رواية تاجر النساء الفصل التاسع بقلم حنان احمد ماهر
هروب من الالم هروب من الخذلان هروب لحياة جديدة
ده كان قرار أمينه رغم الخوف من المجهول
عالم لا تعلم عنه شئ سألت نفسها قرار الهروب هيكون
نجاتى ولا المصير واحد ونهايته الموت
فاقت على وقوف القطار واخير وصلت مصر ثوانى
حست بالخوف كان المكان مزدحم والناس مختلفة
اطباعهم ولبسهم مش زى الصعيد حست انها مختلفة
سيطرت على خوفها وبدأت تسأل على
العنوان اللى فى الورقة اللى اخدتها من يسر
بعد فترة وصلت للعمارة اللى تسكن فيها سماح بنت
خالت يسر فضلت ترن الجرز وتخبط على الباب
بس ماحدش فتح
خرجت أميرة جارت سماح على صوت خبط الباب . مين حضرتك
أمينه بقلق . هى سماح مش ساكنه فى الشقة دى بردة
أميرة . أيوة فعلا بس مدام سماح مسافرة
أمينه بصدمه . إيه مسافرة يمرك ياامينه وقاعدت على
السلم وبدأت تبكى هعمل إيه دلوقتي اروح فين
انا معرفش غيرها فى البلد دى
صعبت عليها أميرة وحولت تهديها . أهدى بس ياحبيبتي
هى مدام سماح تقرابلك إيه
أمينه بحزن . بنت خالت صاحبتى وانا جيلها من الصعيد
معرفش حد غيرها فى البلد دى
حولت أميرة تطمنها . طيب تعالى ياحبيبتي ادخلى
جوة هدى نفسك من السفر
دخلت أمينه معها وسألتها أميرة عن سبب مجيها من
الصعيد لمصر
اطمنت ليها أمينه وبدأت تحكى لها كل حاجه عنها وأنها
هربانه من الصعيد بسبب ظلم خالها وعمتها
حزنت أميرة لما سمعت قصتها وأنها لسه صغيرة جدا
لتعرضها للظلم ده وقررت تساعدها . بصى يا حبيبتى
مش عيزاكى تخافى أنا هساعدك
فرحت أمينه وتجدد الامل جوها وتكلمت بحماس .
بجد والله ربنا يخليكي يارب كتر ألف خير
أميرة . ويخليكي ياحبيبتي عيزاكى تعتبرينى اختك
الكبيرة بصى ياستى أنا شغالة فى دار أيتام
صاحبه الدار دى ست طيبه وغنيه جدا هروحلها أنا
وانتى بكرة بإذن الله وهكلمها تشفلك شغل ومكان
تعيش فيه
أمينه بفرحه . بجد كتر ألف خيرك أنا مش عارفه اشكرك
كيف
أميرة . لا شكر ولا حاجة انتى زى اختى وربنا بيسببنا
أسباب لبعض قومى دلوقتي ادخلى غيرى هدومك
وتعالى ناكل مع بعض وبعدها تنامى على شان
هنصحى بكرة من بدرى ومتخافيش أنا جوزى مسافر
وبيجى كل اسبوعين إجازة بسبب شغله ومافيش حد معايا فى البيت فخدى رحتك
فضلت أمينه تصلى وتناجى ربها يحفظها عده اليوم عليها
بين صلاتها خوفها من المجهول وشكرها لربها لنجتها
وفى الصعيد عرفه أهل يسر أن بنتهم اللى ماتت مش
أمينه وكانو عايزين يعرفوا مين السبب فى موتها
وليه لبست فستان الزفاف بدل أمينه
وأمينه راحت فين رامو الذنب كله على أمينه اللى هى السبب
فى موت بتهم متواعدين ان هم هياخدوا بالتار منها
راحت زينب الاقسم عند منصور واترجت العسكري يخليها تقابله وبعد ما رشت العسكرى وافق يخليها تشوفه
منصور . زينب فيكى الخير والله شفتى بت الكل*ب
عملت ايه هربت
ضحكت زينب بصوت عالى أستغربها منصور . هو انت
فاكر اني جايه اهنه على شان اطمن عليك
وكملت بحقد انى اللى بلغت عنك وقولت الظابط انك
كنت عندها فى الاوضه قبل ما تموت وكمان انت
اللى قتلت محمود أفندى
منصور بزهول وغضب . ليه عملتلك ايه على شان تعملى
فيه كل ده
زينب بغل . انى بكرهكم كلتكم انت وزهرة وأمينه واخوك
بشير عايز تعرف ليه على شان انت السبب فى موت
الراجل الوحيد اللى عشقته أخيرا جه الوقت اللى
هشمت فيك وأشوف حبل المشنجه ملفوف فى رجبتك
منصور بتوعد . مش قبل ما خد روحك بيدى يازينب
ودخل العسكري واخد وراجعه على الحاجز
خبتط أميرة الباب ودخلت على أمينه . صباح الخير
يكسلانه ياله على شان منتاخرش على عايده هانم
أمينه. صباح النور هى عايده هانم دى صاحبه دار الايتام
أميرة . أيوة ياحبيبتي ياله قومى اجهزى وتعالى على
شان نفطر بسرعه وننزل على شان منتاخرش
دخلت أمينه الحمام اتوضت وغيرت هدمها وصلت فرضها
وبدأت تدعى وتطلب من ربها يحنن قلب صاحبه دار الايتام
عليها
بعد مدة وصلوا دار الصفا للأيتام وطلبت أميرة من أمينه
تستناها شويه لغايط ما تكلم مع عايده هانم
وبالفعل دخلت أميرة وبعد مده خرجت ل امينه وطلبت
منها تدخل لعايدة هانم لأنها طلبه تقابلها
دخلت أمينه وهى قلقانه ومتوترة شافت ست جميلة
فى عمر الأربعين وعندها هيبه
فضلت عايدة تبص ل امينه شويه وأمينه بتفرك اديها
بتوتر . تعالى ياامينه اتفضالى اقعدى
قربت أمينه بهدوء وقعدت بتوتر
عايدة . انتى عندك كام سنه ياامينه
أمينه . أنا قربت أخلص 15 سنه
عايدة . ياه انتى صغيرة أوى وعلى كده انتى فى مدرسة
أمينه بحزن . انا فى 3عدادى بس وسكتت ودموعها
بدأت فى النزول
حزنت عليها عايدة . أميرة حكت لى حكايتك تعرفى
انى معجبه بيكى
أمينه باستغراب وشورت على نفسها . انا
عايدة بطيبه . أيوة انتى رفضتى تستسلمى لظلمهم ورفضتى
تكونى سلعة فى ايد خالك
على شان كدة أنا هقف جنبك وهشغلك معايا و هتيجى تعيشي معايا فى بيتى لا وكمان هخليكى تكملى تعليمك
جريت أمينه عليها من فرحتها وطيت مسكت اديها
وبستها . بجد ياعايده هانم هتخلينى اكمل تعليمي
مسكت عايدة اديها . أيوة ياحبيبتي أن شاء الله هتكملى
تعليمك وتبقى حاجه كبيرة وبلاش عايدة هانم دى
وعتبرينى زى مامتك
حضنتها أمينه بفرحه ربنا ياخليكى يارب وسكتت بتوتر
عايدة . مالك شكلك اتغير كده ليه
أمينه بتوتر . انا بقول يعنى خلينى عايشه هنا يعنى ميصوحش اجى أعيش معاكى ويعنى جوزك وأولادك
قاطعتها عايدة . انا جوزى ميت وماعنديش غير ابن
واحد وبيكمل تعليمه برة يعنى عايشه بطولى وانتى
هتيجى تونسينى
وفقت أمينه ومن هنا هتبتدى حياة جديدة و ..........
