رواية رهينة لضباط الفصل الخامس عشر بقلم مرج البحر
بعض البشر....؟
يحبوننا متى شاؤووووا ...
وينسوننا متى ارادوووا ....
ويشتاقون لنا علئ مزاجهم ....
والمطلوب منا ان لا نتغير ....
..........
اسمع صوت قران واكو غواش بعيوني يمعني من الرئيه ... وصوت مبحوح ... صارت الرئيه تتضح عندي تدريجياً ابتسمت بتسامه عفويه ...
نور..... عمو انته اجيت تشوفني بالحقيقه
درت راسي واني كل ضني الي جاي يقرا القران عمي واجه يشوفني وراح يتحقق الحلم وشوفه بالحقيقه.. فز سند من مكانه واجه يتفحكني ...
اختفت ابتسامتي وعكرت وجهي واني اشوف عمي مهو ... ما جاوبت سند ع اي شي جنت حيل كارهته وكارها وجوده يمي ...
هو يسئلني واني متجاهلته وبالي مو يايه بالي يم عمي وعين ع الباب يمكن هسه راح يدخل ويجي يشوفني ويطمئن عليه ...
سند.... نور بنيتي انتي وياي اكو شي يوجعج اصيح الدكتور يفحصج
نور..... تدري اني اكره ابوي بامرتبه الاولى وانته تصدرت المرته الثانيه
سند.... شلزوم هذا الحجي هسه
نور.... جاي ابينلك انو انته انسان نكره بنسبه الي اكرهك ما اطيقك اموووت منك اتغزز منك عووفني ياااخي ليش ما ترجعني لهلييي مليت منك
سند.... اول شي الحمدلله على السلامه ما تشوفين شر ثانيا اشكرج ع تعبيج الجميل من احاسيس ومشاعر صريحه بس رجعه لهلج ماكو انتي ملك سند وتبقين لسند
نور..... موووو بكيفك عوووفني تدرري اني اريد اموووتك وخلللص منك
سند..... هسه ما راح تكدرين تموتيني لان توج صحصحتي والمغذي بده ياخذ بجسمج ع ما ترتاحين وتوكفين ع رجليج راح انطيج السلاح وكتليني حتى ترتاحين وتخلصين مني
ما جاوبته عرفته يستهزء جاااب علك اخذل منقوش عليه اسم الامام موسى الكاظم بطريقه كلش حلوه خله ع متوني ولفاني بي ...
كفحتني ريحه العلك كلش حلوه جريت الريحه لرئتيني براحه نفسيه ...
غمضت عيوني ع انفاس سند ضربتني ع ركبتي جان الشال مشيول ولابسه ملابس عمليات هو خله خشمه بركبتي ويتنفس بيها ... وكال بهمس ...
سند.... لا ضلت راحه من بعدج ولا ضلت دكات منتضمه ولا ضل بال مرتاح ولا ضل حال مترهيه جرجرتيني وراج لاعرف بعلتي شنو لا انه السكران وماخذ راحتي ولا انه الصاحي ومتهني
نور..... انته جاي تحجي؟ مريض؟ ضغطك صعد؟ عقلك انضرب ع الاخر؟ لو صابك زهايمر مبكر؟
سند.... بيش طالبتني ولج يشيب كلبي انتي غير انه صرت اتنفس سوالفج اموت ع فهاوتج
نور.... وين الله وتموت نذر عليه اذبح ناقتين وسبع دجاجات
سند.... ليش ولج يضالمه تردين الفكه مني؟
نور.... اكثر من ما تتوقع اتمنى هسه تتخربط وياخذوك ويجيبون خبرك ميت فد نوب اهلهل وسويها عرسسس بجنازتك
سند.... رحمه الله والديج راعيت واجب اندعي تجيني طلقه تايها سرطان بالمخ شي من هذا القبل
نور..... امين وين اللله وتصير صدك
هو ما جاوبني بس رغقني بنضره غريب وسكتت واني هم سكت هو تبعد عني وجاب عصير بزبيب بدون ما يحجي جر ايدي وخله بيها وتبعد وكعد ع الكرسي مقابلي ....
قربت قصبت العصير وصرت اشرب وعيوني تسرق نضرات عليه هو عيونه بتلفونه ...
نور.... سند
سند.... خيرج شرايده
نور.... اووف هسه شنو يصير لو جاوبتني عدل
سند.... اموووت اذا حاجيج طبيعي
نور..... اي هم صحيح ما متعلم الواضح امك تعبت وهيه تعلمك الغرور وتعجرف وقسوه بس نسة تزرع بكلبك السلوب الحلو وحنيه
سند.... لا تكثرين حجي ما ابيه اجي اكمل عليج الي صاير بيج يكفي ويوفي احجيلي شتردين بدون مقدمات
نور..... وليش اني شوكت احط لسوالفي مقدمات
سند.... استغفرالله اللله لسانج بنيتي لساانج
نور..... اي استغفر ذنوبك صارت هواي شلون راح يسامحك عليهن الله
سند..... ياربي رحمتك وانته ارحم الراحمين اذا ما عندج شي اسكتي اشرف
نور.... اريد اسئلك ع المصونه مرتك تطلعت لو بعدهي خايسه بالسجن
سند.... انتي شتكولين
نور.... همممم ما ادري يمكن اي ويمكن لا
سند..... انه هم اكلج طلعت ويمكن ما طلعت
نور.... جاي تقلدني لو تستخف بيه
سند..... انتي شتكولين
نور.... احترررركت بنار جهنم اني وانته
سند.... هالمره ما راح احجي لان ثنين راح انفوت سوه لنار
غمزلي وضحك اني اعصابي تلفت ديتعامل وياي برود قاتل ولا مهتملي ولا معبر اهميت الحجي وياي ..
سديت الموضوع وبعد ما فتحت شي وياه خليت العصير ع جهه وتمددت ودرت وجهي ...
سرحت افكاري لذاك الحلم وشنو تفسيره وشنو دخل النور والضلام بين الحلم ...
وعمي من مات لحد هاي الحضه مزايرني بحلم ولا مره شمعنه هسه زارني ... ليش؟ وشنو الي راد يوصله الي؟ والطفل ليش جان بيد عمي؟
معقوله عمي عنده ولد بالسر وضامه عنه وراد يوصلي فكره عليه لا لا اكيد ماكو هيج شي عمي مسويها ...
كطع سلسل افكار صوت سند هو واكف كدامي وجاي يحجي وياي وياشرلي واني صافنه ...
نور..... اهوووو شتريد
سند.... اهوو بعينج ع ساعه يوكف كلبي من وراج احاجيج ما تجاوبين خوفتيني عليج
نور..... سند بطل شفقه اني ما محتاجه شفقتك
سند.... راح اروح اشوف الدكتورة تجي اتشوفج خلي نطلع ما اكدر اتحمل ريحة المستشفى اكثر من هيج
نور..... تمام
هو طلع واني رجعت صفنت وصفنات تاخذني وترجعني فحصتني الدكتورة وما قبلت نطلع ...
الدكتورة.....اكو كم تحليل لازم نسويهن ومن بعدها تطلعون
سند.... ملزومين نسويهن؟
الدكتورة..... حتى نتاكد اكثر واني هم شاكه اكو شي بالمريضه بس من نتاكد نخبرك
طلعت الدكتورة وخذت سند وياها وباوعلهم يحجون سوه بعيد عني جا غير تحجي كدامي هو منو المريض اني لو سند ....
اجه سند وردت اسئل شنو رادت منك الدكتورة بس اجت المررضه ... رحت سويت تحالي واني كلشي ما اعرف والبنيه تعلمني ....
بعد ما خلصنه التحاليل سند سوه الخروج وطلعنه صعدنه بالسيارة هو لزم ايدي بيد ايده وكال ...
سند.... ابالج شي تاكلين لو اجيبلج ع ذوقي
نور..... شكرا ما اريد منك شي
سند..... نور بدون هالسوالف شنو تردين اجيبلج
نور.... ما اريد شي منك ما اشتهي ما يعجبني شي هيج تمام اقتنعت لو حاب عذر اكبر من هذان
سند.... ليش جاي تتصرفين هيج ترا تعبت من اسلوبج وكلامج وطريقة حجيج
نور.... شبيه جني البخت بس انته ما يعجبك العجب الغلط بيك مو بيه واني لو حتاجيت شي لو تبقه اخر كائن حي ع هاي الدنيا ما اطلبه منك
سند.... وصلت
نور.... الحمدلله ع سرعة وصولها
ما جاوبني انتجيت ع الجامه اباوع منها وبالي يروح ويرج ع الحلم ... نزلت الجامه طكاني هو بارد جانت الدنيه راح تكون غررروب ....
غمضت عيوني استنشق الهوا وعايشه جو السترخاء والطمئنينه ....
الدرب صار طويل مو نفس كل مره هو يمشي ع كيف ما ادري اني لان كاعده حسيته طويل ... رجعت ضهري ع الكشن ودرت وجهي ع سند جان جاي يسوق ....
وهو هم سارح بفكار وما ادري بيمن يفكر ... جنت كاعده كدام هو عيونه ع الشارع بتسمت ابسامه باهته وغمضت عيوني ....
سند.... شبيج
نور....شنو يصير لو عشت بس يوم حلووو وجربت حساس الناس التفرح
سند.... غاليه والطلب رخيص تم من باجر احققلج امنيتج مو تدلين كم نور عندي هيه هالوحده وتامر وتنهي وهنا من ايدج هاي ليدج هاي
نور..... ههههههه شوف انته واللله شااارب
سند.... استغفرالله شنو هالسمعه المو زينه بابا انه ما اشرب منين جايبه هذا الحجي ان بعد الظن اثم والله يحاسب عليهن
نور.... مو قصدي شارب شارب بس يعني تصرفاتك تخوفني وتربكني وتحسسني بيني وبين ملتقه كبور النجف غريبه تريييد تكتنييي سندددد يااا ليششش شمسويتلك
سند.... شووف وين بالج يعني شكو بيها لو رجال حقق مطالب مرته تنكلب الدنيا
نور..... لا والله ينكلب العراق كله فوكاها مو اي رجال سند ويحقق لرهينته مطالباها ياكاع انشكي وبلعيني
سند..... تدرين بروحج نكديه ومخربه الحضات بس مع كل هذا راح اصير احسن منج وحقق مطالبج حتى ارضي ربي ورضيج هيج يعجبج الكلام
نور.....شنو الصراحه انته وكلامك هذا تخوفون وضمانكم يمي صفر هيج فجأة اجاك احساس تحقق مطالب مرتك بدون مقابل وانته ما صار الك اكثر من ساعتين مدمي راسها عجييب
سند.... انه يعجبني اكون استثنائي وحقق مطالب الناس المحتاجه الي نفسج
نور..... راح نشوف سند رجل مروه شنو ممكن يسوي
سند.... ليش مو رجل نور
نور..... اييييع مجرد اللفظ احس نفسي اريد استفرق
ع الخباثه حجيتها هيج حتى اقههره اريد اشربه نفس الكاس الي جاي يشربني منها وكل مره ومره يستلذ بعذابي بس مو كل مره تصيب الجره هالمره الجره راح تصير بين ايده واني اقرر منو الي يرتوي منها ....
اذن اذان المغرب واحنه ما واصلين للبيت شنو السالفه ما ادري ... درت راسي اريد اسئله وين احنه بس سكتت ...
سند.... احجي شبيج ساكته شنو تردين
نور.... هسه اني كتلك اريد شي
سند.... عيونج تكول رايده شي
نور.... لا والله صاير تفهم الحجي من العيون لو مجرد حساس مر بيك مااا عندددي شي احجيي وياك ولا اريد شي منك بسس وصلني لبيت اريد انطمر
سند.... يا كلمه ردي مكانج
مجاوبت ودرت وجهي ع الجامه ... كم دقيقه وكفت السيارة فجأة رفعت راسي باوعت عليه ...
نور.... ليش وكفنه؟
سند.... انزلي
نور.... وين انزل فهمني وين جايبنه هذا المكااان يخووووف فدووه رجعني سندددد انته وينن جايبني
سند.... نورر ع كيفج ليش خايفه ما اراح اسويلج شي بس انزلي خلينه نحجي
نور.... احجي هناا بالسيارة مااا انزل وياك انته متشووف روحك جايبنه بخررابه وضلمه تخووف اكيدد تريد تكتلني وتدفني وتروح ومحد يدري بعملتك مووو اكيد هيج جاي اتفكررر
خللله صبعه ع شفااايفي واشلي اشششش اني رجفت هذا اكيد جايبني هنا حتى يكتلني ومحد يندل مكاني وكم سنه وينسوني ومحد يفتح سالفتي ...
صووفرت من الخوف المكااان بيوت مهدوومه وكم بيت بيهن اضويه خافته والدنيا ليل وهو موكف السيارة ويريدني انزل ...
هو نزل واشررلي انزللل واني من كد الخووف قفلت باب السياره من جهتي وركضت ع جههته هم قفلتها وسددت البيبان كلها ...
المكان حيل خوفني ورهبني وخلاني ما اعرف اتصرررف والجامات مرفوووعات وسند صاار يدك ع الجامه يريدني افتح الباب ....
سند..... نوررر بدووون خبااال فتحي الباب البالج مسستحيل اسووي فتحي البااب
اشرتله براسي لا هو تسودن اني من خوفي منه تصرفت وياي بالشكل هذا .... شويه وصوته هدء وما سمعته صاااح ...
خفت حيل لا صاار بي شي بقيت اباوع من الجامه ودور عليه بعيوني ما لكيته ...
فتحت الباب ونزلت رجليه واني الخوف يمشي بدمي محسيييت غيرررر شخص ضرربني ع راسي ...
........
امي تحجي وهنا عيونه عليها هسه تخلص بعد شويه تخلص بس معاني امي ما تطمن سدت الخط وباوعت علينه هزيت راسي الهاا ...
فاطمه.... ها بشرري شكالوا؟؟
ام فاطمه..... خل يرتاااح اخوووج البنيه عماامها يردووونها وما قابلين هسسه ارتاح فكرررنه وطير خوش قسسمه من ايده
كامت امي وجهه ما يتفسر من الضوجه والقهرر خطيه ما مشت السالفه مثل ما اتريد ... باوعت ع حميده وحميده باوعتلي وطكيناها ضحكه ...
فاطمه..... اول مره يكعد حظ محمد بشي خلي اروح ابششره
حميده.... روحي واني خليني اروح اشوف امج شنو سالفتها وعاونها بمصابها
بتسمت وطلعت ادور ع محمد فتت للحديقه شفته هو ومجتبى كاعدين ومجتبى جاي يخفف عنه وياخذ وينطي بالحجي وياه ...
فاطمه..... البشااارة البشااارة
مجتبى..... نمشيلهم مشيه مو؟
محمد..... ع جنازتي اروح اخطبها خلي اشوف يا كواد ابن كواد يروح يعقد عليها اذا بيك خير انته روح اعقد بدالي
مجتبى..... شكراا خويه ما عايز عندي التسواهن
فاطمه..... شبيكم متاشئمين البنيه محجوز وعمامها يردونها وتم الرفضل والسالفه انسدت
محمد.... عليج العباس صدك رفضو
فاطمه.... وداعتك رفضو امي هسه زعلانه لان رفضو ابنها وشايله بخاطرها عليهم بس لا تسويها وتزعل وياهم علمود ما انطوك مره
محمد.... والله بدام اجت منهم أنعم الله عليهم والف رحمه لعمامها بكل صلاة راح ادعيلهم الله يسترها عليهم و يرزقهم
من رزق الله
مجتبى....هههههه روح اخذلهم ذبايح وفديه لأن طلعوك من مشكله ما الها اول ما الها تالي
محمد..... أي هم صدك كوم مشينالهم
فاطمه.... ههههههه راح اسوي كيك بهاي المناسبة به السعيده
محمد.... وأني راح اجيب العصاير ومكسرات
دخلت للبيت اضحك ع فرحة محمد ما مصدك خلص من هاي السالفه بدون لا تكبر وتصير وجع راس الكل ... أمي بقت تحجي ع مرت خالو وخذتلها ساعتين مقهور بعدها سكتت ما فتحت الموضوع ...
احنه احتفلنه بمناسبة فسخ خطوبه محمد هو صار يغنيلنه من الفرحه ... حميده فرحتله فرحة اخت لخوها ومجتبى كضاها يتغامز ويه حميده وهيه تضحكله ...
مرت الايام وامي نسة سالفة بيت خالو بعد ما اجانه خبر خطوبه بدره من ابن عمها وعزمونه وامي قررت تاخذنه اني وحميده وياها وحاطه بالها تشوف لمحمد مره من العرس ..
محمد من سمع صار يدك ويلطم ع راسه ويروح ويرجع ويدعى امي تفك ياخه عنه ... المعهد صار روحي من الدنيه وتعلمت اقرا قرآن وامي مكيفه واخواني وحميده كلهم فرحولي بس قرايتي جانت مكسره ...
بس اخواني وحميده كالولي هاي لأن البدايه هيج تكون القرايه ... عرفت اكتب وشويه شويه عرفت اكتب جمل طويله ومحمد مستمر وياي اول بأول وينطيني ملاحظات
روحيه صارت صديقتي ونطيتها رقم محمد وصرنه نتواصل ونحجي عبر التلفون ... واخواني قررو يشترولي تلفون حتى ادرس عليه وهم يفيدني ...
واني الفرحه ما شايلتني بدت حياتي تصير غير وغير عن العذاب إلى عشته بطفولتي ...
نور بقت بالنه وعقلنه يمها وين صفه بيها الدهر وشلون جاي تكون حياتها ... نبأ صارت تزورنه بين فتره وفتره وبناتها يموتن ع مجتبى بس يجن صااحن خالو يدورن عليه
هو يكيف ياخذهم ويفتر بيهن بالمنطقه ويشتريلهن ومددللهن ع الاخر وزوج نبأ يغار منا لأن بناته يحبن مجتبى أكثر من ابوهن وما يقبل يجيبهن ...
مجتبى يدك الدرب لبيت نبأ يجيب بناتها ويجن ونبأ فرحانه تكول هسه حسيت بطعم الاخوه ... محمد امي لا زالت تلاحكه بموضوع الزواج ومتانيه موعد خطوبه بدره ..
حددو موعد خطوبه بدره الخميس واني كيفت ما عندي معهد واليوم ثلاثاء ... اجه عليه الخط و لعنه وروحيه هيه وعمها فلم كوميدي وعلاقتهم كلش حلوه ما عبالك عم وبنت اخو ...
اما البنيه الجانت ويانه بالخط إلى هيه سمر تركت الخط وشافت غيره ... وصلنه للمعهد ونزلنه ... جاي نتمشه للباب المعهد وكالت روحيه ...
روحيه.... تدرين الأسبوع الجاي تجي بنيه جديده ويانه بالخط هيه وختها
فاطمه.... صدك؟
روحيه.... أي بس هنا طالبات جامعيات يذبهن عمي ونوب يوصلنه يعني نمرج منا وجاي من وقت
فاطمه.... هااا تمام انطيني خبر من تقرون تجون من وقت
روحيه.... ان شاء الله صدك اكلج انتي ما عندج خوات اشو ما تحجيلي عنهن
احسها لجمتني وكلمه اخت كبل خطرت ع بالي نور بتسمت وكملنه مشي ...
فاطمه.... عندي ثلاث خوات من يصيح إلى الوقت اعرفج عليهن
روحيه.... ياا فدووه اني ما عندي خوات عبالي انتي مثلي إلى يوم أمركم اتعرف ع اهلج من قرب بس اشو انتي ما تحجيلي عنهن كله تحجيلي عن خوانج ومرت اخوج
فاطمه.... ما صار الي وقت اسولفلج غير مره احجيلج عنهن
دخلنه للمعهد وخلص الوقت وكفنه ننتضر وروحيه الشمس بعيونها حسيتها داخت سندتها ما اشوف غيررر ...
شكرا لزيارتكم عالم روايات سكيرهوم
