رواية ازهار والوحش الفصل الثاني عشر بقلم جمانه السعيدي
ازهار...هلمره اني الي تعودت علي
من يجي للبيت واشوفه يلعب ويا الجهال ويطول خلك
وياهم ويجبلهم اي شي يطلبو
اكون بقمة السعاده بعمري ماكنت سعيده بكد السعاده الي احس بيها من اشوف جهالي فرحانيين بوجوده
قررت ابدي صفحه جديد ويااا لازم احاول أقرب علي
بعد هو زوجي بلبداية كنت خايفه من سوء النويا
بس هسه اني عرفته وعرفت طبعه
هذا الانسان الوحيد الي يستاهل ياخذ مكان وسام
لان يحب جهالي مثل ماابوهم يحبهم
نزلت جنط الملابس وطلعت الملابس الالوان خلاص اني راح انزع الاسود مو معناها انتهى حزني على وسام
بس اريد افتح صفحه جديده ويا كربم لان يستاهل
اخذت الجهال العصر ورحت للصالون من مات وسام الهاي اللحظه مارايحه صالون ولا غيرت شكلي
كصيت شعري وصبغته وحفيت وجهي وسويت تقشير
طلعت للسوك اشتريت مكياج وعطور وملابس جديده
جبنا ويانا عشى ورجعنا للبيت
اتصل كريم اطمن على الجهال وحجا وياهم شويه
بعدين سد التليفون قررت اذا اتصل وكال راح اجي
اكون محضرتله مفاجئه جمانه السعيدي
كريم بيت اهله
كريم...يمه اريد احجيلج شي مهم كنت ضامه عليج
ومااعرف شلون افتح هذا الموضوع وياج
ام كريم...اي احجي
كريم...اني ازوجت صار اكثر من سنه
ام كريم...ياا تحجي صدك اي ولله يايمه عمت عيني
اني كلبي محروك عليك لانت مزوج ولا اعزب
منو هاي الي ازوجته اعرفها
كريم...اخت صديقي بنيه حبابه واخلاقها عاليه ارمله
وعدها اطفال اتلاثه
ام كريم...يااا ارمله وعدها اطفال
كريم...بلبدابه ازوجته مو قصدي زواج الي هو زواج العادي
ولا جنت مفكر أسد النقص بحياتي بيها
كنت افكر هذا عمل انساني وبس
ولله لو احجيلج ضروفها تبجين عليها
الناس كلها حاربتها اهل زواجها واخوانها
مالها احد كنت ناوي اشيل الحمل وياها
يعني عمل انساني وبس
بعد زواجنا صار شي ماجنت حاسب حسابه
اني حبيتها هي وجهالها تعلقت بجهالها بشكل مو معقول
شكد حلوه العائله
مااكدر يمر يوم عليه إذا مااشوفهم واطمن عليهم
قبل احس حياتي فارغه مابيها طعم صح اشتغل وناجح
بحياتي ورب العالمين منعم عليه بخير ونعمه
بس مو سعيد بحياتي
بعد صدمتي بزواجي من زينه والي ماتقبلتني
روحي انسدت من كل النسوان اذا بت عمي الي تعرفني وتعرف اطباعي ماتريدني
شلون باقي النسوان راح تقبل بيه
ام كربم...ليش انت شنو ناقصك
كريم...يمه لا اضحكين عليه بهذا شكلي منو تقبل بيه
اني اصلا اي مكان اروحله الناس كلها تبقى تباوع عليه
عبالك وحش داخل عليهم هو اني وحش
تعرفين بلسوك اذا كلتي اريد مكتب كريم محد يعرفني
بس كولي اريد مكتب كريم الوحش كلها تكلج هذا
اني متقبل هذا الوأقع ومو زعلان
الحمد لله والشكر الله متمم عليه بلصحه والعافيه
وهذا فضل من رب العالمبن
وموسع عليه رزقي جمانه السعيدي
لو تشوفين من ازوجت ازهار وبديت اعتني بجهالها
شلون الرزق انفتح عليه
خير من الله
ام كربم...اي يمه ذوله يتامى اكيد رب العالمبن يبارك برزقك
اذا تصرف عليهم
كريم...شنو رائيج اذا اخذج تشوفيهم وتتعرفين عليهم
ام كريم...صدك تحجي
كريم... باجر اخذج الضهر تبقين يمهم وبليل اجي اخذج
شكلتي
ام كريم...اي موافقه اني هم ضجت من البيت
ازهار..ثاني يوم اتصل كريم وكال الضهر اجيكم
دخلت سبحت وشورت شعري لبست شلحه حمره قصيره
وبيها ورده بيضه بلنص
تعطرت وتمكيجت الجهال ؤفترون وراي
نور..ماما طالعه حلوه بعد لا تلبسين اسود
ازهار...انشاء الله بعد ماكو اسود بحياتي كلها اللوان
اندكت الباب وتليفون رن
كريم.. افتحو الباب جبتلكم مفاجئه
ازهار..كلشي توقعت بس كريم يجيب امه تتعرف علينا ماتوفعت لان هو شرط هاي الزواجه تكون سريه
الجهال فتحو الباب دنك عليهم بوسهم واحد واحد
اني وكفه بلمطبخ لان الدشادشه قصيره وربع ردن
خاف الجوارين يشوفوني
دخل كريم والجهال لازمينه بس دخل وشافني كدامه
بقه واكف بمكانه عبالك تبسمر
عيوني تمشي عليه من فوك ليجوه مثل المتفاجئ
ازهار...استحيت من نضراته ودنكت
رفع ايده حك شعره من كد التعجب نسى امه واكفه ورا
ازهار..من شفت امه شكد استحيت ياربي اول مره تدخل علينا وتشوفني هيج
حرت ادخل اغير ملابسي لو اسلم عليه موقف انحسد علي
راسا هي كالت شلونج خاله
ازهار...هله هله خاله تفضلي اهلا وسهلا
قربت ابوسها بس حضنتها وبسته وكتلها تفضلي
كريم...وهذا المسكين الواكف ماله حضن وبوسه لو بوستج بس للعرف
ازهار...ضربته بايدي حتى يسكت ولله مو وكت هذا الكلام
كريم...اني مامتعود على البوس كل عمري اني ابوس نفسي
تعال علاوي ابوسك
جمانه السعيدي
دخلنا كعدنا بلهول
ام كربم...مبروك يمه ترا اني توني عرفت ماادري بيكم مزوجين
كريم...هااا يمه حلوه العروس
ام كريم...تخبل الله يحفظها
ازهار...شكرا خاله دقيقه دخلت للغرفه اغير هذا الثوب
يعني بيوم الي احاول اغير شكلي تدخل عليه عمتي
لبست ثوب بنفسجي طويل وردن
طلعت من الغرفه
كريم...ليش بدلتي مو جنتي حلوه
ازهار...عضيت شفتي عود اسكت
كريم...لا ولله مااسكت جنتي تخبلين
ازهار..دخلت للمطبخ راسا اجا وراي
ازهار...غير تكول راح اجيب امي وياي
كريم.. غير تكولين محضرتلك مفاجئه هسه راح ارجع امي للبيت الجهال اخليهم يمها واجي طياره
ازهار...يااا تحجي صدك المره اول مره تدخل بيتنا
عيب هذا الحجي
بعدين اني اعرفك ثكيل اليوم شو صاير خفيف شكو
كريم.. غير من الصدمه اليوم اني انصدمت
وين جنتي ضامه هذا الجمال كله
ازهار...اسكت ترا ارجع البس اسود ولله دمي نشف من شفت امك ولله عيب شراح تكول عليه
كريم...قربت عليها بستها بخدها مراح تكول شي
تكول مره منتضره زوجها
ترا امي مزوجه وتعرف هاي السوالف كلها
ازهار...يااا ولله عيب اسكت يمعود فدوه اسكت
كريم...شطابخه غده
ازهار..تمن ودجاج ومركة فاصوليا يحبونها الجهال
كريم..يله اذا الغده جاهز خل نتغده
اليوم امي راح تقيم اكلج مو اني عاد شوفيها طبخ جنتها الجديده
ازهار...... تغدينا ودخلت عمتي تنام بغرفة كريم
كريم.. اني وين انام
ازهار..هاي غرفتي فارغه لو بغرفة البنات فوك بكيفك
كريم...عمو نور حبيبتي اخذي علاوي وسراب العبو فوك
اريد انام تعبان
نور..اي عمو يله سراب تعاي علاوي جيب طوبتك وتعال
نلعب فوك
صعدو الجهال فوك راسا كريم دفعني بلغرفه وسد الباب
ازهار...هااا شكو
كريم...زوجتي قابل شكووو
ازهار.. امك والجهال كاعدين
كريم...اليوم اول مره بحياتي اكون هلكد سعيد ومرتاح
ومراح اضيع الفرصه من ايدي
جمانه السعيدي
ازوجنا اني وكريم وكملت فرحتنا بهذا اليوم
ماقبلت عمتي تروح اريدها تبقى عندي بلبيت اني اعتني بيها
لو شما اسوي مراح اكدر اجازي كريم
على الاقل اهتم باامه واساعده عليها حتى جهالي فرحانيين بيها حلوات سوالفها ماعدها كطع لو غيره
مثل ام وسام
اما كريم... مامصدك الشي الي صار انجمعنا كلنا بيت واحد واخيرا
ماتت زوجة اخو زينه بلفاتحه زينه عرفت كريم مزوج عليها كلبت الدنيا اله اطلكني بعد ماارجع البيتك
هلمره صممت على الطلاك يمكن اخيرا لكت مكان تسكن بي بعد مازوجت اخوها ماتت كعدت تهتم بجهال اخوها
كريم.طلك زينه واستقر اخيرا يمنا بيتنا
بدا يلمحلي يريد طفل واخذني الأكثر من دكتوره
بس مجاي يصير حمل هو عنده ضعف شكد اخذ مقويات
بس بدون فايده
يكول رب العالمين قاسملي ذوله الجهال اصير اب الهم
جمانه السعيدي
بعد سنتين من زواجنا طلعت قطعة ارض الدوله وزعتها لذوي الشهداء
طلبو حضوري رحت بس عمتي ماكو
دزوه عليه أكثر من مره بس ماكو اروح وارجع بسببها لان ماتحضر
اخير شي دزو واحد
عليها للبيت حتى تحضر
رجع المخبر وكال المره صابها كنكري وكصو رجلها الحد الفخذ وجنتها زوجت أحمد رافضه تعتني بيها
شامريها بدار العجزه قبل ست اشهر متوفيه المرض ماكل جسمها
هذا حجي الجوارين أحمد ما مبلغ بوفاتها
يعني مطلع شهادة وفاة
بس مامبلغ الدوائر الحكوميه بوفاته
حتى يبقى يستلم راتب الشهيد لان عنده وكاله من امه
ازهار...وقعت على الأرض واستلمتها طبعا هاي الاطفالي
ورجعت رفعت قضيه على احمد
كريم وكل محامي شاطر رجعلي الراتب
رجع حق جهالي الهم الحمد لله والشكر
عمتي شكد حاربتني بعدين كلشي مااخذت وياها
واحمد الي شمرتني اني والجهال علموده شمرها بدار العجزه
كلمن ياخذ حقه وعمتي اخذت حقها من هاي الدنيا
هذا جزاء عملها
السنه نور اول متوسط
وسراب بلرابع وعلوش ثاني ابتدائي
الحمد لله والشكر الي عوضنا بكريم ابو كلب الابيض
ابد لا تحكمون على الناس من مضاهرهم
العشره هي الي تبين منو الطيب ومنو الخبيث
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
