رواية روان ما بين الطفولة وصدام الايام ( كاملة جميع الفصول ) بقلم اميرة هنداوي

ام روان،،اي رايك ي روان ف لون الخمار دا؟

روان،،حلو ي ماما اي حاجه ترضيكي انا راضيه بيها

ام روان،،مفيش حاجه اسمها يرضيني لو عاجبك قولي ولو مش عاجبك نجيب لون تاني انتي الي هتلبسي مش انا

روان،،طب بصي هاتيه اللون الاسود عشان يليق ع الدريسات الي انتي جيبهالي

ام روان،،تمام وهجيبلك اللون الأزرق عشان انتي عندك دريس سماوي هيليق عليه

روان،،تمام

…..

وبعد لفه طويله وف محل محجبات جات عين ام روان علي نقاب وفضلت بصاله شويه وبتبتسم وبعديها بصت لروان بضحك

روان بإستغراب،،بتضحكي علي اي ي ماما 

ام روان،،لسه بدري شويه صغيرين وهتبقي ملكه ي روان

روان،،مش فاهمه ي ماما هبقا ملكه ازاي

ام روان،،بكره تفهمي ومسيرك هتلبسيه

روان،،انتي بتلمحي لأي مش فهماكي تقصدي اي

ام روان،،خليها ف الوقت المناسب هتعرفي كل حاجه

روان،،انا معتش فهماكي بس الي يريحك ي ماما

ام روان،،يلا بينا ع البيت ي ملكه المستقبل

روان،،حلو اللقب دا ابقي قوليهولي علطول ي ماما

ام روان،،دا هيبقا اسمك بس ف المستقبل مش دلوقت يعني قولي سنتين ولا تلاته وتبقي ملكه ي جميله ماما

روان،،حاسه اني متحمسه لموضوع اني ابقا ملكه دا حاسه قلبي سعيد باللقب دا ي ماما

ام روان،،ربنا يسعد كل ايامك ي جميله

روان،،تسلميلي ي ماما يلا بينا نروح علي البيت انا هموت من الجوع

ام روان،،بس انا معملتش اكل تعالي بقا نشتري اكل جاهز وخلااص عشان لما اروح ماتتهوريش وتاكليني😂😂😂

روان،،انتي عرفتي منين دا فعلا الي كان هيحصل الحقي نفسك بقا

ام روان،،ايوا هوا انا تايهه عنك يلا بينا

روان،،يلااا

…….

وهما ف طريقهم للمطعم بتاع الاكل الجاهز. ... عربيه جاااات بسرعه كبيره

ام روان،،حااااااسبي ي روااااااان 

وزقت روان بعيد وخدت الخبطه هيا

روان،،😳😳ماما…..ماما اصحي الحقووووووني ي ناااس ماما ببتنزف دم 

…

وهنا الناس جات بسرعه  والاسعاف وخدت ام روان علي المستشفي 

الدكتور،،البقاء لله انا لله وانا اليه راجعون

روان بعياط😭😭،،يعني اي يعني مش هشوف ماما تاني انت بتكدب ي دكتور ماما هتبقا كويسه دخلوني عندها

الدكتور،،صدقيني امك خلااص راحت للي احسن منك ومني 

روان،،امي هتصحا وهتلبسني الخمار اللي احنا جايبينه النهارده …..وفضلت بتعيط ومنهاره ومش عارفه تعمل اي ووقعت ع الارض

الدكتور،،بسرعه حطولها تنفس صناعي ولو صحت أدولها مهدأ 

……...لا حول ولا قوه الا بالله…….

ازاي هعرف اساعد البنت اليتيمه دي .دا لسه صغيره وربنا كتب عليها تشوف عذاب فراق الأم بدري قوي ..

وبعد يومين…

روان،،انا فين؟؟

ممرضه،،انتي ف المستشفي ي روان حمدالله ع سلامتك

روان بدموع،،امي ماتت صح؟؟

الممرضه،،روان اهدي امك ف مكان احسن وهيا اكيد مش عاجبها حالك وانتي بتعيطي كدا اكيد هيا شيفاكي دلوقت ومش حباكي وانتي حزينه كدا

روان،،هحكيلك حكايه وقولي رايك فيها…...

………..

….كان ي مكان كان فيه بنت

اسمها روان محمد عبد الله

سنها،،12سنه

يعني داخله أولي اعدادي .

كانت بتاخد كل الدعم من امها الي ملهاش غيرها

وبفضل امها طلعت المركز الاول واتكرمت ف المدرسه 

وكانت وحيده جدا ومالهاش اي صحاب لأن كلهم بيغيرو منها لانها اشطر واحده ف المدرسه وامها كانت معوضاها عن اي حد

روان دي ماكانش عندها بابا وامها كانت مفهماها أن والدها مسافر وكل لما روان تسال امها هوا بابا هيجي امتا ي ماما تقولها ...استنيه ي روان اكيد هيجي يوم ونروحله ونشوفه وهوا فرحان دلوقت ماتقلقيش عليه ...كلميه علطول وهوا سامعك وحاسس بيكي وبيحبك جدا...وبعد فتره ومش طويله روان سمعت امها بتتكلم ف التليفون وبتقول ...روان بتسال علي باباها ديما وبتقول عايزه اشوفه وانا مش قادره اقولها أنه مات مش عايزه احسسها بنقص أن  والدها مش موجود.

وف يوم من الايام وبعد فرحه امها بيها انها طلعت الاولي علي المدرسه ف سنه سته ابتدائي وداخله اولي اعدادي خلااص قررت تكون هديتها لبنتها ف المناسبه الجميله دي خمار ...وكانو رايحين يشتروه وكانو مبسوطين جدا ومره واحده روان تلاقي امها غرقانه ف دمها ومش عارفه تعملها اي حاجه ودلوقت روان دي بقت من غير ماما وكمان من غير بابا تتوقعي بقا حكايه روان دي هتنتهي ازاي بعد كل الي حصلها دا؟؟!..

الممرضه مش قادره تمسك نفسها من العياط،،اتوقع لروان دي كل خير وأنها هتبقا احلي بنوته ف الدنيا وربنا هيعوضها كتييير عشان ربنا كبير وجميل قوي وتعرفي ربنا هيرزقها فرحه كبيره ومن كتر فرحتها هتسجد باكيه ومش هتتوقع أن كل العوض دا ليها لدرجه انها هاتنسا الي حصلها اصلاا….

روان،،تتوقعي كدا يعني..؟؟ بس مش دا الي باينلي خالص الي واضح من القصه دي انها مش هتقدر تكمل وان خلااص معتش ليها ل اخ ولا سند ولا ام ولا اي حد خالص وان كل حياتها هتتدمر وهتفشل ومش هتلاقي حد يهتم بيها

الممرضه بحنان،،لا غلطانه دا المفروض هيا تحمد ربنا علي كل حاجه وهقولك حاجه حطيبها  حلقه ف ودنك حتي لو انتي شايفه حالك اسوء حال ف الدنيا فأعرفي أن في ناس حالها اسوا منك بكتير ومع ذالك بيحمدو ربنا ف بمجرد بس مايكون فيكي نفس داخل وخارج منك احمدي ربنا علي النعمه العظيمه دي في ناس غيرك بتتمني بس تكون ف حالك الي انتي شيفاه وحش دا ف بقولك احمدي ربنا وصدقيني مش هتندمي وصدقيني عوضك هيبقا كبير قوي.

روان،،ونعم بالله انا هعتبرك امي بعد امي عشان كلاامك جميل وريحني جدا تسلميلي عي جمال كلاامك.

الممرضه،،انتي بنتي ي روان ربنا يسعدك ويعوضك خير عن كل الي شوفتيه ي بنوتي.

روان،،تسلميلي ي غاليه

……..

الممرضه هنا اصلا كانت اتدمرت من حكايه البنت وقررت تحكي حكايتها للدكتور ولما الدكتور سمع حكايتها أتأثر جامد بيها وقرر يتبنها بس مرات الدكتور ماكانتش سهله وطبعا الدكتور لازم يستشيرها ف حكايه البنت دي قبل ماياخد اي خطوه ف هل ياتري هيا هتوافق علي روان دي ولا هترفض؟؟؟

…….