رواي عذابي وقدري الفصل الثامن عشر بقلم ارسلان جاف
ارسلان جاف
روان… رحت لغرفتي بقيت ابجي واشهك
- ماحسيت الا ونمت حتى عشه متعشيت
للصبح كعدت سبحت ونزلت جوه
اول منزلت واسمع حجيهم عليه دموعي نزلت
حسيت روحي وحيده ومكسوره بدون علاء
تعبت واني اشوف رووحي وحيده ومالي احد بنصهم…
-من جان علاء بالدووام صح ميرجع للمغرب
بس على الاقل احس اكوو احد يمي يدافع عني
يحميني منهم…
- قررت مااكل لحد مااسمع صوت علاء حبيبي
ومااهتم لكلامهم ولازم اصير قويه
ومااضعف زوجي بطل راح للحشد علمودي
ولازم اصير قويه علمود الي بطني شنو ذنبه
باجر راح اصير ام…
قررت مااهتم لكلامهم ومن اكمل شغلي اصعد
لغرفتي عندي قصص جنت مشتريهم من جنت
بالمدرسة بس مقاريتهم ..
طلعتهم وكمت اقرا بيهم وكمت افر غ شنو بداخلي
اكتبه بورقه بديت اكتب خواطر ..ابيات شعر
لحبيبي…
# يا حبيـبـي
عيونك تسـولف عشگنـا… .
ونظرتك عيـدين شـوگ…
هاك لملـمني اعلـه حظنـك .…
الف جـيل من السـمار … .
الـبيه ويريدك تـضوگ… .
- مررر يومين وماكو اي خبر عنهم ..
وعمتي بالنهار غلط وسب وبالليل طفي الكهرباء
عن غرفتي حتى بلكي انزل وتسوي بيه شي
ابد مستسلمت لكلامها صح انقهر بس اتحملت
جان الجووو حار حيل شهر الثامن اب اللهاب
مثل ميكولون اهلنه ..
جنت افتح لايت شحن واكعد اكتب لو اقرا
ايات قران وادعي ربي يحفظلي يحرسلي حبيبي
وانام واكعد الصبح اسبح وانزل وابلش شغل
البيت طلعت اغسل الطارمه اكمل واخلي الجاي
على الطباخ ومرت عمي بس تحجي…
- كلت انطيها الاذن الطرشه احسن ماتهمني بعد
شتحجي بعد تسب تغلط عبالك مو وياي
اسوي الريوك واحضره يتريكون والم المواعين
واغسلهم طبعا كل واحد يكعد بكيفه شوكت مايعجبه يتريك وجررر لحد للظهر…
-ولازم اجمعهم كلهم واغسلهم هما ومواعيين الغده
ومااخلص لساعه 3 ومرات ب4 العصر
ويومين اني بدون اكل بس اشرب مي
ومااعرف شي عن حبيبي…
-للعصر اندكت الباب ودخل حماي كرار وحده
اني شفت علاء مووو وياه حيلي باد متت خوف
رجليه ماتعيني عبالي علاء صاير بي شي… .
كال اكووو اوراق ومستمسكات يحتاجونها منه
وجاي ياخذهم وهو يحجي دك تلفونه
حجه اي وصلت هاي يمي… معرفت ويه منو يحجي باوع عليه وكال روان هاج انطاني تلفونه
وكال علاء يريد يحجي وياج ..
-يمه حبيبي .. حسيت رووحي طفله ومنتظره
ابوهه عطشانه لصوته وهو الي يروويني
ماادري شعور صعب اوصفه ذيج اللحظه
اشتياق ولهفه ..
- اخذته منه الووو ..هلا يعافيتي
علاء ..شلونج يرووحي
روان ..بخير انت شلونك… واني احجي ودموعي تنزل…
ليش هيج علاء يومين ماعرف عنك شي
ماكو شي حياتي .. رنووو سمعيني اكووو
خطوط اثنين كورك بالمحفظه مالتي وجهازج
بالكنتور بجيب الداخلي بالقاط مالتي ..
يعمري طلعيهن ودزيلي خط وياه كرار
والخط الثاني خلي بجهازج…
واكووو اوراق بالكنتور الي انطيهن الج وظميتيهن
انطيهن لكرار… .
وهمس احبج يابعد عمري بنتي شلونها
خوما متعبتج…
روان… الحمد لله زينه اذا ابوهه زين…
علاء ..يله حبيبتي ارووح اني وسوي مثل ماكتلج
مع السلامه… مع السلامه الله يحرسك يروحي
انسد وانطيت التلفون لحماي كرار
وصعدت لغرفتي جبت الخط الكورك والارواق
وانطيتهم لكرار وراح…
واني ماصدكت من كالي رجعي الجهاز واخيرا
اكدر احجي وياه واسمع صوته لحبيبي
براحتي واحجي وياه…
وصدك سويت مثل ماكال مديت ايدي بجيب
الستره مالته وطلعت جهازي وخليت بي الخط
كورك الثاني وجان اكووو بي خدمة رغم جنه
تاركيهم لفتره طويله ..
بالنهار اشتغل وبالليل ابقى اسولف اني وحبيبي علاء
وانام على صوته.. …
ومرات تصعد اخته انوار تنام يمي ومرات انام
وحدي بالغرفه…
ومرت عمي احلام مرات تشمر حجار على شباج
غرفتي يوم دك باب الغرفه وتنهزم بس تريدني
انزل انام جوه يمهم ماعرف ليش..
حجيت لعلاء وكال ديربالج تنزلين تنامين جوه
ابقي بغرفتج ماريد تنزلين جوه مااريداحد يسمع
من تحجين وياي انتي مرتي وحلالي وام بنتي
واريد احجي وياج براحتي…
علاء هااا كليلي شنون بنتي
روان هههههه وانت شمدريك بنيه يجوز ولد
لا اعرفها بنيه وراح اسميها رقية
روان ..واني اكول يجوز ولد واريد اسمي احمد
وجنه نتعارك على الي بطني هو يكول بنيه
واني اكله ولد… هههههه
جنت رغم كل التعب والاذيه الي اشوفها من مرت
عمي احلام وعيالي بالنهار كلشي انساه من احجي
ويه حبيبي… ومرت 20 يوم التحق علاء
ونزول ماكووو الهم كلما اكوله شوكت تنزل
يكول ماكو نزول من لساعه 9 ل ساعه 12
ينسد باب المقر ويصير تعداد…
ومرت الايام والاشهر بالنهار حجي عمتي وبالليل
من اسمع صوته انسى كلشي
صارله 4 اشهر من التحق ومشايفته مانزل
وبدون راتب او اي مقابل جان كل همه يدافع
عن وطنه وحمايته…
ومثل كل يوم بقينه نسولف اني وعلاء ونمت
على صوته…
-كعدت الصبح اريد اتحرك من مكاني مااكدر
عبالك نار ومشتعله بجسمي ومصخنه وبطني
توجعني من الالم خفت لاصار على ابني شي
بقت بس دموعي تنزل مااكدر حتى احجي
بقيت بفراشي نايمه…
شويه وصعدت مرت عمي احلام ودفرت الباب
وبدت تحجي وتغررد بلسانها المعسول
بنت النع… بنت الكلب نايمه لهسه تريدين خدم
انعل ابوج لابو الخلفوج بنت الكلب ..
- واني اسمعها ومابيه حيل اكووم ولا احجي
اجتي لزمت كصتي وصاحت على انوار
اجتي كالتلها اخذيها للمركز الصحي… .
وشوفي شبيها بلكي شي موزين وتموت ونخلص
منها ونزلت،…
انوار لبستني بلكوه نزلت اسحل برووحي سحل
ورحنا للمركز الصحي اني وانوار اخت علاء
سوولي تحاليل ودكتوره شافتها وكالتلها هاي
حامل ولازم دكتوره نسائية اختصاص لان مانعرف الي
بيها شنوو الصخونه مو زينه على الطفل
اني محجيت كلشي بس دموعي تنزل
رجعنا للرجعنا للبيت،…
-انوار كالتلها لازم دكتوره اختصاص
كالت اني عندي فلوس زايده وافرفر بيها لدكتورات
يطبها مرض وفاتت لغرفتها…
صعدت فوك لغرفتي ابجي وخابرت على علاء
كتله تعبانه واريد اروح اسوي فحوصات سونار
وتحاليل وراح اخابر عمتي ام عامر اخت ابويه
تجي تاخذني لان مااكدر اروح وحدي…
كال انتظري اليوم بلكي تصيرين زينه… سكتت
بقيت يومين ابجي من الالم بلكوه اشتغل
واني اشوف الفلوس الي عد عمي ومرت عمي
احلام ماتنحسب شكد جان عمي يطلع ويرجع
وبجيبه شده لو 2 ام 25 يعني تحتار مرت عمي
شلون يضهن…
- كتلها اريد فلوس اروح لدكتوره ..جان تكول ماعدنه
ليش انتي مكطمه مو عندج اهل خلي يجون
ياخذونج لو بس عرفوا يذبون عارهم علينه
بقيت صافنه على حجيها…
بقيت يومين ابجي من الالم بلكوه اكوم اغسل
واشتغل بس شنوو اموت من الالم بعد مكدرت
اتحمل خابرت على عمتي اخت بابا ام عامر
وابجي اجتي عليه واخذتني لدكتوره اختصاص
وسوتلي تحاليل وسونار وكالت ماما
وضعج تعبان وضعيفه والطفل يريد اكل
ورعايه خاصة وكتبتلي علاج…
وراحت عمتي نزلت تجيبه من الصيدليه
الجوه يم لدكتوره ورجعنه لدكتوره وكلتلي
شوكت اخذ العلاج وتبقين اسبوع نايمه على
ظهرج وترتاحين وماتكومين ابد وترجعين
اشوفج وتهتمين باكلج كله مفيد وصحي
وتحاولين تبتعدين عن اي عصبيه ..
-خابرت علاء وكتله كلي رووحي ويه عمتج
ومن يخلص علاجج خلي تاخذج وتزورج للنجف
وديري بالج على نفسج… .
واني اخابرج كل اشويه واذا احد سال كولي
علاء كالي روووحي ويه عمتج…
هااا وخلي امج اتخابر ابوي وتكله راح تبقين
بيت عمتج مريضه وحالتج تعبانه…
-كلت لماما صدك والله ماما خابرت عمي ابو علاء
وطلبت منه ابقى بيت عمتي ام عامر اسبوع
على مااكمل علاج…
رحت ويه عمتي وصلت للبيت وجان يدك جهازي
رقم غريب مااعرفه دك مرة مرتين ماجاوبت
اجتي رساله فتحتها مكتوب ست الحسن
جاوبي اذا مابيها زحمه كح… عرفتها احلام مرت عمي دك فتحت خط كلت الوووو كالت
كولي اريد اطلع افتررر اتونس ليش تكولين مريضة
اني سكتت محاجيتها شي…
سديته وخابرت علاء وحجيتله شكالت مرت ابوه
احلام لان صدك مليت وحسيت صبري نفذ
بعد مابيه…
يومين كدامها امووت من الوجع ولا هامها ومن
اطلع ارووح لدكتوره اطلع اتونس و جذابة
روان… بقيت اسبوع بيت عمتي ام عامر نايمه
والاكل بلكوه عمتي تغصبني وتوكلني شويه
بيدها واني بس ابجي ليش هيج مرت عمي
تحجي عليه…
علاء… من خابرته وحجيتله كلي معليج بيها
ضاجت لان محد اخذ رائيها… .
جان علاء يوميا يتصل بيه يطمئن عليه
صارلي 7 ايام بيت عمتي ليوم رحنه لنجف نزور
الامام علي عليه السلام…
عمتي ام عامر خافت عليه اتعب من السيارات
كتلها عمه يكولون الي عنده شده يتوجه يندب علي ابو الحسنين واني عندي حاجه رحت صايمه
عندي حاجه اريد من لامام علي عليه السلام
بجاهه عند رب العالمين يحميلي علاء
ويصبرني على عيالي وصلنه ودخلت لصحن
بقيت ابجي وادعي حسيت ارتاحيت هم ونزاح
من صدري صليت وقريت لزياره وكعدنه شويه
عمتي ام عامر كالت تريدين نبات وباجر من الصبح
نطلع…
روان… لا عمه نرررجع ورجعيني وياج لبيت عيالي
عمتي باوعتلي وكالت شبيج انتي ماخايفه على
نفسج وعلى الي بطنج ماتريدي متاكده تريدين
ترررجعين…
كتلها اريده بس لازم ارجع لعيالي صاررر اسبوع
واني مو بالبيت واخاف علاء ينزل لان مايعرفون
باي يوم ينزلون…
زرنه وكملنه ورجعنه من النجف الطريق كله
بطني توجعني ونفسي تلعب ودايخه
وعمتي خطيه احتارت بيه…
اخذتني عمتي لبيتها وكالت ارتاحي العصر
اني وزوجي نوديج لبيت عيالج ونكللهم على علاجج
والدكتوره تريدج ترجعين تشوفج بعد شهر
كتلها ماشي…
- روان خابرت حبيبي علاء وحجيتله وكال ماعليج
اشتغلي شغلج بس وصعدي نامي بغرفتج ..ونمت
للعصر اخذتني عمتي وزوجها واخذت من عمتي
فلوس علمود مااكل من اكل البيت لان نفسي
تلعب من اكل البيت من وصلنه لبيت عيالي
دخلت وسلمت محد سلم غير عمي كريم
يمكن استحه من عمتي ام عامر وزوجها
بعدهه راحوا…
بقيت اسبوع اشتغل شغلي بس محد يحجي ويايه
غير عمي وحماي الزغير قاسم وادز وياه من يطلع
اكل من بره يجيبلي وياه…
اما علاء صاررر 40 وبعده بالدووام ماشايفته
واشتاقيتله صح كل يوم يخابرني واخابره بس
فرق بين المخابره وبين شوفه ..
حسيت نفسي تعبت بعده ومستاقتله اتحملت
علموده وعلى مود الي بطني بس تعبت محتاجته
واريده يمي…
-جنت احس نفسي وحيده مرات اخابر ماما
بس ممنوع اخابر صديقاتي علاء ميقبل
ماعندي احد احجيله الي اسوي مرت عمي احلام
بيه وهي حتى الكهرباء طفيها على غرفتي
بيوم جنت نايمه وكرار وعلاء بعدهم بالدووام
وعمي كريم طالع للشغل طبعا مايكولون وين
يشتغل فجاه يرووح ويرجع وحده ويرجع محمل
جيوبه فلوس مرات اصفن اكول هاي منيله
منين وشلون جابهن محد يعرف…
بقوا بالبيت بس حمويني الزغار ينامون بالاستقبال
وحماي امير ومرته حنان طالعين راحوا لزيارة
بلليل جنت نايمه بغر فتي حسيت الباب انفتحت
انت منوووو
شكرا لزيارتكم عالم روايات سكيرهوم
