رواية ازهار والوحش الفصل الثاني بقلم جمانه السعيدي
اني كريم لقبي كريم الوحش مواليد ٨٨
طولي ١٨٥ ضخم كلشي
جسمي عباره عن عضلات
بشرتي سوده سوده مو اسمر
عيوني زغار خشمي جبير
هذا المنضر انطا طابع للناس يسموني الوحش
يعني شكلي وحجمي يشبه الوحش
منضري عبالك وحش
بلبدايه كنت اصوج من هذا الاسم وخاصه من جنت زغير
بس بعدين اتقبلته
لان اني فعلا شكلي غريب
عبالك وحش
بس الي يتعرف عليه يحبني لان اني اسود من برا بس كلبي ابيض مثل الثلج
اني تارك المدرسه بلمتوسطه
هلكد ماجانو الطلاب وحتى الاستاذه يتنمرون عليه
كرهت المدرسه جنت كلش اضوج من المدرسه
الحد ماقررت اترك كلشي
جمانه السعيدي
قبل حيل اضوج اذا احد اتنمر عليه
بس بعد ماكبرت صار الموضوع بلنسبه اليه كلش عادي
واذا اتنمرو اني هذا شكلي ولازم اقبل بلامر الواقع
لله في خلقه شؤون الحمد لله والشكر
اني اشتغل بلعقارات ورب العالمين موسع رزقه عليه
هاي المهنه ورثته من ابوي الله يرحمه
بعمر ٢٥ سنه ابوي قرر يزوجني
طلب ايد بت عمي اليه ابنيه شكلها كلش عادي
لا قبيحه ولا جميله
شكله عادي جدا اني الصراحه فرحت
لان بيت عمي كلش زينيبن والمثل يكول الي تعرفه احسن من الي ما تعرفه
والصراحه اني جنت اعرف شكلي مو حلو واعرف اي بنيه اتقدملها مراح تقبل بيه
البنات ذابحات نفسهن على الحلو
حتلو اخلاقه مو حلوه المهم هو حلو
كنت اعرف اني اذا تتقدمت الاي وحده مراح تقبل بيه
حتلو اني وضعي المادي زين
بس شكلي كلش موحلوه الحمد لله هاي خلقة رب العالمين جمانه مرحبا
وبما ان اني الولد الوحيد على
اربع بنات ابوي قرر يطلب ايد بت عمي حتى هاي العائله ماتتغرب وتتشتت
المهم ابوي طلب ايدها من عمي بيت عمي طارو من الفرح
كلهم موافقين ماعدا زينه العروس
ابد ماموافقه لان شكلي موحلو
رغم هي تعرف اني اخلاقي كلش زينه وطيب وكريم
ومحترم وماناقصني شي
بس كانت رافضه هاي الزواجه
عمي بقا يضغط عليها حتى توافق
واني اقسم بكل الاديان ماجنت اعرف هي رافضه هاي الزواجه
توقعت هي موافقه وعلى هذا الأساس مشت إجراءات الزواج
عمي لان يعرف هي رافضه هاي الزواجه
ماقبل نعقد خاف من نعقد واني اعرف زينه رافضه الزواج مني
راسا حدد يوم العرس وكال العقد بيوم العرس
يوم زواجكم نجيب الشيخ يعقد الكم
يخاف بنته تخرب كلشي
اني لو بس اعرف هي رافضه فكرت الزواج مني جان انسحبت وما كملت هاي الزواجه
مايصير زواج بلغصب
المهم بدينا نجهز كل اجراءات العرس
من ملابس وغرفة نوم ودزينا فلوس حتى العروس اجهز نفسها
منا لمن وصلنا اليوم العرس واني متوقع كلشي تمام
لان الأمور طيبه وماشيه مثل مااريد
أخذنا الشيخ ويانا البيت عمي بيوم العرس
احنا بقينا كاعدين بلصاله احنا ويانا كم واحد من الأهل والاقارب
وعمي دخل هو والشيخ علمود العقد
شويه وطلعت كالو مبروك عقدنا للعروس
يله نعقد للعريس
عقدولي امي وخواتي كامن يهلهلن
دخلت جوه العروس كانت متغطيه بلكامل اخذتها وطلعت
كلما احاول الزم ايدها تسحبها مني
وتشيل البدله وتمشي
كلت ايجوز ما تكدر تمشي لان البدله جبيره طبعا هي مو مثلي ولا بكدي يمكن طولها ١٦٠ وناعمه
المهم وصلنا للسياره صعدنا
هي كل شويه وكالت
... اففففف استغفر الله
كريم...ماتوقعت شي موزين كلت ايجوز الدنيا حاره عليها
قربت منها كتلها اكو شي
زينه...عوفني بحالي حجتها بعصبيه
اني ابتعدت عنها وسكتت كلت ايجوز اكو شي موضوجها
خل اعوفها بحالها
وصلنا دخلنا للبيت الهلاهل والناس مخبوصه
دخلنا جوه كعدتها بلصاله وطلعت برا
ابد مااخذت ابالي شي من تصرفاتها
منا لمن كملنا العشى واجا وكت الزفه
الشباب وابوي وعمي زفوني عليها
دخلت لكيتها تبجي
الله يستر ليش تبجين
قربت عليها
كريم....هااا سلامات ليش تبجين
زينه...يعني ما تعرف ليش ابجي
كريم...لا مااعرف صاير شي
زينه...انت تعرف كلش زين اني مااطيقك ولا احبك حتى مااكدر اباوع بوجهك
شنو هو الزواج غصب اني مااكدر اعيش وياك ولا اكدر اتحمل اشوف وجهك
كريم....اني مااعرف يعني انتي مغصوبه عليه
زينه...طبعا اكو وحده تقبل تاخذ واحد مثلك
انت تعرف كلش زين اذا طلبت ايد وحده غريبه مراح تقبل
بيك
كلت اخطب بت عمي تقبل غصبا ماعليها
كريم....ابد ماكان عندي علم بهاي القصه
ليش ماحاولتي توصليلي خبر
زينه ...منو انطاني محال كلهم ضدي كلت مااريد مااريد ازوج عوفوني
اخاف من كريم مااريد ازوجه
كتلهم اقتل نفسي
كريم...وصلت للقتل بس انتي ماشايفتني وماشايفه اطباعي
يعني هاي خلقة رب العالمين جمانه السعيدي
بس شوفي طبعي ايجوز تغيرين رائيج
زينه...مامااريد ولله اذا قربت عليه اكتل نفسي
كريم...عليمن تكتلين نفسج يابت الناس
اني مااريد اشيل خطيتج بركبتي
استغفر الله
جان هسه رجعتج الاهلج بس خاف تصير مشكله
لو الناس تتهمج بشرفج
خلاص اني مراح أقرب عليج
منا لمن نشوف حل الهاي المشكله
زينه... خاف جاي تسكتني ولله اقتل نفسي اذا قربت عليه
اني مستحيل اتقبلك
كريم....لا شنو شايفتني كدامج اني رجال وكلامي واحد
كريم الوحش ...ليلتها مانمت هلكد مانقهرت
ليش هيج لو كايلي البنيه ماتريدك
جان ابتعدت عنها خطيه انحسبت عليها وعليه زواجه
مسكينه
كلش ضجت فرشت بلكاع ونمت
بلبدابه ماكدرت انام افكر شلون هاي الزواجه راح تخلص
لا اني مزوج ولا ما مزوج
ياربي فدوه اروحلك حتى بت عمي تخاف مني
بلكوه يله نمت ماكو غفيت شويه
كعدتني زينه
زينه...كريم كريم اكعد
كريم...هااا شكو
زينه...يمعود مو شخير عبالك صفارة انذار مجاي اكدر انام من قوة الصوت
ارحمني اني صار يومين مانايمه
وهسه اجيت انت كملت عليه
شنو هذا الشخير يمكن حتى الجوارين مانايمين من وراك
كريم....هسه راح اطلع برا انام
اخذت مخده وجرجف وطلعت لكيت
البيت متروس ناس الغرف والصاله وحتى الهول
الناس الي جايه من بعيد نايمه
وخواتي هنا وجهالهن
وامي وابوي
صعدت فوك بوحده من الغرف خليت المخده ولفيت نفسي ونمت
اني هم تعبان من تجهيزات العرس
الصبح كلها كعدت وخواتي بدن يصعد الغراض الزايده
فوك بس ماانتبهن منو هذا النايم لان مغطي راسي
مامبين
بس الصوت والحجي عالي مااكدر ارجع انام
كمت شلت الجرجف ودنزلت الغرفتي مو ليله ضيم كل شويه بمكان
همزين محد انتبهلي الناس مخبوصه
رجعت تمددت بلكاع وغفيت
غفيت نومه عميقه واسمع زينه ادردم
زينه.. ياربي وين اروح شلون بيه مجاي اكدر انام من الصوت
هلكد مامنعس ماكمت من مكاني هي طلعت وطبكت الباب
واني رجعت نمت
للساعه عشره امي اجت كعدتني من النوم
الكلام الي صار بيني وبين زينه محد عرف بي
بقا سر بينا ثنيبنه
بس هي كل الوقت ضايجه وتااافف وماعاجبها الوضع
ولله اني الصراحه كسرت خاطري
يعني البنيه ماتريدني عادي ترا
المفروض ابوها مابجبرها على هيج زواجه
ترا الزواج مو مرحله وتعدي الزواج عمر
خطيتها بركبة ابوها هو سبب هذا الحزن والتعاسه الي هي عايشه بيها
من بعد ما خلصت هوسة العرس
كمت انتضر اهلي ينامون واطلع انام بلصاله
بيوم امي اكتشفت هاي السالفه
امي.. يمه ليش تنام هنا بعدك عريس
كريم....يمه ماعرف انام وهي وياي بلغرفه
امي...مايصير تتعود على غيابك
كريم...لا هي هم تكول ماانام من صوت الشخير
يمه اني وياها متفاهمين لا تخافين علينا
واذا اجت تشكيلج يوم اني احل المشكله
ابوي من شافني انام بلصاله اجا يحقق وياي
ابوي....كريم احجي الصدك العروس ماعاجبتك
كريم....لا بويه شلون ماعاجبتني بس اني اشخر وهي
ماتكدر تنام اذا اكو صوت شخير
ابوي...تتعود على هذا الصوت لا تعوفها وحدها بلغرفه
خاف تحجي البيت عمك وعيب
كريم.. لا احنا متفقين ماعدنا اي مشكله
طبعا ابوي ما قتنع وحس اكو شي بلموضوع
الكلام بيني وبين زينه كان عام بس على الملابس او الاكل
من اطلع اعوفلها مصرف
وهي مرتاحه الهذا الوضع مادام اني مااقرب عليها
هاي هي ساكته ومتقبله الموضوع
الحد الان كلشي تمام كريم الوحش مايعرف ازهار
بس ازهار سامعه بي ماشايفته لان صديق اخوها الجبير
شكرا لزيارتكم عالم روايات سكيرهوم
