رواية حين تبكي الجدران الفصل الثامن عشر
جاسر : حاجة ايه يابا ؟؟
دياب : ملكش فيه !! اللي اقولك عليه تنفذه وانت ساكت .
جاسر : حاضر يابا ، لكن هتطلع البيت ازاي وامي فوق ؟؟!!
دياب : لأ مش هطلع البيت ، الحاجة انا شايلها في البيت من تحت .
صباح اليوم التالي
يذهب جاسر الي الكافيه ليجد والده في انتظاره .
جاسر : صباح الخير .
دياب : صباح الفل يا جاسر ، هو الواد فتحي فين مشيته من القهوة ؟؟
جاسر : ايوه يابا ده عيل ايديه طويلة .
دياب : جدع ياض يا جاسر ، اوعي تخلي حد يضحك عليك .
جاسر : ايوه طبعا يابا ، ده انا ابن المعلم دياب .
دياب " بمكر " : جدع يا جاسر ، لو تعرف يا جاسر انا بحبك اد ايه !! ده انت ابني الكبير ياض .
يضحك جاسر : ايوه طبعا بابا عارف ، وانا كمان بحبك اوي يابا .
دياب " بمكر " : ايوه عارف يا جاسر ، يلا بينا علي الشهر العقاري .
ذهب جاسر مع دياب واعاد اليه كافة حقوقه بعد ألغي التوكيل العام السابق .
عاد جاسر مع والده الي الكافيه
جاسر : نفطر بقي يابا مع بعض ، من زمان مش فطرت معاك .
دياب : لأ انا سبقتك وفطرت قبل ما انزل ، يلا بينا نروح البيت اخد الحاجة اللي فيه .
جاسر : يلا يابا .
دياب : هات عربيتك معاك انقل فيها الحاجة .
جاسر : حاضر يابا .
يذهبا الي المنزل وبمجرد ان تراه نجوي من شرفة المنزل قادما نحو المنزل ترتعد خو.فا !!!
يدخل دياب المنزل وينظر الي جنباته واركانه ثم يبتسم ويقول : هات يا جاسر مفتاح الشقة اللي تحت دي .
يعطيه جاسر المفاتيح وحين يهم بالدخول مع والده يقول له دياب : لأ استني انت هنا ، انا هدخل لوحدي ربع ساعة أخد الحاجة بتاعتي واخرج .
يدخل دياب وبالفعل بعد ربع الساعة يخرج وينادي ابنه ليأتي ويحمل معه عدة صناديق خشبية كبيرة مغلقة !!
يحملها جاسر وينقلها الي سيارته ، ويسأله : الصناديق دي تقيلة اوي ، الصناديق دي فيها ايه يابا ؟؟
دياب " بغضب " : ملكش فيه .
ثم تتبدل ملامحه ويبتسم قائلا : الصناديق دي فيها ذكريات عمري كله يا جاسر ، ومادام مش هقعد في البيت ده اخدها معايا واعيش انا وذكرياتي مع بعض .
جاسر : لكن انا دخلت الشقة كتير ومشوفتش الصناديق دي ابدا !!!
دياب : ذكرياتي علشان غالية عليا مش ممكن حد يقدر يوصلها غيري .
في منزل اخر لدياب
يأخذ دياب الصناديق الخشبية من سيارة جاسر ويدخلها للمنزل ثم يغلق الباب ويفتحها ليظهر بداخلها كميات هائلة من الأموال والمجوهرات !!!
دياب يضحك : الحمد لله ، انتم اللي باقيين لي .
في شقة شمس
تجلس شمس تبكي بجوار ابنتها شروق التي اضناها الاعياء وكثرة البكاء ...
شمس : خلاص يا بنتي ، هتمو.تي من كتر العياط !!
شروق : عايزاني اعمل ايه بعد اللي حصلي ده كله !! مش عارفة اتطلق من الحيو.ان ده ولا عارفة اعيش مع الانسان اللي حبني وحبيته !! ده غير سمعتي اللي بقيت في الارض وسيرتي اللي بقيت علي كل لسان !!!
شمس : احنا سيرتنا كلنا بقيت علي كل لسان !!! معلش يا بنتي ، انتي اول ما تطلقي منه نسيب الحتة ونمشي من هنا .
شروق : انا لازم اثبت براءتي من التهمة دي ، وبعدها مش هسيبه وهرفع عليه قضية تشهير ورد شرف .
شمس : وهتثبتي براءتك ازاي يا بنتي ؟
شروق : لما اولد ويعملوا تحليل للولد وابوه هيعرفوا اذا كان ابوه ولا لأ وساعتها اقدر اخد حقي منه ، ولو مرضيش يطلقني هتطلق بالمحكمة .
في الفرن
يتابع رجب العمل داخل مخبزه ويلاحظ من تبقي من عمال يتهامسون !! لا يعرف عما يتهامسون ولكن اعينهم تلاحقه خشية ان يشعر بهم !!!
يرتاب رجب في امرهم !! هل يحاولون سر.قته كما كان يفعل دوما من قبل أم ان همساتهم تنال من شرف ابنته التي اصبحت حديث الجميع !!!
يزداد غضبه ثم يصر.خ في وجوههم : مالكم ؟؟ بتتكلموا في ايه ؟؟ علو صوتكم سمعوني بتقولوا ايه ؟؟؟
يرد احدهم : ولا حاجة يا معلم .
رجب : يلا ياض انت وهو مفيش شغل هنا ، خلاص انا هقفل الفرن .
يغلق رجب مخبزه بعد طرد من تبقي من العمال ويخرج يملؤه الغضب الي الشارع بينما يجد الجميع ينظرون اليه وبتهامسون !!!
يزداد غضبه وتعميه بصيرته حتي يمر من امام دياب بينما كان جالسا امام احد منازله يدخن " الشيشة " !!!
ينظر دياب له نظرة حادة و تضيق عينيه حتي تلتقي بعين رجب الذي يشعر للحظة بالزهو والكبر فينظر له ويبتسم !!!
دياب : اتفضل يا معلم رجب .
رجب " يضحك " : اول مرة تقولي اتفضل يا دياب !!!
دياب : الدنيا بتتغير يا معلم رجب ودلوقتي احنا نسايب .
رجب " يضحك " : نسايب علشان ابنك اتجوز بنتي ولا علشان انا اتجوزت مراتك ؟؟!!
يضحك دياب بصوت عال : قصدك حبيبتك اللي عاشت في حضني خمسة وعشرين سنة ؟!!
رجب " يبتسم " : ام ولادك واهي بقيت في حضني انا دلوقتي !!
دياب : لأ دي متهمنيش ، ثم يخفض صوته هامسا : بيني وبينك خلاص زهقت منها ، خليهالك .
للكاتب عادل عبد الله
رجب : لكن ده مش بمزاجك ، ده غ.صب عنك اتطلقت منك واتجوزتها .
دياب : عارف يا رجب انا لو متضايق او زعلان من اللي حصل ممكن دلوقتي اقت.لك ، او اصلت عليك عيل من صبياني يخلص.عليك ولا من شاف ولا من دري ، لكن انت صعبان عليا عيشتك طول عمرك بعيد عن حبيبتك متعرفش ترمش بس وتبصلها !! مش هحرمك منها تاني دلوقتي .
يضحك رجب " بسخرية " : قلبك كبير يا معلم دياب ، استأذنك انا هقوم اروح البيت اصل انا ونوجا متفقين نسهر سهرة صباحي ومينفعش أتأخر عليها .
دياب : لما تروح سلملي علي بنتك وقولها اني هكتب عمارة باسم ابنها لو كان ابن جاسر ابني ، ولو طلع ابن عشيقها هنسلخ .وشها ووش ابوها وهتبقي فضيحتكم بجلاجل !!!
في شقة نجوي
يدخل رجب يتطاير الشرر من عينيه : بقولك ايه يا نجوي ؟
نجوي " بخو.ف " : نعم يا رجب فيه ايه ؟ حصل حاجة ؟؟
رجب : انا مش عايزك تخرجي من باب البيت ابدا .
نجوي : ليه ؟ ايه اللي حصل ؟؟
رجب : من غير كلام كتير ، اسمعي اللي بقولك عليه .
في شقة ربيع
ربيع : ينفع اللي بتعمله ده يا شريف ؟؟ خليت سيرتنا علي كل لسان !!
شريف : انا معملتش حاجة يا بابا !! والكلام اللي جاسر ده قاله انا هدفعه تمنه غالي اوي .
ربيع : والبنت اللي المفروض كنت هتخطبها وبعد ما عزمنا الناس رجعت في كلامك !!! ذنبها ايه ؟؟ وانا وأمك ذنبنا ايه كل الناس تجيب في سيرتنا ؟؟
شريف : انا قولتلكم كتير اني مش عايز اتجوز وانتوا اللي صممتوا !!
نبيلة : وناوي تعمل ايه يا ابني ؟؟
شريف : كل خير ان شاء الله ، كل خير .
بعد عدة ايام
في شقة نجوي
تستيقظ صباحا علي صوت جرس الباب !!!
تستيقظ نجوي علي صوت دقات متتابعة لجرس الباب !!!
تنهض ولا يسعفها الوقت ان ترتدي كامل ملابسها وتفتح الباب في عجالة لتجد دياب امامها مباشرة !!!
ترتبك حتي تكاد ان تفقد وعيها خو.فا !!!
دياب : هفضل واقف ع الباب كده ؟!!مفيش اتفضل ؟!!
نجوي : ااااات...
يدفعها دياب الي الداخل ويدخل ويغلق الباب !!!
نجوي " بخو.ف " : ااااانننتتت عايززز ايييه ؟؟
دياب : جاي اشوف عيالي .
نجوي : العيااال ف المدرسة .
يضحك دياب : ما انا عارف ، انتي صدقتي اني جاي للعيال ؟!!!
نجوي " تر.تعد خو.فا " : اوممااال جاااي لييه ؟؟
دياب : جايلك انتي يا نوجا .
نجوي : انتت عايز مني ايه ؟؟
دياب : ينفع كده يا نوجا ؟!! اول ما ادخل السجن ترفعي قضية طلاق ؟!!
نجوي : النصيب ، وبعدين مش وقت الكلام ده ، نتكلم بعدين .
ينهض ويلاحقها بينما تحاول هي الفرار منه ...
دياب : انا جايلك انت يا بطل ، وحشتيني يا نوجا .
نجوي : هصو.ت وألم عليك الناس !!!
دياب : يا وليه بقولك وحشتيني اوي !! انا من اربع سنين ملمستش مرة !!!
نجوي : يخر.بيتك ابعد عني بقولك هصوت بجد !!
دياب : صوتي زي ما انتي عايزة ، مش هسيبك .
نجوي " بخو.ف " : طيب امشي دلوقتي وانا هطلق وارجعلك .
يحا.صرها دياب ويبدأ في خلع ملابسها عنها !!!
تحاول نجوي مقا.و.ته الا انها لا تقوي عليه !!
نجوي : حرام عليك ، امشي ، كده حرام !!
دياب : وطلاقك مني بالغ.صب وانا ف السجن مش حرام ؟!!
نجوي : اهدا يا دياب مش كده !! امشي دلوقتي وكل اللي انت عايزه اعملهولك .
دياب : اللي انا بين ايديا اهو و هعمله دلوقتي !!!
بعد مرور بعضا من الوقت
تبكي نجوي بحرارة ، بينما يضحك دياب : تصدقي يا ولية الحرام معاكي طعمه احلي من الحلال !!!
نجوي : انت حيو.ان .
دياب : وانتي ....
نجوي : قولتلك اطلق ونرجع لبعض لكن انت حيو.ان !!
دياب : لأ ، انا مش عايزك تطلقي ، خلاص اللي نفسي فيه عملته .
تبثق نجوي في وجهه فيمسكها.دياب.من شعر.ها بقوة !!!
دياب : لولا انك متستاهليش اكمل الباقي من حياتي في السجن كنت خل.صت عليكي دلوقتي .
ينهض دياب ويرتدي ملابسه ويلتفت اليها قبل ان ينصرف ضاحكا : ابقي سلميلي علي رجب .
تبكي نجوي بشدة لا تعرف ماذا تفعل !! هل تخبر رجب بما فعله دياب ؟ ام تخبر جاسر ام تسكت وتتستر علي فضي.حتها ؟؟؟
يعود دياب ليجلس امام منزله ممسكا بالشيشة يشعر بشيئا من الزهو !!
حتي يري رجب فيناديه ...
دياب " ساخرا " : يا رجب ، يا معلم رجب .
رجب : نعم يا دياب .
دياب " بسخرية " : لما ترجع البيت سلملي علي العيال اصلهم وحشوني اوي .
رجب " يبتسم " : وماله !! اسلملك عليهم .
دياب : وسلملي علي نوجا اوي .
يمسكه رجب من ذراعه بقوة : اوعي تجيب سيرتها علي لسانك تاني !!
دياب " يبتسم بسخرية " : وماله !! ما هي علي ذمتك بردو .
يتركه رجب ثم ينصرف .
بعد ايام ...
يفاجئ الجميع بسيارات الشرطة تقف امام الكافيه الخاص بجاسر !!!
يتجمع اهالي الحي يقفون يستطلعوا الأمر ليجدوا افراد الشرطة يخرجون من الكافيه وفي قبضتهم جاسر يصر.خ : انا مظلوم ، انا معرفش حاجة عن المخد.رات دي !!!
