رواي عذابي وقدري الفصل الثاني عشر بقلم ارسلان جاف
روان… .
صعدت لكيته نايم نمت بحضنه كعدنه على صوت
الباب مرت ابوه كووومي يالمسعده نايمه
ياكح… لازم مالج خلك الجايفه ام الوصخ
المطبخ كله مواعين لازم جايه تريدين الج خدم
بنت النع… اليوم انعل والديج اخاف عبالج اخاف
من علاء…
احلام اني صح اسكت من هو هنا بس لان شايل مصروف البيت…
روان هيه تحجي … وعلاء جان موجود بالغرفه بعده
مطالع وهي تقسم وتحجي عليه كلامها الحلوو
طبعا علاء سمع كل كلامها وهي تحجي متدري
بعده موجود بالبيت…
اتمنى اليوم قبل باجر الله ياخذ عمره ويخلصني
روان اسم الله عليه اكوول بكلبي…
كل مااشوفه اشوف امه اتمنئ من كتلتها اكتله
مرت ابوية احلام مستمره تحجي عبالها هو ماموجود يمي بالغرفه نزلت فصلت
الكهرباء مالت الغرفه…
علاء… روان هسه تنزلين جوه وماتكولين اني فوك
افتهمتي اريد اشوف شيسوون من اني ماكووو
- هي هاي امانتي عدهم…
روان ماعليك بيها حبيبي اكيد ضايجه وهيج
تحجي…
- لا اسكتي روان ونزلي يله …
هزيت راسي اي بدلت ونزلت جوه
واني انزل من الدرج تلكتني احلام مرت ابوة
هلا واخيرا نزلت ست الحسن والجمال تريد خدم
جوه رجليها هم هاي العايزه وانوب فد مره هم
نصعدلج الاكل فوك روان خاتون اخاف يتعكر
مزاجج ام الوصخ الجايفة ام الخيسة نزلت غسلت
المواعين لكيتها مكوميها على السنك بالمطبخ
ماحاجيتها…
وهي بقت تحجي ..
- بالاثناء نزل علاء كاللها هاي امانتي يمج يمه
مشكوره ماقصرتي من شافت علاء اخرست
ومرت الايام واني على هالحال من علاء موجود
تسكت ومن ماموجود تقسم وتحجي عليه
اشكال والوان الحجي ..
سب غلط حتى مرات تمد ايدهه عليه تسوي
نفسها عود تشاقه تعلمت على طبعها وتحملت
لخاطر علاء…
مرت حماي كرار سجى زينه وياي وحبابه
كدامهم احنه مانحجي بس مرات تصعد بالليل
يمي بالغرفه نبقى نسولف وتحجيلي على عمتي
وسوالفها وليش هيج تسوي…
وحذرتني منها…
ماانطيها جهازي ولا اخلي جهازي بدون رمز
لان تنشر الرقم وتسويلي مشاكل…
مرت 20 يوم على زواجي من علاء الوضع صار
عندي عادي جان اهم شي عندي اشوف حبيبي
يضحك ومرتاح والضحكه بعيونه من يشوفني
انتظره تسوه عندي الدنيا كلها وتنسيني ضيم
عمتي وقهرها وحجيها السم…
جنت كاعده بغرفتي ضايجه ورجع علاء بالليل
روان… حبيبي والله ضايجه ومشتهيه لفت كص
جانت الساعه ب 10 بالليل وجانت اخت علاء
يمنه خطار ومرت كرار كاللهن كومن ..
بدلنه ورحنه على بيت وحده من خواته ال متزوجه
بغير منطقة رحنه يمها تعشينه بالطريق اشتري
علاء اكل من المطعم وتعشينه وتونسه ورجعنه
الساعه ب1 بالليل كبل صعدنه لغرفتنا
بدلت وكعدت واحس الم بطني قوي بس مابينت
لحبيبي بقيت اتشاقه واضحك وياه مثل يوميه
نخلص الليل سوه ..
كعدت الصبح الالم رجع اقوه من البارحه
مثل كل يوم حضرت ملابس علاء ونزلت خليتهم
بالحمام يسبح الساعه ب6. وفتت للمطبخ
اسويله حليب وجاي ريكت علاء وطلع بالسياره
لشغل بعدهه غسلت الطارمه وسويت ريوك لعمتي
حتى اذا تحجي وتسب اسوي نفسي ماسمع
مالي خلكها ..
الالم كام يزيد يارب دخيلك… رحت على اخت علاء الي خطبتني اسمها ام مصطفى
شافتني كالتلي شبيج ولج… كتلها
الم بطني موتني… من البارحه وليوم زاد
بس الالم موتتني من احجي
من اكعد من اوكف لازم اخلي ايدي على بطني
هي بقت تراقبني وصاحت انوار وحسن
اخو علاء كووموو اخذوها للمستوصف هاي
اليوم مو طبيعيه لا يروح يصير بيها شي
روان… كتلها يجي علاء واروح…
عمتي ..عوفوهاا هاي عياره كلشي مابيها تريد
تدلل شافت روحها البارحة طلعت ونسها عبالها
يوميه هيج تخلصها خواره…وهي بعدهه تسولف
طب علاء… اخته ام مصطفى كالتله علاء روان
بيها شي اخذها للمستوصف وهو شافني وجهي
صار اصفر الالم موتني خلت اخته على راسي عبايه
واخذوني علاء وانوار للمستوصف وسوولي
فحوصات وتحاليل وكعدنه ننتظر تطلع نتيجة
التحاليل… .وطلعت عندي زائده فعلااا
وانطوني تحويل للمستشفى الفلاني…
رجعنا للبيت بدلت ملابسي لبست تراك وفوكاه
جبه وحجاب واخذولي اغراض خاف صدك
يسوولي عمليه بس من الالم بعد ماشوف بقيت
بس ابجي طلعنه ورحنه للمستشفى على الدكتور
الجراح اسمه دكتور اسعد وفحصني وكال زائده
العصر للعياده نسويلها تحاليل وسونار حتى نتاكد
علاء شوفه تحاليل كال نتاكد افضل ..
بس لا تاكل ولا تشرب اي شي واني بس ابجي
علاء كال اخذج للبيت سبحي بلكت تكدرين
تنامين شويه… لان العياده تفتح ب4ونص
وهسه ب2 ونص بعد ساعتين…
رجعنه للبيت رحت اسبح بالحمام افترت الدنيا
بيه وبعد مااشوف كلشي وظلمت الدنيا
كعدت لكيت نفسي بحضن حبيبي شلون ومنو
طلعني من الحمام مادري ..
وهاي عمتي كالت وكعت كلوبنه عبالنه ماتت
ونبتلى بيها هاي … هسه تطلع هي وبس
عد اهلها ويسولنه سالفه شكدها شكبرهه
انوار داكه عليه الحمام حتى تنطيني ملابس
وماسامعه صوت فايته ولكتني واكعه وصايحه
لعلاء ..
صارت الساعه ب3 ونص رحنه اني وحبيبي
واخته ام مصطفى وعمتي هم راحت ويانه
مادري رغم حجيها عليه حسيت قلبها طيب هالمره
وصلنه للعياده وفتنه احنه اول ناس لان حاله
مستعجله سوينه كل التحاليل والسونار الي
كال عليهن الدكتور…
كال الدكتور زائده اباوع بعيون علاء كلها دموع
واني ابجي وخايفه واهلي مو يمي محتاجه امي
كالوا العملية الساعه ب8 بالليل
كتله علاء اريد امي واحنه بقينه بالمستشفى
اخت علاء ام مصطفى خابرت عمتي سهاداجتي هي
وزوجها ..جنه كاعدين بالغرفه قبل العمليه
وعلاء دموعه بعيونه وحماي امير ينكت…
علمود انسى الالم والخوف اشويه واجتي
الممرضه طلبت منهم يطلعون علمود جهزني
لان راح يدخلوني لغرفه العمليات
الممرضه طلبت منهم يطلعون علمود جهزني
لان راح يدخلوني لغرفه العمليات الكل طلعوا
جهزتني ونزلوني جوه يم صاله العمليات
شفت ماما وبابا وعمي الزغير حضنت ماما وبابا
وبقيت ابجي واباوع عيون بابا حمر من البجي
وعمي يكول اول مره ادري ابوج هلكد يحبج
هم زين مامتنه بطريق يمشي كل سرعته بالسيارة
زين منكلبت بينه الله ستررر…
بقيت حاضنتهم وابجي
طبعا ابو طبع ميبدل طبعه ابددد ..
طبعا كل الامور الي نشوفها بالحياه هي اختبار
لانسان بس الانسان عينه كويه على كولت امي
عمتي مرت ابو علاء ..من رجعت من يم الدكتور
قبل لا نرووح للمستشفى كالت حجايه
كرهتني الدنيا كلها عبالي قلبها طيب وحبابه
بس طلعت لا كلبها اسود…
كالت لا تخافون هاي كحب ..وعار والعار مايمووت
كرهت رووحي واتمنيت امووت ومااطلع من العملية يصير بيه شي بقيت باب العمليات واكفه
لساعة 12 يله دخلوني للغرفة لعمليات جهزوني
ولبسوني ملابس مالت العملية ونزعوني الحلقة
من اصبعي والميدالية والتراجي الي جنت لابستهم
واني اباوع على اهلي وحبيبي علاء وعمتي
سهاد اخت بابا واخت علاء ام مصطفى…
اني ابجي وهما يبجون ويايه نيموني على السرير
واكو بس اضويه فوكايه وخلولي بايدي كانونات اثنين واجه دكتور التخدير يجهزوني للعملية
وبقى يحجي وياي شنو اسمج وشكد عمرج
مزوجه وعندج اطفال لو لا شكد صار من متزوجه
واني اجاوبه شويه وبديت احس غواش عيوني
غوشت الرؤيه مو واضحه عندي وبعدهه ماادري
بالدنيا…
الى ان صحيت احس بالم قوي بطني والدنيا
تفتر بيه ودايخه من البنج واسي ثكيل اباوع
شفت ماما وعمتي سهاد واخت علاء ام مصطفى
اشوفهم بس مو واضح…
- ماما … الحمد لله على السلامه بنتي
واسمعهم يحجون وكوه احجي اريد اشيل ايدي
ماكدر اريد احجي لساني ثكيل حيل من لبنج
شويه وصحيت على نفسي وفكني البنج
وحبيبي علاء كاعد يمي ولازم ايدي اريد احاجي
ماكدر بس عيوني دور على بابا كلهم موجودين
بالغرفة بس هو ماكوووو ..
احجي بس لساني ثكيل كتله حبيبي الدنيا تفتر بيه…
علاء… اي حبيبتي مو صاعدين بديلاب الهوئ
الكل كاموو يضحكون…
كتله على شنوو يضحكون ..كال ولج مو امير كتل
مرته واجه شارد يمنه…
علاء ..وين بابا ماشفته
كال ابوج راح ينام يرتاح لان خطيه كلش تعبان
اجتي الممرضه ضربتني ابرتين وبعدني احجي
ويه علاء ماحسيت على نفسي غفيت
لليل كعدت واشوف خطيه ماما وعلاء فارشين نايمين بالكاع فارشين بالكاع بطانيه ونايمين عليها
وياهم انوار اخت علاء والالم موتني ماكدر اصيح
واكعدهم وماكدر اتحرك علمود انزل…
بقيت بس اباوع فوك على السكف ودموعي تنزل
حسيت بنفسي عاجزه ..
كعد علاء شافني كاعده كام اجه على السرير كعد يمي حضني وكال انتي بحضني بعد ليش خايفه
يرووحي…
كتله علاء الالم موتني… كلي وجع ساعه ولا كل ساعه الالم يروح الحمد لله طلعتي من العمليات
بااسلامه ورجعتيلي وبقت دموعي تنزل…
لصبح بقه علاء حاضني…
للظهر اجه الدكتور شافني وكال تكدرون تطلعون
الحمد لله على سلامتها…
علاء الله يسلمك دكتور…
كال بس لازم تنطوها سوائل وعلاجها تلتزم بي
وتاخذه بمواعيده و 10ايام وتجون وعادي اذا
تريد تغيير ضماد العملية مابيها اشكال طلعنه
للبيت وخلولي سرير ابو نثر بالاستقبال لان
غرفتي فوك وماكدر اصعد…
كامت عمتي مرت ابوة تغلط وتحجي كله بسبب الحب وشكد تاكل ومادايره بال على روحها
شنو الي تشوفه تاكله فكر ام بطن
ماحاجيتها كلشي لان مالي خلك الها وين اكل واني وابقى يوم كامل بلا اكل
بقيت ساكته لخاطر ماما والم العملية ونوب هاي تحجي اخذت العلاج ونمت كعدت بالليل
اريد اروح اغسل كعدت ماما اخذتني للحمام
جان اتشوفني وتكول هاي المايعه عود هم تحبل
ويصير عدها اطفال هاي صكط بعدهه ماما راحت بقيت يومين
وره العملية يمهم وكمت ابجي بعد ماكدرت اتحمل
منا الم العمليه وحجي مرت ابوه الي مثل السم
كمت ابجي وقنعت علاء ارووح لاهلي
وامي داريني هنا منو الي ..
وافق ارووح…
وداني الصبح خلولي بطانيات بالسيارة علمود
الطريق بعيد الطريق كله عيني على علاء
مافاركته معقوله راح افاركه 10 ايام شلون
راح يصير بدوني… .وهو يكلي شلون راح
اعوفج رنووو لج ليش مابقيتي واني اداريج
خلصنه الطريق كله هيج…
وصلنه للبيت جانت ذكرئ دورت سنة جدي
الله يرحمه واقاربنه كلهم موجودين ..
دخلوني للغرفه ماما ونيموني على السرير
وحبيبي علاء يمي وسدوا الباب لان مالي خلك
اسلم على اي احد من الالم ومن حجي عمتي ومغثتها الي…
بقيت افكر بكلامها واعيده معقوله اني فكر
وماراح يصير عندي اطفال… زين عمتي ليش هيج
تحجي … صدك انقهررت…
شكرا لزيارتكم عالم روايات سكيرهوم
