رواية تزوجني ولكن الفصل الثالث عشر بقلم ندوشه
كانت اسماء لسة مصدومة ومش مصدقة اللي حصل وبتفكر في هل هي السبب في اللي حصل ليه واللا لا
واول ما دخلت الشقه انهارت وقالت : انا نحس زي ما هي قالت انا نحس على كل اللي حواليا انا السبب في موته وانا السبب في ان محمد يتجوز عليا
جميله : ايه اللي بتقوليه ده يا اسماء انتي متعلمه وعارفه اللي حصل ده قضاء وقدر ومحدش له دخل في اللي بيحصل ده
اسماء : لا يا ماما هي عندها حق انا نحس عشان كده حياتي بايظه بجد انا زهقت مهما عملت بيلف ويرجع لي الموضوع اللي حصل من ثلاث سنين انا زهقت من كتر محاولاتي انهم يصدقوني او ينسوا حتى محمد كسرني وذلني انا مكنتش متوقعة انه يعمل كده انا بجد مش هلومه بس انا كنت مفكره انه مش هيصدق مش هيعمل زي الناس اللي ما يعرفونيش بس هو كان اكتر واحد فيهم قاسي عليا وانا مبقتش متحمله حتى علي اللي كان بيمثل معايا حكايه الخطوبه دي حياته انتهت اتقتل يا ماما يعني انا السبب
هنادي : اسماء انتي اللي مزعله نفسك انت طول عمرك قويه وهتثبتي للكل انك معملتيش حاجه انا متاكده ان مفيش حاجه حصلت يومها
اسماء : انا طاقتي خلصت ومبقاش ليا طاقه اني اناقش حد واعاتب حد او حتى اثبت لحد حاجه
وطلعت تجري على اوضتها وهي منهاره وقفلت الباب
جميله : اسماء يا حبيبتي افتحي مينفعش تفضلي لوحدك كل حاجه هتتحل بس اطلعي
اسماء : هو ايه اللي هيتحل انا كرهت عيشتي سيبوني في حالي بقى
هنادي : يا حبيبتي متقوليش كده
اسماء : سيبوني لوحدي لو سمحتوا وابعدوا عني
جميلة : يا اسماء يا حبيبتي مينفعش كده افتحي لنا بس احنا مش هنعمل حاجه
اسماء : قولتلكم ابعدوا عني سيبوني لوحدي لو سمحتوا انا مش هفتح الباب ابدا عاوزه افضل لوحدي
تحت كانت الشرطه وصلت وبيحققوا في الموضوع الجريمه كان واقف الظابط مع الاشخاص اللي لقوه
الظابط : لقيتوه فين بالظبط
الشخص : لقيناه في الشارع اللي جنبنا
الظابط : طب ومكنش في حاجه جنبه تدل على المجرم
الشخص : لا احنا اول ما شفناه جبناه على طول وما اخذناش بالنا من حاجه
اتكلم شخص ثاني وقال : لا انا لقيت المسدس ده جنبه
كان الشخص ماسك المسدس بمنديل والظابط اخذه من ايده بمنديل هو كمان
الظابط : اكيد هنلاقي عليه بصمات المجرم وديه ي ابني عشان نكتشف بصمات من دي
بعد فتره طويلة من التحقيقات وصل تقرير البصمات وانصدم اول ما شافه اسمه وقال اسمه بصوت عالي ودا خلي الكل ينصدم كمان
الظابط : في حد هنا عايش بالاسم دا محمد الخولي
الشخص : ايوة دا يبقي جارنا وعايش هنا في الشارع
الظابط : طب خدني لبيته
طلع الشخص مع الظابط وخبط علي الباب بس مفيش حد فتح لان محمد كان قافل علي مايا قبل ما يخرج خده الشخص علي شقة جميلة وخبط فتحت جميلة الباب واتخضت اول ما شافت الظابط
الشخص : ست جميله الظابط عاوز الاستاذ محمد
جميله : محمد مش موجود هنا
الظابط : طب انا عاوز اتكلم معاكم
دخل معاها جوه وقعد وقال : مش هنا الاستاذه اسماء بردوا
جميله : ايوه موجوده هنا هو ايه اللي حصل
الظابط : لو سمحتي ناديها لي
راحت جميله ونادت اسماء وطلعت ودا كله هنادي كانت بتتفرج عشان تفهم ايه اللي بيحصل
اسماء بصدمه : سليم انت بتعمل ايه هنا
سليم : ازيك يا اسماء عامله ايه وانا هنا لان انا اللي بحقق في قضيه علي وهما قالوا ان النهارده كانت خطوبتكم هو فين محمد
اسماء : لسه مجاش هو في الشغل بس انا مش خطيبه علي
سليم : ازاي اومال هما قالوا لي تحت انك خطيبته ليه
اسماء : تعالى بس اقعد وانا هفهمك على كل حاجه
قعدوا هما الاثنين واسماء بدات تشرح لسليم كل حاجه وتفهمه الموضوع من الاول في وسط استغراب هنادي وجميله لانهم لسه ميعرفوش هو مين ده وليه اسماء بتحكي له كل حاجه
سليم : مستحيل محمد يعمل كده كلنا عارفين هو بيحبك قد ايه
اسماء : الحب ده اختفى يا سليم مبقاش في حب ما بينا هو ده اللي حصل وانا وعلي كنا متفقين ان احنا نمثل اننا هنتخطب
سليم : في خبر وحش لازم تعرفيه
سماء : ايه هو
سليم : انا هتضطر اقبض على محمد
شكرا لزيارتكم عالم روايات سكيرهوم
