 |
رواية امتلكني بالاجبار الجزء الثاني الفصل الثاني والعشرون بقلم ملك عبد المنعم
علي قام بخوف بسرعه لما شاف رساله مبعوت فيها صور مصطفي .( مصطفى قال كل حاجه و الدور عليك ). علي بلع ريقه بتوتر ./اكيد ادهم عرف اكيد .بس هو لو عرف مكاني كان زمانه وصلي .
علي مسح علي وشه بهدوء. /لا هو كده مش عارف مكاني. لازم اهدي عشان نعرف نتصرف . علي الاقل اقدر اخد ورثي في عمي.
______________________________________
ادهم دخل اوضته بهدوء . و بص علي مريم الي كانت نايمه بعمق . ادهم قعد جمبها بهدوء و رجع دماغه لوره بتعب و هو بيفتكر كلام الدكتوره .
Flash back .
ادهم دخل عند الدكتوره بهدوء . الدكتوره بهدوء ./اتفضل يا استاذ ادهم .
ادهم قعد بتردد لاحظته ناديه . ناديه بهدوء ./ حضرتك حابب تتكلم دلوقتي و لا مره تانيه.
ادهم اتنهد بهدوء ./مش عايز حد يعرف اني باجي هنا .
ناديه ابتسمت بهدوء./يا استاذ ادهم دي اسرار مريض اكيد محدش هيعرف . بس المهم حضرتك ترتاح و تتكلم معايا بكل صراحه .
ادهم هز رأسه بهدوء ./ انا بس جاي علشان مراتي و يعني...
ادهم سكت بضيق . ناديه بهدوء ./يا استاذ ادهم حضرتك اتكلم عشان اعرف اساعدك .
ادهم هز رأسه بتعب ./مريم مراتي عندها اضطرابات نفسيه . ابتدت تزيد الفترة دي .
ناديه ./يعني هي كان عندها الاضطرابات دي قبل كده .
ادهم هز رأسه بهدوء . ناديه ./انا محتاجه اعرف كل حاجه ايه اللي خلاها تعاني من الاضطرابات دي . و ايه اللى رجعهالها تاني . عايزه اعرف كل حاجه حصلت أو اي حاجه بتحصل بترجعها للحاله دي . و ايه اللي بيحصل معاها . عشان اقدر اساعدكم .
ادهم هز رأسه بهدوء و ابتدي يحكيلها كل حاجه من ساعة ما عرف مريم .
ناديه ابتسمت بهدوء بعد ما ادهم خلص ./انا محتاجه اسمع من مدام مريم كل اللي حصل .
ادهم اتنهد بهدوء ./انا عارف ان مريم لازم تيجي . بس انا مبقتش قادر اشوفها بالحاله دي . مش قادر اشوفها خايفه مني حتي و هي عارفه انه كان غصب عني .
ناديه ./ ليه محاولتش تعالجها قبل كده .
ادهم باستغراب ./عشان كانت مطمنه معايا . كانت بطلت تخاف مني .
ناديه بهدوء ./استاذ ادهم مشكلة مدام مريم اكبر بكتير . مدام مريم مشكلتها طفولتها . هي واحده عاشت في قسوة والدها و بعد كده مامتها اتوفت و لقت نفسها مسئوله عن اختها . و فجأة بقت متجوزه غصب عنها . العنف اللي اتعرضتله مش شرط يكون بالأيد و الضرب ده عنف نفسي .و بالتالي اي حاجه بتحصل بترجعلها التهيئات دي تاني . حتي لو الطريقه مختلفه. بس هي متعفتش من طفولتها عشان تتخطاها .
ادهم هز راسه بهدوء . ناديه بهدوء ./هستني حضرتك و مدام مريم بكره .
ادهم وقف بهدوء ./حاضر .
نهاية الـ Flash back .
ادهم فاق علي ايد مريم اللي كانت بتهزه بضيق . ادهم فاق و اتعدل بهدوء ./ في ايه يا مريم . في حاجه تعباكي .
مريم هزت راسها برفض ./انا بكلمك من بدري و انت مش معايا . انت كويس .
ادهم هز رأسه و ابتسم بهدوء ./ كويس يا حبيبتي كويس .
مريم بشك ./ادهم انت عملت حاجه لـ نوران.
ادهم ضحك بهدوء ./ لسه بس اوعدك هعمل كتير اوي .
مريم بهدوء ./يا ادهم انت وعدتني انك مش هتعمل حاجه تأذي بيها نفسك .
ادهم ابتسم بهدوء ./حاضر .
ادهم بص علي الباب اللي اتفتح بهدوء و عز دخل . ادهم ابتسم بهدوء. /ايه اللي صحاك يا حبيبي .
مريم بصت علي عز بقلق . /مالك يا حبيبي في حاجه وجعاك .
عز هز راسه بنوم و حضن مريم ./هنام معاكي .
مريم ابتسمت بهدوء و رفعته علي السرير ./ماشي يا حبيبي يلا نام .
مريم ابتسمت بهدوء لـ ادهم ./تصبح على خير يا حبيبي .
و خدت عز في حضنها و نامو . ادهم بص عليها بغيظ ./و انتي من أهله يا حبيبتي .
و نام جمبهم و ثوان و غاص في نوم عميق.
________________________________________
ادهم صحي علي صوت تليفونه . و اتنهد بضيق و رد ./الو يا نوران خير .
نوران بتوتر ./كنت عايزاك تيجي عشان اعلان الوراثه .
ادهم بسخريه ./حاضر يا نوران هشوف ميعاد مناسب و ابقي اجي و اجيب المحامي .
نوران بضيق ./ايوه بس..
ادهم قاطعها بهدوء ./خلاص يا نوران قولت لما افضي سلام .
نوران قفلت التليفون و بصت عليه بضيق .
عند ادهم ..
ادهم اتعدل و ابتسم بهدوء علي مريم و عز . ادهم باس راس مريم بحب . و خد هدومه و دخل الحمام .
_____________________________________
علي بغضب ./بقولك نوران لو عرفت انك بتقابليني هتقتلك و تقتلني . افهمي بقي مينفعش تيجي الفترة دي خالص .
ليلي قعدت بسخريه . /و مينفعش اجي ليه . انت مش المفروض ليك ورث و هتاخده . و لا ناوي تبعني و تنسي اللي عملته معاك .
علي مسح علي وشه بضيق./ ورثي ملوش دعوه باللي بيني و بين ادهم . و اللي بيني و بينه هنخلصه انا و انتي . بس بالعقل .
ليلي قامت بغضب ./لا بقي مفيش عقل لحد كده . انا عملت نفسي مصدقه انك كنت بتتفق مع نوران من ورايا عشان تضحك عليها. و روحت لـ نصار و عملت اللي قولتلي عليه و اهو مات قبل ما يخلص من نوران . و نوران فضلت زي العقربه عايشه و انا لو وصلتلي هقولها علي كل حاجه .
علي قعد ببرود ./قولي علي كل حاجه . و ادهم يخلص منك و منها و ابقي ارتحت منكم انتو الاتنين .
ليلي قعدت بضيق . علي بهدوء ./افهمي انا و انتي مصلحتنا واحده . نوران دي هبله مجرد ما توصل لـ قلب ادهم كانت هتبيعنا كلنا . انا معايا اللي يخلي ادهم يخلص من نوران و نبقي ارتحنا منها . و نفضي لـ ادهم بس .
ليلي باستغراب ./ايه اللي معاك .
علي طلع تليفونه و شغل تسجيل لـ نوران و هي بتعترف أنها اللي أدت نصار جرعة أنسولين زياده . ليلي ابتسمت بسخرية ./انت عندك حق .
علي ابتسم بهدوء ./يبقي خلينا نفكر صح . و بلاش مقابلات الفترة دي . لحد ما اشوف ورثي هعرف اخده ازاي و انا قدام الناس هربان . و بعدين نكمل اللي بدأناه .
________________________________________
ادهم طلع من الحمام و بص علي مريم اللي كانت صاحيه بضيق . ادهم ابتسم بهدوء . /متخافيش انا منزلتش الشغل .
مريم ابتسمت بهدوء ./انا فكرتك نزلت من غير ما تصحيني .
ادهم قعد قصادها بهدوء ./ حجزتلك عند الدكتوره انهارده زي ما اتفقنا .
مريم هزت راسها بتردد . ادهم مسك ايديها بهدوء ./مش عايزه تروحي .
مريم هزت راسها برفض ./ انا بس خايفه . هو انا كده مجنونه يا ادهم . يعني مش غلط ابقي عندي عيال و رايحه لـ دكتوره نفسيه .
ادهم ابتسم بهدوء و هز راسه برفض ./حبيبتي مش كل اللي بيروحه عند دكاتره نفسيين مجانين و انتي عارفه كده كويس . و مش شرط عشان عندك بيت و عيال تهملي في نفسك عشان خاطري و خاطرهم . انتي تقدري تعملي اللي بتعمليه من غير ما تهملي نفسك أو تاذيها . صح و لا ايه .
مريم هزت راسها و اتنهدت بهدوء ./انت صح .
ادهم حرك أيده علي وشها بهدوء . / كل حاجه هتكون كويسه طول ما احنا مع بعض يا مريم .
مريم ابتسمت بهدوء و قامت بسرعه . /انا هدخل اغير هدومي علي بال ما داده عاليه تحضرلنا الفطار .
و دخلت و هي بتاخد نفسها بسرعه . ادهم ابتسم بهدوء عليها و نزل تحت .
ووووو....
