رواية سواد القلوب الفصل التاسع عشر 19 بقلم ام سامان

فرح

كعدت مثل كل يوم...حضرت الريوك لفهد ....

من خلص باس رأسي وطلع......

وراه اجو التوم

_ صباح الخير مرت أخي العزيزة

جاوبته بابتسامة

_ صباح النور شاد واياد

_ كعدو يتريكون ...واجو عمو وعمة صبيتلهم...

سئلتهم

_ شعجب تعرفون كردي

اشرو على عمة

_ حجه عمو ....من تزوجنا كعدتها قريب من اهلي شفتها مامتوالمة...اخذتها لغير محافظة ...صح جان صعبة عليه لان هنا اداوم...بس تحملت التعب لخاطرها....وديتها قريبة من خالاتها...الحمدلله شفتها سعيدة ..ومن صارعدنا خنده اجينا هنا لان امي تعبت خفت لاتموت وماالحك اودعها

_ جا شلون براء كالت جانو يضايقونا ولد اخوان بابا

_ صح وكت العطل جنا نكضيها كلها هنا يم اهلي ...ماجنت ادري ياذونهم....بالكلام....ومن عرفت صارت عركة شكبرها

_ عمه منو اكثر شخص جان يضوجج...

باوعت لشاد...وباوعتلي

_ انسي بنيتي ...أنا نسيت

حجه شاد

_ يمكن انتي نسيتي ...بس براء وفهد ماناسين...مدري ليش هيج كلبهم اسود

عمو صاح بي

_ شاااد..انتبه لكلامك من تحجي عن اخوك واختك ...

_ اختي ..ها ...اختي الماجتي على خطوبتي مو ...

_ ترى هي كلتلك ..ماتكدر اجلها أنت الماقبلت...

_ ائجل لخاطر شخص واحد

_ شبيك شاد أشوفك كالب على اخوك واختك هالفترة 

_ شقصدج يممممه

_ آني برأيي اركان...تعزله مبين راسنا حيتعب من المشاكل

_ انتفض وكأل

هذا البيت بيتي وبيت ابوي المايعحبه هو اليطلع...يحجي ويباوعلي

أياد جره من ياخته

_ مثل مابيتنا هو بيتهم...شون كدرت تحجي هالحجي لو كالبينك النسوان يامررره

ايااااااددد

صاح ورفع أيده يضربه..عمو صفك...وكفو اثنينهم

_ اطلع بره أشر لشاد ...وتاخذ هدومك وياك...وعوفلي سويج سيارتك

باوع لعمو مصدوم

_ بويه

قاطعه

_ يلاااااا الميحترم اخوه الجبير ماله مكان ببيتي ...والله جان كلامهم صح...قبلت اخطبلك بنت الحيايا...وكلت لاابني رجال مايسمع لكلام نسوان..ماجنت ادري أنا مربي مره...اطلللع بره ووصل هالكلام لاخوي وزوجته...كوللهم ابوي يكول الحيه التدخل بين الاخوان ابوي يسحك راسها ..واذا تريد تبقى بالبيت تفسخ خطوبتك

_ لا بويه دخيلك ...كل شي وللا هالشي ..آسف و الله حعتذر منهم

_ شحدددك أصلا توصللهم كلامممك السخييف

اندارلي

_ ديري بالج يوصل هالحجي لفهد وبراء

أول مرة اشوف عمي هيج اعصاب

_ من الخوف هزيتله رأسي بأي

_ لووو تطلع من البيت لو تفسسسخ

_ مراح يطلع ومراح يفسخ.

_ليالي..

_اذا سويت هيج حيعتبر فهد الماله ذنب سبب بفسخه وأنا مستحيل اخلي ابني بهيج موقف .....بس بالاول كلي منو حاجي برأسك

_ يمه

_ منوووو

_ اخذ نفس ...محد كلامهم صح احنا ولد ابونه ومن دمه شذنبنا اخوهم من ابوهم آكل حقهم

_ياحيف ضيعت كل تعبنا وربانا بجم شهر

هذا هو شاد ....راح اشتريلك بيت قريب من بيت عمك....وفهد التتهمه ياكل حقك...هو الماقبل اكتب متر واحد من املاكي باسمه...تدري ليش لان كال هذا حق ولدك وبنتك...صح ربيتنا بس اصلنا واسمنا مامرتبط بيك...ومااكل حق احد...وكته عاتبته وزعلت عليه...لان فرق روحه عنكم ....وأنا اكوله أنتو اخوان ومستحيل ولدي يتعاركون ويه اخوانهم لخاطر فلوس واملاك..اثاري جان عنده بعد نظر...وعرفك اكثر مني

_ لا لا آسف و الله مدري شصار بي

قاطعه عمو

_شكالولك.

_ آسف بويه...وعد ماتتكرر...ومراح اقبل احد يحجي عنهم كلمة ....وراح اثبتلك أنت ربيت زلمة تقرب باس اديهم ..واعتذر من أياد...ويباوعلي

_ آسف مرت اخوي ..اتمنى متحجيلهم شي

_ معذور خويه ..لاتخاف مستحيل احجيلهم شي

_ بالليل كاعدين كلنا بالهول نسولف ونتسامر

_ اندك الباب قوي...

_ طلعو عمو وفهد....شويه وماحس الا شيماء فاتت وياهم. ....رادو يدخلوها

_ خير خير وين مفوتها

_وخري بويه

_ ماتفوت البيت ...

_ ففررح كلت وخري...

_ مااوخر لو أنا لو هي...

_ الله وياج

جمدت من كال هيج. .عمو عاط بي

عيوني دمعت وهو يباوع بعيوني ببرود...

باوعتلها مبتسمة بشماته....حقها..اي وحدة بمكانها تفرح من تشوف حبيبها القديم العافته هيج يدافعلها...

أسمع صياح عمه وعمو بي...

بس ما استوعب شي

ماادري شلون دخلت للغرفة...وشلون خابرت ابويه

ورا مدة سمعت صياح ابويه

_ طلعت...وصحت بي

_ بوية

_ تقربت من عمه...ماما بقي ضياء يمج احس مااكدر أدير بالي عليه

_ لاتروحين. يمه هو وزبالته يطلعون

_ لا لا اريد. ارتاح

طلعت واخر كلامه

_ إذا طلعتي مالج رجعة

ماهتميت...

لليوم مااعرف شلون كدرت اعوفه بعد ماجنت أشوفه حبي وآماني وابويه وسندي...شلون عفت ابني وحيدي

وصلنا ....فرشت وغمضت عيوني أريد أنام نومة أبدية

.....

""""":::""""

براء

طلعنا آني وادهم وحمودي...لينا رادت تجي أدهم ماقبل....

وصلنا واتفاجئت بتصرفات فهد ..بس عرفت تصرفاته تابعه من صدمة شلون فرح عافته ليش الرجال من يشوف تعلق زوجته بي يستجلب وعباله لوشماا سوه تضل وياه...

باوعتله مصدومة لان راد يضربني لأول مرة

_ تريد تضربني فهد...

هزبراسه لا ويعض باصبعه

_ تريد تضربني لخاطر وحده زبالة

_ سكتي براء وعوفيني ويه اخوج...حجه أدهم وهو يعضلي شفته حتى اسكت واطلع

حمودي أول مافات أياد طلعه وياه واخذ خنده وسالم وياه...فتت الهوا واشوفها شايله ضياء وتلاعبه..انصدمت ركضت جريته من ايدها

_ جان يبحي

_ هسسسس ولانفس أكسر ايدج إذا لزمتي مرة ثانية خاف عبالج كدرتي تخربين بين فهد وزوجته أني اجيت وراح ادفعج ثمن كسرة فرح

_ حجت بمسكنة . آني مالي ذنب بس ردت واحد يوكف بوجه طليقي

_اصنافج ماره عليه هوايه وتدرين وحدة منهم شسويت بيها ....تقربت وهمستلها خليتها تطلك من أول اسبوع ....وانتي أصلا تحلمين تنكتبين باسم فهد طول مااني عايشه

اجت ماما

_ بروئه شكو...انطيتها ضياء...ماما لاتخلين الغرب تلزمه لاتنسين هو أمانة يمنا لماترجع امها...طلعو فهد وأدهم. . دفعتني وراحت ركض لفهد

_ فهد وديني الفندق الكل محملني طلعة زوجتك

_ وهاي الحقيقة قابل متبلينج

_ براء ...

_ أنت بالذات مااريد أحبك واتمنى من تشوفني هالفترة بمكان تطلع منا ...بس ياحيف شلون كدرت هيج تسوي بفرح ...الشايلتك على جفوف الراحة . .بس صدك ولارجال بي أمان...ماتقل عن مروان بشي

عفتها ودخلت لغرفتي واشوف الخانم مبينه نايمة هنا

رجعت طلعت

_ منووو فايت لغرفتي

حجت ماما بحرج

_ ماجان أكو مكان تنام بي

_ اكوووو شارععع تروح توللي بي 

_ بررراء ....

_ الله يااااخذ براء واخلص منكم كلكم

كلهم كالو اسم الله 

_ هاي اني كل فترة تكب عندي سالفة مروان ...يمكن الأكثر ميصدكون ...ويكولون ترى مااخذها...بس والصار بينهم معقولة ملامسها ماباسها مامسمعها كلام حلو ..يمكن غلطت من انطيت فرصة ....كلمااسمع لرجال خاين ارجع اشوف بس اغلاطه وانسى حبه اليحب مايخوووون ...

اندك الباب وبعدني ابجي ...فاتو أدهم وفهد وراه...انطيتهم ظهري ...فهد حضني من ظهري وباس رأسي

_ تتوقعين اخوج فهد العاش وكبر وياج يخون لو يغدر ...

_ لعد ليش طردت فرح

_ هالابنيه وراها سالفة...

عكدت حواجبي ودرت عليهم

_شنو

_ بعدني ماادري ....هي متدري آني البارحة دزيت ابلاغ لرجلها....وكالولي مسافر جا شلون بالليل متهجم عليها...الصبح رجعت سئلت كالو مسافر كلت احتمال جذب بس استفسرت تعرفين شطلع

_ شنوو ....

_مختفي من جم يوم...

_ شنوو ...وينه ...وماجان يجي للمحكمة 

بس أول جلسة أجا ...هاي صار جلستين محامي مالته يأجل بحجة مريض ومسافر للعلاج...دورت ماكو سئلتها تكول جذاب حتى ماينطيني المؤخر والنفقة....أعرف تجذب أريد اوصل وياها لنهاية الجذب...والبارحة ادري كسرت بفرح ...بس آني بالي مشغول بالتريده هالمره.. وهي ضغطت عليه اكثر وطلعت مني هالكلمة ...آني اريدها هنا كدام عيني حتى أكدر اوصل للحقيقة الضامتها شيماء...

_ برايي حاجي فرح...

_ لا عوفيها ...انتي بس حاولي تقنعيها..تاخذ ضياء اخاف عليه ..

_ تمام ...العصر حروحلها....

ماقبلت تكعد ويانه اخذتلها صينية ...كاعدة بغرفتي...باوعتلها باستحقار...وطلعت

العصر اخذت ضيو ورحنالها....

شفتها نفس فرح الاجتنا أول مرة...

_ فروحه...ماتردين ضيو

_ باوعتله ورجعت باوعتلي ...مومالتي

_ لعد المن

_ مال اخوج....مو يريد يلزمني من ايدي التوجعني وهددني بي ...هذا هو خلي يحير بي

_ الطفل يحتاج الام اكثر فروحه.

_ تعبانة براء مااكدر أدير بالي عليه....كلبي يوجعني

دمعت وردت احجيلها بس خفت أخرب خطة فهد.   

_ فرح شكد تثقين بفهد

_ اشرت على روحها ..آني بروووحي مااثق براء...

تقربت وكعدت بصفها ...حضنتها

_ احجيلي الي بداخلج..واعتبريني اختج....

_ شهكت وبجت....ماانكر تعبه وياي لحد ماصرتت انسانة ثانية...بس أنا اعتبرته ابويه واخويه وكل شي...من يوم الصرت هالفرح...ماخليته يضوج مني بكلمة ...بتصرف...وهيج يجازيني يكسرني كدام حبيبته السابقة...

_ لحظه ...يعني هاي نفسها حبيبته العافته

_ اي ...عافته وهسه رجعلها...

_ انتي غبية...

_انا

_ اي ..تعرفين شسويت بمروان من عرفت متزوج...مو عاد انتي بس جايته دخيله

المفروض تحاربين حتى تطلعينه من حياته وبعدين تربيه..واذا ماكدرتي تنفصلين....

_ شعجب مانفصلتي عن مروان

_ اخذت نفس ...اتحمل نتيجة غلطي

_ مافهمت

_ آني المفروض من عرفت الصوج منه ابلغه....مو اسويله اختبار واخرب حياتنا وآني متأكدة تزوج بس حتى ينطيني ابنه

_ لان اسبوع وياها ماكدر يأخذها

_ وشدراج مااخذها

_ برأيج وحده مثل سوسن لو متقربلها ماجانت كالتلي وحركت كلبي...وبعدين من صارت الشغلة عشائرية مروان كال رجعتها مثل مااخذتها . ومبين تاكدو سكتو منا

_ الله يساعدج .

_ هسه ها ترجعين وياي

_ عوفيني ارتاح جم يوم وآنا ابلغج بالاريده

_ معناها حاخذه وياي لبيتي ...تقبلين

_براحتج ..ديري بالج عليه...

اخذته ورجعت لبيتي..ضاف لحياتنا لون حلو اثنينا متونسين بي . لحد تقريبا اسبوعين ونحلت سالفتهم والصدمني بشيماء...ورجع ضياء لاهله...بيومها كضيتها بجي ...لان راح ارجع لسواد حياتي ..

ثالث يوم كعد مروان كدامي

_ تجين وياي باجر أروح للدكتور...

_ ابتسمت تمام..

_ بروئه مراح تعوفيني...

لزمت ايدي

_ ماانكر مرات من أسمع عن خيانة كبل أتذكر السويته...بس أحبك...ومااكدر بدونك...

جرني لحضنه

_ صدكيني فراكنا يعني مووتي

_احبك مرمر

_ اوووويلي شمشتاك لمرمر

اتفاجأت بيوم بجية رفل زوجة شاهين....ووياها عمة ...

_ كعدنا نسولف وتحجيلي الصار وبالحفلة ....حجت رفل..

_ بروئه تشوفيني غرفتج

استغربت ...

_ أكيد كلبي....

_ شعجب متحمسة تشوفيها

_ هيج عمه بس ردت اشوفها

شوفتها الغرفة فجأة صار تكح..

بسرعة جبتلها الماي عمه فاتت للحمام ..

رجعت بعدها تكح...شربتها...هدئت...

_ حلو بيتج

_تسلمين كلبي من ذوقج

قبل لايطلعون كالت

_ اسفة ...

عكدت حواجبي 

_ على شنو 

_ خاف بيوم اذيتج 

_ ابتسمت ....لايمعودة أصلا وين أشوفج

راحت وهي تباوعلي مدمعة

انعزمنا ببيت عمو هادي... 

رفل من تشوفني تنزل راسها استغربت ...ماعندي شي وياها نظراتها مال وحدة منحرجة خجلانة

شفت وجه رنا منطفي مبين حزينة من ملامحها تقربت منها 

_ رناوي شبيج....

حضنتني وهي تبجي

_ اسم الله رنا شبيج ليش هالبجي

_ راح ينخرب بيتي براء

_ يمه ليش ....

_ رضوان بعد هالسنين يشك بحبي إله

_ مافهمت شلون

_ من يوم الاجا أدهم وحجه وكأل جنت مجبور اعوف بنت عمي...وأنا الله يسعد بجيت مقهورة عليه وعلى ابنه...وهو فهم دموعي على أدهم....من يومها معيشني بجحيم لايحجي وياي ولايحسب أكو مرة عايشه ويله

شسوي براء .....لأبيه احجي لاهلي واكبرها على مود اطفالي ...ولابيه اسكت وأنا أشوفه يتهمني هيج اتهام ... 

_ و الله ماادري ماتوقعت رضوان هيج يفكر

_ تعبت حيل براء...

_ الله يساعدج ...المفروض انتي زوجته سنين ويعرف شلون تفكيرج وكلبج شيحس

_ أنا هم هيج جنت احس ...بس تالي طلعت غلطانة حيل ....فاتت وراها

_ أدهم ومروان تقربو مني ....

_ هالفترة ماكو تطلعين وحدج

_ ياستار شصاير 

_ سعدون منهزم...

_ يمه ...شلون ...

_ماادري ...

طلع شاهين اندارله مروان

_ آخر واحد شاف سعدون هو أنت...أشر لشاهين...شجنت رايد منه

عكد أدهم حواجبه

_ شلون كدر يزوره

_ مبين الأخ أيده طايله

_ شغلة تخصني متخصكم...

_ عرفت قصده على المرحومة 

_ وبعدين شقصدك من هالتحقيق

_ قصدي شحجيتوو...

_ شي ميخصصك...

اشرلي مروان نروح

ردت اطلع قاطعني

_ شنو ماتسلمين بنت العم

_ باوعتله ببرود....مو من فتت سلمت 

_ ممم....اي مروان كالو سوسن راح تتزوج

_ الله يسعدها ....

_ و الله لليوم مااصدك ...شلون بدلت براء بوحدة مثل سوسن

_ براء ماابدلها بالدنيا كلها...غلطة وماتتكرر

_ اليتعلم مايتوب

_ حجه أدهم بضوجة .. شبيك شاهين ...هالشي يخص مروان وبراء

_ طبعا ادافعله ...بالنهاية أنت الجنت شاهد وأريد تكسرها بسبب امك الك.  

فتحت عيوني مصدومة

_ صحت بي شبببببيك انت شلون هيج تحاااجيه

_ لوما امه الك...جان صارت حبيبتي الي

_ ماهتميت يلا مروان خلي نروح

_ طلعنا وأدهم اعتذر من مروان

وصلنا واشوف كدام باب البيت شي مرشوش

استغربت وبنفس الوكت مهتميت ...

أول مافتنا وراها بربع ساعة حسيت رأسي حيطك.....

شربت علاج ونمت ومروان يفرك براسي... 

كعدت عيوني مغوشة ...

استمرت جيات رفل ...وصرنا صديقات بس مدري ليش دوم عيونها مدمعة حزينة....كلما تجي جايبه حلويات لو عصير شكل...  

تعودت على وجودها.....واستغربت شاهين يجيبها ويذبها بالباب

نمت وحلمت بشاهين بحلم كولش سخيف. فزيت وانقهرت حيل لان حلمت بي ...درت وجهي واشوف شخص اسود باسود عبالك وحش نايم بصفي .. عطت عيطة فز واني فزيت وياه راد يتقرب مني عطت 

_ لاتتقرب مني امووووتتتك

_ براء شبيج هذا أنا مروان شغل الضوه ..شفته يباوعلي بخوف .....ماحسيت بعد بشي ....

"""""::::::؛؛؛؛؛:''''''''''

أدهم 

دورت ورا رجل شيماء اسمه جليل. ....لحد مادريت مختفي صار اسبوعين جا شلون متهجم عليها ....رحت لمكان دوامه ...استغربت من صديقه كال زوجته مخابرته يلتقون حتى يوصلون لقرار

_ مفهمت شون يعني خويه...هو مو بينهم مشاكل

_ و الله خويه ماضم عنك مرته جم مرة شايفها مو راحة بس جليل الله يهديه جان يعشقها ومن طلبت الطلاك جان يجي يمي يبجي 

_ يعني ماجان يأذيها

_ يااذيه خويه....أكولك الا شويه يعبدها ....وزادت مشاكلهم من خسر فلوسه بمشروع مال ملابس بالكوه لكيتله وظيفة هنا والظاهر الفلوس ماجان يكفي الخاتون وعافته

_ وأنت شدراك بكل هالسوالف

_ أني صديقة وابن خالته وهو حجالي

_ اممم تمام ..وماسئلت عنه

_ ورا يوم لقائهم خابرته هوايه دزلي رسالة شيماء طلبت مني الطلاك وآني طلعت ويه اصدقائي اخذلي إجازة

_ متأكد خويه...زين صار اسبوعين ماخفت عليه

_ لا لان قبل هم جان يسافر ويه زوجته يغيبون أسابيع...

_ اي بس هسه وحده

_ شسامع خويه 

_ آني محامي المدام

_ لعد ليش جاي تسال عن جليل

_ لان زوجته تكول تهجم عليه من اسبوع ونص تقريبا

_ شنو هالحجي تهجم شنو

_ وأنا داسال على هالشي

_ والله مااعرف شي عن هالموضوع خوية ...

_ زين تكدر تقدم بلاغ .....خاف صاير بي 

_ و الله شو انخمش كلبي ...تمام راح أروح ورا الدوام

_ إذا تريد أجي ...

_ بكيفك خوية ...

_ طلعنا ورا موعد دوامه ...بلغنا عن اختفائه 

_ ثالث يوم البلاغ .... خابرني ابن خالته 

_ خوية رجع جليل 

_ اها ووينه هسه

_ طلع مسوي حادث باربيل 

_ تمام..

كعدت وشيماء كدامي

_ قبل اسبوعين ..اجيتي وكلتي جليل تهجم عليه وادور واشوف أصلا جليل من قبل الحادث بجم يوم مختفي 

صوفر وجهها

_ اريييد الحقيققققة شيماء

_ صصدككني ججذذاب ...هو 

_ شيماأء ترى أنا مو أستاذ دارا ولااستاذ محمد النصبتي عليه انتي ورجلج.....

_ فتحت عيونها مصدومة

_ ردتي تجريني لفراشج وتهددوني انتي ورجلج بفضيحتي مووو عبالج أنا غبي مثل دارا ومحمد... 

_ شدتحجي فهد....

_ كل الإدلة عنج وعن رجلج الدي..ث يمي أريد من الله اشوفكم بهالمحافظة إذا ماشتكيت ماتسمى فهد ضيااء

_ لا لا فهد دخيلك ...صح ردت انصب بس رديت حبيتك مثل قبل

باوعتلها باستهزاء

_ الج ربع ساعة تولين منا 

ضحكت ضحكة عالية 

_ ججج أستاذ فهد ...أنت جنت تدور وراي وتحصن روحك مني ...بس عفت اخوانك..تقربت وهمست باذني ..نسيت اخوك الحليووو أياد...تحب تشوف الصور .....

فتحت عيوني مصدوم ..

شكرا لزيارتكم عالم روايات سكيرهوم