رواية عشقت كبريائي فهد ومليكة الجزء الثالث (لقاء الاحبة) الفصل الثالث والعشرون
فى فيلا حياة
وصل محمد ومعا هنا ودخلو الفيلا وكانت هنا متوتره وخايفه
محمد :- هنا أهدى انا مش خطفك علشان تكونى متوتره كده
هنا :- خ.خ.خايفه ماما تعرف وتزعل منى
محمد :- هتعرف منين يعنى
هنا :- انا عمرى ما عملت حاجه من وراها
محمد :- لو عايزه تمشى تعالى اروحك
هنا :- خ.خ.خلاص هدخل اسلم على عمتو حياة وامشى علطول
محمد :- طيب ما كان من الاول ودخلو الاتنين الفيلا
هنا :- ه.ه.هى مش موجوده ولا ايه
محمد :- يا بنتى استنى يعنى هتكون فين وبعدين نده وقال ماما ماما
حياة :- ايوه يا حبيبى انا هنا قعده فى الفرانده فوق
محمد :- اهو يا ستى صدقتى تعالى معايه
هنا :- م.م.ماشى وطلعت مع محمد فوق عند عمتها
حياة :- اول ما شفتها قامت تجرى عليها وحضنتها وقالت هنا حبيبت عمتو عامله ايه
هنا :- الحمدالله يا عمتو
حياة :- بصت لمحمد وقالت ايه المفاجئه الجميله دى
محمد :- ايه رأيك جبتها لحد عندك اهو
حياة :- قعدت على الكنبه وقعدتها جنبها وقالت تعالى يا حبيبتى فى حضنى ياااااا يا هنا متعرفيش انا قد ايه فرحانه أن شوفتك وكان نفسى اشوف اختك تيلا كمان
هنا :- احم ت.ت.تيلا صعب ده لو هى أو ماما عرفو أن انا جيت هنا هيزعلو منى
حياة :- طيب ليه ما انا عمتك ومن حقى اقعد معاكى وقت ما احب
هنا :- ع.ع.علشان اللى حصل زمان من با وسكتت وقالت احم اقصد من مازن معاهم
محمد :- مفهاش حاجه يا هنا لما تقولى بابا ده ابوكى مهما حصل واسمك مكتوب على اسمه ودى الحقيقه اللى مهما حصل محدش فيكم هيعرف يغيرها
هنا :- ب.ب بس انا كبرت ومشوفتش غير بابا باسم
حياة :- علشان بابا يا حبيبتى مريض نفسيآ ومحجوز فى المستشفى محدش بيسأل عليه
هنا :- بس هو عذب ماما وتيلا اوى
محمد :- غصب عنه مكنش بياخد العلاج وهو اللى وصله للحاله دى
هنا :- سكتت
حياة :- انتى لو شوفتيه هيصعب عليكى اوى ده مش بيتكلم مع حد خالص وقاعد تملى مع نفسه وسرحان
هنا :- ا.ا اشوفه ايه لالالا مقدرش اعمل كده
محمد :- ليه يا هنا مش نفسك تشوفى ابوكى الحقيقى اللى كان سبب وجودك فى الحياه
هنا :- م م.مش هينفع
محمد :- ليه
هنا :- ك.ك.كده
حياة :- خلاص سبها على راحتها يا محمد
هنا :- م.م.مش عايزاكى تزعلى منى يا عمتو
حياة :- يا حبيبتى مقدرش ازعل منك انتى بنت اخويه يعنى زى بنتى بالظبط
هنا :- وقفت وقالت انا اتأخرت ولازم امشى حالا
حياة :- اقعدى اتغدى معانا
هنا :- لالالا انا كده اتأخرت وزمان ماما هتقلق عليا
محمد :- سبيها براحتها يا ماما وهى لو حابه تيجى تزورك تانى اهى عرفت المكان تبقى تجيلك
حياة :- ماشى يا حبيبتى وخلى بالك على نفسك وضمتها جامد لحضنها وبستها
هنا :- خرجت من حضنها ومشت وقالت باى باى يا عمتو ونزلت مع محمد
محمد :- تعالى اوصلك
هنا :- ها لالا انا هاخد تاكسى مينفعش توصلنى حد يشوفك معايا
محمد :- هنزلك بعيد شويه
هنا :- لاء مش هينفع
محمد :- ماشى طمنينى عليكى لما تروحى
هنا :- حاضر باى
محمد :- باى وقعد يبص عليها لحد ما ركبت تاكسى ومشت ودخل تانى الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند تيلا
اشترت طلبتها كلها وراحت على أتيليه الفساتين ودخلت فيه وقعدت تتفرج على جميع الموديلات بس مكنش عجبها ولا واحد ولسه هتخرج لفت انتباها فستان طويل ومنفوش وبيلمع وبكمام شيفون وكان شكله رقيق جدآ ومميز دخلت تانى وقالت
تيلا :- لو سمحت انا عايزه الفستان ده
العامل :- بس ده متباع يا فندم
تيلا :- بزعل طيب مفيش منه تانى
العامل :- للاسف دى كانت قطعه واحده مستورده من بره بس لو عايزه منه بنطلبه ليكى مخصوص
تيلا :- بفرحه بجد طيب يوصل على أمته كده
العامل :- يعنى على اسبوع
تيلا :- بصدمه ايه اسبوع ده انا فرحى كمان اسبوع طيب مينفعش قبل كده
العامل :- ممكن حضرتك بس ده بيبقى طلب مخصوص ومستعجل كمان بتبقى التكلفه عاليه شويه
تيلا :- لالالا مش مشكله بس انا عايزاه بليز
العامل :- تمام يا فندم تقدرى تسيبى مبلغ تحت الحساب والباقى لما يوصل الفستان هنبلغك علشان تيجى تشوفى المقاس ونظبطه عليكى
تيلا :- ميرسى ومشيت وهى فرحانه دفعت فلوس تحت الحساب وراحت حطت الشنط فى العربيه ومشيت بيها على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند مى خرجت من الكليه وكان عدى واقف ليها
مى :- لنفسها ياربى على اللزقه السوده دى
عدى :- نزل وقال اركبى
مى :- هوف وراحت تركب من وراه
عدى :- مسك الباب اللى وراه وقال اركبى قدام
مى :- لاء أنا عايزه اركب وراه ولو عليا مش عايزه اركب معاك ولا اشوف وشك اصلا
عدى :- مى متحاوليش تستنفزى صبرى علشان مش هتحبينى وانا عصبى
مى :- ولا بحبك وانت هادى
عدى :- مىىىىىىىىى
مى :- نفخت وقالت ربنا يخدك وركبت قدام
عدى :- راح علشان يركب مكانه وضحك علي طريقتها واول ما ركب رسم على وشه الجديه وقال شوفتى الولا الملزق ده تانى
مى :- ملكش دعوه
عدى :- مى مى مى انطقى
مى :- لاء خلاص ارتحت اتنيل بقى وسوق خلينا اخلص من شكلك
عدى :- سبحان من خلانى اتحكم فى اعصابى لحد دلوقتى انتى عارفه لو كان حد غيرك وبيعمل كل اللى انتى بتعمليه ده كان زمانى دفنه وهو حى
مى :- ههههه لاء واطى وتعملها حتى معايا
عدى :- بصى انا وعدك مش هلمسك غير لما نتجوز بس اقسم بالله كلمه منك تانى لكون ناسى الوعد ده واكل شفايفك علشان اكتمك
مى :- اتكسفت من كلام عدى وقالت بنأدم قليل الادب
عدى :- ها انفذ لو اتكلمتى تانى يبقى انتى عايزانى اعمل كده
مى :- هوف وبصت من الشباك
عدى :- كتم ضحكته عليها وشغل العربيه ومشى بيها
شويه ومى اخدت بالها من الطريق وقالت
مى :- ايه ده ده مش طريق الفيلا
عدى :- صفر ببؤقه ومردش عليها
مى :- انت بكلمك رد عليا
عدى :- شغل الاغانى ورفع الصوت
مى :- طفت الاغانى وقالت متغظنيش رد عليا
عدى :- شغل الاغانى ورفع الصوت اكتر
مى :- طفت الاغانى وقالت بغيظ اقسم بالله يا عدى لو مردتش عليا لكون فاتحه الباب ونزله منها وهى ماشيه
عدى :- بصلها وسكت
مى :- كده ماشى وفتحت الباب ولسه هتنزل
عدى :- شدها وقال استنى هنا يا مجنونه ووقف العربيه
مى :- واخدنى فين
عدى :- انتى ايه معندكيش عقل نهائى كنتى هتموتى نفسك
مى :- ياريت كنت ارتحت منك
عدى :- يا بنتى ليه كل ده انتى حافظه مش فاهمه
مى :- لم لسانك وبعدين انا فاهمه كل حاجه وفهماك اوى كمان
عدى :- ها وفهمه ايه يا ام العروف
مى :- أن انت واحد طفس ومش بتكفيك واحده وماشى تدوس على قلوب الناس ومخليهم عروسه لعبه ما بين ايديك وانك اندل واحد شافته عنيا فى الدنيا دى
عدى :- بس كده
مى :- لاء وفى كمان لو عايز تسمع
عدى :- شغل العربيه ومشى بيها من غير ولا كلمه
مى :- نفسى افهم واخدنى فين
عدى :- من غير ما يبصلها هرجعك البيت
مى :- بس ده مش طريق البيت
عدى :- كنت واخدك مشوار بس خلاص هرجعك الفيلا
مى :- احسن برضه انا مش طيقه اروح معاك فى حته
عدى :- بعصبيه اسكتى شويه بقى
مى :- هوف وبصت من نحية الشباك وكانت هتموت وتعرف كان واخدها فين بس كرامتها مسمحتش ليها انها تسألو
وبعد وقت وصل عدى الفيلا ووقف العربيه ونزلت مى من غير ولا كلمه
عدى :- دخل وراها وقال مى عندك اهى يا عمى
اسر :- بأستغراب مأخدهاش المشوار اللى استأذنت منى علشانه
عدى :- لاء أنا هبقى اتصرف
مها :- حصل حاجه ما بنكم ولا ايه
عدى :- لاء عادى يا خالتو عن اذنكم
اسر :- ماشى يا حبيبى مع السلامه
ومشى عدى ركب عربيته وراح على الفيلا
مها :- بت انتى مالك سيقه العوج ليه على الراجل بيعمل معاكى بكل طريقه علشان يرضيكى وانتى منفوخه عليه
مى :- فى ايه يا ماما قولتلك مش عايزاه وانتو غصبين عليا
مها :- نعم يا اختى غاصبين عليكى ليه والبوس والاحضان دى ايه كنتى عايزه تقضيها وبس اتعدلى احسن اقسم بالله اقوم اقطع شعرك
مى :- بصت ليها ودموعها نزلت منها
اسر :- مها قومى اعملى ليا كوباية قهوه
مها :- بس انت القهوه ممنوعه عنك
اسر :- اعملى عصير
مها :- اه انت بتزحلقنى
اسر :- حاجه زى كده يا ترعة المفهوميه
مها :- سيباها ليكم مخضره وقامت دخلت اوضتها
اسر :- تعالى يا مى جنبى
مى :- قعدت جنب ابوها
اسر :- مسح دموعها وقال بلاش دموعك دى دموعك غاليه عليا يا حبيبت بابا انتى واخواتك اغلى ما ليا فى الدنيا دى ومش بحب اشوف حد فيكم زعلان
مى :- اترمت فى حضن ابوها وقالت انا تعبانه اوى يا بابا الكل بيجى عليا من غير ما حد يسألنى أو حتى يطبطب عليا من غير سؤال
اسر :- حاسس بيكى وفعلا كلنا غلطانين أن مسألناش فيكى وانا اهو بقولك فيكى ايه وايه مزعلك من عدى اوى كده مع أن باين عليه أن بيحبك اوى
مى :- سكتت ومردتش
اسر :- طيب أسأل انا السبب وردى عليا، انتى مضيقه علشان فرق السن ما بنكم
مى :- لاء
اسر :- طيب علشان كان متجوز قبل كده
مى :- سكتت شويه وعينيها دمعت
اسر :- يبقى هو ده السبب
مى :- بدموع يا بابا ده لسه بيقابلها وانا شوفته بعنيه معاها فى شقه واحده ووضعهم كان مش تمام
اسر :- طيب هو مقالش ليكى السبب
مى :- بيقول أن هو كان هناك علشان يحمينى
اسر :- وانتى ليه مش مصدقه كلامه
مى :- يحمينى من ايه وايه دخل حمايتى فى وجوده معها فى الشقه
اسر :- بصى يا حبيبتى لما تكونى متعصبه متخديش قرار تندمى عليه بعدين اصبرى لما تهدى واقعدى فكرى فى الاسباب وفى النتايج وبعدين خدى قرارك هيبقى هو القرار الصح وحاولى تملى تسمعى لأسباب الآخرين ودافعهم عن نفسهم حتى لو عدوك علشان ميجيش عليكى يوم وتظلمى حد وعقاب الظالم صعب اوى عند ربنا ده ربنا قايل أن بعض الظن اثم انتى حكمتى على عدى من غير ماتسمعى منه واخدى قرارك وانتى منفعله وده اكبر غلط عدى مش وحش ومش بيخونك عدى جه قبل ما يروح يجيبك من الجامعه وكلمنى وفهمنى سوء التفاهم اللى بينكم وهو مش غلطان انتى اللى غلطانه يا مى
مى :- انا
اسر :- ايوه المفروض يكون عندك ثقه فى شريك حياتك لان البيت اللى مفهوش الثقه المتبادله اساسه ضعيف واى عاصفه هتهده عدى راح لروان بعد ماراحت ليه الشركه وهددته بالصور اللى اخدتها ليكم مع بعض يا اما يردها وتسكت يا اما تبعت الصور لينا وتوقعكم فى بعض وتوقع العيلتين فى بعض هو خاف عليكى وخاف العيله فكر يلعب معاها بطريقتها فكر يروح يوهمها أن هو وافق على طلب ردها وياخد الصور وكان هيضربها علقه ويهددتها لو قربت منكم تانى بس هى عقربه كانت راسمه انها توقعكم فى بعض بأى طريقه واتوقعت الغدر من عدى امنت نفسها واتصلت بيكى علشان تراقبيهم وتروحى تشوفيهم مع بعض وتبعدى عنه وانتى صدقتى علطول وحصل اللى حصل
مى :- كانت بتسمعه ودموعها نزله منها وقالت ي.ي.يعنى انا ظلمته يا بابا
اسر :- ايوه يا حبيبتى فهمتى معنى كلامى اللى قولته ليكى من شويه أن بعض الظن اثم واهى انتى ندمانه دلوقتى وده كله بسبب اندفاعك
مى :- بس اى واحده مكانى كانت هتعمل كده
اسر :- لاء يا حبيبتى الثقه اهم شئ ما بين الراجل والست لو الدنيا كلها راحت لامك وقالو ليها أن انا مع واحده فى شقه امك عمرها ما هتصدق ولا هتفكر حتى تروح تتأكد من كلامهم وحتى لو شفتنى مع واحده هتدينى الف سبب وسبب لوجودى معها وانا نفس الحكايه لو الدنيا كلها حاولت تقنعنى أن امك بتخونى عمرى ما هصدقهم لان الثقه اللى ما بنا اكبر من اى حاجه فى الدنيا دى فهمتى يا حبيبتى
مى :- ط.ط.طيب اعمل ايه انا جرحته ووجعته جامد بكلامى
اسر :- اتصلى بيه واعتذاري مش عيب على فكره
مى :- ماشى عن اذنك
اسر :- روحى يا حبيبتى ربنا يسعدك
مى :- بسته فى راسه وقالت ربنا يخليك ليا يا احسن بابا وطلعت تجرى على اوضتها ومسكت تليفونها واتصلت على عدى وانتظرت الرد
عدى :- خير يا مى
مى :- انا اسفه
عدى :- مصدقش ودانه وقال نعم
مى :- انا اسفه ومتزعلش منى انا بحبك ومقدرش استغنا عنك
عدى :- مى انتى طبيعيه ولا سخنه ولا فيكى ايه بالظبط لسه من شويه كنتى بتقولى كلام زى الدبش
مى :- خلاص بقى انا عرفت الحقيقه من بابا وعرفت أن ظلمتك وغلطانه فى حقك هتسامح ميوش حبيبتك ولا لاء
عدى :- بفرحه انا اصلا مش بعرف ازعل منك مهما حصل محدش بيعرف يزعل من عمره صح
مى :- صح يعنى لسه بتحبنى
عدى:- لاء احبك ايه انا بعشق كل حته فيكى بموت فى التراب اللى بتمشى عليه
مى :- ماشى مش هتقولى كنت واخدنى ورايح فين
عدى :- لاء مش هقولك
مى :- طيب لو قولتلك وحياة ميوش عندك
عدى :- يا دين النبى انا عندى ترجعى تزعلى احسن، احسن كده دمار شامل اقسم بالله
مى :- يلا بقى يا دودى
عدى :- لاء بلاش لعب الأعصاب ده خلينى محافظ على وعدى معاكى
مى :- ههههههههههههههه
عدى :- لاء انتى كده خربتيها انا جاى اكتب الكتاب حالا
مى :- استنا هنا عندك يا مجنون ومتوهنيش فى الكلام كنت واخدنى فين
عدى :- عدى من واحد لتلاته
مى :- حاضر واحد اتنين تلاته وفى الوقت ده جرس الباب رن
عدى :- انزلى افتحى وانا معاكى على التليفون
مى :- طيب قولى بقى كنت واخدنى فين
عدى :- اسمعى الكلام وهتعرفى فى الاخر
مى :- حاضر ونزلت فتحت الباب ولاقت واحد ماسك شنطه كبيره جدآ فى أيده أخدتها منه ومشى
عدى :- ادخلى بقى واطلعى اوضك
مى :- فهمنى طيب
عدى :- اصبرى شويه
مى :- طلعت اوضتها وقفلت الباب وراها
عدى :- سيبى التليفون وافتحى الشنطه
مى :- حطت التليفون على السرير ومسكت السوسته بتاعة الشنطه فتحتها وانبهرت من اللى شافته خرجته وكان فستان الفرح وعجبها جدآ جدآ جدآ مسكت تليفونها بأيد والفستان بأيد
عدى :- ايه رأيك هو ده المشوار اللى كنت واخدك عنده
مى :- تحفه تحفه تحفه ولفت بيه وقالت واوووو ربنا يخليك ليا بحبك اووووووووى اوى
عدى :- وانا بعشقك بصى المقاس انا شبهت واحده بجسمك من اللى هناك انتى بقى شوفى ايه النظام المهم الموديل عجبك
مى :- هو عجبنى بس ده يهبل
عدى :- لاء انتى هبله لوحدك
مى :- غلس
عدى :- روح وقلب الغلس افتحى الشنطه تانى وطلعى اللى فيه
مى :- فتحت الشنطه لاقت بوكيه ورد ملفوف طلعته وشمته وفرحت جدآ بيه واخدت الكارت وقارته ولاقت مكتوب فيه بحبك يا اجمل ضحكه صافيه ياورده فى الحب نادره
عدى :- ايه رأيك
مى :- بفرحه حاسه ان انا مبسوطه اوى وطايره فى السما
عدى :- ربنا يقدرنى واخلى البسمه تملى على شفايفك
مى :- ماشى انا هقفل معاك وهروح اشوف الفستان عليا
عدى :- تحبى اجى اساعدك
مى :- عدى
عدى :- عمر وروح وقلب عدى ما انا كده كده هساعدك بعد الفرح
مى :- بس قلة ادب
عدى :- عارفه نفسى فى ايه
مى :- ايه
عدى :- الاسبوع ده يخلص بسرعه ويجى يوم فرحنا وتبقى ملكى بجد
مى :- انت مقولتش هنعيش فين
عدى :- زى ما تحبى عايزه تعيشى فى الفيلا معانا فى اوضى انا اوضه جاهزه وممكن اغيرك اوضت النوم عايزه اشترى ليكى فيلا واجهزها ليكى ماشى
مى :- لالا خلينى مع خالتو مليكه وجاكى واختى سمر
عدى :- اخليكى مع مين يا قلبى انتى هيتعمل ليكى حبس انفرادى فى الاوضه وهتبقى معايه انا وبس
مى :- احم طيب انا لازم اقفل دلوقتى بجد
عدى :- ماشى باى يا حبى
مى :- باى وقفلت مع عدى وكانت فرحانه ومسكت الفستان علشان تشوفه عليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر
فى مكتب يوسف
كان ماسك المعلومات بتاعة وحيد وبيقراها
ومسك تليفونه واتصل
برقم باسم واستنى الرد
باسم :- السلام عليكم
يوسف :- وعليكم السلام يا عمى
باسم :- عامل ايه يا ابنى
يوسف :- الحمدالله بقولك يا عمى المعلومات كلها عندى بتاعة وحيد عريس فرحه وشايف أن هو شاب كويس خلوق مش من بتوع السهر والخروج مع البنات ظروفه الماديه مش اوى بس عنده حتة ارض فى البلد بأسمه هو
عنده اخين واخت واحده متجوزه ابن عمها فى البلد والشابين التانين عيشين هنا نفس أخلاقه محدش بيسمع ليهم صوت فى المنطقه اللى هما فيها الملخص الشاب كويس ومفهوش عيوب
باسم :- بقلق متأكد يا يوسف من المعلومات دى
يوسف:- يا عمى انا واثق من المعلومات دى كأنى انا اللى جيبها بنفسى وهبعت ليك المعلومات دى كلها اقراها تانى بنفسك
باسم :- بقلق ربنا يستر بقى
يوسف :- خايف من ايه يا عمى
باسم :- ها و.و.ولا حاجه شكرآ يا ابنى مع السلامه
يوسف :- قفل مع باسم بأستغراب وبص فى ساعته وقام من على مكتبه واخد مفاتيحه ومشى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مر الاسبوع على ابطالنا مابين تجهيز وتحضير للفرح وجاء اليوم الموعود يوم الزفاف
اشرقت شمس صباح يوم جديد بنورها الساطع فى سماء الاسكندريه لتبدأ ابطالنا فى رحلة السعاده
عند تيلا
مى :- بفرحه اصحى يلا يا عمرى قومى يا عروسه
تيلا :- بنوم قالت يووووه يا ماما سبينى انام شويه امبارح سهرنا كتير بليز بليز
مى :- مفيش نوم تانى زمان يوسف جاى يخدك بالعربيه اصحى وفوقى كده مفيش عروسه بتبقى كسلانه ونعسانه شبهك
تيلا :- ماشى ماشى انام شويه ولما يجى يوسف ابقى احط اى حاجه عليا وانزل نمشى علطول
مى :- اهو فى الوقت اللى اخديه فى الكلام ده كان زمانك قومتى واخدى شاور وجهزتى
تيلا :- بنعاس يارب انت على المفترى
مى :- بتدعى عليا يا مجرمه
تيلا :- لا بعد الشر عليكى هو انتى مفتريه ده انتى اطيب ام فى الدنيا دى كلها
مى :- قعدت جنبها وبدموع قالت هتوحشينى يا توته مع أن ملحقتش اشبع منك بعد رجعوك ليا بس نعمل ايه بقى لأستاذ يوسف مستعجل
تيلا :- طيب بتعيطى ليه دلوقتى
مى :- بدموع علشان شايفه بنتى الكبيره قدامى كبرت وبقت عروسه ومن النهارده هتبقى مع حد تانى مسئوله منه
تيلا :- ويعنى الحد التانى ده غريب ده ابن اختك وابن عمك وبعدين انتى علطول عند خالتو مها وانا هعيش هناك يعنى هنبقى مع بعض علطول وحياتى عندك بلاش دموع
مى :- خلاص يا اجمل عروسه فى الدنيا دى كلها قومى يلا يا قلبى
تيلا :- حاضر هكلم يوسف وأقوم
مى :- ماشى يا حبيبتى وخرجت من الاوضه
تيلا :- مسكت التليفون واتصلت على يوسف واستنت الرد
يوسف :- صباح الخير
تيلا :- صباح النور لسه نايم
يوسف :- امم نايم بعد الفجر
تيلا :- ليه كده
يوسف :- كنا سهرانين انا والشباب
تيلا :- اوعى السهره كانت فيها بنات ولا شربت
يوسف :- انتى عبيطه يا بت واحنا هنعمل كده ليه وبعدين فريد كان سهران معانا تتوقعى هتكون السهره ازاى
تيلا :- هههههههه لا مدام السهره كانت فيها الشيخ فريد طمنتنى الصراحه
يوسف :- يعنى واثقه فى فريد اكتر منى ده انتى واطيه اوى
تيلا :- مش كده بس انا اعرف ان سهرة الشباب قبل الجواز بيوم بتبقى فيها بنات وشرب يعنى كده بتودعو العزوبيه
يوسف :- بس احنا مش كده احنا ممكن نقلش على بعضنا فى الجواز نقول كلمه كده كلمه كده لكن محصلتش اننا نجيب بنات ونشرب ونغضب ربنا
تيلا :- بس ازاى سهرت مع عدى وانت مش بتكلمه
يوسف :- عادى يعنى كنت معتبره مش موجود كان فى معاذ وفى كام واحد من أصحابنا قعد معاهم وتجاهلتو
تيلا :- ولامته يا يوسف هتفضلو كده
يوسف :- سيبك انتى المهم اخيرآ النهارده هشوف الفستان اللى حضرتك منعانى اشوفه شكله عريان وهتتعلقى
تيلا :- متخفش يا حبى هبهرك النهارده
يوسف :- حددى كلامك علشان انا النهارده دماغى بتحدف
تيلا :- قصدك ايه
يوسف :- يعنى
تيلا :- فهمته وقطعت كلامه وقالت تصدق انك قليل الادب انا قصدى على الفستان يا غلس
يوسف :- وانا قصدى على الفستان واللى لبسه الفستان هههههههههههه
تيلا :- اتكسفت وقالت ا.ا انا هقفل بقى علشان احضر نفسى علشان تيجى تخدنى الفندق
يوسف :- حمام الهنا يا عروسه
تيلا :- لاء بجد انت فظيع
يوسف :- ههههههههه كده فظيع ربنا معاكى بليل سلام يا عروسه
تيلا :- قلبها كان هيقف عليها من الكسوف وقامت دخلت الحمام اخدت شاور واتوضت وخرجت لبست هدومها وأدت فرضها ونزلت تستنا يوسف
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
فى اوضت سمر
كانت بتتكلم مع فريد فى التليفون
فريد:- ايه يا بنتى كل ده لسه نايمه
سمر :- بنوم ايوه سهرانه احنا والبنات ونمنا متأخر
فريد :- وايه المشكله طيب ما انا سهرت مع الشباب وجيت كمان قريت فى المصحف شويه وبعدين نمت وصحيت بدرى
سمر :- هو فى زيك يا شيخ فريد انت عمله نادره فى زمنا ده
فريد :- ولو انى حاسس بتريقه بس ماشى هعديها علشان عروسه
سمر :- لا والله بجد انت مميز فى كل حاجه ودى حاجه حلوه مش وحشه وده اللى مخلينى بحبك اوى كده
فريد :- ماشى اجهزى بقى علشان انا وعدى جاين نخدك انتى ومى ونروح ناخد تيلا
سمر :- طيب اقسم بالله النهارده فرحنا مش ناوى تقولى ولا كلمه حلوه تبل بيها ريقى
فريد :- ربنا يديكى الصبر سلام
سمر :- وربنا الصبر اشتكى منى لا كلمه حلوه ولا حتى الفستان شفته لحد دلوقتى سلام وقفلت مع فريد وقامت دخلت الحمام اخدت شاور واتوضت وخرجت لبست هدومها وأدت فرضها ونزلت تحت تستنا مى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت مى
كانت بتتكلم مع عدى فى التليفون
عدى :- انا لحد دلوقتى مش مصدق نفسى انك خلاص النهارده هتبقى معايه وفى حضنى
مى :- وانا برضه زيك حاسه ان انا بحلم
عدى :- اجى اقرصك طيب علشان تصدقى
مى :- ههه خفه اقرص نفسك انت طيب
عدى :- ههههههههههه انا غلطان كنت هقرصك براحه
مى :- عملتو ايه امبارح فى السهره
عدى :- يااااااه على اللى عملنا ده احنا جبنا بنات وعشنا حياتنا لحد الصبح
مى :- ياررررراجل بجد والشيخ فريد عمل ايه انت هتستعبط ما انا عارفه أن مستحيل تعملو كده اولا لان فريد مش هيقبل بكده وثانيا انا واثقه فيكم انكم محدش منكم هيرضه يخونا بص صح ازاى سهرتو مع بعض انت ويوسف هو صلحك
عدى :- لاء متصلحناش ولا حاجه كان متجهلنى فى القعده ومعتبرنى مش موجود وكان بيتكلم ويهزر ما أصحابنا وكان فى واحد اسمه معاذ
مى :- معلش متزعلش مسيره ينسى اللى حصل وترجعو تانى مع بعض زى الاول
عدى :- عادى المهم انتو عملتو ايه فى السهره
مى :- ولا حاجه ضحكنا وهزرنا ورقصنا وقضينا وقت جميل جدآ مع بعض
عدى :- بس اكيد مش هيكون اجمل من اللى هنقضيه مع بعض الليله
مى :- بكسوف عدى اقفل يلا علشان تيجى تخدنا على الفندق
عدى :- انتى عارفه نفسى اتجن زى فريد كده ونكتب الكتاب ومنحضرش الفرح وندخل الاوضه علطول ونقضى الوقت مع بعض بدل الناس
مى :- لا يا اخويه انا مليش دعوه طيب فريد معقد وهيعقد سمر معاه لكن انت مش كده وبتحب تعيش الحياه وعارفه انى مش ههون عليك تعمل معايا كده وتحرمنى من الفرح صح
عدى :- طبعآ اى حاجه تفرحك وتخليكى مبسوطه هعملها علطول انا مستعد ابيع عمرى كله علشان اشوف ضحكه واحده من شفايفك
مى :- ربنا يخليك ليا
عدى :- بحبك يا ضى عنيا سلام يا قلبى هجيلك بسرعه احسن واحشتينى اوى اوى اوى باى
مى :- باى وقفلت مع عدى وقامت دخلت الحمام اخدت شاور واتوضت وخرجت لبست هدومها وأدت فرضها ونزلت تحت تستنا عدى
وبعد وقت وصل فريد وعدى بالعربيات ودخلو علشان يخدو البنات وكان يوسف قاعد اول ما شاف عدى سلم على فريد وبص لعدى بقرف وبص لسمر وقال انا هطلع استنا فى عربيتى
اسر :- يوسف
يوسف :- ايوه يا بابا
اسر :- سلم على ابن خالتك
يوسف :- ما انا سلمت على فريد
اسر :- انت فاهم قصدى على مين سلم على عدى
يوسف :- بس هو مش ابن خ
اسر :- قطعه وقال يوسف لحد هنا وكفايه كلمتى تتسمع سلم على عدى ابن خالتك
يوسف :- بص ليه بغيظ وسلم عليه من غير نفس وبعدين قال لابوه خلاص كده عن اذنك
اسر :- يا ابنى احنا عيله مع بعض ومش شوية خلافات هتزعلنا وتبعدنا عن بعض عدى دلوقتى مبقاش بس ابن خالتك ده كمان جوز اختك يعنى واخد حته منك مينفعش يبقى النهارده فرحهم وانت لسه زعلان منهم ومخصمهم ده حتى الليله بتاعتكم مشتركه انتو ملكمش غير بعض يا حبيبى وانت الراجل اللى من بعدى فى البيت ده لازم تحتوى اخواتك البنات وتقربهم ليك مهما غلطو تسامحهم وخليك ضهر وسند ليهم فهمتنى يا حبيبى
يوسف :- حاضر يا بابا
اسر :- بص لعدى وقال وانت يا حبيبى مهما يحصل يوسف اخوك الصغير متزعلش منه حمقت شباب وزعل علشان أخته اكيد انت شاب ومقدر وضعه وحاسس بيه وافضلو طول عمركم جنب بعض ومتخليش حد يفرق ما بنكم خلى الرابط ما بنكم قوى علشان تقدرو تحافظو على التماسك ما بين العيله زى ما قعدنا السنين دى كلها بنعمل انا وابوك كملو الشجره بتاعة العيله وخلى ليكم فروع تانيه تحافظ على الترابط ده
عدى :- حاضر يا عمى
اسر :- مى فى عنيك يا عدى اوعى فى يوم من الايام تزعلها
عدى :- مقدرش ازعل عمرى كله يا عمى
اسر :- وانت يا فريد خلى بالك من سمر دى العبيطه بتاعة العيله هنا هههههههه
سمر :- كده يا بابا ماشى زعلانه منك
اسر :- بهزر يا حبيبت بابا ده انتى حبيبت قلبى من جوه
فريد :- متخفش يا عمى هتقى ربنا فيها وهعملها نفس المعمله اللى بتمناها لاختى
اسر :- ربنا يبارك فيك يا حبيبى وبص ليوسف وقال وانت يا حبيبى خلى بالك من توته وعوضها عن اللى شافته فى حياتها ومن هى صغيره وبلاش عصبيتك عليها دى
يوسف :- حاضر يا بابا
اسر :- يلا روحو يا حبايبى ربنا يسعدكم ويهنيكم ويرزقكم الزريه الصالحه يارب
عدى :- اخد مى وركب عربيته ومشى على فيلا باسم
وفريد :- اخد سمر وركب عربيته وراح وراه عدى
يوسف :- ركب عربيته وراح وراهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
وصلت العربيات ودخل يوسف ياخد تيلا
باسم :- يوسف يا ابنى حافظ على تيلا واياك تجرحها ولا توجعها صدقنى سعتها هتشوف منى وش عمرك ما شوفته فى حياتك لان تيلا تعبت واتعذبت اوى فى حياتها وده الوقت اللى تفرح فيه وبس دموع مش عايز أشوفها فى عينيها فاهم يا حبيبى
يوسف :- متخفش يا عمى تيلا حب الطفوله ومقدرش اجرحها ولا اوجعها لان ببساطه الوجع اللى هى هتحسه انا هحسه زيها واكتر انا هعيش بس علشان اخليها سعيده ومبسوطه واعوضها اللى فات
باسم :- ربنا يسعدكم يا حبيبى وبص لتيلا وقال توته تحطى يوسف فى عنيكى اياكى تقصرى فى يوم من الايام فى حقوقك وواجباتك كزوجه متخليش يوسف يشتكى منك فى يوم من الايام على قد السعاده اللى هيقدمها ليكى املى حياته حب وفرح وخلى ما بنكم الموده والرحمه اللى ربنا قال عليها ربنا يرزقكم الزريه الصالحه وباس تيلا من راسها
تيلا :- حاضر يا بابا
يوسف :- اخد تيلا وركب عربيته وراحو على الفندق كل واحده اخدت فستان فرحها وطلعت على الاوضه بتاعتها
والشباب رجعو تانى يستعدو للفرح
