رواية عشقت كبريائي فهد ومليكة الجزء الثاني (عناد الحب والكبرياء) الفصل الخامس عشر
فى فيلا اسر
فتحت مها عينيها وقامت من جنب اسر دخلت الحمام اخدت شاور واتوضت وخرجت من الحمام لبست هدومها وأدت فرضها
وفى الوقت ده اسر فتح عينيه بص جنبه على السرير ملاقش مها لسه هيقوم لاقها بتصلى اول ما خلصت قال
اسر :- حرمآ
مها :- جمعآ أن شاءالله
اسر :- ايه لبسه كده وريحه فين
مها :- العيال وحشونى هروح اجبهم من عند ماما
اسر :- يا بنتى مفيش غير سمر اللى عند امك يوسف فى المدرسه
مها :- هجيب سمر وهبقى اروح اجيب يوسف من المدرسه على هنا
اسر :- خليكى انتى هنا باللى فى بطنك وانا هروح اجبها بالعربيه واجى وهبقى ابعد السواق يجيب يوسف لما يطلع من المدرسه
مها :- لاء هروح انا مع السواق وابص على ماما وانت ابعت السواق يجيب يوسف
اسر :- براحتك بس بلاش تتعبى نفسك
مها :- حاضر وبسته فى خده ونزلت
اسر :- قام دخل الحمام واخد شاور واتوضه وخرج لبس هدومه واده فرضه ونزل راح الشغل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
وصل فهد ومعا مليكه للشركه ودخلو الاتنين ووصلو عند السكرتيره دعاء
فهد:- صباح الخير
دعاء :- صباح النور
فهد :- هاتى ال
مليكه :- قطعته وقالت هاتى الورق فى المكتب وادهونى
فهد :- اتغاظ منها وسبها ودخل المكتب
مليكه :- ياريت تلبسى حاجه محترمه شويه وخفى من الميكب شويه انتى جايه شركه محترمه مش كباريه
دعاء :- حاضر يا فندم
مليكه :- هاتى الورق واطلبى قهوه استاذ فهد وليا نسكافيه بسرعه وسبتها ودخلت المكتب
دعاء:- بقرف بنأدمه مستفزه وراحت تعمل زى ما مليكه قالت ليها
فى المكتب
دخلت مليكه وقفلت الباب وراها وكان فهد هيطق من جنابه منها
مليكه :- مالك يا فهدى
فهد :- بعصبيه مليكه انا بجد زهقت دى مش طريقه دى كل ما اجى اتكلم مع السكرتيره تتكلمى انتى نيابة عنى انا مش صغير وبعدين انتى كده بتقلى بيا ولو حد تانى من الموظفين شاف اللى انتى بتعمليه ده هينشر الخبر فى الشركه ويقول فهد باشا صاحب الشركه بيخاف من المدام وبيخليها تتكلم مع السكرتيره نيابة عنه
مليكه :- خافت وقالت طيب اهدا بس
فهد :- متعصبنيش وبعدين تقولى اهدا
مليكه :- بغير عليك يا فهد الله
فهد :- مش بالطريقه دى يا مليكه انتى كده بتخنقينى بتصرفاتك طيب ما انا بحبك وبغير عليكى بس مش بالطريقه بتاعتك
مليكه :- بدموع كده يا فهد بتتخنق منى ماشى انا همشى من وشك واريحك منى ولسه هتفتح الباب
فهد :- مسكها من درعها وقال ريحه فين
مليكه :- همشى علشان متزهقش وابقى قعده على قلبك
فهد :- مليكه اعقلى مش كده انتى طول عمرك دماغك كبيره ايه حصلك بقيتى ليه كده
مليكه :- بدموع انت يا فهد
فهد :- بأستغراب انا
مليكه :- ايوه انت لما الموضوع يكون بيتعلق بيك ببقى كده مش بعرف افكر فى اى حاجه غير أن احميك ليا وامنع اى واحده تقرب ليك ومجرد بس التفكير فى أن واحده عينيها عليك بتخلينى افقد السيطره فى تصرفاتى واكون طيشه وابقى مجنونه بالمنظر ده
فهد :- اخدها فى حضنه وقال شششش بلاش دموع وحياتى عندك انا عايز بس تصرفاتك تكون اهدا من كده مش معنى كده بقولك متغريش لاء بس بلاش تكون زياده عن اللزوم يابت انا بحبك ومش بحب ازعلك خلاص بقى متزعليش
مليكه :- البت دى من ساعة ما دخلت حياتنا واحنا علطول فى مشاكل
فهد :- هههههههههه برضه مفيش فايده روحى يا مليكه شوفى شغلك
مليكه :- طيب مشى البت دى
وياريت يا متجبش سكرتيره وتخلينى انا بس يا اما تجيب سكرتير راجل
فهد :- بتعب مليكه شوفى شغلك انا تعبت من الكلام
مليكه :- بزهق يوووووه الواحد مش بيعرف ياخد منك لا حق ولا باطل وراحت قعدت على مكتبها تشوف شغلها
فهد :- بجد انتى جنتينى ربنا يهديكى يا مليكه وقعد على مكتبه يشوف شغله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت عبدالرحمن
وصلت مها بالعربيه ونزلت منها وطلعت عند شقة امها رنة الجرس
فايزه :- فتحت الباب واول ما شافت مها حضنتها وقالت حبيبت قلبى واحشتينى
مها :- وانتى اكتر يا ماما انا صممت اجى النهارده اخد سمر بنفسى واشوفك
فايزه :- سبيها يا بنتى قعده مع عيال خالتها
مها :- معلش يا ماما كفايه كده خليهم يرجعو الفيلا بقى دخلت بصت فى الاوض وقالت امال مليكه ومى فين
فايزه :- مليكه رجعت لجوزها فى نفس اليوم اللى رجعتى انتى فيه لأسر
مها:- بجد ربنا يهنيها ويسعدها يارب طيب ومى
فايزه :- مى نزلت اشتغلت مع جوز اختك فى الشركه
مها :- طيب وجوزها محاولش يرجعها ليه
فايزه :- لاء قلبى بيتقطع علشانها صعبانه عليا بقت منكسره كده وعلطول تنام ودمعتها على خدها وبقت عيشه كده وخلاص
مها :- منه لله مازن هو السبب فى اللى هى وصلت ليه ربنا يتعب خاطره زى ما كسر بخاطرها
فايزه :- بلاش تدعى على حد ادعى لاختك ربنا يريح قلبها ويفرحها من عنده يارب
مها :- يارب يا ماما
فايزه :- خليكى اتغدى معانا واتصل بأسر يجى يتغدا معانا
مها :- معلش يا ماما مره تانيه علشان اكيد العيال اشتاقه للفيلا
فايزه :- ماشى يا حبيبتى ربنا ما يحرمكو من بعض
مها :- يارب ودخلت اخدت بنتها وسلمت على امها ونزلت ركبت العربيه وراحت على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
فى مكتب باسم
كانت مى قعده بتشتغل وفى حاجه مفهمتهاش فى الشغل راحت عند باسم وقالت
مى :- استاذ باسم
باسم :- نعم يا مى قصدى يا مدام مى
مى :- لو سمحت مش فاهمه الجزء ده ممكن بس تشرحو ليا
باسم :- ايوه طبعا هاتى ورينى
مى :- أدت الملف لباسم وقالت اهو اتفضل
باسم :- اخده منها وقال ااااه قصدك على الجزئيه دى
مى :- راحت وقفت جنب باسم وقالت ايوه دى
باسم :- حس بشعور غريب وهى وقفه جنبه وسرح فيها
مى :- استاذ باسم فى حاجه حضرتك
باسم :- ها ل.ل.لاء خالص
مى :- تمام اتفضل حضرتك اشرحها
باسم :- كان سعيد بقرب مى منه وقعد يشرح اللى مى مش فاهمه ببطئ علشان مى تفضل جنبه وبعد وقت طويل خلص
مى :- شكرآ تعبت حضرتك معايه
باسم :- مفيش تعب ولا حاجه انا تحت امرك فى اى وقت
مى :- ميرسى
باسم :- مش هتاكلى
مى :- لاء شكرآ اتفضل حضرتك ومتشغلش بالك
باسم :- يا بنتى تعالى الموظفين كلهم بيخرجو فى الوقت ده علشان يتغدو
مى :- لاء شكرآ انا مش بحب اتغدا اتفضل حضرتك
باسم :- لاء خلاص مدام مش نازله يبقى انا كمان خلينى
مى :- على فكره حضرتك مش ملزوم بيا انا كبيره كفايه اقدر اخد قراراتى فياريت حضرتك متشغلش بالك بيا خالص وشوف مصالحك
باسم :- والله انا عارف انك كبيره وتقدرى تقررى اللى انتى عايزاه بس احنا شغلين مع بعض فى مكتب واحد يعنى مفروض نكون مشتراكين فى كل حاجه لان احنا فريق واحد يا مدام مى
مى :- لاء حضرتك غلطان الكلام ده لو الموضوع يخص الشغل لكن لو حاجه تخصنى انا حره اقبل أو ارفض
باسم :- دماغك وطريقة كلامك كلها مليكه بس الفرق اللى بينك وبينها عينيكم مختلفه
عين مليكه كانت كلها إصرار وعازميه
لكن انتى عينك كلها حزن وانكسار عايزه تثبتى حاجه معينه لحد معين علشان كده وخداها جد زياده عن اللزوم بس الحياه عمرها ما كانت كده الحياه عايزه تكونى لينى شويه عن كده عايزه تكونى هاديه علشان توصلى لهدفك صح
مى :- بعصبيه والله ده انا شغاله مع دكتور نفسانى وانا مش عارفه انت بأى حق تدخل فى حياتى وانا سبق وحذرتك قبل كده أن محدش يدخل فى حياتى الخاصه والله انا كده معقده وكلى قلقيع لو مش عجبك انقل نفسى مكان تانى
باسم :- انا مدخلتش فى حياتك الخاصه كل اللى بقوله أن احنا شغالين فريق واحد لازم تكون العلاقه احسن من كده شويه ويا ستى لو كلامى زعلك انا اسف اتفضلى روحى شوفى شغلك
مى :- وانا معترضش على كده علاقتنا فى حدود الشغل مش اكتر من كده حياتى الخاصه ملكش دخل بيها عن اذنك وسابته ومشيت
باسم :- لنفسه اه لو اعرف ايه سبب تغيرك بالطريقه دى بس وبدء يشوف شغله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى البنك عند مازن
كان قاعد ومش مركز فى الشغل قام فاجئه واستأذن وخرج راح عند مدرسة تيلا واستناها لما خرجت اول ما شفها راح عندها وقال
مازن :- تيلا واحشتينى
تيلا :- بأستغراب بابا
مازن :- ايوه يا حبيبت بابا انا خرجت من الشغل بدرى النهارده مخصوص علشان اجى اشوفك واروحك عند تيته
تيلا :- طيب وماما فين
مازن :- عند تيته فايزه
تيلا :- لاء ماما فى الشغل وانا مش عايزه اروح معاك انت وحش بتخلى ماما تعيط كتير وتملى نسينى عمرك ما لعبت معايه زى عمو اسر وعمو فهد ولا عمرك فكرت تجيب لعبه ليا انت اول مره تيجى تخدنى من المدرسه انا مش بحبك ومش هاجى معاك
مازن :- شدها فى حضنه وقال يا حبيبتى بابا بيتعب فى الشغل وبيستحمل حاجات كتير علشان اقدر اجيب ليكم فلوس اصرفها عليكم علشان كده ببقى علطول مشغول عنك يااما فى الشغل يا اما نايم علشان اصحه بدرى اروح الشغل
تيلا :- ما عمو فهد شغال وعمو اسر كمان بس بيبقى عندهم وقت يلعبو مع عيالهم لكن انت لاء علطول مشغول عننا حتى ماما بتزعلها كتير
مازن :- حق عليا أن شاءالله هعوضكم كل اللى فات وهنبدء صفحه بيضه من اول وجديد بس هحتاجك تساعدينى نرجع ماما الشقه من تانى
تيلا :- بس انا مش عايزه ارجع الشقه تانى انا عايزه اقعد عند تيته
مازن :- ولو قولتلك هجبلك لعب كتير
تيلا :- بجد هتجيب ليا لعب احسن من بتاعة جاكلين بنت خالتو مليكه
مازن :- هجبلك اللى انتى عايزاه كله بس نقنع ماما ترجع الشقه
تيلا :- هييييييييه يلا بينا ومسكت ايد مازن وراحو عند فايزه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
وصل فارس الفيلا وكانت هاديه جدآ بص على جومانه ملاقهاش فى الفيلا عرف انها فى اوضتها طلع خبط على الباب واستنا لما تفتح
وشويه وجومانه فتحت الباب وقالت
جومانه :- نعم
فارس :- يلا علشان تاكلى
جومانه :- شكرآ مش عايزه
فارس :- يلا يا بنت الناس متتعبيش قلبى
جومانه :- برضه لاء
فارس :- يلا انزلى معايه لو اكلتى هخليكى تكلمى ابوكى
جومانه :- بجد
فارس :- اه والله
جومانه :- طلعت تجرى وهى فرحانه زى الاطفال وقالت هيييييه ونزلت تحت
فارس :- هههههههه طفله
جومانه :- شمت الاكل وقالت واو كباب و كفته انا بحبهم اوى وفتحت الاكل وقعدت تاكل
فارس :- ههههههه ده على اساس انك ملكيش نفس
جومانه :- لاء ما انت فتحت نفسى لما قولت هتخلينى اكلم بابا
فارس :- يقطعنى انا اللى جبته لنفسى هاكل انا ايه بقى
جومانه :- ما الاكل كتير اهو حد حيشك ما تاكل
فارس :- انا عارف يا قلبى أن الجوازه دى تخليص ذنوب من عليا وانا راضى واخده الكباب والكفته قدامك وحط قدامى السلاطات
جومانه :- حلو مالها السلطه اكل صحى علشان الدهون ومتبقاش تخين
فارس :- والله وهتخنى انا وانتى لاء
جومانه :- انا جسمى مهما اكل مش بيتخن
فارس :- سوسه يعنى تاكلى البحر والمحيط ومش بيبان عليكى
جومانه :- وهى بتاكل قالت هههههههه اه
فارس :- طيب هاتى حته
جومانه :- ها بلاش بلاش مش حلوه
فارس :- ولما مش حلوه نزله عليها ومش ورحمه نفسك ليه
جومانه:- اصل جعانه مأكلتش حاجه من امبارح
فارس :- على فكره انا كمان جعان
جومانه :- ها الحمدالله وحطت الورقه فاضيه قدام فارس
فارس :- يابت المفجوعه خلصتيه كله
جومانه :- الله اكبر بلاش حسد وبعدين مكنتش حلوه اوى يعنى ابقى استنضف المكان اللى تجيب منه واخدت تليفون فارس وراحت تكلم ابوها
فارس :- يارب هتشل منها قريب تستاهل اللى هعملو فيها وقام طلع دخل اوضت جومانه وفتح علبه صغيره اخدها من اوضه وطلع منها فار وخرج وقفل باب الاوضه وراه وضحك بشر وقال مش انا فارس المنشاوى اللى يتلعب معاه ونزل تانى بس وهو نازل سمع صوت جومانه بتقول لابوها
جومانه :- كله تمام يا بابا فارس كويس اوى وبيحبينى اوى اوى ومش مخلى نفسى فى حاجه الا وجيبها ليا انا اسعد واحده فى الدنيا دى علشان اتجوزته
عز :- ربنا يهنيكم يا حبيبتى ويرزقكم بالخلف الصالح
جومانه :- ي.ي.يارب يا بابا مع السلامه
فارس :- صعبت عليه جومانه لما قالت كده وحس نفسه مقصر فى حقها وظلمها اول ما سمع صوت رجل جومانه راح يجرى قعد مكان ما كان قاعد
جومانه :- ايه لسه كل ده بتاكل
فارس :- ده على اساس سايبه ليا حاجه اكلها
جومانه :- مكنتش يعنى اكلت كباب وكفته اللى هتزلينى بيهم
فارس :- يا ستى الف هنا وشفا ولو عايزه تانى اروح والله اجبلك
جومانه :- شكرآ شبعت وراحت قعدت قدام التلفزيون
فارس :- تشربى نسكافيه
جومانه :- مين هيعمله
فارس :- انا
جومانه :- لاء لالالا فارس المنشاوى بنفسه هيعمل ليا النسكافيه
فارس :- لو مش عايزه بلاش
جومانه :- بسرعه لالالا عايزه
فارس :- هههههههه ماشى وراح فارس عمل اتنين نسكافيه ورجع اداه جومانه المج بتاعها وقعد هو يشرب من المج بتاعه
جومانه :- فارس
فارس :- نعم
جومانه :- احم متزعلش منى على اللى حصل امبارح بس انت اللى ابتديت واستفزتنى
فارس :- لاء متشغليش بالك انسى
جومانه :- مرتحتش لطريقته وقالت مش عارفه ليه حاسه انك بتخطط ترد المقلب ليا
فارس :- مقلب ايه اللى ارده ليكى وانا فاضى للعب العيال ده
جومانه :- لعب عيال
فارس :- هههههههه امسحى شفايفك
جومانه :- مدت ايديها تمسحها وقالت ايه ده
فارس :- جه قعد جنبها ومسك منديل ومسح شفايفها مطرح النسكافيه وبص عليهم وقرب منهم وغمض عنيه
جومانه :- لمست ايد فارس لشفايفها خلتها مش حاسه بالدنيا وقربت اكتر ليه
فارس :- باس شفايف جومانه مده طويله
جومانه :- استجابة ليه ولفت درعها حاولين رقبة فارس
فارس :- بعد مده بعد عنها وبص على جومانه اللى كانت متغيبه عن الدنيا
فارس :- ضحك بثقه وقال انتى بتروحى من بوسه كده
جومانه :- كانت مكسوفه ووشها احمر زقته وطلعت تجرى على اوضتها
فارس :- ضحك وقال بعدها معاكى يا جومانه مش قادر افهمك خالص ولا عارف ايه فى دماغك بالظبط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
دخلت دعاء وراحت عند مليكه وقالت
دعاء:- اتفضلى يا فندم
مليكه :- ايه ده
دعاء :- تذاكر سفر لشرم
مليكه :- مين قلك احجزيهم
دعاء :- استاذ باسم
فهد :- سبيهم وروحى انتى يا دعاء
دعاء :- حاضر يا فندم
وخرجت دعاء ومليكه بصت لفهد وقالت
مليكه :- ايه التذاكر دى يا فهد
فهد :- دى شركه مضينا معاها فى شرم وبعد أمضت العقد صاحب الشركه بعت لينا تذاكر للمسؤولين فى الشركه علشان نقضى اسبوع هناك ترفيه واحتفال بمناسبه العقد الجديد اللى بنا
مليكه :- ومين بقى من المسؤولين دول
فهد :- انا وباسم وفارس ودعاء وبما انك معانا فى الشركه هتيجى معانا وممكن ناخد معانا مى واى حد نحبه
مليكه :- ودعاء لزمتها ايه أن شاءالله
فهد :- مش السكرتيره لازم تكون موجوده
مليكه :- هوف بقى امته نخلص منها علشان نرتاح
فهد :- والله انتى اللى تعبه نفسك بنفسك متحطهاش فى دماغك وانتى ترتاحى
مليكه :- ربنا يسهل المهم فارس هيروح ازاى وهو لسه عريس
فهد :- هههههههه عريس فارس نزل الشغل من يوم الصباحيه
مليكه :- بصدمه لا بجد
فهد :- اه والله
مليكه :- دى عاده فى العيله عندكم بقى ما انت نزلت فى الصباحيه
فهد :- ههههههههه بس انتى عارفه ظروف جوزتنا لكن فارس يختلف عمومآ اهى جت فرصه ليهم يقضو شهر العسل هناك
مليكه :- ربنا يسعدهم وبعدين قالت امته بقى هنروح
فهد :- بعد بكره
مليكه :- فارس عرف
فهد :- هتصل بي وهبلغه
مليكه :- ماشى وبصت للورق وبدءت تشتغل
فهد :- قعد يبص على مليكه وهى شغاله شويه وبعدين بدأ هو كمان يشتغل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت عبدالرحمن
وصل مازن ومعاه تيلا ورن الجرس
فايزه :- فتحت الباب واتفاجئت بمازن وقالت مازن اذيك يا ابنى
مازن :- اذيك يا ماما عامله ايه
فايزه :- الحمدالله اتفضل يا ابنى
مازن :- دخل وكان بيدور بعينه فى الشقه على مى
فايزه :- اتفضل اقعد يا ابنى
مازن :- ش.ش.شكرآ
فايزه :- تشرب ايه يا حبيبى
مازن :- لالالا شكرآ مش عايز والله
فايزه :- قعدت وقالت على فكره انا زعلانه منك اوى
مازن :- عارف يا ماما وحسيت بغلطى
فايزه :- احم ادخلى يا تيلا اوضك
تيلا :- انا هقعد مع بابا علشان هننزل نجيب لعب كتير
فايزه :- هتكلم مع بابا كلمتين وبعدين هينادى عليكى تنزلى معاه
تيلا :- حاضر يا تيته ودخلت تيلا اوضتها
فايزه :- بصت لمازن وقالت مكنتش اتوقع يطلع منك كده يا ابنى انا امنتك عليها تعمل فيها كده انت كسرتها اوى يا ابنى مبقتش مى اللى كان كلها حيويه بقت واحده عايشه من غير روح بقت علطول حزينه
مازن :- بص على الأرض بكسوف وقال للاسف حسيت بكل ده بس متأخر اوى
فايزه :- الواحده مننا يا حبيبى مش محتاجه اكتر من راجل يحتويها يحسسها بأنوثتها يطلعها فوق كل السحاب يحسسها بأهتمامه بيها ده الكلمه الطيبه حسنه وربنا امركم المعشره الحسنه لزوجتكم وجعل ما بنكم موده ورحمه انت عارف مى كانت بتحلم بحاجه غير كده خالص كانت شايفه نفسها انها هتكون مبسوطه اوى فى جوازها بس للاسف مش كل اللى بيحلم بيه الإنسان بيتحقق
مازن :- عندك حق فى الكلام اللى قولتيه وفهمت ده كله بس متأخر انا عايز مى تسامحنى وانا هعوضها عن كل اللى فات بس ترجع ليا ولبيتها من تانى
فايزه :- والله يا ابنى القرار ده مش فى ايدى لما تيجى اقعد معاها واتفهمو
مازن :- امال هى فين
فايزه :- نزلت الشغل فى شركة جوز اختها مليكه حاولت تطلع من الحاله اللى هى فيها ومنها تصرف على بناتها اللى انت مكنتش سأل فيهم اصلا
مازن :- تشتغل
فايزه :- ايوه مش بقولك مى اتغيرت على ايدك اهى مى دى مكنتش بتحب الكليه ولا الحركه نهائى بس على ايدك غيرت شخصيتها لواحده لا مبالاه مش مهم هى بتحب ايه المهم دلوقتى تشتغل علشان تجيب قرش تصرف بيه على بناتها
مازن :- بناتى انا هصرف عليها ومش محتاج فلوس شغلها فى حاجه
فايزه :- بناتك من امته وانت بتهتم بيهم بنتك الكبيره طلعت معقده بسببك والصغيره انت تلاقيك متعرفش حتى شكلها مع أن البنات دول رزق من عند ربنا ده جوزى الله يرحمه كانت فرحته لا تتوصف ببناته كان تملى يقولى دول اللى هيفتحو ليا باب الجنه كانت حنيته عليهم لا تتوصف كان لو يطول يجيب ليهم حته من السما كان جابها ليهم انت عارف مى دى كانت روحه كان تملى عنده احساس أنه مش هعيش ويربيها وكان بيضاعف ليها حنانه كان مدلعها اوى وكانت تملى تقوله لما اكبر هتجوز راجل شبهك بس للاسف حلمها متحققش واتجوزت عكس اللى كانت بتتمناه
مازن :- مقدرش اقول حاجه لأنك محقه فى كل كلمه قولتيها بس بالله عليكى ساعدينى ارجع مى ليا وساعدينى اتغير وابقى الراجل اللى بتتمناه مى
فايزه :- خايفه يكون تغيرك ده مؤقت لمجرد احتياجك لشئ معين واكون بظلم مى لتانى مره
مازن :- ليه بتقولى كده
فايزه :- علشان خاطر اللى فيه طبع عمره ما يعرف يغيره
مازن :- بس الحب بيعمل المعجزات وانا بحب مى ومن زمان بس محستش بده الا لما بعدت عنى وحرمتنى منها
فايزه :- اقعد معاها الاول واقنعها ولو انت بتحبها بجد هتحس هى بيك وانت هتقدر ترجعها ليك
مازن :- هى لسه قدمها كتير
فايزه :- لاء زمنها جايه
وفى الوقت ده رن جرس الباب وقامت فايزه فتحت ودخلت مى واول ما شافت مازن اتصدمت وقالت
مى :- مازن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
