رواية من القاتل الفصل الثامن عشر
*نظر عمار لـ زين بخوف و تفاجأ بـ زين يضربه ضربة قوية علي وجهه.*
_ابتعد عمار عنه و امسك مراد بـ زين حتي لا يرتكب ايي جريمة بسبب هذا الحقير ._
_اخذ الظابط عمار و اسلام و ريهام داخل الغرفة لـ يتم التحقيق معهم ._
_وقف مراد لـ يتحدث مع زين :]._
مراد / اي انت غبي !! هتضيع نفسك عشان واحد كلب زي ده ؟! اهدي يا زين و الحكومة تجيب حقنا منه .
زين بغضب و حزن / مش قادر يا مراد ،، انت مش حاسس باللي انا حاسس بيه ، عمار هو السبب في أن حياتي تتدمر ، هو اللي قتل ليا حببتي و دمر حياتي بشكل كامل ، انا مبقاش عندي حاجة اخسرها من ساعةة ما شهد راحت مني ، انا لو قتلتوا والله مش هيكفي عشان اطفي النار اللي جوايا .
مراد بحزن و هو يضم اخوه / اهدي يا زين ، يا حبيبي افهم أن شهد ماتت عشان ده عمرها .. و عمار هو السبب في اللي حصل هو و الكلاب اللي معاه ، و أن شاء الله ياخدوا اعدام هما التلاته و حق شهد هيرجع و انت هتكمل حياتك و ربنا هيكرمك أن شاء الله.
زين بسخرية و حزن / اكمل حياتي ؟! انا مستحيل اعرف اكمل حياتي من غير شهد يا مراد ،، دي كانت النفس اللي باخده و الكلب عمار هو اللي فرقنا .
بسمة بحزن / مقدرة حزنك يا زين .. عمار فعلا هو السبب فـ اللي حصل لـ شهد بس برضه لازم تفهم أن ده عمرها و كلام مراد صح ،، وانت مينفعش تودي نفسك فـ داهية عشان واحد زي ده ،، البوليس لما يحقق معاه اكيد هياخد اعدام و حق شهد هيرجع و كل حاجة هتبقي كويسة .
*سمع زين كلامهم بحزن كبير ولم يتحدث بـ اي حرف ،، مر ربع ساعة علي وجود المتهمين ﴿ عمار و ريهام و اسلام ﴾ عند الظابط وبعدها خرجوا وقاموا بالتحقيق مرة أخري مع كلا من مراد و بسمة و زين لأنهم أكثر الناس القريبة من القضية ،، أيضا حازم و نادر و فرح عرفوا بما حدث و ذهبوا الي القسم ،، اما الظابط قرر عرضهم علي النيابة في صباح الغد .*
*_- في الزنزانة عند الرجال 3/>._*
اسلام بغضب / منك لله يا عمار ، انت السبب فـ كل اللي احنا فيه دة اكيد دلوقتي هناخد اعدام و لو مخدناش هنقضي باقي عمرنا فـ السجن و كلوا بسببك انت يا عمار ، انا من الاول كنت خايف من الموضوع ده وانت قولت محدش هيعرف و مفيش دليل ضدنا بس شوف اللي حصل فـ الآخر .. كل يوم كان في حد بيشك فينا لحد ما اهو بقت دي النتيجة .
عمار بغضب / تعرف تخرص شوية.. انت لما عملت معايا العملية دي عملتها بـ مزاجك لا انا ضربتك علي ايدك ولا رفعت عليك مسدس فـ متجيش دلوقتي و تعمل فيها المظلوم و الغلبان اللي اضحك عليه ،، موت شهد كان بالنسبة لينا مصلحة كبيرة ،، و كنا فاكرين أن كل واحد فينا هيطلع بـ مصلحة منهم بس لولا تأخيركم لما جينا نسافر مكنش كل ده حصل .
اسلام بـ سخرية و غضب/ اوعا تكون فاكر يا عمار أن حوار المصلحة اللي هتيجي من ورا موت شهد ده كان داخل عليا !! لا يا عمار فوق انا كنت عارف كل حاجة وان لما تنفذ اللي انت عاوزه و تخلي ريهام تتجوز زين انت اللي هتاخد كل حاجة لأنك وقتها هتكون ضامن أن زين هيطلق ريهام و ساعتها ابقي انا و ريهام ملناش اي دعوة بـ اي حاجة و كل حاجة هتكون ليك انت .. انا لما وافقت أن أنا اعمل كدة وافقت عشان كنت خايف عشان عارف ان انا لو رفضت انت مش هتسيبني فـ حالي و هتفضل ورايا لحد ما تموتني ،، اذا كنت عاوز تقضي علي عيلتك مش هيهون عليك صاحبك !! والله لو في حد اهبل فـ الليلة دي فـ هو انت يا عمار .
عمار بخبث / ما انت طلعت ذكي اهو لا و كمان طلعلك لسان و بقيت بتعرف ترد عليا و تغلط .
اسلام بغضب / وانت فاكرني هخاف منك ،، خلاص يا عمار مبقاش في حاجة اخاف عليها .. كل حاجة راحت من اول ما جينا هنا ،، و سواء بقي انت اللي موتني أو اخدت اعدام أو حتي قضيت عمري فـ السجن مش فارقة انا كدة ميت و كدة ميت واعمل حسابك أن بكرة فـ النيابة انا هقول كل حاجة عشان لو حاولت تنكر ايي حاجة في تسجيلات للي كنت بتقوله ممكن جدا اقول للحكومة وهي تجيبهم بـ طريقتها .
عمار بغضب / اسمـ ......
*قاطعهم وقوف أحد الرجال من الزنزانة و يخرج موس من بنطالة .*
المجرم بتحذير/ انتوا هتخرصوا ولا اقطع لكم لسانكم .
عمار بغضب / تقطع لسان مين اتكلم علي قدك وبعدين خليك فـ حالك انت مال اهلك .
المجرم بغضب / ماال اهلي!!! ده انت نهار ابوك اسود.
*رفع المجرم الموس لـ يضرب عمار في وجهه ولكن أوقفه اسلام .*
اسلام ببعض الخوف / بس يا استاذ انت شكلك المعلم بتاعهم هنا لو سمحت متوديش نفسك فـ داهية عشان كلب زي ده احنا كلها بكرة الصبح و هنغور من هنا فـ لو سمحت بلاش تأذينا ولا نئذيك و احنا مش هنتكلم تاني.
*نظر له المجرم بـ احتقار و قالـ...*
- ماشي ،، وجهه نظر برضه يا ضاكتور ،، شكلك راجل محترم و مش شكل عوء أنا هسيبه بس و النعمة لو سمعت صوتكوا تاني ما هيطلع عليكوا صبح ... غوروا اقعدوا هناك جنب الحيطة .
*سحب اسلام عمار من يده وقاموا بالجلوس علي الارض .*
اسلام بهمس / ياريت تسكت خالص لحد الصبح عشان لو حطنا فـ دماغوا مش هيطلع علينا صبح فعلا.
*نظر له عمار بغضب وسكت نهاياً .*
*" " " " " " " " " " " " " " " "*
*في الزنزانة الأخري عند ريهام "*
ريهام وهي تنظر حولها بخوف وتتحدث في داخلها/ معقول ده يبقي جزاتي!! اقضي باقي عمري هنا !! مع المجرمين و قتالين القتلة .. وايه الفرق ما انا كمان قاتلة ،، نفسي افهم انا كان عقلي فين لما سمعت كلام عمار ووافقت أن أنا اقتل شهد ،، ازاي اطاوع عمار علي حاجة زي دي ،، معقول بسبب حبي لـ زين اعمل كدة ،، بس انا كدة مش بحبوا ،،، دلوقتي بس فهمت يعني ايه إن اللي بيحب حد عايزوا يبقي مبسوط حتي لو مع غيروا ،،، انا مكنتش حابة زين ،، انا كنت حابة فلوسه و املاكة و الطمع هو اللي عماني عن الصح وخلاني مش عارفة افرق بين الصح و الغلط ،، والله اعلم هاخد اعدام و لا اكمل باقي عمري فـ السجن !!! فـ الحالتين انا ميته ،، بكرة هعترف بـ كل حاجة قدام الظابط و مش هنكر كلمة واللي يحصل يحصل .
*قاطعها صوت فتاه بجانبها فـ الـ السابع و العشرون من عمرها '*
البنت / مالك يا اوختشي قاعدة كدة ليه و دمعتك علي خدك .
ريهام بدموع/ الله يكرمك سيبيني فـ اللي انا فيه .
البنت ( هبة ) / مالك بس انتي بتعيطي ليه اهدي و احكيلي ايه اللي جابك هنا .
ريهام بـ حزن و استغراب / غريبة انتي مش هتزعقي ولا تتعاركي معايا زي الافلام ؟!.
هبة بضحك / هو بيحصل كدة فعلا بس يمكن هنا كل واحدة فـ حالها شوية و ممكن متلاقيش حد يرخم عليكي ... انا هبة وانتي ؟!
ريهام / انا ريهام .. بس انتي شكلك كويسة ،، ايه اللي جابك هنا ؟!.
هبة بحزن / خبط واحد بالعربية من غير ما أخد بالي و هو كويس الحمدلله بس شكلوا كدة مش وش خير فـ عمل فيا محضر و المفروض أن اخويا هيجي يخرجني .
ريهام / ياااه بس كدة ،، ده انا علي كدة شيطان بقي .
هبة باستغراب / لي انتي عامله اي .
ريهام بحزن و توتر شديد / قتـ قتلـ قتلت .
هبة بصدمة / ايه قتلتي !!! قتلتي مين و ازاي و ليه اصلا .
ريهام / هحكيلك .
*حكت لها ريهام كل شئ حدث .*
هبة بصدمة / ازاي قلبك طاعوك تعملي كدة ،، ازاي تقتلي حد عشان مصلحتك .. لي تسمعي كلام اللي اسموا عمار ده فـ حاجة زي دي .. وشوفي انتي دلوقتي فين .
ريهام ببكاء / بجد مش عارفة كان عقلي فين ،، مش عارفة ازاي عملت كدة ، الشيطان كان مسيطر علي عقلي.
هبة بحزن / مش هقدر اقولك غير انك تدعي ربنا أنه يسامحك رغم أن القتل ده من الكبائر.. بس حتي لو فاضلك ساعات أو أيام و سنين افضلي استغفري ربنا و أن الله غفور رحيم .
ريهام بدموع / و نعم بالله ياريت ربنا يسامحني علي اللي انت عملتوا ده بجد مبقاش فارق معايا حاجة خالص غير أن ربنا يغفر لي .
هبة / افضلي استغفري وان شاء الله ربنا يغفرك ، وانتي ممكن متاخديش اعدام علي فكرة لأن العضو الرئيسي ف الجريمة هو عمار فـ هو اللي ممكن ياخد اعدام فعلا بس انتي و صاحبكوا التالت ده ممكن للاسف تاخدوا كام سنة و تخرجوا بس لو جتلك الفرصة دي يا ريهام .. اوعديني انك تكوني انساسة جديدة .
ريهام بدموع / اوعدك.
_______________________________________________
*بعد أن انتهي الظابط من أخذ اقول عائلة شهد و عائلة الدمنهوري مرة أخري خرجوا جميعا من مركز الشرطة و اتجهوا الي قصر الدمنهوري .*
مراد / حمدالله علي السلامة .
الجميع / الله يسلمك.
*جلسوا الجميع لـ يتحدثون معاً*
حازم بحزن / حقيقي انا مش عارف اقول ايي بس بجد عمري ما كنت أتوقع أن عمار يعمل كدة ، طول عمري بعتبروا زي ابني و عمري ما نقصت عليه حاجة ، ليه يعمل كدة ، ليه يقتل شهد انا نفسي افهم ... انا اسف اوي يا نادر بجد مش عارف اقول ايي ، كل اللي انت بتمر بيه ده دلوقتي بـ سببنا احنا و كله بسبب عمار ، حسبي الله ونعم الوكيل فيه .
نادر / لا يا حازم متتأسفش ، صحيح كلنا زعلانين علي وفاة شهد بس برضه لا انت ولا عيلتك ليكوا دخل باللي حصل كله علي عمار ابن اخوك هو اللي عمل كدة و كمان ده كام عُمر شهد الله يرحمها .. فـ لو سمحت متعتذرش و خلينا فـ اللي جاي .
مراد / بظبط كدة خلينا مركز ف اللي هيحصل بعد كدة ،، بكرة عمار و اللي معاه هيتعرضوا علي النيابة وبكرة هنعرف مصلحتهم ايي من الجريمة اللي عملوها ،، و اكيد مش هيطولوا عشان يعرضوهم علي المحكمة وانا واثق أن فـ المحكمة كل اللي ليه حق هياخدوا .
بسمة / مراد معاه حق يا عمو ،، اكيد بكرة هنعرف كل حاجة بس أنا متأكدة أن السبب اللي خلاهم يعملوا كدة يلبسهم مصيبة تانية اصلا يعني كدة أو كدة هما هيبقوا ورا الشمس .
زين بهدوء/ عن اذنكوا انا هطلع ارتاح شوية .
*صعد زين الي الغرفة وهو يبدوا عليه التعب و الحزن الشديد .*
حازم / انا بقول يا نادر ملوش لازمة انكم تمشوا انهاردة ، انتوا باتوا معانا هنا و كدة كدة بكرة كلما رايحين علي القسم سوا فـ نروح مع بعض بدل ما كل واحد يروح لوحدة .
نادر / مش هينفع والله يا حازم خلينا نروح احسن وكمان البنات مش معاهم هدوم فـ خلينا نروح البيت احسن عشان منعملش ازعاج و كمان عشان ترتاحوا.
مراد / ايه يا عمي ازعاج اي بس ،، ولو علي اللبس فـ بسمة و فرح يباتوا فـ اوضة مريم و الدولاب فيه لبس و ياخدوا راحتهم .
بسمة بتساؤل و بعض الغيرة / مين مريم دي ؟!.
مراد بابتسامة/ دي اخت عمار بس مسافرة بقالها سنتين فـ كندا عشان بتتعلم .
بسمة بابتسامة / تمام .
حازم بـ الحاح / ها يـ نادر قولت ايه ، اهو مراد حلهالك .
نادر بحرج / والله بس.
حازم / مفيش بس يالا اطلع ارتاح و البنات هيكونوا فـ الاوضة اللي جنبك و متقلقش عليهم .
نادر/ لا طبعا اقلق ايه ... علي العموم زي ما تحب هنبات انهاردة و بكرة الصبح نروح القسم سوا .
نظر مراد لـ بسمة وقال/ ايه يا عمي محسسني أن احنا غراب عن بعض ،، اعمل حسابك انك قريب هتيجي هنا كتير .
نادر بإستغراب/ لي مش فاهم .
بسمة بتتويه / احم احم لا يا بابا مش قصدوا .. قصدوا بس أن بعد كدة هنيجي عشان نطمن عليهم و كدة .
حازم بشك / اكيد طبعا تنورونا ،، يالا يا مراد اطلع انت وري عمك نادر أوضته و وري البنات اوضتهم .. وبعدها تعالي علي الاوضة بتاعتي عشان تكلم المحامي .
مراد بابتسامة/ حاضر يا بابا ، اتفضل يا عمي .
*صعد مراد مع نادر و فرح و بسمة الي الطابق العلوي و دخلت بسمة و فرح الغرفة و بعدها دخل نادر غرفته بعد أن اطمئن علي بناته و بعدها اتجه مراد الي غرفة والده .*
مراد /اكلم المحامي اقولوا ايه يا بابا ؟!.
حازم / انا مش عاوزك عشان تكلم المحامي يا مراد .. عاوزك ف موضوع تاني
مراد بإستغراب/ موضوع تاني !! موضوع أيي يا بابا .
حازم / هسألك سؤال مباشر و عاوز إجابة مباشرة من غير لف و دوران.
مراد بإستغراب وبعض التوتر / سؤال ايه يا بابا؟ ،، اتفضل .
حازم / انت عندك اي مشاعر تجاه بسمة ؟!.
مراد بصدمة/ مـ...مم ..مين ؟!.
حازم بجدية / هكرر السؤال تاني و عاوز إجابة مباشرة ... عندك اي مشاعر تجاه بسمة ؟!.
مراد / بص يا بابا مادام انت جيت معايا سكة و دغري فـ انا كمان هاجي معاك دغري و اقول الصراحة ،، انا و بسمة بنحب بعض .
حازم بجدية / يعني اللي كنت فاكروا طلع صح !!.
مراد بخوف من أن والدة يرفض الموضوع / أيوة يا بابا هو حضرتك مش موافق ولا ايي ؟!.
حازم بابتسامة / بسمة بنت كويسة و محترمة و جدعة و انت باين عليك انك بتحبها وانا مش هقف فـ طريق سعادتك يـ ابني ،، اول ما موضوع عمار يخلص ،، هنروح و تتقدملها.
مراد بفرحة كبيرة / بجد يا بابا ،، حقيقي مش عارف اقولك ايي انت سهلت عليا حاجات كتير اويي .
حازم / ربنا يتمم لك علي خير يـ حبيبي .
" " " " " " " " " " " " " " " " " " .
_في غرفة زين :-)._
_كان زين يجلس علي الارض من وقت صعودوا علي الغرفة و كان يمسك صورة لـ حبيبتة شهد و كانت دموعة تنزل بـ غزارة علي حبيبته التي خسرها و بسبب ابن عمه "عمار" ويقولـ....._
- انا اسف بجد يا حببتي ، بجد انا اسف اويي ، بسبب عمار منه لله ربنا ينتقم منه هو اللي فرقنا ، انا عارف ان ده عمرك و ربنا رايد كدة ، ربنا يرحمك يا شهد يارب ، بجد حياتي بقت جحيم من غيرك ، من ساعة ما روحتي وانا مش عارف اعمل اي حاجة فـ حياتي ، حاسس اني حياتي بقت واقفة ، لا مش حاسس انا فعلا حياتي بقت واقفة و مش عارف هعمل ايه من بعدك يا شهد ، ربنا يرحمك .
*ظل يدعي لها بالرحمة كثيرا و ظل جالساً و يتحدث مع صورتها '*
_________________________________________________
*في بيت شاهيناز '*
*كانت شاهيناز في قمة الغضب و التوتر .*
شاهيناز بغضب / انا بجد مش فاهمة هو فين كل ده قال ساعة مش سنة انا مش فاهمة هو أتأخر كدة لي ؟! .
احلام/ اهدي يا شاهيناز ، اهدي بس تلاقي مشغول شوية .
شاهيناز بغضب/مشغول !! مادام هو مشغول حدد المعاد ليه ،، ما كان قالي أنه جاي بعد ما يخلص مش يقولي جاي بعد ساعة ،، بقالي تلت ساعات مستنية البيه .
*كان في ذلك الوقت التلفاز مفتوح علي قناه إخبارية و كانت المذيعة تقول (عاجل : القبض علي رجل الأعمال عمار الدمنهوري بعد ما كان هاربا من العدالة و تم العثور عليه فـِ أحدي البيوت القديمة منذ ثلاث ساعات ).*
احلام /شوفتي !! لازم ميجيش ،، ابن عمه اتمسك يعني لازم ميجيش .
شاهيناز بتوتر /طب انا اعمل ايي دلوقتي ؟! .
احلام / كلمية ف التلفون ولو مردش روحيله البيت بكرة
شاهيناز بغضب و هي تصعد علي غرفتها / حاضر يا ماما .
*صعدت الي غرفتها وهي في قمة الغضب مما حدث :-(*
______________________________________________
*- في قصر الدمنهوري بعد ذلك اليوم المرهق للجميع،، دخلوا الي النوم بعد أن تحدثوا في أمور القضية و كلا منهم حزين للغاية و قلق جدا "*
```ظل زين جالسا فـ الغرفة و هو حزين جدا ،، أما بسمة كانت سعيدة جدا بعد أن أخبرها مراد بـ أن والده وافق علي زواجهم ،، اما الباقي فـ كان ينتظر لحظة إطلاق الحكم علي عمار '```
