 |
رواية حور الفصل السابع والعشرون بقلم يارا البرعي
*ثم خرج مروان من منزله وركب سيارته واتجه إلى السنتر وهو يفكر كيف سيتعامل مع ' داليا و الاء ' ( كان ذلك اليوم يُصادف حصتهم .*
'" "' " " " " " "
_في شركة الجارحي '"._
*كان اليوم الأول لـ عمل سيف الشركة ، و كان ف استقباله أحد الموظفين يدعي ' وائل '*
سيف / قالولي تحت اطلع لحضرتك وانت اللي هتعرفني كل حاجة بخصوص الشغل .
وائل بابتسامة / مظبوط ، بما انك لسة جديد ف الشغلانة هتكون تحت فترة تدريب وفترة التدريب دي انا اللي هكون معاك فيها عشان أعرفك كل حاجة بخصوص الشغل .
سيف / تمام .
*بعدها اتجهوا معاً ناحية المكتب .*
وائل / دة هيكون مكتبك طبيعي يكون صغير وغير كل المكاتب اللي انت شايفها بس زي ما قولتلك انت تحت فترة تدريب لسة ، مكتبي انا ف الوش ، اتفضل اقعد وخلال دقايق هكون معاك افهمك أية المطلوب منك .
سيف بملل/ ممم تمام *ثُم تابع بخبث* اومال فين مكتب اسماعيل بيه !
وائل باستغراب/ اسماعيل بيه ! مكتبه فوق ، وخد بالك ممنوع اي حد يطلع لأسماعيل بيه دون سبب قوي أو اسماعيل بيه هو اللي يطلبه ، انا رايح مكتبي وزي ما قولتلك دقايق وجايلك .
*وقف سيف بملل يعد أن خرج وائل وظل يلتفت حوله وينظر ع المكتب من جميع اتجاهاته .*
سيف بخبث / مضطر استحمل لحد ما اجيب المعلومات اللي عاوزها واخلع من هنا .
' ' ' '
```فِ مكتب وائل```
وائل بخبث / ايوا يا مروان بيه ، استقبلته ووصلته ع مكتبه و زي ما حضرتك قولت هو فعلا سأل ع مكتب اسماعيل بيه وعرفتوا المكان .
مروان بنصف ابتسامة / تمام خليك ماشي معاه زي ما قولتلك ووصله كل المعلومات اللي قولتلك عليها .
وائل / تحت امرك يا مروان بيه
*اغلق مروان الخط وهو يبتسم بخبث وينتظر اللحظة التي سيقع فيها ذلك الحقير .*
*' ' ' ' ' ' ' ' ' ' ' '*
*وصل مروان السنتر في معاده ، دلف مباشراً الي الحصة وبدأ في الشرح وبعد نصف ساعة من وقت الحصة ، اوقف شرحه علي صوت طرق الباب وكانت ' داليا و الاء ' .*
مروان بغضب / معاد الحصة الساعة كام ؟
داليا ببرود/ معلش يا مستر كنا بنجيب اكل .
*كانت ستدخل لتجلس ولكنه أوقفها بصوت عالٍ .*
مروان بغضب / اطلعوا استنوا برة انتي وهي ومفيش واحدة فيكو تمشي .
الاء بغضب/ هنستني ساعة لحد ما الحصة تخلص ! ما نروح وخلاص .
مروان بغضب/ انتي كمان بتردي اطلعي برة انتي وهي ومفيش واحدة فيكو تمشي .
*خرجت داليا و الاء من القاعة وجلسوا بكل غضب وهم ينتظروا خروجه من الحصة ولكنهم أيضا متعجبون من طريقته ف أنه لأول مرة يرفض دخول أحد بعدة ، صحيح أنه صارم جدا في عمله ولكنه لا يدقق كثيرا علي تأخير الطلاب وخصوصا الغير ملتزمين !.*
*عندما خرجوا الاثنان وجدوا حور أمامهم !*
داليا بهمس / هي جت لية دي هي مش المفروض انها صفت من الفيزيا !.
الاء / تلاقيها جاية حصة تعويض الاحياء اللي كانت غايباها ، خلينا بقي قاعدين مستنين التاني دة يطلع .
*أما حور ف كانت حقاً قادمة لتحضر حصة الاحياء التي فاتتها ولم تهتم كثيرا لوجودهم خارج الحصة ف تأكدت أن مروان بدأ في عقابه لهم '.*
*' ' ' ' ' ' ' '*
زياد بغضب / انا استحاله اطاوعك ف اللي انت عاوزة دة يا عمر انت اتجننت .
عمر بغضب / لا ما اتجننتش يا زياد بس انا بحب حور وهي كمان لازم تحبني تشيل مروان دة من دماغها بقي وعشان دة يحصل لازم اعمل اللي بقولك عليه دة .
زياد / وانت مسألتش نفسك لما تعمل كدة وتتكشف حور هيكون رد فعلها أية ؟
عمر بخبث/ مش هتكشف يا زياد .. مش هتكشف بس انا لازم اعمل كدة ودة الحل الوحيد عشان مروان دة يختفي من حياتنا خالص بقي .
زياد / انت حر يا عمر انا نصحتك وانت حر بس اللي انت بتعمله دة هيوديك ف داهية ولو اتعرف هيخليها تكرهك مش تحبك زي ما انت عاوز .. انا ماشي .
*تركه زياد واتجه الي المحاضرة أما عمر فلم يستمع لكلامه وقرر تنفيذ ما بداخله .*
*' " ' " ' " ' " ' "*
*بعد ساعة إلا عشر دقائق انتهي مروان من حصته وخرج وهو غاضب جدا واتجه الي الغرفة التي تجلس فيها كلاً من داليا و الاء '.*
مروان بغضب / لازم تعرفوا يا هانم انتي وهي أن الحصة ليها معاد مش وكالة هي تخشوا وقت ما تحبوا ، لو دخلته بعدي تاني انا مش عاوز اشوف وشكوا عندي ، وبدل ما تشغلوا بالكو بالناس روحوا اشغلوا دماغكو بالمذاكرة افيد .
داليا / حضرتك تقصد اي بكلامك دة .
مروانب غضب / انتي هتحققي معايا ولا اي ! اتفضلي انتي وهي .
الاء / علي فكرة احنا كل مرة بنخش بعد حضرتك ومش بتتكلم .
مروان / اااه انتوا خدتوا علي كدة يعني ! لا معلش من هنا ورايح نظام تاني خالص وبالذات معاكوو انتوا ، واتفضلوا .
*خرجوا الاثنان بكل غضب من الغرفة بل من السنتر بأكمله .*
مروان في داخله / كويس اني معرفتهمش أن أنا عارف اللي عملوا ، خليهم يتربوا لحد ما يتعلموا الادب .
' ' ' '
الاء بغضب / الراجل دة غريب بجد وهو ازاي يكلمنا كدة اصلا .
داليا بتفكير/ اللي هيجنني هو ازاي ممشناش من عندو خالص بعد ما ردينا عليه كدة ! دة زي ما يكون قاصد يهزئنا .
الاء بسخرية / وانتي مش سامعاه يختي وهو بيقولوا معاكم انتوا بالذات .
داليا بقلق / في إنّ في الموضوع دة .
الاء / إنّ اي وهبل اي انتي عاوزة تعملي حوار وخلاص يستي فكك هو تلاقيه متعصب من حاجة ف طلعها فينا .
داليا / يمكن !
*' ' ' ' ' ' ' ' '*
*انتهت حصة حور مبكراً وخرجت من القاعة هي الأخري ووجدت أمامها مروان '*
شعرت بنبضات قلبها الذي كان سيخرج من مكانه عندما رأته وظلت تنظر له دون أن يلاحظ و تدقق في ملامحه وعلي وجهها ابتسامة هادئة جدا ، حتي انتبه لها مروان ونظر لها بعين لامعه ولكنها لم تنتبه أنه ينظر لها بل كانت مغيبة تماماً عما يحدث وكل تركيزها عليه فقط .
*فاقت من شرودها عندما اصطدمت بها احدي زميلاتها دون قصد ف اعتذرت لها حور وأدار مروان وجهه سريعا قبل أن تلاحظ أنه ينظر لها وتلاحظ أنه رئاها تنظر له .*
اتت نرمين من خلفها/ اي يبنتي سرحانه ف أية .
حور / لا ولا حاجة ، خلصتي الفيزيا .
نرمين / اه خلصنا ،ولو شوفتي حصل اي ف داليا و الاء !
حور باستغراب/ أية اللي حصل ؟
*حكت لها نرمين ما حدث ..*
نرمين / كان نفسي اعرف بقي قالهم اي برة .
حور / يستي اكيد هزئهم هيقولهم اي يعني ، يالا بينا عشان مش قادرة بجد .
نرمين / يالا فعلا .
*خرجت حور مع نرمين وهي تنظر لمروان بطرف عينيها ولا تستطيع أن تتوقف من النظر إليه .*
*' ' ' ' ' ' ' '*
*بعد مرور حوالي ساعتين انتهت محاضرة عمر*
عمر / انا مروح عاوز حاجة .
زياد بغضب / عاوزك تعقل وتشيل الفكرة المهببة دي من دماغك .
عمر / يوه يا زياد قولتلك انا مش هرتاح غير أما مروان يخرج من حياتي ودة الحل الوحيد ، ومع السلام قبل ما تقلب ب خناق .
*ذهب عمر وهو يخطط للشيئ الذي يريد فعله .*
