 |
رواية عشقت كبريائي فهد ومليكة الجزء الثاني (عناد الحب والكبرياء) الفصل العشرون بقلم دودو محمد
اشرقت شمس صباح يوم جديد بنورها الساطع فى سماء الاسكندريه
لتبدء مها بفتح عيونها بصت جنبها ملاقتش اسر قامت من على السرير ودخلت الحمام اخدت شاور واتوضت وخرجت لبست هدومها وأدت فرضها
وفى الوقت ده دخل عليها اسر ومعاه تيلا
مها :- اول ما شافت تيلا فتحت ليها حضنها وقالت حبيبت خالتو واحشتينى
تيلا :- وانتى يا خالتو واحشتينى خالص
اسر :- ايه رأيك فى المفاجئه دى قولت اروح اجبها على ما تصحى من النوم
مها :- احلى مفاجئه والله وبستها فى خدها وقالت يوسف عرف أن توته جت
اسر :- لاء لسه جبتها عندك علطول
تيلا :- هروح انا اصحيه
مها :- روحى يا حبيبتى
وخرجت تيلا من الاوضه راحت على اوضت يوسف وفتحت الباب براحه ودخلت عليه وراحت عنده وقالت
تيلا :- يوسف يويو اصحه يلا
يوسف :- امممم هنام شويه
تيلا :- اصحه يلا يا يوسف علشان تلعب معايه
يوسف :- حقق فى الصوت وعرف أن هو صوت تيلا قام بسرعه وقال ايه ده توته جيتى امته
تيلا :- عمو اسر لسه جيبنى
يوسف :- والله الراجل ده مفيش منه برنس فى نفسه كده
تيلا :- عمو اسر ده عسل انا بحبه اوى
يوسف :- عيب متقوليش كده ده راجل غريب
تيلا :- بس عمو اسر زى بابا
يوسف :- برضه متقوليش عليه كده
وفى الوقت ده دخل اسر وهو مش قادر يمسك نفسه من الضحك وقال
اسر :- انت بتغير على توته منى يا ابن العبيطه
يوسف :- ايه ل.ل لا طبعآ بس مش انت بتقول مينفعش البنت تقول على اى راجل كده
اسر :- اى راجل مش ابوها يا بأف
تيلا :- ما انا قولتله كده والله يا عمو
اسر :- قلب وروح عمو انتى يا توته
يوسف :- بزعل خلاص خدها دلعها بره اوضى انا عايز انام
اسر :- ههههههههههه تنام ايه قوم علشان مدرستك
يوسف :- انا تعبان ومش هقدر اروح المدرسه النهارده
اسر :- وحياة امك قوم يلا
يوسف :- هوف بقى طيب روحو وانا جاى وراكم
اسر :- أنجز فى السريع
يوسف :- حاضر حاضر
اسر :- يلا توته نستنا تحت
تيلا :- يلا يا عمو
اسر :- بص ليوسف وغمز ليه ونزل هو وتيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شرم
فى اوضت فارس وجومانه
جومانه فتحت عينيها وبصت على الكنبه ملاقتش فارس قامت دخلت الحمام اخدت شاور واتوضت وخرجت لبست هدومها وأدت فرضها وفتحت باب الاوضه ونزلت دورت على فارس لاقته وقف مع نازلى وبيتكلم معاها وبيضحك اتغاظت وراحت عندهم
فارس :- صباح الخير ايه النوم ده كله
جومانه :- بغيظ والله تلاقيك كنت مستريح منى
فارس :- الصراحه اوى كنت مستريح منك اوى
جومانه :- كده يا فارس ماشى ولسه هتمشى سمعت فارس بيقول لنازلى
فارس :- اهى صحيت اهى يلا بينا على الاوضه بتاعتى
جومانه :- اتصدمت لما سمعت كده ووقفت مكانها
نازلى :- ياريت احسن الشمس جامده اوى
جومانه :- بصت لفارس وقالت اوضت مين يا خويه
فارس :- اوضى
جومانه :- بغيظ لاء يا روح النونه دى اوضى واوضك يعنى لينا احنا الاتنين
فارس :- عادى ايه المشكله يعنى
جومانه :- ا.ا المشكله ان م.م.مش بحب حد يدخل اوضى
فارس :- وانا عكسك بحب اى حد يدخل اوضى وخصوصآ لو واحده زى القمر كده وغمز لنازلى
جومانه :- بغيظ مش بحب حد يشوف حاجتى وهدومى وانا سايبه الشنطه مفتوحه فوق والاوضه مكركبه
فارس :- عادى نازلى مش غريبه ولو حابه تطلعى انتى ترتبى الاوضه واحنا فيها مفيش مشكله
نازلى :- يلا يا فارس وبصت لجومانه وقالت انا زعلانه منك كده تشوفينى ومتسلميش عليا
جومانه :- بغيظ اوه سورى مأخدش بالى
فارس :- مسك ايد نازلى وطلع الاوضه
جومانه :- طلعت تجرى وراهم
فارس ونازلى دخلو وقعدو على الكنبه
جومانه :- وقفت ليهم وربعت ايديها على صدرها
فارس :- بأستفزاز انتى هتفضلى واقفه كده كتير
جومانه :- يعنى هروح فين مفيش مكان غير هنا
فارس :- ولا تزعلى هنسيب ليكى المكان ونطلع نقعد فى الفرانده ومسك ايد نازلى وطلع الفرانده وقعد فيها هو نازلى
جومانه :- وقفت وراه الازاز تبص عليهم وهى متغاظه وقالت لالالا كده كتير هى من قلة رجالة امريكا جايه تاخد الراجل اللى حلتى وبعدين فين لبسها دى ده الله يكون فى عون فارس اللى مستحمل يقعد جنبها وهى بالمنظر ده ده انا لو كنت راجل مكانه كنت قطعت البت بوس لالاااااا كويس أن هو ماسك نفسه لكن خايفه عليه ينهار وبعدين شافت نازلى بتقرب لفارس اكتر قالت ينهار اسود ومنيل ده الراجل هينهار الله يحرقك اعمل ايه اعمل ايه وادارى فخادها دى عن عيون الراجل ازاى وبعدين هى لازقه فيه كده ليه وبيقولو ايه لالالا انا خلاص هموت هتشل يالهههههوى على اللى بيحصلك يا جومانه وقعدت تاكل فى ضوافرها وجت ليها فكره دخلت تجرى جابت ميه وطلعت ليهم
عند فارس ونازلى
فارس :- هههههههه شوفتى كانت هتموت ازاى
نازلى :- حرام عليك والله البت بتحبك وبتغير عليك
فارس :- عايز اتوبها علشان تعترف وتقول حقى برقبتى ومتعندش كتير قربى بس انتى عليا دى واقفه متابعنا وهتموت
نازلى :- قربت منه وحطت ايديها على كتفه
فارس :- ههههههههههه دى حرارتها عدت الاربعين بمراحل دى بطلع نار من كل حته
نازلى :- طيب كفايه عليها كده
فارس :- لالالا استنى بس شويه ايه ده
نازلى :- ايه
فارس :- دى راحت فين دى
نازلى :- يمكن زهقت دخلت تقعد وفى الوقت ده دخلت جومانه بكوباية مايه
جومانه :- خدى
فارس :- ايه ده
جومانه :- مايه زى ما انت شايف
نازلى :- بس انا مش عايزه اشرب
جومانه :- لالالا اشربى بس الجو حر واكيد جسمك محتاج مايه بدل ما يقشف ويشقق من الجفاف
نازلى :- اخدتها منها وقالت شكرآ
جومانه :- وقفت تبص ليهم
فارس :- ايه وقفه ليه ما تروحى انتى بقى
جومانه :- اه خلاص امشى يعنى
فارس :- انتى شايفه ايه
جومانه :- وهى ماشيه بضهرها وبتبص عليهم قالت اه ماشى انا خارجه اهو ها انا طلعه اهو هسيبكم براحتكم ومره واحده اتخبطت فى الازاز قالت اااااااه يا نفوخى
فارس :- احسن محدش قالك امشى بضهرك
جومانه :- اتغاظت ودخلت من الفرانده وهى حطه ايديها على راسها مكان الخبطه وقعدت تراقبهم تانى
عند فارس ونازلى
فارس :- هههههههههه يا لهههههوى على كده
نازلى :- والله موت البت دى على ايدك
فارس :- احسن خليها دى انا شوفت على ايديها ايام سوده
وفى الوقت ده دخلت جومانه وفى ايديها ملايه
فارس :- ايه ده بتعملى ايه
جومانه :- وهى بتغطى رجل نازلى بحميها من إشاعة الشمس حرام رجليها دى تتحرق من الشمس
نازلى :- شلتها وقالت لاء طبعآ دى إشاعة الشمس مفيده جدآ للعظام
جومانه :- ها ا.ا الحق عليا ا.ا.ان انا خايفه على بشرتك وقالت فى سرها اللهى يتكسر عضمك يا بعيده
نازلى :- ميرسى يا جومانه ووقفت وقالت هروح انا يا فارس علشان لسه قدامى كتير اوى لتجهيز الحفله بليل ومتنساش هات كل اللى معاك بليل وبسته فى خده ومشيت
جومانه:- كانت جمرت نار من اللى بيحصل
فارس :- مالك وقفه كده ومبلمه
جومانه :- ها ولا حاجه حفلة ايه دى
فارس :- دى نازلى وشلتها عاملين بارتى بليل علشان خلاص مسافرين تانى امريكا وقالت ليا اجبكم معايه بس لو انتى مش عايزه تروحى براحتك
جومانه :- طيب وانت
فارس :- هروح طبعآ
جومانه :- وكل اللى معانا رايحين
فارس :- لسه مقولتش ليهم بس اكيد هيروحو
جومانه :- ماشى وانا جايه معاكم
فارس :- براحتك وسابها وفتح الباب
جومانه:- رايح فين
فارس :- هنزل اتمشى شويه
جومانه :- استنا هاجى معاك
فارس :- طيب ايه مفيش عندك تحضرات للحفله بليل ولا حاجه
جومانه :- يا عم مدقش هى هدمه هحطها على جسمى وخلاص
فارس :- وبتزعلى لما بقولك برعى فين بقى شغل البنات اللى بنسمع عنه متعرفيش عنه حاجه
جومانه :- لاء انا كده عجبنى
فارس :- ليه ياربى وقعتنى فى برعى موقعتيش فى واحده شبه نازلى كده
جومانه :- جرحها كلام فارس وقالت بعصبيه اهى عندك اهى روح اشبع بيها ايكش تولعو انتو الاتنين وسابته ومشيت
فارس :- بص عليها لحد ما اختفت وضحك على طريقتها ونزل وراها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت فهد ومليكه
مليكه :- فتحت عينيها وهى فى حضن فهد وبصت ليه شويه وبعدين عملت نفسها متعصبه وقالت انت قوم ازاى تنام جنبى كده ولا كأنك عامل معايه حاجه ولا مزعلنى
فهد :- فتح عينه وقال طيب اعملى الاول شبه الناس وقولى صباح الخير مش كفايه الطريقه اللى صحتينى بيها دى
مليكه :- والله ده اللى عندى وقولى ايه نيمك جنبى
فهد :- انتى ليه محسسانى أن انا راجل غريب ده انا جوزك يعنى
مليكه:- جوزى اه بس ميعرفش قمتى ساعة غضبه يقول اللى يقوله ويجرح اللى يجرحه معندهوش تحكمات فى أفعاله
فهد :- وانتى لسه عرفانى دلوقتى يا مليكه احنا بقالنا كام سنه مع بعض معرفتيش تتعودى على طبعى
مليكه :- تعبت خلاص مش قادره استحمل يا فهد حاولت كتير اغير الطبع ده فيك بس فشلت
فهد :- يا مليكه انتى غيرتى فيا كتير مش انا فهد اللى عرفتيه اول مره غيرت كتير علشانك ومازلت بحاول وزى ما انا بغير من نفسى علشانك محتاجه انتى كمان تغيرى من نفسك علشانى اه حبيت تمردك بس لما كان فى حدود لكن دلوقتى ذات عن حده
مليكه :- يعنى برضه بتجيب الغلط من عندى
فهد :- يا بنتى انتى بتفهمى ازاى انا مش بتكلم على المشكله انا بتكلم عليا وعليكى لازم نغير حاجات فينا علشان خاطر بعض اما المشكله فا يا ستى اول ما نرجع اسكندريه همشى دعاء دى خالص
مليكه :- بجد
فهد :- بجد وبص فى عين مليكه وقال مليكه انا بحبك وانتى متأكده من ده كويس انتى بالنسبالى الهوا اللى بتنفسه ولو بعدى عنى اموت انتى حب عمرى الاول والاخير انتى المعنى الحقيقى للحياه
مليكه :- طيب ما انت متأكد برضه أن انا بعشقك ووجودك جنبى كل املى فى الحياه بس كلامك بيبقى جارح اوى ساعة ما بتكون متعصب بيوحع قلبى من جوه يا فهد
فهد :- سلامة قلبك يا روح قلبى حاضر هحاول اكون متحكم فى اعصابى ومقولش حاجه تزعلك
مليكه:- ماشى
فهد :- يعنى صافى يا لبن
مليكه :- حليب يا قشطه
فهد :- انتى اللى قشطه وعسل وسكر
مليكه :- هههههه شكرآ ولسه هتقوم
فهد :- رايحه فين كده
مليكه :- هدخل الحمام
فهد :- لاء حمام ايه احنا مقومناش بالواجب فى الاوضه دى من ساعة ما جينا ولا ايه
مليكه :- وهى بتبعد قصدك ايه
فهد :- كلك مفهوميه يا ملوكا
مليكه :- لاء اوعى كده
فهد :- يابت هقولك
مليكه :- لاء
فهد :- تعالى بقى يا مليكه انتى واحشانى
مليكه :- مش دلوقتى
فهد :- امال امته أن شاءالله
مليكه :- بليل اصل انا جعانه اوى دلوقتى
فهد:- طيب تعالى بس وانا هأكلك اكله حلوه اوى
مليكه :- يا سلام بتحايل بنت اختك الصغيره
فهد :- انتى بنتى وبنت اختى واختى وامى ومراتى ودنيتى كلها يا مليكه ولسه بيقرب منها علشان يبوسها التليفون رن
مليكه :- اتخضت وزقت فهد وقامت من على السرير
فهد:- انتى ليه محسسانى انك كنتى نايمه جنب راجل غريب ورقم امك رن علينا
مليكه :- مش كده انا اتخضت من صوت التليفون وانا كده كده كنت هقوم شوف انت تليفونك بقى وسابته ودخلت الحمام
فهد :- هوف هو يوم باين عليه من أوله ومسك تليفونه لاقه فارس فتح وقال ايه يا عم انت بتردهالى ولا ايه بالظبط
فارس :- ههههههههه ليه اتصلت فى وقت غير مناسب
فهد :- انت اوقاتك كلها مش مناسبه المهم عايز ايه
فارس:- شكرآ يا اخويه كنت بتصل بيك علشان اقولك فى حفله بليل تبع واحده اعرفها وقالت اقولكم كلكم هتيجى
فهد :- هى فكره حلوه اهو تغير بس برضه هشوف رأى مليكه ايه
فارس :- ماشى وبلغ باسم ومى ودعاء بقى
فهد :- ماشى
فارس :- سلام بقى اسيبك تعيش حياتك
فهد :- وهو الواحد طول ما انت وراه هيشوف خير ابدآ سلام يا اخويه
فارس :- هههههههههههههه باى وقفل فهد مع فارس وفى الوقت ده طلعت مليكه من الحمام
مليكه :- مين اللى كان بيتصل بيك
فهد:- قام وقف وراح حضن مليكه من ضهرها وبص على انعكسهم فى المرايا وقال ده فارس كان بيقولى فى حفله بليل تبع ناس يعرفهم وعزمنا معاه
مليكه :- وقولتلو ايه
فهد :- قولت هشوفك الاول
مليكه :- ماشى اهو تغير
فهد. :- انا قولت كده برضه
مليكه :- ومين تانى رايح
فهد :- كله
مليكه :- كله زى مين
فهد :- كل اللى جاين معانا
مليكه :- اممم فهمت ماشى
فهد :- بسها فى رقبتها وقال مجنونه وهتجنينى معاكى
مليكه :- هههههه طيب يلا روح خد شاور بسرعه علشان ننزل ناكل
فهد :- طيب ما تيجى معايه
مليكه :- اجى معاك فين
فهد :- الحمام
مليكه :- روح يا فهد بلاش قلة ادب
فهد :- والله حرام اللى بتعمليه فيا ده
مليكه :- ماشى انا مفتريه اخلص بقى هموت من الجوع
فهد :- اعملى حسابك المفترى عليه ربنا وسبها ودخل الحمام
مليكه :- هههههههههههه مجنون بس بحبه ومهما يعمل فيا بعشقه وكملت تسريح شعرها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت مى
صحيت مى من نومها بصعوبه بعد ليله طويله قضتها بدموع وحسره على حالها قامت من على سريرها بصعوبه دخلت الحمام اخدت شاور علشان تفوق واتوضت وخرجت لبست هدومها وأدت فرضها ونزلت من اوضتها وشافت باسم فى سكتها اتجهلته ومشيت شافت فارس وجومانه راحت عندهم
مى :- صباح الخير
فارس وجومانه:- صباح النور
جومانه :- ايه ده يا مى عينك منفوخه اوى شكلك معيطه طول الليل
مى :- ها ل.ل.لا هى كده علشان لسه صاحيه من النوم
جومانه :- ااااه ماشى تعالى كلى
مى :- بالهنا يا حبيبتى مليش نفس
جومانه :- على فكره انا مش بعزم عليكى انا بقولك اقعدى كلى
مى :- هههههههه أمر يعنى
جومانه :- امممم حاجه زى كده تعالى كلى الاكل هنا جميل اوى
فارس :- سبحان الله بتاكلى اكل الحمير فى النجيله لا الحمير بتشبع ولا النجيله بتخلص
جومانه :- وهى الاكل فى بؤقها قالت الله اكبر انت بتبصلى فى الاكل ولا ايه
فارس :- لاء كلى بس براحه محدش بيجرى وراكى
جومانه :- بت يا مى سيبك منه وتعالى جنبى هتخسرى كتير اوى والله الاكل تحفه
مى :- هههههههه انتو مشكله
وفى الوقت ده جه باسم
مى :- اول ما شافت باسم جاى قالت عن اذنكم يا جماعه هعمل مكلمه
فارس :- ماشى
مى :- مشت وراحت قعدت على البحر واتفاجئت بأيد على كتفها بتبص لاقته مازن اتفاجئت ووقفت وقالت مازن بتعمل ايه هنا
مازن :- سألت عليكى امك قالت انك طالعتى شرم تبع الشغل
مى :- وعرفت مكانى منين
مازن :- هما هنا مفيش غير فندقين المخصصين للرجال الأعمال الكبار وفهد طبعآ رجل اعمال سألت عليكم فى الفندق التاني ملاقتش اسمكم عرفت انكم فى ده وبالصدفه داخل الفندق شوفتك وانتى واقفه مع فارس اخو فهد وجت اروح ليكم لاقيتك مشيتى وجيتى هنا بس
مى :- وجاى ورايا ليه بقى
مازن :- واحشتينى
مى :- ضحكت ضحكة انكسار وقالت زمان كنت بتمنا اسمعها منك وانت داخل من باب الشقه وانت راجع من الشغل ههه بس للاسف مكنش بيحصل وجاى دلوقتى تقولها ليا بعد ما نفسى اتكسرت وقلبى فارق الحياه صدقنى ولا حاسه حتى بمعناها حاليآ الكلمه دى زى قلتها عندى يامازن
مازن :- مى ادينى فرصه واحده بس ارجعك ليا وارجع مى بتاعة زمان عارف ان انا السبب فى ضيعها بس خلينى ادور عليها بنفسى لحد ما الاقيها وارجعك تانى ليا
مى :- متتعبش نفسك يا مازن مى اللى بتقول عليها دى ماتت واندفنت من زمان اوى
مازن :- مسك ايديها وقال مى انا اقسم بالله مش قادر اشوفك كده بتعذب اوى علشانك وضميرى بيأنبنى اوى علشان انا السبب بس خليكى ايجابيه وفكرى فى بناتنا وفكرى فى بيتنا واحنا مع بعض فيه وكلنا قعدين فى حضن بعض وبنضحك ونهزر وننسى الماضى بكل ما فيه
مى :- ههه كنت برسم حياتى معاك كده الاول كنت مفكره انك هتعيشنى فى الجنه بس للاسف صحيت على كابوس ولاقتك معيشنى فى النار
مازن :- طيب جربى المرادى بس مش هتخسرى حاجه اكتر من اللي خسرتيه يمكن العكس تكسبى نفسك وترجع تانى ثقتك فى نفسك وترجع مى بتاعة زمان
مى :- سكتت ومردتش بس فى الوقت ده جه باسم ومسك مازن من هدومه وقال
باسم:- جاى تانى وراها ليه مش خلاص طلقتها عايز ايه منها
مازن :- زقه ومسكه من هدومه وقال انت مالك وايه دخلك ما بنا ها
باسم :- ضربه فى وشه وقال مش كفايه انك كنت السبب فى اللى هى فيه وغيرتها وخلتها شخصيه كرها الحياه ونفسها
مازن :- ضربه فى وشه وقال اما حاجه بارده بجد واحد وبيحاول يرجع ام بناته انت ايه دخلك مفكرها هتحبك انت تبقى حمار علشان مى بتحبينى انا
باسم :- ضربه وقال انت اللى حمار مى بتكرهك وبتكره اسمك حتى
مى :- خلاص خلصتوا خناق ولا لسه
الاتنين بصولها
باسم :- مى هترجعى ليه تانى بعد الكلام اللى قولتيه ليا امبارح عن وجعك وكسرتك
مى :- ومتنساش أن قولتلك أن مراتك برضه عايشه نفس الاحساس ده دلوقتى وقولتلك اتقى ربنا فى مراتك وبنتك وان مقدرش استحمل أن اعيش سعاده مش من حقى مراتك وبنتك احق بالسعاده دى يا باسم مش انا
مازن :- انتى هترجعيلى انا يا مى صح انا أحق بسعادك وسعادة بناتى
مى :- صعب اوى يا مازن صعب ارجع تانى للشخص اللى كان موتى على أيده صعب ارجع تاني للذل والوجع اللى كنت عايشه معاك حتى لو انت بتقنعنى انك اتغيرت بس صدقنى تغيرك ده مؤقت عمر اللى فى طبع هيقدر يغيره وانت من طبعك التحكم والسياده وانا صعب اقبل اعيش الحياه دى تانى يا مازن
باسم :- مى اوعى ترجعيلو وانا هتجوزك والله هعدل بينك وبين مراتى وبنتى بس مقدرش اعيش من غيرك
مى :- لاء يا باسم مراتك وبنتك احق بالسعاده كلها مش جزء منها
مازن :- اوعى توافقى يا مى وارجعى تانى ليا علشان خاطر بناتنا يا مى
مى :- سعادة بناتى فى البعد عنك يا مازن وبعدين بصت للاتنين وقالت ابعدو انتو الاتنين عن سكتى وسبونى فى حالى انا خلاص تعبت واللى بيحصل فيا ده فوق احتمالى اقسم بالله وسابتهم ومشيت
مازن :- بص لباسم بغيظ وقال اياك تقرب من مى تانى مى ليا انا وانا اللى أحق بيها وببناتى انتبه انت بس لمراتك وبنتك
باسم :- خليك فى حالك انت بس ما هى كانت معاك وبين ايديك وانت بغبائك ضيعتها من ايدك اديها فرصه تجرب حياتها مع حد غيرك يرجع ليها ثقتها فى نفسها ويعوضها كل اللى شافته فى حياتها ومتشغلش بالك انت بمراتى وبنتى انا عارف بعمل ايه
مازن :- بحذرك اهو اياك تقرب منها
باسم :- بكره تشوف مى هتكون ليا انا
مازن :- مسكه من هدومه وقال بلاش علشان انت مجربتش زعلى لو جربته هتزعل اوى
باسم :- شال أيده من عليه وقال مش بتهدد على فكره مش هخاف من واحد زيك ده انا انسفك من على الارض نسف وسابه ومشى
مازن :- ماشى ورينى بقى انا ولا انت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند دعاء
كانت وقفه بتتكلم فى التليفون
دعاء :- اعملك ايه يعنى معرفتش اجيبه
الشخص :- لا يا روح امك تتصرفى وتجبيه بأى طريقه
دعاء :- هقولك حاجه انت ممكن تستغل وجود فهد هنا وتدخل بليل مكتبه وتدور براحتك
الشخص :- انا هعمل كده فعلا بس برضه انتى دورى عندك ليكون معاه
دعاء :- حاضر ممكن تقفل بقى دلوقتى علشان محدش يشك فى حاجه
الشخص :- ماشى سلام
دعاء :- قفلت مع الشخص وراحت قعدت فى الكافيه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اجتمع فارس مع فهد و باسم فى الكافيه
واجتمع جومانه ومليكه ومى فى الاوضه
فى الكافيه
فارس:- ايه اللى فى وشك ده يا باسم انت دخلت فى قطر ولا ايه
باسم :- هههههههه خفه لاء يا خويه دى خناقه
فارس :- بقى باسم ينضرب ده ايه حصل فى الدنيا
فهد :- واتخنقت مع مين
باسم :- ها م.م.مع واحد ضيقنى
فهد :- مش عارف ليه حاسس انك مخبى علينا حاجه
باسم :- حاجه زى ايه يعنى
فارس :- يكون وراه الخناقه دى موزه
باسم :- ل.ل.لا طبعآ
فهد :- هههههههه اتوترت كده ليه احنا بنهزر عارفين انك متجوز ومستحيل تخنها
باسم :- ها ا.ا اه طبعآ
فارس :- المهم هتعملو ايه
فهد :- فى ايه
فارس :- فى الحفله
باسم :- حفلة ايه دى
فارس :- واحده اعرفها من امريكا قبلتها هنا وهتعمل حفله علشان مسافرين تانى بكره امريكا وقالت ليا اجبكم كلكم
فهد :- انا عن نفسى مليكه موافقه وهنروح
فارس :- وانت يا باسم
باسم :- مش عارف
فارس :- تعال نسهر مع بعض ونغير جو
باسم :- ومين رايح
فارس :- انا وجومانه وفهد ومليكه ودعاء ومش عارف مى هتروح ولا لاء
باسم :- احم ما ممكن فهد يعرف من مليكه
فارس :- بص لفهد وقال اتصل بمليكه تسألها كده
فهد :- اتصل على مليكه وانتظر الرد
مليكه:- ايوه يا فهد
فهد :- مليكه قولتى لمى على الحفله
مليكه:- لاء نسيت استنا اسألها وغابت شويه وقالت مش عايزه تيجى
فهد :- ماشى سلام
وقفل مع مليكه وكان باسم منتظر الرد على احر من الجمر
فارس :- ها قالت ايه
فهد :- مش عايزه تروح
باسم :- بخيبة أمل يعنى مليكه قالت رفضت خالص ولا هتفكر
فهد :- لاء قالت مش هتيجى
فارس :- خلاص يا جماعه سبوها براحتها وبص لباسم وقال اعمل حسابك انت جاى جاى
باسم :- بزعل ماشى
فى اوضت البنات
مليكه :- متبقيش غلسه بقى تعالى معانا الحفله فكى عن نفسك شويه
مى :- بالله عليك فكك منى روحو انتو وسبونى براحتى
جومانه :- انتى ليه مش عايزه تروحى معانا احنا هنسهر كلنا مع بعض ونقضى ليله بعيده عن الاوضه والسرير امال انتى جايه الرحله دى ليه
مى :- فكو انتو عن نفسكم وشيلونى من حسابتكم وبعدين انا جيت هنا علشان الشغل مش علشان اخرج واسهر
مليكه :- يا مى يا حبيبتى مش كده وبعدين احنا كنا عايزين نعمل نيولوك نجنن بي الرجاله بتاعتنا
مى :- انتو اللى تجننوهم مش انا دى اجوزكم انتو مش انا
جومانه :- أهدى يا مى هى مش قصدها حاجه هى قصدها يعنى تساعدينا هى عايزه تخرجك معانا بأى طريقه
مى :- معلش يا جماعه اعذرونى اعصابى مشدوده شويه
مليكه :- يا حبيبتى انا مش زعلانه منك انا زعلانه علشانك وعايزه اساعدك تخرجى من اللى انتى فيه ده
مى :- ماشى يا مليكه هروح معاكم
جومانه :- ايوه بقى هو ده
مليكه :- ربنا يريح بالك يارب
مى :- حبيبتى ربنا يخليكى ليا
جومانه :- انا عايزه النهارده فارس ميقدرش يشيل عينه من عليا
مليكه :- بغمزه يا جامد انت يا جامد
جومانه :- ا ا.اصل الصراحه صحبته دى موزه اوى وعليها فخاد متقاسه بالمسطره بنت اللذينه وكله كوم ودلعها ومحنها ده حاجه تانيه خالص يااااااااااختى حاجه تفقع المراره كده وتقولى البت محرومة بوس تكلبش فى الراجل وتقعد تبوس فيه
مى :- هههههههههههه انتى مشكله
مليكه :- الحال من بعضه يا اختى اللى زى دول عندهم كل حاجه عادى
جومانه :- بس احنا برضه مش سهلين ومحدش يقدر يغلبنا ولا ايه
مليكه :- ايوه طبعآ وربنا انتى حتة سكره
جومانه :- وانتى عسلايه مسكره
مى :- اقسم بالله انتو الاتنين اجن من بعض انا حاسه ان قعده وسط رايه وسكينه
جومانه :- هههه بصوت رايه نورتى بيتك يا شابه
مى :- الله يكون فى عون فهد وفارس منكم
مليكه :- هما اللى بيخلونا نعمل كده
جومانه :- صح عندك حق يا مليكه هما اللى بيستفزونا ويطلعو رغبات اجراميه مكبوته جوانا
مى :- هههههههههههه انتو ناوين تقطعوهم ولا ايه
مليكه :- لاء هنخلى النار تكويهم وبصت لجومانه
جومانه :- اميه يا اختى اميه
مليكه :- استعنا على الشقه بالله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتهت البنات من تحضير نفسها للحفله وكانو منعين حد يدخل الاوضه عليهم
مليكه :- واوووووو يا جومانه طالعه حلوه اوى
جومانه :- بجد
مى :- بسم الله ماشاءالله عليكى كنتى مخبيه الجمال ده كله فين ده فارس عقله هيطير
جومانه :- خليه علشانه أعرفه مين برعى
مى :- وانتى يا مليكه برضه طالعه حلوه اوى يا بختك يا سى فهد معاه القمر ماشى على الأرض
مليكه :- هههههههه ياريت بس يقدر
جومانه :- لاء بجد يا مليكه طالعه زى العسل انتى اصلا من غير حاجه قمر
مليكه :- حبيبت قلبى ربنا يخليكى انتو كده هتخلونى اتغر على فكره
مى :- هههههههه اتغرى براحتك يا ملوكه من حق الجميل يدلع
جومانه :- اما انتى بقى يا مى طالعه ولا بتوع هليود واحلى كمان اقسم بالله انا لو راجل كنت طلعتى بيكى على المأذون حالا
مى :- ههههه طيب احمدى ربنا انك مش راجل علشان كان زمانك مرميه فى المستشفى على أيدى وبعدين انا مستغربه انتو عملتو كده علشان تعجبو اجوازكم وتشغلو عنيهم انا مالى ليه تعملولى كده
مليكه :- لنفسك مش علشان خاطر حد يا مى
مى :- انا لو عليا مش عايزه اروح اصلا بس اعمل ايه عايزه اخلص من زنكم
جومانه :- لاء بجد كنت هزعل لو مجتيش معانا انا حاسه ان اليوم ده هيفرق معانا كلنا
مى :- أن شاءالله يلا بينا احسن رجالتكم اكيد مستنين بره على الباب مستعدين
مليكه وجومانه :- ايوه يلا
مى :- فتحت الباب وكان فهد وفارس وباسم مستنين
باسم :- اول ما شاف مى انبهر بجمالها وسرح فيها وقعد يبصلها
مى :- اخدت بالها من باسم وحاولت تتجاهلو وبصت لفهد وفارس وقالت مستعدين
فارس :- انتو بتعملوا ايه ده كله وليه مش عايزين حد يشوفكم
مى :- هتعرف دلوقتى ووسعت السكه وظهرت مليكه وجومانه
فهد وفارس :- بلمه وقعدو بيصو عليهم
مليكه وجومانه :- بصو لبعض وكتمو ضحكتهم
فهد :- بص لمليكه وقال ايه الجمال ده بجد كأنك حوريه نازله من الجنه الكلام كله راح من على لسانى اول ما شوفتك
مليكه :- ليه هو انا الاول كنت وحشه
فهد :- لاء طبعآ طول عمرك وانتى قمر بس النيولوك الجديد ده تحفه عليكى
مليكه :- ميرسى وعلى فكره انت برضه طالع زى القمر
فهد :- مد دراعه لمليكه وقال عنيكى علشان حلوين شايفين كل حاجه حلوه
مليكه :- حطت درعها فى دراع فهد وقالت بحبك
فهد :- باس راسها وقال بموت فيكى
فارس :- ايوه بقى كلكم طلعتو كده وطالعه واحده زياده معرفهاش فين جومانه بقى
مى :- ما هى يا ابنى
فارس :- بلاش يا مى هزار ادخلى استعجليها من جوه بالله عليكى
مى :- ههههههههه اقسم بالله دى جومانه مراتك ههههههههه
باسم :- كان سرحان فى مى وضحكتها هزت كل كيانه وكان هاين يجرى عليها ويخدها فى حضنه
مى :- كانت واخده بالها من باسم وهو مبحلق فيها ومنزلش عينه من عليها وده كان مخليها متوتره جدآ وبصت لجومانه وقالت ش.ش.شوفى يا بنتى جوزك مبلم ازاى ومش مصدق نفسه
جومانه :- مالك يا فارس مش عجبك برعى
فارس :- برعى مين انا اللى برعى وأبو برعى كمان
جومانه :- يعنى اعجب
فارس :- ده انت تعجب الباشا يا باشا
جومانه :- ونازلى
فارس :- دى سندل جنبك ومد أيده ومسك ايديها وبص فى عينيها وقال يلا
جومانه :- بصت على أيده اللى ماسكه ايديها وبعدين بصت فى عينه وسرحت فيهم
مى :- ايه يا جماعه ما براحه شويه متنسوش أن فى سنجل معاكم
الكل :- ضحك على كلمة مى
مى :- يلا وابقو حبو بعض وانتو لوحدكم
فهد :- نزل هو ومليكه الاول
وفارس وجومانه وراهم ونزلت مى وراهم ونزل باسم جنبها وقرب على مى وقال
باسم :- على فكره انتى طالعه زى القمر
مى :- بتوتر شكرآ بس ياريت حضرتك ملكش دعوه بيا
باسم :- مى انا قولتلك انا بحبك ومستعد اتجوزك وأقسم بالله ما هأثر فى حقوقى اتجاه نورهان وبنتى
مى :- استاذ باسم لو سمحت سبق وقولتلك لاء
باسم :- يعنى انتى يا مى مش نفسك تعيشى عمرك الجاى مرتاحه انا هعيشك مرتاحه وعمرى ما هجرحك ولا ازعلك وهعوضك اللى فات من عمرك
مى :- استاذ باسم ياريت متفتحش الموضوع ده تانى وياريت متنساش الألقاب ما بنا عن اذنك وسابته وركبت مع فهد ومليكه
باسم :- ياريت اقدر انساكى يا مى بس حبك بقى ماشى فى دمى ووريدى وراح ركب عربيته وراحو على الحفله والكل رحب بيهم
وبدأت الحفله واتجمع كلهم على الطربيزه وفى الوقت ده دخلت دعاء
دعاء :- هاى
الكل اتصدم من لبسها كانت لبسه هدوم قصيره جدآ وضيقه جدآ جدآ
جومانه :- لنفسها اخس الله يكسفك
فارس :- سمعها وضحك وقرب منها وقال على فكره دى متجيش جنبك صفر على الشمال
جومانه :- اتكسفت وقالت ش.ش.شكرآ
مليكه :- على فكره كان ممكن تلبسى حاجه محترمه عن كده فى الاول وفى الاخر اسمك شغاله فى شركة فريد المنشاوى
دعاء :- بس سورى احنا دلوقتى مش تبع الشغل يعنى دى حريه شخصيه وانا حره البس اللى البسه
مليكه :- انتى واحده واقحه
دعاء :- انا مسحملكيش فى الشغل انتى المديره بتاعتى لكن بره زى زيك
مليكه :- انسى انك تقربى للشركه دى من تانى
دعاء :- والله مش انتى اللى عينتينى استاذ فهد اللى عينى وهو بس اللى ليه الحق يرفضنى من الشغل
مليكه :- بس كده من عينيه وبصت لفهد وقالت انت ساكت ليها ليه
فهد :- بص لدعاء وقال ممكن تروحى تقعدى فى مكان تانى لو سمحتى
دعاء :- اتغاظت وبصت لمليكه بقرف ومشيت
مليكه :- بص بتبصلى ازاى انت ازاى سيبها تعمل كده
فهد :- يا حبيبتى أهدى مش كده مينفعش ارفضها من هنا لازم نقعد مع المحامي علشان نفسخ العقد اللى ماضيه عليه
مليكه :- بنأدمه وقحه وزباله وقليلة ادب
باسم :- أهدى بقى يا مليكه محصلش حاجه لكل ده انسيها ومتعكريش دمك
جومانه :- بس الصراحه مستفزه انا كنت عايزه احدفها بأى حاجه فى وشها
باسم :- أهدى يا ولعه انا بهديها وانتى بتقوميها
مى :- الله مش بقول الحق
فارس :- لاء اسكتى احسن
مى :- لاحظت أن مليكه متوتره قالت فهد اطلب لمليكه ليمون علشان تهدا شويه لأنها متوتره جامد وفى الحاله دى بيغمى عليها
فهد :- حاضر فعلا مليكه لما بتتوتر جامد بيغمى عليها وطلب واحد ليمون لمليكه
جومانه :- خليهم اتنين الواحد اتحرق دمه بسببها اللهى يتحرق شعرها البعيده
فارس :- هو اى رشقان وخلاص لازم ترشقى نفسك فى اى حاجه
فهد:- خلاص خلاص وبص وقال خليهم اتنين
وبعد شويه الجرسون كان جايب الليمون
دعاء :- عرفت انها لمليكه قامت ادلعت على الجرسون وحاطت حبايه فى كل كوبايه واخدهم الجرسون وحطهم على الطربيزه ومشى
مى :- مسكت الكوبايه وقالت اشربى يا مليكه علشان تهدى
مليكه :- مدت ايديها وهى بتترعش من التوتر واخدت الكوبايه من ايد مى بس وقعت على هدومها
فهد :- حصل خير حصل خير قومى نضفى هدومك فى الحمام
مليكه :- قامت علشان تروح الحمام
مى :- استنى انا جايه معاكى
مليكه :- ماشى يلا
ومشت مليكه ومى على الحمام
دعاء :- اتغاظت وقالت يا بنت المحظوظه طلعتى منها
جومانه :- مدت ايديها واخدت الليمون وقالت لاء حاجه تتعب الاعصاب بجد وشربت الليمون
فارس :- ايه فى بطنك دى يا شيخه الكوبايه شربتيها على بؤق واحد
جومانه :- متركزش معايه علشان متهيسش
فارس :- اللى يشوف طريقة كلامك ما يشوف شكلك فى اختلاف شاسع
جومانه :- ماشى اسكت بقى
وفى الوقت ده اشتغلت الاغانى السلو واشتغلت الحبايه عند جومانه وقفت مره واحده والكل اتخض من حركتها وشدت فارس وقالت قوم نرقص
فارس :- استغرب وقال ايه
جومانه :- وهى بتشده وبصوت عالى قوم يلا عايزه ارقص
فارس :- استغرب أفعال جومانه وقام يرقص معاها
جومانه :- اترمت فى حضنه وقعدت ترقص
فارس :- مستغرب اللى بيحصل
جومانه :- بصتله وقالت ايه ما تحضنى ولا انت مش بتحضن غير البنات اللى جايه من امريكا ههههههههههه
فارس :- بأستغراب مالك يا جومانه
جومانه :- ههههههههه مالى مالى فى جيبى والبقشيش علشانك هههههههههههههه
فارس :- انتى فيكى حاجه مش طبيعيه
جومانه :- هزت راسها بمعنى ايوه
فارس :- ايه هى
جومانه :- ههههههههه عايزه بوسه
فارس :- ها عايزه ايه
جومانه :- عايزه بوسه مشبك ههههههههههه
فارس :- ايه اللى انتى بتقوليه ده يا جومانه
جومانه :- خلاص بلاش مشبك خليها اى حاجه بس هات بوسه
فارس :- لاء اقسم بالله انتى مش طبيعيه انتى اه مجنونه بس مش لدرجه دى
جومانه :- كده ماشى وراحت عند الدى جى
فارس :- هتعملى ايه يا مجنونه
جومانه :- اخدت الميكروفون وقالت تست تست واحد اتنين تلاته لاء شغال كويس الكل هنا انتباه
فارس :- راح عند جومانه وقال هاتى البتاع ده
جومانه :- اوع كده وبعدين قالت انتباه لو سمحتو
الكل استغرب والسكوت انتشر فى المكان وقعدو يبصو على جومانه ويسمعو هتقول ايه
جومانه :- انا عايزه اشهدكم على حاجه الاخ ده وشاورت فى حته تانيه غير اللى واقف فيها فارس وبعدين قالت لالالا مش ده قصدى ده وشاورت على فارس وقالت بيقول عليه برعى وانا مزه وزى الفل
الشباب :- صفرت ليها
جومانه :- ميرسى ميرسى
فارس :- كفايه فضايح يا جومانه
جومانه :- بس بقى وبعدين قالت وبيحب يحضن كل الستات الا انا ليه معرفش
الشباب :- فى صوت واحد قالو معندهوش نظر
جومانه :- هههههههه عليك
فارس :- شدها وقال كفايه كده يا جومانه
فهد :- على الطربيزه اتغاظ وقال لباسم باسم روح خلى فارس ياخد مراته ويمشى كفايه فضايح كده
باسم :- ماشى وقام راح عند فارس
جومانه :- ههههههههه ودلوقتى بقولو هات بوسه مش راضى يرضيكم كده
الناس :- كلهم فى صوت واحد بوسها بوسها
باسم :- فارس بيقولك فهد خد مراتك وامشى وكفايه فضايح
فارس :- ما هو ده اللى هيحصل وراح عند جومانه وشالها بالعافيه ومشى بيها
جومانه :- شافت نازلى وقالت ههههههههههه شيلنى انا وانتى لاء يا معصصه انتى
فارس :- بص لنازلى وقال انا اسف مش عارف مالها
نازلى :- فعلا شكلها مش طبيعى
جومانه :- بصت لفارس وقالت طب هات بوسه
نازلى :- هههههههه ربنا يعينك روح يا ابنى بسرعه
جومانه :- وهو شايلها عماله تغنى وتقول تبقى معديه لاء لاء متسلمش عليا لاء لاء عينى فى عينيها لاء لاء وعينيها فى عنيه لاء لاء طب ينفع كده طب يرضيكم كده لاء وهى بتغنى بترقص
فارس :- حدفها فى العربيه وقال انهدى هنا هديتى حيلى الله يخربيتك
جومانه :- ههههههههه شد حيلك يا سيد الرجال ومشت ايديها على رقبة فارس
فارس :- اتوتر وبعد ايديها عن رقبته وقال انتى كنتى كويسه ايه قلب حالك كده
جومانه :- هههههههههههه انت اللى قلب حالى انت يا ابو الفوارس يا مز المزميز انت وزغزغته فى جنبه
فارس :- هههههههههههه لاء انتى فظيعه وشغل العربيه ومشى
جومانه :- كل شويه تعاكس فى فارس وهو سايق
فارس :- يا بت اسكتى هنعمل حادثه بسببك
جومانه :- هههههههه طيب والله فكره ومره واحده غمضت عين فارس
فارس :- اتفاجئ باللى حصل والعربيه لفت منه وبمهاره لحقها قبل ما تتقلب العربيه بس خبطت فى عمود النور وطلعت دخان
جومانه :- اتخبطت فى راسها وقالت ااااااه مش تحاسب
فارس :- انتى عبيطه يا بت انتى اللى غمضى عنيه ولولا ستر ربنا كان زمان العربيه اتقلبت بينا وموتنا
جومانه :- هههههههه العربيه هتولع ههههههههههههه
فارس :- بغيظ اموت واعرف انتى بتضحكى على ايه السكه دى مفيهاش عربيات بتعدى ومقطوعه هنروح ازاى بقى
جومانه :- قعدت على الأرض وقالت هههههههههههه انا هبات هنا ههههههههههههه
فارس :- صبرنى يا ربى وطلع تليفونه علشان يتصل بفهد أو باسم لاقه أن المنطقه دى مفيهاش شبكه خالص قال حلو كملت مفيش شبكه نهائى هنا
جومانه :- احسن هههههههههههه
فارس :- قومى يا جومانه ربنا يهديكى نشوف مكان ننام فيه للصبح
جومانه :- لاء هنام هنا
فارس :- مد أيده وشدها وقال قومى يا جومانه مينفعش كده مش كفايه كل اللى انا فيه بسببك
جومانه :- قامت وقفت وكانت هتقع فارس سندها وقال اثبتى ابوس ايدك مش ناقص كوارس النهارده تانى
جومانه :- ههههههههه طب هات بوسه هههههههههههه
فارس :- يا بنتى ربنا يهديكى امشى
جومانه :- وتجيب بوسه
فارس :- بنفاذ صبر اه اه بس امشى
جومانه:- مشت مع فارس لحد ما شافو كوخ موجود فى حته بعيده راحو عنده
فارس :- اهو اى مكان نقعد فيه مدارى لحد الصبح
جومانه:- الله ده شكله حلو اوى من جوه ده فى حد ساكن فيه
فارس :- ايوه فيها حاجات تدل أن ده مكان حد بيجى يقعد فيه
جومانه :- دخلت اترمت على الكنبه والفستان اترفع ورجليها بانت وقالت ااااااااه مش قادره مشيت كتير اوى
فارس :- قرب منها ونزل الفستان على جسمها وقال معلش ما انتى السبب
جومانه :- مسكت ايديه وقامت وقفت قصاده وقالت مش هتدينى البوسه بقى
فارس :- هو انتى ركبك عفريت ولا ايه واللى جاى عليكى ببوسه بوسه
جومانه :- قربت اكتر ليه وقالت ايوه عفريت حبك هو اللى ركبنى وقايد فيا النار هات بوسه بقى وطفى نارى
فارس :- اتوتر وبعد عنها وقال جومانه انتى شكلك مش عارفه بتقولى ايه ولا بتعملى ايه
جومانه :- وقفت قصاد فارس وفتحت سوستة الفستان ونزلته ووقفت قصاده بالهدوم الداخليه وقالت انا اهو ملكك وبين ايديك
فارس :- اتوتر اكتر ومبقاش عارف يعمل ايه
جومانه :- قربت ليه اكتر ومدت ايديها تفتح زراير قميص فارس
فارس :- بلع ريقه اكتر وبص على شفايفها و..........
