رواية عشقت كبريائي فهد ومليكة الجزء الثالث (لقاء الاحبة) الفصل التاسع عشر
فى فيلا اسر
فى اوضت مى
كانت مى قاعده على رجل عدى ولسه هيبوسها الباب اتفتح مى اتخضت وقامت بسرعه وقفت
جاكلين :- عدى بتعمل ايه هنا
عدى :- وانتى مالك وايه جابك دلوقتى
جاكلين :- كنت جايه اشوف مى مالها بس الواضح انت سبقتنى ههههههههههه
مى :- كانت محروجه ومش عارفه ترد
عدى :- بنأدمه بارده وفصيله
جاكلين :- هههههههه شكلك خرافه وانت مقعدها على رجلك شبه البيبى الصغير
مى :- حطت ايديها على وشها من الكسوف
عدى :- شوفى هتروحى فين
جاكلين :- لاء يا حلو انت اللى هتنزل من هنا دلوقتى حالا قبل ما حد يجى ويشوفكم
عدى :- هقولها حاجه وهنزل
جاكلين :- لاء تنزل دلوقتى
عدى :- اشوف فيكى يوم يا بعيده وزقها وقال اوعى من وشى ونزل من الاوضه وقفلت جاكلين الباب وراه وقعدت على السرير
مى :- بصت ليها وقعدت جنبها من غير ولا كلمه
جاكلين:- غلط على فكره اللى كان بيحصل
مى :- احم ع.ع.عارفه بس انا والله كنت لسه بمنعه
جاكلين :- انتى برضه لسه صغيره ولاحظت ما بنكم نظرات يوم ما كنا عند خالتو مى وعرفت أن فى حاجه ما بنكم بس الصراحه متوقعتش انها توصل لكده
مى :- ا.ا.انا كل مره بقوله بلاش بس ف.ف.فرق الجسم والقوه م.م.مش بقدر أبعده
جاكلين :- بصى يا ميوش هقولك كلمتين انتى لسه صغيره ومعندكيش خبره فى الحياه الراجل اول ما بيشوف واحده متسهله معاه بيسوق فيها وبيبقى عايز المزيد لحد ما يوصلو لطريق سد مفيش رجوع منه مش علشان عدى اخويه هقولك اسمعى كلامه لاء يا مى صديه امنعيه يقرب منك يلمسك الشاب وقت ما يكون عايز مش بيعرف هو بيعمل ايه هتعيشو اللحظه بس هتخسرو فيها كتير وربنا هيغضب عليكم لان كده حرام واكيد انتى عارفه الكلام ده وممكن كمان فى لحظة ضعف تخسرى الحاجه اللى بتزين اى بنت شريفه يبقى ليه ندى فرصه للشيطان يخلينا نمشى الطريق ده مش معنى كلامى ده بقولك متحبيش لاء بالعكس الحب ده حاجه حلوه اوى بس لما يكون بالقلب والعقل يعنى وقت ما القلب يستسلم ويضعف يجى العقل يفوقه ويقول ليه كده غلط السكه دى مش سكتنا حبى واتحبى بس من غير ما تخسرى نفسك ودينك عدى بحكم ما هو كان ليه علاقه قبل منك فهو شايف كده عادى لكن انتى مجربتيش قبل كده صدقينى كل ده هيبقى ليه طعم احلى لما يكون بالحلال وبيما يرضى ربنا طيب ما انا بحب وبخرج وبتكلم معاه بس عمرى ما سمحت ليه أن هو يتعدى حدوده ويبوسنى ولا يلمس جسمى ليه علشان لما نتجوز اكون عزيزه بنفسى قدامه ويبقى مشتاق يعمل معايه كل حاجه لاول مره هتبقى دى الفرحه والشعور بالسعاده اللى بجد
مى :- هزت راسها وقالت حاضر
جاكلين :- انا مش عايزاكى تزعلى منى انا بنصحك علشان انتى اختى الصغيره وخايفه عليكى
مى :- عارفه يا جاكى وانا اوقات كتير بكون مش راضيه على حركات عدى بس كنت بخاف أكلمه يزعل منى ويبعد عنى ويقول عليا عيله
جاكلين :- بلعكس يا مى سعتها هتعلى اوى فى نظره وهيحس أن قلبه اختار البنت الصح اللى بتخاف تغضب ربنا وتخاف على شرفها طيب اقولك على حاجه بس يعنى ده كلام قديم
مى :- قولى
جاكلين :- انتى عارفه روان طليقة عدى
مى :- هزت راسها بمعنى ايوه
جاكلين :- كانت متسهله جدآ معاه لدرجة أنها كانت بتيجى وتدخل تقعد معاه فى اوضت نومه من قبل ما يبقى فى ما بنهم حاجه شوفى انتى بقى شاب وبنت فى اوضه بالساعات والباب مقفول عليهم ايه كان بيحصل ما بنهم وبصى فى الاخر ايه هى النتيجه فشل الجواز عارفه ليه
مى :- ليه
جاكلين :- لان البيت اللى اتبنا على الحرام والمعاصى ضعيف والبيت اللى اتبنا بالحلال وبرضا ربنا بيبقى قوى محدش يقدر يهده فهمتى
مى :- اممممم
وفى الوقت ده سمعو صوت يوسف ونزلو يجرو يشوفو في ايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند يوسف وتيلا
يوسف :- بتكلمى مين
تيلا :- بتوتر ها د.د.ده رقم غلط
يوسف :- ومال لونك مخطوف كده ومتوتره
تيلا :- ل.ل لاء عادى بس انت خضتنى
يوسف :- بعدم تصديق جايز
تيلا :- احم انت سبت الشباب ليه
يوسف :- سبتهم وجيت اقعد معاكى
تيلا :- بجد
يوسف:- عندك شك فى كده
تيلا :- امممم لاء طبعآ
يوسف :- مسك ايديها وقعدها على المرجيحه وقعد جنبها وقال فكره دى
تيلا :- هههههههه ايوه كنت اقعد عليها وانت تزوقنى
يوسف :- قام وقف وراها وقعد يزق فيها
تيلا :- فاكر لما كنت متغاظ منى علشان شوفتنى بكلم ولد فى المدرسه وكنت قعده على المرجيحه وزقتها جامد وقعتنى فى الارض
يوسف :- هههههههه اه فاكر ويوميها انتى عيطى صعبتى عليا جيت قعد جنبك واخدك فى حضنى وطبطبت عليكى
تيلا :- ايوه وبصيت على رجلى ومسحت الدم مطرح ما اتعورت
يوسف :- طول عمرى يا تيلا بحبك وبموت فيكى وبغير عليكى من الهوا ببقى بنأدم تانى مش بشوف قدامى وبرغم كده مش بتهون عليا دموعك لما بشوفها بتهز كيانى كلى
تيلا :- وده اللى بحبه فيك حنيتك عليا مهما بيحصل سعات بتكون مجنون فى الغيره والتملك بس عشقك اجن
يوسف :- قعد جنبها وحط أيده على كتفها واخدها فى حضنه وباس راسها وقال انتى مش مجرد حب وخلاص انتى بالنسبالى حياه بعشق تفاصيلك بتوه فى جمالك بحب طبيعتك بحب هزارك كلامك انتى لوحه مكتمله بأحلى واجمل الالوان
تيلا :- اخدت نفس وطلعته وقالت انت عشقى الابدى يا يوسف انت جنة ربنا على الأرض فيها كل اللى بتمناه عيونك بحر حنان بغرق فيهم رومشك طوق نجاه بحب طريقة نطقك لاسمى انت روح مخلوقه فى جسمى انت حته منى بحبك وهفضل احبك لاخر لحظه فى عمرى
يوسف :- مسك وشها مابين ايديه وقال توته انا تعبت بجد قعد مستنى اللحظه اللى تجمعنى بيكى ولما لاقيتك بتمنى اليوم اللى تكونى فيه مراتى حلالى خلاص مش قادر ولسه هيقرب ليها يبوسها
تيلا :- بعدت وقالت لاء يا يوسف كفايه اللى حصل المره الفاتت استغفرت ربنا كتير وبقيت مكسوفه من نفسى اوى
يوسف :- كده طب تعالى وقام وقف ومسك ايديها وشدها ومشى بيها
تيلا :- على فين يا مجنون
يوسف :- هتعرفى واخدها ودخل عند الرجاله وقال يا جماعه انا عايز اتجوز تيلا حالا
التلاته بصو لبعض وبعد كده بصو عليهم واتفتحو فى الضحك
تيلا :- اتكسفت ووشها احمر
فهد :- هههههههه طيب اهدا على نفسك شويه
يوسف :- لاء خلاص مبقتش قادر استحمل اكتر من كده
تيلا :- كانت حاسه ان قلبها هيوقف عليها من الموقف
باسم :- طيب مش لما ابوك يشد حيله شويه وترجع ليه جزء من صحته
يوسف :- أنشالله تقرو فاتحه دلوقتى وعلى اخر الشهر نعمل الفرح
فهد :- ده اخر الشهر كمان اسبوع
يوسف :- مده كتيره صح
باسم :- يا ابنى اهدا شويه بس
يوسف :- لاء مش ههدا وانت يا حاج ساكت ليه قول حاجه موافق ولا لاء
اسر :- ههههههههه يخربيتك هتجيب اجلى قريب
يوسف :- بعد الشر عليك يا بابا ها ايه رأيك
اسر :- انا عن نفسى موافق المهم رأى ابوها
يوسف :- ها يا عمو باسم ابوس ايدك وافق
باسم :- مش لما نشوف رأى العروسه ايه الاول مش يمكن تكون مش موافقه
يوسف :- بص على تيلا وقال ردى يا عروسه
تيلا :- غمضت عينيها من الكسوف وسكتت
يوسف:- العروسه واخده تعسيله وبعدين السكوت علامة الرضا وافق بقى قوله حاجه بالله عليك يا عمو فهد
فهد :- هههههههه اخلص يا باسم الولد قلبه هيقف عليه
باسم :- هههههههههه موافق
يوسف :- لا بجد احلف
باسم :- ها ارجع فى كلامى
يوسف :- وافقو يا توته وطلع يجرى وقال بصوت عالى ماما خالتو مليكه خالتو مى تعالو بسرعه هقراه فتحت تيلا
نزل الكل يجرى على صوت يوسف
مها :- فى ايه يا ابنى
يوسف :- هقراه فتحت تيلا
مها :- بجد لولولولولولولوى
يوسف :- ها يلا بقى
اسر :- ابنى اتجن على ايد تيلا بنتكم
الكل :- هههههههههههههههه
تيلا :- كانت هطير من الفرحه ومش مصدقه نفسها
اسر :- باسم بنطلب ايد بنتكم تيلا لابنى يوسف
باسم :- اكيد طبعآ موافق احنا مش هتلاقى احسن من يوسف لتيلا على خيرة الله نقراه الفاتحه
الكل قراه الفاتحه وانتشرت الزراغيط فى الفيلا والكل كان مبسوط
يوسف :- بص لتيلا وغمز ليها
تيلا :- اتكسفت وبصت فى الارض
اسر :- هينسبكم اخر الشهر اللى هو الاسبوع الجاى
باسم :- طيب هيعيشو فين
مها :- هنا طبعآ
اسر:- ليه دور لوحده مخصوص ومن بكره هخلى المهندسين اللى عندى فى الشركه يجو يشتغلو فيه وعلى اخر الاسبوع هيكون الدور جاهز من كل حاجه والاوض تنزل تيلا مع امها وخالتها تختار اللى هى عايزاه
باسم :- بص لمى وقال هتقدرى تجهزى تيلا فى أسبوع
مى :- بفرحه اه هقدر
باسم :- يبقى تمام على اخر الشهر الفرح
الزرغيط انتشرت تانى فى المكان والكل كان سعيد ومبسوط
وفى الوقت ده جه فريد وقال
فريد :- بعد اذنك يا بابا انا كمان عايز اطلب ايد سمر
سمر :- ما صدقتش ودنها لما سمعت فريد بيطلبها
فهد :- بفرحه بجد يا زين ما اخترت سمر عسل ومحترمه واحنا اللى مربينها وبص لأسر وقال ايه رأيك
اسر :- طبعآ مقدرش ارفض فريد مش هتمنى لبنتى واحد احسن منه واحنا اللى مربينه وعارفين أخلاقه وتدينه
مليكه :- بفرحه بجد يا زين ما اخترت يا فريد
فهد :- تمام نقرأه الفاتحه ويبقى فرحهم مع فرح يوسف وتيلا
اسر :- على خيرة الله وقرو فاتحة سمر وفريد والفرحه انتشرت فى المكان
وانتهى اليوم على كده وكل واحد روح على بيته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
فى اوضت تيلا
كانت بتتكلم فى التليفون مع يوسف
تيلا :- والله العظيم انت مجنون ده انا قلبى كان هيقف عليا من الكسوف فى حد يطلب ايد حد كده
يوسف :- اه انا وبعدين انا خلاص تعبت بقى وعايز اعيش معاكى العمر كله واخدك فى حضنى من بليل لحد الصبح ومبعدكيش عنى ثانيه واحده
تيلا :- وانا والله نفسى فى كده بس طريقتك كانت مجنونه اوى بس برضه بعشق جنانك
يوسف :- من بكره تحضرى نفسك يا عروسه علشان مفيش وقت
تيلا :- بكسوف ماشى
يوسف :- متجيش الشركه اليومين دول بقى ركزى انت فى اللى هتعمليه وريحى نفسك على قد ما تقدرى علشان التقيل اللى داخله عليه
تيلا :- يوسف بطل قلة ادب
يوسف :- كلها اسبوع وتشوفى قلة الأدب على اوصلها
تيلا :- والله العظيم انت غلس
يوسف :- بس بموت فيكى
تيلا :- اه صح اوعى تنسا تسأل على عريس فرحه
يوسف :- لاء هخلى معاذ يسأل عليه ابوكى ادانى العنوان اللى هنا واللى فى البلد هديهم لمعاذ وهو يسأل عليه
تيلا :- ماشى بس وصيه يسأل عليه كويس ويعرف عنه كل حاجه
يوسف :- ايوه عمو باسم وصانى ومأكد عليا
تيلا :- اتوبت وقالت عايزه اناااااااام
يوسف :- نامى يا حبى نوم الهنا عقبال ما تنامى فى حضنى يارب
تيلا :- غلس تصبح على خير
يوسف :- تصبحى على سعاده وهنا يا قلبى باى
وقفلت تيلا مع يوسف وقالت
تيلا :- بحبك بحبك بحبك نفسى اصرخ واسمع الدنيا بحالها بحبك وحضنت التليفون وغمضت عينيها ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت جاكلين
كانت بتتكلم مع معاذ
جاكلين :- انا فرحانه اوى اوى يا معاذ علشان يوسف خطب تيلا وفرحهم الاسبوع الجاى وكمان فريد خطب سمر
معاذ:- ربنا يسعدهم يارب
جاكلين :- عقبالنا يارب اهو عمو اسر جه علشان تيجى تتقدم
معاذ :- ايوه طبعآ ده اليوم اللى بتمناه بس طبعآ الاسبوع ده محدش هيكون فاضى بعد فرح يوسف إن شاءالله هاجى اطلب ايديكى من ابوكى
جاكلين :- انا فرحانه اوى اوى يا معاذ أنك هتيجى تطلب ايدى وهبقى معاك علطول هعيش اسعد واحده فى الدنيا دى
معاذ :- لاء من النحيه دى اطمنى هحقق ليكى كل اللى بتتمنيه واكتر
جاكلين :- ربنا يخليك ليا يارب
معاذ :- ويخليكى ليا يا نور عنيا تصبحى على خير
جاكلين :- وانت من أهله
وقفلت جاكلين مع معاذ وقالت الحمدالله ياربى رزقتنى بواحد يحبنى وأحبه ربنا يخليه ليا وغمضت عينيها ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت عدى
مسك تليفونه واتصل على مى واستنا ردها وبعد وقت ردت عليه
مى :- ايوه يا عدى
عدى :- واحشتينى
مى :- ماشى
عدى :- مى انتى لسه واخده على خاطرك منى مش انتى سامحتينى
مى :- سامحتك يا عدى
عدى :- امال فى ايه بتكلمينى كده ليه
مى :- عادى يا عدى ما انا رديت عليك
عدى :- مى والله العظيم بحبك ومش بحب ازعلك وندمان على اللى حصل منى النهارده وشوفى ايه يرضيكى وانا هعملو ليكى علطول
مى :- عدى انت هتكلم بابا عليا امته
عدى :- ها ا.ا.اه هكلمو طبعآ قريب بس عندى شوية مشاكل فى الشغل ولغبطه اخلص منها وهاجى اتكلم عليكى بس ليه بتسألى
مى :- اصل يعنى يوسف طلب ايد تيلا وفريد اخوك طلب ايد سمر وانت كنت واقف ومتكلمتش
عدى :- انا بتمنى تبقى معايه النهارده قبل بكره وربنا شاهد على كده ب.ب.بس ي.ي.يعنى
مى :- بس ايه
عدى :- ها ولا حاجه يا مى روحى نامى تصبحى على خير
مى :- وانت من أهله
عدى قفل مع مى وحدف تليفونه على السرير وقال
عدى :- مى هتروح من ايدى اعمل ايه اعمل ايه لازم اوضع حل لموضوع روان وبعدين جت ليه فكره اتصل على روان استنا ردها
روان :- عدى قلبى واحشتنى
عدى :- انا موافق استنينى بكره الساعه اربعه فى (...........) وانا هجيلك اخدك بالعربيه
روان :- بجد ده احسن خبر سمعته فى حياتى انا مش هنام لحد بكره من الفرحه منتظراك على نار يا قلبى
عدى :- سلام
روان :- مع السلامه يا قلبى
وقفل عدى مع روان وقال
عدى :- انتى اللى بدأتى اللعب يا روان متلوميش غير نفسك وحط التليفون جنبه ونام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
فى اوضت سمر
كانت بتكلم فريد فى التليفون
سمر :- تصدق بأيه أن كدبت ودانى لما سمعتك بتطلبى ايدى علنى كده ده انت بتتكسف من خيالك
فريد :- مدام حاجه حلال هتكسف منها ليه وبعدين انا مش بتكسف يا سمر انا بتقى ربنا وببعد عن الحرام علشان كده تملى تلاقينى مش بتكلم واسبل زى شباب اليومين دول
سمر :- لاء وربنا اتكلم و سبل عادى انا راضيه حرام بجد اللى بتعملوا فيا
فريد :- يا بنتى انتى مالك كده أهدى فى ايه بلاش الجنان بتاعك ده
سمر :- يا ديدو الواحده مننا محتاجه ايه غير كلمه حونينه من اللى بتحبه تديها امل وتفاؤل للحياه كده
فريد :- اللى فى دماغك فى دماغك يلا تصبحى على خير
سمر :- طب قولى بحبك طه
فريد :- نامى يا مجنونه
سمر :- هوف طيب باى
وقفلت سمر مع فريد وهى متغاظه منه وقالت يارب صبرنى على الكائن الفظيع ده انا مش مستبشره خير بعد الجواز ابدآ شكل الشيخ فريد ضايع وهيضيعنى معاه لله الامر من قبل ومن بعد استر يا ستار ونامت على السرير وغمضت عيونها وراحت فى النوم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت مليكه
كانت بتتكلم فى التليفون مع ايمن
ايمن :- اتصلت بيكى النهارده كتير مش بتردى
مليكه :- انا اسفه بس بابا وماما رجعو النهارده وكان عندنا ضيوف ومعرفتش اكلمك
ايمن :- بجد حمدالله على سلامتهم
مليكه :- الله يسلمك
ايمن :- تمام حددى ليا معاد معاه علشان اطلب ايدك
مليكه :- صعب اليومين دول لان فرح اخويه واختى اخر الاسبوع ده هنكون مشغولين
ايمن :- بجد ربنا يتمم ليهم على خير الف مبروك وعقبالنا يارب
مليكه :- احم الله يبارك فيك
ايمن :- انا لو كان عليا كنت جيت وطلبت ايدك وعملت فرحنا معاهم بس طبعآ هيبقى صعب بس أن شاءالله نلحقهم قريب اوى
مليكه :- أن شاءالله ا.ا.انا هقفل بقى علشان انام
ايمن :- نوم الهنا تصبحى على خير
مليكه :- وانت من أهله باى وقفلت معاه وقالت يااااه كلامه يجنن ابن الايه
مى :- ممكن تطفى النور وتنامى بقى عايزه انام
مليكه :- طيب طيب وطفت النور ونامت على سريرها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
فى اوضت فرحه
كانت بتكلم وحيد
وحيد :- بغيظ طيب ما انتو بتعرفو تفرحو اهو اشمعنا انا معلقينى
فرحه :- يا حبيبى وضع يوسف وتيلا يختلف عن وضعنا يوسف وتيلا بيحبو بعض من الطفوله والكل عارف كده وبعدين يوسف من العيله مش محتاج يتسأل عليه إنما أنا وأنت محدش يعرف بعلاقتنا ومحدش يعرفك ولازم بابا يسأل عليك
وحيد :- ده على اساس تاريخ عيلتكم مشرف اوى
فرحه :- قصدك ايه
وحيد :- ها ولا حاجه المهم حاولى تخلى ابوكى ينجز ويسأل عليا علشان اجى اتزفت واتجوزك
فرحه :- تزفت جوازنا تقول عليه تزفت
وحيد :- انا متغاظ منك من ساعه ما عرفت انك قولتى لابوكى موضوع اهلى
فرحه :- خلاص يا وحيد قولتلك انا غلطانه سامحنى بقى
وحيد :- ماشى
فرحه :- طب والله العظيم بحبك ومقدرش استغنا عنك
وحيد :- عارف ويلا سلام علشان عايز انام
فرحه :- حاضر تصبح على خير
وحيد :- سلام وقفل السكه فى وش فرحه
فرحه :- بصت لتليفون وبعدين قالت أنا غبيه ليه حق يزعل منى يقولى سر اروح احكيه لاهلى استاهل كل اللى بيعملو فيا وحطت التليفون جنبها ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت هنا
كانت قعده وبتفكر فى اللى حصل فى الكليه وقالت
هنا :- بنأدم مغرور وشايف نفسه على الفاضى ومعندهوش ريحة الدم مستفز يعنى ياربى ميقعش غير فى سكتى انا ده انا حتى مليش فى اى حاجه انا احسن حاجه محضرش محاضرته وابقى اخد من البت مريم الكشكول بتاع المحاضره بعدين
وفى الوقت ده اتصلت مريم بيها
مريم :- السلام عليكم
هنا:- وعليكم السلام
مريم :- عامله ايه دلوقتى
هنا :- الحمدالله كويسه
مريم :- هنا انا اسفه على اللى حصل منى النهارده فى المحاضره مكنتش اقصد والله اسبب ليكى مشكله
هنا :- مفيش مشكله يا قلبى اللى حصل حصل وانا مش هحضر ليه محاضرات تانى وابقى اخد منك الكشكول
مريم :- ليه طيب احضرى وملكيش دعوه بي وبعدين انتى من الطلاب المتفوقه وعمرك ما اخرتى محاضره اشمعنا دلوقتى
هنا :- ها ا.ا اصلى يعنى م.م.محدش عاملنى كده قبل كده
مريم :- ماشى يا قلبى اللى يريحك تصبحى على خير
هنا :- وانتى من أهله وقفلت مع مريم ونامت على السرير وقالت لما نشوف الدنيا مخبيه لينا ايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند محمد
كان قاعد بيتكلم مع أمه
محمد :- اتفاجئت بوجودها فى نفس المحاضره بتاعتى
حياة :- بس شكلها غلبان خالص ومش من النوع اللى بيتكلم كتير
محمد:- فعلا شكلها هاديه اوى بس مش عارف ليه لما شوفتها النهارده افتكرت اللى حصل منهم معانا ولاقيت نفسى بتعامل معها بغباء وبخرجها من المحاضره قدام كل الطلاب
حياة :- ليه كده يا ابنى والبنت ذنبها ايه دى حتى منطقتش ولا كلمه
محمد :- معرفش بقى هى جت معايه كده
حياة :- لاء يا حبيبى غلطان اول ما تشوفها اعتذر ليها علطول احنا متعودناش نظلم حد وانت كده ظلمتها
محمد :- مش عارف هترضى تبص فى وشى تانى ولا لاء بعد اللى حصل منى وطريقة كلامى معاها
حياة :- حاول انت بس ومتيأسش واكيد هى هتشوف صدق كلامك متنساش انها بنت خالك يا حبيبى
محمد :- حاضر يا ماما ووقف وقال تصبحى على خير
حياة :- وانت من أهله يا حبيبى
محمد :- دخل نام على سريره وبص للسقف وقال ياترى ايه حكايتك يا هنا وغمض عينه ونام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند جومانه وكريم
وصلت جومانه الفيلا هى وكريم وفتحت الباب وولعة النور وبصت على الفيلا بأشتياق وقالت
جومانه :- الله يرحمك يا بابا من يوم ما موت وانا مدخلتش الفيلا دى نهائى لسه ريحتك فيها واحشتنى وواحشنى حضنك الدافى ااااااه يا بابا بعدك مليش حبايب انت كنت سندى وعزوتى وانت الوحيد اللى كنت بتحبينى من قلبك من غير مقابل ااااااه يارب قلبى وجعنى ومعنديش الصدر الحنين اللى ارمى همومى فيه
كريم :- وانا يا ماما روحت فين انا اه بحب اضحك واهزر كتير بس ده ميمنعش اكون سندك وامانك اقدر اسمعك كويس اوى واحس وجعك انتى عندى يا ماما اغلى من الدنيا دى بحالها ولو اطول اخليكى مبسوطه علطول واشيل الحزن من قلبك كنت عملت كده
جومانه :- شدته واخدته فى حضنها وقالت والله وكبرت يا كريم انا لسه شيفاك كريم حتة اللحمه الحمرا اللى كانت لسه نزله من بطنى والدكتور بيقولى مبروك عريس زى القمر وشلتك واخدك فى حضنى ياااااااه امته الزمن مر وكبرت كده وبقيت عريس زى القمر
كريم :- انا مهما اكبر يا ماما هفضل ابنك خدامك ولو طلبتى عمرى هدهولك مش هستخسره فيكى
جومانه :- ربنا يحميك ويحرسك لشبابك يا حبيبى ويخليك ليا انت واختك
كريم :- باس ايديها وقال ويخليكى لينا يا ست الكل
جومانه :- يلا بقى يا حبيبى ساعدنى فى تنضيف الفيلا
كريم :- احلفى قولى والله
جومانه :- اه والله هتنضف معايه الفيلا
كريم :- يعنى جو الدراما اللى كان من شوايا ده علشان فى الاخر تقولى اساعدك فى التنضيف لاء انا عيل على فكره وبرجع فى كلامى علطول وانسى الكلمتين اللى قولتهم ليكى من شويه سلامه عليكم ومشى
جومانه :- كريم كريم اه يا واطى
كريم :- جه من وراه جومانه وقال ها نبدأ بأيه الاول بقى
جومانه :- هههههههههههههه
كريم :- هههههههههههه انا بهزر طبعآ مقدرش اسيبك
وبدأو الاتنين فى تنضيف الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
كان فارس نايم فى اوضه على السرير وكان بيفكر فى جومانه وتليفونه رن بيبص لاقه رقم البنت اللى ماشى معاها فتح السكه وسمع صوتها بتقول ايه يا حبيبى مجتش ليه ولا امبارح ولا النهارده انا مستنياك مرداش يرد عليها وقفل السكه فى وشها وقال
فارس :- وعد منى يا جومانه هبعد عنها وهعمل بكل طريقه اصلحك بيها واخليكى تسامحينى وترجعى تانى لحضنى وقفل التليفون ونام على السرير وغمض عينه بس شم ريحة جومانه فى المخده اخدها فى حضنه ونام على ريحة جومانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت فهد ومليكه
كانت مليكه نايمه فى حضن فهد
مليكه :- مش مصدقه نفسى والله إن فريد حب وهيتجوز عقبال يارب عدى وجاكى
فهد :- لاء واختار صح هما اساسآ من صغرهم وهما مع بعض فى كل حاجه
مليكه :- وفرحانه برضه ليوسف وتيلا اخيرآ ربنا هيجمعهم مع بعض تحت سقف واحد ربنا يهنيهم ويسعدهم يارب عايزه يوم الفرح كده اشوف بنت حلال تنفع عدى ونجوزو بقى علشان نشوف عيل ليه
فهد :- مش لما نشوف هيوافق ولا لاء
مليكه :- لاء متخفش ابنى بيسمع كلامى
فهد :- يارب وانا بتمنا ايه غير أن اشوف الاولاد مبسوطين ومتهنين فى حياتهم وربنا يسعد جاكى بأبن حلال يصونها
مليكه :- يارب نفسى افرح برضه بيها وابقى كده ارتحت من نحيتهم هما التلاته
فهد :- وتفضالى بقى يا جميل ونعيش لينا يومين من اول وجديد
مليكه :- ههههههههه انت فظيع يعنى انا بتكلم على جواز الاولاد وانت بتتكلم على ايه
فهد :- ايوه يا ملوكه عايزين بقى ننتبه لنفسنا شويه
مليكه :- ده على اساس انك مقصر دلوقتى انت مش بتسيب فرصه غير لما بتاخد حقك تالت ومتلت هههههههه
فهد :- انتى هتقرى وبعدين ما كله لمصلحتك ولا شكلك كبرتى
مليكه :- فشر انا لسه صغيره واحسن من اى بنت من بتوع اليومين دول
فهد :- ايوه بقى يا جامد طيب اثبتى بقى
مليكه :- نام يا فهد ربنا يهديك
فهد :- لاء انام ايه بقولك اثبتيلى انك لسه صغيره
مليكه :- وانا بتكلم جد نام يا فهد انا عايزه انام
فهد :- طيب بس اقولك
مليكه :- فههههههههههد تصبح على خير
فهد :- وانتى من أهله يا اختى نامى نوم الظالم عباده
مليكه :- غمضت عينيها وضحكت على كلام فهد وبعد وقت قصير كانت مليكه راحت فى النوم
فهد :- حس بمليكه نامت بسها فى راسها وقال نوم الهنا يا حبى ربنا ميحرمنيش منك وحط راسه على راسها وضمها اكتر ليه ونام هو كمان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
فى اوضت مها واسر
اسر :- ياااااه يا مها كان واحشنى سريرى اوى وكل حته فى الفيلا
مها :- وانا كمان يا اسر حاسه ان بقالى سنين طويله بعيده عن الفيلا وعن اوضى انت عارف انا اسعد واحده النهارده لانى رجعت للفيلا وللاولاد وفرحانه انا تيلا رجعت تانى وفرحانه أن ابنى رجعله حب عمره ورجعت ليه ضحكته من جديد وان خلاص ربنا هيجمعه بيها تحت سقف واحد وأن سمر هتتجوز فريد بجد مكنتش هتمنى عريس لبنتى احسن من فريد شاب مصلى ويعرف ربنا ومعاه كتاب ربنا تملى يعنى هيتقى ربنا فيها
اسر :- ربنا يسعدهم يارب ويفرحنا بمليكه ومى هما كمان
مها :- نامت فى حضنه وقالت ولادنا دول اجمل مكافئه لحبنا لبعض والحمدالله زرعنا فيهم الحب والاحترام والنتيجه الحمدالله اننا بنفتخر بيهم ربنا يخليهم لينا وتفرح بيهم يارب
اسر :- بسها فى راسها وقال ويخليكى لينا يا قلبى
مها :- هنام بقى احسن من بكره هيكون ورايا حاجات كتير اوى ليوسف وسمر
اسر :- ربنا يقويكى ياريت كنت بصحتى كنت شلت معاكى شويه
مها :- دعمك ليا ده اكبر مساعده بالنسبه ليا مش محتاجه اكتر من كده
اسر :- ربنا يخليكى ليا يا عشرة عمرى وسنينى
مها :- بسته فى خده وقالت وميحرمنيش منك يا اسو يارب
اسر :- هههههههه شقيه من يومك نامى يلا تصبحى على خير
مها :- وانت من أهله يا قلبى وغمضت عينيها ونامت وهى فى حضن اسر
اسر :- بعد ما مها نامت قعد يبص عليها شويه ويلعب فى شعرها وبعد كده بسها بوسه طويله فى خدها وقال لو ربنا يدينى عمر على عمرى مش هيكفينى حب فيكى وبسها بوسه تانيه رقيقه فى خدها
مها :- ضحكة وهى مغمضه وقالت بحبك
اسر :- انتى لسه صاحيه
مها :- صحيت على لمسة ايديك لشعرى
اسر :- طب نامى يا قلبى انا اسف أن صحيتك
مها :- لاء متتأسفش يا حبى انا عيونى خدامين ليك وقت ما تكون محتاجهم افتحهم ليك
اسر :- تسلملى عيونك ورموشها
مها :- غمضت عينيها وقالت بعشقك وربنا وعنيها راحت فى النوم
اسر :- هههههههه نمتى نوم الهنا يا قلبى وغمض هو كمان عينه ونام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
فى اوضت باسم ومى
كانت مى نايمه على المخده جنب باسم وقالت
مى :- باسم
باسم :- امممم
مى :- انت نمت
باسم :- لاء
مى :- ايه رأيك فى موضوع يوسف وتيلا
باسم :- مش فاهم رأى فى ايه بالظبط
مى :- يعنى انا خايفه لنكون اتسرعنا فى موضوع الجواز ده هما اه كانو بيحبو بعض وهما صغيرين بس متنساش أن هما كبرو بعيد عن بعض ولسه محدش فيهم عارف طباع التانى واللى هما فيه ده شعور بالفرحه بس أن هما رجعو لبعض بس اكيد مش واخدين بالهم من حاجات كتير واولها أن تيلا ويوسف كل واحد منهم اتغيرو عن لماكانو صغيرين ومشاعر لقاهم ببعض عامى عينيهم عن النقطه دى
باسم :- بس اكيد حبهم لبعض هيخليهم يعدو الصعب
مى :- انا من رأى كانو استنو شويه لما يفهمو بعض اكتر علشان متحصلش مشاكل بعد الجواز
باسم :- بس انا بختلف معاكى فى الرأى تيلا ويوسف لازم يتجوزو فى اسرع وقت علشان الاتنين مصدر امان لبعض وكل ما يبقى فى ما بنهم علاقه اقوى كل ما يقدرو يفهمو بعض اكتر ويتمسكو ببعض
مى :- الجواز وفتح البيت مش بالساهل ومحتاج حب قوى يثبته وحبهم لسه ضعيف
باسم :- الحب والموده بيجو بالترابط والعشره الطيبه وانا شايف أن تيلا مكمله يوسف ويوسف مكمل تيلا
مى :- انا بتمنا ايه غير أن ربنا يسعدهم ويهنيهم ويسعد فرحه وهنا وينجح عمار
باسم :- يارب يا قلبى وفتح دراعه وقال تعالى
مى :- نامت فى حضنه
باسم :- ضمها ليه وقال متخفيش على البنات يا مى انا فى ضهرهم يوم ما حد يفكر يجرحهم انا هوقفه عند حده
مى :- عارفه يا قلبى أن ابوهم راجل ويقدر يحميهم بس انا بتكلم من قلقى وخوفى عليهم مش اكتر
باسم :- اطمنى انتى بس ومتشغليش بالك وربنا عنده الخير كله
مى :- ونعمه بالله تصبح على خير
باسم :- وانتى من أهله يا عمرى وبسها فى خدها وغمض عينه
مى :- بصت لباسم وضحكة وغمضت عينيها ونامت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقه صغيره فى منطقه شعبيه بالاسكندريه كان قاعد الشباب التلاته وبيتكلمو
وحيد :- نفسى يجى الرد النهارده قبل بكره علشان انتقم منهم وارتاح بقى
معاذ :- فات الكتير واتبقى القليل
شهاب :- طيب انتو كل واحد لاقه واحده ينتقم منها انا اعمل ايه حتى البت اللى كانت معايه فى الجامعه ابن خالتها عمل فيها شهم واتصدر ليها
وحيد :- انت اللى عبيط وبعدين انت مش مستلم اليومين دول البت تيلا وبتهددها فى التليفون
شهاب :- بس ده انتقام لعمها وابن عمها اللى دافعو ليا فلوس انا بقى فين انتقامى لابويه
معاذ :- كفايه احنا هننتقم منهم فى بناتهم وانت برضه اللى هتعملو فى تيلا ما ماشى مع خطتنا
شهاب :- انا نفسى امسك اللى اسمه فريد ده واكسره دماغه على ضربه ليا فى الجامعه
وحيد :- كله هيتكسر بعد اللى هنعملو فى بناتهم
معاذ :- احم بس يعنى كنت بقول نتأكد الاول علشان اللى انا شايفه أنهم مش وحشين
شهاب :- هى البت وقعتك ولا ايه
معاذ :- ل.ل.لاء طبعآ بس خايف نكون بنظلمهم
وحيد :- انت عبيط مسمعتش بودنك ابوك قال لينا ايه قبل ما يموت قال إن اللى اسمه فهد وباسم واسر ضحكو على امك واغروها بالفلوس وقعدوها فى شقه وكان كل يوم يجو يقضو ليله معاها ولما عرف ودور عليها وراح ليها الشقه شافها نايمه فى حضن فهد فى اوضت نومه الدم غلى فى دماغه زى اى راجل وده كمان صعيدى وضربهم بالنار وهما بنفوذهم قدرو يطلعو نفسهم من الموضوع وعملو لأمكم ملف دعاره وابوكم اتعدم ظلم وهو بيدافع عن شرفه نسيتو كل ده وابوكم وصانا ناخد بتاره وبتار امكم
معاذ:- بس ابوك بس اللى حكا الكلام ده مسمعناش من الطرف التانى
شهاب :- اسألنى انا انتو كنتو قاعدين فى البلد مع ستكم لكن أنا واختى اللى كنا عايشين معاهم فى نفس الشقه وشوفت اللى اسمه فهد ده وهو بيجى الشقه عند امى ومره مراته جت شافت فهد بيخونها مع امى بس انا سعتها كنت صغير مش فى ايدى حاجه
وحيد :- وستك اللى مستنيه تاخد بتار ابنها وحطه أملها كله فينا نقول ليها ايه ابن ابنك المحروس ضعف قصاد بنت هيفا
معاذ :- انا مقولتش كده ولعلمك بقى انا بكرهوهم اكتر منكم بس كل الحكايه مش بحب الظلم أما بالنسبة لجاكى انا هخليها تشوف النجوم فى عز الضهر ومبقاش انا لو مكنتش خلتها تموت نفسها
شهاب :- ياجامد انت طيب دلوقتى مقولتوش هنعمل ايه جواز البت دى هيعطل كل حاجه
وحيد :- بالعكس ده هيسهل حاجات كتير علينا هننتقم منهم بنفس الطريقه بتاعتهم
معاذ :- قصدك ايه
وحيد :- يعنى نسبهم يتجوزو وبعد كده نبدأ الشغل زى ما هما خلو ابويه قتل امى احنا نخلى يوسف يقتل تيلا لما يشوفها بتخونه
شهاب :- يا ابن اللعيبه فكره حلوه برضه ويبقى احنا ايدينا نضيفه من الدم ويبقى كده انتقمنا من التلاته فهد واسر وباسم بس انا لسه عندى مشوار انتقام تانى مع فريد الكلب ده
معاذ:- انا هنام تصبحو على خير وسبهم ودخل اوضه
شهاب :- اخونا الكبير شكله وقع وطب
وحيد :- باين كده
شهاب :- اوعى انت كمان يا وحيد
وحيد :- ههههههههههه انا ده انا لو اطول اولع فيهم كلهم كنت ولعت ده انا بكرهم كره العمى اما فرحه دى هشرب من دمها هخليها تكره اليوم اللى اتولدت فى العيله دى
شهاب :- اخويه قدوتى وحبيبى
وحيد :- تصبح على خير
شهاب :- وانت من أهله
ودخل وحيد نام وشهاب مسك تليفونه وطلب رقم
وانتظر الرد وبعد وقت رد عليه صوت وقال
ابو انس :- خلصت مهمتك
شهاب :- احم لسه
ابو انس :- ولما لسه متصل بيا ليه
شهاب :- علشان اقولك أن هنتأخر شويه
ابو انس :- ليه بقى أن شاءالله
شهاب :- اصلها هتكون عروسه مع عريس الغفله
ابو انس :- شئ ميخصنيش انا عايز الاتنين ملهومش أثر فى الدنيا خالص
شهاب :- هيحصل بس بعد ما يتجوزو هى هتموت مقتوله على ايد جوزها وهو هيتعدم فى قتل مراته ويبقى كده خلصنا منهم هما الاتنين
ابو انس :- شهاب مليش فيه ده خلصنى منهم بسرعه انا مش دافع ليك فلوس علشان هما يعيشو مبسوطين فاكر اول مره شوفتك وانت بتراقبها حسيت فى عنيك نظرت شر ليها وده اللى خلانى اثق فيك واتفق معاك على قتلهم
شهاب :- وانا قد الثقه وهتسمع خبرهم قريب سلام
ابو انس :- سلام
شهاب :- قفل السكه وقال بتوعد ايامكم الجايه كلها سوده أن شاءالله وقام دخل اوضه ينام
