رواية أرض الخناجر الفصل السابع والثلاثون بقلم ايلول
كلشي بارد ..
حتى ملگاكم رسايلكم حجيكم ماچواني
وانه شايلكم جنت ماي بصواني
══━━━━✥◈✥━━━━══
مــاسه :: درت وجهي بصدمة على صوت ضحك بــدور دك گـــلبي حييل وانه اشوفنها جايه من الجهه الثانية تمشي بين صاحباتها اثنين ويضحكن بأيدهن علاليك رجليَّ انتهن مصدومه بأختي، نزلناها بباب المدرسة وين جانت وصلت يمي وبس لمحتني شهكت مصدومه مشيت عليها بساع جريتها على صفحة كارصتها من ايدها ارجف واخزر
-وووين جنتي؟؟
وهي تتلفت بخوف وتحجي همس
-اشترينه من المحل واجينه والله.
تحجي وانه افور كرصتها حييل وحطيت الدفتر بأيدها رگع
-بالعباس النوب لو عدتيها الا اگل الوهب يشك حلكج حيوانه.
چلبت بأيدي تريد تحاجيني عفتها ومشيت امشي سريع اريد الحك على مدرستي بس مدري شبيه انقهرت حيل اعرف هذا المحل مسافة عشر دقايق عن مدرستها يبيعون هداية وهدوم وشغلات هواي تخص البنات.
بس انغثيت لان اهلنه مانعينه وما مقصرين ويانه اللي نريده يوصل يم رجلينه ليش راحت وشلون تضحك هيج بصوت عالي بالشارع.
نزلن دموعي وانه امشي اتخيل شايفها صــيهد، الموضوع اكل گـــلبي. وصلت للمدرسه الكل بالصفوف حاجيت المدرسة ودخلت لا گدرت اركز بدرس ولا شي حيل انغثيت من بــدور.
كضينه الدوام ورجعنه مرينه عليها للمدرسه كعدت بصفي تريد تحاجيني درت وجهي منها لمن ردينا للبيت جوري حسيت صاير شي بس سكتت ما سألت وانه متجنبه بــدور ما احاجيها للعصر كاعده ادرس بالغرفة واجتني تبجي
بــدور:: والله ما اعيدنها مــاسه حاجيني
عاينتلها ساكته وهي كاعده كدامي ودموعها تجري طبگت الكتاب اعاينلها
-شسوين رايحه للمحل؟
-عيد ميلاد صاحبتنا نرجس ورحنه جبنالها هدايه.
-ليش ما گلتي من امس وياخذج وهـــب تجيبيلها هدية.
مسحت عيونها بحيره مختنگه
بــدور:: ما ادري بعد ما اسويها والله.
هزيت راسي خوش
-وبعد لا تضحكين هيج بالشارع مو عيب؟ والنوب اذا كضيتج رايحه لهذا المحل اكتلج بالشارع لا تكولين ماكلتي.
-لا والله هاي هيه التوبه ماتنعاد.
-خوش.
-صاحبتيني؟
هزيت راسي اي شبگتني تبوسني، تصالحنه وماجبت طاري هالموضوع الاحد نسيته.
وركزت على دراستي حتى مــيثم شلته من بالي هو هم لا راسل ولا اتصل طول هالفترة عفته يولي بس ضايجه مادري ليش.
""""""""
رنـــه :: ردت حليمه لعادتها القديمة، بس ترد عفراء لعيالها انه يطيح حظي بشغل البيت وبتدريس زهره وحسين ينگون فوك راسي وانه مناه ضايجه ومختنگه، صاح حسين وكتاب الرياضيات بأيده
حسين::چا ليمت تدرسيني من يجيب الثوررر؟
درت وجهي عليه وانه اكنس بالحوش
-بالليل امشي عني هسه لا اموتنك.
غماني وراح، ضليت اكنس بالحوش صار حيل چبير ينگطم ظهري يله اكضي تنظيف، سدوا علي كل الفتحات الجنت اعاين منهن من سووا السياج البلوك وشالوا سياج السعف كرهت حتى بيتنا، مره كضيتلي درنفيس وجاكوج سويتلي فتح بحافة الباب بس تخنك لان صغيرة ما اشوفن زين.
من كضيت كنس عاينت لگن الدجاج صاير بالنص وطرواده بعد السياج حتى ما اصعد على الگن واعاين خوش سهله، طبيت للبيت عاينت لحسين وزهره
-مو تردون اقريكم ؟ تعالوا لمولي بلوك وطابوك من بره.
حسين:: شسوين بيه؟
-خل نبني بيوت للدجاجات حتى الشهر اليجي نلم بيضهن ونگففهن.
حسين:: من يكبرن تطيني ديج؟
-اي والله.
طلعوا هو وزهره يركضون، وانه رحت فلشت الگن القديم ومشيت سويتله مچان بصف السياج وبگت من البلوك الزاد من السياج عبالهم ما أعرف ابني، اجاني حسين ماخلاني اسوي خبطه چبينتو(سمنت) ورمل هو خبطها وينگل ويساعدوني هوه وزهره بنيناه سويناه چبير ومثل الغرف حتى كل دجاجة وحدها وعالي هواي يدخل بيه طلي، النوب احتارينه شلون نسويله سگف رحت للفلشته شفت عفراء مخليه خشبات وسعف وفوكهن كارتون النوب طين، وخطيه حسين ركض يلملي من بره ساعة جايبلي سعف ساعة خشب ويخبط رمل وچبينتو ويطيني سگفناه وحطينه تبن ببطنه حتى يسولهن مگف ويبيضن بيه.
وخرت من يمه اعاينله بفرح، همه راحوا يسبحون وانه لميت الهوسه وطبيت للبيت سبحت ورحت اقريهم وتحملت من حسين كل سوالفه الخايسه لان ساعدني، يكرط خيار ويقرأ ردت اموتنه گوه كضينه الرياضيات وجريت القراءة اراجعله گبل الامتحانات وهو يتمطرح بالگاع يضرب دقلات جريته من ياخته خانگته.
-تكعد عددل لا اصفگك راشدي اعمي عيووونك.
يضحك يستفزني كعد عدل فتحت القراءة گدامي على اول درس گلبها
حسين:: حافظهن هذن خيولن عوفيهن
ويگلب بالأوراق عرفته يريد بس يعبر الغراب العطشان كضيته
-هذا ماحافظة زين وكفوك بالزباله علموده.
گلب وجهه ماراضي وانه اقرأ وهو يرد وراي وزهره متانيه ليمت اكضي والتفت عليها وحسين مثل المطي لو اضل شهر اقري بيه الغراب العطشان مايحفظة من مل من عده ضل يصيح يريد يبجي
حسين:: يطبه مرض اذا عطشان شعليه بيه اناااا.
-انچب يله انچب اقرأ زهره حفظته وانتَ كلشي ماكو.
مسح عيونه يبجي ويقرأ ويصيح
حسين:: الغراب النعلان رأى غراب خيسان جره فيها ماء قليل.
طكيته خازرته
-ولحسين اخابر عبود اخليه هوه يقريك.
وهوه عاند بعدّ مايقرأ عدل لو اموته طفرنه الغراب العطشان ومشينا على الأناشيد يقراهن گال
حسين:: اقرالج نشيد جدتي؟ جدتي احب صوت جدتي حين تزوّر منزلنا احبها حنينه بعطفها تحيطنا.
-يله يله خوش اسكت دريت بيك حافظة اقرأ نشيد الحمامه تبني وتغني.
حسين:: خل اشرب ماي واجي.
ركض للمطبخ صاح
-اقرالج وآنا بالمطبخ؟
-راح اجيك.
اجه بأيده لفة حطله مخده تمدد يعاين للتلفزون يآكل ويقرأ حرك گـــلبي
-اكعد عدل شليت حالي.
مايرد كتلته كعد يقرأ ويبجي ويغلط عليَّ لمن كضه وقريت زهره
راح يصير الليل عفتهم وطلعت للحوش حطيت سعف بالتنور اريد اخبز وكل شويه اعاين لگن الدجاج ليمت ينشف واصعد عليه احس بروحي محبوسه. اعاينله مبتسمه، اجت زهره يمي تلعب تشبگ الصخله وتبوسها.
مشيت للمطبخ جبت العجين ورديت يم التنور اخبز والحجار گام ينزل عليَّ مثل المطر واسمعه يصيح بهمس
-البدويه، غزاله.
ضحكت الخبزه بأيدي خليتها على المخبازة ورحت يم السياج وكفت
-بريا؟؟
بريا:: هيج يسوي السياج ويحرمني من عركاتج؟
-اسكت لا تقهرني خنگوني خنك بعد كلشي ما اشوفن چانت ما تفوتني عركه هسه من تصير عركه ماعارف ياهو كاتل ياهو مكتول.
ضحك وانه عفته ورديت اركض للتنور طلعت الخبزات وخبزت الضلن وزهره راحت للسياج تحجي وياه وتضحك يكلها
بريا:: وين راحت رنـــه؟
وزهره تعاينلي مبتسمه لا احنا نشوفه ولا هو يشوفنه من وره السياج نسولف گالتله
زهره:: تخبز.
بريا:: زهره تحبيني؟
زهره:: لا احب طيهد وهبهب.
ضحكت على سوالفها وهي تحجي بخجل وتلعب بشعرها تفتل بأطرافه وبريا يضحك عليها گالها
بريا:: بيت عمي شامل ولا واحد بيكم يحبني مو صح رنـــه ؟؟
طلعت اخر خبزه حطيتها بالصينيه ورحت يم زهره كتله
-لا طــروادة يحبك.
بريا:: بس طــروادة؟
-لا والله حتى عبود بس هوه لان ملتهي وي سجاد ماتحسونه يحبكم.
ضحك متحسر گال
-شني ما اشوفنج؟
-لا ما اگدر جان عدنا درام وسطل كبار طــروادة شافني صعدت عليهن واخذهن ذباهن بالسطح.
بريا:: عساه بمره تمرمر گلبه.
شهكت ماراضيه
-ليش تدعي عليه؟
-اتشاقى.
سكتنا اثنينا زهره راحت تلعب وانه اريد امشي اكضي شغلي بس ضجت عليه لان حسيت بيه شي عبالك مقهور
-بريا.
-هممم؟
-شبيك شو جنك ضايج؟
تحسر ساكت شويه وگال بصوت ناصي
بريا:: اريدن اشوفج.
يعني اريدن اشوفج حتى احجي وياج ما اعارف احجي وياج بدون ما أعاين بوجهج .
سكتت مكسور خاطري ومحتاره حجيت بهدوء
-بريا جوعان؟
-اممم.
-سوده عليَّ، الخبز حار اطيك خبزه واحميلك چاي؟
صوت حسرته وصل يمي وضل ساكت
-ها بريا؟
-ها رنـــه.
-شبيك؟ قهرتني والله واحد محاجيك؟
-لا
-اخلي طــروادة يعزمكم على العشا الليله انتَ واخوك تتعشون يمنه؟
-لا لا ما اريد لا تنقهرين كلشي مابيه
-اجيللك مشمش تشوفه؟
-ياهو مشمش؟
-البزونه الجبتها الي.
-سميتيه مشمش؟
-اي بس هوه ذكر ترى مو نثيه.
-هاه؟
-اي طــروادة گال.
ضل ساكت ضوجني ما ادري شبيه شويه وگال
-يله رنـــه راح اروحن خاف يجي طــروادة ويحاچيج.
-على اساس خايف عليَّ انتَ تخاف على روحك لا يكتلك هههههه.
-لا والله ما اهتمن اذا بس يحاچيني، ومايرد عليج ويقهرج.
-لا ما يقهرني يخاف اتخربط بس يضوجوني، عاين يله روح بس لا تضل ضايج واذا تردون اكل شي كلولي انه اسويلكم والله عادي.
-ههههه يله رايح ديربالج على روحج.
حجاها وسمعت خطواته من ابتعد، شلت الخبز وطبيت للبيت، حسين ما ادري وين خانس، وگفت كدام المرايه من اظفر شعري يطلعلي حبات بالأطراف، فردت خصلات شعري واعاين للحباية بالمراية.1
حسين:: ها بيج گمل؟
درت عليه خازرته سيطر من كبر شويه وكام لا فراش ينشر لا يخاف ماكو شي اعيره بيه لميت شعري اغلط
-تأدب واكل تبن لا أشك حلكك
-چم كمله لميتي؟
حجاها يضحك ركضت وراه طب الغرفة اهلي توه يسد الباب ومالحك دفعته بكل حيلي وجريته كاضته من أذنه
-الخايس الوصخ عليمن تغلط؟
-هددديني هدددديني
مجلب بأيدي ويصرخ وانه اكض بأذنه حيل صم ايده وطكاني بوكسي ببطني صرخت موجوعه وفلت من ايدي.
بحرگة گلب شمرت عليه نفاضة الجكاير طكته براسه وهوه تسودن بجه بجه وطلع بره يصرخ عبالك مطبرته ركضت اريد اكضه مالحكت بيه صعد للسطح، واحنه سطحنه مابيه ستاره هاي دوم يسويها بيه من اكتله يصعد للسطح ويضل يصيح بكل صوته
حسين:: يا بييييت شعلااااان يا قرررررية لفحة تعالووووا شوفوا رنـــه متروووووسه گمل ولكم يااا نااااس رنـــه بيها گمل رنـــه اختي بيهااااا گمل
-والحسين الا اگطعك تنزل لو لاااااا.
وهوه يفتر على السطح ويصيح وانه جوه مفرفحه تمنيته بس يطيح بأيدي يدبچ على السطح ونزع قمصلته يهوس بيها ويصيح
-رنـــه شااامل شعلان براسها گميلاااات
والتفت على السياج من سمعت صوت الولد لان صار الغروب وكت رجعتهم للبيت كلهم يصيحون عليه متحلفين بيه غير متت بدمي روحـــي فرفحت من القهر من سمعتهم
وهـــب:: اذا ما موووتك يا حسين.
صــيهد:: تعاااال اطلع تعاااال.
سلطان:: الا اخلي طــروادة يموتك.
ويصيحون ويغلطون عليه يردونه ينزل من السطح وهوه ضل يتراجف خايف منهم وخايف ينزل واكتله اخر واحد صيح عليه اسمعه بريا گاله
بريا:: تنزل لو اصعدددلك؟؟
تخزيت كدامهم كلهم هسه عبالهم صدك بيه كمل صاح عليهم حسين وهوه يبجي
حسين:: بس انزل تكتلني كاعدتلي بالحوووش.
صــيهد:: يشهد الحسيين لو ما نزلت هسه اجي اگطعك.
حسين:: تكتلني والله تكتلني كاضه الخيزرانه.
ووي حجايته سمعت صوت عبود وطــروادة صاح حيل
طــروادة :: حسسسين.
وحسين ضل مايشوف دربه يريد بس ينزل مسحت دموعي اعاينله نزل وطبوا عبود وطرواده، اجه عبود يركض كضه من ياخته متسودن وطرواده يصيح ويعاينلي
-شعدك ووولك؟
عفتهم ومشيت للغرفة ابجي حيل حرك گـــلبي اجوا وراي أثنينهم عبود وطرواده يردون يفهمون من عدي وانه محروك گـــلبي حيل افتح بشعري اراويهم وابجي
-شوووف شعري شوفه انه بيه گمل انه؟؟؟؟
صعد للسطح ويصيح رنـــه بيها گمل كدام الولد ويغلط عليَّ ومايحترمني.
ابجي بحرگه طــروادة جر راسي عليه باسني وباس خصل شعري
-يروحلج فـــدوه اطيح حظة بالحسين.
وعبود طلع لحك حسين يحاسبه بس فشلتي گدام الولد حيل قهرتني ولا كدرت انساها ابجي بقهر هسه بريا بس اتعارك وياه يگلي ام الگمل
مسحت دموعي وگمت الخاطر الولد اسويلهم عشه، سمعت حسين يبجي بغرفة اهلي ما اهتميتله طلعت للحوش اضم الدجاجات والصخله والارانب.
اخذت الدجاجات للگن الجديد وشلعن گـــلبي يله رضن يطبن توني اسد الباب وطلع طــروادة يريد يحاجيني عاين لگن الدجاجات انصدم نزل ايده يعاينلي بقهر ما يدري شيحجي دنكت سديت الباب وانه اكله
-بنيناه هناه لان جان بالنص مدري شلونه.
وهوه حتى مايدري شيحاجيني ساكت مقهور من عدي عفته وطبيت للمطبخ اسويلهم عشه وكل ما اتذكر حسين صاح عليَّ ام الگمل كدام الولد وبريا راح يكضها عليَّ أبجي مقهوره، حطيتلهم العشه بالهول طــروادة يصلي وعبود من كضه صلاة ضل يلعب وي زهره، طبيت للغرفة كتلهم ما اريدن.
شويه واجاني حسين فتح باب الغرفة يعاينلي درت وجهي منه اجه كعد يمي جر ايدي يبوسها
حسين:: بعد لو عدتها چويني.
-بعد ما اريدنك والله ولا احبنك ولا اخليك تنام يمي.
-هسه بس هالمره ولو عدتها چويني رنـــه فـــدوه والله ما اعيدنها.
يحجي ويبوس بأيدي يتوسل شلت راسي لباب الغرفة طــروادة وعبود واكفين متانين گال عبود
عبود:: ولحسين لو عادها اعلگه بالبنكه.
طــروادة:: يله رنـــه تعاي تعشي خل يعيدها وشوفيني شسوي بيه.
مسحت عيوني وگمت وياه تعشينا وكضاه عبود قراه الغراب العطشان ربّع ساعة خلاه يقراه على گلبه لان يخاف من عبود
كاعدين بالهول يم الصوبه واعاينلهم طــروادة لبس قمصلته سداها وتلثم بالچفيه يريد يروح للگيعان وعبوي وياه يساعده شويه لنوب يروح وي سجاد.
طــروادة:: رنـــه سدّي البيبان ونامي.
مشيت وراهم للحوش سديت الباب ورجعت اركض للهول شويه وهمه ناموا ضليت ادرس وحدي وافكر بريمه مشتاقتلها صار مده ماشايفتها مختفيه كلش، لمن كضيت دراسه اخذت تلفوني وطلعت للحوش كعدت يم الباب حتى يوصلني نت بيت جدي طبيت للوتساب كتبت لماسه
-مــاسه
وتانيت ترد عليَّ ضلت ربع ساعة يله ردت وانه ضاله بالحوش كاتلني البرد
-ها رنـــه ؟
-اكلج هم شايفه ريـــمه هاي المده؟
-لا والله منهد ماسهرنه عدكم.
-والله گـــلبي ما مرتاح اظن باجر اذا رضى طــروادة اروحلها، هسه كون عدها تلفون واحد يراسلها يعرّف أخبارها.
-امس ميلاد عدنه
-شتريد؟
-تستفسر ليمت نعقّد محكمه
-صدك ليمت؟
-بعد ما ادري لحد هسه ماطلع موعد التحاليل والنوب صــيهد مدخن يوميه متعارك لان يريد العرس اول يوم العطله وجدي يگله ماتعرس الا تعقّد محكمه.
-وانتِ وميثم
-ما ادري سكته
-اكلج عوفينه من الزواج كلي الامج ما تشتري دجاجات اثنين يبيضن.
-بيش تردينهن؟
-بخمسة وعشرين.
سكتت ماردت علي شويه وودتلي رساله
-تگول امي خوش اشتري
-كليلها تكول هنه يبيضن صار سعرهن ثلاثين.
-تكول امي خوش اشتريت.
-باجر اوديهن بأيد حسين.
دزتلي رسالة تضحك، طبيت للبيت ارجف لفيت راسي ونمت وثاني يوم بالمدرسة كضتني مــاسه تصيح عليَّ القفاصة وبس رجعت للبيت حطيت الدجاجات اثنين بصندوك وديتهن بأيد حسين، وداهن واجه جايبلي ثلاثين الف ربع ساعة ورجعن الدجاجات النه ضحكت خابرت مــاسه
-اطيني عمه.
وتانيت لمن نزلت اطتها التلفون تضحك وتكلي
ايمان:: خوش دجاجات هذن شتوكلينهن سمان؟
-أوكلهن ويَ اخواني.
-ههههه ولا تكعدين.
-اكلج عمه دجاجاتي ردن عليَّ مايكدرن يفارگني تبيعين؟
-ياا ياا صدك ردلج.
-اي وعلي هذن بالحوش شتكولين هسه تبيعين؟
-اي يله خوش ابيعن
-بيش؟
-غير بثلاثين.
-شني عمه شمشتريه منج خروف هنه دجاجات اثنينهن بخمسطعش تبيعين؟
احجي وهيه ميته من الضحك
-تقشمرين عليَّ رنـــه؟
-لا عمه امداني لو اقشمر عليج، شكلتي تبيعين هسه؟
-لا ما ابيعن عدي حل خليهن يمج ومن تكففينهن اول ما يفرخن تطيني خمسه ها شگلتي؟
-خوش هاي هيه متفقين.
ضحكت سديت التلفون منها وطبيت للبيت ندرس طــروادة هم درس شويه ونام للعصر كعد سويتله چاي يعاينلي وهز راسه يسأل
-شبيج؟
-حيل مختنگه والله هسه شيصير اذا رحنه للــبستان وكعدنه بالزرع والله اختنگت من البيت للمدرسة كله شغل ودراسه روحـــي طكت.
دنك يشرب چاي ويعاين بالتلفون لمن كضه اخذ كلاصه غسله بالسنك وصاح
طــروادة:: رنـــه يله تعالوا نروح.
ضحكت ورحت ركض ابدل، يأخذنه للبستان الگدام بيوتنه مو للگيعان البعيده الرحنالهن مره انه وريمه، لبست حجاب اسود وعبايتي كتله
-اخذ حيواناتي وياي يتونسن.
-جيبيهن، بس خاف يشلعن گلبج.
-لا والله يمشن وراي .
ضحك ساكت سديت قمصلة زهره، راحت تركض لطرواده كضته من ايده وحسين اجه وياي طلع الارانب وانه فتحت باب الصخلة والدجاجات، بس البزونه شلتها بأيدي لان تخاف مشيت گدامهن وي طــروادة وهنه يمشن ورانه حسين اخذ تلفوني يصور بيهن ويصورني ويضحك.
لمن وصلنه للــبستان كال طــروادة
-اكعدوا هناه خل الصخله تاكل بس رنـــه لا تخلينهن يوصلن ليغاد اكتلهن ترى.
هزيت راسي خوش اضــحك وهوه راح يم الساگيه ينظفها حتى من يريد يسگي ماينشلع گلبه، وانه وحسين وزهره متونسين بالزرع نفتر وحيواناتي گدامي كلهن يلعبن متونسات كلش. بس البزونه بحضني ماهادتها
أجّت زهره جايبه ورد اصفر دوم يطلع بالبستان وي الزرع، نبته متفرعة بأغصان خضره وكل غصن بيه ورده صغيره صفره اطتنياها وحسين هم ركض يدورلي گتلهم
-خل نلم ونسوي مزهريه بالبيت.
حسين:: لگيت لگيت
مشيت يمه گطعنه الورده ورحنه ندور بعد لمينه هواي صارت بأيدي شدة ورد
-هاي كافي من نروح للبيت أحطها بمزهريه.
كعدت بنص الحشيش واعاينلهم يفترون گدامي، طروادة شويه بعيد من يمنه، قريب للشارع، شفت ولدنه ردوا للقرية مــيثم وسلطان وهـــب وبريا، شفتهم وگفوا يم طــروادة يسولفون ويضحكون راحت زهره يمهم تركض تحب وهـــب شالها يبوس بيها وبريا جراها يگل الطرواده عليها
بريا:: ولك تگلي ما احبنك احب بس طيهد وهبهب.
وزهره تعوج براسها وتدلع تخبل كضته وجهه باسته بخده تكله
-احبك.
وبريا تسودن عليها يشمرها ليفوك ويلكفها وهيه تضحك بكلّ صوتها.
حسين ضل بعيد عنهم سارح بالصخله لان يخاف من الولد، ضليت اعاينلهم الولد كعدوا على الساگيه يسولفون وبريا إخذ زهره ويفتر بالزرع مدري شنو يلمون النوب كعدوا سوه بس هوه وياها ظهره عليَّ ما اشوفنه شيسوي درت على حسين فازه من گال
-مدي ايدج مدي ايدج.
مديتله ايدي وهوه ساد ايده حيل حطاها على أيدي وفتحها ضحكت بصوت وانه اشوف الغزيلات (دعسوقة)يمشن على ايدي
-جيبيلي بعدد.
-راح ادورلج بس كضيهن هذن لا يطيرن.
ركض يدور بعد وأنه التهيت بيهن يمشن على ايدي واصور بيهن نسيت زهره وبريا لمن سمعت الولد يضحكون بصوت عالي عاينتلهم ودرت عيوني البريا بعده كاعد وزهره گدامه تلعب ساعة تجي يمه ساعة توكف گدامه تصفك وتتمايل وهوه يضحكلها.
وكف ولمحت بايده طوك دائري مسويه من ورد غير الورد العدي. ورد لونه ابيض وبوسطه قرص أصفر رابط ورده بورده ومسويهن طوك توقعته لزهره دنك يشاورها وهيه تهزّ راسها موافقه باسها بخدها، وخله طوك الورد على راسها عاينلها طــروادة يضحك واسمعه يكله
طــروادة:: راسها هلكدوته شدعوه سويته شكبره.
وهوه يضحك يعاين الزهره ضلت شويه واكفه كدامهم واجتني تركض شالت طوك الورد من راسها حطته على راسي تهمس
-الج.
شلت راسي اعاينله خله عينه بعيني لمحه ودار يعاين ويَ الولد ويسولف، رفعت ايدي اتلمس طوگ الورد اللي على راسي، وزهره تفتر داير ما دايري تدوس على الحشيش تصفك وتغني
-غزيلنه طير طير.
وحسين اجه جايب بعد من الغزيلات يخليهم على ايدي ويغنولهم هو وزهره
-غزيلنا طير طير تلكه دويباتك بالشعير
حسين:: رنـــه غني انتِ .
كعدوا كدامي خليتهن على اديهم واغنيلهم
-غزاله غزلوكي
بالماي دعبلوكي
گاعده على الشط
گاعده تمشط
اجاها نومي
گاللها گومي
هذا حصاني
اشده واركب
اركب على السكركب
سكركب بالبرية
وبلا ما أكمَل الأغنية درت على طــروادة يكح عاينتله خازرني والولد حاطين روسهم بالگاع كوه كاضين ضحكتهم بس بريا يعاينلي، گاموا الولد سلموا على طــروادة وراحو وهوه اجه يمي يحجي
-رنـــه شني السالفة
-والله ماعبالي تسمعون.
سكت ضايج عاين للطوك اللي على راسي وعاين لعيوني خازرني بساع گتله
-طوگ زهره.
وشلته من راسي خليته على راس زهره وهيه مشت تركض وره حسين يلعبون ويضحكون اجه طــروادة كعد يمي نعاينلهم شلون يركضون والصخله تركض وراهم والارانب يفترن يمنه، دنك يعاين للبزونه بحضني گال
-اسألج شي وماتجذبين عليَّ.
عاينت لوجهه
-لا والله ما أجذب.
سكت بحيره احس وده يحجي بس بالوكت نفسه متردد، عاين لوجهي بتركيز گال
-بنيتي گن الدجاج يم السياج حتى تصعدين عليه وتحجين وي بريا؟
دنگت ساكته
-احجي رنـــه سولفيلي شحاچي وياج بريا وگمتي الخاطره ماتنردين شگالج وگمتي تدوسين حجايتي وتعبرين ولا مهتمه.
-لا والله انه ادوس حجايتك؟
هز راسه اي بحرگه
-ولحسين لا عدي انتَ اهم واحد بالدنيا كلها شلون ادوسن حچايتك بس انتَ خنگتني بالسياج وانه متعلمه دوم اعاين من فتحات السياج للشارع ومن تصير عركه.
-لا انتِ علمود بريا.
-لا وبوفاضل يا صخام يا بريا.
-چا چم مره كتلج لا تحجين وياه؟
-اضوجن عليه والله احسه يكسر الگلب لان يتيم والله ماحاجيه وياه شي مو زين بس اطيه اكل واتعارك وياه.
دنك يمسح بوجهه ويهز رجله بعصبيه دار علي كض ايدي بين اديه
طــروادة:: رنـــه انتِ صغيره ما واعيه لهواي شغلات بريا ضحك عليج يكلج انا مختنك وراح اموتن وسولفي وياي وانا جوعان وميت من الجوع انتِ مصدكه ونيتج صافيه بس هوه نيته مو هيج رنـــه كاعد يستغلج وانا مليت منّكم اثنينكم كل يوم كاتله وكل يوم مرزلج عليتوا گـــلبي بالحسين.
هزيت راسي لا ابرر
-والله لا عاين هوه والله حتى من يتعارك وياي ما يغلط غلط مو زين يضل يصيح اطيح حظج ويدفر السياج اهد عليه هاسكي ويروح لهله بعد ليش تكول مستغلج على الطبخ؟ والله بس لفات اسويله.
عاينلي بحيره متحسر وساكت وانه اعاينله بخوف وين يله گال
-ما ارضى رنـــه، حلفت بعد ما اطگج بس يوم الالكاج محاجيته اكسر الخيزرانه عليج لا تجبريني امدن ايدي عليج مره الثانيه.
دنكت ساكته ومختنگه ردينه للبيت وي الغروب تلاكوا ويانه جدي واعمامي شافونه وياه وتسودنوا غلط وصياح وهوه ما مهتم تعجبت عليه اول مره يسكت طبينه للحوش وسد الباب وهمه بره الحوش يغلطون شلون ماخذني وياه للــبستان غسلنا وطبينه للبيت راح الغرفته وحتى ماتعشه ويانه بيومها .
""""""
ريـــمه :: أيام مرت وانه عبالك جسد بلا روح أربعة وعشرين ساعة بغرفتي مالي حيل الاي شي امي تصعد تغلط تطك تمل وتنزل.
درت وجهي على دگة باب الغرفة غمضت عيني عبالي امي وهاجر كامت فتحت الباب فتحت من سمعته صوت الولد كعدت على حيلي وهمه طبوا للغرفة يحجون بضحك
ســليم:: گلنه ماتنزل احنه نروحلها.
دنك باس راسي وكعد بصفي وسلطان هم باسني وكعدوا حطوا علاليك الحلويات على رجلي وراهم طب سجاد يحجي عليهم
سجاد:: مو كتلكم تانوني اجي وياكم.
ابتسمتله يبوسني ويطك سلطان لان يخاف من ســليم يردله الطكه، كعدوا كدامي ويشاقون هاجر واحد يجرها من الثاني، اعاينلهم مبتسمه دار عليَّ سلطان متحسر يسأل
سلطان:: مالج نيه تسولفين شبيج؟
هزيت راسي لا مدنكه امسح على اصابعي گال ســليم
ســليم:: ضايجة اخذج للزياره؟
-لا مابيه شي.
سجاد:: اذا تحسين روحج مريضه كليلنه ناخذج للطبيب.
سلطان:: امي محاجتيج؟ ريـــمه خويه حاجيني شبيج ليش تشلعين گلوبنه؟
ســليم::خاف مرتضى لو مرته؟ خاف مرت سلطان؟
حجاها وسلطان فتح عينه بصدمة
-الاء محاجيتج؟؟؟
-لا والله محد محاجيني انه تعبانه بس مابيه شي لا تخافون.
سكتوا محتارين حطيت ايدي على راسي اتنفس بس احس بروحي مختنگه ردتهم بس يطلعون من يمي عقلي متشوش وافكاري ماصافيه،وهمه حايرين بيه وخايفين عليَّ لمن شافوني تمددت وتغطيت يله عافوني وطلعوا.
هاجر تغطيني وتمسح على راسي بقهر ماتدري شتسوي بيه
وانه حرب بعقلي وافكاري متشتته واحلامي مخيفه حييل حيل مخيفه.
درت على فتحة الباب وبس لمحتها امي كعدت عدل اعاينلها طبت اعصاب قفلت الباب واجت علي بحرگه تحجي
-ووولج تحرضين اخوتج عليَّ؟
هزيت راسي لا وهي برجلها تدفرني على خاصرتي وبأديها تطكني على راسي وتجر شعري بكل حيلها تكطعه وانه احس من التعب حتى صوتي رايح لا دفعتها ولا حجيت كلمه عتت بشعري وگطعته الحد ماتعبت وهاجر على صفحة كاعده وتبجي تعاينلي عيني بعينها وامي تطك وتدفر بيه.
الحد مابرد گلبها غلطت ودعت عافتنه ونزلت عدلت شعري بأيدي ورجعت لفراشي تغطيت مغمضة عيوني جسمي مشتعل نار بس ماهامني اريد بس اغفى واشرد للنوم، جبرت نفس نمت واحس بروحيّ آمشي بطريق وصخ وشايله بأيدي شي حاضنته على گـــلبي الحد ما وگفت وشلت هالشي گدام عيوني وشفتها جمجة انسان محاوطها السواد واطراف اصابعي كلهن اسود من عدها.
فزيت بشهگه مرعوبه واتلفت احس ملمس الجمجمه بعده بأيدي
گوه اتنفس، درت عيوني لهاجر نايمه بصفي هزيت راسي اريد هالافكار تروح من بالي اشياء مثل الخيال الاسود احس اشوفه من اغمض عيوني وافكار سوده داهمت عقلي وجبرتني استسلم الها.
مسحت عيوني ودنگت على هاجر بستها حييل يا روح اختج انتِ يا ضوه عيوني، اتمنى ماتعيشين اي شي من الاني عشته، وماراح اخليج تشوفيني بمنظر يكسر گلبج ويقهرج.
كمت من فراشي فتحت باب الغرفة ونزلت احس كلشي خارج عن إرادتي كأنما انه كاعده بزاويه واراقب جسمي وافكاري وهي تنفذ اللي تريده.
البيت اظلم والكل نايم، فتحت باب غرفة ســليم على كيف لمحته نايم ركزت عيوني بوجهه وملامحه أودعه من بعيد لبعيد، سديت الباب ودعيت من كل گـــلبي الكه سلطان بالدوانيه، مشيت بخطوات ترجف فتحت الباب ولمحته نايم بدون فراش بس بطانيه
، طولت وانه اعاينله واتعذرلهم واقنع بروحي ميخالف ميخالف فترة وينسون بس انه جاي اتعذب وراح اضل العمر كله اتعذب وما انسى.
ضل بنفسي اشوفن سجاد بس يم بيت عمي شامل وكفت بالمطبخ وما اجه ببالي غير رنـــه تمنيت اشوفن وجها لأخر مره تمنيت التمس دفو ايدها اللي بمجرد تخليها على ايدي احس بحنيتها.
مسحت عيوني وصعدت فوك اخذت من دفاتر الرسم مال هاجر ورقه وكتبت بيها بأيد ترجف
"رنـــه انه رايحه واريد اوصيج ديربالج على روحج وخلي عينج على هاجر اعتبريها اختج مالها غيرج من بعدي، رنـــه انه بعمري ما حسبتج بت عمي عديتج اختي وروحي وربي يدري شكد احبنج صح غلطت وياكم وأذيتكم هواي بس والله مو بأيدي اتمنى تسامحيني وما تنسيني، احبنج واحبن عفراء.
طبگت الورقة گـــلبي يوجعني حيل شلت راسي على صوت الرعيد ترعد بدون مطر، خطوه تاخذني وخطوه تردني مرتين اصعد الهاجر ابوسنها حييل وانزل وارد اصعد اعاين لوجها وروحي تنطحن طحن، اخذت عبايتي ونزلت لأخر مره وكل خطوه اخطيها أحسّها تقربني للنهاية.
طبيت للحمام باكيت مال موس فتحته اخذت من عنده واحد حطيته بأيدي هوه ورسالة رنـــه، عاينت للساعة ب٣ من الليل مسحت وجهي بأصابعي اللي يرجفن ومشيت گـــلبي وي كل خطوه دگاته تتضاعف.
طلعت من البيت، هوه عالي وترعد تريد تمطر، مشيت بساع وصلت يم سياج بيه عمي شامل ودنكت للگاع ادور شلت طابوكه صغيره لفيت بيها الرسالة وشمرتها بحوشهم.
درت وجهي ومشيت للــبستان كلشي بيه يرجف خطوه خطوه امشي رغم مالي حيل اتحرك من مچاني بس ما اريدن هاجر تشوفني بذاك المنظر الجاي أتخيله براسي.
بعيد عنها حتى ما تنصدم، عمــري كله ما مأذيتها بشي ما اريد من تالي وبأخر يوم من عمــري أأذيها.
مسحت دموعي النزلن بردن العباية وصلت للــبستان ومشيت بين النخل وصوت الرعد يقوة وصوت الهوه مايهز بس الشجر وسعف النخل يهز گـــلبي وگفت يم نخله وزفرت نفس طويل
كعدت على حيلي ودموعي تجري
محد شهد على عذابي انه عشت كلشي وحدي وحتى عقلي جان يخذلني وينسيني أهمّ الاشياء
كلشي بهالدنيا كاسر گـــلبي.
مسحت عيوني وفتحت أيدي اعاين للموس فتحت الغلاف منه طلعته وطبكته كسرته صار اثنين عفت واحد بصفي وعاينت للي بأيدي لازمته وأصابعي ترجف بلعت ريك بخوف قربته من معصم أيدي الثانية غمضت عيني وضغطت عليه من الطرف وجريته بقوة للطرف الثاني شهكت موجوعة واحس الدم يفور نزل على ايدي الكاضة بيها الموس.
رجفت ايدي طاح الموس من عده واللي جرحتها احسها انتهت بعد ما اگدر اكض بيها شي ماكدرت اكص أيدي الثانية سندت راسي على جذع النخله وعفت ايدي مشموره بصفي والدم يجري منها غمضت عيني مستسلمه هسه يخلص دمي واموتن هسه ارتاح هسه اروحن غاد يم عمي شامل وعمتي يمهم ارتاح بس همه يردوني.
مغمضة حيل والهوه العالي والرعد قربن غيوم المطر وبدت القطرات تنزل بهدوء وتردد، احس بيهن يلامسن وجهي قطره بعد قطرة وكانما ينزلن على جمره، اختلطت برودتهن وي حرورة دموعي.
هستوني احس بديت ادوخ وفتحت عيني على صوت ركض وضوه يروح ويجي مبين بأيد شخص جاي يركض وانه احس بروحي ما جاي اركز زين من بين نخله وشجره احس الضوه يتفاوت بينهن الحد ماصار بوجهي وصوته يردد
طــروادة:: لحگت بيج.
دنك ساند اديه على ركب رجليَّه صار ضوه تلفونه على وجهه اعاين ايد بيها التلفون وايد بيها الرساله يلهث تعبان من الركض رد وكفّ عدل ماشايف ايدي يتقرب خطوه خطوه ويحجي
طــروادة :: تردين تحرگين روحج؟
وانه بتعب حركت راسي لا مغطيه ايدي والدم بالعبايه والمطر وره كل ثانية يزيد، حط الرساله بجيبه ووكف گدامي يضوي على وجهي غمضت عيوني نفسي ثگيل ورديت فتحت اعاينله حرك الضوه من وجهي للطرف يعاين للگاع كلها دم ومن تطيح قطرة مطر على قطرة دم ترتفع بفرقعات ويختلطن سوه يمشن بين ثنايا الگاع.
فتح عينه مصدوم غمضت عيني واحس بيه يجر بأيدي ويردد
-ريـــمه شسويتي ريـــمه.
كض ايدي يريد يجرها وانه اجر بيها واحجي كوه على روحـــي
-عوفني. عوفني فدووه عوفني.
جر ايدي حيل كض الجرح بأيده بقوة بجيت اجر بأيدي منه صوتي مختنك
-بس عوفني تعبـــت والله تعبـــت خلوني ارتاح.
مسحت عيوني ودنگت على هاجر بستها حييل يا روح اختج انتِ يا ضوه عيوني، اتمنى ماتعيشين اي شي من الاني عشته، وماراح اخليج تشوفيني بمنظر يكسر گلبج ويقهرج.
كمت من فراشي فتحت باب الغرفة ونزلت احس كلشي خارج عن إرادتي كأنما انه كاعده بزاويه واراقب جسمي وافكاري وهي تنفذ اللي تريده.
البيت اظلم والكل نايم، فتحت باب غرفة ســليم على كيف لمحته نايم ركزت عيوني بوجهه وملامحه أودعه من بعيد لبعيد، سديت الباب ودعيت من كل گـــلبي الكه سلطان بالدوانيه، مشيت بخطوات ترجف فتحت الباب ولمحته نايم بدون فراش بس بطانيه
، طولت وانه اعاينله واتعذرلهم واقنع بروحي ميخالف ميخالف فترة وينسون بس انه جاي اتعذب وراح اضل العمر كله اتعذب وما انسى.
ضل بنفسي اشوفن سجاد بس يم بيت عمي شامل وكفت بالمطبخ وما اجه ببالي غير رنـــه تمنيت اشوفن وجها لأخر مره تمنيت التمس دفو ايدها اللي بمجرد تخليها على ايدي احس بحنيتها.
مسحت عيوني وصعدت فوك اخذت من دفاتر الرسم مال هاجر ورقه وكتبت بيها بأيد ترجف
"رنـــه انه رايحه واريد اوصيج ديربالج على روحج وخلي عينج على هاجر اعتبريها اختج مالها غيرج من بعدي، رنـــه انه بعمري ما حسبتج بت عمي عديتج اختي وروحي وربي يدري شكد احبنج صح غلطت وياكم وأذيتكم هواي بس والله مو بأيدي اتمنى تسامحيني وما تنسيني، احبنج واحبن عفراء.
طبگت الورقة گـــلبي يوجعني حيل شلت راسي على صوت الرعيد ترعد بدون مطر، خطوه تاخذني وخطوه تردني مرتين اصعد الهاجر ابوسنها حييل وانزل وارد اصعد اعاين لوجها وروحي تنطحن طحن، اخذت عبايتي ونزلت لأخر مره وكل خطوه اخطيها أحسّها تقربني للنهاية.
طبيت للحمام باكيت مال موس فتحته اخذت من عنده واحد حطيته بأيدي هوه ورسالة رنـــه، عاينت للساعة ب٣ من الليل مسحت وجهي بأصابعي اللي يرجفن ومشيت گـــلبي وي كل خطوه دگاته تتضاعف.
طلعت من البيت، هوه عالي وترعد تريد تمطر، مشيت بساع وصلت يم سياج بيه عمي شامل ودنكت للگاع ادور شلت طابوكه صغيره لفيت بيها الرسالة وشمرتها بحوشهم.
درت وجهي ومشيت للــبستان كلشي بيه يرجف خطوه خطوه امشي رغم مالي حيل اتحرك من مچاني بس ما اريدن هاجر تشوفني بذاك المنظر الجاي أتخيله براسي.
بعيد عنها حتى ما تنصدم، عمــري كله ما مأذيتها بشي ما اريد من تالي وبأخر يوم من عمــري أأذيها.
مسحت دموعي النزلن بردن العباية وصلت للــبستان ومشيت بين النخل وصوت الرعد يقوة وصوت الهوه مايهز بس الشجر وسعف النخل يهز گـــلبي وگفت يم نخله وزفرت نفس طويل
كعدت على حيلي ودموعي تجري
محد شهد على عذابي انه عشت كلشي وحدي وحتى عقلي جان يخذلني وينسيني أهمّ الاشياء
كلشي بهالدنيا كاسر گـــلبي.
مسحت عيوني وفتحت أيدي اعاين للموس فتحت الغلاف منه طلعته وطبكته كسرته صار اثنين عفت واحد بصفي وعاينت للي بأيدي لازمته وأصابعي ترجف بلعت ريك بخوف قربته من معصم أيدي الثانية غمضت عيني وضغطت عليه من الطرف وجريته بقوة للطرف الثاني شهكت موجوعة واحس الدم يفور نزل على ايدي الكاضة بيها الموس.
رجفت ايدي طاح الموس من عده واللي جرحتها احسها انتهت بعد ما اگدر اكض بيها شي ماكدرت اكص أيدي الثانية سندت راسي على جذع النخله وعفت ايدي مشموره بصفي والدم يجري منها غمضت عيني مستسلمه هسه يخلص دمي واموتن هسه ارتاح هسه اروحن غاد يم عمي شامل وعمتي يمهم ارتاح بس همه يردوني.
مغمضة حيل والهوه العالي والرعد قربن غيوم المطر وبدت القطرات تنزل بهدوء وتردد، احس بيهن يلامسن وجهي قطره بعد قطرة وكانما ينزلن على جمره، اختلطت برودتهن وي حرورة دموعي.
هستوني احس بديت ادوخ وفتحت عيني على صوت ركض وضوه يروح ويجي مبين بأيد شخص جاي يركض وانه احس بروحي ما جاي اركز زين من بين نخله وشجره احس الضوه يتفاوت بينهن الحد ماصار بوجهي وصوته يردد
طــروادة:: لحگت بيج.
دنك ساند اديه على ركب رجليَّه صار ضوه تلفونه على وجهه اعاين ايد بيها التلفون وايد بيها الرساله يلهث تعبان من الركض رد وكفّ عدل ماشايف ايدي يتقرب خطوه خطوه ويحجي
طــروادة :: تردين تحرگين روحج؟
وانه بتعب حركت راسي لا مغطيه ايدي والدم بالعبايه والمطر وره كل ثانية يزيد، حط الرساله بجيبه ووكف گدامي يضوي على وجهي غمضت عيوني نفسي ثگيل ورديت فتحت اعاينله حرك الضوه من وجهي للطرف يعاين للگاع كلها دم ومن تطيح قطرة مطر على قطرة دم ترتفع بفرقعات ويختلطن سوه يمشن بين ثنايا الگاع.
فتح عينه مصدوم غمضت عيني واحس بيه يجر بأيدي ويردد
-ريـــمه شسويتي ريـــمه.
كض ايدي يريد يجرها وانه اجر بيها واحجي كوه على روحـــي
-عوفني. عوفني فدووه عوفني.
جر ايدي حيل كض الجرح بأيده بقوة بجيت اجر بأيدي منه صوتي مختنك
-بس عوفني تعبـــت والله تعبـــت خلوني ارتاح.
جر الچفيه من رگبته حطها على ايدي يلف بيها على الجرح ويحجي وياي
طــروادة:: وين اعوفنج؟ تردين تموتين چا ياهو يحرك گيعاني بعد؟
ابچي بحرگه واجر بأيدي منه بس مالي قوة تساعدني وهوه لف الچفيه على ايدي وشداها حيل احس راسيّ ينود يروح مناه ويجي مناه، فتحت عيني من لم وجهي بين أديه يحاجيني
-ريـــمه عاينــي عليَّ ريـــمه.
-كهلان.
-هاه عيوني هاه.
غمضت روحـــي رايحه هزاني حيل
-فتحي عيونج ريـــمه ريـــمه
فتحت عيني وجريت روحـــي منه امسح وجهي وايدي ترجف
-عوفني حباب عوفني روح روح لبيتكم وعوفني.
هز راسه لا يريدني اگوم
طــروادة :: بس گومي وياي خل اخذج للمستشفى ريـــمه شو عاينيلي.
رجعت راسي على جذع النخله روحـــي رايحه وعيوني يغوشن الساني ثگيل وگوه احجي
-عوفني اموتن ما يردوني.. والله.. والله ما يردوني.
جراني عليه مغمضه عيني احس بيه كاضني من ايدي وسند راسي على جتفه
طــروادة:: انا اريدنج تعاي يمنه يم رنـــه تعاي ليش ترحين للموت.
اسمع ومابيه احجي نشمرن اديه بالگاع وراسي احسه يروح ويجي ماعندي طاقة احرك شي بجسمي هزاني بين اديه يطك على خدي والمطر فوگنا يردد
-ريـــمه ريـــمه لا تنامين ررريمه.
واحس بيه شالني بين أديه يمشي ويحجي
-تسمعيني ريـــمه تسمعيني.
وانه صوتي گوه يطلع وعيوني ما ينفتحن اهمس وما ادري اذا يسمعني لو لا
-عوفني.
واحس بروحي غابت ورديت فزيت على صوته يغلط على روحه وعلى تلفونه لان متنگطع بالماي ومايگدر يخابر منه ما ادري ما يردون عليه، يمشي بهمه وانه بين اديه فتحت عيني اريد ارجع اكدر احجي ماكو رديت غمضت وساعة اسمع صوته ساعة لا فززني من صاح
-سلطااان اصحى سلطان اختك بين اديه ما ادري ميته لو عدله اطلعلللي بسااااع بساع.
واسمع صوت سلطان يصيح مافاهم
-شتحجي انتَ كهلان شتحجي؟؟
-بس شغل السيارة بساااع انا راح اوصل.
واحس بروحي ماسمعت شي وراها هاي اخر مره فزيت بيها.
ونفس الاحلام تتسابق العقلي نفس العفاريت ونفس الإشكال المرعبه نفس الجماجم ونفسه لبسي الابيض المتوصخ من الركض
حلم وره حلم احس بروحي افز بدون ما افتح عيني وبدون ما اعارف انه وين وأرد انام.
وفجأة حسيت لمسه دافيه على وجهي واسمع صوت يمي يردد
-كون تكعد هالمره صاحيه حتى گـــلبي يرتاح.
مــاسه:: هسه تگعد بس لا تبجين انتِ لا يصعد السكر عدج وتتخربطين.
واسمعها تبجي وتحجي وي مــاسه بصوت مخنوگ
رنـــه :: غير ردت اموت انه من شفتها بأيد طــروادة تسودنت ضليت الطم عبالي ميته يردون بس يسكتوني هوه وسلطان.
مــاسه:: هوه طــروادة شلون دره بيها؟
رنـــه :: يريد يروح للگيعان وجاي يريد يفتح سلسلة هاسكي حتى ياخذه وياه وشايف ورقة ملفوفة بحجاره من فاتحه عرفها رايحه تنتحر لاحكها.
النوب ســليم وسلطان عبالهم طــروادة مسويلها شي اطاهم الرساله وحلفلهم ماله غرض وعرفها رايحه تنتحر لان گبل كايلتله ردت احرك روحـــي واعوفن گاعك.
مــاسه:: خرب حظي كون تتزوج وتفتك من امها.
ريـــمه::يحجن واحس بأيد رنـــه كلساع تمسح على ايدي همست وإنه مغمضه
-رنـــه .
شهكت تبجي وردت بلهفه
رنـــه::يا عيون رنـــه يا روح رنـــه .
فتحت عيني وهي تبجي درت عيني الماسه دموعها يجرن بلا صوت
مــاسه :: ليش هيج ريـــمه؟
-امي درت؟
-اي چانوا هنا هيه وابوج وجده وجدي توهم راحوا.
-وهاجر؟
سكتت رنـــه تعاين لوجهه مــاسه دك گـــلبي بخوف
-بيها شي؟ هاجر بيها شي؟
مــاسه:: لا بس اجت يمج ولان بچت هواي ضلت تتقيئ آخذوها الولد مارضوا تضل هناه.
مسحت عيوني ودرت على صوت الولد حجوا گبل لا يطبون وكفن مــاسه ورنه عدل طبوا سلطان وسليم نزلت عيني خجلانه منهم ولو شما ابرر محد راح يحس بيه ولا يدرون انه شنو الجاي اعيشه لان انه بنفسي ما اعرف اوصفه.
وكفوا يمي سلطان كض ايدي المخيطه يمسح عليها ويحاجيني بقهر
سلطان:: شلون صرتي؟
عاينت لوجهه الدموع تارسه عيني وهوه عيونه ذبلانه وگوه يحاجيني
سلطان:: ليش ريـــمه؟ ليش خويه شگالج گلبج وسويتي هيج؟
بچيت بلا صوت وسليم يمسح عيوني ويحجي
ســليم:: اشش كافي تصيرين زينه والي وياج غير حچي.
داروا على الباب من طــروادة حاجاهم گاله سلطان
-تعال.
طب للغرفة عاين الرنه ودار عاين السلطان ماعاينلي گال
-الحمدلله على سلامتج ريـــمه.
-الله يسلمك.
طــروادة:: سلطان انه راح اروحن ليمت تطلعون انتم؟
-اظن ساعة بعد بس يطلعن التحاليل ويتأكدون من نسبة الدم.
عاين الرنه يأشرلهل يله وانه اكرص بأيد ســليم ما اريدنها تروح گاله
ســليم:: خلها وياهن كهلان.
سكت يعاين الرنه يريد يشوفها هيه شتريد لمن هزتله راسها تريد تضل عافها وراح، وراه بعشر دقايق اجه وهـــب عاينلي گال
وهـــب:: الحمدلله على السلامة خويه.
-الله يسلمك.
-شني سلطان ليمت تطلعون؟
-هسه بس يكضن التحاليل.
-ها خير ان شاءالله.
ودار گال الماسه
-يله.
كرصت سليم عاينلي أأشرله حاجيه گاله
ســليم:: يابه خلها وياهن منا لمن نطلع تحتاجهن.
وهـــب:: يكتلني صــيهد بس اردن للقرية بدونها.
سلطان:: هههه روح انا اخابره.
ضحك وهـــب وطلع وسلطان طلع يخابر صــيهد، ســليم من حس البنات متقيدات طلع من الغرفة وهنه اجن يمي يحلفن من اصير زينه يزعلن من عدي، درت الرنه اسألها
-شدراج انتِ؟
رنه :: فزيت من مطرت طلعت للحوش حتى اطبب الطيور للبيت ولگيت باب الحوش ضال مفتوح رحت اريدن اسده وشفت طــروادة اجه من البستان وانتِ بين أديه شلون الميته تسودنت فرفحت روحـــي من شفتج واجوا سلطان وسليم بساع طــروادة عافج بأيدهم وركض علي سد حلگي، انتِ يوميه خارعتني حرام عليج بيه سكر هسه اموتن من وراج.
ابتسمت اكض بأيدها متحسره
-ما اموتن لا تخافين اخوج يركض وراي اوصل للموت ويجرني يجوز تالي اموتن على ايده.
مــاسه:: كل تفكيرها بالموت والله بيها كتله.
رنـــه :: ولج ريـــمه اخوانج انچلبوا رادوا يكتلون اخوي وهوه يحلفلهم ما مسويلج شي شاف الرساله ولحكج للــبستان النوب طلع الرساله يراويها الهم والرساله مبلله وممسوح نص حجيها گاللهم يطبكم مرض لا تصدگون چلاب يشكون بأخوي.
-يجوز لان خايفين عليَّ اعذريهم.
-والله ولا اعذرهم خيولون هذا سلطان عود هوه الزين المؤدب العاشگ هيج يحاجي طــروادة؟
-هههه همه بينهم مالنه غرض بيهمّ آحنا
-لا خيولون چلاب رادوا ياكلونه، وهوه اخوي يستحرم وشالج ضحى باستحرامه علمود ينقذج.
ضحكنه انه وماسه وهيه تحجي من كل عقلها وضايجه وتغلط عليهم بحرگه دارت الماسه تكلها
رنـــه :: ولج والله اخوي لو تموتينه مايكض مره بس ريـــمه شالها ويركض. بالمطر وتعبان وهذول الچلاب هدوا عليه.
-اسكتي لا يسمعج ســليم وتصير سالفة.
-خل يسمع شني اخافن منه انه والله اضــحك المستشفى عليه.
ريـــمه :: خفت منها تسويها غمضت عيوني وونيت أمثل موجوعة وهي خافت عليَّ نست العركه والتهت بيه طولنه ساعتين وره الساعتين بنص ساعة سمعنه صوت صــيهد وصوت طــروادة ماتيهوا اخواتهم .
طب سلطان گال
-يله راح نطلع
گومني البنات وضلينه كاعدين لمن اجه ســليم جايبلي عباية لبستها وطلعت وياهم خطواتي يرجفن ما اسيطر، مستنده بين سليم وسلطان وصلنه للسيارة تلفتت اعاين رنـــه تمشي وره طــروادة لسيارتهم وماسه وره صــيهد، صعدت وي ســليم وسلطان بس حركت السيارة سندت راسي على الجامة وغمضت مسافة واسمعهم يتهامسون بينهم عبالهم انه صدك نايمه
سلطان:: جبت عنوان دكتورة خل تعدي هالاسبوع واخذها الها.
ســليم:: احنا غلطنه من الاول هذاك الدكتور گال اخذوها لدكتور نفسي انا كله من أيدي لو ماخذها من اول ماحجه.
سلطان:: اسكت بعد لا تلوم روحك شدرانه توصل هيج.
-ما اروحن.
حجيتها وفززتهم اثنينهم التفتوا يعاينولي وسليم بساع رد يعاين للشارع
-ما اروحن مابيه شي بعد ما اعيدنها.
احجي وهمّه ساكتين لمن وصلنه للقريه نزلت مچلبه بأيد سلطان بعدني ادوخ والگاع تفتر بيه مشاني للبيت بس طبينه للحوش طلعت امي تبچي شبگت عليَّ ابد ما احسن بحنيتها، الغريب احس احن عليَّ منها، باست وجهي تبجي وتحجي بخنك لمن طلع ابوي شبگني يعاتب
شاكر:: ليش ريـــمه ليش بويه تكسرين ظهري.
تحسرت ابوس ايده ومديت ايدي لوجهه امسح عيونه
-اعذرني يابه ماتنعاد.
سلطان:: بس خل اوصلها لفراشها لا تطيح بعدها تدوخ.
وطب ورانه ســليم من دورت وجهه اهلي عرفته متعارك وياهم طب للبيت گبلنه وانه امشي بأيد سلطان على كيف لمن وصلنه للهول عاينت للدرج گال سلطان
-ها اشيلج؟
الاء:: انتَ غيث ما شايله تشيلك وحده بيها ستين كيلو؟
دار عليها خازرها واحس بأيد ســليم جرتني من سلطان شالني بين اديه ويحجي بأذني همس
-خيولي سلطان مرته تغار.
ابتسمت. اول ما فتحت باب الغرفة صارت بوجهي هاجر تفرشلي وتعدل بالفراش عيونها مورمه گد ما باجيه بس نزلني ســليم من بين اديه اجتني تبجي شبگتها ابوس بيها وسليم جراها يمسح عيونها ويشاقيها، اجه ورانه سلطان جايب غيوثي بأيده وسليم يضحك عليه.
ســليم:: ها خفت منها شلت غيث؟
حجاها واخذ غيث من عده بوس وجهه ويحجي وياه
-ها عمي ليمت يطلعن شواربك.
سلطان:: لا اله الا الله الولد بعده توه يگعد ويطيح وهذا يريد يطلعله شوارب.
ضحكت كاعده بفراشي وطبت فرح بأيدها صحن شوربه كعدت يمي ومن شافت الولد اثنينهم موجودين نزلت دوسه ونص على الاء
فرح:: مرتك لا تحترم لا تحشم احد، سلطان شني خدامه انا؟ هيه هم چنه حالها حالي لا تحط ايدها بالبيت تنظف لا تغسل مواعين لا تطبخ ولو لكتنه ما مخليلها اكل كامت الدنيا وماكعدت ادري ياهي هيه بت الوزير شايفه روحها علينه مبارك بس غيوث تبدله هاي الفالحه بيها، حتى ممه هاجر التسويله.
تحجي وانه اكرص بيها اريد بس تسكت بس بعد فرح وحجت شيسكتها، سلطان مارفع عينه وحطها بعينها گد ما فشلان عاف حتى غيث وطلع راح الغرفتهم واسمعه صاح على الاء.
وسليم عاف غيث يمنه ونزل
-ليش فرح؟
-اسكتي اريد اموتن خيبه خيبه لو تمرين من يم باب غرفتها تزوعين من الخيسه، خيبه امس افتريت وره البيت اكنس من يم الحوش واشوفن قمصان سلطان ممسوح بيهن ومشمرات تشمرهن من الشباج.
سكتت محتاره ما ودي سلطان يتعارك وياها ادري بيه ينقهر ضحكت من گالت فرح
فرح:: هسه انه هم خبيثة وهو انكط واذا واحد غثني ازوعه العافيه بس نظيفه ودايره بالي على فروخي ورجلي والمسويلي زينه ما انساها اله لو طاح بشده اردها اله شلون هسه انتِ من اجيب توكفيلي هل من تمرضتي وكفتلج بس تصيرين زينه ارد اتعارك وياج.
-ههههههه مسودنه انتِ معذوره.
فرح:: والله ولج اقلها خبيثة نظيفة بس خبيثة ووصخة هاي ماصايره.
ووي حجايتها كب الصياح بين سلطان والاء اليصدمني هو مايغلط وهي تغلط هو يحجي وياها بهدوء وهيه بصياح تلم الدنيا عليه بس الظاهر وصلت حدها هالمره صيح وغلط عليها وعلى اهلها متسودن من ضلت تكله اخواتك**** وتفشر علينه رغم احنا مو يمها وردت غلطت على فرح.
أستندت على فرح وكمت كوه عليَّ اريد احاجيه يعوفها ويطلع خاف توصل للطك ويكتلها امشي ومستنده على الحايط لمن وصلت غرفتهم اعاينله يفور ووجهه احمر وهي واكفتله تعد وتصف، تصيح وتغلط
سلطان:: سددددي حلكج سدي حلكج وانزلي اكضي غرضج حالج حالهااا.
الاء:: ياهي مالتي يااااهي مالتي ساعة اليصير عدي بيت وحدي اشتغل وانظف.
سلطان:: واضح وااضح من غرفتج التلمع، عاينــي وولج اجيتج من كل درب ترحين يسره اجي وياج ترحين يمنه اجي وياج بس ردتج تستعدلين وانتِ مثل ذيل الچلب ما تنعدلين ووصلت لهناه وياج وحك عيّون غيوثي هالشهر الج لو ضليتي بهالأسلوب ما تضلين عددي.
وهي شالت اديها تصيح عليه
الاء: طلگنييي طلگني وروح اخذ
***
ووي حجايتها طكاها راشدي صرت بينه وبينها وهو مجلب بشعرها ينفض غضب وهي تصرخ وتغلط
-عووووفها سلطان احاجيك بدون طكك.
-حيوانه حيوووانه ما تمشي عدل
الاء:: انتَ واهلك الحيوانات
رد طكاها متسودن وهيه ماتسكت حطت ايدها بظهري تدفعني عليه وتفشر عليَّ انصدمت منها من ضلت تصيح
-گااادر عليَّ كض اختك كضهااا ام الزلم.
وانه اعاينلها مصدومه انه ام الزلم؟ اغلط بروحي اكول ماتحجي عليَّ هيج اشايفه عليَّ وتكول ام الزلم، من صدمتي حتى ماحميتها ورغم كتلها حيل ما تسكت تفشر وتغلط وكل حجايه والثانية وگالتله
-اطيني مهري وطلگني ما اريدددنك.
-لنعل ابوج لا ابو مهرج .
جريته منها بأيد وحده يرجف دفعته من الغرفة اتوسل
-والله مابيه حيلك سلطان كااافي تسودنت؟
نزل جوه وابوي يغلط عليه ماراضي رديت للغرفة يم هاجر اهز بأيدي الحمدلله وشكر اذا انه ام الزلم.
اخذت غيوثي بحضني ابوسه واحاجيه وأندفع الباب طبت الاء ترعد جرته من أيدي تغلط
الاء:: جيبيي ابني تمدين ايدج النگسه عليه.
وهو يبجي بأيدها اخذته وراحت هاجر هزت ايدها تأشرلي عود مسودنه، وكضه اليوم عركات ساعة فرح وأمي ساعة فرح والاء.
هوستهم ضلت لوره العشا يله سكتن وكلمن راحتلها.
وانه كل تفكيري ليش الاء تصيح عليَّ ام الزلم خاف انه مصاحبه وما ادري بروحي الا أسألها انه شمسويه حتى صرت إم الزلم.
عاينت للساعة بالوحده من الليل كمت بفضول اريدن احاجيها بالاخص من سمعت صوت غيث يبجي كلت اكيد كاعده، دكيت باب غرفتها ماردت وغيث غاص من البجي فتحت الباب شفت بس غيث بالكاروك وهي ماكو طبيت يمه عدلته الممه وهزيت الكاروك اسكته واحجي بكلبي جا وين راحت، واكفه بصف الشباج واهز بالكاروك والمحها كاعده يم السياج وره البيت هذا المچان يصير بأخير البيت من جهة بيت جدي محد يوصله استغربت شعدها كاعده غاد بهالليل، لمن تحركت ولمحت التلفون على آذنها.
دك گـــلبي بخوف ثبتت المميه لغيوثي ومشيت چلبت بالدرج ونزلت. مغمضه عيني لازمتني الدوخة مشيت من وره خطّوه خطوه امشي وخايفه مدري شبيه وكفت وهي ساكته ما اسمعلها اي صوت اثاريها ساكته تسمع شويه وگالت
الاء:: چا شسوي؟ لا انتَ مالك غرض من اخذ الغايب اطيكياه ادفعه مهر الي وفضت راحت.
فتحت عيني بصدمة حاطه ايدي على حلكي وهي تكله
الاء:: بس احمد ابني وياي ترى ما اعوفنه.
احس گـــلبي يدك بخوف وهي تسولف براحه ضحكت وگالتله
-شلون يعني شگله؟ هاه هيج تشوف؟ اكلك شتگول لو اكله ما اريدن اتطلك وابني يتبهذل وانتَ ظلمتني ورطتني عوفني عدك وتزوج حبيبتك بس بشرط تطيني مهر مثل ما تطيها مهر جديد ومن يطيني ويتزوجها اكله طلگني واخذ المهد والغايب.
قشعر جسمي مصدومه منها ماتوقعتها هيج ابد، سلطان هواي حاول يكسبها وفرلها كلشي رغم ادري بيه مايحبها بس حاول وياها هواي وشنو التريده يوصل يمها هي الما حاولت تكسبه هي الضلت وصخة وسليطة اللسان وعديمة الاحترام وهسه تخطط ضده بخطط وصخة مثلها تضحك بمرح وردت گالتله
الاء:: اهم شي غيوثي ما اعوفنه روحـــي هذا، اي نربيه احنا حتى يتعلم عليك يكلك بابا اخليه ينسى ابوه.
سمعت صوت سيارة الولد مشيت بساع وبخوف صعدت فوگ وادري بيها اجت وراي سمعت خطواتها من راحت الغرفتها تركض، تغطيت بفراشي والسالفة تاكل بعقلي ابد ما توقعت الاء توصل الهالمرحله واضح مو حبيب قديم لان هي الرادت سلطان ورادت تتزوجه مو مجبوره عليه.
مدري شلون گدرت أغفى وانام وسط هالافكار.
""""
مــاسه :: كعدت على صوت التلفون اعاين للساعة بالاربعة الصبح فتحت خط بخوف
-الو ها صــيهد؟
-ها نايمه؟
-اي
-اكلج ماتنزلين تكوين دشداشتي اريدن اروح؟
سديت التلفون بوجهه وگمت غسلت وجهي من فزيت نرعبت طلعت اريد اروحن للمشتمل لمحت الولد يمه رديت بسرعة خابرته
-الو
-عبالي رديتي نمتي
-لا نزلت بس شو الولد يمك؟
-هسه راح اوديها بأيد وهـــب.
حجاها وسد التلفون اعاينلهم من الشباج سلطان وسليم ووهب اجه وهـــب والدشداشة بأيده طب للمطبخ اخذتها منه اسأل
-شكو شصاير وين رايحين؟
وهو يتثاوب ويحجي
-لبغداد سيد عباس ميت عمه يردّون يرحون.
-كلكم؟
-لا بس صــيهد وسلطان وسليم واظن طــروادة هم يروّح مادري.
طبيت لغرفة امي كويت الدشداشه فزن هيه ورغد سولفتلهن رغد طلعت للمطبخ سوتلهم ريوك تريكوا وراحوا، ضليت كوه فاتحة عيني الامتحانات ماضللهن شي والتحاليل
طلع موعدهن.
بالليل وره العشا لكيت رغد وندى بالمطبخ اربعة وعشرين ساعة يسولفن كالن
-شبيج ضايجة؟
-مابيه اكلجن شو هذا لا يراسل لا يسأل خا
#######'
ندى:: خاف يستحي من اخوانج؟
رغد:: شرد صدكيني شافج مخنوگه بالحجاب اربعة وعشرين ساعة طكطك نعالاته وطفر حقه عمي حقه خاطب وبالك عني تالي انتِ واخوتج واكفيله عظممم عظم بالبلعوم ما خليتوا الولد يتنفس.
سكتت مستنده على الكاونتر وندى تضحك على افكار رغد دك صوت رسالة بأيدي قريت اسمه وعاينت عليهن
-راسلني.
-شكتب؟؟؟
فتحت الرسالة كاتب
-السلام عليكم
-وعليكم السلام
-شلونج؟
-الحمدلله.
هز راسه مبتسم
مــيثم:: ان شاءالله تنجحين وتوصلين وين ما تتمنين.
سكتت اعاين لوجهه كصص كيكه سألته مبتسمه
-ياهو سوه الكيكه؟
-اشتريتها لا عبالج انا اعرف اطبخ تره كلشي ماكو .
-ههههههه.
عاينلي مبتسم مدلي الصحن وقرب العصير يمي اكلت شويه خجلانه ومتقيده بعدني استحي منه رجعت الصحن يمه انطاني الهديه
-تحبين تفتحينها هنا لو تردين تشوفينها وحدج؟
-لا اشوفنها ببيتنا لان ردود فعلي تفشل هههه.
ضحك مدنك وحجه بهدوء
مــيثم:: كل ردود فعلج عسل على گـــلبي .
عضيت شفتي مدنكه خجلانه وكفت بساع گتله
-يله انه راح اروحن.
مد ايده بساع جراني من ايدي رجعني لنفس المچان اعاينله مصدومة گال
-لا ماترحين ضلي يمي خل نلعب بلي.
-لا لا امي ما ترضى گالت بساع تعاي.
-هسه انا اخابرها واستأذن منها.
طكطكت أصابعي خجلانه وهوه خابر على امي فاتح السماعة لمن ردت عليه سلم عليها گالها
-عمه عادي مــاسه تضل يمي شويه؟ ساعة واردها انا بأيدي اجيبها للبيت.
-يا يمه مــيثم اخوتها ما يرضون والله يبعد امك.
-ساعة وحده عمه والله ساعة واجيبنها.
-يله بس مو تبطون وينها هيه خلّني احاجيها.
قرب التلفون يمي وامي ماتدري بيه فاتح السماعة گتلها
-ها يمه.
-مــاسه مو بس يگرب صوبج تسلمينها تراب صيري فطنه.
فتحت عيني مصدومه وهوه اختنك مدري شبيه گام من يمي سديت السماعة اريد املخ روحـــي وحاحيت امي همس
-يمه فضحتيني كاعد يمي وسمعج.
-دهر دهركم كون جا اندري انه، يله روحـــي ولا تبطين.
سديت التلفون عفته على الميز وجهي يريد ينفجر وهوه طلع من المطبخ راح شغل البلي وجاب اليدات وانه متلفلفه بعبايتي خجلانه مدلي اليده وكعد بصفي اختاريت فريق وهوه اختار فريق، گال
-نتراهن؟
-على شنو؟
-اليخسر يتعاقب
-انتَ الخسران لا تراهن محد يگدرلي ترى.
ضحك هز راسه خوش وبدت اللعبة من بدايتها گول عليَّ ويضحك حرك گـــلبي عفت العبايه طلعت اديه من الردن وكضيت اليده عدل تونه ردينه نلعب گول الثاني گال
-ذبي حجابج وانتَ تلعبين عدل.
-لا مايحتاج هسه افوزن.
احجي بس مقهوره لان طول عمــري اغلب بــدور، سجل عليَّ الثالث وتحمس زايد صيحت بحرگه
-جااااي تغششش.
وانتبهت الروحي نصيت صوتي
-غشيتني.
يضحك ويهز راسه لا، فتحت الدنبوس من الحجاب بس خليته على شعري ولعبت بكل تركيز گولت عليه صيحت بفرح
-گووول گووول گووول .
-لا تفرحين بعد اللعبة مطوله وغالبج إنا بأثنين.
رديت اركز انه قوية باللعبة مو بسهوله اخسر جبت الثاني وقهرته ضليت اضــحك عليه وهوه مبتسم جانت بيّنّا مسافه مدري وين راحت صارت رجلي تطح برجله.
گولت الثالث صاح
-غشيتي چنچ صــيهد.
-ماغشيت والله خسرررتك خسرتك خسرررتك.
احجي بفرح عبالك بــدور الگدامي مو مــيثم بكل احتفال بالهدف احسه يتقرب يمي اكثر الحد ماحسيته جر شالي من شعري دنگت مرتبكه عافه على القنفة وردينا نلعب گول عليَّ وبالاحتفال وهوه يضحك يقهر بيه مد ايده وراي حسيت بيه من اخذ الشكاله من شعري عاينتله مرتبكه أبتعدت شويه
-جاي تغش انتَ؟
عاينلي مبتسم ويسأل
-شمسوي؟
مسحت وجهي ودرت العب ومركزه كل حيلي. گولت عليه وهوه مدري بشنو التهه گولت الخامس وضحكت
-اليغشون دوم يخسرون.
درت وجهي عليه عايف اليده وصافن بيه عاينت لعيونه مرتبكه شلت ايدي اوخر شعري من وجهي همس
-ليش ماخليتني اشوفن شعرج بالخطبه؟
دنكت ساكته مرتبكه عفت اليده على الطبله واعصر بأصابعي احس وجهي صخن مد أيده غمضت عيني وهوه تلمس خدي بهدوء يتحسسه بظهر ايده لمن وصل جوه شفتي حط اصابعه يرفع وجهي ضليت منزله عيني ارجف
-عايني مــاسه ليش تدنگين ؟ صار اسنين أتحسر على نظره من عيــونج.
هو يحجي وانه ضاع الحجي من عدي روحـــي راحت قرب روحه اكثر احس نفسه بوجهي رفّع شعري من وجهي خلاه وره اذني وتلمس اذني بين اصابعه ضحك
-اذنج صارت حمره بلون خدودج.
يحجي وايده تروح وتجي بين وجهي وبين شعري وأذني وانه دمامات تدك بگلبي ميته من الخجل گال
-مــاسه شيلي عينج شوفيني ركزي بيه هسه يجوز ما اعجبنج؟
رفعت عيني اعاين لوجهه وهوه مبتسم ووميل راسه على جهه يتأملني إيدي بأيده يتحسسها ويحرك اصابعه بين اصابعي
مــيثم:: فـــدوه اروحن لعيونج.
دنكت اعض بشفتي جاي يحجي حجي يخجلني ويريدني اعاينله ضحك گال
-شلون نكضيها كل ما أحجي شي تدنگين؟ بگلبي حجي هواي بس انتِ ماتطيني مجال بساع تخجلين.
جريت ايدي من ايده مرتبكه مسحت وجهي باثنين اديه عود اقوي بروحي گتله
-لا ما اخجل.
-همم يعني تردين تسمعين.
صفنت بوجهه هسه شأكول اي لو لا شحجي لو ضاله ساكته مو احسلي، خله عينه بعيني گال
-لا تدنگين اذا ماتخجلين خليني أحجي براحتي.
درت عيني من عده احجي ومرتبكه
-ما كملنه اللعبه
-مو مهمه نلعب بعدين.
-ها خوش.
حجيتها ورجعت اعاينله يلف خصل شعري على اصبعه متحسر ونفسها ايده اللي لاف شعري عليها بأصابعه تلمس رگبتي جوه اذني وگال بصوت ذبلان
-اتمني لو ترضين احط وجهي هناه دقيقة وحده.
فتحت عيني على وسعها دفعت ايده ودنكت روحـــي رايحه وجسميّ مقشعر لم اديه بين أديه ويحجي بصوت ذبلان
-مــاسه ما اسوي شي بس اجرن نفس من رگبتج وراها اوديج للبيت والله.
هزيت راسي لا اريد ابجي وجسمي يرجف گال
مــيثم:: هاي هيه هاي هيه بكيفج بس لا تضوجين عاينيلي مــاسه.
شلت راسي اعاينله عيوني انترسن دموع مو خوف بس خجل ومتوتره غلط على روحه يتعذر
-اعتذر منج والله ما ادري هيج راح تخافين من عدي مــاسه عاينيلي اعتذر والله اعتذر.
نزلت ايده من وجهي وماتيهتها ضليت كاضتها هزيت راسي لا
-ماخايفه منك، بس والله انه استحي ما مجربه گبل.
فتح عينه وسد حلكي بساع
مــيثم:: لا تجفصين فاهمج فاهمج بس لا تشرحيلي هاي هيه
جريت ايده من حلكي
مــاسه:: خليني اشرحلك حتى ما تضوج من عدي، والله انه كلش استحي لان عمــري كله ماكاعده يم زلمه ولا زلمه حاجّي وياي ولا.
رد سد حلكي يهز راسه اي
مــيثم:: فهمتج والله فهمتج بس اسكتي.
هزيت راسي خوش ساكته وهوه ضال سادّ حلكي وجهه بوجهي مبتسم گال
مــيثم:: انا هم عمــري كله ماحاط عيني بعين بنيه عيوني بس انتِ شافنج.
ابتسمت وهوه مغطي حلكي بأيده علن خدودي عاينلي مبتسم الضحكتي زفر نفس بحسره وأيده بعدها على حلكي رد گال وعيونه ذبلانه وصوته همس
-ما ابوسنج برگبتج وعد زلمه بس اجر نفس لا تخلينها بنفسي.
بلعت ريك وهوه يعاين لرگبتي مبتسم على توتري ماوخر ايده من حلكي رجع راسي اكثر على تجوة القنفة ومد نفسه وياي وانه كل ما يقرب روحه اكثر ابلع ريكي مرتبكه وهوه يعاين الرگبتي وتلزمه الضحكه.
دنك بهدواء حط وجهه برگبتي من يم اذني ونزل ايده من حلكي يتلمس رگبتي، احس بيه من يجر نفس بحسره ويمشي خشمه وشفايفه على رگبتي، شواربه ولحيته تدغدغ بشرتي ذبلانه كلي مغمضه عيني وجسمي متقشعر من دفو شفايفه اللي يحركهن بدون بوسه، لحد ماحسيت شفايفه على طرف أذني باسني دفعته مرتبكه وهوه يعاينلي مبتسم احجي وجسمي يرجف
-گلت ما ابوسنج.
-گلت برگبتج ومابستج.
-بستني.
-بأذنج.
يحجيها مبتسم وانه ميته من الخجل لفيت شعري وشلت شالي الفه على شعري ووگفت البس بالعبايه، وهوه راح للمطبخ جاب حافظة خله الكيكة بيها ومدلي الهديه وتلفوني عاينلي يتأكد خاف ضايجة ابتسمتله يله ضحك شال حافظة الكيك عاينت للورد وكتله
-اخذهن؟
-اخذيهن واخذيني اذا تردين.
-هههههه لا ما اريدن.
ضحك اطاني الوردات ووگف بصفي گضاني من ايدي وطلعنه من بيتهم نتمشى لبيتنا وايدي بأيده ساكتين بس اثنينا مبتسمين وصلني لباب حوشنه طبيت وسديت الباب والضحكه شاكّه حلكي لگيت رغد متانيتني بالمطبخ غمتني گالت
رغد:: خفت عليج گلت كله مني اختي فاهيه وانه اعربن بيها.
شبگتها اطفر واضحك
مــاسه:: ووولج عيد ميلادي ومادري مسويلي عيد ميلاد.
وهي تضحك اخذت الكيكه وراحت تاكل وانه كعدت بالگاع أفتح الهديه طلعت منّها عبايه ووگفت البسها واتفتل گدام رغد فرحانه بيها، اخذتهن وصعدت اركض كعدت جوري من النوم اراويها واسولف وهي مغمضه وتهز راسها اي ماصدكت سكتت ردت نامت.
ثالث يوم من اجه صــيهد ورحنا نكمل التحاليل تبريت من مــيثم هسه هم عاينتله هم مشيت بصفه كله بصف جوري وحتى لو صــيهد مو يمنه هم ما اشيل عيني واشوفنه، وهوه هم مستحي من صــيهد مبتعد وصيهد يفتر علينه من يطلعنه المچان يكضيها عصبية وبس يخزر كل شويه وگال
"شعرج، سدي عباتج، غطي ايدج، لا تلتفتين، لا تعاينين ليغاد ماتشوفينهم بس زلم"
جوري دخنت ومطنكره وانه اكض بيها كوه بس كون تسكت، كضينه التحاليل وردينه للبيت بعد ضل العقد گالوا بالعطله وعرس جوري وصيهد أجله باول اسبوع من العطله مو اول يوم.
التهينه ندرس بالامتحانات وهلكانين، ورغد وندى شايلات شغل البيت كله.
""""
رغد:: حيل انقهر على ندى ابنها تربيته كلش غلط وماجاي تسيطر عليه ومن يگلها خاله روح ماما، تتسودن تضل بس تبجي
ووهب من جهه مبتعد طكت روحها تحلفت بيه بس يجي أرزله.
صــيهد يلوب مايعرف يأمر عليَّ يريد مــاسه وماسه ملتهيه تدرس من يطب للمطبخ ويلكاني يسألني
-جا مــاسه وين؟
-فوگ تدرس، گلي تريد شي؟
سكت مسح شواربه وعاينلي ماله خلك
صــيهد:: تسويلي چاي؟
-اي هسه.
سويت واطيته يكعد يمي يشربه ويروح بدون مايحجي مرات اتمنى يعاملني مثل ما يعامل مــاسه بس مو بحسد لا افرح هيه الوحيده بينه قوة علاقتها وي صــيهد صار يشاقيها ويضحك وياها.
سويت چاي من اجن نسوان لجدتي وديته الهن صلن على محمد من طبيت حطيت الچاي وطلعت مامرتاحه جنهن خطابة
وعادي عديت الموضوع ما مهتمه.
بالليل جده اخذت ابوي وجدي كعدت بيهم بالدوانيه.
وثاني يوم العصر الولد وهـــب وصيهد توهم رادين جان عدهم سگي وتعبانين وجوعانين جاي اسويلهم ث اكل وطبكن علينه السيارات سبحوا بساع وطلعوا للدوانيه تسودنت من دريت بيهن أتفاق خطبة وخلونه انه واخواني امام الامر متفقين بينهم صــيهد اجاني متسودن صاح
-تدرررين؟
-لا والله العظيم لا ما ادرررري.
هز راسه متحلف ورجع يمهم مشيت بساع عيوني تجري وأكفه بالمطبخ واشوفن سلطان طب للحوش وبأيده مسدس فتحت عيني بصدمة وشهگت گـــلبي موجوع ، طب للديوان، ركضت للبيت وكفت يم الباب بس اريدن اسمع وهوه بصوت يرجف گاله
سلطان:: انا ابن عمها والبنيه منهي عليها.
ووي حچايته گب الصياح والغلط هوسه وواحد يصيح على الثاني اخواني متسودنين من سلطان وجدي وابوه وابوي يتعاركون وياه الوادم طلعوا وهم حجي وياهم. بس صعدوا بالسيارات يردون يرحون ركضت للحمّام اتقيئ من گد ما خفت على سلطان حسيت گـــلبي نمرد، واسمع هوستهم بالهول مسحت وجهي وطلعت كلها تصيح وتغلط عليه وصيهد يريد يكتله وهوه واكف بباب الهول اعاينله والمسدس بأيده يصيح
-والله ما تاخذ غيري.
صــيهد:: يشهد الحسين اذبحنكك ماتكول منهي عليهاااا محد ينهي على اخووواتي.
سلطان:: منهييي عليها واليوصلها ادفنه.
وهمه متسودنين وجدي صاح
شعلان:: وروح ابوي ما اخليك تاخذها لأخر نفس بيه.
وطب سلطان للهول يتعارك وابوي يدفعه ابجي روحـــي رايحه هوه من جهه وصيهد من جهه متسودن شهگت. بصدمة وانه اشوفنه حط المسدس براسه وبلحظة كلها سكتت اصابعه على الزناد عيونه حمر دم
صــيهد:: نزل السلاح.
سلطان:: ماتصير الغيري، اخذوها من بين اديه گبل ما اريدن اضيعهاااا مرتين.
-نزززل السلاااااح خرب خررررب اهلك خرب اهلك.
يرجف صــيهد وانه عيوني وي اصابعه اللي على الزناد عمي شاكر يتوسل بيه واخواني متسودنين دار عيونه الي ومد ايده بأتجاهي
-تعاااي رغد.
صــيهد:: اذا ماكسرتك تكسر انا مو صــيهد بس ذب القندرررره من إيدك.
سلطان:: تعاااااي رغد
اعاين الايده وارجف راضيه ياخذون روحـــي بس لا يموت لا يموت، صيح صــيهد يريد يملخه وهوه عينه الهم وماد ايه الي والسلاح براسه، ولأول مره ما أفكر بشي صاح من جديد
-تعااااي
ركضت بخوف حطيت أيدي بأيده وصيهد عيونه فاتحهن على حيلهن مصدوم وانه ماهامني كلشي بهالدنيا غيره
شكرا لزيارتكم عالم روايات سكيرهوم
