رواية جريمة في قلب عاشق الفصل الثاني
صرخ مالك : خلي بالك يا كريم
نظر أمامه بذهول ، رأى شاحنة كبيرة أمامه.
الجميع كان خائف إلا ملك كانت تعانق الموت بسعادة.
حاول كريم الانحدار بالسيارة بعيد عن الشاحنة.
كان الجميع يتنفس بخوف و توتر و كانت هي تجلس بصمت تام
تنهد ثم قال بندم: أنا اسف يا جماعة، اسف.
أجاب مالك: مفيش مشكلة حصل خير الحمد لله.
أكمل كريم السير و لكن لم ينظر إلى ملك ، حتي لا يحدث مثل ما حدث أو اسوء.
وصلوا مكان الخطوبه كان فى الشارع أمام بيت أمل
كان الجميع سعيد جدا يرقص ويغني إلا ملك
ذهبت مكان بعيد عن عيون الناس ، حتي لا
يسألها الناس نفس السؤال:
هو لسه مفيش حد رضي يتقدم ليكي يا ملك
كريم طول الوقت عيونها على ملك و تاكد من شئ واحد واقع في غرامها.
ثم قرر يذهب إليها
كريم بهدوء: عقبالك يا انسه ملك
مجرد جملة عادية تقال للجميع في هذه المناسبات لكن ليست عادية بالنسبة لها.
أجابت بحزن: شكراً
يريد أن يقتحم حياتها ، حتي يعلم لماذا كل هذا الحزن؟! ياليت يستطيع تبديل حزنها بالسعادة
سأل بحزن: ليه كل الحزن ده.
كانت تنظر إلى صديقتها التي ابتعدوا عنها من بعد المرحلة الإعدادية ، أجابت بهدوء: مفيش
رغم كل صفاته الجيدة إلا أنه لديه صفة سيئة و لا يستطيع تغيره رغم المحاولات و هي العصبية.
قال بعصبية: كل لما أسألك تقولى مفيش اومال ليه شكلك حزين.
نظرت له بغضب و قالت : وانت مالك اصلا
وتركته وذهبت
وذهب كريم ويقسم بداخله أن ملك سوف تكون زوجته و يجعلها اسعد فتاة في العالم.
فى اليوم التالى
في منزل كريم
قرر عدم الانتظار ، لماذا الانتظار ؟
تاكد أنه احبها و لما يرى منها أو من عائلتها شي يدل أنهما عائلة سيئة السمعة، لم يفرق معه المستوي المادي ، و يرى أنها ملكة الجمال العالم.
كريم بهدوء: ريس جابر انا بعتبرك زي ابوي الله يرحمه
فكنت عايز اطلب منك طلب.
جابر بابتسامه: شرف لي يا بيه اتفضل.
كريم بسعادة: عايز اطلب ايد بنت من البلد.
جابر بابتسامه: شرف لينا يا كريم بيه مين سعيده الحظ دي.
تنهد ثم قال بحب: ملك
جابر بعدم فهم: ملك مين يا بيه
كريم : ملك بنت الحاج مصطفى
جابر لنفسه: بقا عايز يجوز اللى محدش معبره في البلد
كريم بصوت عالى جدا: جابر
جابر : ايه يا بيه
كريم : بكلم مش بترد ليه
جابر بعصبية : يعني مفيش غير البت دى يا بيه
شعر بالتوتر من ملامح جابر ، سأل بخوف: مالها ملك.
جابر بحقد: دى محدش عابره فى شباب البلد تجي أنت تجوزها و كمان معها دبلوم بس حتي مش ثانوية عامة.
كريم بحب: ربنا بعد الكل عنها علشان تكون من نصيبي أنا و ايه يعني دبلوم التعليم و الصحة و الاولاد و الفلوس دول رزق و كل واحد فينا خد رزقه بلاش التفكير ده .
جابر بعصبية: بس
كريم بصوت عالى: جابر نفذ
جابر بغضب مكتوم: حاضر
في منزل ملك
على الساعه تلاتة العصر
يدخل مصطفى البيت بكل عصبيه
مصطفى بصوت عالى جدا: ملك انتي يا بت يا ملك
خرج الجميع بخوف شديد
سألت ملك بخوف: فى ايه يا بابا
لم يجيب عليها ، صفعة قوية على وجه ملك
مني بحزن: ليه هى عملت ايه
مليكه بدموع: ايه اللى حصل يابابا
قبض على شعرها بعنف ، و قال بعصبية: وأنا راجع من الغيط أحمد وقفني وقالى أن بنته اللى عمرها ١٥ سنه اتخطبت
وقالى لسه ملك برضو محدش اتقدم ليه روح اكشف عليها واطمئن ،أصل الشباب يكونوا عارفين حاجات احنا مش عارفين برضو.
قبض أكثر على شعرها و باليد الأخرى صفعة قوية للمرة الثانية و سأل بغضب أعمي: قولى ضيعتي شرفك و شرفي مع مين يا قليلة الادب
لم تجيب فقط دموع مثل المطر .
كانت تحاول مني و مليكة ابعاد مصطفى عنها، لكن دون جدوى.
منى بصوت عالى: سيبه حرام عليك أنا بنتي عمرها ما تعمل كده
جاء مالك من الخارج و سأل بخوف: في ايه.
مليكة بعصبية: يا بابا احمد ده راجل ناقص علشان يقول على يتهم اختي في شرفها
مالك بعصبية: بتقولي ايه هو قال كده، الراجل ده لازم يموت.
قال مصطفي بعصبية: اخرس خالص العيب مش فيه العيب في أختك.
مليكه بدموع: كفايه يا بابا كفايه
مني بصوت عالى جدا: كفايه فضايح بقا
قاطع حديثهم دق الباب
مصطفى بغضب: غوري جوه مش عايز أشوف وشك
دخلت ملك الصامتة وخلفها مليكه ومني ط.
فتح مالك الباب
مالك بهدوء مصتنع: خير يا عم جابر
جابر: كنت عايز أبوك فى كلمتين.
مالك : اتفضل
دخل جابر و جلس مع مصطفى و مالك.
مصطفى بهدوء مصطتنع:خير
جابر : كنت جيب عريس لملك
و كأن الحظ لم يريد السعادة لقلب هذه الفتاة البائسة.
فالعريس المنتظر حتي يحل جميع مشاكل هذه الفتاة من وجهه نظر الجميع، أنها ليست متزوجة ، جاء فهذا الوقت و لم يكن اي عريس بل هو كريم السيوفي فتى احلام كل الفتيات ، قد يكون هذا أعظم انتصار لها.
لكن دائما ما تأتي الرياح بما لا تشتهي السفن.
خرجت ملك بكل عصبيه وجنون عندما سمعت الحديث،
وتصرخ فى وجهه أبيها مع الدموع الغزيرة: مش عايزه اتجوز أنا مش عايزه اتجوز أبعدوا عني بقا، حسبي الله ونعم الوكيل فيكم ، ربنا ينتقم من كل حد قال عليا حرف كدب، اي كان حتي لو من دمي، اشوف فيكم يوم اسود ، على قد النية السودة اللي في قلبكم.
خرج جابر لانه خاف من حالتها
و أكملت ملك بعصبية ودموع: حرام عليكم ايه يعني مادخلتش ثانوية عامة ايه يعني مفيش عريس بيجي ، أنا مالى أنا ذنبي ايه بكل ده عمركم ما حد فيكم حس وجعي كسرتي وذلي
تشك في شرفي علشان واحد قالك ليه بنتك مش اتجوزت بجد ونعم الاب
وأنت كمان يا مالك شكت فيا
وانتي يا امي كل يوم وكل ثانيه وكل دقيقه تقولي نفسي الكلام أن مليكه والكل احسن مني
عمري ما اسامح حد فيكم عمري.
دخلت الغرفه تبكي على حالها
وخلفه مليكه
في منزل كريم
كريم بحزن: يعني ايه رفضت
احكي اللى حصل
قص جابر كل شي
وخرج
كريم بتحدي : انتي ليا أنا يا ملك باي طريقه وباي شكل
أتصل كريم على شخص
و قال بأمر ممزوج بعصبية: عايزك قبل طلوع الشمس تكون عندي
سامح باحترام: أمرك يا فندم
