رواية انثي من عسجد ( كاملة جميع الفصول ) بقلم جوهره

حبايب هذه الرواية اقدمها بين اناملكم ولترتوي بها عيونكم واحاسيسكم ، اطلب منكم تصويت وتعليق وملصقات لاتبخلون عالرواية من هالاشياء ، صعدوها للرواية يلا حبايبي

#الكاتبة_Jawhara 

_____________

#مقتطف من قادم الأحداث / 

ثريا / 

ضغطت الجرح اللي براسها ومازال ينضح دم وشهكت تحاول ما تبجي ولا تبين هي بموقف ضعيف ، التفتت على غطفان اللي نظراته مصوبها عليها ، نظرات حاقدة ، كارهه ، مغتاضة ، يسوي اي شي حتى ينهيها يموتها ولا يرتبط اسمه باسمها ، رفع إصبعه بوجهها / ابقي هنا ممنوع تخطي رجلج برا الغرفه 

طلع واني سندت ظهري عالجرباية مديت رجلية عالارضية وعيني عالباب اللي انسدت همزين ماقفله ، فكرت اطلع وشيسوي خل يسوي كولش غثيث إن شاء الله تنكسر ايدك يا حقير شلون ضرب راسي بالحايط بقسوة ، والله لا اخليك تعض جلدك ندم 

ــــــــــــــــــــ

غطفان / 

بعدما احتركت أعصابه طول الوكت وايده ضاغطه ستيرن السيارة ، يريد يفجر راسها ويخلص منها ، اي هو من الاول ما عجبته السالفة ليش يكون كبش فدا مو غطفان اللي ينزل راسه ..

زمخ بيها بعصبية وعروك رقبته نافرة بسبب غضبه المكبوت اللي بدا يتفجر مثل فوهة بركان هايج ويرمي حممه بدون رحمه 

ما ابتعد ولا ذرة سحبها ودك الباب بقوة ورجع ضغط على جرس الباب لحظات بطيئة عالاثنين ، انفتحت الباب ومدت ثناء راسها انصعقت من شافت منظر عمتها ثريا واللي على أساس راح يكون زوجها غطفان 

همسات برعب وعيونها على ثريا تريد تحجي ما كدرت الا الباب اندفعت بقوة لدرجه ثناء اندفعت وية الباب واجت تتهاوى توكع 

دخل غطفان وصاح بقوة وأيده تضغط بذراع ثريا / يا حجية ثريا يااللي بلشتيني بسالفة طلع عليها تراب مو بس غبار تعاي استلمي حفيدتج اللي تزامطين بيها !!!!!!

السخرية واضحة بملامح وجهه وعيونه اللي التقت بعيون حجية ثريا ، طلعت تريد تعرف شنو هالصوت وعرفته صوت غطفان 

حجية ثريا وعوجيتها بيدها مستندة عليها / ها يا ابن الحمايل ( قصدها ابن الحظ والبخت) يا ابن الشيوخ هيج اطب ( تدخل ) على بيوت الوادم ، عينها راحت لحفيدتها الساكنة ومنزلة راسها تبجي بونين ، ردت على غطفان / هد البنت لا بارك الله بيك شبيك كاضها وجايبلنا البلا الله لا يبلانا 

متحملت ثريا انهارت بعد الكبت والضغط النفسي اللي عاشته وكعت مرمية قريب من رجلين غطفان اللي فتح عيونه متوتر وهو يشوف انهيارها !!!

ــــــــــــــ #الفصل_الاول

قبل ستين عاما .............

اجواء ربيعية لطيفة وكان الوقت قريب الضحى ، صاح حجي عارف على البنت الي طلعت من إحدى الحجرات وبيدها سكين كبير 

ومحاوطة شعرها بشيلة ملثمة بيها وما تظهر بس عيونها الوسيعة واضح عمرها صغير ..

1 

حجي عارف / ثرياااا يبوي استعجلي بالغدا للضيف وشوفي منهو يجهز الذبيحة 

ردت عليه بثقة وهي تتقدم للذبيحة الخروف الي معللك باحد عواميد الخشب على بعد من الربعة أو مضيف عمها ..

ثريا / لا تشيل هم يعمي أنا اللي اسلخها زلمنا طلعو للبساتين اعتبر الغدا جهز 

5 

قدمله فنجان الكهوة وصحن التمر ، ومبتسم من تذكر بنت اخوه الي تركها قبل شوي وهي تقريبا أنهت عملها وبدأت تقطع اللحم 

حجي عارف/ تفضل يشيخ 

اخذ الفنجان ونظر بتمعن ورجع كال ..

/ كبل ما اشربه عندي طلب وإن شاء الله هكوتي تكدر عليه 

حجي عارف/ تبشر يشيخ غطفان والله إن كدرت لا تاخذ طلبك وانا ابو عدنان 

شرب فنجانه وهزة بيدة دليل على اكتفائه 

شيخ غطفان / والنعم منك حجي ، البنية الي حجيت وياها رايدها حرمة لابني راشد والي تطلبونه أنا حاضر 

ابتسمت عيونه وكان وده مايرجع الشيخ بطلبه هذا ،،

حجي عارف/ البنت مرية ابني عثمان هي بنية اخوي الله يرحمه وزوجتها لعثمان وعرسهم الشهر اللي يهل علينا وانت اول الحاضرين 

اظلم وجه شيخ غطفان لأن جان متأمل هالبنت لابنه ورجع رسم ابتسامة على وجهه / الله يسعدهم ويرزقهم ذرية صالحة ، والله من سمعتك صحت باسمها وانا تمنيتها لوليدي 

4 

حجي عارف وهو يحاول يطيب خاطره من شافه متكدر / باذن الله جتك سميتها أن طال الزمن والا كصر ( المعنى أن حجي عارف أهدى البنت اللي تتسمى باسم ثريا للشيخ مهما طال الوقت من تصير عدهم بنية ينطيها للشيخ كزوجة لأحد ابنائهم)

ابتسم شيخ غطفان وهو يجاري الحجي بكلامه يعرفه مايريد يفشله/ هذا وعد ما بي مرجوع 

حجي عارف/ والله عندي اثنين بنوات تخير منهن وخذها بعباتها انتم اهل عز وصيت والنعم منكم 

شيخ غطفان / ما عليك زود ، بس انا امزح وياك هذه الدنيا محد ضامن عمره 

حجي عارف / لا بالله أنا كلمتي ما أتنازل عنها 

شيخ غطفان/ والنعم منك ، لعد ننتظر سميتها إذا مو لوليدي لواحد من احفادي 

الشيخ عنده ولد والباقي اربع بنات 

3 

____________

في الوقت الحاضر ..

ثريا الحفيدة/

رغم الالم الي احس بي يعصر گلبي ويرجع يفتته واني اسمعهم يسولفون !!! شنو يتزوج سميتها قصدهم اني والله ياربي عبالهم اقبل والوضع كولش عادي ، اخ من اذني الي تسمع اشياء تغث وتخليني احزن واتألم اني شسوي هنا المفروض ادخل غرفتي ما اطلع لباجر الصبح ، تنفست بحسرة والتفتت على صوت دكة باب المطبخ شفته من زجاج الباب وبسرعة طلعت لغرفتي متأكدة لمحني من الزجاج العاكس لأن ضوة المطبخ منور ، نكتت ايدي من المي عالسنك وطلعت حتى ماريد عشا صعدت ركض عالدرج واصواتهم تهلي وترحب شبسرعة دخل عليهم تو جان واكف بالباب ، ماريد افكر باي شي خل اركز بدوامي وأشوف شعندي مواد ادرسها د اتحضر ، ورى دقايق حسيت على فتحة الباب رفعت راسي ونترت بصوت ناصي واني متضايقة من دخولها علية ..

ثريا / خييير !!!؟ تدرين اضوج احد يدخل بدون ما يدك الباب 

كعدت مقابيلي عالكرسي ونقرت باصابعها الناعمة البيضا عالطبلة الي عليها دفتر خطة واقلامي وردت علية مبتسمة ..

ثناء / اعصابج رورو عندي خبر حلو الج 

غمزت بعينها وشفايفها مبتسمة ورجعت كملت من شافتني صافنة عليها .. 

ثناء / اجى عارف وفتح موضوعكم وية بابا 

،،

غمضت عيوني بقوة نترت بيها ..

ثريا / اطلعييي ثناااء من الغرفة ماريد اسمع ولا حرررف 

ثريا / ما شاء الله وقبل شوية جنت حديث الكعدة مالتهم بكيفهم يخططون عبالهم اني اقبل ، ثناء انزلي واذا احد سالج كولي مترد وغرفتها بابها مقفول ، يلا ادعبلي د اقفل الباب هسة يجي خالد ويفتحلي الموضوع 

ثناء وهي تطلع / بابا يحبج ما اعتقد يضايقج باي شي بس اني سمعت سالفة واحتمال تتفاجئين بيها 

رفعت ثريا عيونها لسقف الغرفة ورجعت تنهدت بحرقة ../ يا ليلة اللي مراح تخلص ، اكولج اطلعي حبابة ماريد اسمع شي يغثني 

راحت قفلت الباب ورجعت تتنفس بقوة تحاول تهدي روحها وكعدت فتحت دفتر الخطة بدت تكتب تتجاهل كولشي يضايقها هالفترة 

_______

ابو ثناء ( خالد ) يحاول بكعدتهم هذه يطيب خاطر ابن عمة بعدما سمع رفض جدتهم / اللي كاتبه الله يصير وإذا قسمتك متصير لغيرك وانت ابن عمنا اولى من الغريب 

الجدة حجية ثريا ردت بهدوء / مالك مرة يولد ، تريد تختار من بنيات عمك ذياب أنا واكفة وياك ، الا ثريا مالك نصيب بيها 

تعرف قست على حفيدها بس وصية عمها عارف الله يرحمه ما تكدر تنساها والكل يعرف بهذا الشي لأن هذه وصية وأمانه ومن تتذكر شلون ولدها لو احفادها اول ما يتبشرون بولادة البنت محد يسمي على اسمها ( ثريا ) لا تروح البنت عروس لبيت شيخ غطفان مو استنقاص ولا كره لكن مايحبون بناتهم تطلع للغربة ، الا ابنها ابو خالد ( حاتم ) الله يرحمه ولدت مرته اخر العنقود جابتها بنت جان حيل فرحان بيها ، ما انسى من ناظرني بعيونه الفرحانه وكال / يمة هاي اسميها ثريا على اسمج 

يعيون امك الله يرحمك برحمته جنت اريدك عايش وانت تواريني التراب من اموت ( قصدها يحضر دفنها ) ، 

ردت حجية ثريا وهي تضرب بعوجيتها ( باكورة) الأرضية وتطلع صوت ، / وصية جدك وتتنفذ سدو الموضوع لحد يحجي بي 

وكف عارف ورد واعصابه على حافة انفجار / 

امتى الزواج وهم مايدرون عن هوى داركم ؟!!! جدة انتي تضحكين لو تستهزئين بينا ، سوالف قبل شنسوي بيها وترى واضح جدنا عارف الله يرحمه راد يسلكله ويزحلك الشيخ والا اكو واحد هيج يحجي اكيد مو قصده 

حجية ثريا من شافت الكل ساكت وعاجبه الوضع / انطم واسكت والبنت تتزوج إن شاء الله ووصية عمي تتنفذ 

2 

طلع عارف والدخان ينفث من خشمه بحرقة لأن ميكدر يحجي أكثر جدته وعيب يكثر حجي مو زين وياها 

_____________

بيت الشيخ غطفان وأحفاده ( احفاد ابنه راشد )

عددهم خمسة جبيرهم الحفيد الأكبر غطفان مسمى على جدهم الجبير الشيخ غطفان رحمه الله 

غطفان + راشد + عبد الكريم + فهد + حسن

واختهم الوحيدة ( فنار) 

دخل أبو غطفان الشيخ ابراهيم ( ابن راشد ابن الشيخ غطفان ) وهو يتكىء على عوجيته بسبب كسر برجله التأم حديثا وما يكدر بدون العصا يسند جسمه ، كعد عالكرسي بعدما سلم وهو يمسح على وجهه الابيض ولحيته الي غزاها البياض ..

شيخ ابراهيم / من اللي رايح عالمعمل وكايللهم وقفوا الشغل ؟!

1 

اشر أصغرهم اللي اسمه حسن على اخوه لأن ميكدر يضم اي شي عن أبوه ..

حسن / غطفان البارحة جان بالمعمل 

شيخ ابراهيم / ها غطفان ؟! انت حجيت وياهم ؟!

1 

غطفان خزر حسن ورجع التفت لأبوه / اي يابة لأن حسب ما وصلني من أحد العمال اكو تسيب 

التفت الشيخ على راشد / باجر من الصبح اني بالمكتب واريد كلشي من ملفات وأوراق جدامي 

راشد / تمام يابة ينور المعمل بجيتك 

طلع غطفان وعينه على حسن اللي خلس بصف أبوه ماتحرك 

غطفان / 

كمل ترتيب جنطته وحط اخر قطعه من ملابسه العسكرية ، عقله مشغول بكلام ابوه قبل كم يوم ،، أخذ نفس ودفعه ولف لجهة الباب اللي اندكت يعرفها هالدكات الخفيفة لفنار عكس إخوته العناتر تكول راح ينشلع الباب إذا اندكت 

غطفان / تعاي فنار 

دخلت وابتسامه هادئة مرسومة على شفايفها 

فنار / اجيت اجهز جنطتك جدة كالت اليوم تلتحق 

قفل الجنطه ورفعها من السرير الجبير وخلاها بسد الكنتور ، مسح على رأسه وباوعلها بنظرة هادية/ فديت ام ابراهيم اللي گلبها علية 

فنار تقترب وتحضن ذراعه بحب وبصوت ناعم / لا تظلمنا كلنا نحبك واولهم اني حبيبي اخوية اللي افتخر بي 

ابتسم وحضنها ودنك رأسه باس خدها / من الاخير شتردين ؟! 

عافها ومدد على فراشه انتجى على المخدة وعينه عليها ، استحت فنار من نظراته اللي مركزة عليها وفركت ابهام أيدها بتوتر / شنو رايك بنهلة ؟ 

استعدل بكعدته ورفع حاجبه وبنبرة صوت باردة / وانتي واسطة لو شنو مكانج بالموضوع ، بعدين على شنو تساليني رأيي بيها ، بنت عمتي وما يعجبني احجي بسوالف بيها نسوان 

باوعلها صفح / فنار انتي دافعتج البنت ورطتج لخاطر مصلحتها ، فهميها غطفان ما يتزوجها 

فنار باندفاع / غطفان والله البنت تح...

سكتت ماكملت ، بسرعة كامت متريد تهل سوالف نهلة 

غطفان / اششش ماريد اسمع 

فنار / لعد اروح اكمل كوي ملابس ، محتاج شي مني ؟

ابتسم تك خد من شاف خدودها البيضة احمرت / سلامتج 

هز رأسه بعدم اقتناع بعدما طلعت أخته / عبالها ما اعرف سوالفها هالنهلة ، هي مرة وحدة وانجويت تريدني أعيدها ، الله يحرمج الراحة والسعادة وين ما جنتي يا ....

ام غطفان / اترجاك لا تضغط على غطفان ترى الي مر عليه مو شي سهل وانت ادرى 

مسح على أيدها الي تعدل شماغه وضغطها

بين اصابعه / مريم لا تتدخلين بهاي السالفة وابنح انطيته وكت يفكر ويرجعلي بالموافقة ، هاا خلي هالشي على بالج زين 

ام غطفان بقهر/ والله كاره النسوان وطاريهن يرجال خف على ابنا شوية 

اخذ العطر وتعطر بدون ما يلتفت عليها لأن يعرفها راح تبقى تنكنك وعقله ما صافي لسوالفها ، طلع من غرفته يستند على عوجيته وهي تمشي وراه بس مغلس منها دخل لغرفة أمه الحجية باس راسها وكعد بسدها عالسرير وأخذ أيدها

يمسدها ودنك باسها / ها حجية تروحين وياي 

ام ابراهيم وهي تعدل بشيلتها فوطتها / على وين العزم ؟!

الحجية ام ابراهيم زوجة راشد الابن الوحيد للشيخ غطفان اولادها عبد الكريم خلفته بنات اثنين وتوفى ، والشيخ ابراهيم اللي زوجته هي مريم وأولادهم غطفان وراشد وعبد الكريم وفهد وحسن وفنار 

ابو غطفان بابتسامة / هنا مو بعيد اخذج لجماعة عرف من زمان ما مار عليهم 

ام ابراهيم / يوليدي مالي خلك طلعة ، وانت شعندك تحوس ورجلك بعدها ماطابت 

ابو غطفان / الحمدلله احس بيها احسن اليوم 

الحجية / الف الحمدلله ييمة الله يديمك خيمة على روسنا 

ام ابراهيم / يوليدي مالي خلك طلعة ، وانت شعندك تحوس ورجلك بعدها ماطابت