رواية امتلكني بالاجبار الجزء الثاني الفصل الرابع والعشرون بقلم ملك عبد المنعم
تاني يوم .
مريم كانت قاعده بتلعب مع عز في الجنينه .
ادهم بص عليهم من فوق و ابتسم بهدوء . و نزلهم .
عز لما شافه جري عليه بفرحه . ادهم ابتسم بحب و شاله بسرعه ./حبيب بابا .
مريم بصت لـ عز بضيق ./اول ما بابا جه نسيت ماما علي طول كده .
ادهم ضحك بهدوء و نزل عز جنبها ./يلا بقي عشان ماما متزعلش .
مريم اتنهدت بضيق من ادهم و متكلمتش . ادهم فهم أنها زعلانه عشان جه امبارح متأخر و مصحهاش .
عز فضل يلعب لحد ما خد لعبته و طلع يجري بعيد . ادهم فضل يبص علي مريم بهدوء و سحبها لحضنه بسرعه . مريم شهقت بخضه و حطت ايديها علي صدره ./ادهم .
ادهم ابتسم بهدوء ./هتفضلي زعلانه كتير .
مريم بتوتر ./زعلانه و انا هزعل ليه .
ادهم بخبث ./يعني مثلا عشان جيت امبارح متأخر و لقيتك نايمه . و مردتش اقلقك و انتي صاحيه زعلانه .
مريم هزت راسها بضيق ./ايوه زعلانه كنت فين كل ده . انا فضلت مستنياك تيجي و مجيتش .
ادهم ابتسم بخبث ./كنت عند نوران .
مريم حاولت تبعد بضيق ./و بتعمل ايه عندها في اخر الليل .
ادهم حرك أيده علي وشها بهدوء ./كنا بنتكلم في كام حاجه كده .
مريم بعدت بضيق ./انت مستفز يا ادهم اوعي كده .
ادهم ضحك بهدوء و سحبها تاني ./بحبك انتي و بس .
مريم ابتسمت بكسوف ./طب ابعد عشان عز ممكن ييجي .
ادهم حاوطها اكتر و هز رأسه برفض ./خليه ييجي .
مريم بتحذير ./ادهم ابعد بقولك .
ادهم هز راسه برفض ./و لو مبعدتش .
مريم اتنهدت بتعب و هي بتبص حواليها تشوف عز .
و رجعت بصت لـ ادهم بضيق ./كنت بتعمل ايه عند نوران .
ادهم ضحك عليها بهدوء . و همس عند ودنها ./لما نطلع فوق هقولك .
ادهم سابها و طلع فوق بسرعه و هو متأكد انها هتطلع وراه .
مريم فضلت تبص حواليها بضيق لحد ما اطمنت علي عز و طلعت فوق بسرعه .
مريم قفلت الباب وراها بغضب و فضلت تبص علي ادهم اللي كان بيبصلها ببرود .
ادهم ابتسم بهدوء ./ايه يا حبيبتي هتفضلي واقفه عندك كتير .
مريم بضيق ./كنت بتعمل ايه عند نوران يا ادهم .
ادهم قرب منها بهدوء ./و دي غيرة و لا شك .
مريم رجعت لوره بتوتر ./ادهم .
ادهم دفن راسه في رقبتها بهدوء ./لو غيرة يبقي حقك و براحتك . أما لو شك فـ انا كنت عندها عشان مواضيع الورث .
مريم ابتسمت في نفسها بهدوء . و بعدت ادهم بخفه . /هشوف عز .
ادهم ضحك بهدوء ./ما انتي طلعتي ورايا بسرعه اشمعنا دلوقتي عز .
مريم ابتسمت بكسوف و نزلت بسرعه .
ادهم ابتسم بهدوء و قعد علي السرير و طلع الفلاشه بهدوء .
Flash back.
ادهم دخل مكتب نصار بعد ما اتوفي . و فضل يبص عليه بحزن . لحد ما وقع عينه علي ظرف مكتوب عليه .(ادهم نصراوي) . ادهم مسك الظرف بتوتر و لقي فيه الفلاشه .
نهاية الـ Flash back .
ادهم فاق بتوتر علي صوت الفيديو اللي كان فيه نصار .
نصار ./ادهم انت وقت ما تشوف الفيديو هكون انا ميت . عايز اعتذرلك عن كل اللي عملته فيه . و اعتذرلك كمان اني بـ ايدي كنت هموت مراتك و رجعت نوران حياتكم . ايوه نوران هي السبب في حادثة مريم . نوران هي اللي خلت الدكتور يفهمك أن مريم تعبانه . عشان خطتها تكمل و تدخل العمليات . و كل ده بـ مساعدة علي و ليلي . دور عليهم يا ادهم . خد حقك منهم هما التلاته و متفكرش فيا لو لحظه . بنتي غلطت و من حقك تعاقبها . بس انا كمان غلطت . غلطت لما خبيت عليك أن عندك اخت يا ادهم . ايوه امك الله يرحمها كانت متجوزه و مخلفه بنت . دور عليها يا ادهم . هتلاقييني سايبلك عنوان جوزها . انا اسف يا ادهم اسف . بس صدقني يا ابني انا عملت كل اللي في جهدي عشان اوصلها . ادعيلي يا ادهم ..و خلي مريم تسامحني .و خلي بالك من فريد يا ادهم . علي لما يعرف الحقيقه مش هيسكت .
ادهم قفل اللاب توب بسرعه . و هو بياخد نفسه بتعب و مش قادر يستوعب اللي بيحصل .
ادهم فضل يغمض عينه بغضب . لحد ما لقي مريم فتحت الباب و دخلت . مريم بصتله بتوتر من شكله ./ادهم انت كويس .
ادهم هز راسه برفض و دموع و متكلمش .
مريم قربت منه بقلق و هي بتمسك ايديه جامد ./ادهم مالك فيك ايه . في حاجه حصلت .
ادهم كتم دموعه بصعوبه و سحبها لحضنه بسرعه و دموعه نزلت بتعب ./انا محتاجك يا مريم محتاجك اوي .
مريم حضنته جامد و حركت ايديها علي ضهره بحنان ./انا معاك يا ادهم معاك بس عشان خاطري اهدي .
ادهم فضل علي حالته لحد ما راح في النوم . مريم خرجته من حضنها بهدوء بعد ما حست أنه نام . و بصت علي اللاب توب بهدوء . و فتحته بسرعه و هي بتحاول تفهم ايه اللي وصل ادهم لـ الحالة دي . مريم فتحت فيديو نصار و فضلت تشوفه و دموعها نزلت بـ صدمه .
مريم مسحت دموعها بسرعه لما حست بحركة ادهم . و قفلت اللاب توب بسرعه زي ما كان و قعدت جمبه و مسكت ايده بحب ./ادهم بقيت كويس دلوقتي .
ادهم فتح عينه و غمضها بتعب . و اتعدل بسرعه . مريم بصت عليه بتوتر . / ادهم انت...
بس ادهم قاطعها لما قام و بقي يتحرك بسرعه . و بيسحب هدومه بعشوائية .و اتكلم بهيتسيريه ./انا لازم ادور عليها لازم اجبها هنا .
مريم قامت وراه بسرعه و بصت عليه بخوف و هي شيفاه بيتحرك بجنون و بسرعه . مريم بقلق ./ادهم اقف عشان خاطري و قولي في ايه .
ادهم هز رأسه برفض . و فضل يكمل في اللي بيعمله . لحد ما غمض عينه بتعب و سند أيده علي الحيطه بدوخه .
مريم قربت منه بسرعه و مسكت ايده ./ادهم ادهم اسند عليا و اقعد يلا .
مريم سحبته لحد الكنبه بهدوء . و ادهم قعد بتعب و هو مغمض عينه بخنقه . مريم مسكت كوباية المايه بتوتر من حالته و قربت منه بقلق ./اشرب مايه يا ادهم .
ادهم بص عليها بهدوء و خد منها كوباية المايه و ادهالها بتعب .
مريم قعدت جمبه بقلق و مسكت ايده بدعم ./مالك يا ادهم ايه اللي حصل خلاك كده .
ادهم بص عليها بهدوء و هو بيفتكر اللي حصل .و هز رأسه برفض . /انا بس تعبت شويه لما افتكرت نصار .
مريم مسكت ايده بحنان ./ادعيله يا حبيبي ربنا يرحمه . بس عشان خاطري بلاش توصل نفسك لـ الحالة دي تاني .
ادهم ابتسم و هز رأسه بهدوء . و سحبها لحضنه بتعب . هو كان حاسس أنه مش قادر يعمل حاجه و لا حتي يعرفها اللي عرفه .
مريم لفت ايديها حوالين وسطه بدموع . /كنت خايفه عليك اوي يا ادهم . خوفت لما شوفتك بالحالة دي .
ادهم حرك أيده علي شعرها بحنان . و دفن راسه في رقبتها ./ انا كويس يا حبيبتي كويس .
مريم غمضت عينيها بحب . و مرديتش تضغط عليه عشان يقولها و مرديتش تعرفه أنها عرفت عشان متضغطش عليه .
ادهم غمض عينه بتعب . و شدد علي حضنه من مريم لحد ما راح في النوم . مريم ابتسمت عليه بهدوء و نامت هي كمان .
_________________________________________
تاني يوم .
مريم صحيت بتعب و بصت حواليها بهدوء ملقتش ادهم . مريم اتنهدت بهدوء و افتكرته تحت . و نزلت تشوفه بس ملقتوش . مريم طلعت فوق و هي بتاخد نفسها بتوتر و خايفه ادهم يعمل حاجه تأذيه . و حاولت تكلمه بس مكنتش بيرد .
_________________________________________
ادهم ابتسم بسخرية و نزل قدام بيت نصار و هو عارف ان نوران جوه .
ادهم نزل بغضب و دخل بسرعه .نوران لما شافته وقفت بتوتر ./انا كنت ..كنت همشي بس مستنيه..
ادهم سحبها من شعرها بغضب ./ ده من حظك الاسود انك استنيتي . طبعا علي لما عرف أن كل حاجه بـ اسم فريد قال يشوف طريق غيرك و باعك مش كده .
نوران مسكت ايده اللي علي شعرها بوجع و توتر ./ و علي ماله بكل ده يا ادهم سيب شعري .
ادهم ضحك بسخرية ./و علي و مدام ليلي . افكرك تاني لو ناسيه .ما هو مش طبيعي مدام ليلي تيجي تزور نصار و بعدها بكام ساعه يتقتل . و تكلميني تقوليلي بابا مات و اجي الاقليكي مخلصه كل الإجراءات . ده ايه السرعه دي يا نوران . و لا مساعدة علي كانت كويسه اوي كده .
نوران دموعها نزلت بندم . /طب سيب شعري يا ادهم سيبني و هعملك اللي انت عايزه .
ادهم شدد علي ضغطة شعرها ./ابوكي مات ازاي .
نوران دموعها نزلت بتوتر ./مات ازاي يعني ايه . مات موتة ربنا يا ادهم .
ادهم ضحك بسخرية ./طب بلاش دي . الحادثة بتاعت مريم كانت بردك قضاء و قدر . و دكتور مصطفى اللي مخدش في ايدي ساعه و قالي علي كل حاجه . بتاع ربنا هو كمان ..... ادهم شدد علي شعرها بغضب ... تكملي و لا اكمل انا يا نوران .
نوران دموعها نزلت بقهرة ./انا مليش دعوه بحاجه . علي هو اللي عمل كل حاجه . انا مليش دعوه والله .
ادهم رماها بغضب علي الأرض. /مش مستغرب اللي حصل لانه حصل من واحده زيك ..اللي مستغربه ازاي هان عليكي ابوكي. يا شيخه ده انتي خرجتي بعجوبه و خرجتك من السجن عشان مشوفش قهرته عليكي .بس انا اللي غلطان كان المفروض اسيبك مرميه في السجن و افهم أن اللي في طبع مبيغيروش يا نوران . تقتلي ابوكي يا نوران طب ليه و عشان أييه .
نوران صرخت في وشه بغضب و انهيار ./انت السبب انت السبب يا ادهم . انت اللي قتلتني بايدك بدل المره الف . انت اللي مسبتليش اختيار تاني . انت ضحكت عليا و فهمتني انك نسيتها و انت كاتب كل حاجه باسمها . و أنا زي الغبيه صدقتك . انت اللي خليتني اقتله قبل ما يقول اللي قالتهوله ليلي .. انت و ليلي و علي دمرتولي حياتي و خلتوني اقتل ابويا عشان احافظ علي نفسي .
ادهم بصلها باستحقار ./لا يا نوران مش احنا . حقدك و غلك و كرهك هما السبب . مفيش حب بالشكل ده يا نوران . انتي مش بس اذيتي اقرب الناس ليكي انتي قتلتي ابوكي يا نوران قتلتيه . لازم اقتلك يا نوران . انتي مينفعش تعيشي لحظه تاني بعد النهارده .
__________________________________________
مريم فضلت قاعده في اوضتها بتوتر . و هي مستنيه ادهم ييجي أو يرد عليها .
ادهم فتح الباب و دخل و وشه عليه علامات الإرهاق . مريم قربت منه بقلق و دخلت في حضنه بسرعه ./كنت فين يا ادهم و مبتردش عليا ليه .
ادهم غمض عينه بتعب و هو بيفتكر اللي حصل و شدد علي حضنه منها . مريم بعدت بتوتر . و بصت عليه باستغراب ./ادهم مالك و هدومك مالها متبهدله كده ليه .
ادهم ابتسم بهدوء و مسك وش مريم بين أيديه ./قتلتها يا مريم . خلاص خلصت علي كده .
مريم بلعت ريقها بتوتر ./قتلت مين .
ادهم همس بهدوء ./ نوران .
مريم بعدت ايد ادهم عنها بخوف و رجعت لوره. /لا مستحيل يا ادهم . مستحيل تكون عملت كده صح .
ادهم ابتسم بهدوء و هز رأسه. /انا عملت كده فعلا .
مريم قربت منه بجنون ./ليه يا ادهم ليه . ليه عملت كده . قتلتها ليه يا ادهم .
ادهم مسك ايديها اللي كانت بتضربه بيها علي صدره ./عشان حقي و حق نصار . و حق بعدك عني طول الايام اللي فاتت . عشان نصار اللي قتلته يا مريم .
مريم دموعها نزلت بخوف ./في قانون يا ادهم في قانون . بس متقتلهاش متوديش نفسك في داهيه عشانها . متوسخش ايدك بدمها يا ادهم .
ادهم غمض عينه بتعب و حرك أيده علي شعرها بهدوء ./ مكنتش في حل غير كده يا مريم . صدقيني ده احسن حل لينا .
مريم بعدت ايديها بقوة . /لا يا ادهم . ده مش احسن حل لينا . ده احسن حل ليك انت . انت اللي عملت كده . استغليت شخصيتك و قوتك و قتلتها . و طبعا اكيد محدش هيقدر يوصل لـ اي حاجه عملها ادهم النصراوي . انت صح يا ادهم . بس ده مش احسن حل لينا .
ادهم غمض عينه و فتحها بغضب. / انتي ايه يا مريم ايه . بتفكري ازاي . انتي اللي دخلتيها حياتنا من البدايه . حذرتك منها كتير يا مريم و كنتي مصممه علي رايك . و اخرتها ايه دخلتي في غيبوبه سبع شهور . و كانو هيدخلوكي عمليه عشان يقتلوكي . و كل ده بسبب سذاجتك و رايك .
مريم هزت راسها برفض و دموع ./انت السبب يا ادهم مش انا . انت اللي خرجتها من السجن . انت اللي اديتها فرصه تقرب منك . و دلوقتي خسرت نصار و خسرت نفسك و خسرتني يا ادهم . يمكن قتلتها عشان حق نصار . بس ايدك اللي قتلتها مستحيل يا ادهم اخليها تلمسني تاني . و المره دي انت خسرتني بجد يا ادهم . يا خساره يا ادهم . كان نفسي نكمل حياتنا صح فعلا . بس دلوقتي معتقدش أن في حاجه في حياتنا هتكون صح بعد اللي عملته .
مريم دخلت الحمام و قفلت الباب و قعدت وره الباب بانهيار . و هي بتحاول تكتم صوت شهقاتها . ادهم بص علي أثرها بشرود و هو مش عارف اللي عمله كان صح و لا غلط .
ووووو
