رواية مريم الفصل الحادي عشر بقلم جمانه السعيدي
سميه ماكدرت تتحمل لبست عباتها وراحت للحجي دكت الباب وطلعلها الحجي
سميه حجي شلونك
...اهلا وسهلا
...حجي هاي كم مره اجي ادك الباب ومحد
اكووو خير صاير شي
الحجي باوع عليها وسكت
سميه ولله اذا هاي المعزايه مسويتلك شي االه اخلي ابوها ينصب الها مشنقه ويشنقها
انت عزيز علينا ومانقبل احد يزعلك
الحجي روحي ام شهد اني اليه حجي ويه ابوهااااا
وسد الباب ما انطاها حق ولا باطل
سميه انصدمت يمه شلون سد الباب بوجهي
ياربي راح يكتلني الفضول منيين اعرف شنو الي صار بينهم
رجعت سميه للبيت وكامت ادك ناعم المريم بلكت تحجليها شنو صار
بس مريم قافله فد نوب
جمانه السعيدي
الحجي تعجب من سميه يعني مريم ما حاجيه اي شي
الاهلها
البيت الي كبالهم كانو خالين كامره
راح عليهم الحجي وكال اكو حرامي طفر علينا ما حب يشهر بمريم
قبل لا يعرف الحقيقه كامله
والكاميرا مالتهم كانت لاقطه الولد من طفر على بيت الحجي
والتوقيت الي طافر بي عليهم ١٢ وعشربن دقيقه
وباقي داخل البيت ومن فتح باب البيت كانت الساعه ١٢ و٣٢
دقيقه يعني باقي بلحديقه ١٢ دقيقه
بس الكامرا ما لاقطه رقم الدراجه والولد كان ملثم
بس الحجي قرر يكول الكامرا مبينه رقم الدراجه
وهو راح يقدم بلاغ ضد هذا الحرامي الي طفر على بيتهم
علمود يكشف منوو ورا هاي الدكه الناقصه
العصر طلع الحجي جانت محتاج شخص ثقه
يسولف علي ويكول الي بكلبه حتى يرتاح
جمانه السعيدي
البيت مو حلو بدون مريم
الحجي كلش ضايج وضغطه كلما ينزل يرجع يصعد
طلع كعد يم عبدلله
الحجي بويه عبدلله اني اثق بيك كلش وعندي اعز من ولدي كلهم اكو حجايه بكلبي واريد احجيها الك
عبدلله كول عمي
الحجي ما اريد احد يعرف بيها
عبدلله تمام
...اني ولدي ما حاجيلهم عليها
...كول حجي سرك بير
....انت دائما كاعد هنا هم شفت ولد شاب يدخل بيتي
يعني من اطلع اني من البيت
عبدلله هنا عرفت الحجي وكع بلفخ مال سجاد
الحجي يعني اذا شايف هيج شي كووول
. عبدالله ..حجي ولله العظيم بيتك ما شفت الباب انفتح
الباب محد يفتحه اذا انت موهنا
اني مرات اكول هاي المسكينه ماعدها اهل شو محد يجيها
الحجي اتحسر ودنك
عبدلله حجي زوجتك جوهره ومآ كو منها لاتضيعها بشكوكك
الحجي وانت شلون عرفت اني اشك بيها
عبدلله لان اني اعرف بهاي الخطه من قبل لاتصير
...شلون يعني
...يعني اني انعرض عليه مبلغ حتى امثل وياهم هاي الخطه واني ما قبلت
...مافهمت
...حجي اني راح احجيلك كلشي صار بس توعدني ما اجيب اسمي ولاتذكرني
لان سجاد هددني يلبسني قضية مخدرات اذا حجيت اي شي واني وحيد اهلي
ولله اذا صار عليه شي امي وابوي يرحون بيها
...احجي ولله ما اجيب طاريك باي شي
هاك اسمع الاتفاق الي اجا سجاد يتفقه وياي واني ما قبلت
بس ولله الي حجاني هاي المسكينه
حرام اني اعرف الحقيقه واسكت
الحجي سمعني مصايب سجاد واستهتاره وين وصل
عبدلله فتحت التسجيل وسمعته للحجي
وحتى من هددني يخلي مخدرات بلعياده هم سمعهن
الحجي لا يا ملعون على هاي الدكه الله ياخذك سجاد
ربي اذا هاي الشيبه الهاعندك حوبه اطلع حقي من سجاد
اللهي لاتهني لا بمال ولا ولد
عبد لله لاتدعي علي حجي مهما يكون ابنك
الحجي انت ماتعرف اني شسويت
اني طحت ضرب ضرب على هاي المسكينه
وهي تتوسل تريد تفتهم شنو القصه
وطلعتها بهاي الضهريه وحدها بلشارع وسديت الباب
وحدها والشارع فارغ والدنيا حاره
وهي بيومها جانت مريضه الصبح حيل
انعمه على عيوني وكمت ما اشوف
عبدلله اهدء حجي الانفعال موزين عليك انت مريض
الحجي شلون اهدء واني حتى البيت ما اكدر اكعد بي ومريم ما موجوده
عبدلله بس تعرف الحقيقه راح تسامحك انت كلبك طيب وهي بت اصول
الحجي دخل للبيت سبح وبدل لبس قاط وخله العطر كله ورايح يرجع مريم للبيت
جمانه السعيدي
.... وصل البيت مريم دك الباب وطلع اخوها الزغير
كاله صيحلي بابا
شويه وطلع ابو مريم سلم بثكل على الحجي
الحجي ادري اني غلطان كلش والغلط راكبني من راسي الرجليه بس انت كلبك طيب وراح تسمعني
خل ادخل واحجيلك الي صار وياي
دخل الحجي وأبو مريم بدا الكلام
ابو مريم تعرف بتي صار الها ١٢ يوم عندي واجتني مكتوله ومريضه ومآ اعرف شنو السبب الحد الان ما تقبل تحجي ابد
بس اريد اكلك شي مهما يكون السبب اني ما اقبل تضرب مربم
مريم عندك امانه لازم تصونها مو تضربها
الحجي كل هذا الحجي صدك واني الغلطان بس ولله انلعبت عليه لعبه
تعرف اني بسبب هاي الحادثه ضربتني جلطه
وهاي ثاني جلطه تضربني الدكتور يكول الثالثه يعني الموت
بس شسوي خلفت اتلاثه ولد ونزلو غضب عليه
لا يرضون يرحموني ولا يخلون رحمة الله تنزل عليه
ابو مريم حجي انت جبير وفاهم وهي طفله ترا محد يتحمل الي تحملته
لا تخالط لا تصادق لاتطلع للجوارين لاعدها تليفون حالها حال البنات
وشني يعني كاعده بيت حلووو
وشنو يعني تاكل وتشرب
ترا كل الناس تاكل وتشرب وتسافر وعايشه حياته
ابد ما مقبول منك الي صار
الحجي ولله حقك واني الغلطان ومستعد الاي شي تطلبونه بس مربم ترجع وياي جمانه السعيدي
ابو مريم خلي اصيحها تجي واحجي وياها
بس اكلك هااا اذا ما تقتنع بكلامك ما ترجع افتهمت
الحجي انشاء الله تقتنع
ابو مربم يله بويه الحجي اجا يصالحج
مربم ماكو صلح اني اريد اطلك
ابو مريم اي تعاي كلليله اريد اطلك واني وياج
مريم كمت من فراشي لبست دشداشه طويله وخليت شال على راسي
ودخلت علي
هو راسا ابتسم وكام
مريم اكعد حجي عندي كم كلمه اريد احجيهن وياك
حجي بشرفك اني تشك بيه بس فهمني شلون تشك بيه
شنو اني من الي يطلعن لا
اسوي علاقات ويه الجوارين لا
عندي تليفون حالي حال البنات لا
طلبت منك فلوس لا
طلبت اطلعني وتفرفرني واتونس حالي حال العلم لا
طلبت مني شي بلبيت وكلت لا ما اكدر لا
فضحت سرك بين الناس لا
زين هذا الي اني اخونك ويااا شلون عرفته
احجي فهمني
الحجي دنك
مريم اي حاجيني شلون عرفته واني لا اطلع ولا ادخل ولا عندي تليفون وانت حتى الطرمه مانعني اطلع بيها
زين اني مواعدته بنص النهار كدام العالم ومدخلته بيتك
وبعدين اشوف يمته تجي واكله اطلع
يعني الشغله مبينه لعبه
انت ذكي ودائما تحذرني وتعلمني
اني اللعب عليك
حجي كل الي فات من عمري كووم وانت تشك بيه كوووم
من دخلت بيتك واني نسيت عمري شكد
دائما اكبر نفسي علمودك
ما اريدك تحس بلفرق بينا
اني شنو ذنبي يضيع عمري ويه واحد بعمرك
ليش اقبل واسكت
بعدين شلون عرفته فهمني شلون عرفت هذا الي اني اخونك وياااا
يعني محبوسه ولا عندي تليفون وحتى اهلي ما يجوني
فهمني شلون عرفته اني
اني بعد الك ما ارجع كطنه واشلعها من اذنك
الشك اذا دخل الحياة الزوجيه خربها
اصلا الحب أساسه الثقه
وانت اذا ماتثق بيه
خلاص كلشي لهنا وينتهي
اني مستعده اتنازل الك عن الغايب مو اهلي مسجلين عشر ملايين اني متنازله عنهن جمانه السعيدي
وكلشي جبته اليه بقه عندك بلبيت
فلوس وذهب وملابس
كلشي ما اريد منك
اريدك اطلكني وتطلع من حياتي
اريد اعيش حالي حال خلق الله
الك يومين اذا ما توصلني ورقه طلاكي
اني ارفع عليك دعوه
اكول عنفني وضربني واتهمني بشرفي
واطلب يحولوني للفحص
لازم العالم كله يعرف اني بعدني بنيه
اريد اشوف شلون خنتك واني بعدني بنيه
واكيد قرار المحكمه راح يكون بصالحي
اريد اكون وياك الاخر لحضه واني امشي بأخلاقي وتربيتي
اني ما اريد افضحك ابد
اتنازل عن كلشي وطلكني واطلع من حياتي للابد
خل ولدك يرتاحووون
عفت كلشي الهم
ومآ اريد منك شي ابد
من دخلت حياتك لليوم وهمه طمعانه بفلوس ابوي
تريد تاخذ كلشي
اني اريد اطلع بعمري من هاي المعمعه الي دخلت بيها غصب عني
اني ازوجتك غصب عني بس راح اطلع من حياتك برادتي
الحجي ما اطلكج لو يبقى يوم واحد بعمري ما اطلكج
مريم موبكيفك اطلكني وغصبا عليك
اني الك ما ارجع ابد اريد اكمل دراستي واعيش حالي حال البنات
الحجي ما اطلكج يامريم وانتي زوجتي واحبج
مريم مو بكيفك اني اطلك منك وغصبا عنك
راح افضحك بلمحكمه
واحجي كلشي صار
اذا ما اطلكني بارادتك اطلك غصبا عنك
مريم عفته كاعد وطلعت
الحجي اتفاجئت من مريم اول مره اشوفها عصبيه وهيج تحجي وياي
بس حقها الي صار وياها ابد مو قليل
روح سجاد الله لايوفقك ولايسعدك ولا يهنيك دنيا واخره
رجع الحجي للبيت مكسور الخاطر بعد الي سمعه من مريم
عبدالله هااا حجي بشر
الحجي شبشر ماتقبل ترجع تريد تطلك
عبدلله حجي اطيها مجال خليها تهدء ورجع عليها مره ثانيه
ثاني يوم الحجي راح بلغ على سجاد وحجا كلشي للشرطه
واخذ تسجيل الكامرا وياااا
ونشر خبر الي يعرف هذا الولد ويبلغ عنه اله مكافئه ماليه
وفعلا الشرطه لزمت سجاد وخلته بلسجن
واجو اخوانه يتوسلون بي يطلعه من السجن
لان عيب كدام الناس
الناس شراح تكول عليهم
بس الحجي ما قبل وكال سجاد لازم ياخذ جزائه
وصل الخبر المريم الحجي كشف هاي اللعبه منو دبرها
واشتكا على سجاد ودخله للسجن
بعد يومين رجع الحجي البيت اهل مريم
وهلمره ما قبلت تطلع علي وكالت اني العندي كلته
اي كلام بينا ماكووو
يطلكني يعني يطلكني اني بعد ما ارجعله
خلال شهر خمس مرات راجع عليها وهي حتى ما تقبل تطلع علي
واخر مره انطته تحذير راح تشتكي علي اذا ما يطلكها
شكد اتوسل بيها ابوها ومآ قبلت ترجع
شكرا لزيارتكم عالم روايات سكيرهوم
