رواي عذابي وقدري الفصل الرابع عشر بقلم ارسلان جاف
🌹🌹🌹🌹صباح الفل والياسمين 🌹🌹🌹🌹
داده على وعدي الكم خل نشوف تفاعلكم باجر يسوي وهس انزل لو لا
- حين تذهب الام لا شي يعوض عنها ولا احد يسد
فراغها الجنة تحت اقدامها رفقا بها ..… .
-روان .. حماتي تحجي واني صافنه على حجيها
وبعد دورت امي الله يرحمها ماطلعت بقت كاعده بالبيت وبطلت اخوتي من المدرسة وشغلتهم
وخلتهم يصرفون على البيت…
راوتنه المر حتى ماتخلينه نشوف اخوتنه خاف
يحجولنه شمسويه بيهم واخوتي متحملين
علمود انوار جان عمرها 4سنوات بس
- جنه كلما نجي للبيت تطردنه عينك عينك
وطبعا ابويه ميحجي وياهه يكول روحوا
لبنية مالها غير بيت رجلها .
ومره احلام تعاركت ويه عيال اختي نبراس وطلكتها منهم …
علمود داري وتربي اختها ع انوار ورجعت
مرت ابويه احلام وكامت تشتغل بالموزين من
يطلع ابوي ..وصاارت فضيحه بالمنطقه بسببها
بيومها عافوا بيتهم والمنطقه كلها وكعدوا بغداد
من وراها…
وصاروا بعيدين منكدر نرووح بس بالعيد
والمناسبات واني اجيت اشتريت هنا بغداد
علمود اخوتي ماكدر اعوفهم…
ومرت الايام والسنين وكبروا اخوتي بالضيم والقهر
ويه احلام مرت ابويه وحصره على اخواتي
اللبسه والاكله وتكرب عليهم شغل النهار كله
ومن علي اخويه راد يتزوج خطبناله وتزوج
جنه نتمنى امي تكون ويانه بكل لحضه بس الله يرحمهه وشدت مرت ابويه احلام ويه مرت
علي فرح…
واحلام وكحه وشردت البنيه من البيت بليلة ظلمة
وخلي اكلج شي تره انوار ونبراس اثنينهن زوجناهن بس هيه كامت تسوي مشاكل وطلكتهن
اثنينهن هم لان محد يخدمها وابوي هذا الي
شايفته هسه ساكت على كلشي… .
باها لاثناء اجه زوجها طارق سسكت…
السلام عليكم… .
سلم رديت السلام .. وفات جوه
وكالت هااا رنووو عرفتي هسه ديري بالج تحاجيها
لو تراددينها ..دواها السكته ديري بالج لا تروح
دز جماعه على علاء ونظل محتارين بي مثل
زوج اختي ام احمد من حجه عليها وغلط
وثاني يوم جان يمشي بالشارع وطبكت عليه سياره واخذوا ورجعته مكسر تكسر وبقوا محتارين بي
روان يمه دخيلك ربي شنو من مره هاي…
خلصت ل 10 ايام يم اخت علاء ام دعاء وشلت الخيط
ورجعت لبيت عيالي رجعت واني اعرف كلشي
على الاقل من الي دايصير بس ماكدرت افسر كلامها جان بالنسبه الي لغز…
بيوم جنه كاعدين بالصاله اجه حمايه الجبير كرار
وكال راح نكعد بالديوانية اشترينة هناك بيت حلووو وركن لان ابوه عمي راح يرجع من السفر
اني ماجنت اعرف ابوهم وين لان من ازوجنه ماشفته كالوا مسافر باعوا كلشي بالبيت من اثاث
واغراض مااخذنا غير بس ملابسنه بالجنطه
من رتبنا امورنا وبعنا كل الاغراض يومين والثالث
طلعنه من البيت ورحنه لديوانية وطول طريق
اني افكر ليش عفنه هذاك البيت مادري…
بعد كم ساعة من تعب الطريق وصلنه ودخلنه
لمنطقة مو نفس منطقتنه الي جنه بيها قبل
احلى اكيد اكوو فرق بين بغداد والديوانية
وصلنه للبيت وكفت سياره علاء جنت اني بيها
واخواته ومرت كرار والبقيه بسياره عمي …
المهم نزلنه البيت جان ركن وطالع من البيت محل
مسووين اول مادخلنه الاستقبال جبير وبي صاله
وغرف اثنين جوه ومطبخ جبير وصحيات
وغرفتين فوك اني انطوني غرفه فوك رجعنه
جهزناهه من جديد صبغ واثاث…
ومرت الايام ومرت ابوه احلام شاده ويايه
ومابطلت حجي عليه وغلط مره اجتي اختها
عليها وكالتلها حرام عليج بس مرت علاء تشتغل
الشغل كله وجناينج كاعدات… خلي حنان مرت امير تساعدهه وتنظف المطبخ وياهه لمواعين الغده
على حنان والريوك والعشه على روان
كلت احسن…
- جنت امسح المطبخ عمتي تروح تدوس بره وتجي
تدوس بالمطبخ تطبع وتوصخ الكاع اغسل لمواعين
تجي عمتي وتجيب المواعين وتكوم عليه على السنك تخلقهم خلق تسب وتحجي كح. ،
وساقط… حكج محتاره بتليفونج بمكان
ماتخابرين امج اشتغلي نظفي بيتج ليش
المواعين وصخه … خايسه جايفه ام القذاره
واني متحمله وساكته لخاطر علاء…
حتى امي مااخابرها كل كم يوم مره خطيه…
مررررر اسبوع هيج ..
-اكمل شغلي جوه واصعد انام الظهر طبعا حبيبي
علاء ماكووو بالشغل ..
تخابر على جهازي تشوفه اذا مشغول ويامن
احجي ومنووو وليش واذا يدك اسالها… .
تكول الجهال خابرووو… اعرف هاي سوالفها
كلش زين…
- كلش تاذيت وتعبت حيل من تصرفاتها وتعبت
من كلشي تسوي بيه واني اشوف نفسي مكسوره
ومتاذيه الخاطر حبيبي علاء بس تعبت…
مره اتاخر علاء خابرته مارد عليه… .قلقت عليه
- رجعت خابرت مره ثانيه هم ماكووو وتاخر مااجه ضل بالي عليه بقيت افتر بالبيت… .
واسمع تقسيم مرت ابوه وحجيها الحلووو
وغلطها ساقط… وكح… ضوجتيني بس تفترين
بالبيت شمعة فكر…
-اجه علاء لابس دشداشه بيضه كلها دم…
اني بس شفته هيج ماعت روحي ووكعت مادري
بعد شصار بيه من الخوف ..
- صحيت شفتهم يرشون عليه مي شفته كبالي فزيت
حبيبي شبيك…
كال اندعمت السيارة وايدي مكسوره شادهه بركبته
وراسه شادي كال شويه انضربت براسي
دخيلك ربي بقيت حاضنته وابجي واشهك…
وهو يكولي شبيج حبيبتي هاي اني كدامج مابيه
شي…
روان ..شلون مابيك شي وشادين راسك وايدك
حبيبي لخاطري دير بالك على نفسك
اني اخاف عليك… اني منوو الي بالدنيا غيرك
والله امووت اذا صار بيك شي…
- مرت الايام والحمد لله اتحسنت صحه علاء
اجينه نصلح السيارة بس فلوس ماكووو
وعلاء محتار الفلوس الي عنده خلصت
روان ..كتله حبيبي هاك هاي كلادتي اخذهه وبيعها
وصلح السيارة…
عرفت مرت ابوه راح تشد بعد ازيد وياي
لان المصرف توقف ..
شسوي واسمعهم يحجون على علاء حبيبي
ويحجون على المصرف والبيت جان يشتغل
النهار كله ومصرف البيت كله عليه ..
ومن يجي احد يصير الي يصرف على البيت كرار
محد غيره… من غير الحجي الي اسمعه
اصعد لغرفتي ابجي وعمتي تحجي وتغلط
وتسب ونوب تكول تصعد فوك تخابر وهيه
من جوه جهازهه صامت ومن جوه جهازهه صامت ونهار كله تليفونها
على اذانها وسمعت اشكال الحجي…
ومرت ايام وياهه مر وقهر وضيم…
بيوم 6/16 صاارت فتوه السيد بالجهاد
واصر علاء يروح وياهم مثل كل عراقي شريف
قرر يدافع عن ارضه ومقدساته ..
واني ماراضيه ودمعتي على خدي حاولت هواي
وياه مكدرت امنعه ..
راح وياهم بيومها بقيت ابجي خايفه عليه…
من الهوئ الي يمر بي .
شلون يرروح يقاتل وحرب وجهاد ..
وشهداء يوميه تجي كلشي صار كبال عيني
خلوهم فتره يتدربون بالديوانيه من الصبح
لساعه ب4 العصر يجون للبيت جان كرار وياه
بالحشد وامير بالجيش تعيين صاروا 3
ثلاثتهم مو بالبيت بالنهار ..
ومرت ابوه احلام اخذت راحتها واجه عمي
كريم وبدت المشاكل اكثر ..
-لان عمتي احلام ماتكدر تطلع ولا تسوي شي
سالت انوار كالت جان مسافر ورجع…
اجه حبيبي علاء ب 4 العصر جنت فوك بغرفتي
تلكته مرت ابوه احلام مرتك تخابر وتحجي
حجي مو زين واني نزلت سمعتها باذني
تحجي عليه وتكله النهار كله تخابر وكاعده
ماتشتغل...
روان .. واني اشتغل من 6 للصبح ل 9 بلليل
يله اكعد ارتاح وطلعت ماشتغل بقيت ابجي… .
- طبعا علاء ماصدكهه لان يعرفها دور مشاكل بيومها
يوم 6/18 كعدت للصبح دايخه وعلاء طالع مموجود وتخربطت واخذتني اخته انوار
للمركز الصحي القريب وسويت تحاليل وكعدنه
ننتظر صاحو اسمي واخذنه تحاليل لدكتوره
شافتهم الكتوره…
-وكالت ماما مبروووك انتي حامل بس…
-( يرادلج راحه جسمج ضعيف)…
ماعرف شنوو شعوري من سمعت الخبر طرت من
الفرررح حسيت نفسي ملكت الدنيا كلها…
راااح اصير ام بعد 4اشهر من زواجي
انوار بوستني الف مبروك راح اصير عمه
ليش انتي مو عمه… لا هذا ابن علاء الغالي ..
- كتبتلي الدكتوره مقويات وفيامينات…
ورجعت للبيت ..
انوار… كالت لعمي… وعمي باركلي بس
عمتي بالعكس كامت تحجي ليش هيه صارعدهه
ومرت امير حنان ماصار عدهه …
لا هاي شلون وحجت عليه كومه حجي
والله يعلم منو ابوه نهارها كله فوك وحدها
روان ..استغفر الله العظيم،…
- عفتها وصعدت فوك خربت فرحتي وصارت غصة
بقلبي من الشي الي حجته غثتني… .
شلون تحجي على ابني وابن علاء هيج
وتكول ابن منووو… ماتخاف من الله تتهمني
بقيت ابجي واشهك تمنيت حبيبي علاء يمي
وياه احس بالامان ومااخاف من شي
احس هو قوتي وسندي بالدنيا…
وكالت لانوار لا تكوليله هي حامل اسكتي…
خلي كلشي طبيعي مادري شنو من شعور صار بداخلي ليش هيج حجت اني شمسويتلها
صارلي 4اشهر من تزوجت وحالي حال الخدامه
بالبيت اكرف من الصبح لليل هاي من غير
مااسمع الحجي والغلط مالتها واسكت لخاطر
حبيبي هسه من اسمع احلى خبر بعمري تضيع فرحتي وتكول الله يعلم منوو ابوه ..
ليش شايفه عليه
شكرا لزيارتكم عالم روايات سكيرهوم
