رواية مشاعر متلغبطه كامله جميع الفصول بقلم زواله رجا
"رجع من الجيش"
بعد شهر وشوية جواز أول أجازة نزلت فيها شكلي حبيتها ولا إيه؟ أنا عارف إني متجوزها وأنا من جوايا مش ببدلها نفس المشاعر، بس مالي النهاردة؟! أنا مش فاهم، عايز أشوفها ليه؟
كريم كريم كريم، البيت كله بينادي عليه، أخواته وأمه وخالته، وهو عمال يدور عليها. هي مش تحت ليه؟!
كريم: "يا جماعة وحشتوني كلكم والله، بس أنا بجد عايز أطلع أخد دوش وانزل لكم، أنا مش بطير."
ملك: "ما تقولنا بقى إنها وحشتك واخلص!"
أنس: "والله يا بني براحتك، اطلع لمراتك ده انت عملت الفرح وأسبوعين ومشيت، احنا قاعدين معاك العمر كله. هي كده حلاوة البدايات. معلش بتبقى وحشاك في الأول، وبعدين هتوديها لأمها كل أسبوع عشان تريح دماغك."
سلمى: "الله على خفة دمك! سقفوله يا ولاد، قولوله شابو يا أنس يا بني! لازم تقول كلمتين تحرق دمي بيهم وخلاص. أنا طالعه."
كريم: "ما تبطلوا بقى صداع، أنا زهقتلكم، وربنا كرهتوني في الجواز، أنا طالع أخد دوش يابني وهبقى انزل."
أمه فاطمة : "أه ما انت نسيت أمك خلاص يا كريم! بس ماشي، لولا عريس جديد مكنتش طلعتك. روح وابقى انزل ها، عملالك غدا يا نور عيني، وهات مراتك معاك، علشان ما تزعلش."
طلع يجري على السلم لقى أسما نازله في وشه. هو كان سرحان، لأول مرة يبصلها كده بنظرة الحب وسرحان في أربع حاجات.
لأ معلش هي وحشتني ليه؟
أنا شكلي حبيتها ولا إيه؟
هي نازله بالبچامة ازاي؟
ليه حاسس ناحيتها احساس مختلف دلوقتي؟
كريم :(في نفسه) " ليه اتحرقت وهي نازله بالبچامة اوي كده هو اكيد يعني أي واحد بيغير على مراته حتى لو مش بيحبها بس انا حاسس بقيت غيران عليها اكتر"
أسما: يا كريم يابني !!
كريم (في سَرحان ) ايه ياربي الغباء ده هي مش عارفه ان انس وعمار تحت ايه البنات دي هو لازم نقعد نفهمهم كل حاجة
أسما:"كرررييم "
/ بين أسما وكريم/
"ايييه بتاندي على امي وانا في وشك ليه"
"ما انت مش معايا أصلاً بتفكر في ايه"
"أنتِ يبت ايه الي أنتِ نازله بيه ده"
"بت ايه ده ايه الإسلوب ده !؟ ما تقول أسما "
"ماشي ياأسما يا ست البنات ياحببتي المهم يعني ايه الي أنتِ نازله بيه ده أنتِ مش عارفه إن اخواتي تحت"
"انا معرفش فكرتهم مش تحت عشان انس مش بيجي دلوقتي وعمار محدش بيشوفه اصلاً انا نزلت بأي حاجة عشان عايزاك عايزه اقولك على حاجة"كريم: "طب تعالي هنا بس، مش فاهم ليه تنزلي كده؟حتى لو مش موجودين فرضنا أنهم جم فجأة .. نبذة بس مش دي البداية
