رواية سواد القلوب الفصل الخامس عشر بقلم ام سامان
ماحسيت بالوقت الى من دك موبايلي جنت قريبة من بيتي جان تلفون من مروان .....
حاقدة عالكل وأريد بنار حقدي آحرك الكل...
جاوبته
_ هلاا_ شونج ملكتي ...
وينج رجعت انتي ماكو
_ جاوبته ببرود جنت مخنوكة وطلعت افتر شنو ممنوع
_ شبيج كلبي بس خفت عليج لان الساعة ب9
_ تمام جايه
رجعت واني أريد انتقم من الكل....
رجعت صفيت سيارتي
بالكراج....الباب مال الكراج مفتوح استغربت ....سديتها وصلت لباب المطبخ ....فتحت الباب بعد مادكيتها جم مرة ومروان مافتحها....فتحتها بمفاتيحي....دخلت للمطبخ هدوء فتت للهول اشتغل الضوه....
مزين الهول نفس عيد زواجنا بس الفرق النار الي بصدري وخيانته كدام عيوني
لزم ايدي وباسها وهو مبين فرحان...
_ ملكتي ....شرايج بالسبرايز
_ لو شايفتهة قبل جم شهر جان طرت من الفرح ...
بس هسه اشوفها شي تافهه
_ بهت من كلامي ونزل أيده من ايدي..براء انتي بخير
_ لا مروان موبخير ومراح أكون بخير...صدكني دااحاول انسى خيانتك بس مدااكدر ....تصدك هسه من شفت هالمنظر كبل شخطرلي
_ جاوب وهو يبلعم...شنو
_ تخيلت مسوي نفسها لسوسن....
_ لزم وجهي بين ايديه...لا لا كلبي وداعت ربي لغيرج مامسوي هالسوالف
_ مديتله ايدي ..أكيد ماخذين صور بالمهر والزفة أريد اشوفها
_ براء شبيج ...
_ احسبني مخبلة كتلك أريد الصور ...اريد اشوف عيونك بالصور وبتصرفاتك وياها...
_ وربي ماعندي اي صورة ...ولاطكيت صور حتى يم مصور مااخذت....
_ نزلت ايدي ....
وتخطيته تصبح على خير
صاحني بخفة وهو مصدوم
_ براء صدك تحجين...
_ شتريد مروان شتريد...
كلت أريد فرصة وانطيتك بعد شتريد تريد من اول يوم ارجع وياك ولاگانو خنتني راد يحجي قبل لاتقاطعني مو شرط الخيانة تكون جسديه ..يكفي خنت الوعد وكتبت على وحدة ثانية ....
خلاااص انطيني فرصة استوعب حجم الكسرة الكسرتني ياها...عوووفوني كاففي دمرتوووو حياااتي
انهاريت ودخلت الغرفة وسديت الباب بقوة ...
ماادري شكد بجيت من وجع رأسي نمت بمكاني...كعدت احس الدنيا صبح ....باوعت بعدني بملابسي كمت لحيلي جسمي يووجعني .....اووو بس لااتمرض ...
طلعت اشوف الهول كله دخان....
شفته كاعد ومرجع رأسه لحافة التاج مال القنفة ...
تذكرت انهياري....وكلامي ...
ومندمانة عليها ...الكل يكسرني ويريدني أنسى بمجرد كلمة آسف...
رحت غسلت وجهي ومسحت مكياجي....ورحت لبست ملابس مريحة ورجعت طلعت كعدت بصفة ...
يلعب بشعره ومطفي الجكارة...
_ صباح الخير...فتح عيونه خوفني ...عيونه حمر دم ....صفن بوجهي ....جرني بسرعة لحضنه
حسيت بدموعه بركبتي
_ اخذت نفس ...مرمر...مراح اعتذر لان إذا عديتها راح أكون جذابة ومااهتم لوجودك ..
آني أحبك مرمر بسرعة فز أول مرة اكولها من نفسي
_ اي لتباوعلي ....وبكد حبي انكسرت بفعلك.....آني مكسورة مرمر
رجع حضني أقوى وعصرني بحضنه
_ الله لو ماخذني ولاكسرتج
_ اشش اسم الله لاتحجي هيج....
_ اذيتج براء ...
_ اذيتني مروان ...بس ادري راح تعوضني وتنسيني اتمنى تنسيني مرمر...اتمنى ارجع مثل كبل وياك....مااريد اخسرك مرمر...مااصدك كدرت أحبك وآني الجنت آكول مستحيل أحب بعد ...
حبيتك من كل كلبي ...آني أكولك مروان أريد طريقة أنسى بيها...
باس رأسي
_ اوعدج اسوي المستحيل بس تسامحيني...أنا المااكدر بدونج براء
_ كدرت مروان كدرت اسبوع تعوفني وتكعد ويه وحدة ثانية بببيت ووحدكم
باوع بعيوني ....
جنت يم أدهم ابات
_ شنو ...
_ من جنت مااكدر اتقربلها احط الصوج بيها واعوفها واروح لادهم...
_ ابتسمت باستهزاء وأكيد هو جان يقنعك تروحلها
باوع وسكت
_ براء
_ ششششش مااريد كلمة دفاع عنه
اخذت نفس ومسحت دموعي ...يلا كون خلي نسوي ريوك سوه مثل قبل كمت لحيلي مديتله ايدي كام وهو مسح وجهه
_ شرايج نتريك بره
_ لاا أريد نسوي الريوك سوه مثل قبل...
_ تمام أروح اغسل وجهي وابدل
لميت الهول شلون ماجان ...بعدين انظفها اكثر ..أجا وسوينا الريوك تريك وراح لدوامه ب7ونص
لل10ماصبرت خابرته
_ الو كلبي انتي بخير ...
ابتسمت
_مو بس بخير...طااايرة
_ امم معناها تصالحتو...
_ يامصالحةعوف هالمووضوع عندي الك قنننبببلة واخيرا يافهد وكعت هدية بين ادينا
_ شللون؟
_ السحار الي جان عندها علاقة بي ...عرفت منهزم لان شاهين ورضوان يدورون عليه قاطعني
_ ليش يدورون عليه....
سكتت ماحبيت افضح وحدة ميته
_ شمدريني المهم ..عرفت عايف امه العاجزة...
ورضوان دازلها مرة اداريها وسمعت العنوان ورحتلهم قاطعني
_ وهو معصب انتي عندج عقلللل بنية شاابة وحدج تروحين لبيت رجال نجسسس بالله جذاب وجان موجود ....براااااء ليش تخليني أجي اسحلج واحبسج كدام عيوني
شبعت طن هوه من صياحه...هسه به الاعصاب شون اكوله رؤى مو اختنا
_ جاووووبي
_ اسفة خلاص راح أسد الخط
_ اي سدي حتى أجي اسوي الكلته
_ اوووف ضوجتني فوفو
_ لاتحجين هيج مراح امررها هالاستهتار
كملي شلكيتي عنها
_ رؤى
_ شبيها نعال
_ رؤى مو اختنا ...سكت ورجع كال
_ شلون يعني .
_ حجيتله الكالته امه
_ بلكي مخرفة
_ادري نحتاج دليل قوي ....لعد آني وين رحت ...هي جم خصلة تتكطع بعركة بنات
_ اي اي صيري بنت شارع هممم
_ إذا هالشي يحرك كلب هدية وأدهم...اي يافهد راح اصير بنت شارع ...
""""""""""""""""""""
ندخل لمكان لأول مرة ندخلها.....
كاعدة بالبيتونة الذبوني بي ....باوعت عالحياطين ...نزلت دمعتي ....أتذكر امي ...وابويه...واخويه الجبير ...
عافوني بايد هالشياطين .....
الثلاثة ماتو بابا وماما بانفجار وقبلهم مات علي اخويه الجبير بحادث سيارة ...واخواني البقية بدل لايصيرولي سند....سووني خدامة لنسوانهم....واذا اعترض كلمةمعناها اليوم انكتل...
البارحة حسين ضربني بس لان كلت لمرته بصوت عالي اي اي جايه
يكولي المفروض تعوفين البايدج وتركضيلها....
طلعت صورتهم
_ شوف علي....شوف شصاير بحالتي ...شوف حسن وحسين وين وصلوني....شهكت انفتح الباب فزيت اباوع الفات جان حسن...
_ اووهو هااا هم تعوييين كومي سوييلي زقنبوت يمتى تموتين ونخلص منج....
كمت بسرعة ...نزلت احميله الاكل ...
فاتت زوجته
_ اي عفية هيج اريدج ماجاوبتها اجت ضربتني على رأسي من احاجيج جاوبيني لاتغلسين
_ خير ام فارس ..
_ والخير من وين يجينا وانتي موجودة بينا فاتت لين
_ لاعاب حلكج رسل ...
بس يلا خدامة وبلاش شنريد اكثر ..طلعوونزلت دموعي اخ لو جان عايش صكاركم جان لعب بيكم طوبة .. بالليل .
جنت متمددة وميته حر ..نزلت واسمع كلام رسل
_ أسمع مني يارجال جيران بيت اهلي عنده كومة فلووس وبعدين بعد منو يريد اختك البايرة يامنفصل يامطلك...
على الاقل هذا كومة فلوس مكومة على كلبه هم اختك تستفاد وهم احنا
_ ومنو يكول رفل تقبل
_ وهي وين تكدر ترفض واذا رفضت ضلو طكوها أنتو وحسين لماتوافق كتلك ابو محمد عريس مايتفوت
_ بس ابو محمد مو جبير ....
_ليش جبير بينه وبين اختك 20سنة يامه أكو نسوان زلمهم أكبر منهم بهالكد وهو شافها مرة وكايل لامي اريدها أريد ارجع بيها شبابي وتطلب الفلوس التريده...
هاي فرصتنا هم نأخذ حق لكمتها مال جم سنة وهم نخلص منها البايرة...
رجعت فوك وآنا ارجف مامصدكة ...
طلعت الرقم ...اتذكرت من ابويه أنطاني هالرقم ورا وفاة اخويه علي من شاف معاملتهم الي كال إذا بيوم اذوج روحي لابن عمي ....باوعت الرقم همزين ماذبيتك.....
استحملت كل شي بس لهنا وكااافي كافي عمري الفنيته لخاطركم ومااحجي لاحد التسوو بيه ...
الا افضحكم بين العشيرة كله
حسين دوم يشرب ومرته تطرده للهول...لازم أجيب موبايله
نزلت على كيف بعد ساعة
_ شفته مثل ماتوقعت. ....
اخذت موبايله ورجعت للبيتونة وسديت الباب
_ دكيت بسرعة ادري الوكت متأخر ....دكيت لماجاوب
_ السلام عليكم ...
_ عموو هادي شلونك...
_ منو انتي بنيتي..
عمو آني بنت ابن عمك راضي عمي فدوة الحكلي يردون يزوجوني لرجال جبير
_ هدية بنتي اخوانج وين
_ هذولة مو اخوان عمي هذولة وحوششش دكروني اخذ عمر فوك عمري ...عمو خلصني منهم...
_ ماشي بويه هذا موبايلج
_ لا لا هذا موبايل حسين انفتح الباب فزيت واشوف حسن يباوعلي وعيونه حمر دم ووراه رسل تباوعلي وهي مبتسمة ومتشمتة...
_ خفت تكون هاي نهايتي....طبو وسد الباب وبيده حزامه....غمضت عيوني وآني أكول
_ أشهد ان لا إله الا الله واشهد ان محمد رسول الله
:::........
براء
ثاني يوم ورا طلعة مروان أجا فهد ...كعد وحجيتله من الأول
_ كل شي توقعت منها بس أبد ماتخيلت توصيل بيها تجيب بنت حرام وتنسبها لابويه...
_ ماتسوي هيج غير بنت الحرام المثلها ..هسه كولي شسوي ....
_ حصلي منها شعر
_ هااا يعني قبلت أتصرف مثل بنت شارع غطى وجهه بايديه وهو يضحك....
سوي الترديه المهم نحصل شي منها..
_ خوش ...أنت ابقى هنا...راجعتلك ....
_ وين . _.لبيتها
_ صدك تحجين ...
_ هو كلبي مجمر منهم هي وحماتها بلكي اكفخ حماتها هم
_ لومااعرفج فاهية ياجون سينا
_ لا لا أكون مرت نقيب واضل فاهية
حجه بمكر
_ وهي طليقة النقيب
_ نذذذل ليش تذكرني ضحك بصوت عالي ...ماخلبته يجي وياي لان أكو خطة ببالي ...
أول شي تاكدت مامخلين كاميرات بس بيت عيالي خالين ومايبين بابهم خليت سيارتي قصدا كدام بيت عيالي ونزلت وكفت شويه وآني اباوع باتجاه بيتها وتقربت دكيت الباب فتحتها سندس
_ ليش جااايه دفعتها من جتفها ماجايه عليج وينها الك...
رؤى اجاني صوتها
_ ماكو غير ك.... يابنت بواكة الزلم ..ردت اصبح بيها واكول بواكة زلم ولا جاية بالحرام صبرت روحي لحد مااحصل الدليل بايدي....
_ دتعاي ....جريتها من شعرها قووي ....وضليت اضرب بيها واجر بشعرهم طبعا أكيد حصلت خوش كتله بس سندس ماريا شعرها لان لازم جم شعره مال رؤى ...
و الله ماادري شلون كمت ودفعتهم...وركضت للسيارة وهن وراي بسرعة مشيت باوعت لوجهي عزةةة
خابرت صوتي وآني امثل البجي
_ هلاو كلبي
_ مرمر ....شهكت مرمر الحكني
_ شكو كلبي منو وياج ..
_ مرمر جيت لاهلك وصاحتني سوسن تكولي تعاي شوفي صور مهرنا وشوفي مروان شكد يحبني وآني من قهري تقدمت منها ماحسيت غير هجمو عليه هي ورؤى ...
بجيت ضربوني مروان خرربو وجههي
_تعالي الا اشتكي عليهم والعن والديهم ...
_ جايه حبيبي ....
و الله ورحت وابجي
وصلت جان واكف كدام باب المركز من شاف حالتي شهك وركضلي
_ شوف مرمر ..وآني أشوفه اثار اظافرهم على وجهي وايديه وشعري...طبعا خليت شعر رؤى بكلينسه وبالسيارة ضميتها...
دخلني جوه ....
أدهم من شاف وضعي حمد بمكانه..وراها أجا بسرعة لغرفة مروان
_ كعدت وآني اشهك وهو حاضني يهدي بيه
_شوووف اذوني حيل ...
فات أدهم ومبين الخوف بوجهه كعد كدامي
_ براء شبيج منو مسوي بيج هيج
_ جاوبه مروان بأعصاب ....بس اريد أعرف نسيبك الك....
مايكدر يلم مرته واخته
باوعلي أحدهم مصدوم
_ هاي رؤى سوت هيج
_ بجيت وآني اشهك واباوعله ....شصار لو بيومها لامني لحضنك..... طلع مروان مدري شيسوي باوعلي أدهم وصفن وكان
_ اكص ايدي لو هاي مو خطة منج....
رفعت حاجبي
_ مفهمت شقصدك....فات مروان شهكت وكمت لحيلي ...قصدك آني اتبله على اختك..
شوف مروان يجذبني لخاطر اخته لعد اني مووو اختك
_ لو سمحت أدهم اطلع بره وأنا أعرف شلون أجيب حق مرتي جرني لحضنه وآني اباوع لادهم بابتسامة وهو مصدوم من مروان لان محاه من حياته
_ تطردني مروان مو كافي اسبوع ماتحاجيني وهي تطردني تطرد صاحب عمرك
_لخاطرها اعوف الدنيا كله
_ ابتسم بقهر وطلع....لثواني انقهرت عليه بس بعدين تذكرت افعاله كلت لايستاهل....
_ آسف كلبي كله من وراي ...مااكدر اسامح نفسي ...
_تعاي نسوي ابلاغ ....
_ اوك بس قبلها صيح باسل يجي وكله راح نبلغ على مرته واخته
و الله صدك خابره وهو يتوسل مانشتكي وراح يجي يتفاهم ويانه
_ صدك شلون نسيت فهد
_ فهد ...وينه
_ أجا ورا طلعتك وكأل راح يرتاح وآني اخذتها فرصة أروح لاهلك صار فترة مارايحة وصارت هالمصيبة لو مرايحة أحسن
_ اشش مالج ذنب هن ال....
بعد ساعة دخلو باسل انصدم من شاف حالتي
_ براء هاي هن موصليج لهالحالة
_ خلي كلامك ويياييي ....
أنا مو كتلك طلكتها واذا بيوم اعترضت طريقي او طريق زوجتي اننهههيكم
_ مروان ترى أنا ماجبرتك مو كافي إذا الناس درت اطلكت بأول اسبوع تصير علج بحلوم العالم ...لاتنسى كرايبنا جانو موجودين بالمهر
_ اي أنت كلتها بالمهر ....
_ بس هي بلغت صديقاتها من كرايبنا بزفتها
_ وهاي مشكلتكم أنا كلت مااريد احد يعرف هسه....
_ مروان اختي مو من الشارع تتزوج بالسر
_ ضحك مروان بصوت عالي
_ جا زواجنا شلون جان يامحترم اهلي كان عدهم علم...عمام زوجتي وزوجتي جان عدهم علم...
جا السر شنو عيني
فات أدهم وكف بصف باسل باسل اندار ولزمه من ياخته كل الصار بيه وباختي من وراك أنت واختك ......أدهم رؤى طالك...طالك ...طالك...
عافنا وطلع...باوعلي أدهم
_ هذا التمنيتيه مو ؟؟وهاي أتحقق الردتيه ...خسرت صاحبي الوحيد وهسه دمرتي حياة اختي
_ _انتو الحاولتو ادمرةن حياتها و الله ردها الكم ...
هز براسه وطلع...
_ خلي نرجع عيب من فهد بس قبلها اوديج دكتور ججج شمسوين بيج الحيوانات ...خليت رأسي على صدره أريد احس بالامان ...
_ دير بالك تغدر بيه مرة ثانية مروان امووت
_ مستحيل ماصدكت انطيتيني فرصة ياروح مروان ودنيته...
#يتبع
وهاي هدية طبعا دااماشيكم لحد مايبلش امتحانات ابني وراها لازم تراعون ظروفي
ومقدرة حبكم وتفاعلكم للقصة بس صدكوني الامتحانات صعبة وبيت واطفال اتفاعلو بين
رحت لدكتور وعالجتني لان ايديه و جهي انحفرت من اظافر العارات ..ومن تحط الديتول اتوجع أشوفه يلوب ويعض باصبعه...احس متمني يروح يشعلهم شعل ...
خابرني فهد ...طبعا آني قبل لااروح المركز دزيتله يسوي روحه مايدري آني طلعت من البيت...ومسحت الرسالة ملازم مروان يعرف آني مخططة لشي.....
رجعنا للبيت وهو محاوطني عبالك محاوط بنته ....وكل ساع يبوس الجروح البوجهي والبيدي.....
دخل السيارة للكراج ....عفنا سيارتي بالمركز....
أول مادخلنا شفت فهد كاعد على كرسي بالمطبخ ....شهك من شاف حالتي..وادري مو تمثيل ماعباله هيج مأذيني....
جرني لحضنه
_ ولج وين طلعتي...وهاي منو مأذي اميرتي..انهضمت مدري ليش وشهكت...
_ ياروح فهد ...ولج احجي الا اهجج السوه هيج
_اختك رؤى وحماتها
_ قصدك بنت الشارع الجبتها مرة على اختي
_ سكت مروان ونزل رأسه ندمان
_ خلونا ننسى قاطعه فهد
_ شننسى ....
تلفون اختي المنهارة وهي تكول الحكني فهد مروان كسرني ....لو أنسى خطفك الها ومتخليها تتواصل ويانه وعايفنا بنار ...لو أنسى من هيج مأذينها اجيت دكيت على صدرك وكلت هي أغلى من روحي دارني على مروان....احنا هيج انطيناهاالك . .
حانت هيج ذبلانة من تزوجتك...
_ دمع مروان وهو يباوعلي ...يشهد الله زواجي كله لخاطرها ردت انطيها طفل وماتنحرم من الامومة
_ ضحك فهد باستهزاء...يعني هي تفضل طفل عليك ..على منو تضحك...يعني والمفروض الصوج مننك تتطلك منك وتروح تتزوج وتخلف وترجعلك حتى ماتنحرم من الابوة..صح...
جر ايدي ودخلنا للهول....أنسد الباب....كنت شفته طالع....
بس مااخذ سيارتي
رجعت لفهد
_ ولج شهالحالة
_ اسكت غزالة ووكعت بين الضبع
_ ضحك وكأل على الاقل حصلتي النريده لولا
_ عيب عليك ..
بس مو يمي بسيارتي....أكيد مروان راح يرجعها هسه..المهم تعال نتفق
_ على شنو هزيت جتف رؤى طلكت
_ فتح عيونه...كولي و الله...ليش
_ والله باسل من كلنا راح نشتكي على مرتك واختك توسل مانسويها ومن أجا مروان هانه وفات ادهم عصب وكله كله من وراك أنت واختك وطلكها بالثلاثة
_ اي هاي الأخبار الحلوة ...
وبعدين
_ ومروان طرد أدهم انصدم وكله تتخلى عن صاحب عمرك كله لخاطرها اعوف الدنيا كله
_ عوج حلكه مامصدك ومايريد يحجي لاانقهر....وبعدين...
_ أدهم عرف هاي خطة مني بس ميكدر يثبت شي
_ شلون ...
_ حجيتله كل شي استغرب وكأل
_ ولج يمتى صرتي بهالذكاء
_ اعجبك خيووو...المهم هسه أكيد رؤى راح تتشكى يم عمامي .لازم نوحد كلامنا آني من نمت أنت طلعت لعيالي والكاميرا يثبت أنا نزلت يمهم بس هن صاحوني وضربوني ..وأنت كعدت استغربت آني ماكو ودكيت عليه بس آني ماجاوبتك ومن رجعت انصدمت بحالتي ....
_ وهو هذا الصار ...
ابتسمت ورجعت حضنته
_ فهد الحمدلله من طلعت حنين عليه وماجنت جلب مثل اخوان بعض البنات
_ انتي روحي براء اليوم اكره روحي لان عفتج وحدج بذاك الفترة
_ اششش آني مسامحتك ..
المهم من أجيب الشعر تودي بس بلكي كالو تزوير
_ نكول نعيد التحاليل يم اي مختبر ثاني
_ تمام أروح اسبح اوووف تعبت
_ الله يساعدج جون سينا
"""""""""""
رفل
كعدت جسمي يرجف رغم حرورة المكان...شفت جسمي الدم الماشف على حلكي واخر شي دفرني كال باجر ازوجج وأريد من الله من يسالج الشيخ ترفضين جرني من شعري ولج تخابرين زلم بنص الليل .... ردت احجي رجع يدفر بيه ....باوعت لرسل تباوعلي وهي متشمته طلعو بعد ماعافوني اسب بعلي العافني واعاتب اهلي .....
الحمدلله عمو هادي وصل الظهر ....سمعت صوت صياح بالكوه كمت امشي وآني لازمه الحايط لحد مادخلت وشفت رجال جبير ووياها اثنين شباب كلهم شهكو من شافو حالتي
_ تقرب عمو وخله ايده على رأسي ...
شونج يابه انضهمت وشهكت برر حسن
_ عمي تريد تنزل راسننا تخابر زلم بنص الليل ...هزيت براسي
_ لا لا عمو والله يقصد من خابرتك البارحة بالليل ...
انداريت عليهم ...
4سنين متحملة الضيم ومامخلي واحد من الكرايب يحجي عليكم كلمة شينة ...
لان أنتو وصية آمي الجانت دوم توصيني عليكم رغم أكبر مني أنتو...
سويتوني لعبة لنسوانكم كل وحدة منهم تصيحني بنفس الدقيقة واذا أروح لوحدة الثانية تمد ايدها عليه وبعدها واحد منكم يستلمني أكلت خ..
وتحملت لخاطر امي...توصيل بيكم تزوجوني لرجال أكبر مني 20سنة لخاطر الفلوس لاوالله ادوسسسسكم سمعت ادوسكم واتبرا منكم......
ماحسيت غير عمي ضرب حسن راشدي لان هو الاكبر....
_ ولللكم جلاااب هاي اختكم الوحيدة ولكم امااانة اهلكم الككم ... الله ياخذ الزين المثل علي ويبقي عارات مثلكم...شهكتت من ذكر علي ...اندار عليه
_ روحي بويه جيبي هدمج حتى نروح حجه حسين بصلافة
_ بصفة شنو تاخذها عمي ..
أنت جببيرنا وعلى رأسي بس باجر العالم تاكل وجهنا وأنت مكعدها يم ولدك...
_ آخذها بصفة زوجة لابني باوعت لولده الانصدمو اكثر مني ...
_ ياولد عمي الاعرفه شاهر خاطب وشاهين أرمل ليش نذبها هالذبه
_ جا ردت تذبها بحضن رجال أكبر منها ومتزوج عادي ..مو
_ سكتو من عرفو حاجيتله كل شي ...
_ روح شاهر جيب سيد
_ منويعقد عليها
_ شاهين
باوعت اله لان اخوه طلع عرفت هو وشفت أيده الضاغط عليها....وحلكه الحسيت سنونه حتنكسر .....يباوع لابوه بغضب ...
_ فوتي بنيتي جهزي جنطتج وتعاي
دخلت أول مافتت للهول انجريت من شعري كمت مااعرف الضرب من وين تجيني....وآنا من جسمي مهدود حيله...انجريت من بينهم....
شفته نفسه الراح يعقد عليه
_ اندار على اخواني صدك مابيكم زلمة
فاتو نسوانهم لغرفهم حجه بهمس
_ وللي سوي الكلج عليه ابوي....
_ صعدت وآني بالكوه امشي ميخالف يكرهني المهم أخلص من هالضيم ياخوفي اوكع بضيم أكبر.....لميت الملابس العندي ...ولبست عبايه ....مااعرف طبعهم العبايه جان عندي من قبل من نروح زيارة من يوم وفاة اهلي ماحلوني أشتري قطعة ملابس كلهها قديمات ...
فتت السيد كاعد وعقد عليه ...عمي باوع عليهم
_ مراح اكوللكم انسو عدكم اخت بس أكول مستحيل بيوم اخليها تجيكم وحدها لان مالي ثقة بيكم ...
طلعت وآني اخذ نفس اباوع للشارع
_ الله واخيرا كدرت أخلص من هالسجن
_ يلا بويه صعدي ..عمي صعد بصفي وولده كدام...
فتحت الجام
حجم باعصاب
_ سدي الخ.... ماتشوفين مشغلين التبريد عمي خزره وشاهر كله عيب على كيفك دمعت بس ماخليت تنزل دموعي ...وصلنا ...
نزلت وبالكوه امشي عمو يساعدني ...ومبين وجهي خريطة من شهكت المرة الدخلت وشافتني ...ام شاهين اخذي جنتج لغرفة رجلها شاهين شهكت المرة وصاح شاهين
_ لهناااا وبس يبو شاهين ....خليتني أعقد على وحده وأنت تدري كلبي وين
_ اسكت ح.... الكلبك يمها نستك وتحب رجلها وأنت الذبيتها وماادري شسويت بحرمتك الخلاها تنتحر وتموت ابنكم شهكت باوعولي كلهم وهو يخزرني نزلت رأسي بسرعة
_ اممم شاهين ماسمعتي الكلته بسرعة اخذتني عمه
_ فوتي يمه.... منو انتي ومنو موصلج له الحالة .....
بجيت وكعدت حجيتلها وهي تبجي على بجيي
_ الله ينتقم من اخوانج ... هذوله اعداء مو اخوان...ارتاحي يمه ....طلعت وعافتني كمت على كيف نزعت العبايه لأبسه دشداشه ماروني بس باهت لونه من كثر ماقديمة وغاسلتها هوايه....جسمي متكسر تمددت عالجرباية اشم عطر قوي صرت بلاوعي اشتمها واحس بالسكون ماادري شلون نمت....
كعدت على شخص جرني بقوةةة وانجريت من شعري وبعدني بالحجاب
_ و الله لااراويج نجوم الظهر...ولج وين ماكو ك.... الله يذبهن بطريقي وحدة بس جانت شريفة وبسبب ك... مثلج خسرتها الا ادوسج واطلع عينج واطلع كل قهري بيج كووومي جهزيلي الحمام....من اليوم انتي خدااامة بالبيت لاتتوقعين شي أكبر من هالشغلة
كمت أدور على ملابسه وماادري شحضرله دموعي جرت على خدي من اهانته هو من يوم ماتو اهلي وبالاخص علي لان ابويه ماجان يكدر يسويلهم شي جانو حيل مؤذين بس علي جان يدافعلي ويطيح حظهم....
ليش عفتني علاوي
_ عصرر ايدي ...حمااره ملابس ماتكدرين طلعيها وبعدين
هالدموع مال التماسيح متمشي يمي ....دفعني وطلع هدوم وفات الحمام ...وكعت بالكاع ابجي بلاصوت ....
""":::؛؛؛؛؛؛؛؛؛::::؛؛؛؛؛:::
فهد
اخذت الشعر ورحت المختبر وانطيت خصلة مني هم كالو يطلع بعد 5ايام طلعت لبيتي...
وصلت قريب المغرب ...اجتني فرح وهي مبتسمة وتستقبلني وضياء بحضنها....بيت راسها واخذت وليدي اناغيله..بست رأس امي ...
ورا العشاء حجه شاد
_ بابا بماانو فهد أجا أريد اكوللكم شي
_ كول بابا
_ احممم أريد أتزوج...
_ حجت امي بفرح منو..
_ سهند عكدت حواجبي قصده اخت رزكار
_ مالكيت غيرها...
_ شبيها خويه ...مااحب هالعائلة هيج بدون سبب حسيت شاد اخذ بخاطره كام الحيادله
_ هاهيه بابا أنسى ....
كمت بسرعة وجريته لحضني
_ تعال ليش زعلت نع....
_ مازعلت بس مااخذ وحده ماتقبل أنت بيها وأكيد براء هم
_ اششش اقبل لخاطرك...اهم شي سعادتك....
حضني بقوة ....
_ باجر احاجي عمك...حجه ابويه
_ جنت كاعد بالمكتب وفاتت الي نسيت حبها ومانسيت خيانتها ... انصدمت بوجودي ...
_ فههد
_ هلا تفضلي منو انتي
حجت بصدمة
_ نسيتني فهد
_ ليش منو انتي
_ آني شيماء حبيبتك
_اووو ماضي هذا ...
تفضلي بشنو أكدر اساعدج....
كعدت ونزلت دموعها
_ اجيت تخلصني من رجلي ....
_ رفعتلها حاجبي واجيتي عليه صدفة...
_ هااا أكيد ...
_ اممم تمام...سويلي توكيل وآني اباشر ومايحتاج تجين كل لحظة
_ لا لا معندي شي آني راح اجي
_ بكل الاحوال لازم توكيل على مود ارفع القضية وهسه احجيلي سبب الطلاق
_ يخوني ويعنفني...
ابتسمت باستهزاء واحجي بداخلي هاي اخر اليركض ورا الفلوس
_ متشمت بيه فهد
_ استاااذ فهد أنا مو صديقج حتى ترفعين الألقاب بينا
_ تغيرت حيل
_ مو بس تغيرت نسيتج وتزوجت وحدة اموت عليها وعندي ولد...
_ الله اخذ حقك مني ....آني انحرمت أكون ام....
_ الله يعوضوج خير...
رفعتلها القضية وبعدها شهود اوراق تثبت العنف بس جياتها كثرت اكوللها نايحتاج كل دقيقة تجيني ...
_ ماعندي شي أريد أعرف وين وصلت بالقضية...
وعدا مراسلاتها كل دقيقة أكبر غلطة سويتها من نسيت خيانتها وقررت اساعدها...
كامت ادز صور الماخذتها وكت المعنفها رجلها ياصدرها ياظهرها بحجة القضية....
وأني مايهز شعره مني عندي المكتفية بيها...طلعت من الحمام....الوجه مورد جريتها لحضني اشم بشعرها وركبتها...
_ اووووف عطرج بيوم حيخبلني...
_ امممم وأنت عطرك يموت...
شنو راح نضل نحجي بالعطور غمزلي ويباوع بعيوني..
فرح
_ عيونها...
_ ميت بيج غاليتي ...
ابتسمت له
_ روحي أنت فهدي ..روحي
بعدني مابايسها اشتغل جهاز الانذار رحلته آني باوعتلها
_ إذا نعسانة نامي كلبي بس قبلها سويله ممه أني عندي قضية اشتغل عليها
_ تمام ...بس خاف يتعبك
بسته
_ تعببه راحه وليدي ..
تقربت وآني أنطيه الممه
_ شيماء .. _ امم
_ شنو قضيتها _ طلاك
_ سبب. _ خيانة وعنف
_ الله يطيح حظه ...يلا حبيبي جيبه نام ...أروح أنام
بسته ورحت أنام ...
_ باوعتلها الله ليحرمني منكم ....كملت شغلي وتمددت بصفها وجريتها لحضني ...
:::؛؛؛؛؛::::؛؛؛؛؛
براء
مروان اشترط على باسل يشيلون من المنطقة لايسوي قضية على اخته بالتهجم...والدليل الكاميرا وورقة الضرب واخذ صور لايدي ووجهي يم الدكتورة...
وافق باسل ...امه متوسلة بعمة تقنعنا وتكول جنتكم المتهجمة عمه طاردتها ...شالو وارتاحيت من شي اسمه سوسن...عمو خابرني يعتب حجيتله نفس الكلام ودزيتله صور الضرب ... ضل يسب برؤى وراها بجم يوم خابرنا يعزمنا مسوي عزيمة لخاطر شاهين وزوجته...يمتى تزوج ومنو هي ماادري وماهتميت بس اجا فرصتنا لان أكيد عازم الكل ورؤى مو من نوع التلتزم بعده خابر فهد راح يجي وراح تطلع النتيجة....
طلعنا آني ومروان وصلنا تصادفنا ويه فهد ...المبتسم عرفت الأخبار مبشرة...فتت للمطبخ سلمت على عمه ام شاهين....كعدت تحجيلي عن زوجة شاهين يتسنى وتكسر الخاطر وشاهين ميعاملها عدل انقهرت عليها...
طلبت للهواء كامت رؤى مثل المخبلة تريد تتهجم عليه لزمتها
