رواية امتلكني بالاجبار الفصل الخاتمة
بعد مرور سنتين ...
نصار كان قاعد في السجن بهدوء مستني ميعاد زياره نوران .
نوران جريت عليه بسرعه و حضنته بدموع ./بابا وحشتني اوي .
نصار غمض عينه بـ حزن و حضنها .
نوران خرجت من حضنه و قعدت قصاده بهدوء ./بابا عامل ايه . وحشتني اوي .
نصار ابتسم بحزن ./انا الحمدلله كويس . طمنيني عليكي عامله ايه .
نوران بدموع ./مش عارفه يا بابا كل يوم بيعدي عليا اسوء من اللي قبله . بقالي سنتين هنا و كل يوم اقول أخرج بكره بكره مفيش الظاهر اني هفضل هنا طول عمري .
نصار مسك ايديها بحب ./انا وكلتلك اكبر محامي علي الاقل لو معرفوش يبعدوكي عن القضيه . يحاول يجبولك حكم مخفف.
نوران دفنت وشها بعياط ./بابا علي قالهم اني كنت اعرف بقتل ادهم . و انا معملتش كده والله و لا كنت أعرف أن علي بيخطط ل كده .
نصار طبطب عليها بحنان ./انشاء الله المرافعه الجايه . يكون المحامي اتصرف و اثبت كل ده.
نوران هزت راسها بدموع .
_________________________________
ادهم بص علي مريم بحب . و سحبها من وسطها لحضنه و باسها بهدوء ./وحشتيني .
مريم ابتسمت بهدوء و حركت ايديها علي كتفه بدلع ./يا ادهم انا كل يوم معاك و لسه صاحيين اهو .
ادهم بزعل مصطنع ./و طول اليوم استاذ عز وخدك مني . و انا اللي كنت فاكر أنه لما يكبر و يتعلم المشي هيهدي شويه .
مريم ضحكت عليه ببراءة. /معلش يا حبيبي ما هو ابنك بردك .
ادهم قرب من وشها بحب ./ما هو عشان ابني انا ساكت . اتفضلي يلا غيري هدومك عشان نلحق نضبط كل حاجه قبل ما كاميليا ترجع.
مريم ابتسمت بهدوء و هزت راسها و جابت حاجه و دخل الحمام .
___________________________________
معتز قرب من نور بهدوء و باسها من خدها بسرعه ./مش كفايه نوم يا روحي و لا اي.
نور اتعدلت بنوم ./تعبت يا معتز طول الليل . شويه انيم في وعد و اول ما تنام زين يصحي . مبقتش عارفه انام منهم خالص .
معتز قعد جنبها بحنان ./ما انا عشان عارف مراتي حبيبتي قد ايه بتتعب مع عيالنا قولت احضرلك الفطار انهارده.
نور ابتسمت بهدوء و مسكت أيده بحب. /ربنا يخليك ليا والله يا حبيبي مش عارفه من غيرك كنت هعمل ايه .
معتز ابتسم بخبث ./انا بقول بلاش فطار احسن .
نور سحبت ايديها بكسوف ./لا يلا و بطل حركاتك دي . عشان كمان مريم كلمتني و عزمنا علي عيد ميلاد كاميليا بليل.
معتز ابتسم بهدوء و جه يتكلم بس صوت عياط زين قاطعه .
معتز باس راسها بسرعه ./كملي انتي يا حبيبتي و انا هروح اشوفه بيعيط ليه .
نور ابتسمت عليه بهدوء و حب و قامت تغير هدومها .
_______________________________
ادهم كان واقف بيظبط هدومه قدام المرايا . مريم طلعت من الحمام و هي ضاغطه علي ايديها بضيق .
ادهم بص عليها باستغراب ./مريم في حاجه.
مريم هزت راسها بضيق و راحت قعدت على الكنبه بتعب .
ادهم قرب منها بقلق ./مريم في ايه . في حاجه تعباكي .
مريم هزت راسها برفض . و حطت الحاجه اللي في ايديها علي الترابيزه قدامه . ادهم بص علي مريم بعدم فهم و سحب تيست الحمل من علي الترابيزه بفرحه ./ مريم . انتي . انتي حامل .
مريم بصت عليه باستغراب . مكنتش متوقعه رد فعله ./ادهم انت فرحان .
ادهم مسك ايديها بحب ./و مفرحش ليه . انتي و كاميليا و عز معايا و في نونو هينورنا كمان كام شهر و البيبي ده منك . ايه يخليني مفرحش .
مريم نزلت راسها بتعب ./انا مش مصدقه لحد دلوقتي يا ادهم . عز لسه صغير . و انا مش مستعده لـ اولاد تاني دلوقتي .
ادهم ضحك عليها بهدوء و حرك أيده علي خدها ./يا حبيبتي انا معاكي . و داده عاليه و طنط فاطمه . و حتي المربيه اللي جبناها لـ عز مريحاكي شويه . ليه لزمته القلق و الزعل ده .
مريم بصت عليه باستغراب ./انا مكنتش متوقعه رد فعلك الصراحه .
ادهم ابتسم بحب ./يا حبيبتي ده رزق و ربنا بعتهولنا . ايه هيزعلني بالعكس ده انا مبسوط اوي كمان و هدعي ربنا يرزقني ببنوته تكون شبهك .
مريم ابتسمت عليه بحب و دخلت في حضنه ./شكرا يا ادهم . شكرا علي كل حاجه بتعملهالي و عملتهالي . انا بحبك اوي و لو رجع بيا الزمن الف مره هختارك و اختار احبك .
ادهم حرك أيده علي شعرها بحنان ./أنا بقي لو رجع بيا الزمن الف مره . كنت هختارك يا مريم و هفضل اختارك . بس مكنتش هختار نفسي و لا أختار الطريقه اللي خلتك في يوم من الايام تكرهيني . و اتمني اكون قدرت انسيكي كل ده .
مريم مسكت وشه بين أيديها ./انا نسيت كل حاجه يا ادهم صدقني نسيت كل حاجه . مبقاش في اي حاجه في حياتي غير حبنا لبعض و اللي خلانا نكمل لحد دلوقتي . و هتفضل اجمل و احن راجل شافته عينيا يا ادهم . عشان خاطري انسي انت كمان انا خلاص مبقتش محتاجه اي حاجه غير وجودكم جمبي.
ادهم هزت راسه بحب ./يلا بقي عشان نلحق نجهز كل حاجه .
مريم ابتسم بهدوء ./يلا .
_____________________________________
بليل ..
كاميليا دخلت البيت بهدوء و هي متاكده أن في حاجه خلتهم ينسو عيد ميلادها .
كاميليا اتحركت بضيق . قبل ما تصرخ بخضه من صوت البلونه اللي فرقعت.
كاميليا بصت بخضه علي مصدر الصوت .
قبل ما مريم تقرب منها و تحضنها بسرعه و النور يولع .
كاميليا ابتسمت بحب و حضنت مريم ./كنت فكراكم نسيته . بس كنت متاكده أن أكيد في حاجه خلتكم تنسو .
ادهم قرب و حضنهم بحب ./انتي هتفضلي بنتي الكبيره يا كاميليا و مهما حصل مقدرش انسي عيد ميلادك . كل سنه وانتي معانا يا حبيبتي .
مريم خرجتها من حضنها بحب ./كل سنه و انتي طيبه يا كوكي .
كاميليا ابتسمت بدموع و حضنتهم ./انا بحبكم اوي .
معتز قرب عليهم و هو شايل عز بمرح ./شوف ابنك يا عم مش راضي يبطل ضرب في بنتي .
مريم خدته منه بضحك ./معلش يا معتز .
معتز اتنهد بمرح ./كل يهون عشان كاميليا .
نور ابتسمت من بعيد عليهم ./يلا يا كوكي عشان تطفي الشمع .
كلهم راحوا وقفه جمب بعض عشان يطفو الشمع .
و ادهم كان كل شويه يبص علي مريم و عز و هو مبسوط بوجودهم و حياته اللي اتغيرت . و معتز كانت عينه دايما علي نور و شايل زين و بيلاعب فيه بحب .
مريم ابتسمت بحب و وقفت كاميليا. /اتمني الامنيه الاول .
كاميليا ابتسمت بهدوء ./هي أمنية السنه اللي فاتت لو متحققتش . ممكن تتحقق في اي وقت .
كلهم ابتسمه عليها بحب .
مريم بهدوء ./ مفيش امنيه مبتتحقش . بس انتي اتمنيتي ايه و متحققش .
كاميليا ابتسمت بهدوء ./اتمنيت اني اروح لـ ماما .
قالت كلامها بسرعه تحت صدمة الباقي و طفت الشمع بهدوء .و ابتسمت بتلقائيه ./مفيش امنيه السنه دي . عشان انا مروحتش .
مريم بصت لـ ادهم بدموع . و نزلت لـ مستواها ./كاميليا انتي فاهمه الكلام ده معناه ايه .
كاميليا هزت كتفها بتلقائيه ./اه فاهمه . لو روحت عندها مش هعرف ارجعلك تاني بس انتي اكيد هتجيلنا في يوم صح .
مريم دموع نزلت بحزن ./كاميليا انتي عايزه تسبيني و تمشي . مينفعش تقولي كده و لا تتمني كده . انتي تدعي لماما كل ما تفتكريها هي في مكان احسن .
كاميليا ربعت ايديها بهدوء ./ما انا عارفه انها في مكان احسن و بدعيلها و بكلمها. مع اني مش فكراها اوي و دايما بفتكر ملامحها من الصور . بس لما اروحلها هي هتعرفني اكيد و هتحس بيا .
مريم غمضت عينيها بدموع .
ادهم نزل لمستواهم بحنان ./كاميليا حبيبتي . احنا مينفعش نتمني كده عشان دي حاجة بتاعت ربنا .و انتي مينفعش تعترضي علي قضاء ربنا . و انا و مريم و كلنا معاكي و بنحبك . مينفعش تسبينا و تمشي أو تتمني انك تمشي بعيد عننا .
مريم مسكت أيديها بدموع ./كاميليا انتي بنتي . انتي مش دايما بتقولي كده . انتي بنتي و اختي و كل حاجه و انا معرفش اعيش من غيرك لحظه .
نور دموعها نزلت بهدوء و معتز مسك ايديها و بصلها بـ اطمئنان .
ادهم مسك ايد كاميليا ببراءة ./مينفعش تتمني حاجه زي كده تاني . انتي تدعي لـ ماما كل ما تفتكريها . مينفعش تفكري انك تبعدي عننا . و انا لسه قايلك انتي بنتي الكبيره و الابن الكبير ده بيكون ليه غلاوه و مكانه خاصه . مينفعش تفكري تبعدي عننا ابدا يا كاميليا .
ادهم ميل و همس جمب ودانها ببراءة./و بعدين مش انا قايلك اني بحبك اكتر من مريم .
كاميليا ابتسمت بهدوء و اتنهدت بحزن و حضنت مريم ./انا اسفه متزعليش مني . انا مش عايزه اسيبك و لا اسيبكم ابدا يا مريم .
مريم حضنتها بهدوء و مسحت دموعها بسرعه .
كاميليا خرجت من حضنها بسرعه ./هتمني امنيه تاني .
كاميليا غمضت عينيها بسرعه و فتحتها ./اتمنيت يكون ليا اخت بنت تاني .
كلهم ابتسمو عليها بحب .ادهم حضن مريم من كتفها ./لا من الناحيه دي متقلقيش . كلها كام شهر و يشرف بيبي جديد العيلة .
كاميليا ابتسمت بفرحه . /الامنيه هتتحقق .
ادهم ابتسم عليها بحب . و معتز و نور باركلهم .
________________________________________
مريم قعدت علي السرير بتفكير . ادهم اتنهد بهدوء و هو عارف بتفكر في ايه و قرب منها. /كلام كاميليا لسه مزعلك .
مريم ابتسمت بدموع ./اول مره احس اني فشلت اعوضها مكان ماما . انا عارفه اني عمري ما اكون مكانها . بس انا ملقتش اللي يعوضني غياب ماما . كنت دايما بقوي بـ كاميليا يمكن هي بتشوف العكس بس الحقيقة اني انا لما ببقي
متحسش اللي انا حسيته يا ادهم .
ادهم تتنهد بحزن و حرك أيده علي خدها بحنان ./بكره هتكبر و تفهم و تعرف اللي انتي عملتيه . كاميليا مهما قالت هي لسه صغيره لسه مش قادره تفهم الواقع و الحياة . بس هي بتحبك و ملهاش غيرك و عمرها ما تفكر تبعد عنك . انتي و كاميليا مسئوليتي يا مريم . و سعادتكم من واجبي.
مريم دخلت في حضنه بدموع ./كل حاجه بتعيد نفسها يا ادهم . حاسه ان حياتي و اللي حسيته بيتعاد قدامي في كاميليا . مش هقدر اشوفها بتعيش اللي عيشته يا ادهم .فضلت طول حياتي بركن زعلي و بركن الفراغ اللي سابته ماما و الصدمه اللي خدتها من بابا عشان اكون قويه قدامها و معاها . عشان ابقلها الام و الاخت . بس في لحظه كل حاجه بتتعاد قدامي كأني بفشل في الحاجه الوحيده اللي بقيالي من ماما .
ادهم غمض عينه بحزن .و حرك أيده علي ضهرها ./صدقيني انا معاكي و جمبك . و هنحاول احنا الاتنين مع بعض . بس كفايه تحملي نفسك فوق طاقتها . ارمي حمولك علي ربنا و عليا . انتو الاتنين مسئوليتي .
مريم غمضت عينيها بـ اطمئنان . و دخلت في حضن ادهم اكتر .
______________________________________
بعد اسبوعين .
نصار كان قاعد مع ادهم في مكتب الفيلا .
نصار هز راسه بيأس./اتحكم عليها سبع سنين .
ادهم بهدوء ./انا اسف بس دي خطفت ابني و انا مقدرتش اتنازل عن حقي و عشان خاطرك انت مردتش اقوم بالواجب و سيبتها تاخد عقابها بالقانون .
نصار حرك رأسه بقلة حيلة./انا عارف و ده حقك . و هي ده حقها .
ادهم ابتسم بهدوء ./مريم حامل .
نصار ابتسم بفرحه ./الف مبروك . ربنا يعوضكم خير .
ادهم ابتسم بهدوء ./الله يبارك فيك .
نصار ابتسم بهدوء ./كل حاجه فيك من ابوك الله يرحمه .
ادهم ابتسم بهدوء ./ الا اختياراته .
نصار اتنهد بهدوء . /فعلا.
__________________________________
كاميليا دخلت لـ مريم و هي شايله عز ./عمال يعيط من بدري . شكله عايز ياكل .
مريم اتنهدت بتعب و خدته منها ./مالك بس يا حبيب ماما بتعيط ليه.
عز ضحكلها .
مريم ضحكت عليه بتعب هي و كاميليا .
كاميليا./اومال كنت بتعيط ليه .
مريم اتنهدت بتعب ./بيد...
مريم سابت عز بسرعه و دخلت الحمام ترجع .
كاميليا بصت عليها بقلق و شالت عز بسرعه . /مريم انادي . عمو...
قاطعهم ادهم لما دخل عليهم ./اومال مريم فين .
كاميليا شاورتله علي الحمام بقلق .
ادهم دخل بسرعه و سندها بقلق ./اكيد مخدتيش العلاج اللي كتبته الدكتوره .
مريم غسلت وشها بتعب و طلعت و هي سانده عليه ./شكلي نسيته .
ادهم بعدها علي السرير و اتنهد بضيق و جابلها الدواء ./مينفعش تنسيه يا مريم . انتي داخله في الشهر التالت و الدكتور قالت محتاجه راحه عشان حملك مبنش غير بعد التاني . لو سمحت بقي متهمليش في علاجك .
مريم خدت الدواء منه بتعب و اتعدلت بهدوء ./هاتي عز يا كاميليا عشان هيفضل يعيط كتير شكله .
كاميليا قربت منها بهدوء ./اتخض عليكي لما سبتيه .
مريم ابتسمت بهدوء و شلته و هو فضل يلعب معاها هي و كاميليا . ادهم ابتسم عليهم بهدوء و قرب منهم .
__________________________________
معتز قرب من نور بهدوء ./ايه رايك لو سافرنا يومين .
نور بصتله بعدم فهم ./طب و زين و وعد .
معتز ابتسم بهدوء./نخدهم معانا .
نور اتنهدت بتعب ./و هنعرف نغير جو و نخلي بالنا منهم ازاي بقي .
معتز حرك أيده علي ايديها بحب./هطلب مربيه تيجي معانا اليومين دول . انتي تعبانه و محتاجه تغيري جو و انا كمان الصراحه . و الاماكن اللي ينفع نخدهم فيها نخدهم.
نور هزت راسها بهدوء ./ماشي يا معتز .
معتز حرك أيده علي خدها./تعبانه .
نور هزت راسها و ابتسمت بهدوء ./انا كويسه متقلقش . و بعدين انت بقالي اسبوعين سايب شغلك و قاعد معايا مش كفايه كده .
معتز بزعل مصطنع./زهقتي مني و لا اي .
نور هزت راسها برفض ./لا طبعا . انا بس عشان شغلك ميتاثرش يا حبيبي.
معتز حرك أيده علي طول دراعها بحب ./متقلقيش يا حبيبتي انا متابع كل حاجه و هنزل بكره عشان اظبط كل حاجه قبل ما نسافر .
نور هزت راسها بهدوء و دخلت في حضنه . معتز ابتسم عليها و حضنها .
_________________________________
بعد أيام .
مريم صحت بليل بتعب ./ادهم ادهم .ادهم اصحي بقي .
ادهم فتح عينه بنوم ./في ايه يا حبيبتي .
مريم ربعت ايديها بضيق./انا جعانه و مش قادره انزل اجيب الاكل .
ادهم بص علي الساعه بهدوء ./جعانه الساعه ٢ بليل يا مريم .
مريم هزت راسها ببراءة .
ادهم اتعدل بهدوء ./هنزل اجبلك الاكل و اجي.
و سبها و مشي .
ادهم طلع بعد شويه و هو شايل صنية الاكل و حطها قدامها.
ادهم ابتسم بحب ./يلا يا حبيبتي بس تاكلي الاكل كله عشان مبقاش نزلت علي الفاضي .
مريم هزت راسها بهدوء . مريم ابتدت تاكل بهدوء تحت نظرات ادهم اللي كان بيبصلها بحب كبير .
مريم بصت عليه بتوتر من نظراته . و بعدت الصينيه.
ادهم مسحلها الاكل اللي علي بوقها بحنان ./شبعتي .
مريم هزت راسها بتوتر . ادهم شال الصينيه بعيد . و قرب منها بخبث ./بس انا لسه .
مريم هزت راسها بعدم فهم ./ يعني ايه .
ادهم حرك أيده علي وشها برغبه. /وحشتيني. و ميل باسها بتلذذ . مريم غمضت عينيها بهدوء و لفت ايديها حوالين رقبته بكسوف . و بعدين ....
