 |
رواية عشقت كبريائي فهد ومليكة الجزء الثاني (عناد الحب والكبرياء) الفصل التاسع بقلم دودو محمد
اشرقت شمس صباح يوم الجمعه فى سماء الاسكندريه
فتحت جومانه عينيها بصعوبه بعد ليله طويله حزينه عليها بعد ما فارس جرحها قامت من على سريرها دخلت حمامها واخدت شاور واتوضت وخرجت لبست هدومها وأدت فرضها وبصت على الدولاب فتحته ووقفت قدامه
جومانه :- بحزن انهارده اتعس يوم فى حياتى كان نفسى اعيشه وافرح بيه زى كل البنات بس للاسف وقعت مع بنأدم معندهوش قلب ولا رحمه متكبر وشايف نفسه وبعدين قالت ماشى يا فارس هتشوف برعى ده هيعمل فيك ايه ومسكت فستان فى قمة الشياكه وبصت عليه وابتسمت وقالت هو ده حطته على السرير وجهزت بقيت حاجاته وفتحت الباب ونزلت
عز :- صباح الخير يا حبيبتى
جومانه :- صباح النور يا بابا
عز :- ايه مستعده للخطوبه بليل
جومانه :- بحزن ايوه يا بابا
عز :- لاخر مره يا حبيبتى هسألك انت موافقه على فارس
جومانه :- ايوه بس ليه بتسألنى كل شويه وتأكد عليا
عز :- علشان اللى انا شايف انك مش مبسوطه وعلطول شايفك حزينه
جومانه :- بكدب اصل ماما واحشتنى وكان نفسى تكون جنبى فى يوم زى ده
عز :- الله يرحمها يا حبيبتى اكيد هى حاسه وفرحانه دلوقتى
جومانه :- الله يرحمها ووقفت وقالت عن اذنك
عز :- رايحه فين
جومانه :- هشم شوية هوا
عز :- بس متتأخريش علشان تلحقى تجهزى
جومانه :- حاضر وخرجت من الفيلا ومشت فى الشارع من غير عربيه
وافتكرت كلام فارس ليها قعدت تجرى فى الشارع بسرعه جنونيه وكانت بتاخد نفسها بصعوبه وقفت لما حست بروحها بتخرج من جسمها لاقت كرسى قعدت عليه وكانت بتنهج جامد ودموعها نزلت منها فجأه سمعت صوت شابين بيقولوا ليها
الشاب 1:- ايه يا جميل مين بس مزعلك تعالى فى حضنى وانا انسيكى اى حاجه حصلت
جومانه :- بغيظ انت بنأدم سافل ولسه هتمشى
الشاب 2:- مسكها من دراعها وقال الحلو زعلان ليه بس كده ومالو متعصب
جومانه :- شدت دراعها وقالت انت ازاى يا وقح يا زباله تمد ايدك عليه كده
الشاب 1:- وقف فى ضهرها وطلع مطوه وحطها فى ضهرها وقال امشى معانا من غير ولا كلمه
جومانه :- بخوف ا.ا.انت فاكرنى ه.ه.هخاف من حتة مطوه انا مستحيل امشى من هنا وهصوت والم عليكم الناس لو مبعدوش من هنا
الشاب2:- تصدقى عجبتينى اكتر ومصمم اخدك معانا دلوقتى وبص للشاب التانى وقاله هات التوكتوك بسرعه البت دى هتكون معايه فى حضنى النهارده
جومانه :- بخوف مش هيحصل ولسه هتضربه الشاب مسكها من ايديها وقال
الشاب 1:- خلى المعافره دى ساعة ما اموتك فى السرير
جومانه :- على جثتى تلمس شعره منى وفى الوقت ده وصل الشاب 2 بالتوكتوك
الشاب2:- يلا هاتها
جومانه :- ا.ا.اوعى ابعد عنى
الشاب 1:- طلع منديل وحاطه على مناخير جومانه
جومانه :- فقدت الوعى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
صحى فهد من نومه وبص جنبه على السرير مكان ما مليكه بتنام وحط ايده على وشه وقال
فهد :- مليكه مليكه مليكه مش قادر اعيش من غيرك ولا متقبل فكرة بعدك عنى وفى نفس الوقت مش قادر انساه قلة ثقتك فيا وشكك فيا اعمل ايه دلوقتى انا تعبت بجد بعدك عنى شئ صعب جدآ ااااااااه يا مليكه حبك بيكوى فى قلبى مسك تليفونه بص فيه على صورة مليكه وقال واحشتينى واحشنى كل حاجه فيكى ضحكتك حنيتك عليا كلامك الحلو كسوفك منى وخدودك اللى بيحمرو من اقل كلمه بقولها ليكى ليه ليه ليه وحدف التليفون فى الارض وقام وهو متعصب دخل الحمام وشغل الميه ووقف تحت الدش وسند أيده على الحيطه وخلى الميه تنزل على وشه واخد نفس وكتمه وبعدين طلعه مره واحده وخبط بأيده على الحيطه وقال كفايه تفكير فيها بقى كفايه انا تعبت قفل الميه ولبس البورنص واتوضه وخرج لبس هدومه واده فرضه ونزل
سهير :- صباح الخير يا ابنى
فهد :- صباح النور
سهير :- اقعد افطر
فهد :- لا مليش نفس
سهير :- يا حبيبى انت مش بتاكل خالص هنا انت زعلان مع مليكه صح
فهد :- ماما ماما ابوس ايديك بلاش نبدء الوصله
سهير :- ماهى واضحه زى عين الشمس يا ابنى
فهد :- ماما علشان ترتاحى مفيش مليكه تانى انا طلقتها ارتحتى دلوقتى
سهير :- بصدمه ايه طلقتها ليه يا فهد تعمل كده
فهد :- خلاص يا ماما انسى مليكه
سهير :- مقدرش انساها مليكه مش مجرد مرات ابنى مليكه بنتى اللى مجبتهاش بطنى ليها جمايل كتيررررررر اوى عندى
فهد :- والنصيب خلص لحد كده ممكن بقى متجبيش سيرتها تانى وسبها ومشى
سهير :- هو ايه اللى بيحصل لينا ده ياربى واحد يخطب والتانى يطلق هو مش مكتوب لينا الفرح ابدآ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة عبدالرحمن
صحيت مها من نومها
مها :- مسكت تليفونها واتصلت على تليفون اسر وانتظرت الرد بس زى كل يوم مش بيرد عليها رمت التليفون على السرير وحطت ايديها على وشها وقعدت تعيط وقالت
مها :- بدموع كده يا اسر بقى اهون عليك كده حتى تشوف رقمى على التليفون ومتردش عليا انا نفسى بس اسمع صوتك واحشتينى اوى اوى يا اسر بس برضه مش هيأس غير لما تسامحنى وترجعنى تانى لحضنك قامت دخلت الحمام واخدت شاور واتوضت وخرجت لبست هدومها وأدت فرضها وخرجت من الاوضه وكانت مليكه ومى وفايزه قعدين مستنينها على الفطار
مها :- صباح الخير
الكل :- صباح النور
مها :- معلش اتأخرت عليكم
فايزه :- لا يا حبيبتي ولا يهمك
مى :- تلاقيكى كنتى بتحاولى توصلى لأسر بس طنشك زى كل يوم يا بت خلى عندك شوية كرامه
مها :- ملكيش دعوه خليكى فى حالك
مى :- انتى حره انا عايزه مصلحتك
مها :- مصلحتى عارفها مع اسر وبس
مليكه :- ربنا يهديه ليكى يا حبيبتى
مها :- ماما
فايزه :- امم
مها :- ما تحاولى تكلمى اسر هو بيحبك وبيسمع كلامك
فايزه :- أكلمه أقوله ايه تعال يا ابنى اتأسف لمراتك اللى هى اصلا غلطانه وتستاهل كل اللى بيحصلها
مها :- عارفه أن انا غلطانه بس مفيش حد معصوم من الغلط احنا مش ملايكه يعنى
فايزه :- ربنا يسهل ابقى احاول أكلمه
مها :- بجد يا ماما
فايزه :- ايوه بس على الله تكونى اتعلمتى الدرس وتسمعى كلام جوزك وتفكرى الف مره قبل ما تعملى الغلط
مها :- اقسم بالله توبه اعمل كده تانى ولا ازعله منى تانى
فايزه :- ربنا يهدى سيركم يارب
مها :- اجيب ليكى التليفون طيب
فايزه :- مش لما ناكل طيب
مها :- ماشى
مى :- ههههههههه اما عجيبه والله
مها :- ملكيش دعوه يا مى
مى :- اياكش تولعى وبصت لمليكه وقالت وانتى يا مليكه عند كلمتك وهتنزلى معايه بكره ولا رجعتى فى كلامك
مليكه :- لا عند كلمتى
فايزه :- تنزلو فين
مى :- هننزل نشتغل
فايزه :- يعنى ايه تشتغلو مش الاوله دلوقتى تشوفه رجالتكم وترجعوهم ليكم
مليكه :- لا يا ماما كرامتنا اهم من اى شئ هما مفكروش فينا يبقى ميستهلوش نفكر فيهم
فايزه :- انتو غلطانين وليكم عين تتكلمو كمان
مى :- هههه غلطانين ازاى يعنى انتى تعرفى ايه عن اللى شوفته ده انا شوفت زل ومرار مع مازن محدش شافه قبل كده ولا يقدر يستحمله ده انا كنت بموت فى اليوم الف مره وانا عايشه مع مازن اتحرمت من أبسط حقوقى كواحده ست وعشت ايام كنت بتمنى ميطلعش عليا نهار وتقولى غلطانين هه انا مع مازن خلصت الصبر كله علشان خاطر بناتى وفى الاخر تيلا طلعت معقده نفسيآ من اللى شافته مع ابوها لا يا ماما والف لا انا عيشت بناتى بعيد عن ابوهم احسن الف مره من العيشه جنبه انا خلاص اخد قرارى هعيش لنفسى ولبناتى وبس هعوضهم المرار اللى شافوه على ايد ابوهم وهشتغل ومش هخلي نفسهم فى حاجه ابدآ لو مليكه بتفكر ترجع لجوزها زى مها هى حره لكن أنا عند رأى وسابتهم ودخلت اوضتها
مليكه :- اعتقد يا ماما أن اللى مى قالته عندها حق فيه وانسب قرار اخدته هو الطلاق مى عاشت حياه مختلفه عننا انا ومها مازن مكنش هو الزوج المناسب ليها
فايزه :- طيب هى شافت كتير فى حياتها وعندها حق فى الطلاق طيب وانتى يا ست هانم
مليكه :- انا ايه انا منكرش أن بحب فهد وبتعذب فى بعدى عنه بس انا كرامتى فى اى شئ فهد غلطان ورفض يعترف بغلطه وفوق كل ده باع عشرة عمرنا بسهولا يبقى صعب افكر انزل من نفسى واترجه يرجع ليا ده لو بنسبالى كل الحياه عمرى ما هعملها واروح ليه واطلب منه يرجعلى
فايزه :- انتى طول عمرك متمرده بس لما قبلتى فهد فكرته كسر ليكى تمردك ده لكن الظاهر كده كنت غلطانه واللى فيه طبع عمره ما يعرف يغيره عمومآ عقلوكم فى راسكم تعرفو خلاصكم بس متجوش بعد كده وتقوله ياريت علشان كلمة ياريت عمرها ما هترجع اللى راح منكم وسابتهم ودخلت اوضتها
مها :- بصت لمليكه وقالت ماما عندها حق انتى مش حاسه بحاجه دلوقتى بس بكره لما جاكلين وفريد يكبرو ويحتاجوا ابوهم وميكنش موجود معاكم هتتمنى الزمن يرجع لواره وتصلحى امورك مع فهد علشان خاطر اولادك
مليكه :- بدموع يعنى انتو مفكرين أن انا مبسوطه باللى انا فيه لا يا مها انا بتقطع من جوايا وبحاول اكون طبيعيه علشان مظهرش ضعيفه قدامكم انا نفسى فهد يخدنى فى حضنه ويضمنى ويحسسنى تانى بالامان انا طول ما انا بعيده عنه وانا مش حاسه بالامان حاسه ان فى حاجه نقصانى بس برضه مش قادره اتقبل فكرت أن هو اتخلى عنى بسهولا محاولش يتمسك بيا مع اول مشكله حقيقيه قابلتنا فى حياتى بعنى وطلقنى انا من جوه بتقطع بس متعودش أظهر اللى جوايا لحد
مها :- صعبت عليها وقالت إن شاءالله يا مليكه ربنا هيهديه وهيحس بغيابك ويرجعك تانى
مليكه :- وانا مش تحت امره وقت ما يحب يبعد يطلقنى ووقت ما يحب يرجع يردينى ليه انا مش لعبه فى أيديه يا مها انا بنأدمه لحم ودم وعندى احاسيس ومشاعر واللى عمله فهد صدمنى بجد
مها :- بس ارجع واقولك مهما يكون برضه رجالتنا مش زى مازن لا يا مليكه كانو بيحبونا وتملى كانو بيحاولو يفرحونا ويسعدونا مش زى اللى اختك شافته يعنى احنا كنا فى نعمه
مليكه :- وانا اخد قرار ومش هرجع فيه هنزل اشتغل واعتمد على نفسى
مها :- انتى حره بقى وقامت وسابتها
مليكه :- قامت لمت الاطباق من على السفره ودخلت المطبخ وغسلتهم وخرجت من المطبخ دخلت اوضتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند جومانه فاقت
وبصت حاوليها لاقت نفسها نايمه فى اوضه غريبه قامت مفزوعه وبصت على نفسها لاقت نفسها نايمه بهدومها
جومانه :- بأستغراب ازاى نايمه بهدومى معنى كده محدش عمل ليا حاجه طيب أنا فين وقعدت تبص على الاوضه وفى الوقت ده باب الاوضه اتفتح
جومانه :- بصدمه انت ا.ا.انت بتعمل ايه هنا وانا بعمل ايه
فارس :- هههههههه هكون بعمل ايه يعنى
جومانه :- يا نهارك اسود ومنيل ا.ا انت خطفنى
وفى الوقت ده خل عز
جومانه :- بأستغراب بابا هو ايه اللى بيحصل بالظبط
عز :- اللى حصل انك انتى خرجتى من الفيلا ومأخديش التليفون معاكى وفارس كان بيرن عليكى ومحدش رد اتصل على تليفون الفيلا وانا رديت عليه وسألنى عليكى وانا قولت ليه انك بتتمشى شويه تشمى هوا وبعدين بص لفارس وقال كمل انت بقى
فارس :- كنت جاى وجايب معايه حاجه ليكى ولما قلى انك بتتمشى وعلى رجلك ومش فى العربيه قولت ادور عليكى قرب الفيلا وانا ماشى شوفت اتنين شباب بيثبتو واحده وهياخدوها روحت أنقذها اتفاجئت انك انتى ضربتهم واخدك فى العربيه وجبتك هنا واتصلت بعمى عز وبلغته وهو جه وقعد معايه يستناكى لحد ما تفوقى من البنج بس هو ده كل اللى حصل
جومانه :- ش.ش.شكرآ
فارس :- بأستفزاز عامله فيها انك سبع رجاله فى بعض ومعاكى الحزام الأسود وحتة عيلين سيكى ميكى كان هيخطفوكى لولا انا جيت فى الوقت المناسب
جومانه :- وقفت وقالت بعصبيه ما قولنا شكرآ يا عم على شهمتك مش حكايه هى خلصنا
عز :- يا بنتى عيب كده كتر خير الراجل لولا كان الله اعلم ايه حصل فيكى
جومانه :- بطريقه كوميديه شكرآ على شهامة حضرتك اردها ليك يوم جنازتك أن شاءالله وبصت لابوها وقالت حلو كده وسابتهم وخرجت
فارس :- هههههههههه
عز :- بحرج انا اسف ليك يا ابنى مش عارف بجد اقولك ايه بس انا تعبت كتير علشان اغيرها وهى زى ما هى مش بتغير طريقة كلامها
فارس :- لا ولا يهمك يا عمى وسيب تغيرها على أيدى انا ان شاءالله
جومانه :- من تحت بصوت عالى ما يلا يا بابا ولا ناوى تبات عندك
عز :- بص بقلة حيله لفارس ونزل
فارس :- بتوعد كسرك على أيدى يا جومانه عز
