رواية العزف علي نياط القلوب الفصل السادس والعشرون
اخذ عيسى ليلى وذهبوا للطبيبه
كان القلق يسيطر على ليلى من حديث ايناس وبعد الانتظار فتره بسيطه اتى دورهم في الكشف
دخلت ليلى وبعدها عيسى وجلسوا امام الطبيبة وبدأت الطبيبه فى الحديث
ـ ازيك يا مدام ليلى ،
ـ الحمد لله بخير
ـ خير إن شاء الله ، بس مالك شكلك متوتر ليه كده
ـ أبدا يا دكتوره انا متجوزه من حوالى شهرين وإلى الان مافيش حمل
ـ طيب ايه المشكلة دى حاجة بتاعت رينا وبعدين انتى لسه فى الاول خالص يعنى الحمل مش متاخر ولا حاجه
ـ انا عارفه بس فى حد كان بيتكلم قدامى وانى لازم اكشف عشان لا قدر الله لو فى مشكله الحق اعالجها من الاول ولو مافيش حاجه ابقى اطمنت على نفسى
ـ تمام فهمت قصدك عموما يا ستى هكشف عليكى وبإذن الله مش هيكون فى حاجة وحشه
بدأت الطبيبه في الكشف على ليلى وقامت بعمل سونار لها واتضح في السونار ان ليله حامل في شهر ونصف تقريبا
ـ جلست الطبيبه مكانها مره اخرى وهي مبتسمه
ـ مدام ليلى انت اخر مره البريود جاتلك كانت امتى
ـ مش فاكره
ـ طيب مش واخده بالك انها متاخره
ـ فعلا بس ممكن يكون هرمونات بسبب الجواز وكده
ـ طيب ليه ما شكتيش انك ممكن تكوني حامل
نظروا لها باستغراب أن تكون حامل حقا ، سألتها ليلى بشك
ـ قصد حضرتك ايه ؟
ـ قصدي انك حامل في شهر ونص يا مدام ليلى الف الف مبروك
تهلل وجه عيسى وليلى من الفرحه فهم غير مستوعبين حديث الطبيبة وكانت عين ليلى تدمع من الفرح
ـ ايه ده بجد يا دكتوره
ـ أه والله بجد ووضع الطفل كمان ممتاز
ـ طيب ازاى انا مش حاسة بأى أعراض
ـ مش شرط تحسى فى ناس مش بتحس بالحمل غير فى الشهور الاخيره
نظرت ليلى لعيسى وهى تبكى
ـ شوفت يا عيسى انا حامل ، انا مش مصدقه
ـ ألف مبروووك يت حبيبتي بإذن الله يبقى طفل سليم معافى
ـ دلوقتي انا هكتبلك شويه فيتامينات تمشى عليها لحد ما تقومى بالسلامه
ـ طيب انا بشتغل هل ممكن يأثر على الحمل
ـ لأ تابعى حياتك بشكل عادى جداً بس ماتشيليش حاجه تقليه وماتعمليش مجهود أوفر لكن كلى واشربى واتحركى عادى جداً ، هتمشى على الحاجات دى وهشوفك كمان شهرين باذن الله
ـ تمام يا دكتوره شكرا جدا لحضرتك
ذهبت ليلى لمنزل والدتها وابلغتهم بخبر حملها واتصلت على غاليه واخبرتها وسعدت لها غاليه كثيرا
فى منزل غاليه كانت تحلس غاليه مع اولادها تسألهم عن رأيهم فى تلك المربيه
ـ بصراحه يا ماما محبتهاش
ـ ليه يا ريان
ـ عايزانا طول الوقت نزاكر مش عايزانا نلعب ولا نتصل بيكى ولا ببابا ، وكل شويه تسالنا عن بابا
ـ انت بتقول كده عشان مش عايز تزاكر وتفضل تلعب
تحدث مالك مدافع عن أخيه
ـ لأ يا ماما ريان بيتكلم صح
كل لما نقولها عايزين راحه مابترضاش وتقول لازم تزاكروا عشان تطلعوا زى بابا كده ، قولنالها احنا بنحب بابا وماما وعايزين نطلع زي الاتنين
قالت لا بابا احسن من ماما خليكوا شاطرين زيه
ـ طيب يا حبايبى انا هتصرف معاها
ـ ماما إحنا عايزينك معانا زى الأول انتى بقيتى بتوحشينا أوى
ضمتهم غاليه لحضنها وقررت أن تتأكد من كلام أولادها وبعدها ستتصرف مع تلك المربيه
أتصلت غاليه برياض واخبرته ما قاله لها الاولاد
ـ ايه ده هى اتجننت ولا ايه انا هتصرف معاها
ـ لا انا هتكلم معاها الاول انا حبيت اعرفك عشان لو مشيتها تبقى عارف مش اكتر
ـ يا غاليه سبينى انا همشيها وهجيب واحده غيرها
ـ لأ مش محتاجه حد تانى انا هتصرف
ـ هتتصرفى ازاى
ـ بعدين المهم انا دلوقتي مش محتاجه مربيه او جليسه للاطفال حبيت بس اعرفك السبب بما أن انت اللى جايبها
انتهت من الحديث مع اولادها وبعدها اخذتهم للنوم
فى اليوم التالى اتت المربيه فى موعدها ووجدت غاليه تجلس مع ابنائها
ـ مساء الخير
ـ مساء النور
ثم اشارت للاولاد أن يذهبوا لغرفه
ـ كنت عايزه اتكلم معاكى فى موضوع مهم
ـ اتفضلى
ـ انتى قولتى للأولاد امبارح خليكم زى بابا وبابا افضل وكلام زى كده
ـ أه قولت
ـ بصفتك ايه بتتكلمى فى حاجة زى دى
ـ انا مسئوله عن تربيه الاولاد فى غيابك ومن مهمام وظفتى انى احسن من مستواهم العلمى والأدبي
ـ ولما تقللى منى قدامهم انتى كده هتحسنى مستواهم ازاى
ـ انهم يتشجعوا عشان يبقوا ناجين زى باباهم
ـ ومين قالك أنى فاشله انا اشتكلتك أو باباهم اشتكالك
من الاخر يعنى حد قالك اننا محتاجين مساعدتك عشان ولادى فاشلين ولا إحنا جايبينك تقعدى معاهم الوقت اللى انا مش موجوده فيه فى البيت
ـ معلش يا مدام غاليه حضرتك معاكى ايه
ـ معايا دبلوم صناعي
ـ اهه اديكى قولتى
ـ وده يعبنى فى ايه معلش
ـ مدام غاليه ولاد حضرتك فى مدرسه انترناشيونال يعنى محتاجين مستوى اكاديمى ولغه برفكت
حضرتك لا تمتلكى شئ من دول
نظرت لها غاليه بصدمه هل يتم تقييم الأشخاص بتلك الطريقة يتم تقييمهم من خلال ورقه تستطيع بسهوله تزويرها
ـ انتى عارفه انا لما ولادى حكولى شكيت فى كلامهم الاول وقولت ممكن يكونوا فهموا غلط عشان كده قولت اكلمك الأول
لكن لما كلمتك اتاكدت انك انسانه سطحيه
ولادى اللى مش عجبينك دول مستواهم الدراسى اعلى من سنهم لانى انا اللى بزاكرلهم وكل المدرسين بيشهدوا بتفزقهم رغم صغر سنهم
نيجى بقى للاهم من ده مستواهم الاخلاقى اللى خلاهم مايردوش عليكى الرد المناسب
بصى يا انسه بما انك انسانه سطحيه كده انا مايشرفنيش انى اخلى ولادى يتعاملوا معاكى من الاثاث مش حابه اطلعهم سطحيين بياخدوا بالمظاهر
وانا مبسوطه أوى بتربيتى لاولادى واللى انا هكملها بنفسى بدون مساعدتك والحمد لله أنى اكتشفت ده بدرى قبل ما تبوظى أخلاقهم
ثم اخرجت من حقيبتها مبلغ مالى
ـ اتفضلى ده تمن يوم امبارح ويوم انهارده ومايشرفنيش انك تتعاملى معايا او مع اولادى تانى
ـ مش من حقك تمشينى اللى يحدد ده استاذ رياض
ـ تصدقى انتى طلعتى بجحه كمان ، لانتى ولا هو ولا أى حد ليه انه يتدخل فى تربيه اولادى
قامت تلك الفتاة بالاتصال برياض ظناً منها إنه سينصفها
اجاب عليها رياض بتحفذ
ـ السلام عليكم خير فى حاجة يا انسه
ـ استاذ رياض مدام غاليه عايزه تمشينى ومش عايزانى اكمل مع الاولاد
ـ ليه عملنى حاجه تزعلها
ـ لأ انا قولتلها ان الاولاد محتاجين مستوى اكاديمى ومحتاجين يزاكروا اكتر لانهم فى مدارس انترناشيونال
ـ هو إحنا اخدنا رأيك فى التربيه انتى حيالله واحده انا جايبها عشان تعمل اللى مدام غاليه طالباه منها وطالما هى شيفاكى مش مناسبه يبقى مع السلامه ومانشوفكيش تانى مش انتى اللى هتعلميها تربى اولادها ازاى
شعرت بمن دلق دلو من الماء البارد عليها واخذت تلك الاموال ورحلت
لم تستطع الرد عليهم فهى ظنت أن رياض سيقف فى صفها ولكن من الواضح إنه مازال يحمل مشاعر لزوجته لذلك اخذت الأموال ورحلت
جلست غاليه فى غرفتها تفكر كيف تتعامل الفتره القادمه فالاولاد محقين هى اصبحت مقصره فى وجودها معهم وهم يحتاجوها ، تلك المره تحدثوا معها فهل المره القادمه سيتحدثوا معها أم سيبعدوا عنها بالتدريج ، عليها أن تجد حلا حتى لا تشعر بذلك الشعور مره اخرى
اتصلت غاليه بليلى ومريم وباقى العمال واخبرتهم انها تريدهم غدا مبكرا الساعه التاسعه صباحا
وبالفعل فى اليوم التالى حضر الجميع فى الموعد وبدأت غاليه تتحدث معهم
ـ معلش مقدرتش اجى امبارح بسبب الاولاد بس منت عايزه اتكلم معاكم فى موضوع مهم
” انا كنت عايزه اغير مواعيد العمل والمواعيد الجديدة هتكون انسب لينا كلنا يعنى هنبدأ شغل الساعه ٩ ونروح الساعه ٥ ايه رأيكم
نظر الحاضرون لبعضهم وايدوها فى ذلك القرار
ـ كده افضل بصراحه يا مدام غاليه على الاقل نقدر بعد الشغل نشوف حياتنا بدل ما بنستنى ليوم الاجازه عشان نخرج او ننزل نشترى حاجه
ـ طيب الحمد لله انى لقيت قبول يبقى من انهارده هنبدأ نشتغل بالمواعيد الجديدة
فى منتصف اليوم اتت ايناس لغاليه مره اخرى وقابلتها غاليه بسخريه
ـ بقى كده يا غاليه دى حركه تعمليها معايا
ـ انا سمعت إن الشقه اخدت تنضيف يوم كامل المفروض تشكرينى انى فكرتلك وريحتك
ـ ريحتينى انى دفعتينى مبلغ وقدره
ـ صحتك اهم مش الشقه نضفت وبقت احسن وانتى ماتعبتيش
اعطتها ايناس الفاتوه
ـ بس بصى المبلغ اللى دفعته كام
ـ مش خساره فيكى يا ايناس راحتك اهم
ـ يعنى هتديهولى
ـ وانا مالى هى شقتى ولا شقتك ولو المبلغ كبير عليكى مكنتيش خلتيهم ينضفوا الشقه
ـ يعنى ايه حتى مش هتدفعيلى جزء من المبلغ انتى شغاله زى النار عينى بارده عليكى يعنى المبلغ ده مش هيأثر معاكى
ـ هو جوزى اللى جه من السفر ولا جوزك ، انا مالي بشقتك نضيفه ولا لأ ايناس فكك منى وابعدك عينك عنى وفلوس مش هدفعلك حاجه
ـ قولى بقى كده متغاظه عشان انا متجوزه ورجعت لجوزى وانتى لأ
ـ انا بغير منك اه ، ها لو خلصتى كلامك اتفضلى مع السلامه
نظرت لها إيناس بغل وتركتها ورحلت
حاولت غاليه رسم اللامبالاة امام ايناس ولكن من داخلها ترك حديث ايناس علامه بها
بدأت غاليه مباشره عملها ومن وقت لاخر تتحدث مع ليلى وتعطيها بعض النصائح للحمل وعندما اتت الساعه الثالثه اخبرتهم بما يفعلوه قبل أن يغادروا وجمعت بعض الاشياء لتنهى عملها فى منزلها
ذهبت للحضانه واخذت الاولاد وعادت لمنزلها وقامت بصنع الطعام وجلست معهم لتحل واجباتهم وبعد انتهاء يومهم دخلت غرفتها واكملت عملها
فذلك العمل هو من يعطيها سبب للحياه لا تكل او تمل منه
هى لا تريد سوا تربيه اولادها ومباشره عملها وتكبيره هذا اصبح هدفها
حاول رياض التواصل معها لكنها قررت التقليل معه من الحديث وأن تتحدث معه فى الأمور الهامه الخاصه بالاولاد وتركت له رساله اخبرته بما فعلته وانه لم تحتاج لاحد بعد الآن
شعر رياض من حديث غاليه انها عادت معه لنقطه الصفر مره اخرى فقرر أن يتحدث معها بشكل مباشر ويواججها برغبته للعوده اليها مره اخرى
