح امنيه انت وباست خده ورجعت نامت في حضنه تاني وهي بتبتسم بدموع
سيف بضحك طب وليه طيب ما انا لما برجع ارد عليكي بتزعلي وكمان احنا في الشارع
امنيه فضلت تضحك وتابعت سيف اتلم واحترم نفسك
سيف نزل ايديه اللي على كتفها حطها على وسطها وشدها ليه وتابع بحب تعالي نقوم باحترامنا علشان بوليس الاداب ميعديش ويزعلنا دلوقتي
امنيه فضلت تضحك وتابعت لا متخافش محدش قاعد غيرنا وبعدين انا جوزي رائد في الجيش هو اي حد ولا ايه
سيف بضحك تصدقي صح جوزك رائد في الجيش .. بس انا ليه معاكي بنسى اني ظابط محترم وليا هيبتي طيب ???
امنيه فضلت تضحك بشده وتابعت علشان امنيه مش اي حد ولا ايه ??
سيف بحب امنيه فعلا مش اي حد وسند جبينه على جبينها وتابع : امنيه كل الناس وكل الدنيا في عيني
امنيه ابتسمت بحب وتابعت بحبك
سيف ابتسم بحب وتابع اكتر والله يلا قومي نروح علشان وصلت للحد الاقصى من الصبر خلاص
امنيه فضلت تضحك وتابعت لا خلينا شويه
سيف بضحك يلا يا امنيه واحشاني والله العظيم
امنيه بضحك اتلم مش هروح معاك انا
سيف بضحك مش هتروحي معايا اه ربنا يهديكي يابنتي وقام وقف و بص حواليه لقى الدنيا فاضيه وهدوء فوطى شالها بين ايديه فشهقت وفضلت تضحك وتابعت سيف مبهزرش بجد مش عايزه اروح انا
سيف بابتسامه يعني بقولك واحشاني
امنيه ابتسمت بحب وتابعت خلاص يبقى نروح
سيف فضل يضحك وتابع والله بموت فيكي وباس راسها بعمق وهو ماشي بيها في اتجاه عربيته
امنيه بحب والله وانا اكتر
ووصلوا عند العربيه وفتح قعدها ولف قعد جنبها ومشيوا في اتجاه بيتهم
——–
عند اسماء في الصيدليه
قعدت على الكرسي وتنهدت بعمق وتابعت بتعب: ياختااي مقعدتش على رجلي من ساعه ماجيت
زياد بضحك ماقولتلك خليكي انتي وانا واقف بس ازاي تسيبي الجدعانه والشهامه لمين
اسماء مسكت فونها وتابعت بضحك اصل انا هنزل اعمل ايه صح لما اقعد ده دلع ده
زياد بابتسامه وماله ما اي بنوته مينفعهاش غير الدلع اصلا والشغل والمرمطه ده للرجاله
اسماء بابتسامه اممم قولتلي .. هو انت منهم يا زياد بتوع الست ملهاش الا بيت جوزها ولا ايه ??
زياد فضل يضحك وتابع لا طبعا هي مش دي الفكره بس بتكلم عامهً الاحسن انكم ترتاحوا ده كفايه شغل البيت
اسماء بابتسامه اتفق بس بنعرف نشتغل زينا زيكم بردو
زياد بابتسامه مقدرش انكر ياباشا ده انتي لو مجيتيش يوم الصيدليه تتوه
اسماء بضحك الصيدليه تتوه ازاي يعني ??
زياد بصلها بحب وتابع او بصراحه اكتر و اوضح الدكاتره اللي شغالين فيها هي اللي هتوه
اسماء فتحت عينيها بتفاجئ وتابعت بضحك افندم ??
زياد بضحك ايه اقصد ان انا من غيرك بتوه فعلااا واليوم بيبقى صعب مش انتي اللي حاطه كل حاجه في مكانها وعارفه بيبقوا فين ??
اسماء بضحك اااه قولتلي
زياد بضحك لا ركزي معايا شويه يا دكتوره
اسماء بضحك ما المصيبه اني مركزه و زياد فضل يضحك .. ” وقرات المسدج بتاعت عمر ” وتابعت زياد معلش هات شريطين برشام منع حمل من وراك شوف موجود ولا خلصان كده
زياد باستغراب ده لمين ??
اسماء بضحك لمرات عمر يا زيااد هيكون لمين هو انا اعرف حد غيرهم هنا
زياد بضحك اااه وبص وراه وتابع اه موجود اهو واداها شريطين وتابع بضحك هو عمر رجع ??
اسماء بضحك اه بقاله يومين
زياد بضحك اه علشان كده
اسماء بضحك :الله هو ايه اللي علشان كده ده .. ماتتلم يا زياد دي مراته
زياد بضحك منا عارف انها مراته انتي عبيطه ولا ايه انا بهزر ربنا يسعدهم ويهنيهم يارب
اسماء بحب يارب اللهم اميين
ودخل سليم وتابع بابتسامه يا مساء الخير
اسماء قامت وقفت بتوتر فتابع زياد : مساء النور اتفضل
سليم بص لاسماء بخبث وتابع لا انا عايز الدكتوره
زياد برفعه حاجب نعم ?? ده اللي هو ازاي يعني مش فاهم ??
اسماء بتوتر ده .. ده صديق عزيز من ايام الجامعه يا زياد متخافش انا اعرفه وبيجي كل فتره يسلم عليا عادي يعني
سليم بابتسامه اه زي ما الدكتور قالتلك كده صديق عزيز وعايزها في كلمتين مينفعش حد يسمعهم
اسماء بلعت ريقها بتوتر وتابعت بخوف حاضر طالعالك يلا وبتخرج فمسك زياد دراعها وشدها بعيد شويه فبصتله بقلق فتابع بهمس حاد مين ده يا اسماء
اسماء بخوف صدقني ده صديق عزيز هسلم عليه وجايه علطول متخافش
زياد بهمس حاد: ومن امتى وانتي بتصاحبي رجاله مش فاهم انتي عمرك ما حكتيلي عن حاجه زي دي
اسماء بحده وفيهاا ايه شخص عزيز عليااا وبنتكلم بحدود محصلش حاجه لكل ده يعني يا زياد واوعى لو سمحت
زياد غمض عينيه بضيق وتابع الواد ده هو الشخص اللي كان بيضايقك اللي سيف قالي عليه ??
اسماء بتوتر لا مش هو اللي سيف قالك عليه ده كان واحد معايا في الجامعه بردو بس بيستقصدني في الريحه والجايه وبيجي الصيدليه كتير انما ده واحد تاني خالص كان بيدافع عني وعن اذنك بقى عشان اتاخرت وكده عيب وسابته وطلعت وهو نفخ بضيق وضرب رجليه في الحيط
برا عند سليم اسماء طلعت لقيته بيدخن فتابعت بحده انت اتجننت هي حصلت تجيلي لحد شغلي ??
سليم بحده : بتصل باللي خلفوكي مبترديش بعدين عملتيلي بلوك اعمل لاهلك ايه كان لازم اتصرف اصل هو انتي فاكراني هغلب ومش هعرف اوصلك يعني
اسماء بعصبيه وكل ده ليه انا مبقتش عايزاك في حياتي يا بني ادم انت مبتفهمش ?? حل عني وسبني في حالي بقى
سليم بضحك الله ده شكله اللي في دماغي صح بقى انا قولت بردو اللي يتقل عليك شبعان دلق مع غيرك وساحبه الايد وماسكه الدراع اللي شوفتها دي اكدتلي كل حاجه
اسماء بعصبيه اكدتلك ايه يحيوان يا زبااله ورايحه تضربه بلقلم مسك دراعها وتناه ورا ضهرها فعيطت بألم وتابع بعصبيه مش حتت بت زيك لا راحت ولا جاات تضربني انا بالقلم انت اتجننتي ولا ايه
اسماء بعياط وعصبيه يا شيخ والله كرهتك وكرهت اليوم اللي شوفتك فييه اخلص عاايزني في اييه وغوور من هنااا
سليم ساب ايديها وزقها وتابع بخبث لا ولسه هتكرهيه اكتر ورفع في وشها الصور بتاعتها
فشافتهم اتصدمت وعينيها اتجمعت فيها الدموع ورايحه تمسك فونه فشده وتابع بضحك لا ده للنظر بس انما مش هتمسكي الفون لو عايزه تركزي فيهم براحتك هبعتهملك بس فكي البلوك
اسماء الدموع اتحجرت في عينيها وتابع بقهر: عايز ايه ??
سليم بضحك بتفهمي بسرعه انا هطلب منك طلب لو نفذتيه همسح الصور دي وخلصت خلاص لو منفذتيش هيوصلوا لعمر باشاا تااني
اسماء بصدمه ورعب: تاني !! تاني ايه ??
سليم بضحك ايوه زي ما فهمتي كده انا بعتهم لاخوكي الصبح بس بعد ما عمل سين وشافهم عمل بلوك قولت يمكن من حرقته بس انتي لسه عايشه فاعتقد ان اللي شاف الصور مراته مش هو وانتي نجدتي المره دي وانا استفدت اني عرفت ان الطريقه دي ملهاش لازمه وبردو اجي اساومك شويه فالو معملتيش اللي هطلبه منك هروح بنفسي اوريه الصور وفكك من جو السوشيال ميديا ده
اسماء بعياط وعصبيه يا شيخ روح ينتقم منك ربنا منك لله انا اللي حقيقي غلطانه وبنت كلب واستاهل كل اللي يجرالي
سليم بضحك 100 مره هاا اخلصي هتنفذي ولا لا
اسماء بعياط عايز ايه
سليم بابتسامه عايزك .. همووت عليكي
اسماء اتصدمت بشده واتعصبت جدا وضربته بالقلم بقوه وتابعت بعصبيه ودموع: مش الدكتوره اسماء واخت سياده النقيب عمر الهواري اللي تبيع شرفها يا حيوان يا زباله غور في 60 داهيه انت والصور اللي معاك ميشغلنيش
سليم حط ايديه على خده وابتسم بسخريه وتابع حلوه وبتخربشي علشان كده عجباني ومش هاخد في بالي بالهرتله اللي عملتيها دي وهقول دي رده فعل طبيعيه عشان اتصدمتي بالطلب وهسامحك عشان تعرفي اني طيب فانتي كمان تفكري واحده واحده وتقوليلي قرارك النهائي ايه علشان قسما بالله العظيم انا هروح لعمر بيه فعلا
اسماء بعصبيه ودموع اصلك تعرف ربنا اوي اللي بتحلف بيه ده يا حيوان وانا عند كلامي ومش هغيره وهفضل بالنسبالك زيي زي النجمه اللي في السما تبص عليها وتتمناهاا ومش هتعرف تطولها مهما عملت وروح قول لعمر وهو حقه يكسرني تحت رجله ويربيني من اول وجديد ومش هعترض وعيطت بقهر وتابعت علشان انا فعلا اللي استاهل اني روحت راميت قلبي لواحد رخيص زيك وصدقته
سليم بحده بقولك ايه انا مش ناقص وش وقرف وجيت قولتلك اللي عندي فتفكري قدامك لحد بكره وتردي عليا واتساب وتفكي البلوك عن اذنك
ومشي وسابها وهي فضلت تعيط وهي بتفتكر كلام سيف وتحذيره ليها منه وتابعت انا الغلطانه حقيقي واستاهل روح ربنا ينتقم منك يا شيخ
وخرج زياد وشافها بتعيط فجري عليها وتابع بخوف مالك يا اسماء في ايه
اسماء مسحت دموعها بسرعه وتابعت بخوف لالا مفيش حاجه يا زياد انا كويسه
زياد بخوف ده منظر واحده كويسه !! اخلصي مالك يا اسماء عملك ايه الواد ده ???
اسماء بحده ودموع : معملش حااجه ممكن تسبني في حاالي يا زياد ودخلت الصيدليه فدخل وراها وقفل الباب بالمفتاح وتابع بحده بصي بقى ما هو انتي هتفهميني يعني هتفهميني مين الواد ده وعيطك لييه ?? انا من ساعه ما شوفته مرتحتلوش وواثق ان وراه مصيبه
اسماء بحده ودموع افتح الباب علشان لو كلاينت جه وبطل شغل العيال ده يا زياد انا معنديش حاجه اقولها
زياد راح وقف قدامها ومسك دراعها جامد فغمضت عينيها بوجع وتابع هو بعصبيه اااخلصي يا اسمااااء مين الحيوااان ده وعملك ايييه
اسماء فتحت وبصتله بوجع وتابعت بعياط لو قولتلك نظرتك فيا مش هتتغير ??
زياد اتصدم وتابع نظرتي تتغير !! ليه ان شاء الله هو للدرجه دي الموضوع صعب !!
اسماء بعياط ااه ومش ناس كتير تعرفه
زياد بذهول طب احب اكون من الناس القليله اللي تعرف
اسماء بدموع هو انا افرقلك اوي كده ??
زياد بوجع اوي طبعاا بس مش متخيل ايه الحاجه اللي انتي خايفه اني اعرفها علشان نظرتي متتغيرش فيكي
اسماء عينيها دمعت بوجع وتابعت هقولك ومسكت فونها وفكت البلوك لسليم وتابعت بتنهيده مليانه وجع : انا كنت بحب سليم وهنا زياد اتصدم جدا وقلبه وجعه فتابعت اسماء بدموع هو فهمني انه بيحبني وانه مجرد ما عمر ينزل اجازه هيجي يتقدملي علطول بس كل مره كان عمر بينزل اجازه كان بيتلكك باي حاجه ومش بيجي وبصراحه كنت بصدقه وتنهدت بوجع وتابعت زي ما بيقولوا بقى مرايه الحب عاميه بس الحقيقه انا مكنتش عاميه انا كنت محتاجه وجوده فكنت بختار بمزاجي اني مشوفش الغلطات اللي بيعملها وبسمع كلامه في كل حاجه بيطلبها مني سواء كانت صح او غلط
هنا زياد بصلها بصدمه شديده فكر انها سمحتله يتعدى حدوده معاها او يلمسها باي شكل فاسماء فهمت نظرته وتابعت بسرعه : لالالا متفكرش فيا كده انا اقصد اني كنت بلبس زي ما هو بيختار وبقول صح او غلط لانه اللبس اللي كان بيختاره ميليقش ببنت محترمه والاماكن اللي كنت بخرج فيها معاه متليقش ببنت محترمه وعيطت بقهر وتابعت يعني انا قدامك لابسه فضفاض وحجاب بس انا معاه كنت بلبس قصير وشعري بيبان وبروح اماكن وحشه اوي زي البار
زياده اتصدم بشده وتابع انتي اسماء !! انتي تعملي كده !!
اسماء بعياط : صدقني كنت فاكره اني كده صح واني براضيه وبعمل زي ما هو بيطلب وبخرج معاه في الاماكن اللي بيحب يروحها عشان ده اسلوب حياته لاني فعلا كنت محتاجه حد في حياتي يحسسني اني استحق اتحب واني حلوه بس انا نسيت ان الحلاوه فعلا في اخلاقي وادبي ولبسي المحترم مش بالقرف اللي عملته ده وفي مره وانا راجعه معاه سيف شافني وبهدلني وضربه ومن ساعتها بعدت عنه لان سيف واجهني بكل اللي كنت بهرب منه وفوقني صح وساعتها اتحايلت عليه ميقولش لعمر حاجه وهو رضي ونزلت اشتغل وبعتك تبقى معايا وقالك ان في حد بيضايقني ومرضيش يقولك القصه الحقيقيه علشان انا بردو شرف صاحب عمره بس انا معرفتش اكدب عليك يا زياد
زياد غمض عينيك بوجع وتنهد بعمق وتابع وجيه دلوقتي عايز منك ايه ???
اسماء عيطت بانهيار وتابعت جالي يهددني لانه ليا صور معاه في البار على فونه وقالي ان يعني لو مسمعتش كلامه هيبعت الصور دي لعمر
زياده اتعصب جدا وكور ايديه بعصبيه وتابع شكلها ايه الصور دي بقى ???
اسماء بدموع ثواني اشوف بعتها ولالا ومسكت فونها فتحته لقيت سليم بعت الصور فداست عليها ووجهت الفون لزياد وهي بتعيط فبصلهم بصدمه شديده ومسك دراعها جامد وتابع بغيره وعصبيه : انتي اتجننتي هو ايه القرف اللي كنت بتلبسيه ده يا اسمااااء ??? … ردي عليااا ايه اتخرررستي
اسماء فضلت تعيط بانهيار وتابعت مش عارفه اقولك ايه ما انت عندك حق وانا غلطانه وعارفه استاهل اللي يجرالي بس والله انا مش وحشه كده يا زياد
زياد بعصبيه وبيشرط عليكي ايه ابن الكلب الزباله ده كمان
اسماء بدموع ووجع : شرفي
زياد اتصدم بشده وتابع ايه ?? قولتي ايه ??
اسماء بعياط اممم شرفي
زياد اتعصب وحس دمه بقى يغلي بشده لدرجه عروقه برزت وتابع بعصبيه وانتي اتنيلتي قولتيله ايه ???
اسماء بعياط قولتله اعمل اللي تعمله وعايز تقول لعمر قول وهو حقه يكسرني تحت رجله ويربيني من اول وجديد اومال كنت هقول ايه يعني
زياد اممم كنتي هتقولي ايه صح هو مفيش حاجه تتقال اصلا ورايح يمشي وقفته اسماء و ومسكت دراعه وتابعت بخوف استني يا زياد انت هتسيبني من غير ما تقولي اعمل ايه ??
زياد غمض عينيه وتابع سيبيني دلوقتي يا اسماء واهدى ونتكلم انا حقيقي اعصابي تعبت ومش مستعد لاي نقاش
اسماء اتصدمت ونزلت ايديها من عليه بخذلان شديد وابتسمت بقهر وتابعت لا ده انا اللي حقيقي اسفه اني دوشتك بمشاكلي يا دكتور انت ملكش ذنب بكل ده
وزياد مردش عليها وسابها وخرج وهي فضلت تعيط بانهيار شديد وقعدت على الارض وحضنت رجليها
———
في بيت الرفاعي وتحديدا شقه يونس ونور
يونس كان قاعد على السرير ومنزل رجله على الارض وقدامه الترابيزه الصغيره اللي في الاوضه وحاطط عليها اللاب توب وبيشتغل ونور واقفه قدام المرايه لابسه كاش مايوه بحمالات رفيعه ولونه احمر ساده مش عليه اي حاجه وفردت شعرها اللي معدي ضهرها بكتير وفضلت تسرحه وبتعمل صوت بتحاول تلفت نظر يونس وهو واخد باله بس عامل نفسه مش واخد باله ومركز في اللاب توب ونور زهقت فسابت المشط ومسكت صباع الروج كان لونه احمر داكن وحطت منه ومسكت البلاشر حطت على خدودها وحطت مسكره وتابعت بابتسامه يونس ايه رايك فيا ??
يونس تنهد بعمق وتابع من غير مايبصلها: انتي حلوه في كل حالاتك بس انا مش فايق دلوقتي معلش
نور عارفه انه بيعملها كده علشان خاطر زعلان منها فنفخت بضيق وراحت قعدت جنبه وتابعت بحزن حقك عليا انا عارفه اني غلطانه ومقصدش ابدا احسسك اني شكيت فيك
يونس بتنهيده لا محصلش حاجه عادي خلاص
نور بحزن يونس بطل بواخه ونامت على كتفه وتابعت انا عارفه انك مش شايف غيري وعارفه انك محبتش في حياتك حد غيري ومكنش ليه لازمه اللي انا عملته الصبح بس والله العظيم انا بغير عليك وانت فاهم نور وحافظها فاكيد فاهم ده خرج مني بانهي دافع
يونس بتنهيده خلاص يا نور بجد صدقيني محصلش حاجه انا حقيقي مش زعلان
نور بحزن طب يا رب تعدمني لو زعلان
يونس بحده انتي عبيطه ولا ايه متدخليش الهزار في الجد بعد الشر عنك قطع لسانك
نور بحزن يعني زعلان اهو
يونس تنهد بعمق وخدها في حضنه وتابع لا والله خلاص مش زعلان وحياه نور عندي .. بس تاني مره خدي بالك من كلامك
نور ابتسمت بحب وتابعت ده من عيوني والله المهم بقى عايزه اوريك المفاجاه
يونس بضحك اه صح وريني مش قولتيلي في مفاجاه لما نروح لو وافقت على فرح اخوكي على شهد اديني وافقت
نور بضحك متقلقش انا مش نصابه وفاكره ان ليك مفاجاه ووطت جابت علبه بتاعه هدايا لونها اسود وشكلها شيك جدا ومسكتها بين ايديها وبصتله وضحكت وتابعت هاا مستعد ??
يونس باستغراب هديه !! طب دي بمناسبه ايه
نور بحب هو لازم يكون في مناسبه عشان اهادي جوزي ??
يونس بضحك لا طبعا يا قلب جوزك وريني
نور ابتسمت بحب وقلبها دقاته عليت اوي وحطت العلبه على رجليه وهي قاعده جنبه والدموع ابتدت تتجمع في عينيها بتوتر
يونس بضحك حطالي فيها ايه يانور مش مرتاحلك نظرتك كلها توتر
نور ضحكت من بين الدموع المتجمعه في عينيها وتابعت لا والله حاجه حلوه هتعجبك اوي هتشوف
يونس بضحك ربنا يستر وفتح العلبه واتفاجئ واتصدم وحس بذهول وفرح كل المشاعر دي مره واحده بقيت جواه ولغبطته بس مكنش مستوعب فمد ايديه ومسك السونار اللي في الصوره وبص لنور والدموع اتجمعت في عينيه وتابع ايه ده ??!!!
نور دموعها نزلت وتابعت يعني مش فاهم ??
يونس بدموع بتهزري صح ??
نور هزت راسها ب لا وهي بتعيط بفرح
فدموع يونس نزلت اكتر وتابع بدموع ولهفه : ده بجدد !! نور انتي حااامل ?? وربنا انتي حااامل ?? نور هزت راسها ب اه وهي بتعيط فتابع يونس بذهول ودموعه بتنزل : ياربي مش عارف اصدق وحياه يونس انتي حامل بجد ?? متاكده يعني ??
نور بعياط اه والله العظيم حامل وغلاوتك عندي حامل وقربت اكمل شهر كمان
يونس بدموع يحبيبتيي وحضنها جامد وفضل يبكي بفرح وايديه بتطبطب على ضهرها وتابع الله واكبر .. مبااارك ينورعيني .. مباارك ياست البنات والله مش قادر استوعب وفضلت دموعه تنزل بغزاره ونور زيه وبتطبطب عليه وتابعت بدموع انا مبسوطه اوي يا يونس بجد
يونس بصلها وحط ايديه على خدها وتابع بدموع فرح : ده انا هطير من فرحتي والله ما قادر اصدق انتي متاكده انك حامل بجد ????
نور بعياط وحب : اه والله يعمري روحت الصبح كشفت قبل المحاضره علشان تعبت واستفرغت واتاخرت بسبب كده
يونس غمض عينيه ودموعه فضلت تنزل وخدها في حضنه وباس راسها بعمق وتابع الحمدلله ياارب اللهم لك الحمد كما ينبغي لجلال وجهك وعظيم سلطانك ودموعه زادت وتابع يحبيبتي انتي ربنا يديمك ليا وميحرمنيش منك ابدا فرحتي قلبي والله العظيم
نور بعياط ده يا رب ما يحرمني منك انت ابدا يسندي وسندت جبينها على جبينه وحطت ايديها على خده وتابعت بدموع انا والله مش قادره استوعب اني شايله حته منك وخلاص كلها 8 شهور يبقى ابننا او بنتنا بين ايدينا
يونس ابتسم من بين دموعه اللي فضلت تزيد وحط ايديه على ايد نور اللي على خده وتابع مين سمعك انا مش مستوعب ان نور كبرت وبقيت مراتي علشان استوعب انها شايله حته مني وهتبقى ام ولادي خلاص
نور عيطت وتابعت ينورعين نور انت وقعدت على السرير بركبتها ولفت ايديها حوالين رقبته وحضنته وهو ضمها ليه جامد ودموعه بتنزل بفرح
فتابعت نور بعياط: وجودك في حياتي هيبقى سبب في اني اقف رافعه راسي قدام ولادي بعد كام سنه اني اختارتك اب ليهم والحقيقه انك ابويا انا قبلهم طول الوقت حاسه اني بنتك علشان كده مدركه يعني ايه ولادي هيشكروني علشان اختارتك انت بالذات فبجد يبختي بيك يا يونس
يونس وطى راسه سند على كتفها وتابع ده بالله يبخت يونس فعلا بس انك نصيبه بحمد ربنا ان دعوه عمري استجابت وبصلها وسند جبينه على جبينها ودموعه نزلت وتابع وبقيتي مراتي وام ابني حقيقي الدنيا كلها مش سيعاني من فرحتي وغمض عينيه ودموعه زادت وتابع مش مستوعب انك حاامل بجد
نور عيطت وحضنته وتابعت لا استوعب احنا تعبنا كتير وربنا جعلنا عوض لبعض جيه وقت نفرح خلاص وانا هوريهولك في السونار المره الجايه
يونس ابتسم من بين دموعه وتابع ربنا يقومكم لياا بألف سلامه ينور عيني ووطى باس بطنها بحب واضح وغمض عينيه ودموعه نزلت وده خلى نور دموعها نزلت بفرح من نظراته ومشت ايديها على شعره ووطت باست راسه فابتسم ورفع راسه ليها وتابع هنهتم بنفسنا ومش هتغلبيني معاكي هاا
نور ضحكت من بين دموعها وتابعت حاضر والله وحضنته جامد فضمها ليه ووطى راسه باس رقبتها بحب ورجع حضنها كويس وباس راسها فابتسمت نور وتابعت على فكره الدكتوره قالتلي ان الفتره دي غلط يحصل بينا اي حاجه
يونس خرجها من حضنه وبصلها بخوف وتابع ليه ماله حملك ??
نور بابتسامه بس بس متقلقش مفيش حاجه يحبيبي اهدى كل الحوار اني ضعيفه حبتين فقالتلي هعمل ايه الفتره الجايه وايه الممنوع يعني
يونس تنهد بارتياح ورجع خدها في حضنه وتابع وهو بيمشي ايديه على شعرها بحب : عادي يحبيبتي المهم تبقي بخير انتي واللي في بطنك دي بالدنيا… وافتكر وبصلها وتابع بقلق طب بالنسبه للي حصل قبل ما نعرف اصلا ??
نور بابتسامه متخافش يحبيبي مانا كشفت والحمد لله انا كويسه محصلش حاجه
يونس ابتسم وتابع الحمدلله استني ثواني عشان في حاجه كنت هموت واعملها من ساعه ماعرفت وخرج من حضنها ووطى سجد يشكر ربنا على حمل نور وهي دموعها نزلت بصمت وحب وهي شايفه فرحته ودموعه اللي بتنزل وهو بيهمس في السجود ورفع راسه والدموع كانت في عينيه وتابع روحي اتوضي والبسي وهاتي السجاد ونصلي سوا انهارده
نور ابتسمت بدموع وتابعت حاضر
وراحت بالفعل اتوضت ويونس اتوضى وخدت السجاد وراحتله وصلوا سوا وشكروا ربنا على حمل نور
———
عند عمر وزينب
كانت زينب نايمه في حضنه بس صاحيه وعمر راح في النوم وحسام نايم جنبهم في سريره
زينب بهمس : عمر وهزته براحه لقيته نايم فباست خده ونامت في حضنه تاني ودقايق وسمعت صوت الباب بيخبط فاتعدلت ورفعت الملايه عليها وتابعت اكيد دي اسماء جات من الشغل ووطت جابت الروب لبسته وغطت عمر كويس وراحت عند الدولاب خدت كاش مايو كت ولبسته وجريت بسرعه تفتحلها وتابعت حاضر جايه جايه وفتحت الباب وتابعت خشي بسرعه
اسماء دخلت وبصتلها بذهول وتابعت ايه ده مال شكلك واتحرجت وتابعت ياريتني ماجيت دلوقتي
زينب بضحك بس يحيوانه اتلمي عمر نام من بدري
اسماء بحرج اوماال الروج مبهدل وشك ليه كده
زينب بضحك يابت انتي مبتفهميش ماطبيعي حصل بس من بدري فانتي مجتيش قاطعتينا يعني
اسماء بضحك ايووه مابقول بردو كان عمر طلع قتلني دلوقتي بالله
زينب بضحك سيبك من عمر دلوقتي واتلمي وانا هروح اخد شاور وجيالك متناميش علشان مرضتش انام قولت استناكي عايزاكي في كلمتين
اسماء بوجع ياريت انا كمان محتاجه اتكلم معاكي
زينب بحب جيالك بسرعه روحي غيري هدومك بس واستنيني في اوضتك
اسماء بوجع تمام
ودخلت اوضتها وزينب راحت تاخد شاور وبعد شويه طلعت ورطبت جسمها ورشت بادي سبلاش ولبست كاش مايوه كت وسرحت شعرها ورشت برفيوم وخرجت وقفلت الباب براحه وراحت لاوضه اسماء وخبطت
اسماء بدموع ادخل
زينب دخلت وتابعت بخوف مالك يابت في ايه بتعيطي ليه
اسماء بدموع انا تعبت اوي يا زينب .. حقيقي تعبت
زينب قفلت الباب وقعدت قدامها على السرير وتابعت بحزن مش قصدي ازود همك بس انهارده حصل حاجه لازم تعرفيها
اسماء بدموع وخوف : عرفت ان سليم بعت صوري لعمر اكيد مشفهاش صح ?? ردي عليا طمنيني
زينب بحزن اهدي يحبيبتي اهدي انا اللي شوفتهم
اسماء تنهدت بارتياح وتابعت كنت واثقه والله لان عمر لو شافهم مكنش سابني لحد ما ارجع كان جيه كسر عضمي في شغلي ربنا يخليكي ليا يا زينب بجد وحضنتها وفضلت تعيط
زينب حضنتها اكتر وفضلت تطبطب عليها وتابعت بحزن يا عبيطه انتي اختي واللي عملته كان لازم يحصل حقك عليا اهدي اكيد هنلاقي حل
اسماء بعياط الاقي حل لايه بس الاقي حل لايه ده ابن الكلب الزباله جالي الشغل انهارده وهددني بشرفي علشان ميجيش يقول لعمر يبقي اخليه يلمسني
زينب شهقت واتصدمت بشده تابعت نعممم وانتي قولتي ايه ???
اسماء بعياط قولتله يعمل اللي يعملوا طبعا ومستحيل اعمل كده
زينب بحده ابن الكلب الحيوان هو ازاي اتجرأ يطلب منك كده هو ميعرفش اخوكي مين ويقدر يعمل اييه
اسماء بعياط علشان كاسر عيني يا زينب بيعمل فيا كده علشان ماسك عليا ذله وانا وانتي عارفين ان لو عمر عرف فعلا هيموتني
زينب حضنتها وتابعت بحزن لالا مش هيعرف والله وباست راسها تابعت اهدي طيب هنفكر والله وهنعرف نتصرف باذن الله
اسماء بعياط حتى زياد قولتله فكرت هيقف جنبي بس هو خلاص سابني وللابد ونزلت من نظره وفضلت تعيط بوجع
زينب بصدمه انتي اتجننتي وايه اللي يخليكي تعرفيه !!
اسماء بعياط كنت تايهه ومعرفش اعمل ايه وهو فضل يزن عليا احكيله حكيتله لاني بحبه كنت محتاجاله بس هو يظهر مش هيسامح في حاجه زي دي
زينب بصدمه انتي متخلفه !! ده راجل ومهما كان بيحبك كل الرجاله زي بعض في الغيره يعني لو كنتي مخطوبه قبله مثلا وشاف خطيبك القديم بيبقى مش طايقه وعايز يولع فيه ويبقى غيران عليكي لو بصيتيله او كلمتيه ولو حد من عيلتك قريب منك اوي هيمنعك تكلميه اصلا تقومي تروحي تقوليله كنت مصاحبه واحد وبحبه وبروح معاه البار وبيهددني بصور لابسه فيها قذر وانا معاه !!! يعني انتي شايفه ان ده عقل ان ربنا يسترك وانتي تفضحي نفسك !!
اسماء بعياط ووجع صدقيني تخيلت انه هيكون سند ليا ويهدي خوفي وميسبنيش لدماغي وعيطت اكتر وتابعت متخيلتش كل ده يحصل والله العظيم انا حقيقي مصدومه وموجوعه اوي ومش عارفه الاقيها من ايه ولا ايه
زينب حضنتها ودموعها نزلت بحزن عليها وتابعت حقك علياا ربنا يعوضك ينورعيني وانا والله جنبك ومش هسيبك وهنحلها سوا والكلب ده مش هيطول شعره منك
اسماء بعياط وقهر يارب يا زينب ياارب بجد انا حقيقي غلطت بس ندمانه يارب والله
زينب بدموع اهدي يحبيبتي كفاياكي عياط اخوكي لو صحي هيبقى حوار روحي اغسلي وشك وتعالي هقرالك قران لحد ماتهدي وتنامي
اسماء بعياط حاضر وقامت غسلت وشها وخرجت كانت زينب لبست اسدال ومسكت القران ونامت على السرير وخدتها في حضنها وفضلت تقرا قران بصوت هادي وحنين اوي لحد ما اسماء ارتاحت ونامت بالفعل فهمست زينب : اسماء
وملقيتش رد ففهمت انها نامت وبصت عليها لقيتها نامت فعلا فباست جيبينها بعمق وتنهدت وتابعت يا رب طبطب عليها وعوضها انت وحدك قادر تحلها يارب
——-
تاني يوم الصبح في بيت الرفاعي كانوا كلهم طالعين نازلين علشان تحضيرات كتب كتاب شهد واحمد وبعد كتب الكتاب هيطلعوا على المستشفى علشان ولاده ياسمين واخيرا
ونور اتفقت مع يونس ان هيفاجئوا العيله مع بعض واحمد كان خرج من المستشفى بقاله ساعتين وبيجهز في اوضته والشباب معاه وشهد في اوضتها معاها البنات
في اوضه شهد كانت لابسه دريس ابيض كت ونازل من الكت شيفون طويل مغطي كتافها مطرز من فوق حوالين الصدر وعلى الوسط ونازل واسع شويه لتحت وعامله شعرها مموج وحاطه هيربيس وقاعده بتحط اخر لمسات الميكاب
ياسمين بابتسامه وحب بجد زي القمررر ايه الحلاوه دي
شهد بحب حبيبتي يا ام زين بجد
امنيه بضحك هو راضي يجي زين
ياسمين بضحك مالك بابني يا بت والله مش هجوزه لبنتك
امنيه بضحك انا بنتي عريسها موجود يحبيبتي وحاجزها من دلوقتي كمان
زينب بضحك حصللل اهو انا قاعده ساكته مستنيه اشوف انتي حماه اصيله ولالا
امنيه بضحك عيب عليكي ده حسام ده حبيبي جوز بنتي
زينب بضحك طب بالمناسبه دي خدي جوز بنتك شويه علشان زهقت وقامت تديهولها
امنيه بحب وابتسامه يخواتي هو احنا نطول هاتيه بسم الله وشالته منها وفضلت تبوس جبينه بخفه وابتسمت بفرح وتابعت سكررر بجد بسم الله ما شاء الله ربنا يخليهولك يا رب وتخاويه
زينب بحب تسلميلي ينورعيني عقباال ماتقومي بالف سلامه يارب
امنيه بحب يارب يحبيبتي
والباب خبط فقامت نور فتحت فكان سيف فتابع باستعجال: امنيه بسرعه قميصي الاسود فين ??
امنيه بحب يحبيبي مانا طلعتلك واحد جبتهولك اون لاين منت جرين لون هدومي ملبستوش ليه ??
سيف بحده قومي يا امنيه قومي هاتيلي القميص الاسود بلا منت جرين بلا بنتجان
زينب فضلت تضحك وتابعت نفس اللي عمر عمله لما قولتله نلبس بينك رجاله نكد والله يا اختي
سيف بحده بينك !! اه وماله ظابط جيش على اخر الزمن يلبس بتنجان وبينك
امنيه بضيق يخرابي عليك هاجي اطلعلك الاسود بس بجد زعلانه منك كنت عايزه نعمل ماتشي
سيف بضحك في الحالات اللي زي دي اتفلقي يحبيبي دي الوان شم النسيم والعيال بتاعت الجونه والساحل جداا مش الوان ظابط جيش
كلهم فضلوا يضحكوا فتباعت امنيه بضحك يا سيف متعصبنيش هو حتى الوظيفه بقى ليها الوان
شهد بضحك علشان هو حياته جد فمتعود على الالوان الغامقه يا عبيطه مبيلبسش الوان الفاتحه المقبله على الحياه دي
سيف فضل يضحك وتابع الله ينور عليكي اهي العروسه مركزه اهي
امنيه بضيق يسد نفسك يا بعيد حاضر يا سيف اطلع وجايه وراك اجيبهولك
سيف بضحك طب اخلصي متتاخريش
شهد كانت خلصت وقامت وقفت وتابعت بضحك استنى بس مقولتليش ايه رايك
سيف بصلها بحب وتابع بسم الله ما شاء الله عليكي زي القمر بجد يا بختك يا واد يا احمد
شهد فضلت تضحك وتابعت يحبيبي ربنا ميحرمنيش منك ابدااا
سيف باس جبينها وتابع بحب ولا منك يا اجمل عروسه في الدنيااا
زينب بضحك انا بغير خد بالك
سيف بضحك بس يابت اخرسي دي اخر العنقود دي وكله بيدلعها
شهد بضحك حبيبي بجد
زينب بضحك ماشي يا سيف هعديهالك المره دي وفكرني صح علشان عايزاك في حوار
سيف بضحك وهو ماشي : لا مش هفكرك عشان افتكرت انتي عايزه ايه متتاخريش يا منونتي
زينب فضلت تضحك وتابعت مااشي مااشي مسيرك هتقع تحت ايدي
امنيه باستغراب انتي عايزه ايه صح ??
زينب بتوتر وكدب: هاا لا ولا حاجه هطلب منه يكلم القائد علشان بيعزه ويزود لعمر الاجازه بس
امنيه بضحك ااه علشان كده خلع طب هقوم انا اجيبله القميص وجيالكم
وطلعت شقتها وشهد خرجت من البلكونه وتابعت فرح هانم لسه جايه دلوقتي حالا قولتلها استنيني نازلالكم خلااص
ياسمين بضحك حقك عليا مروان عربيته عطلت في الطريق كلمت باسم بشوفهم فين وقالي كده علشان كلهم جايين في عربيه مروان فاهي غصب عنها
شهد بضيق اه ما قالتلي جتها الارف وبصت لنور باستغراب وتابعت مالك يا نور فيكي ايه مش عادتك تبقي قاعده ساكته وتعبانه كده
نور بارهاق لا مفيش حاجه انا حاسه بشويه ارهاق بس
ياسمين بقلق ليه كده من ايه بس
نور ابتسمت بتعب وتابعت متقلقوش كويسه والله عادي تلاقي الضغط
زينب سلامتك يعمري
نور بحب الله يسلمك ياروحي يارب
زينب بخضه هو فين الواد صح
ياسمين بضحك طلع مع امنيه يا غيبوبه
زينب ضحكت وتابعت اه صح والله نسيت انه معاها
شهد بتوتر طب ايه يونس هيجي امتى
نور بابتسامه استني هروح اشوفهولك وجايه
شهد بتوتر ياريت بجد
وقامت نور تشوفه وتابعت ياسمين فين اسماء مطلعتش ليه
زينب بحب بصي من البلكونه كده هتلاقيها قاعده بترغي مع عمر تحت وضحك هزار ولا عبد الحليم وشاديه في زمانهم
ياسمين فضلت تضحك وتابعت يابت اخوها يابت
زينب بضحك الله هو انا قولت حاجه
ياسمين بضحك فظيعه بجد
———-
في مكان اخر كان سليم ماشي بعربيته في طريق فاضي واعترض طريقه قطاع طريق فداس على الفرامل بسرعه وتابع بعصبيه انت مجنون يا ابني انت وهو حد يقف قدام العربيه كددده
واحد منهم: انزل يا شبح احسنلك علشان منكسرش العربيه دي على دماغك
سليم بعصبيه نعم ياروح امك تعمل ايه ونزل مسك فيه وتابع وريني هتكسرهاا ازااي يا زباله
التاني بعصبيه بقولك ايه ياعم انت طلع اللي معااك احسنلك كل فلوسك وفونك هناخدهم ونمشي بالذوق بدل ما هنكسر العربيه دي وبردو هناخد اللي معاك
سليم بعصبيه مش هديكم حاجه واعلى ما في خيلكم اركبووه
واحد منهم طلع مسدسه وضربه بيه على دمااغه خلاااه يغمى عليه والتاني تابع: يلا بسرعه خد كل اللي معااه
الاول حاضر اهو ووطي خد الفون والفلوس اللي معاه وقام وكسروا عربيته بالعصايه وخدوا الحاجه ومشيوا وسابوا واقع على الارض
بعد شويه الشابين واقفين مستنيين حد يجي ولما شافوه واحد منهم تابع كل اللي طلبته حصل بالحرف يا دكتور وادي الفون بتاعه اهو
زياد ابتسم بفرح ومسك الفون وتابع عفارم عليكم يا رجاله
