رواية فصل العشاير الفصل التاسع عشر بقلم الاء حميد
هيل:قابل شسويت هو هم لخطبة منه ابنج
ام راشد:غير ك.... تالي وكت يطلعن ع حسنه والله لو ما ياسر فرحان جان نغصة عيشتج بنت نهيله
هيل:اكلج انتي شنو قصدتج وياي اله اطيرين الفرحه
راشد:السانج لا اكصه
هيل:باوع عليه ولا معبرني يربي شبي /بابا
راشد:طالع بشغله اليله مااجي
ام راشد:يمه وين رايح الدنيا اليل وخطر
راشد:عفت امي وطلعت احس روحي نايه ومالي واهس بدنيا هيلتي وتربات ايدي صارت الاخوي جا لو ادري هيج الحب فلا حب وكلبي اليدك الوحده اشلع وذبه هيج تاليتك يراشد تعب سنين راح الغيرك استغفرالله يارب ضاكت فرجها عليه
الابو:شبيك جنك طير مذبوح ومايعرف يروح وين
راشد:جريت جكارة:مابيه شي ياسر وينه
الابو:ياسر راح يبات بيت صاحبه
راشد:زين يسوي
الابو:حجيلي شبيك شمضايكك
راشد:مادري بوية بس غصبه بكلبي خانكتني
الابو:تهون ابو هيل يكلك مدعوم
راشد:يمته دريت
الابو:سمعت من حمزه وابو جعفر كالو حالته خطره ونوب هو بي كنكري
راشد:الحمدالله وشكر راية العباس عثرته من طعن بشرف نهله
الابو:ونعم بالله شوف بعدك ماعرفت شي هاي القليل مرض كنكري ودعمه الله يعلم شبعد يصير بي ظلموها وظلمو بنتها هل مسكينه
راشد:انه طالع رايد شي
الابو:لابوية وين طالع
راشد:لشط شتم هوى
الابو:روح بوية ديربالك ع روحك
هيل:حوراء:شفتي مايباوع بوجهي هسه شمسويه اني
حوراء:انجبي وكعدي خل تحفج مريم وسويتي شوية شكلك رفضته ورادت اخو همزين محد غريب بديوان من دخل لمسودن ياسر
هيل:حتى مالي خلك
مريم:ولج اشو تعاي اظل اشاكف جني وحده مسودنه ثبتي ياااا سوادين
هيل:تحف بيه مريم وانه بالي صار يم راشد مادري بس حسيت مشتاقتله وبالي مو يم ياسر ابد
حوراء:يمه ولج هاي كيمرنه يمه باجر ينجط ياسر
الام:العوبه عوبه شماتخلي وينه حلاتها
هيل:عمه فدوه لاتنغصينه
الام:اي يحسنه تالي وكتج زعطوطه ترد عليج خل اجسح احسلي
مريم:ولجن شبيها
حوراء:معليجن هاي سوالف العمات يغارن هههههههه
هيل:امداه حظي خل اروح انام
رحت نمت بس كلبي مقبوض مادري ليش نمت وكعدت صبح نفس الحاله رحت لصالون واني نفس الشي راشد ع طول ماشفته شكد جنت مشتاقتله واريده وياي بهل يوم هو بالنسبه الي امي وابوي واهلي صار الحفله واني كاعده بس باوع بلوجهوه وعيني ع الباب اكول هسه يدخل ويا ياسر طب ياسر وادعي بكلبي هو ويا بس ماكو صارت غصبه بلعومي بودي ابجي واكلهم جيبو اله هو يجي بس ماكو
ياسر:طول اليوم جنت فرحان وكل ساعه اركص ويكولوي اثكل بس مابيدي ادور ع اخوي حزام ظهري راشد بس ماكو عجيب ويانه فص ملح وذاب جاي صعد ادور عليه وصاحولي تعال رحت ولكيت هيلتي يمه طلعه كمر وكيك ممصدك صارت الي
راشد:سلمت ع المعازيم وطلعت كبل لشط مجاني(مكاني) الوحيد البي هدوء وشرد من الناس بي صفنت ع الشط وهنا ربيتج وهنا نيمتج وهنا لعبتي يهيلتي تاليتج الاخوي ياهيله تعبي صار الاخوي ياربي ضاكت فرجها اللهم اشرح لي صدري ويسر امري اللهم يسر ولاتعسر ياللهي مخونك وبس انت تدري بغصتي ظليت لل٢ ادخن واريد حركة صدري تروح لابيه اندم ولا بيه انسه رجعت للبيت الساعه ب٣ الفجر فتحت الباب وهيله بوجهي مبين باجية ماسلمت اجيت ادخل كبل صارت جدامي
هيل:ظليت اليل كله انتظر وخفت لاصار عليه شي مو من عوايده يتاخر حده ل١٢ بجيت لحد مااجه رد يمشي وصرت كباله /بابا
راشد:اشششش سكتي هيل سكتي
هيل:عافني وطب وكمت اكل بروحي شبي وياي ردت اكله زعلت عليك لان ردت موجود مو انت ابوي بس عافني وووف
ياسر:شعدج كاعده لسه هيله
هيل:جنت منتظره ابوي
ياسر:اجه لو بعده
هيل ماتحملت نفجرت بجي:اجه ومايحاجيني حتى مايباوع بوجهي
ياسر:اششش حبيبي لاتبجين اكيد ظايج ميخالف يله روحي نامي يعمري ع شنو البجي تدرين دموع غاليه باجر تلكينه يحجي ويضحك وياج
هيل:هزيت راسي:اي
ظل وياي راشد نفس عامله اكل بروحي وحرك بيه من ميحاجيني تجي حالات ادك ع وجهي وبجي اريد بس كلمه منه وهو كان ماموجوده يمه حيل نقهر من يسوي هيج
تحدد يوم عرسنه ماطولت خطوبتنه بامر من ابو راشد لان ميصير اثنينه بيت وناس تحجي جان كلشي جاهز واصلن كلشي تحظر بيوم واحد
ام راشد:يلمعزيه سمعتي بصار بابوج
هيل:يابو
ام راشد:ابوج كريم وانتي حظرتج اليله حنتج وفرحانه وتكمزين
هيل:عسا بلهلاك
الام:اي فرحي ناكصة الاصول
حوراء:عمه شلج بهل حجي هو كريم عار ع السلف عسا كون كص رجله الثانيه
هيل:ليش هو شبي
حوراء:كريمو صار بي كنكري ونوب اندعم وكصو رجله ونوب حترك مضيفه وهذه البستان وحترك هم والله ريت العباس تعثر حتلو بعد ميت سنه دخيلك يابو فاظل
هيل:ابوي كصو رجله
حوراء:اي جا شنهي كتلج توه امه هذه سكر طبك عليها وعمي عيونها بعد عيوني يابو فاضل ماكصرت وعمج صارله شهر متوقف بمركز جايبله جلب مسعور وعاظله واحد ورايح مشتكي عليه كاتلين اجلب وهو موقفينه
هيل:هاي شوكت ولج وانه مادري
ام راشد:هو انتي كاظيتها نواعي مادري عليمن وابوج راشد كال لاتكولها لاتنكسر فرحتها
هيل:خطية حتلو سوو هيج مايستاهلون الله يهديهم
حوراء:خايبه غسل
هيل:شبيج
حوراء:ولج كتلو امج وخلوج بشريعه وظيم يحالج والله قليل بحقهم كون يظلون متعلعين دومهم
هيل:استغفرالله
عفتهن يحجن وطبيت للمطبخ حيل نقهرت عليهم صح اذونه بس مادري ليش باوعت راشد صار كبالي سلمت ومارد السلام حيل صارت بخاطري باجر عرسي وهو ميحاجيني فرحتي انطفت من شوفه هيج يعاملني رجعت الغرفتي قفلت الباب ونمت كعدت ع دكت الباب ب٧ العصر
حوراء:ولج خايبه متي فتحي الباب
مريم:انه مشايفه عروس واليله حنتها نايمه مسودنه
هيله:فتحت الباب ولجن والله مالي اريد انام
حوراء:يمته يصير عندج خل ولج
هيل:منو جو بس لانسوان
حوراء:لا وين اكو نسوان البومه عمتي كالت ممنوع تعزمن واحد
هيل:بعد احسن يله طلعن نعسانه/عافني وطلعن رجعت نمت
كعدت ع صوت تلفون
ياسر:صباح الحلاوه يكيكتي يالله رايد نشاط كومي
هيل:هلا يروحي شكد ساعه هسه
ياسر:ب٨ وانت لسه نايمه ولج طردوني من البيت هههههه
هيل:هههههه وشسوي بلبيت
ياسر:غير اظوك الهيل
هيل:نننننن هههههه ديربالك ع روحك
ياسر:يامر الهيل مالتي
هيل:غسلت والبست جبه طلعت حيل جنت فرحانه ومنو يشوفي يسلم عليه الحمدالله محد كالب وجها غير ام راشد
طلعنه اني وحوراء ومريم
هيل:اكلجن منو ياخذنه الصالون
حوراء:هسه يجي راشد هو كال
هيل:التفتت يمشي صوبنه ومبتسم اني بتسمت وسلمت تفاجئة من رد السلام
راشد:يله خل اوصلجن عندي شغل
هيل:باوع عليه عيونه ذبلانه وبتسامة ممفاركه وجهه رتاحيت من شفته يبتسم جنت مركزه عليه هواي وعبالك اول مره اشوفه صافنه عليه وكلبي اردد كلمة شكرا راشد وكطعة صفنتي مريم كالت يالله
وصلنه ورحت ظلت عيني وره سيارته ياربي حظه من كل شر
كملة وتصلت حوراء ع راشد
ياسر:هههههه ولجن جايجن وين ماخذات مرتي وانه ادور عليها صارلي ساعه
حوراء:ولك اثكل شبيك خل يجي واحد وياك يسوق لاتكلبنه
ياسر:وياي راشد هسه نوصل مو ظلن سحولن
حوراء:خايب جنك مسودن
مريم:يله يعيوني رويشد وياسر بطريق
هيل:خوش لعد طلعي شوفيهم
حوراء:هاي السياره هل اجت يله
هيل:بودي اطلع اركص بشارع من فرحتي يمه حلم عمري والبست البدله وفوك كل هذه زوج يحبني واحبه رفعت عيني شوفه واكف بصف راشد فتح باب السيارة
راشد:غصه بكلبي مكايلها لحد ماردت واحد ينتبه علية ويكول ضعفت علمود مراه وماكسرت بخاطر اخوي وانه شوفه فرحان وضحك ع ضحكته وصلنه انه ويا شوفه ترفع عينها وترجع الدنك وصلنه للبيت
هيل:جنت فرحانه حيل وياسر كل ساع يهمس بذاني احبج وصلنه للبيت وصار لمي حترك الجو اجيت ابجي عبالي عركه بس طلعت هاي عاده محد يبطلها لازم رمي بلموضوع
صار اليل كالو يله حيزفونكم جاي اكوم وطب راشد ظليت صافنه بوجه حيل خفت جر راسي وباسني بكصتي وهمس/زفيتج وسويتلج عرس تسولف بي اسلف وخليتلج زلمنه تهلهتج تعب سنيني يهيله مبروك يبوية
هيل:ظليت صافنه بوجه احس جاي يرزلني بنزاكه سحبتني حوراء للغرفه حس كياني تخبربط مادري شبيه
ياسر:صار العصر وكل ساعه اطب الابوي اكله زفني
ابو راشد:ولك ستجن شبيك مسودن عيب
ياسر:بويه لو ادري هيج ماخذها لزياره مخلصين سالفه كربلاء جاين خرب حظي بويه نشوية زفوني
راشد:شبيك ولك
ياسر:زفوني
راشد:هههههههه تدلل يله شباب
ياسر:صارت الساعه ب١٠ وزفوني يابويه
هيل:ولج حوراء ظلي يمي وين رايحه
حوراء:ولج نجبي شنهي اظل يمج ماجنه ياسر ابو الشجر ونخل ههههههه كعدي كعدي
هيل:انه اعلمج
ياسر:ولج حوراءء لازم تخربين علينه الحظه
حوراء:ههههه لا خوية طالعه مبروك
ياسر:وانه اكول ريحة الغرفه هيل اثاري الهيل كله هنا
هيل:جنت خايفه كلش ولا جنه ياسر العرفه /ياسر خايفه
ياسر:بدلي وتعاي خل نصلي ونتعشه والله كريم
هيل:هزيت راسي:اي فتح السحاب
ياسر:تقربت يمها وانه دايخ وهاي تكلي فتح السحاب ونسيت الصلاة والعشة وحوطتها بيدي :شرايج نعوف العشه وسوالف مشتاقلج
هيل:جدمت بمكاني سحابني اله
راشد:نزفو ونطبك عليهم الباب هاي هيه هنا وماتت احلامي وامنياتي ويا هيلتي الله يسعدج يابوية ب١٢ بليل والكل طش صافن وجكاره بيدي
ابو راشد:شفت ابني صافن ادري تحز بخاطره وتعبه راح بس هي قسمة وصارت/صافن يابو اسد
راشد:الله يساعدك بوية شو بعدك منايم
ابو راشد:شفتك واجيت شونك بوية
راشد:هذه حالي شوفت عيونك
ابو راشد:ذكر ربك صارت مرت اخوك
راشد:هزيت راسي:اي احلامي بيها
ابو راشد:كوم ونعل الشيطان ربك يعوضك
راشد:بوية فرشلي اليوم اريد تفرشلي من ايدك
ابو راشد:عيوني الك ابشر /فرشتله
راشد:فرشلي ابوي ونمت ظهري غطاني طلعت ورقه من جيبي وخليتها بيد ابوي /ديربالك ع هيله اخاف يصيرلي شي
ابو:شنهي بوية جنك تودع شنهاي الحركات كوم شو كعد حاجيني
راشد:بوية
ابو راشد:هاي يبعد ابوك
راشد:دور راسي ع جبله (قبله)
الابو:ولك تسودنت خل صيح الامك
راشد:دور راسي بوية وصحلي امي
الابو:دارت راسه وصحت الحسنه
ام راشد:شنهي يرويشد شمالك يمه
راشد: عينج ع هيله ديربالج عليها
ام راشد:نعل شيطانك كايمه اجيبلك اميه
ابو راشد :كامت امه اجيب ماي وشوفه سبل اديه ورجليه غمض واتغمضه تغمضه :بوية رويشد
الام:شبي
الابو:ولك راشد بوية مو توه تحجي تقشمر علينه
الام:ولك مايتحرك ولك يمه راشددد
هيل:نايمه وغاطه بلعسل وسمع صريخ ام راشد ياسر طفر من مكانه
ياسر:هاي امي صرخ
هيل:نزلنه انه وياسر رجليه كوه شلني
ام راشد:ولك ييييمه لحكوني
ياسر:شبيج يمه
ام راشد:يافرحتي الماتمت ولك اخوك راح سبل اديه ورجليه ولا جنه جان يحج ويانه
هيل:حس واحد طكني ع راسي يعني شنو يعني ابوي وسندي عافني كمت اصرخ عليها:جذابه مابي شي انتي ماترديني افرح جذابه ركضت مثل المخبله للديوانيه شوف ابو يهز بي ويكله وكعد يعني انتهت قصتي يعني راح التعب عليه سنين وكبرني جازيته وزوجت اخو عافني هاي هي مشوف ضحكت وعصبيته وغيرته عليه مو هيج ردت تروح مني مو هيج كعدت بلكاع باوع وابو مخلي بحظنه ويبجي
هنا نتهت قصتي من توفة قطعه من كلبي تعبرت قصتي وحياتي انتهت سندي واهلي جان
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
