رواية عشقت كبريائي فهد ومليكة الجزء الثاني (عناد الحب والكبرياء) الفصل التاسع والعشرون
صحيت مليكه من نومها وكان فهد مش نايم جنبها استغربت وقامت تدور عليه بس سمعت صوت فى الحمام عرفت أن فهد بياخد شاور راحت عند الدولاب وطلعت ليه هدوم وحطتها على السرير وفى الوقت ده خرج فهد من الحمام وراح عند مليكه وحضنها من ضهرها وبسها فى رقبتها وقال
فهد :- صباح السعاده والهنا يا عمرى
مليكه :- صباح النور يا قلبى
فهد :- بتعملى ايه
مليكه :- لفت ليه وحطت ايديها حاولين رقبته وقالت كنت بختار الهدوم اللى حبيب قلبى هيلبسها
فهد :- امممم ممكن افهم ايه السبب اللي يخلى حبيبتى تختار ليا الهدوم اللى هنزل بيها الشركه
مليكه :- علشان انا قررت هنزل معاك الشغل تانى وانا اللى هكون السكرتيره بتاعتك وهبقى معاك ثانيه بثانيه
فهد:- وان قولتلك لاء هتعملى ايه
مليكه :- انا عارفه ومتأكده أن فهودى مش ههون عليه يزعلنى
فهد :- امممم يعنى انتى عارفه انك نقطه ضعفى
مليكه :- هزت راسها بمعنى ايوه
فهد :- امرى لله ادخلى خدى شاور واجهزى بسرعه
مليكه :- باسته فى خده وطلعت تجرى على الحمام
فهد :- هههههههه مجنونه بس بموت فيها ولبس هدومه واداه فرضه وسرح شعره وخرجت مليكه لبست هدومها وأدت فرضها وقالت
مليكه :- انا خلصت
فهد:- ماشى يلا
مليكه :- بس ليا طلب صغنون
فهد :- قولى
مليكه :- نعدى على ماما اصل فريد واحشنى اوى الصراحه
فهد:- وانا كمان واحشنى
مليكه :- قلبى يا ناس محدش عنده قلب زى حبيبى فى الدنيا دى بحالها
فهد. :- هههههه بلافه امشى يلا قدامى
مليكه :- ماشى ونزل فهد ومليكه وكان عدى وجاكلين بيجرو وراه بعض فى الفيلا
مليكه :- ايه ده فى ايه
عدى :- ها مفيش
جاكلين :- لاء فى البيه الرومانسي بيحب وا
عدى :- حط أيده على بؤقها وقال مفيش يا ماما دى بنت طقه
مليكه :- وانت مش عايزها تقول فى ايه ليه
عدى :- ها ولا حاجه بس القمرين دول نازلين كده ورايحين فين
جاكلين :- اممممممم
فهد :- ولد سيب اختك
عدى :- ما انا سيبها اهو يا بابا
جاكلين :- امممممم
مليكه :- طيب سيب اختك بس
عدى :- شال أيده من على بؤقها وقال اهو
جاكلين :- يخربيت سنينك كنت هروح فيها
عدى :- انشالله يارب قصدى بعد الشر عليكى يا اختى يا حبيبتى تصدقى ناسى باكو الشكولاته بتاعك فى الاوضه عندى ده انا جايبه ليكى مخصوص ها مخصوص واخده بالك انتى
جاكلين :- شيكولاته
مليكه :- هو فى ايه بالظبط حد يفهمني كده
جاكلين :- لاء مفيش ده احنا كنا بنهزر بس
عدى :- اختشى حببتشى حببتشى والله
فهد :- يلا يا مليكه هنتأخر الاتنين اجن من بعض
مليكه :- وانتو إن شاءالله مرحتوش المدرسه ليه بقى
جاكلين :- ها ا.ا اصل بطنى وجعانى اوى يا ماما
مليكه :- والله وانت يا بيه
عدى :- ها اصل شوفت اختى تعبانه مهنش عليا اسيبها وامشى
فهد :- لاء حونين يا ولا
عدى :- عيب عليك يا معلم ده انا طلعلك
مليكه :- اعملو حسابكم أن النهارده اخر يوم تقعدو من المدرسه ومن بكره تصحو معانا وهناخدكم معانا فى العربيه نوصلكم لحد باب المدرسه فاهمين
جاكلين :- لعدى ده ايه الجو الفاكس ده
عدى :- عندك حق يا بنتى والله
مليكه :- ايه مش عجبكم كلامى ولا ايه
جاكلين :- لاء ازاى دى احلى ماما دى ولا ايه
فهد:- يلا يا مليكه ومشى وسابهم
مليكه :- بغيظ ماشى يا ولاد فهد لما اجى ليكم انتو الاتنين
عدى :- الحقى بابا بينادى عليكى
مليكه :- كده ماشى وطلعت تجرى
جاكلين :- هههههههه حلوه الباعته دى كفك
عدى :- والله هاتى يابت اللى معاكى
جاكلين :- طلعت تجرى وتقول لاء علشان لو عملت ليا حاجه اوريها لماما ولبابا
عدى :- وربنا ما انا سايبك
جاكلين :- عااااااا وطلعت تجرى
عدى :- بت هاتى الصوره
جاكلين :- وهى بتجرى لاااااء
عدى :- ماشى بس اعملى حسابك لو حد عرف بموضوع الصوره دى هولع فيكى
جاكلين :- هههههههه لاء متخفش محدش هيعرف موضوع الصوره دى ابدآ غير ماما وبابا وروان جميله اوى روان
عدى :- يابت ال وطلع يجرى وراها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت عبدالرحمن
كانت مى منهاره من العياط وهى بتكلم مازن
مى :- حرام عليك ازاى يجيلك قلب تحرم ام من بناتها
مازن :- لاء جو المسكنه ده مش هيجى معايه ومش هغير كلامى ومنتظر منك الرد حالا
مى :- يا مازن افهمنى مش هقدر اعيش معاك تانى انا قلبى فعلا منك مجروح ومجرد مابشوفك بفتكر الماضى كله وقلبى بيتقطع من جوه
مازن :- يبقى اخترتى نفسك واستغنيتى عن البنات
مى :- لاء يا مازن مقدرش استغنا عن البنات
مازن :- مى بلاش جو الفوازير ده هترجعى ليا النهارده ولا ارفع الدعوه عايز رد سريع منك
مى :- سكتت شويه ودموعها نزلت منها وقالت بحسره انا اخترت بناتى يا مازن
مازن :- بفرحه يعنى وافقتى ترجعيلى
مى :- بدموع ايوه
مازن :- ايوه بقى على العشا هكون عندك تكونى جاهزه والبنات جاهزين علشان اخدكم
مى :- بدموع ماشى وقفلت التليفون واترمت على السرير وقعدت تعيط وقعدت على السرير وضمت رجليها لصدرها وقعدت تفكر فى كلام نورهان قبل ما تموت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فلاش باااااااك
مى :- احم باسم اتصل بيا وقالى انك عايزانى
نورهان :- تعالى يا مى اقعدى قصادى عايزه اقولك كلمتين
مى :- قعدت على الكرسى وقالت خير
نورهان :- اكيد باسم قالك بمرضى وان انا فاضل ليا ايام أو سعات أو حتى دقايق وافارق الدنيا
مى :- خلى املك فى ربنا كبير محدش يعلم ايه عند ربنا يمكن لسه فى سنين كتيره فى عمرك لسه هتعشيها مع جوزك وبنتك
نورهان :- ههههه انتى بتحاولى تواسينى بس للاسف دى الحقيقه يا مى انا عمرى خلاص بينتهى ومش فارقه معايه صدقينى كل اللى صعبان عليا فراق بنتى بس كان نفسى اعيش معاها اكتر واشوفها وهى بتكبر بس لا اعتراض على أمر ربنا
مى :- طيب انتى طلبتى تشوفينى انا بالذات ليه
نورهان :- علشان ليا طلب عندك واتمنى منك تنفذيه ليا
مى :- ايه هو لو بأيدى اكيد هنفذه ليكى
نورهان :- تتجوزى باسم
مى :- بصدمه ايه
نورهان :- مى انا عارفه أن باسم بيحبك ومش من يوم ولا اتنين لاء من سنين طويله باسم حتى فى أحلامه كان بينادى بأسمك وانا كنت بسمع ده بودانى مش زعلانه منه لأن انا عارفه محدش ليه حكم فى قلبه وهو حاول الصراحه أن يعوضنى نقص حبه ليا بس فشل زى ما انا فشلت اكرهو وفضلت أحبه لحد اخر لحظه فى عمرى ومهما يعمل فيا برضه مش بكرهو
مى :- نورهان انا مش هق
نورهان:- قطعتها وقالت مى ده طلب من واحده مفارقه الحياه وانا الصراحه لما شوفتك اديت الحق لباسم أن يحبك لأنك فعلا بتدخلى القلب علطول من اول مره وعارفه أن معاكى بنات وهتقدرى تحسى بيا كأم وانا خايفه على بنتى من الزمن وباسم لواحده مش هيعرف يربيها وامى ست كبيره وصحتها على قدها وباسم لازم يتجوز واحده تحافظ عليه وعلى بنته ومش هلاقى احسن منك غير أن انا اصلا بحب مليكه علشان طيبه اوى وانتى شكلك طيبه شبها
مى :- انا ممكن اخد بنتك اربيها مع بناتى بس من غير ما اتجوز باسم
نورهان :- مى باسم طيب اوى وراجل وحنين اوى اوى وهيقدر يسعدك ويخلى باله من بناتك وانا عارفه باسم بيحبك قد ايه وانا علشان بحبه وحاسه بأحساسه بترجاكى اقبلى الجواز من باسم وربى بنتى كويس زى بناتك بالظبط وعوضيها غيابى عنها ولما تكبر عرفيها أن انا بحبها وروحى هتفضل معاها علطول
مى :- صعبت عليها نورهان ودموعها نزلت منها
نورهان:- بدموع انا عارفه انك طيبه ومش هترفضى كلامى اوعدينى بالله عليكى
مى :- خايفه مكنش قد الوعد ده ومقدرش انفذه
نورهان :- انا واثقه فيكى يلا اوعدينى
مى :- بتوتر اوعدك
نورهان :- انا كده ارتحت وقعدت تكح
مى :- اجبلك شوية مايه
نورهان :- لاء خلاص مفيش وقت بس هطلب منك طلب اخير
مى :- اطلبى
نورهان :- بلغى باسم أن بحبه اوى اوى وان انا مش زعلانه منه فى حاجه ومسامحه ولا عمرى عرفت ازعل منه وإن احلى ايام عمرى اللى عشتها معاه وخليكى جنبه بعد موتى علشان هو هيفضل يلوم نفسه وضميره هيأنبه هونى عليه وخليه ميزعلش
مى :- بدموع حاضر
نورهان :- قعدت تكح تكح وبعدين الاجهزه عملت صوت الانذار أن القلب وقف ونورهان فرقت الحياه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
باااااااك
مى :- بدموع سامحينى يا نورهان مش هقدر انفذ وعدى ليكى بناتى اهم حاجه عندى فى الدنيا ولو بعدو عن حضنى اموت سامحنى يا باسم مش هقدر أوفى بوعدى ليك أن اديك فرصه مصلحت بناتى اهم مليون مره من مصلحتى اتكتب عليا اعيش موجوعه العمر كله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
وصل فارس وجومانه الشركه ونزلت جومانه من العربيه وسابته وطلعت الشركه
فارس :- بص عليها لحد ما دخلت الشركه وبعدين نزل من العربيه ودخل وراها وطلع على مكتبه بس ملاقهاش خرج تانى وبص عليها لاقها قعده عند السكرتير راح عندها وقال جومانه تعالى عايزك
جومانه :- نفخت وراحت معاه المكتب وقالت نعم عايز ايه
فارس :- مينفعش تقعدى عند السكرتير
جومانه :- وايه منفعوش إن شاءالله
فارس :- اولا مش هسمح مراتى تقعد طول النهار مع راجل غريب ثانيآ انتى شغلك ملهوش علاقه بالسكرتريه خالص ثالثآ بقى والأهم انك انت هنا معروفه انك مراتى مينفعش تفضلى تتكلمى مع كل حد شويه
جومانه :- اولا ملكش دعوه بيا اقعد مع راجل ولا مع ست ثانيآ مش انت اللى هتحدد ليا اشتغل ايه ثالثآ بقى والأهم انا اقف اتكلم مع اى حد براحتى ميهمنيش الناس شيفانى مرات مين وسابته ومشت
فارس :- بص عليها لحد ما خرجت وقال وبعدها معاكى يا جومانه ومع عندك ده وقعد على مكتبه وبدأ يشتغل
عند جومانه
خرجت من المكتب وشافت فهد ومليكه راحت عندهم وسلمت عليهم
جومانه :- فهد عامل ايه دلوقتى
فهد :- الحمدالله يا جومانه انتى عامله ايه
جومانه :- الحمدالله وبصت لمليكه وحضنتها وقالت لوكه واحشانى اوى والله
مليكه :- وانتى اكتر والله بس ايه المفاجئه الحلوه دى
جومانه :- وانا فرحت برضه لما شوفتك هنا
مليكه :- قولت انزل اشتغل مع فهد بدل قعدتى فى الفيلا
جومانه :- واو وانا كمان هشتغل هنا مع فارس
فهد :- طيب هسيبكم انتو مع بعض وهدخل انا مكتبى اشوف الشغل
مليكه :- ماشى
فهد :- دخل المكتب وبدأ يشوف شغله
مليكه :- بفرحه بجد فرحت اوى لما عرفت انك رجعتى لفارس
جومانه :- انا رجعت ليه غصب عنى يا مليكه
مليكه :- ازاى يعنى
جومانه :- البيه جه يهددنى بحبس بابا لو مرجعتش الفيلا
مليكه :- نهار اسوح
جومانه :- اه والله ورجعت امبارح الفيلا وبعيد عنك اتصدمت لاقيت ام اربعه واربعين قعده فى وشى
مليكه :- مين
جومانه :- حماتك العزيزه انتى كنتى مستحملاها ازاى دى ده انا كنت هولع فيها امبارح والنهارده
مليكه :- ههههههههه يا بت اتلمى عيب عليكى دى حماتك برضه
جومانه :- جتها حمه يا بعيده تخلصنا منها
مليكه :- هههههههه حرام يا جومانه متدعيش عليها دى فى مقام مامتك
جومانه :- والله العظيم انتى طيبه بعبط يعنى بعد اللى عملته فيكى بدفعى عنها ده انا لو مكانك كنت قعدتها فى مكان مقفول وفتحت عليها الغاز وسبتها لحد ما اتخنقت وماتت ابشع موته على أيدى
مليكه :- يخربيتك ايه التفكير الاجرامى ده ده انتى مشكله اقسم بالله
جومانه :- مفقوعه منها بنت المبقعه دى الصبح تقول لينا بلاش مسخره وقلة ادب راعو ان عايشه معاكم واحده فى البيت اللهى يجيبو ويحطوه عليها
مليكه :- ههههههههه وانتو كان صوتكم عالى اوى كده
جومانه:- بلا وكسه اسكتى والنبى
مليكه :- ههههههههه ليه كده
جومانه :- مليكه انا وفارس يعنى كده كل واحد كان بينام فى اوضه لوحده
مليكه:- بصدمه ايه يعنى تقصدى ان فارس ملمسكيش لحد دلوقتى
جومانه :- احم لاء
مليكه :- بجد مصدومه انتى تعرفى أن انا وفهد قعدنا فتره كده لحد ما قربنا لبعض
جومانه :- والله ده شكله سلو فى العيله دى
مليكه :- هههههههه فعلا
جومانه :- بزعل بس انتو ربنا يخليكم لبعض عشتو مع بعض وجبتو اولاد وبتحبو بعض لكن انا وفارس اتفقنا يطلقنى بعد ما أمه ترجع عندكم
مليكه :- بصدمه ليه كده مع انى بشوف فى عينيكم انتو الاتنين حب كبير لبعض
جومانه :- انا اللى طلبت الطلاق منه
مليكه :- ليه مع انك بتحبيه
جومانه :- علشان ملهوش امان يا مليكه بعد اللى حصل معاكى وانا مش بثق فيه ومش هقدر اعيش معاه وانا خايفه يطلقنى فى اى لحظه وبعدين فارس ظهر على حققته لما رفض ارجع معاه هددنى بحبس بابا ده مش بنأدم
مليكه :- لاء غلطانه يا جومانه فارس انا عمرى ما شوفت منه حاجه وحشه من يوم ما عرفته شاب فى قمة الادب والاخلاق وعلى فكره فارس من نوع الرجاله اللى بتبقى قد كلمتها ومسؤول جدآ ووفى للى بيحبهم أما اللى حصل معايه ده انا برضه ملتمسه ليه العذر فارس بيحب اخوه لدرجة الجنون ولما شاف أن اخوه هيروح منه اتوتر ومبقاش عارف بيعمل ايه ولا بيقول ايه علشان كده اتصرف معايه بالطريقه دى بس انا بحاول بس اديله درس فى الثقه بالنسبه ليا أما بالنسبة ليكى فارس عمره ما يفكر يسيبك علشان بيحبك بجد والدليل أن هو عمل بأى طريقه علشان يرجعك ليه تانى بس استخدم اسلوب غلط بس اللى حركه وخلاه يعمل كده عواطفه لان معنى اصح ابوكى ملهوش شيكات اصلا هنا فارس رفض يمضى ابوكى شيكات فى اخر مره
جومانه :- بصدمه ايه
مليكه :- ايوه يا جومانه انا كنت موجوده ساعة الاتفاق على الشحنه الجديده اللى هناخدوها منكم وابوكى طلب يمضى شيكات أو يتحط اى شرط جزائى عليه لو اتأخر فى تسليم الشحنه بس فارس رفض الاتنين
جومانه :- طيب ليه قال ليا كده ولما رجعت وطلبت منه الطلاق ليه مفهمنيش الحقيقه
مليكه :- مش عارفه تقدرى تسأليه انتى بس عايزه اقولك كلمتين حافظى على جوزك لانك مهما حاولتى تدورى على حب مش هتلاقى حد يحبك زيه
جومانه :- بس فارس هيطلقنى يا مليكه
مليكه :- فى ايدك انتى اللى ترجعيه ليكى
جومانه :- ازاى
مليكه :- اقعدى اتكلمى معاه متبخليش عليه بمشاعرك وحبك وحنانك حاولى تفهمى فارس ايه بالظبط وصدقينى هتعيشى اسعد واحده معاه
جومانه :- اممممم طيب عن اذنك هرجع الفيلا حالا
مليكه :- فهمت وقالت ربنا يسعدك يارب
جومانه :- باستها فى خدها وقالت ربنا يخليكى ليا يا احسن اخت فى الدنيا وطلعت تجرى
مليكه :- هههههههههه ربنا يهنيكم ودخلت المكتب عند فهد لاقته شغال
مليكه :- فهد ارتاح شويه متنساش انك لسه خارج من المستشفى
فهد :- بتعب مش هينفع يا مليكه الشغل كتير اوى متنسيش أن قعدنا فتره كبيره محدش بيجى الشركه
مليكه :- عارفه بس الشغل يستنا شويه صحتك اهم من الدنيا دى بحالها
فهد :- لف الكرسى وشاور بأيده على رجله وقال تعالى هنا
مليكه :- راحت قعدت على رجله وقالت نعم
فهد :- راحتى بوجودك جنبى وانتى فى حضنى وانا لامس كل حته فى جسمك
مليكه :- حطت راسها على كتفه وقالت طيب علشان خاطرى بلاش تتعب نفسك فى الشغل
فهد :- ضمها فى حضنه وقال حاضر وبسها فى خدها وقال ربنا يخليكى ليا يارب
مليكه :- وهى فى حضنه وميحرمنيش منك ابدآ
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
صحيت مها من نومها وقالت
مها :- عاااااا الحقنى يا اسر
اسر :- قام مفجوع وقال ايه فى ايه مالك
مها :- تعبانه شكلى هولد يا اسر عااااااااا
اسر :- ايه بتولدى وقام وقف وشالها وطلع يجرى على الباب
مها :- ههههههههههههههههههه
اسر :- بصلها بأستغراب وقال بتضحكى
مها :- هههههههههههه اه مش قادر شكلك مسخره ههههههههههه
اسر :- استنى هنا مفيش وجع ولا ولاده ولا حاجه
مها :- هههههههههه لاء انا لسه فى السادس يا اسو ازاى هولد
اسر :- نزلها وقال بغيظ الله يحرق اسو واللى. جابوه فى حد يعمل كده يا شيخه حرام عليكى ده انا كان قلبى هيقف عليا من الخوف
مها :- هههههههههههه بهزر معاك يا قلبى
اسر :- تهزرى معايه توقفى قلبى ده انتى على هزارك ده ناويه تجيبى اجلى قريب
مها :- قربت عليه ولفت دراعها حوالين رقبته وقالت بعد الشر عليك يا اسو انشالله عدوينك يارب
اسر :- مشكلتى أن بحبك ومش بعرف ازعل منك مهما بتعملى فيا
مها :- وانا بعشقك اوى وباسته فى خده
اسر :- احم روحى نامى على السرير الله يكرمك
مها :- هههههههههههههه احبك وانت كده يا قلبى
اسر :- بت انتى مالك على الصبح كده
مها :- مالى انا حلوه وزى الفل انا مزه وقيده الكل
اسر :- والله وده من ايه أن شاءالله
مها :- ثقه فى نفسى ولا عندك اعتراض
اسر :- انا لالالا هو انا اقدر برضه
مها :- هههههههههههه كان شكلك مسخره وانت شايلنى ولابس الشورت والفانله وشعرك منكوش وطالع تجرى بيا ههههههههههههه فظيع هههههههههه
اسر :- والله مجنونه وهتجنينى معاكى
مها :- الله بدلع عليك بلاش
اسر :- ادلعى يا اختى ادلعى
مها :- هههههههههههههههه
اسر :- ما خلاص يا بنتى فشتك عيمه على الصبح كده ليه
مها :- هههههههههههه مش قادره منظرك كان تحفه ههههههههههه
اسر :- ههههههههههههههههههه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
وصل باسم بلهفه ودخل يبص على مى ملاقهاش فى المكتب راح على مكتب فهد ودخل علطول
مليكه :- كانت قعده على رجل فهد واتكسفت اول ما دخل باسم عليهم وقامت وقفت
فهد :- ايه يا ابنى فى حد يدخل على حد كده مش تخبط الاول
باسم :- معلش مأخدش بالى المهم مى فين
مليكه :- هتلاقيها هنا او هنا
باسم :- لاء شكلها لسه مجتش علشان دورت عليها فى الشركه وملاقتهاش وبرن عليها التليفون مش بترد عليا
فهد :- بس مى مش بتتأخر على الشغل بتبقى هنا قبل ما احنا بنيجى
باسم :- ما هو ده اللى قلقنى
مليكه :- انت اليومين دول مش طبيعى يا باسم وشاكه فى امرك
فهد :- مليكه مش وقت الكلام ده المهم اتصلى انتى عليها يمكن ترد عليكى
مليكه:- ماشى ومسكت تليفونها واتصلت على مى وانتظرت الرد تحت نظرات توتر وخوف من باسم وبعد وقت ردت مى على مليكه
مليكه :- ايه يا بنتى فينك برن عليكى مش بتردى ليه
مى :- بدموع مفيش يا مليكه انا فى البيت
مليكه :- بقلق مالك يا مى بتعيطى ليه
مى :- مش بعيط يا مليكه ولا حاجه بس كل الحكايه مش هقدر اجى النهارده علشان بليل راجعه مع مازن البيت
مليكه :- بصدمه ترجعى لمازن
مى :- بدموع ايوه
باسم :- اتصدم لما سمع كده
مليكه :- وايه جد غيرك رأيك كده
مى :- بناتى يا مليكه هددنى ياخد بناتى منى
باسم :- شد التليفون من ايد مليكه وقال بعصبيه هترجعى لمازن يا مى هترجعى للى كان بيذلك ويهينك هترجعى ليه وهتسبينى انا يا مى مش هيحصل يا مى انشالله لو قتلته مش هسمح انك ترجعى ليه وتسبينى يا مى فاهمه
مى :- باسم افهمنى بناتى عندى اهم من اى حاجه فى الدنيا
باسم :- بعصبيه وانا يا مى انا اللى بتمنا اعيش معاكى يا مى بناتك ميقدرش ياخدها منك حتى لو اتجوزتى متخلهوش يهددك بحاجه مش هتحصل يا مى انا بحبك ومش هسمح لاى راجل ياخدك منى فاهمه
فهد :- قام اخد التليفون من ايد باسم واداه لمليكه وقعد يهديه
باسم :- بعصبيه ليه تملى حظى كده ليه ليه كل ما احب حد يروح منى ليه هفضل علطول كده موجوع ليه يا فهد ده انا حتى عمرى ما عملت حاجه واحشه لحد ليه ليييييييه وقام وقع كل اللى على المكتب فى الأرض
فهد :- مسكه وقال اهدا يا باسم مش كده اهدا شويه
باسم :- اهدا ايه يا فهد اهدا ايه مى هتروح منى تانى بعد ما صدقت رجعت ليا وقعد فى الارض ودموعه نزلت منه وقال لو مى رجعت ليه انا هموت يا فهد انا مقدرش اعيش من غير مى
فهد :- قعد فى الارض وحضنه وقال متخفش كل حاجه هتتحل ومى هتكون ليك
مى :- كانت سامعه كل ده على التليفون ودموعها بتنزل منها
مليكه :- مى انتى لسه معايه
مى :- بدموع مليكه حاولو تخرجو باسم من اللى هو فيه ابوس ايديكم خليكم جنبه
مليكه :- ولما انتى خايفه عليه كده ليه هترجعى لمازن يا مى
مى :- بدموع خلاص يا مليكه الكلام ملهوش لازمه خلى بالكم انتو بس من باسم سلام يا مليكه وقفلت التليفون مع مليكه
باسم :- برضه هترجع ليه صح
مليكه :- باسم كل شئ قسمه ونصيب وهى اختارت بناتها
باسم :- قولتلها هحميكى وهحمى البنات هى اللى معندهاش ثقه فيا
فهد :- غصب عنها يا باسم هى ام برضه
باسم :- وقف وقال مستحيل ده يحصل يا فهد مستحيل وخرج من المكتب يجرى
مليكه :- الحقو يا فهد بدل ما يعمل حاجه مجنونه
فهد :- طلع يجرى وراه باسم وينادى عليه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
وصلت جومانه الفيلا واول ما دخلت شافت سهير فى وشها
جومانه :- بخضه بسم الله الرحمن الرحيم هما بيطلعوه امته دول
سهير :- ايه شوفتى عفريت
جومانه :- فى سرها انيل وحياتك وبعدين قالت لاء بس اتخضيت مش اكتر
سهير :- وايه اللى رجعك تانى
جومانه :- تعبت شويه ورجعت فيها حاجه دى
سهير:- لتكونى حامل
جومانه :- ها ل.ل.لا طبعآ
سهير :- ليه يا اختى مش متجوزه راجل ولا ايه
جومانه :- لاء ازاى انا متجوزه سيد الرجاله طبعآ بس احنا مأجلين موضوع الحمل ده بعدين
سهير :- والله طيب
جومانه :- بعد اذنك يا ماما هطلع اغير هدومى
سهير :- هييييح اذنك معاكى يا اختى
جومانه :- ميرسى يا ماما وسابتها وطلعت الاوضه غيرت هدومها ونزلت وقفت فى المطبخ وحضرت اكل وسابته فى المطبخ وطلعت اوضتها دخلت اخدت شاور وخرجت ولبست فستان قصير جدآ وميكب رقيق ونزلت حضرت اكل وطلعت بيه على الاوضه وحطته على الطربيزه وقعدت تستنا فارس
سهير :- كانت متابعه حركات جومانه وقعده ومتغاظه من تجاهلها ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة فريد المنشاوى
فارس :- لما جومانه اتأخرت عليه خرج من مكتبه يدور عليها وسأل عليها السكرتير قال ليه انها رجعت الفيلا علشان تعبانه شويه اتخض عليها ودخل اخد تليفونه ومفاتيحه ونزل ركب عربيته وراح على الفيلا ودخل بلهفه وكانت أمه قاعده
سهير :- فى ايه مالك داخل كده على اخر نفس
فارس :- جومانه مالها يا ماما
سهير :- مالها يا اخويه ما زى القرده فوق مفيهاش حاجه ورايحه جايه
فارس :- اخد نفسه وقال ماشى وبص لفوق وقال عن اذنك يا ماما هطلع ابص عليها
سهير :- اطلع يا اخويه اجرى عليها
فارس :- بصلها وسابها وطلع على اوضت جومانه ملاقهاش فيها استغرب ودخل اوضه علشان يغير هدومه وينزل يبص عليها تحت فتح باب اوضه واتفاجئ بوجود شمع منور واكل على طربيزه نور النور لاقه جومانه قعده على السرير وشكلها مثير
فارس :- جومانه بتعملى ايه هنا
جومانه :- مش انت قولت اقعد هنا معاك فى الاوضه علشان محدش يحس بحاجه
فارس :- والأكل والشموع واللبس اللى انتى لابسه ده ايه
جومانه :- قامت وقفت وراحت عند فارس وقالت فارس انا اسفه كنت فهماك غلط
فارس :- بأستغراب قصدك ايه
جومانه :- قصدى أن مليكه قالت ليا الحقيقه وقالت على اللى عملته مع بابا ليه مقولتش ليا الحقيقه من الاول
فارس :- علشان انا اتصدمت لما شوفت الصوره اللي انتى شيفانى بيها شيفانى أن انا واحد واطى ملهوش امان مستغل عايزك علشان جسمك وبس وبعد كده هتخلى عنك وهبيعك عايزانى اقولك ايه بعد كده يا جومانه
جومانه :- فهمنى الحقيقه صحح ليا فكرتى عنك اكسبنى مش تخسرنى
فارس :- ما هو ده اللى كنت بحاول اعمله بس انتى رفضى تدينى فرصه اعمل كده
جومانه :- واهى الفرصه جت لحد عندك دلوقتى
فارس :- يعنى
جومانه :- يعنى بحبك ومش عايزه اعيش لحظه واحده بعيد عنك وبعيد عن حضنك
فارس :- قرب منها اوى وبص فى عينيها وقال بفرحه بجد يا جومانه
جومانه :- هزت راسها بمعنى ايوه
فارس :- ضمها جامد فى حضنه وقال بحبك اوى يا جومانه ووعد منى عمرى ما هزعلك ولا هبعدك لحظه واحده عن حضنى وهعيشك اسعد ايام حياتك
جومانه :- بصت فى عينيه وقالت وانا واثقه من كده
فارس :- قرب منها ولسه هيبوسها
جومانه :- احم ب.ب.بعد الاكل
فارس :- شالها وقال الاكل يستنا إنما نار شوقى مش هتستنا وحطها على السرير وقلع قميصه وقرب منها وبسها من شفايفها ونزل على رقبتها و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت عبد الرحمن
فى اوضت مى كانت نايمه على السرير وبتعيط والباب خبط مسحت دموعها وقامت تفتح الباب
مى :- تعالى يا ماما
فايزه :- ايه الكلام اللى مليكه قالته ليا فى التليفون ده
مى :- مش هو ده اللى كنتى عايزاه أن ارجع ليه اهو هرجع ليه ايه مزعلك بقى
فايزه :- انا كنت عايزاك ترجعى ليه وانتى مبسوطه لكن على حالتك دى صعب يا مى
مى :- مش فارقه يا ماما اهى كلها عيشه وخلاص
فايزه :- لاء يا مى انا اه كنت عايزه انك ترجعى لمازن علشان تكونى سعيده ومبسوطه لكن انتى بترمى نفسك للموت بمنظرك ده
مى :- خلاص يا ماما ملهوش لازمه الكلام ده دلوقتى كلها ساعه وجاى ياخدنى المأذون يرجعنى وفى الوقت ده رن جرس الباب
مى :- تلاقيه هو مش مستنى الساعه دى روحى افتحى ليه
فايزه :- لله الامر من قبل ومن بعد وراحت تفتح الباب
مى :- مسحت دموعها وهى بصه فى الارض قالت انا جه
وقطعت كلامها وقالت باسم
باسم :- ايوه يا مى باسم ومش هسمح ليكى أن ترجعى للبنأدم ده
مى :- ارجوك خلاص امشى من هنا علشان هو زمانه جاى
باسم :- انا عايزه يجى علشان أعرفه مقامه
مى :- ابوس ايدك يا باسم امشى من هنا
وفى الوقت ده دخل فهد على اخر نفس وقال
فهد. :- دورت عليك فى كل مكان وقولت اكيد هلاقيك هنا
مى :- بدموع خده يا فهد من هنا مازن زمانه جاى ومش عايزه تحصل مشكله ما بين الاتنين
باسم :- مش هتحرك من هنا ورجوع ليه مش هترجعى
فهد :- يا باسم مش كده
باسم :- فهد سبنى ارجوك مش همشى من هنا
مى :- حرام عليكم انتو كده بتتعبونى اكتر ما انا تعبانه
باسم :- مى انتى بتحبينى صح
مى :- بدموع باسم امشى من هنا ارجوك
باسم :- مش ماشى من هنا غير لما اسمعها منك
مى :- أدته ضهرها وقالت بدموع فهد خده من هنا
باسم :- مش همشى يا مى وراح وقف قصادها ودموعه نزلت منه وقال بتحبينى صح
مى :- باسم حرام عليك بلاش تعذبنى
باسم :- مى انتى بتحبينى
مى :- قعدت على الأرض وقالت بدموع اه يا باسم بحبك بس بناتى مقدرش استغنا عنهم اموت من غيرهم
باسم :- قعد قصادها وقال والله ما من حقه أن هو ياخد البنات صدقينى ارفضيه وتعالى نتجوز وانا اوعدك هحميكى وهحمى البنات منه
وفى الوقت ده دخل مازن وقال
مازن :- بأستفزاز متجمعين عند النبى أن شاءالله
باسم :- طلع يجرى عليه وقال يا واطى يا جبان ده انت ازبل من الزباله نفسها مى انساها مش هترجعلك فاهم
مازن :- مسك فيه وقال وانت بأى حق تدخل فى حياتنا ها مى هتبقى مراتى تانى وهترجع تعيش معايه انت مالك
باسم :- مى مش هترجعلك فاهم مش هترجعلك
فهد. :- ادخل وحاول يبعدهم عن بعض وبعد معاناه بعدهم عن بعض ومسك باسم
باسم :- اوعى يا فهد سبنى عليه خلينى اعرفه مقامه
فهد. :- اهدا يا باسم وكل حاجه هتتحل
مازن :- مسك ايد مى وقال يلا بينا
باسم :- اتجن لما شاف مازن ماسك ايديها وحاول يهرب من ايد فهد وقال بعصبيه اوووووووعى يا فهد سبنى
مازن :- بصله بأستفزاز ومشى وهو معاه مى لحد الباب
مى :- كانت بتبص على باسم ودموعها نازله منها
مازن :- اول ما وصل عند الباب ومعاه مى
فايزه :- صوتت وقالت بنتتتتتتتتتى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
