رواية عشقت كبريائي فهد ومليكة الجزء الثالث (لقاء الاحبة) الفصل الواحد والعشرون
عند عدى فى الشقه
كان لسه هيضرب روان برجله فى بطنها مسكت رجله وقالت
روان :- بلاش يا عدى انا حامل
عدى :- بصدمه حامل
روان :- ايوه يا عدى حامل
عدى :- امته وازاى
روان :- من قبل فرحنا ناسى اللى حصل ما بنا فى الاوضه
عدى :- بعصبيه وليه سكتى ومقولتيش من الاول
روان :- خ.خ.خوفت تقولى نزليه
عدى :- انا مش كافر علشان اكفر بنعمة ربنا وانزله بس ايه يثبت أن هو منى
روان :- والله انت اتأكد بنفسك انك أول راجل تلمسنى
عدى :- بس مش متأكد أن انا اخر راجل لمسك انتى واحده سهله وبتسلمى نفسك لاى حد
روان :- فى تحليل الDNA يثبتلك اذا كان ابنك ولا لاء
عدى :- خبط بأيده فى الحيطه بعصبيه وقال انتى اكبر غلطه غلطها فى حياتى انتى مستحيل تكونى بنأدمه انتى شيطانه
روان :- بس بحبك يا عدى
عدى:- وانا بحب مى
روان :- مى مى مى ايه العيله دى اللى انت متمسك بيها دى
عدى :- اتعصب اكتر منها وراح مسكها من رقبتها وخنقها وقال حسك عينك تجيبى اسمها على لسانك القذر ده
روان :- بخنقه ه.ه.هموت
عدى :- بصلها بقرف وحدفها فى الارض
روان :- كح كح كح ك.ك.كنت هتموتنى
عدى :- لو اتأكد أن اللى فى بطنك ده ابنى بجد انا هخده منك حرام لما يتربى على ايد واحده زباله زيك وفى الوقت ده تليفون عدى رن برقم جاكلين
عدى :- خير يا جاكى
جاكلين :- بدموع الحقنى يا عدى
عدى :- بخوف فى ايه يا جاكى
جاكلين :- بدموع م.م.مى اغمى عليها ومش عارفه اعمل ايه
عدى :- بخوف قال ط.ط.طيب خليكى جنبها وانا جاى حالا انتو فين
جاكلين :- فى (.........)
عدى :- انا جاى حالا وقفل مع جاكلين وبص لروان وقال اياكى اشوف وشك بس فى اى مكان اكون فيه ومسك الظرف اللى فيه الصور وفتح الباب ونزل يجرى
روان :- بشر كده يا عدى يبقى انت اللى اخترت مبقاش انا لو مكنتش ادفعكم التمن غالى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند جاكلين ومى
مى كانت مغمى عليها والناس بيحاولو يفوقها
جاكلين :- مى علشان خاطرى ردى عليا محدش يستاهل كل اللى انتى عامله فى نفسك ده وفى الوقت ده جه عدى
عدى :- اخد مى فى حضنه وقال مى فوقى حقك عليا والله فهمانى غلط محصلش حاجه والله سمعانى محصلش يا مى فوقى علشان خاطرى ملاقاش منها استجابه شلها وطلع يجرى على العربيه وحطها على الكرسى اللى جنبه وحط ليها حزام الامان وقفل الباب وبص لجاكلين وقال
عدى : - اركبى
جاكلين :- بدموع ح ح.حاضر
وركبت جاكلين العربيه من وراه وساق عدى العربيه على اقصى سرعه ووصل المستشفى ونزل يجرى شال مى ودخل بيها وحطها فى اوضت الكشف وشويه وجه الدكتور وخرج عدى وجاكلين من الاوضه وكشف الدكتور على مى وشويه وخرج
عدى :- بخوف طمنى يا دكتور
الدكتور :- الانسه فاقت جوه بس عماله تعيط ومنهاره
جاكلين:- طيب يا دكتور الإغماء ده من ايه
الدكتور :- هبوط من قلة الاكل والضغط واطى عندها بس ادخلو ليها حاولو تهدوها لأنها لو فضلت كده هنديها حقنه مهدأه وسابهم ومشى
جاكلين وعدى دخلو عند مى وكانت قعده وحطه رجليها عند صدرها وحطه راسها عليها وعماله تعيط
جاكلين :- مى أهدى شويه يا حبيبتى
مى :- رفعت راسها على الصوت وبصت لجاكلين بس اتصدمت من وجود عدى بصت ليه وقالت بصوت عالى انت ايه جابك هنا أخرج بره مش عايزه اشوف وشك
عدى :- مى أهدى وانا هفهمك كل حاجه
مى :- تفهمنى ايه انا مش عايزه اسمع صوتك انا بكرهك فاهم بكرهك
جاكلين :- طيب أهدى يا مى
مى :- مش هرتاح غير لما يخرج بره الاوضه
عدى :- والله والله يا مى ما حصل اللى فى دماغك انا كنت رايح علشان اخد منها ال
مى :- قطعته وقالت مش عايزه اعرف حاجه عملت ولا معملتش شئ ميخصنيش وياريت تمشى وتروحلها
عدى :- راح عندها ومسك ايديها وقال وحياتك عندى مقدرش ابص لحد غيرك انتى عندى بالدنيا واللى فيها ووجودى معاها مش زى ما انتى مفكره
مى :- سحبت ايديها من أيده وضحكة وقالت هههههههه مش زى ما انا مفكره حلوه دى راجل مع طلقته فى شقه لواحدهم وفاتح ليا الباب وهو قميصه مفتوح وفى روج على صدره وهى خارجه هدومها مفتوحه وتقولى ظلماك مش زى ما انا فاهمه ايه كنتو حرانين مثلا انت واحد ندل وجبان وشهوانى حتى معرفتك بيا مش اكتر من شهوه كنت عايزنى علشان كنت بتاخد كل حاجه منى بسهوله لاقتنى بنت سهله معاك مهمكش حتى أن انا بنت خالتك والمفروض تحافظ عليا ولما فوقت ومنعتك روحت دورت على الحاجه السهله علشان كده فهمت انت ليه كنت بتتهرب من الجواز منى وقال انا اللى غبيه كنت مفكراك بتحبنى
عدى :- لاء يا مى مش كده وانا اه مش بحبك انا بعشقك لما يكون حياتى كلها انتى لما ضحكتك كل همى لما اكون مكتفى بيكى عن كل الناس ومش عايز اكون مع حد غيرك انتى يبقى انا عديت مرحله الحب من زمان حتى كلمة بعشقك قليله عليكى
مى :- حطت ايديها على ودنها وقالت بس بس كفايه كدب بقى مش عايزه اسمع صوتك ده تانى وصرخت وقالت أخرج بره برررررررره
جاكلين :- قعدت جنب مى اخدتها فى حضنها وقالت أخرج يا عدى دلوقتى مش شايف حالتها
عدى :- انا هستناكم تحت فى العربيه علشان اوصلكم وبص لمى بدموع وخرج من الاوضه
مى :- عيطت فى حضن جاكلين ومسكت فيها اكتر وقالت قلبى واجعنى اوى يا جاكى اخوكى كسرنى من جوه ليه ليه يعمل فيا كده ليه عملت ليه علشان يوجعنى كده كان سابنى عايشه زى ما انا وخرجت من حضن جاكلين وبصت فى عينيها وقالت اقولك على حاجه انا من وانا صغيره كنت بحب اخوكى اوى وكنت اعرف علاقته بروان من زمان ولما كنت بشوفه معاها كنت بتغاظ اوى وكنت ادخل اوضى اعيط فيها واللى كان واجعنى اوى انا عدى كان بيعملنى على أساس أن انا طفله وكان يلعب فى خدودى قدمها ويقعد يقولى اوزعتى عملت ايه فى المدرسه رغم ان كنت بتغاظ علشان قدمها بس كنت بفرح أن ليا لو جزء صغير فى تفكيره وكبرت وفهمت اكتر معنى الوجع وحسيت بيه اكتر واكتر لان بدأ شعور الغيره يزيد عندى منها ويوم ما عرفت أن هو قرر يتجوز روان حسيت ان نهاية العالم بالنسبه ليا وكنت بتقطع ويوم فرحهم ده كنت وصلت لفكرة أن الموت اهون الف مره من اعيش على أمل أن هو يحبنى أو حتى يفكر يبوص ليا بنظره تانيه غير نظرة بنت خالته الطفله بس اخر لحظه فؤقت ودخلت اتوضت وصليت ودعيت ربنا يصبر قلبى مدام مش من نصيبي وبعد كده قابلته وقلبى رجع دق ليه تانى وكنت فرحانه اوى أن هو اهتم بيا وركبنى معاه ودانى الجامعه وفرحت لما عرفت أن هو طلق مراته حسيت ان ربنا استجاب دعائى ورجعه ليا بس اللى خلانى طايره فى السما أن حسيت ان نظرات عدى وطريقته متغيره معايه للاحسن طبعآ وتانى يوم شوفت غيرة عدى عليا وحسيت أن ربنا حط حبى فى قلبه وكانت هنا اول بوسه منه وساعتها مقدرتش امنعه يمكن انا محتاجها بجد منه علشان اصدق نفسى أن هو معايه وليا وبعدين علاقتنا تطورت وكنت حاسه ان ماسكه نجوم السما بأيده وبعدين سكتت وعيطت وقالت معرفش أن هصحه من كل ده على كابوس أن كل ده وهم أن حب طفولتى طلع بيستغلنى علشان يرضى نفسه وشهواته
جاكلين :- صعبت عليها واخدتها فى حضنها وطبطبت عليها وقالت انا لحد دلوقتى مش مصدقه أن عدى يعمل كده حاسه ان فى نقطه مفقوده قصادنا اسأله كتير فى راسى طيب ايه هيخليه يعمل كده فى السر وليه يضحك عليكى وليه مصمم أن يتمسك بيكى واللهفه والخوف اللى فى عينه ده معناهم ايه حاسه نفسى ضايعه ومش عارفه افكر
مى :- خلاص يا جاكى عدى هخرجو من حياتى وانساه وهفكر فى نفسى وفى مستقبلى وبس عارفه أن هتعذب من بعدى عنه وهتعب من الاشتياق بس هدوس على قلبى علشان كرامتى ومسحت دموعها ووقفت وقالت انا عايزه امشى
جاكلين :- يلا عدى مستنينا تحت
مى :- مش هركب معاه يا جاكى هركب معاكى
جاكلين :- عربيتى سبتها مكان ما كنا الصبح وهبعت حد يجبها ليا
مى :- هركب تاكسى
جاكلين :- مى علشان خاطرى خليه يوصلنا ومتتكلميش معاه خالص
مى :- مش هقدر يا جاكى دموعى هتخدعنى وهتنزل قدامه ومش عايزه يشوفنى وانا ضعيفه
جاكلين :- لاء حاولى تتحكمى فى دموعك قدامه وخليه يشوفك قويه
مى :- اخدت نفس وقالت ماشى يا جاكى ونزلت هى وجاكلين
عدى :- عامله ايه دلوقتى
مى :- جاكى قولى للبتاع ده ملهوش دعوه بيا وميكلمنيش
عدى :- بتاع ماشى يا مى مش هاخد على كلامك دلوقتى
جاكلين :- عدى ملكش دعوه بمى ركز انت فى حياتك وسبها هى تشوف مستقبلها
عدى :- بس هى حياتى وانا مستقبلها يا جاكى وشغل عربيته ومشى وطول الطريق يبص على مى فى المرايه
مى :- كانت بصه على طريق وماسكه دموعها بالعافيه وكل شويه عنيهم تتقابل فى المرايه ومى تحس بوجع قلبها تبص على الطريق من تانى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
وصل يوسف وتيلا ومها ومى وسمر وكان الكل مبسوط وفرحان الا سمر
اسر :- ايه اشتريتو كله
يوسف :- ايوه يا بابا والفرش هيجى اول ما يخلص الدور بتاعى
اسر :- ربنا يسعدكم ويهنيكم
مها :- يارب
مى :- العيال كبرونا هههههههه
اسر :- شوفتى يا اوزعه فى الاخر برضه هنقع فى اربيز بعض
مى :- ههههههههه ايوه يا زرافه هنبقى نسايب وبرضه هتبقو انتو مليكه نسايب ربنا يسعدهم ويفرح قلبنا بيهم يارب
مها :- امال فين مليكه ومى
اسر :- مليكه لسه طالعه اوضتها دلوقتى ومى خرجت هى وجاكى
وفى الوقت ده رن جرس الباب
يوسف :- جبنا سيرة القط جه ينط الاتنين الصداع جم وراح يفتح الباب لاقه فرد الأمن
فرد الأمن :- استاذ يوسف فى واحد ساب الظرف ده ليك ومشى
يوسف :- اخده منه وقال مقلش مين
فرد الأمن :- لاء
يوسف :- ماشى اتفضل انت على شغلك وقفل الباب
اسر :- مين
يوسف :- فى حد ساب الظرف ده عند الأمن
مها :- فيه ايه الظرف ده
يوسف:- مش عارف
مى :- طيب ما تفتحو
يوسف :- ماشى وفتح الظرف واتصدم
اسر :- فى ايه يا يوسف
يوسف :- كان بيبص على الصور ومش بيرد
مها :- ما ترد يا ابنى علينا
يوسف :- من الصدمه مش عارف يرد
مها :- راحت عنده واخدت الصور من أيده وبصت فيهم وخبطت ايديها على صدرها وقالت يا نهار اسود ومنيل مى بنتى
اسر :- بقلق مالها مى انطقو
وفى الوقت ده جرس الباب رن راح يوسف وهو الشر بينط من عينه وفتح الباب لاقهم مى وجاكلين مسك مى من شعرها مره واحده
مى :- اتفاجأت وقالت اااااه يوسف فى ايه
اسر :- فى ايه ما حد يفهمني
يوسف :- وهو بيشد مى من شعرها قال الهانم ماشيه مع عدى ابن خالتها مليكه وعامله معا غراميات
مى :- ا.ا.ايه اللى انت بتقوله ده
يوسف :- مش انا اللى بقول يا و******مسك الصور وقال الصور دى هى اللى بتقول وضربها بالقلم وقال ليه تعملى فينا كده ليه تحطى راسنا فى الطين انطقى ليه
مى :- بدموع اااااه والله ما فى حاجه حصلت ما بنا ااااااه والله يا بابا صدقنى
اسر :- يوسف سيب اختك
يوسف :- لاء يا بابا مش هسيبها النهارده غير لما تقول العلاقه دى ايه حصل فيها الصور دى بتقول أن انتو
جاكلين :- قطعته وقالت لالالا يا يوسف والله العظيم اختك شريفه ومفيش حاجه من اللى جات فى دماغك حصلت مى زى وزى سمر ومليكه اقسم بالله بقولك الصدق وعدى بيحب مى وكان هيجى يتقدم ليها بعد الفرح
يوسف :- طلعتى انتى كمان مغفلانه وعارفه كل حاجه
تيلا :- اهدا يا يوسف مدام بيحبو بعض مفيهاش حاجه هيجى يتكلم عليها
يوسف :- وانا مستحيل اجوز اختى لواحد مش راجل ماشى مع بنت خالته من ورانا وبعدين مين عدى ده واحد غريب مش من العيله ودخل فيها بالعافيه ومسك شعر مى تانى وقال اما انتى انا هعرفك ازاى تعملى كده وجرها من شعرها
مى :- اااااااه
تيلا :- حاولت تخلى يوسف يسيب شعر مى بس معرفتش
سمر ومليكه نزلو يجرو واتفاجئه باللى حصل
سمر :- ايه ده فى ايه
مليكه :- ماسك مى كده ليه
اسر :- وقف بتعب وقال يوسف انا مش مالى عينك ولا ايه بقولك سيب اختك
مى الكبيره :- يوسف سيب اختك علشان خاطر ابوك لسه تعبان
يوسف :- عجبك منظرها وهى فى حضن الزباله ده
جاكلين :- يوسف لو سمحت حاول تتحكم فى اعصابك وخلى بالك على كلامك لأنك بتجرح فى اخويه قدامى انا عذراك ومن حقك بس برضه اخويه يوجعنى
يوسف :- وانا اختى مش توجعنى لما أشوفها فى حضن اخوكى ولا لو هو شافك كده معايه كان هيبقى عادى ليه يشوف أخته كده
مى الكبيره :- استهدو بالله يا جماعه ومدام نيته يتجوزها مفيهاش حاجه
يوسف :- ده عمره قد عمرها مرتين ازاى يتجوزها
اسر :- بعصبيه مش عايز اسمع اى نفس فهمتو وبص ليوسف وقال سيب اختك وتعال معايه
يوسف :- ساب مى وبص ليها بقرف وقال حسابك معايه لسه منتهاش وراح وراه ابوه
جاكلين وسمر ومليكه وتيلا راحو عند مى وقعدو يطبطبو عليها
مى :- وهى قعده فى الارض وبتعيط والله ما حصل حاجه
سمر :- عارفين يا مى أهدى
مليكه :- بس مين اللى صوركم كده وبعتهم لينا
جاكلين :- اكيد المخفيه ربنا ينتقم منها عايزه تبعدهم عن بعض بأى طريقه
تيلا:- هى مين دى
جاكلين :- زفتت الطين روان طليقته اللهى ربنا يولع فيها مكان ما هى قعده
مى الكبيره :- وهى ليه هتعمل كده
جاكلين :- اكيد علشان عايزه ترجع تانى لعدى
مها :- الغلط عند بنتى
الكل بص لمها على كلامها
مها :- بتبصو ليا ليه ايوه لو مكانتش سمحت ليه يلمسها وكانت خلت كل حاجه فى النور زى اخوها واختها مكنش حصل كل ده لكن هما اختارو الضلمه ومشيو فيها واللى بيختار الضلمه ده بيبقى بيعمل حاجه غلط وخايف الناس تشوفه وده نتيجة الضلمه اللى انتو كنتو فيها
مى :- والله ما عملت حاجه وحشه ولا خليتو يقرب منى
مى الكبيره :- احنا عارفين اخلاقك يا حبيبتى مستحيل تسلمى نفسك لحد من غير جواز ابدآ وبصت لمها وقالت صاحبى بناتك يا مها بنتك مغلطتش انها حبت مدام البنأدم اللى حبته راجل وهيقدر يحميها حتى من نفسه وعلى ما اعتقد احنا كلنا عارفين اخلاق عدى ومليكه ربته ازاى وأن هو راجل وقد كلمته ومدام حب مى مستحيل يتخلى عن مى ولا يأذيها ويحميها حتى من نفسه أما أن بقى ليه مقالوش فده بيرجع ليكى انتى يا مها انتى اللى بأيدك تخلى بنتك صحبتك وتحكى ليكى كل حاجه وأنها تكون بعيده عنك وتخبى محدش يلوم عليها بقى
سمر :- على فكره يا ماما مى مش بتخبى عننا حاجه وانا ومليكه وجاكلين عارفين بالموضوع ده
مها :- انا ليا الصور اللى شيفاها دى الهانم فى حضنه قولو ليا ازاى بنت محترمه تبقى فى حضن راجل غريب بالمنظر ده ازاى تسمح ليه يلمسها ويبوسها كده ازاى يوسف شاب وليا حق يعمل كده واكتر بعد ما شاف أخته كده
تيلا :- يوسف اتعصب اوى يا خالتو انا معاكى أن الصور صعبه عليه بس برضه كان سمعها وبعدين هو بيحرم على أخته اللى محلله لنفسه ليه طيب ما انا وهو بنحب بعض ايه العيب فى كده
مها :- لاء يا تيلا الفرق كبير فى فرق بين لما يبقى كلنا عارفين بالعلاقه وعارفين اخرتها ايه اللى هو فرحكم اخر الاسبوع وفرق بين اللى مقضينها فى الخفة وعلاقه مش مفهوم اخرتها ايه وانا متأكده أن مليكه متعرفش بالموضوع ده لو تعرف كانت منعت كل اللى بيحصل ده
مى الكبيره :- سمر خدى اختك وخليها تغسل وشها وخليها تغير هدومها
سمر :- حاضر يا خالتو واخدت مى على اوضتها وراحو معاها البنات
مى :- انتى يا بنتى غبيه بضيعى بنتك من ايدك بدل ما تخديها فى حضنك وتحتويها عماله تجرحى فيها بالكلام بنتك لسه صغيره وممكن الشيطان يضحك عليها ويخليها تفكر تعمل حاجه فى نفسها هى مغلطتش انها حبت ولا غلطت فى اختيار الشخص بس يمكن اسلوب التعامل ما بنهم كان غلط شويه نتيجة مشاعرهم الزياده هو بما أن كان خاطب واحده مش بتقولو على كل حاجه لاء فهو شايف أن هو كده صح ومى لسه صغيره ومجربتش قبل كده المعامله ما بين الراجل والست ومشاعرها اخدتها بطريقه غلط واجبك انتى كأم تقعدى مع بنتك وتفهميها يعنى ايه مشاعر ويعنى ايه احساس وازاى تستخدمهم وأمته تعرفيها أن الحب عمره ما كان عيب ولا حرام بس لما يكون فى النور وبما يرضى الله مش تسبيها لحد ما تغلط وترجعى تلومى عليها لو هتلومى لومى نفسك شويه كده اطلعى ليها خديها فى حضنك طمنيها واديها الثقه علشان بعد اللى حصل ده اكيد هى فقدتها فى نفسها وفى اللى حواليها ويوسف برضه كلميه وهديه شويه انا عارفه ومتأكده أن اسر حكيم وهيتصرف بحكمه وهيعرف يحتوى بنته وعارفه أن هو مش من النوع اللى بيتعصب بسرعه واكيد قراره فى الموضوع ده هيرضى الكل
مها :- انا خايفه يوسف يتهور ويعمل حاجه مع عدى
مى :- متخفيش الرجاله الكبار موجودين لاى حاجه تحصل هيتصرفو بحكمه
مها :- يارب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند اسر ويوسف
اسر كان متعصب وكان تعبان فى نفس الوقت
اسر :- بعصبيه ممكن افهم ايه اللى انت عملته ده
يوسف :- بعصبيه وصوت عالى عملت ايه ده المفروض كنت كسرت رقبتها وروحت كسرت رقبته هو كمان
اسر :- ولد انت بتعلى صوتك عليا
يوسف :- انا اسف يا بابا مقصدش بس انا الدم بيغلى فى دماغى من ساعة ما شوفت اختى فى حضن الو****** ده
اسر :- اختك غلطت بس عيله لسه صغيره
يوسف :- لاء يا بابا مش عيله العيله مش بتروح تترم فى حضن حد ولا بتتباس
اسر :- يوسف عايز تقنعنى انك محضنتش تيلا ولا مره ولا بوستها
يوسف :- ايه اللى انت بتقولو ده يا بابا تيلا كلها كام يوم وهتبقى مراتى
اسر :- جاوبنى محصلش
يوسف :- ما بقولك يا بابا حتى لو حصل فى الاول وفى الاخر ده هتكون مراتى
اسر :- معنى كده حصل طيب مش حرام انك تلمس بنت الناس ولسه هى غريبه عنك ومتجوزوش لبعض
يوسف :- ح.ح.حضرتك ده مش موضعنا دلوقتى
اسر :- لاء موضعنا يا يوسف انت حللت لنفسك اللى حرمته على اختك طيب ايه رأيك لو اروح اقول لباسم ابوها ابنى باس بنتك ولسه مفيش بنهم حاجه هترضى أن ابوها يضربها
يوسف :- لاء طبعآ
اسر :- اشمعنا انت ضربت اختك رغم انت عملت نفس اللى عدى عمله معاها معنى كلامى يا يوسف افعالك بتترد فى اختك انت بوست تيلا اختك اتباست انت حضنت تيلا اختك اتحضنت يعنى افعل يا ابن ادم كما شئت كما تدين تدان اختك ردت فعل لافعالك
يوسف :- بس انا واثق من حبى لتيلا واتقدمت وفرحنا كمان كام يوم هو بقى بعد اللى عمله ده فين ولا اتقدم ولا عمل حاجه
اسر :- انا واثق فى عدى وعارف أن هو راجل وهيجى يتكلم على اختك
يوسف :- يا بابا ده عمره قد عمرها مرتين
اسر :- لو بيحبو بعض فرق السنين عمره ما هيكون عائق ما بنهم لان العمر مش بالسنين العمر بعدد اللحظات الحلوه جنب اللى بتحبه
يوسف :- يعنى انت موافق على اللى بيحصل ده يا بابا
اسر :- انا قولتلك اختك غلطت بس لسه صغيره ولسه معندهاش خبره فى الحياه
يوسف :- بعد اذنك يا بابا مى مش هتخرج من باب الفيلا ولو السنادى راحت عليها مش مشكله بس مستحيل تخرج تانى لوحدها بعد اللى حصل
اسر :- اللى فى دماغك فى دماغك عمومآ اتفضل دلوقتى وملكش دعوه بأختك فاهم
يوسف :- حاضر عن اذنك وخرج يوسف من اوضت المكتب وقفل وراه الباب
اسر :- حط أيده على قلبه من عزم التعب وقال يارب عدى الأمور على خير وقام من على مكتبه وخرج
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فهد كان قاعد فى المكتب بتاعه وجرس باب الفيلا رن انتظر حد يفتح بس كانت مليكه فى اوضتها بتصلى قام من على مكتبه وخرج فتح الباب
فرد الأمن :- فهد بيه حد ساب لحضرتك الظرف ده
فهد :- اخده وبصله بأستغراب وقال ماشى شكرآ ودخل وقفل الباب وفتح الظرف واتصدم لما شاف اللى فيه نده على عدى بأعلى صوت عنده
فهد :- عدددددددى انزل هنا حالا
الكل اتخض من صوت فهد ونزل يجرى
عدى :- خير يا بابا
فهد :- راح عند عدى وضربه بالقلم وقال انت ازاى تعمل كده
عدى :- اتصدم من اللى حصل
مليكه :- جريت ووقفت قصاد عدى وقالت فهد ايه اللى انت عملته ده
فهد :- بعصبيه ملييييييييكه اوعى من وشى دلوقتى
مليكه :- طيب اهدا بس وفهمنا براحه فى ايه
فهد :- اسألى المحروس
مليكه :- عملت ايه يا عدى
عدى :- فكر أن ابوه عرف بموضوع روان وقال والله ما حصل حاجه يا ماما انتو فاهمين غلط والله
فهد :- وايه الصح فهمنا
عدى :- يا بابا انا كنت رايح اخد وسكت
مليكه :- ما تقولو في ايه بالظبط
فهد :- البيه ابنك ماشى مع مى بنت اختك مها وحد مصورهم فى اوضاع مش كويسه واداها الصور
مليكه :- بصدمه ايه وبصت لعدى وقالت ا.ا.انت تعمل كده طيب ازاى ده انا ربيتك على القيم والأخلاق ازاى تعمل كده ازاى وبعدين مى الصغيره ده عمرك قد عمرها مرتين
عدى :- اتفاجئ وقال مين جاب الصور دى يا بابا
فهد :- هو ده كل اللى همك
عدى :- يا بابا بالله عليك قولى وانا هقولكم كل حاجه
فهد :- واحد سبهم مع الامن بره
عدى :- يا بنت ال***** ياروان ودينى ما انا سيبك
فهد :- بعصبيه جهز نفسك علشان نروح نطلب البت من ابوها
عدى :- بصدمه ايه
فهد :- ايه كنت عايز تمشى وتحضن وتبوس وبعد كده تخلع عشت طول عمرك على و***** مع اللى كانت مراتك
ودلوقتى بتكرر نفس الموضوع
عدى :- بابا انا بحب مى بجد ومحصلش حاجه من اللى فى دماغك دى انا مقربتش على مى علشان عمرى ما اقدر اذيها بس الصور دى فى لحظه كنا بنعبر لبعض عن مشاعرنا فيها بس مش اكتر والله
فهد :- ترضاها على اختك
عدى :- بص على الأرض ومقالش ولا كلمه
فهد :- مش عارف ترد طبعآ
فريد :- انا ساكت من بدرى ومتدخلتش فى الحوار بس ازاى جالك قلب تعمل كده وتغضب ربنا طول عمرك مش بتعمل حساب ربنا فى الحاجه دى انت ضعيف والشيطان بيعرف يضحك عليك بكل سهوله وتملى يدخلك من نحية شهواتك لأنك ضعيف تملى فيها بس كل ده لزات فى الدنيا بس بتخسر بيها الآخره اتقى ربنا محرمتش من جوازتك اللى فاتت لما كنت بتعمل المحرمات معها واتبنا البيت على الحرام والمعاصى ومكملش البيت اللى اساسه الاحترام والتدين بيبقى قوى ولا مليون شيطان يقدر يدخله لأنه محصن بذكر الله اما البيت اللى اساسه زنا وافعال تغضب ربنا ضعيف الشيطانه تملى فيه ويحصل فيه زى ما حصل معاك انت وروان
عدى :- يا جماعه والله غصب عننا مشاعرنا هى السبب
مليكه :- بس هى عيله متعرفش لسه حاجه فى الدنيا دى لكن انت يا عدى يا متربى على القيم والأخلاق الحميدة ازاى تعمل كده مع بنت خالتك
عدى :- عارف ان كده غلط وان انا كبير جدآ عنها بس بحبها غصب عنى
فهد :- اطلع اجهز نروح نطلبها
عدى :- على قد الزعل اللى زعلانه من اللى حصل بس كان قلبه بيرقص من جوه من الفرحه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مستشفى الامراض العقليه
كان قاعد مازن وهو سرحان ومش بيتكلم مع حد وظهر عليه الكبر والمرض
وفى الوقت ده دخلت حياة ومحمد وقعدو جنبه
محمد :- خالو عامل ايه دلوقتى
مازن .............
حياة :- ازيك يا حبيبى واحشنى صوتك كلامك ضحكك زى زمان
مازن :- ..............
حياة:- بصت لمحمد ورجعت بصت ليه تانى وقالت طيب اقولك على حاجه انا روحت عند مى ولاقيت تيلا قعده معاهم فى الفيلا وكمان هنا كبرت واحلوت
مازن :- اول ما سمع اسم مى وتيلا وهنا بص لحياة بأهتمام
حياة :- فهمت أن مازن عايزها تكمل وفرحت أن استجاب معاها قالت تيلا كبرت وبقت عروسه زى القمر د د دى حتى قالت إنها هتيجى ليك هى وامها وهنا
مازن :- ابتسم وده محصلش من مده طويله جدآ
محمد :- فرح وقال طيب انت عارف يا خالو هنا معايه فى الجامعه شوفت انا محظوظ ازاى
مازن :- بأبتسامه هز راسه
حياة:- انا فرحانه اوى انك النهارده اتجوبت معنا ياريت المره الجايه تتكلم معانا
مازن :- رجع بص قدامه تانى وسرح
حياة :- بصت بأقلة حيله لمحمد وقامت وقفت وباست راس مازن وقالت همشى دلوقتى وهجيلك تانى باى يا حبيبى ومشيت هى ومحمد عند الدكتور
حياة :- حكت ليه اللى حصل مع مازن
الدكتور :- دى بشره حلوه على فكره مدام فى مؤشرات جددت فى حالته يبقى العلاج بدأ يستجيب وهيبقى كويس إن شاءالله بس حاولى تجيبى بناته ومراته اللى قولتى عليهم هتغير كتير من الحاله وهتطور من النفسيه وهتساعدنا أن هو يتكلم
حياة :- أن شاءالله يا دكتور شكرآ لحضرتك وخرجت من عنده هى ومحمد
محمد :- تفتكرى يا ماما هنقدر نقنعهم أنهم يجو لابوهم
حياة :- صعب بس مش مستحيل انت عارف احنا ممكن نبدأ بمين
محمد :- مين
حياة :- هنا هى أول الخيط نحاول نقربها لينا عن طريقك ونقنعها انها تروح تشوف ابوها وبعدين نقنعها تقنع امها واختها
محمد :- بس يعنى افرضى موفقتش هنعمل ايه
حياة :- جرب مش هنخسر حاجه والبنت شكلها طيب
محمد :- ربنا يسهل هحاول أقرب منها الاول
حياة :- محمد اوعى تعلق البنت من نحية قلبها وتكسرها انا بقول قربها كابنت خال ليك وابن عمتها هى بس مش اكتر
محمد :- انتى عرفانى مليش فى الجو ده يا ماما هنا مش اكتر من بنت خالى وطالبه عندى فى الجامعه
حياة :- عارفه يا حبيبى أن عيشة بره مأثرتش على اخلاقك ولا على تقاليدنا المصريه بس انا واجبى كأم وعمه لازم انبهك واخاف على بنت اخويه
محمد :- عارف يا ست الكل ومشيو الاتنين ركبو العربيه وراحو على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند جومانه وكريم
كانت جومانه قعده فى اوضتها وسمعت صوت كلام نزلت لاقت فارس بيتكلم مع كريم
جومانه :- بعصبيه انت ايه جابك هنا جاى ليه
فارس :- جومانه أهدى شويه
جومانه :- ملكش دعوه بيا فاهم
فارس :- جومانه بالله عليكى سامحينى مش قادر اعيش من غيرك الفيلا وحشه اوى وانتى مش فيها ارجعى بالله عليكى
جومانه :- لاء يا فارس مش راجعه تانى الفيلا انا عايشه هنا ومرتاحه ارجوك ابعد عنى بقى وسبنى فى حالى
كريم :- احم هروح اشوف البت بسمله بتعمل ايه كل ده فى المطبخ وسابهم ومشى
فارس :- راح عند جومانه ومسك ايديها وبسها وقال جومانه انا عارف ومتأكد انك لسه بتحبينى وعمرك ما تقدرى تكرهينى اللى حصل ده غباء منى معرفش ازاى بس كل اللى اعرفه ان مكانك فى قلبى محدش قدر يوصل ليه انتى حب عمرى وعشرتى الطيبه انتى كل حاجه حلوه فى حياتى سامحينى وارجعى ليا وانا اوعدك هعوضك عن كل ده وهنعيشو اللى فاضل من حياتنا فى حب وموده مع بعض
جومانه :- فارس انت كسرت قلبى جامد واصعب حاجه فى الدنيا كسرت القلب بيتوجع وبينزف ومحدش بيبقى حاسس بحاجه انتى مفكرنى فرحنا يعنى باللى احنا وصلنا ليه ولا حابه أن ولادنا تعيش مشاكلنا معانا بس كل ما بحاول اسامحك افتكر اللى انت عملته قلبى يوجعنى من تانى ومقدرش اسامحك
فارس :- شدها فى حضنه وقال تعالى فى حضنى وانتى هتعرفى قد ايه مشتاق ليكى هتعرفى أن قلبى بيصرخ من جوه بأسمك انتى هتعرفى أن حضنى ده عمر ما حد دخل فيه من يوم ما عرفتك الا انتى علشان ده ملكك انتى يا جومانه مش ملك اى حد تانى
جومانه :- كانت حاسه براحه فى حضن فارس ومش سامعه غير دقات قلبه وشمه ريحت برفانه
فارس :- حس أن جومانه هاديه فى حضنه ومش حاسه بأى حاجه مشى أيده على شعرها وبسها فى راسها وقال انا عارف ومتأكد انك مش بتنامى بليل لأنك واخده تنامى على صوت دقات قلبى وانا والله يا جومانه من يوم ما بعدى عن حضنى وانا مش بعرف انام الليل علشان انتى مش فيه
جومانه :- مسكت فيه اكتر ودموعها نزلت منها وقالت ليه تجرحنى بالشكل ده يا فارس ليه
فارس :- خرجها من حضنه ومسك وشها بين ايديه ومسح دموعها وباس راسها وقال حقك عليا يا عمرى اللى راح وعمرى اللى جاى والله العظيم دموعك دى غاليه عليا اوى وبتقطعنى من جوايا انا اسف يا جومانه اسف وضمها تانى لحضنه وقال لو مش حابه ترجعى الفيلا اليومين دول مفيش مشكله خلينى قاعد هنا معاكى ووقت ما تحبى ترجعى نرجع مع بعض
جومانه :- من جوه حضنه هزت راسها بمعنى موافقه
فارس :- مصدقش نفسه وقال لاء بجد موافقه اقعد معاكى هنا
جومانه :- ايوه يا فارس
فارس :- بفرحه يعنى سامحتينى
جومانه :- لاء لسه
فارس :- نعم
جومانه :- لسه لما انت تثبت ليا انك ندمان بجد على اللى حصل
فارس :- بيتهيألى أن عينى باين عليها الندم وانا مستعد اعمل اى حاجه عايزها علشان اثبتلك كده
جومانه :- هتعمل
فارس :- ايه
جومانه :- تقعد معانا بس هتعيش فى اوضه لوحدك يعنى انت هتنام فى اوضه وانا هنام فى اوضه
فارس :- بصدمه ايه طيب ليه العقاب الصعب ده يا جومانه هتحرمينى منك ليه
جومانه :- لحد ما احس نفسى سامحتك
فارس :- ربنا يصبرنى بقى حاسس أن الأيام بتعيد نفسها ما انا عيشت معاكى قد ايه واحنا لسه متجوزين من غير مااجى جنبك
جومانه :- ها ماشى
فارس :- باس راسها وقال موافق المهم تكونى قصاد عينى علطول
جومانه :- ماشى اطلع بقى نضف اوضه ليك
فارس :- نعم
جومانه :- ايه نسيت عملت فيا ايه اول يوم جواز
فارس :- نهارك اسود انتى ايه مش بتنسى
جومانه :- لاء
فارس :- صدق اللى قال على الحريم أن هما عمرهم ما بينسو حاجه ابدآ
جومانه :- هتطلع تنضف الاوضه
فارس :- طيب اخلى الواد كريم ولا البت بسمله يساعدونى
جومانه :- لاء ولادى واحشنى وعايزه اقعد معاهم
فارس :- ما الولا كريم معاكى علطول خليه معايه يساعدنى
جومانه :- هزت راسها بمعنى لاء
فارس :- ربنا على المفترى
جومانه :- هههههههههههههه
فارس :- ايوه كده كانت واحشانى الضحكه دى من زمان ولسه هيقرب يبوسها
كريم :- عندك يا حاج معندناش امهات بتتباس
فارس :- تصدق انك رخم
كريم :- هههههههه وانا هجيبه من بره يعنى اكيد طالع لحد فيكم
فارس :- عن ابوه شكلك
بسمله :- طلعت تجرى على امها وقالت واحشتينى اوى يا ماما
جومانه :- حضنتها وقالت انتى اكتر يا حبيبت ماما عامله ايه فى مدرستك
بسمله :- الحمدالله يا ماما بس الفيلا واحشه اوى من غيرك
كريم :- وعامله ايه من غيرى
بسمله :- لاء انت العكس الفيلا من غيرك مسكره والله وهدوء
كريم :- ربنا يكرمك يارب ونعمه الاخت والله اللهى اشوفك زيها
بسمله :- هى مين
كريم :- نعمه
بسمله :- تشوفنى زيها ازاى
كريم :- اشوفك زيها مشلوله ومحروقه وخارسه وعاميه وطرشه
بسمله :- بعد الشر عليا أنشالله انت
كريم :- يلا حبيبتى وقتك انتهى خدى ابوكى الامور ده وامشو
فارس :- ههههه قعدين على قلبك يا ثقيل
كريم :- احلف
فارس:- اسأل امك
كريم :- انتو رجعتو لبعض فى الجونينه تحت الشجره
جومانه :- يا ولا لم نفسك
كريم :- لاء مدام قولتى يا ولا يبقى رجعتو اصل اليومين اللى فاتو كنتى بتحترمينى وتقوليلى يا كريم لكن بعد ما رجعتى للحاج خلاص متعرفيش كريم
بسمله :- صح يا كريم
كريم :- صح يا كريم ده سؤال فى الامتحان ولا ايه ضع علامة صح بجوار الاجابه الصحيحه
بسمله :- غلس ودمك يلطش
كريم :- دمى يلطش طيب يلطشك على وشك ولا على قفاكى هههههههههههه
بسمله :- تصدق مش هقولك اللى كنت عايزه اقولهولك
كريم :- اللى هو ايه بقى
بسمله :- أن فى واحد اسمه جاسر جه سأل عليك علشان بقالك كذا يوم مش بتروح الجامعه مش هقولك برضه
كريم :- ده على اساس انك كده مقولتيش ربنا يشفيكى يا بسلة
جومانه وفارس :- ههههههههههههه
بسمله :- بغيظ انتو بتضحكو خلى البارد ده ملهوش دعوه بيا
كريم :- لالالا انتى زعلتى يا بسله كله الا زعلك عندى وحضنها
بسمله :- تنح وغلس بس بحبك
كريم :- الحقى يا بسمله تعبان على دراعك
بسمله :- عاااااااااااااااا الحقنى يا بابا
كريم :- مسكه فى أيده وضحك وقال ههههههههههه متخفيش ده جلد كنت محضره اعملو فى ماما بس مش خساره فى طيبة قلبك ههههههههههه
بسمله:- تصدق انك عيل رخم قلبى كان هيقف عليا ربنا يخدك يا شيخ
جومانه :- بس بس صدعتونى وبصت لكريم وقالت وانت تنزل الجامعه بتاعتك بكره ياروح امك
كريم :- مالها امى بس ده كانت اليومين اللى فاتو حمل وديع بس لما رجعت لفارس بقت حامل فى الوديع
جومانه :- ولا اطلع اوضك
كريم :- حاضر امامى خدى ده وحدف عليها فار صغير جلد
جومانه :- عااااااااا وبعدين لاقته جلد قلعت الشبشب وقالت ودينى ما انا سيباك يا ابن الجزمه
كريم :- طلع يجرى وقال طيب الجزمه مقسها كام
جومانه :- حدفته بالشبشب وقالت قد دماغك يا روح امك
كريم :- جت فيه الشبشب وقال ااااااه نشينتى يا جومانه ملكيش امان بتقلبى فى ثانيه للكاتعه وطلع يجرى على اوضه
جومانه :- هههههههههههههه
فارس :- هطلع انا فوق بقى اشوف اللى ورايا وبعدين قال بسله تعالى عايزك
بسمله :- حاضر يا بابا
جومانه :- حطت ايديها على كتف بسمله وقالت لاء سيب بنتى معايه واحشانى اصلها
فارس :- ماشى يا جومانه وطلع على الاوضه ينضفها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الشقه عند معاذ
كانو التلاته قعدين وبيتكلمو مع بعض
وحيد :- احلى ما فى الموضوع أن الحظ معانا كل حاجه ماشيه زى ما مخططين واحسن كمان
شهاب :- عندك حق يا وحيد حاسس أن انتقامنا منهم هينتهى احسن ما كنا بنخطط كمان
وحيد :- معاذ انت قولت ليه هتقدم المعلومات عنى امته
معاذ :- ...................
وحيد :- معاذ انت يا ابنى بكلمك
معاذ :- ها بتقول ايه
شهاب :- مالك يا ابنى حالك مش عجبنى اليومين دول
معاذ :- مفيش وبص لوحيد وقال كنت بتقول ايه
وحيد :- بقولك هتقدم المعلومات عنى امته
معاذ :- بكره أو بعده بالكتير
وحيد :- يعنى ممكن الحق اعمل الفرح معاهم الاسبوع الجاى
معاذ :- لاء هيبقى صعب وعلى فكره انا كلمت اسر على جاكلين ان يجى يتقدم معايه لابوها
شهاب :- ايوه كده اللعب دخل فى الجد اهو
معاذ :- مش عارف ليه حاسس أن احنا ظلمنهم حاسس أن فى حلقه مفقوده فى كلام ابونا لينا مش مرتاح للى بيحصل ده هو احنا ليه اتعلمنا علشان نستخدمه فى الطريق الغلط وازاى احنا صعايده وجاين نيجى على ولايه ملهمش اى ذنب انا حاسس أن انا ضايع
شهاب :- استنا عندك يعنى انت عايز تقنعنا أن ابونا ضحك علينا طيب ليه وايه مصلحته يكدب علينا وهو كده كده كان ميت وليه هيقتل امنا وليه كان اللى اسمه فهد ده مقعد امى عنده وليه كان بيجى ليها وليه عملو بكل طريقه وحبسو ابونا وخلو السكرتيره بتاعت فهد تعترف بكلام محصلش
معاذ :- أنا مقولتش أن ابونا كداب قولت فى حاجه مفقوده فى الموضوع ده انا عايش معاهم عشرتهم وحاسس أنهم مستحيل يعملو كده
وحيد :- لاء يا معاذ عملو بس انت علشان حبيت بنتهم الحب عماك وخلاك متشوفش الحقيقه عايز تتطلع نفسك من الموضوع طلع وانا وشهاب هنعرف ناخد تارنا منهم بس شوف هتقول ايه لستك لما تسألك
معاذ :- انا مقولتش كده انا بقولكم على اللى حاسه بس تار ابويه هخده معاكم وهنتقم من جاكلين ووقف وقال عن اذنكم ودخل اوضه
شهاب :- مش مطمن لاخوك وحاسس أن ضيعنا هيكون على ايد اخوك معاذ الحب عاميه
وحيد :- عندك حق معاذ لما حب اتغير كتير وبقى ضعيف وضعفه ده اللى هيودينا فى داهيه
شهاب :- ربنا يستر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
فى اوضت مى
عملت نفسها نايمه علشان البنات تخرج واول ما خرجت البنات من الاوضه قعدت على سريرها وضمت رجليها لصدرها وقعدت تعيط
مى :- بدموع انا غلطانه أن واثقت فيه انا غلطانه أن فكرته حبينى اداريه واخدنى مجرد شهوه ليه ولاء كمان مصورنى معاه وبعت الصور علشان يكسرنى انا بكرهو وبكره قلبى اللى حبه وبكره نفسى أن ضعفت قصاده يارب انا تعبت مبقتش قادره استحمل كل ده ياريت فضل بعيد عنى احبه من بعيد لبعيد وكانت صورته حلوه فى عينيا ولا إن كنت قربت منه وعرفت أن هو واحد زباله انا هشيله من قلبى عارفه أن هيطلع منه بصعوبه وقلبى هينزف شويه بس هرتاح من حبه اللى ضعفنى ده وقعدت تعيط
تحت عند مى ومها ويوسف واسر
نزلو البنات من عند مى
مى الكبيره :- مى عامله ايه دلوقتى
سمر :- نامت
مليكه :- صعبانه عليا اوى وحاسه ان انا اللى موجوعه مش هى
جاكلين :- بصت على يوسف بغيظ وقالت مسكينه الدنيا جت عليها و ظلمتها وهى لسه صغيره
يوسف :- بلاش انتى تتكلمى تلاقيها كانت بتعمل كده بمعرفه منك علشان اخوكى
جاكلين :- وقفت بغيظ وقالت يوسف لحد هنا ومش هسمحلك تهنى وتهين اخويه يا اخى راعى ان انا بنت خالتك ومتربيه معاك بدل ما انت عمال تقول كلام اهبل
يوسف :- زى ما انتى زعلانه على اخوكى انا زعلان على اختى
جاكلين :- خلاص يا يوسف براحتك مش عايزه اعرفك تانى ومسكت الشنطه بتاعتها ولسه هتمشى
تيلا :- مسكتها وقالت استنى بس يا جاكى يوسف متعصب بس ميقصدش يزعلك والله
جاكلين :- لاء يا تيلا يوسف جاب آخرها معايه
مها :- علشان خاطر خالتك اقعدى يا جاكى
جاكلين :- خاطرك على عينى وراسى بس مستحيل هقعد فى بيت بتهان فيه انا واهلى
اسر :- جاكى اقعدى واذا كان ولابد حد يمشى من هنا يبقى هو مش انتى
جاكلين :- سكتت ومردتش
مى :- خلاص يا حبيبتى اقعدى احنا فى الاخر اهل فى بعض
وفى الوقت ده جرس الباب رن
سمر :- فتحت الباب واتصدمت وقالت عمو فهد تعالو ادخلو
فهد :- دخل هو وعدى وفريد ومليكه
اسر :- فهد تعال اتفضل
يوسف :- اتغاظ من وجود عدى وراح عنده ومسكه وقال انت جاى هنا ليه ليك عين بعد اللى عملته
فريد وفهد :- بعدو يوسف عن عدى
اسر :- يوسف عيب اللى انت بتعملو ده حرام عليك تعبتنى معاك
فهد :- اهدا يا اسر انا مقدر الحاله اللى يوسف فيها اكيد وصل ليكم نفس الظرف اللى جالنا
يوسف :- ابنك واحد واطى مرعاش أن هى بنت خالته وعيله وضحك عليها بكلمتين الحب بتوعه
عدى :- لاء يا يوسف انا مضحكتش على مى انا بحبها ومفيش حاجه حصلت ما بنا وانا محافظ عليها حتى من نفسى علشان مقدرش اوجع مى
اسر :- اقعدو بس
الكل قعد
اسر :- يا ابنى احنا مش منعين العلاقه دى مدام حب شريف لكن الغلط انكم تخبو علينا
عدى :- عارف يا عمى أن انا غلط لما خبيت عليكم بس كنت خايف انكم تعترضو على جوازنا علشان السن
يوسف :- لاء شهم يا ولا ولما انت عارف اننا هنرفض علشان فرق السن ليه كملت معاها
عدى :- علشان مقدرش ابعد عنها
يوسف :- بغيظ متتكلمش على اختى كده قدامى
عدى :- علشان كده حبنا كنا بنخبوه شوف انت ازاى رافض حتى تسمعنى وانا بقول كلمه حلوه على اختك يبقى ازاى هتتقبلو اننا بنحب بعض
اسر :- السن مش مشكله يا ابنى وانتو قبل اى حاجه ولاد خاله وعارف يا عدى انك راجل وعمرك ما هتقدر تأذى مى وان حبك صادق ليها وكنا هنقدر ده وكنتو هتبقو زى يوسف وتيلا وفريد وسمر محدش وقف فى طريق حبهم مدام فى النور وبالحلال
عدى :- بص للارض وقال انا اسف انا اسف بجد يا عمو اسر
مليكه :- احنا بجد اتصدمنا من اللى حصل ده بس نسينا اصلا نفكر فى اللى عمل كده وبيحاول يفرقهم عن بعض
جاكلين :- واضحه يا ماما اكيد انتى عرفاها
مليكه :- من بقول مفيش حربايه غيرها اللى ممكن تعمل كده وبصت لمها وقالت مها مش عايزاكى تزعلى مننا مى زى بنتى بالظبط واكيد انتى عارفه احنا بنحب عيالك قد ايه وطول عمرنا عايشين مع بعض ومفيش حد قدر يفرقنا متخليش واحده زى دى توقع ما بنا
مها:- ايه اللى انتى بتقوليه ده يا مليكه احنا مهما حصل هنفضل مع بعض واللى حصل ده مهما يكون عيال وغلطو واحنا نعرفهم غلطهم وبس مش نبعد عن بعض
فهد :- وعلشان كده احنا جاين نطلب ايد مى لعدى وفرحهم يكون مع يوسف وفريد
اسر :- انا بس فى الوقت ده نزلت مى من فوق وقطعت ابوها وقالت
مى :- انا مش موافقه يا عمو
الكل اتصدم من كلام مى
يوسف :- وقف وراح عندها وقال بعصبيه ليه حابه تقضيها معاه وبس
مى :- انا بعترف أن غلط لما صدقت واحد زيه
يوسف :- بعد ايه بعد ما اتفضحتى هتتجوزيه ورجلك فوق رقبتك
مى :- لاء مش هتجوزه
يوسف :- رفع أيده ولسه هيضربها بس حد مسك أيده ومنعه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
