رواية مريم الفصل التاسع عشر بقلم جمانه السعيدي
رجع عبدلله جاب اهله واجانا وهلمره كلهم يقنعون بيه
حتى بابا صار وياهم
امه وأبو وزوجته وبابا
كلهم كالو وافقي ماتلكين واحد يحبج مثل عبدلله
ولا انتي اول ولا اخر وحده
تزوج واحد متزوج
وافقت على عبدلله بس جان شرط بابا يكون بيتي وحدي
خوفا من المشاكل الي اتصير بلمستقبل
اكيد كل البيوت بيها مشاكل
بابا كال انتي طلعتي من تجربه صعبه ومآ اريدج تتعذبين
بحياتج بعد
اذا يريدج خل يخليج بيت وحدج
وافق عبدلله على طلب بابا
وقرر يقسملي جزء من بيتهم لان مايكدر يبتعد عن امه وابووو وهمه مالهم احد غيره ابد
جمانه السعيدي
بابا ماقبل نقطع مهر اله عبدلله يكمل البيت وساعته
يقطع مهر براحته
وفعلا بدا عبدلله يحضرلي مشتمل
غرفه وهول ومطبخ بس الديكور كلش حلووو
المطبخ مفتوح على الهول
بس كمل البناء بدا ياثث بلمشتمل
جاب ثلاجه وطباخ وكاونتر زغير وغرفة نوم
ونص طخم لان المكان مايكفي طخم
واني اشتريت الستائر والفرشات وكدوره ومواعين للمطبخ
عبدلله كال اني ما اريدها طويله
بيوم العرس نعقد ونطلع للفندق كبل
بديت اشتري ملابس وعطور ومكياج
هو كل شويه يخابر ما اريد ملابس مستوره
كون كله مشلتح
بيت وحدج بعد شنو العذر
جمانه السعيدي
من اشتريت ملابس اشتريت كم قطعه المها
اشتريت الها ملابس نوم وعطر
خطيه الله يساعدها اتشووف زوجها يزوج كدامها
وهي كاعده وساكته
ااجرت بدلة عرس تخبل وضخمه وحجزت عد احس صالون
قبل يوم رحت غريت لون شعري وحفيت
ام الصالون تخبلت من الشعر الي بوجهي لان صار اكثر من سنه اني ما حافه ابد
بس طلع شكلي غير
قبل عرسنا بليله من رجعت من الصالون خابرني عبدلله
عبدلله هلو مريومه
...هلووو
..امي تريد تجي تخليلج حنه اليوم الحنه مالتج
بس تكول لازم تلبس ابيض حتى حياتها تصير بيضه
مريم موافقه خل تجي هله بيها
عندي فستان ابيض الردن شفافه والصدر دلع ضيك وطويل وبي شغل ذهبي من الصدر
لبسته وفتحت شعري وبقيت انتضرها
شويه اجت هي وعبدلله
اني من شفت عبدلله خليت شال على راسي وغطيت صدري
لان بعدنا ما عاقدين
دخل هو وياها وهي كامت تهلهل وطشت جكليت على راسي
كالت العبدلله اكعد يمها وحنيها
مديت ايدي اخذها وباسها من مكان الحنه وشال شويه حنه وخلى بايدي
وبعدين رجعت الحجيه تهلهل
عبدلله قربت عليها هاي شطالعه
...مريم دنكت
عبدلله مديت ايدي اسحب الشال
مريم لا بعدنا ما عاقدين ممنوع
عبدلله زين بوسه تصبيره الباجرررر
مريم ممنوع
عبدلله اني اعلمج على الممنوووع باجر بسيطه
الحجيه اخذت جكليته وخلتها بحلكي
بس سديت حلكي عليها راسا عبدلله كال هاي شنووو بله افتحي حلكج
بس فتحت حلكي اخذها من حلكي واكلها
عبدلله الله شكد طيبه
بله بعد وحده ثانيه
مريم اخذت جكليته وفتحتها ووكلته
عبدلله ايصير ابات عدكم اليله
مريم لا ما يصير كوم روح البيتكم اريد انام تعبانه
عبدلله هااا اطرديني مووو
...اي روح الاهلك لان انت مو راحه ابد اذا تبقى بعد شويه تتهور
...اي ولله صدك شلون عرفتي
...يله روح الله وياك
ثاني يوم كعدت بلعشره اتريكت ورحت للصالون
طلعت غير شكل عبالك وحده ثانيه
خابرت عبدلله اجا رجعنا للبيت
وجان الشيخ ينتضر بس وصلت عقدنا
اخواتي شغلن ديجي وكامن يركصن
شويه وكالو يله العريس مستعجل طلعنا وهو يلفلف بيه
هو اني من الكب كلشي ما اشوف وهو يلف بيه بلزايد
كانت زفتي احلى زفه بلدنيا تخبل
وصلنا للفندق المغرب
الغرفه كانت بارده وبيها عطر يخبل ومشغلين موسيقى هادئه ورومانسيه
جمانه السعيدي
كعدنا على الجربايه لزم ايدي وكال اني ما مصدك انتي صرتي من قسمتي ونصيبي
شلعتي كلبي دمرتيني تدمير
كل يوم أنذر نذر اذا صرتي من نصيبي يمكن راح ابقى العمر كله اوفي بلنذور
عبدلله يله تبدلين
...مريم اي
هو كام نزع قاطه ولبس تراك برموده
واني دخلت للحمام ابدل
وهو يصيح من ورا باب الحمام اساعدج
مريم لا
عبدلله هسه انتي ليش خاتله بلحمام اني بعد شويه اشوف كلشي
مريم اسكت ترا ابقى بلحمام ما اطلع
عبدلله يله بسرعه اطلعي جابو العشى
مريم طلعت مبدله والف بلروب عليه هو شافني وكام يضحك بعد تغطي بطانيه
جمانه السعيدي
كعدنا ناكل وهو مايقبل أمد ايدي اله هو يوكلني
خلصنا واني رحت غسلت وفرجت اسناني
ورجعت هو دخل يغسل وطلع
اني كعدت بس خايفه كلش
عبدلله شبيج خايفه
مريم اشرت اي
عبدلله من شنو خايفه
مريم من هاي التجربه الصعبه
عبدلله هاي وانتي ماره بهاي التجربه قبل ليش تخافين
مريم سكتت هو ما يدري اني بعدني بنيه
بلبدايه بقه يسولف وياي ويشتاقه حتى ينسيني الخوف
بس قرب عليه اني عطت
هو ابتعدعني وشغل الضوه شاف دم واكع مني
عبدلله هاي شنووو
مريم سكتت وعضيت شفتي لان توجعت
عبدلله انتي بعدج بنيه
مريم هزيت راسي اي
عبدلله تحجين صدك وزواجج من الحجي والسنيين الي خلصت ويااا
مريم استحيت شجاوبه بقيت ساكته
عبدلله احجي
مريم الحجي ماكدر يقربلي واني بقيت بنيه وجنت محتفضه بهذا السر بيني وبينه
عبدلله ضحكت مامصدك اني حبيبتي بعدها بنيه
حضنتها وكمت ابوس بيهاااا
ياروح عبدلله ياعمر عبدلله ياعيون عبدلله
وجعتج اسف ماكان قصدي جنت متوقع انتي
مريم كمت من مكاني ودخلت الحمام اغسل
عبدلله ولله ما مصدك معقوله مريم حبيبتي
محد مقرب الها اني اول واحد اكون قريب منها
كمت دكيت باب الحمام حبيبتي تحتاجين مساعده
اتاذيتي
مريم لا ماكو شي هسه شويه واطلع
نزعت ملابسي وسبحت ولفيت المنشفه عليه وطلعت
عبدلله اسف اذا اذيتج بس انتي ليش ما كلتيلي
جنت اتعامل وياج بحذر
مريم استحيت احجي بلموضوع
يله دير وجهك خل ابدل
عبدلله اني اريد اباوع ولا أدير وجهي ابد
مريم اخذت ملابسي ورجعت للحمام بدلت وطلعت
عبدلله مانام من بليلته من الفرحه هم ازوج حبيبته
وهم طلعت باكر
كل شويه يلتفت عليها ويكلها مريم اني بحلم لوعلم
مريم عبدلله ولله تعبت خل انام
عبدلله ماكو نوم اليله اليله عيد على كولت ام كلثوم
مريم ترا اطلع ااجر غرفه ثانيه حتى انام
عبدلله وين ترحين وراج حتلو تصعدين للقمر هم اروح وراج
مريم اخير شي سويت نفسي غافيه حاجاني ضحكني
واني ابد نايمه من العام
الصبح للساعه ١١ وحنا بعدنا نايمين
كعدنا على صوت التليفون ابو عبدلله يطمن علينا
عبدلله هلو يابه
...الف مبروك وليدي منك المال ومنها العيال
...اشكرك يابه يوم الك
...اي هي لعبتها ازوج وحده ثانيه ليش انت بيش احسن مني تزوج ثنيين
...اني ادري والمفاجئه يابه طلعت بلباكيت
...مريم سمعته وكعدت يااا يااا عبدلله صدك تحجي
فضحتنا يمعود
...بيها الخير وليدي يمته ترجعون
....باجر يله نرجع اني حالف ما اطلع من الغرفه يومين
اريد اطلع فلوسي كلهن يله اطلع
...الله يسعدك ويهنيك
عبدلله بس قفلت التليفون هجمت عليه مريم دك بلمخده
مريم يااا شلون هيج تحجي الابوك ولله عيب
عبدلله تعاي اني هسه اعلمج
ساعه نتعارك بلمخاد منا لمن انفتحن والكطن ترس الغرفه
مريم عقوبه عليك لان حجيت هيج العمي تلم الكطن كله وترجعه للمخده
جمانه السعيدي
ثاني يوم رجعنا بيت عمي ذابحين خروف وعازمين اهلي
لكيت سميه ومها يطبخن
اتغدينا وكعدنا شويه نسولف اهلي رجعو البيتهم
واني وعبدلله رحنا البيتنا
بيتنا صح زغير بس حلو مرتب كلش
من هاي اليله صار عبدلله ليله عندي وليله عد مها
رجعنا للدوام
انروح ونرجع سويه لان انداوم بنفس المستشفى
من نرجع عمي يجيبلي الغدا خاليه بكدور ازغار
يكول انتي تعبانه ماتلحكين وهذا غداكم
نتغدا اني وعبدلله وبعدين انام
قررت اشتري سياره لان حيل اتبهذلنا بلدوام نروح ونرجع بيها عبدلله يعرف يسوق
عبدلله ما قبل يخلي السياره باسمه كال هاي سيارتج خليها باسمج واني انشاء الله اسحب سلفه واشتري سياره
شهر واحد اجتني الدوره والشهر الي بعدا ما اجت
اني ما حجيت بلبدايه لا ردت اتأكد بلاول
عبرن ١٤ يوم على موعد الدوره ولان اني اشتغل بالتحليل بلمستشفى رحت سويت تحليل
وطلعت حامل ماحجيت العبدلله بلدوام لان كلت خاف
مايسيطر على نفسه ويفصحنا
وصلنا للبيت وعمي بس شافنه جاب الغدا واجا
خليت الاكل بدلنا وكعدنا ناكل اني ويااا
مريم اني عندي مفاجئه الك
...شنوووو كولي بس اذا طلعت بايخه اموتج
مريم هو كاعد ياكل واني كلت اني اليوم حللت وطلعت حامل هو راسا وكعت الخاشوكه من ابده
عبدلله شنو شكلتي عيدي ما سمعت
مريم اني حامل
وهو طفر وكام يكمز ويصرخ يكمز ويصرخ واني اكله فدوه اسكت فضحتنا
وهو كام يضرب بلبيبان ويشمر بلكوشات ويصرخ
خطيه عمي اجا يركض على صوت الصريخ وخالتي تركض ورا ويصيحون شكوووو
عبالهم عبدلله صاربي شي
هو لزم ابو من ادي ويكمز مريم حامل مريم حامل
اني راح اصير اب
عمي كعد وكام يبجي وعمتي تهلهل بس هلهوله وياها دموع
واني كاعده بمكاني وابجي على هذا المنضر
معقوله هاي الفرحه الي فرحوها
خفت على عبدلله لايصير بي شي ماتتخيلون
شصاربي وجها صار احمر
ومآ يعرف شيسوي يروح منا ويرجع منا
شويه واجت مها وراهم بس سمعت حضنتني وكامت تبجي كلش انكسر خاطري عليها
يمكن تبجي لان عبدلله راح يصير اب بس هي موام هذا الطفل ولله دعيتله الله يفرحها ويرزقها بطفل يملي عليها حياته
الحمد لله اني ماعندي وحام ابد يعني اكل كلشي عادي
بس شلون بعبدلله اتخبل عليه
يجيب اكل ويكوم اكله اني ما اتنسى واكلي عادي كلش
النوب ما يقبل يروح ينام يم مها يكول انتي حامل وخاف تحتاجين شي
كوه ادفعه يروح الاهله ومره اني رحت نمت يمهم
يعني يم عمتي وعمي بغرفتهم
لان مايقبل يعوفني خاف يصير بيج لو بلطفل شي
اتخيلو من اول شهرين يكول لاترحين للدوام خاف اتعبين
واني ما اقبل لان اني عادي احس وضعي تمام مابيه شي ابد
جمانه السعيدي
علاقتي بمها كلش زينه واني كلما استلم الراتب اخذلها شي هديه لو ثوب لوسيت لو عطر لو فرشة جربايه
من كبرت بطني خطيه تجي تنضفلي اني ما اقبل
بس هي تكول انتي حامل ما تكدرين
وبيوم ملابس عبدلله عليه تاخذهن تغسلهن
من وصلت للسابع بيوم كان جمعه وكاعده اارتب واطبخ
اجاني عمي يركض كال مها وكعت ما اعرف شليها
عبدلله جان ما موجود طالع للسوك
عبرت عليهم لكيتها وجها اصفر وتكرمون تتقئ
أخذناها للمستشفى اني وعمي وتصلت بعبدلله حتى يجي وارنا
بس وصلنا الدكتور كال لازم تحاليل خاف عدها حالت تسمم
اخذو منها دم وتكرمون درار
عمي بقه يمها واني رحت للتحليل لان كلهم اعرفهم هناك
رجعت المها علما يطلع التحليل
هي لازمه ايدي وتكول لاتعوفيني يمكن راح اموت
شويه ونادوباسمها اني رحت اجيب التحليل والمفاجئه
مها طلعت حامل
اني فرحت اكثرمنها رجعت وبشرتهم حيل فرحت هي وعمي وشويه وصل عبدلله ولمن بشرنا ضحك وكال المها
...هاااا لو ادري مزوج من زمان حتى تحبلين
كملت حملي والحمد لله وجبت ولد سما جده محمد
من اروح للدوام اعوفه يم مها وبيبيته
طول فترت حمل مها وحامها موزين كلش على عكسي تماما
وبيوم ولادتها تصرخ اريد مريم تروح وياي
لازمه ايدي وتصرخ منا لمن جابت بلسلامه
سمته سعيد لان اجا عليها بلسعاده
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
