رواية عشقت كبريائي فهد ومليكة الجزء الثالث (لقاء الاحبة) الفصل السابع والثلاثون 37 بقلم دودو محمد

اشرقت شمس صباح يوم جديد بنورها الساطع فى سماء الصعيد 

فى بيت معاذ ووحيد 

فى اوضت وحيد 

كان وحيد فى اوضه نايم على سريره باصص على السقف وسرحان وباب الاوضه اتفتح ودخلت الجده عليه وقالت 

الجده :- هتفضل قاعد فى اوضك وحابس نفسك كتير كده 

وحيد :- خلاص يا جده الموضوع خلص ومفيش حاجه ورايا اعملها 

الجده :- انت ليه عامل فى نفسك كده انت حبتها 

وحيد :- قام وقف ودموعه على خده وقال انتى اخر واحده تسألينى السؤال ده انتى اكتر واحده ظلمتينى فى الدنيا دى خدعتينا انتى وابنك و زرعتو فينا الشر والانتقام خلتونا شياطين مش بنأدمين خلتونى اكسر واحده ملهاش اى ذنب مش قادر استحمل تأنيب الضمير انا عملت فيها كل انواع النداله كسرتها ووجعتها بتسألينى انا حبتها اه حبتها يا جده ومن اول لحظه دخلت معايا بيت واحد من لحظة ما كانت بتترجانى أن ابعد عنها قلبى كان بيتقطع عليها بس علشان اثبت لنفسى ان محبتهاش اجى عليها واكسرها اكتر واوجعها اكتر واكتر وبعد ما عرفت الحقيقه قلبى وجعنى عليها وعارف ومتأكد أن انا خسرتها للابد ومستحيل ترجع ليا تانى ومن حقها بس مش قادر استحمل بعدها عنى خسرت قلب كان بيحبنى بصدق ونيه صافيه قلب كان عامل زى اللؤلؤه البيضه محفوظ فى قاع البحر وانا بوساختى نزلت اخده ورميته فى الارض ودست عليه انا كنت بكره نفسى لما كنت بعمل فيها كده ولما عرفت حقيقة ابويه كرهت نفسى اكتر وبتمنى اموت دلوقتى قبل شويه وقعد على السرير وحط راسه ما بين أيده ودموعه نزلت منه وقال منكم لله على اللى عملتو فينا 

الجده :- قعدت جنبه على السرير وحطت ايديها على كتفه وقالت صدقنى يا ابنى انا زى زيكم انضحك عليا بالظبط من ابوكم ومن دعاء معرفش انها بالوساخه دى واخدتكم وربتكم كده علشان تنتقمو ليها هى وانا كأم صدمتى اكبر منكم فى ابن بطنى أن بعد السنين الطويلة دى اعرف أن كان مشغل امكم فى الدعاره اقسم بالله لو كنت اعرف الحقيقه دى من زمان وهو عايش لكنت انا اللى قتلته بأيدى وغسلت عاره بنفسى 

معاذ :- دخل عليهم وقال بدموع كلنا ضحيه يا جده ضحية قلوب سوده وبص لوحيد وقال انت واخوك كنتو اكتر اتنين بدافعو عن ابوكم رغم أن كان تملى عندى احساس أن البنات واهلهم مظلومين ندمان وهينفع بأيه دلوقتى الندم خلاص يا وحيد احنا خسرنا نفسنا وخسرنا قلوب حبتنا بصدق 

الجده :- اللى بيحب مش بيعرف يكره مهما حصل واكيد لو حاولتو معاهم ممكن يسامحوكم 

وحيد :- صعب يا جده صعب احنا عذبنا فيهم بيما فى الكفايه وده وقتنا احنا اللى نتعذب من بعدهم عننا ونحصد نتيجة شرنا وقلوبنا السوده 

معاذ :- اهم حاجه نلحق شهاب من الطريق اللى ماشى فيه 

الجده :- مش قادره أوصله من يوم ما خرج من القسم

وحيد :- احنا لازم نوصل ليه بأى طريقه ونعرفه الحقيقه ده ممكن توصل معاه لدم علشان الناس اللى متفق معاهم وعايزين ينتقمو من البنت اللى اسمها تيلا 

معاذ :- احنا لازم نرجع اسكندريه حالا 

وحيد :- انا هلبس بسرعه ونرجع اسكندريه 

معاذ :- ماشى 

الجده :- انا عايزه شهاب سليم يا معاذ اوعى تسمح لحد يأذيه اخوك متهور بس طيب وتصرفاته طايشه بس اتزرع فيه الشر اكتر منكم من دعاء ربنا يحرقها مكان ما تكون

معاذ :- حاضر يا جده 

والاتنين جهزو وسلمو على جدتهم ونزلو الاسكندريه من جديد 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا فهد المنشاوى 

فى اوضت عدى 

صحيت مى من نومها وملاقتش عدى جنبها قامت من على السرير دخلت الحمام اخدت شاور واتوضت وخرجت لبست هدومها وأدت فرضها وفى الوقت ده دخل عدى 

عدى :- صباح الخير يا قلبى 

مى :- صباح النور كنت فين

عدى :- اممممم كنت فى مشوار 

مى :- مشوار ايه ده 

عدى :- مشوار لازم تعرفى كل حاجه 

مى :- بغيظ اه لازم اعرف كل حاجه 

عدى :- تعالى بس ننزل نفطر 

مى :- قعدت على السرير وقالت انا مش هتحرك من هنا غير لما تقولى كنت فين 

عدى :- يا حبيبتى ربنا يهديكى بلاش دماغك النشفه دى وتعالى ننزل 

مى :- لاء قولى كنت فين 

عدى :- كنت بعمل ليكى مفاجئه ومتسألنيش ايه هى علشان لو قولتها مش هتبقى مفاجئه 

مى :- قامت وقفت وراحت عنده ولفت دراعها حاولين رقبته وقالت بدلع بجد يا دودى 

عدى :- لف أيده حاولين وسطها وقال بجد يا روح دودى وانا عندى اعز منك فى الدنيا دى كلها 

مى :- بسته فى خده وقالت بحبك اوى اوى يا عدى 

عدى :- قرب اكتر ليها وقال وانا بموت فيكى يا قلب عدى وقرب من شفايفها ولسه هيبوسها 

مى :- بعدت عنه وقالت لاء مش هينفع احنا اتأخرنا يلا ننزل 

عدى :- يا بنتى انتى ليه فصيله كده بتقطعى فى أوقات صعبه جدآ

مى :- ههههههههههه علشان عارفه حضرتك بتسوق فيها 

عدى :- وفيها ايه لما اسوق فيها معاكى مش احسن من اروح اسوقها بره 

مى :- اتغاظت وضربته على صدره وقالت طيب فكر تعملها يا عدى وربنا اروح فيك فى ابو زعبل 

عدى :- اااااه ايدك جامده اوى وبعدين يا ميوش انا مقدرش ابص لغيرك ده انتى مليه عينى وقلبى بس بحب اغيظك علشان اشوف غيرتك عليا

مى :- بلاش تجرب غيرتى علشان مش هتستحمل اللى هيحصل 

عدى :- يا جامد انت يا شرس 

مى :- قربت منه وقالت خليك عارف انك انت بتاعى انا ملكى انا واللى تفكر تقرب من حاجه تخصنى يبقى حفرت قبرها بأيديها فاهم وقربت من شفايفه وبسته بوسه طويله 

عدى :- اتفاجئ من حركة مى بس ضمها اكتر ليه وعمق البوسه ولسه هيفتح زارير البلوزه لمى 

مى :- بعدت عنه وقالت مش هينفع احنا متأخرين 

عدى :- شدها ليه تانى وقال انتى ايه اللى عملتيه فيا ده انتى عارفه دلوقتى ايه بيحصل جوايا نار جهنم كلها قيده فيا  

مى :- بدلع عارفه بس علشان تفضل على شوقك لحد بليل هههههههههههههه

عدى :- انتى كده بتعذبينى اى حاجه تصبيره طيب 

مى :- لاء هههههههههه

عدى :- مفتريه والمفترى عليه ربنا 

مى :- بسته برقه فى خده وسابته ونزلت 

عدى :- حط أيده على خده وقال لاء دى قصده تعذبنى بقى وبعدين ضحك وقال منحرفه بس بموووووت فيها وخرج من اوضه ونزل وراها 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى اوضت فريد 

كانت سمر نايمه فى حضن فريد فتحت عينيها وبصت عليه وهو نايم وكانت فرحانه اوى أنه سامحها ضمت نفسها فى حضنه اكتر ومسكت فيه 

فريد :- حس بحركة سمر فتح عينه لاقها مسكه فيه جامد بسها من راسها وقال صباح الخير 

سمر :- صباح النور 

فريد :- عامله ايه دلوقتى 

سمر :- طول ما انا فى حضنك كويسه 

فريد :- مشى أيده على بطنها وقال فهد عامل ايه 

سمر:- بأستغراب فهد مين 

فريد :- فهد اللى فى بطنك ما أنا إن شاءالله هسمى على اسم بابا 

سمر :- وافرض طلعت بنت 

فريد :- لاء انا عندى احساس أن هو ولد 

سمر :- افرض طيب انها بنت 

فريد :- هسميها عائشه ان شاءالله 

سمر :- بس كان نفسى اسميها على اسم ماما أو خالتو مليكه 

فريد :- اسم ماما موجود منه اتنين امى واختك مليكه وبعدين مفيش احلى من اسم السيده عائشه رضي الله عنها 

سمر :- اللى انت تشوفه يا قلبى انا مش معترضه عليه 

فريد :- طبطب عليها وبسها فى خدها وقال ربنا يبارك فيكي يا قلبى 

سمر :- نفسها غمت عليها وطلعت تجرى على الحمام

فريد :- قام وراها وسندها لحد ما خلصت ترجيع وقال احنا لازم نشوف دكتوره كويسه تتابعى معاها 

سمر :- إن شاءالله 

فريد :- هنزل اجبلك الفطار 

سمر :- لاء انا زهقت من القعده هنا هنزل افطر معاهم تحت 

فريد :- علشان متتعبيش 

سمر :- لاء مش هتعب 

فريد :- طيب ثوانى اصلى وننزل مع بعض 

سمر :- وانا كمان عايزه اصلى هتوضه وصلى بيا

فريد :- ماشى ودخل فريد اتوضه وبعدها سمر وصلى بيها فريد وخرجو من الاوضه ونزلو الاتنين مع بعض 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى اوضت جاكلين 

صحيت جاكلين من نومها وقعدت على السرير تفكر فى معاذ وكانت هتموت وتطمن عليه قالت لنفسها 

جاكلين :- انتى شاغله تفكيرك بيه ليه يهمك فى ايه اذا كان كويس ولا لاء لتكونى لسه بتحبيه وصعبان عليكى طيب لو بتحبيه لسه ليه صممتى تطلقى منه ليه رفضى تديه فرصه تانيه ليه كنتى قاسيه معاه بعدين سكتت شويه ووقفت وقالت كرامتى فوق اى حد اللى يجرح كرامتى ادوس عليه وبرجليه حتى لو روحى فيه قعدت تانى على السرير وقالت بس متنكريش أن هو مكسرش قلبك ده كان بيحميكى من الكل متنكريش انك كنتى بتحسى بالامان بوجوده وتحسى بالضياع لما يبعد عنك وقفت تانى وقالت بس برضه مش هنسا أن هو كان وخدنى وسيلة انتقام مش اكتر انا جاكلين فهد المنشاوى هفضل قويه طول عمرى ومهما حصل مش هنكسر أبدآ ودخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه ونزلت تحت والكل كان متجمع 

جاكلين :- صباح الخير 

الكل :- صباح النور 

جاكلين :- انا اسفه يا جماعه لو اتأخرت عليكم 

مليكه :- انا قولت انك نايمه مرضتش اقلقك

جاكلين :- لاء انا صاحيه من شويه وبعدين بصت لسمر وفريد وقالت مبروك وربنا يكملك حملك على خير 

سمر :- الله يبارك فيكى يا جاكى ربنا يسعدك يارب 

مى :- انتى عرفتى أن يوسف مشى من الجريده 

جاكلين :- ايوه سألت عليه أمبارح فى الجريده وعرفت واتصلت بيه بس مردش عليا 

مليكه :- خالتك مها بتقولى أن هو كان شايت على الاخر لما رجع وأبوه كلمه ونزله يمسك الشركه مكانه 

جاكلين :- وتيلا 

مليكه :- شغاله برضه فى الشركه 

مى :- شوفتى الوكسه حطو النار جنب البنزين ده هتحصل مهازل بسبب وجود يوسف فى نفس المكان اللى فيه تيلا 

مليكه :- يمكن وجودهم فى مكان واحد يرجعهم تانى لبعض 

مى :- ياريت والله 

جاكلين :- وقفت وقالت ربنا يصلح حالهم 

مليكه :- اقعدى كملى اكلك 

جاكلين :- الحمدالله شبعت ولسه هتمشى

فهد :- جاكى 

جاكلين :- نعم يا بابا

فهد :- انتى شوفتى معاذ أمبارح 

جاكلين :- اتوترت وقالت م.م.مين اللى قال لحضرتك 

فهد :- اللى قالى قالى ردى عليا انتى شوفتيه

جاكلين :- ايوه يا بابا جالى امبارح عند الشغل وكان بيطلب منى اسامحو بس أنا رفض وهو اغمى عليه وانا

اخده المستشفى 

فهد :- ولما انتى لسه بتحبيه لما جيت سألتك عايزاه ولا لاء قولتى لاء ليه 

جاكلين :- بس انا فاكره كلامى كويس اوى يا بابا انا قولت لسه بحبه بس كرامتى اهم من الكل 

فهد :- بعصبيه واخرتها يعنى 

جاكلين :- هى الحكايه جابت اخرتها من زمان يا بابا واللى حصل أمبارح مليش يد فيه هو اللى جه ليا عند الشغل واغمى عليه وانا عملت اللى عليا واخده المستشفى وسبته ومشيت فين الغلط فى كده حضرتك 

مليكه :- بس يا فهد جاكى مش غلطانه انا شايفه رد فعلها طبيعى جدآ انها تخده المستشفى 

مى :- ايوه يا عمو صح هى عملت الصح 

فريد :- لاء معملتش الصح هى كده اديته فرصه يفكر ينط ليها مره واتنين وتلاته عند شغلها هو عرف واتأكد دلوقتى انها لسه بتحبه وخافت عليه كان ممكن تتصل بالاسعاف تيجى تخده وكانت هى سابته و جت على الفيلا عادى  

عدى :- لاء انا مش معاك فى الرأى يا فريد هى كده اتصرفت صح وراح ولا جه كان فى يوم من الايام جوزها ولسه فى العده ومش عيب ولا حرام اللى عملتو ده وهو لو كان نيته وحشه ولا هو بنأدم مش كويس كان ممكن عمل حاجات كتير بس هو حب جاكى بجد والفرق واضح ما بينه وبين اخواته شوف اللى اسمه وحيد ده كسر فرحه ازاى واخد منها شرفها غصب عنها يعنى اغتصبها يوم فرحها ودمرها وطلعت منه كمان حامل لكن معاذ حافظ على اختك حتى من نفسه وانا وانت عارفين يعنى ايه راجل ومراته فى مكان واحد ومقفول عليهم وميقربش منها ولا يلمسها وعارفين المجهود اللى هو عملو علشان يحافظ عليها من نفسه وكان ممكن ردها ليه غصب عن الكل ما هو لسه فى شهور العده ويقدر يردها ليه فى اى وقت لكن هو معملش كده يبقى هو مش وحش 

مى :- صح يا عدى معاذ وحتى اخوه وحيد ضحيه زيهم بالظبط يمكن الشرانى فيهم اللى اسمه شهاب ده لكن معاذ لاء وحتى وحيد رغم اللى عملو فى فرحه بس انا شايفه أن هو ضحيه برضه ضحية تربيه غلط من أساسها تربية حقد وغل وشر من بنأدمه متعرفش الرحمه شيطانه قدرت تضحك على الكل وتقنعهم أن ابوهم مظلوم واللى ظلمهم عمو فهد وبابا وعمو باسم وهما برضه معذورين صدقو لأنهم كانو اطفال ومش قدامهم غير أن هما يصدقو كلامها 

جاكلين :- معدش ينفع الكلام ده يا جماعه معاذ موضوع قديم واتقفل فى حياتى خلاص وبصت لابوها وقالت انا اسفه يا بابا بعد كده هتصرف بحكمه اكتر من كده عن اذنكم وسابتهم ومشيت 

مليكه :- بصت لفهد وقالت انت قسيت عليها يا فهد البنت مش متحمله واللى فيها ربنا بس اللى عالم بيه بلاش نتضغط عليها اكتر من كده

فهد :- يعنى انا فرحان بالحاله اللى هى فيها دى بس برضه خايف على قلبها من الكسره والحزن وخايف ترجع تأمن ليه من اول وجديد يكون لسه بيكمل انتقامه 

عدى :- بس حضرتك عرفت منين موضوع معاذ أن راح ليها عند الشغل هو حضرتك بتراقبها 

فهد :- مش براقبها انا معين ليها حراسه تحرسها بس من بعيد لبعيد علشان لو حد فكر يقرب منها ولا يأذيها ولما راح عندها البنأدم ده اتصلو بيا وبلغونى 

عدى :- ااااااه علشان كده حضرتك عرفت 

فهد :- وقف وقال انا ماشي سلام وخرج ركب عربيته وراح على الشركه 

عدى :- وقف وقال يلا يا مى علشان لسه هنعدى على فرحه نخدها فى سكتنا 

مى :- يلا يا قلبى وخرجو الاتنين من الفيلا ركبو العربيه وراحو الفيلا عند باسم 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا باسم 

كان الكل متجمع على سفرة الاكل 

مى :- لو حاسه نفسك تعبانه بلاش تروحى الكليه يا فرحه 

فرحه :- لاء يا ماما انا كويسه واخد الادويه بتاعتى كلها قبل ما انزل 

تيلا :- احسن حاجه عملتيها يا فرحه نزولك الكليه هينسيكى حاجات كتير وهيحسن من نفسيتك شويه 

فرحه :- صعب انسا بس قولى هيشغل وقتى شويه 

هنا :- مهما كان الخطوه اللى انتى اخديها دى مهما جدآ فى حياتك وشجاعه انك اخديها بسرعه علشان تقدرى تكملى مستقبلك ويبقى ليكى كيان وشخصيه مستقله بيكى 

فرحه :- انا لما بابا جه وقالى على اقتراح عدى أن انزل الكليه كنت متردده شويه أن انزل فى الوقت ده بس لما فكرت فيها كويس لاقتها فكره حلوه هتساعدنى كتير أخرج من الحاله اللى انا فيها دى وان الدنيا عمرها ما بتقف على حد وتملى زى ما بيكون فى الصح بيبقى فى الغلط اللى لازم نتعلم منه ومنقعش فيه تانى علشان كده وافقت أن انزل الكليه علطول 

باسم :- ربنا يريح قلبك يا حبيبتى وأشوفك متفوقه فى حياتك الدراسيه وبعدين المهنية يارب 

مى :- اللهم امين

عمار :- انا النهارده اسعد واحد فى الدنيا علشان اخواتى حبايبى رجعو يوقفه على رجليهم من تانى وطول ما هما قويين هفضل ضهرى مسنود بيكم لان وجعكم بيكسر ضهرى انا وبيوجع قلبى 

باسم :- بتريقه طلع عندك قلب ومشاعر زينا اهو وبتعرف تزعل 

عمار :- ليه حضرتك مفكر نفسك مخلف دكر بط ولا ايه

تيلا :- لاء طبعآ راجل وسيد الرجاله كمان ده انت وبابا سندنا بعد ربنا 

مى :- طبعآ ابنى احلى شاب فى الدنيا دى كلها ومدوخ وراه البنات 

عمار :- ربنا يعمر بيتك يا ام عمار بس براحه شويه مش مخلفه شاروخان يعنى 

فرحه :- والله يا عمار انت احلى واغلى من الدنيا دى بحالها 

عمار :- لاء انا كده هتغر بجد والله وانتى يا اخت الخرساء معندكيش كلمه حلوه تقوليها ليا بدل ما انتى ساكته كده 

هنا :- رجعنا للغلاسه من تانى اليومين اللى فاتو كنت مرتاحه اوى منك الصراحه ووقفت وقالت انا ماشيه 

عمار :- انتى زعلتى منى بجد انا بهزر والله 

هنا :- لاء طبعآ مزعلتش ما انا واخده على الغلاسه منك علطول ايه الجديد فى كده بس انا اتأخرت مش اكتر سلام ومشيت وسابتهم 

باسم :- خف على اختك هنا شويه بلاش الغلاسه بتاعتك عليها علطول دى 

مى :- مفهاش حاجه اخوها وبيهزر معها زى ما بيهزر مع فرحه وتيلا  

تيلا :- وقفت وقالت هنا مزعلتش يا جماعه بلاش تكبرو الموضوع على الفاضى 

مى :- رايحه الشركه 

تيلا :- ايوه وبصت لفرحه وقالت تيجى اوصلك معايه على السكه 

فرحه :- لاء انا مستنيه عدى ومى 

تيلا :- ماشى سلام وخرجت ركبت عربيتها وراحت على الشركه 

وشويه وجه عدى ومى بالعربيه وخرجت ليهم فرحه مع باسم 

باسم :- عدى براحه وانت سايق العربيه وبص لمى وقال وانتى يا مى خلى بالك منها 

مى :- متخفش يا عمو فرحه فى عينيا 

فرحه :- ركبت العربيه وقالت السلام عليكم 

عدى ومى :- وعليكم السلام 

مى :- عامله ايه دلوقتى 

فرحه :- الحمدالله 

عدى :- شاور لباسم وشغل العربيه ومشى بيها 

باسم :- بص عليهم لحد ما خرجو من باب الفيلا وركب عربيته وراح على الشركه 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا اسر 

كان التلاته قاعدين بيفطرو من غير كلام وقطع السكوت صوت يوسف وهو بيقول 

يوسف :- بابا انا عايز امشى اللى اسمه أياد ده 

أسر :- أياد مين مش فاكره

يوسف :- اللى اتعين مكان معاذ 

أسر :- اه اه وانت عايز تمشيه ليه 

يوسف :- مش مرتاح ليه فى الشغل 

أسر :- بس انا شوفت السى فى بتاعه ممتاز وهيكون أضافه كبيره للشركه 

يوسف :- يبقى انقله من مكانه 

أسر :- مش فاهم ازاى يعنى 

يوسف :- يعنى يبقى فى الاداره بس وملهوش دعوه بتنفيذ المشاريع 

أسر :- بس هو مهندس ممتاز وهينفع تيلا كتير 

يوسف:- سمع كده اتعصب وقال وهى يعنى صغيره مش هتعرف تشتغل لوحدها لازم حد يساعدها 

مها :- يوسف اتكلم عدل مع ابوك 

يوسف :- انا اسف يا بابا بس اساسآ انا مش موافق على شغل تيلا معايا فى الشغل 

أسر :- وانا عارف ايه اللى مفروض يحصل وايه لاء والكلام اللى قولته فى الاجتماع بتاع أمبارح هو اللى هيمشى فاهم 

يوسف :- وقف وقال اللى تشوفه يا بابا عن أذنكم ومشى وسابهم 

مها :- انت حسيت اللى انا حسيته 

أسر :- قصدك أن يوسف غيران على تيلا من أياد 

مها :- ايوه واضحه الغيره عليه اوى وهو بيتكلم 

أسر :- بس ربنا يهديه احسن ده بنأدم متهور وعصبى وممكن يقتل أياد ده لو ضحك ضحكه واحده لتيلا 

مها :- عندك حق والله انا مش عارفه الولا ده طالع عصبى ومتهور كده لمين لا أنا ولا انت كده 

أسر :- ربنا يهديه

مها :- يارب 

وفى الوقت ده دخلت مليكه وأيمن 

مليكه :- طلعت تجرى على مها وحضنتها وقالت ماما واحشتينى اوى اوى 

مها :- ضمتها وقالت انتى اكتر يا حبيبتى 

مليكه :- راحت عند اسر واترمت فى حضنه وقالت بابا حبيبى عامل ايه 

أسر :- بسها من راسها وقال الحمدالله يا قلبى انتى عامله ايه شكلك احلوتى اكتر على الجواز 

مليكه :- اتكسفت ووشها احمر 

أيمن :- سلم على مها وأسر وقال شكلك يا طنط كنتى بتتوحمى فيها على طماطم كتير كل حاجه تتكسف و خدودها تحمر 

مها :- مليكه طول عمرها خجوله جدآ عكس اختها التوأم مى جريئه بكتير عنها 

أسر :- انا اللى ابوها كنت لما اهزر معها تتكسف ووشها يحمر كده 

أيمن :- حضرتك هتقولى انا جربت الكسوف بتاعها ده من يوم الفرح نيمتنى على الكنبه اقسم بالله 

مها وأسر :- ههههههههههههههه

مليكه :- أحم خ.خ.خالص بقى انت كل شويه هتحكى الموضوع ده 

أيمن :- لاء خلاص مش هتكلم فيه نهائى بس بلاش زعلك احسن زعلك وحش اوى 

مليكه :- شايف يا بابا بيتريق عليا أزاى 

أسر :- يا عبيطه ده بينكشك علشان بيحبك أسألى امك كنت بعمل فيها اكتر من كده كمان

مها :- هتتغدو معانا النهارده

مليكه:- اه والنبى يا أيمن وبالمره نتصل على سمر ومى ونتجمع مع بعض زى زمان واحشنى اوى ويوسف كمان واحشنى اوى اوى 

مها :- للاسف سمر مش هينفع تيجى علشان عقبالك يارب حامل 

مليكه :- بفرحه حامل بجد طيب ليه محدش قالى 

مها :- محدش بيرضى يتصل بيكم علشان انتو لسه عرسان جداد ومنغلسش عليكم 

مليكه :- احم و.و.ومى عامله ايه 

مها :- الحمدالله كويسه نزلت الكليه بقالها كام يوم اهى 

مليكه :- كلها كام يوم وهرجع تانى الجامعه المهم يوسف عمل ايه مع تيلا 

أسر :- تعال معايه يا أيمن وسبهم هما يحكو مع بعض 

أيمن :- تعال يا عمى وخرجو الاتنين فى الجنينه 

مها :- اخوكى يوسف حاله بقى حال رجع يوسف القديم اللى قبل ما تيلا ترجع ليه وبقى علطول عصبى ومش بيتكلم كتير وعلطول حابس نفسه فى اوضه 

مليكه :- طيب ليه كله ده تيلا عملت كده علشان تنقذ جواز سمر يعنى مغلطتش 

مها :- بأستغراب سمر ومال سمر وجوازها بالموضوع 

مليكه :- ليه هو انتى متعرفيش ده بابا عارف أيمن حكا ليه كل حاجه 

مها :- ابوكى كمان عارف طيب قوليلى شكلى انا اخر من يعلم فى البيت ده 

مليكه :- الموضوع كله أن الشاب اللى كان مع تيلا ده فى الكليه مع سمر وفريد وتليفون سمر راح منها وهو اللى اخده وكانت مصوره فيديو ليها يوم الصباحيه وهى بقميص النوم وبتبوس فريد طبعآ الشخص ده ما بينه وبين سمر وفريد عداوه وفى نفس الوقت الناس اللى كانو متبنين تيلا كاتبين الورث كله بأسمها وعمها بالتبنى عايز ينتقم منها اتفق مع نفس الشخص ده أن يوقع يوسف وتيلا فى بعض عن طريق الخيانه ويوسف يشوفهم مع بعض ويقتلها المهم الشخص ده اتصل بتيلا وهددها بالفيديو بتاع سمر لو مرحتش ليه هينشر الفيديو ده فى الجامعه بتاعة سمر تيلا خافت على جواز سمر وفريد راحت ليه وحصل اللى حصل 

مها :- بصدمه يعنى اللى حصل لاخوكى ده بسبب تهور اختك سمر والبنت الغلبانه دى راحت فى الرجلين 

مليكه :- أيمن قال لبابا بس مرضاش يحكى حاجه ليوسف عن الفيديو قدام فريد علشان متحصلش مشكله تانيه ما بين فريد وسمر 

مها :- يعنى اخوكى ميعرفش حاجه عن الفيديو ده 

مليكه :- لاء 

مها :- اخوكى لازم يعرف بدل ما هو ظالم تيلا وهى كانت نيتها تنقذ شرف وبيت أخته ومسكت التليفون علشان تطلبه 

أسر :- سيبى التليفون يا مها 

مها :- لاء انا مش هعمل زيك ابقى عارفه الحقيقه وساكته 

أسر :- ابنك هيعرف كل حاجه بس فى وقتها 

مها :- طيب افهم انت ليه مش عايزه يعرف دلوقتى 

أسر :- كده ابنك لازم يدفع تمن تهوره وغلطه فى حق تيلا لما نزلها بالقميص 

مها :- غصب عنه راجل وشاف مراته كده عقله اتغيب عنه واتصرف بعصبيه أى حد مكانه كان هيعمل كده 

أيمن :- يوسف هيعرف كل حاجه يا طنط بس فى الوقت المناسب 

مليكه :- انا ليه حاسه انكم متفقين على حاجه مع بعض 

أيمن :- احم ه.ه.هنتفق مع بعض على ايه كل الحكايه أن ابوكى عايز يأدبه شويه علشان بعد كده ما يتهورش 

مها :- هان عليك يوسف يا أسر تشوفه متعذب كده وسايبه قلبك موجعكش عليه وهو بيعيط بالدموع 

أسر :- اللى بعملو معاه دلوقتى علشان ينفعه بعد كده فى حياته لازم ابنك يحس بضياع تيلا من أيده علشان يحافظ عليها بعد كده

مها :- انا مش مقتنعه باللى بتعملو ده يا أسر 

أسر :- وانا عارف بعمل أيه يا مها 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا فارس 

كان كريم نايم فى اوضه على سريره وسرحان بيفكر فى ولاء وفى الوقت ده دخلت عليه جومانه وقعدت جنبه على السرير وهو مش حاسس بحاجه نهائى 

جومانه :- مشيت ايديها قصاد عين كريم 

كريم :- ولا كان حاسس بحاجه 

جومانه :- كريم يا كريم يا كررررررررررريم 

كريم :- بخضه بسم الله الرحمن الرحيم فى ايه يا اما 

جومانه :- ايه شوفت عفريت 

كريم :- عفريت ايه فشر ده انا كده هظلم العفريت والله

جومانه :- وحياة امك وضربته بالقلم 

كريم :- حط أيده على وشه وقال انتى ايدك دى ايه مرزبه 

جومانه :- فى ايه مالك بقالك ساعه سرحان ولا انت هنا بتفكر فى ايه يا حيلة امك 

كريم :- يعنى انتى متخيله بعد كلمة يا حيلة امك دى هتكلم واقول حاجه 

جومانه :- خلاص بلاش يا حيلة امك خليها يا قلب امك ياعمر امك يا روح امك 

كريم :- هو روح امك دى مش تمام بس ماشى هقولك 

جومانه :- ما تقول انطق اخلص 

كريم :- عنيفه اوى الست دى

جومانه :- اقسم بالله لو منطقتش لكون قلعه الشبشب ومقطعه عليك 

كريم :- خلاص خلاص هقول اهو انا عايز اتجوز 

جومانه :- مش ده المسلسل بتاع هند صبرى اللى كان بيجى فى رمضان 

كريم :- قعد وربع رجله وقال احلفى 

جومانه :- اه والله وكانت بيتقدم ليها عرسان كتير ومكنتش بتم الجوازه فى الاخره 

كريم :- لا والله وايه كمان قولى يا اوختشى 

جومانه :- وامها كانت هتموت وتجوزها وا

كريم :- قطعها ولطم على وشه وقال نهار اسود ومنيل على سنينى السوده هند رستم مين وصبرى مين بقولك انا عايز اتجوز 

جومانه :- نععععععععععععم يا روح امك ده اللى هو ازاى مش لما تخلص دراستك الاول يا فاشل ابقى فكر فى الجواز يا موكوس    

كريم :- لا بقولك ايه مليش دعوه بكلام الستينيات ده انا مش صغير واقدر اعتمد على نفسى وادرس واشتغل كمان بس جوزينى ابوس ايدك وربنا انتحر من فوق السرير وأقول إن امى السبب 

جومانه :- ومين دى اللى قلبت حالك بين يوم وليله وخلتك تتجوز على نفسك كده 

كريم :- وقف وقال ملاك يا ماما حوريه من الجنه تقول للقمر قوم وانا اقعد مكانك بنت بمليون راجل بحس للاسف أن فيها منك كتير مسترجله كده وشخصيتها قويه بس كلها انوثه تسحر قلوب الناس كلها من حلاوتها 

جومانه :- هيييييييييح 

كريم :- هيييح ايه هو انا بفتح ازازة كاكولا 

جومانه :- ومين دى اللى بتقول فيها الشعر ده 

كريم :- صاحبة مليكه ومى فى الكليه بنات عمى أسر واخت جوز مليكه 

جومانه :- وماله نر وسكتت فاجئه وقالت صاحبة مين 

كريم :- مى ومليكه  

جومانه :- يعنى معاهم فى نفس السنه وقدهم فى السن

كريم :- ايوه

جومانه :- يالههههههههههوى يا خيبت املك فى ابنك يا جومانه 

فارس وبسمله جم يجرو على صوت جومانه 

فارس :- بخضه ايه فى ايه 

جومانه :- تعال شوف خيبت ابنك 

كريم :- فى ايه بس يا ماما 

جومانه :- حدفته بالشبشب وقالت بقى يا موكوس يا ابن الموكوسه من قلة البنات عايز تتجوز واحده اكبر منك 

كريم :- فيها ايه بس يا ماما وبعدين دى كلها سنه او ممكن اقل كمان ومش باين عليها اصلا ده اللى يشوفنى ويشوفها يقول ان انا أكبر منها بكذا سنه ده هى كلها شبر ونص مش باينه من الأرض 

فارس :- ما تفهمونى فى ايه بدل ما انا واقف شبه الاطرش فى الزفه 

جومانه :- ابنك سبع الرجال بيحب واحده صاحبة مى ومليكه من سنهم وعايز يتجوزها يعنى هى اكبر منه بسنه 

كريم :- طيب قولها انت يا بابا ايه المشكله فى كده 

فارس :- انا شايف انك مكبرها يا جومانه هو حر هو اللى هيتجوزها وهو اللى هيعيش معها شغله بالك انتى بيهم ليه 

جومانه :- مستحيل هقبل ان ابنى يتجوز واحده اكبر منه من همه هياخد قد أمه طيب هتحس برجولتك ازاى وهى اللى اكبر منك ده انت هتحس انها امك يا موكوس 

كريم :- امى ايه بس على سنه وبعدين الرجوله ملهاش دعوه بالسن يا ماما وانا لما بشوفها بحس العكس انها بنتى الصغيره كمان وانا بحبها ومش هتجوز غيرها 

جومانه :- وانا مستحيل هرضى بالجوازه دى يا كريم وسابتهم ونزلت 

بسمله :- نزلت وراه امها علشان تهديها 

كريم :- عجبك يا بابا اللى ماما بتعملو ده 

فارس :- سبها ليا لما تهدا ابقى اكلمها بس انا مش موافق على حكاية الجواز دلوقتى انت لسه صغير يا كريم على كده انا من رأي لما تخلص تعليمك الاول ابقى فكر فى الجواز 

كريم :- صغير ايه يا بابا بس وبعدين انا اقدر ادرس واشتغل فى وقت واحد وافتح بيت 

فارس :- يا حبيبى الجواز من بوس واحضان بس زى ما انت مفكر الجواز يعنى مسؤوليه ويعنى واحده هتكون مسؤوله منك وعيال ربنا هيكرمك بيها واسره بتكبر ومحتاجه وقت وجهد اكبر 

كريم :- عارف يا بابا كل ده بس انا بحبها وحضرتك عارف ان عمرى قلبى ما دق لواحده علشان بخاف عليه وما صدقت لاقيتها وخايف تضيع منى 

فارس :- طيب هى كمان فى كليه صح 

كريم :- ايوه كلية صيدله مع مى ومليكه وفرحه 

فارس :- معنى كده أن هى كمان مشغوله بدرستها 

كريم :- مش هتكون لا اول ولا اخر واحده اتجوزت وهى بتدرس 

فارس :- ممكن نعمل حل تانى 

كريم :- ايه هو 

فارس :- اخطبها ليك والجواز بعد التخرج ايه رأيك وبكده انت هتتخرج قبل منها لأنك تجاره وهى صيدله وتكون ظبط نفسك فى السنه دى 

كريم :- طيب قول حتى كتب كتاب والفرح بعد التخرج 

فارس :- ماشى يا ابن فارس ما انت مش هتجيبو من بره طالع لابوك فى زمانه 

كريم :- بس لسه عندنا مشكلة ماما 

فارس :- سبها ليا انا هقنعها 

كريم :- ربنا يستر يا حاج 

فارس :- يلا قوم البس هدومك علشان متتأخرش على الكليه بتاعتك 

كريم :- هوا خد بس الباب فى ايدك اللهى يسترك 

فارس :- راح عند الباب وقال الله يكون فى عون البنت دى منك الصراحه وخرج وقفل الباب وراه 

كريم :- عقبال ما ربنا يهديكى انتى كمان ياللى اسمك ايه الا دماغك ناشفه زى امى تمام وقام دخل الحمام اخد شاور واتوضه وخرج لبس هدومه واده فرضه ونزل 

جومانه :- اول ما شافت كريم بصت ليه بغيظ وسابتهم وطلعت اوضتها 

بسمله :- ماما أقامة عليك الحد ههههههههههههههههه

كريم :- زغرطى يا انشراح خدى شهر بقى على ما ترضه عنى وتكلمنى 

فارس :- متقلقش انا يومين كده وتهدا واكلمها 

كريم :- اهو انا مش خايف وقلقان غير من ثقتك الزياده فى نفسك دى شكلك هتسوحنى يا ابو الفوارس وسابهم ومشى 

بسمله :- هههههههههههههههه

فارس :- ماشى يا جزمه ابقى شوف مين هيقف جنبك يا واطى 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى مستشفى الامراض العقليه

كان جاسر قاعد مع مازن وقال 

جاسر :- محمد كلم الدكتور وقال إن هو هيكتب ليك على خروج بشرط الزياره الاسبوعيه للدكتور والانتظام فى الاعلاج ولو حصل اى تغيرات فى السلوك عند حضرتك تيجى فورآ هنا 

مازن :- إن شاءالله مش هيحصل حاجه بس امته الخروج 

جاسر :- بكره 

مازن :- وليه مش النهارده 

جاسر :- علشان النهارده الدكتور هيعمل لحضرتك جالسه ويقعد معاك يأهلك للخروج من المستشفى للعالم الخارجى 

مازن :- ماشى اهو برضه اجهز الشنطه بتاعتى واجهز نفسى 

جاسر :- وقف وقال متتعبش حضرتك انا هخلص النهارده الكليه وهاجى احضرها ليك 

مازن :- ربنا يحميك ويحرسك لشبابك يا ابنى 

جاسر :- باس راسه وقال ويخليك ليا يارب وبعدين قال انا همشى بقى علشان متأخرش سلام 

مازن :- مع السلامه يا حبيبى 

جاسر :- خرج من المستشفى ووقف تاكسى وراح عند مدرسة بسمله 

بسمله :- كانت لسه وصله واتفاجئت بوجود جاسر 

جاسر :- راح عندها وقال عامله ايه 

بسمله :- ك.ك.كويسه خير فى حاجه 

جاسر :- لاء ليه 

بسمله :- علشان جاى ليا عند المدرسه 

جاسر :- بصى انا عارف ان غلط اجى ليكى هنا بس واحشتينى اوى وجيت اشوفك وامشى علطول  

بسمله :- اتكسفت ومردتش عليه 

جاسر :- هو انا مش واحشك ولا ايه 

بسمله :- احم ج ج.جاسر مش هينفع وقفتنا كده فى الشارع غلط ولو حط شفنا وقال لبابا ولا لكريم مش هيحصل كويس 

جاسر :- انا اسف والله عمرى ما كنت متهور كده بس حبى ليكى بيخلينى اعمل كده علشان بتوحشينى 

بسمله :- جاسر احنا اتفقنا اننا ننتبه لدرستنا الاول وبعد ما نحقق اللى احنا عايزينه نفكر فى الحب والارتباط 

جاسر :- عارف وانا قولت مش هفتحك فى الموضوع ده تانى دلوقتى لحد ما تدخلى الكليه اللى بتحلمى بيها وانا علشان بحبك هدعمك انك توصلى لحلمك بس برضه الاشتياق ده مش بأيدينا غصب عنى بتوحشينى وببقى هتجن ونفسى اشوفك 

بسمله :- بكسوف احم ا.ا.انا لازم امشى علشان متأخرش اكتر من كده على المدرسه

جاسر :- ماشى خلى بالك من نفسك 

بسمله :- ح.ح.حاضر ومشيت وهى فرحانه بحب جاسر ليها 

جاسر :- قعد يبص عليها لحد ما دخلت المدرسه ومشى وقف تاكسى وراح على الجامعه بتاعته

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى كلية هنا 

وصلت هنا الكليه وراحت عند مكتب محمد وخبطت على الباب ودخلت لاقت مجموعة بنات قعدين بيتكلمو مع محمد وبيضحكو وبيهزرو معاه 

محمد :- تعالى يا هنا 

هنا :- بصت ليهم بغيظ ودخلت قعدت على الكنبه

بنت من الموجودين :- بجد حضرتك دمك زى العسل وطريقة كلامك معانا كأنك مننا طالب زينا مش الدكتور بتاعنا 

محمد :- شكرآ ليكى وانا من اول يوم دخلت هنا قولتلكم اننا كلنا اسره واحده مفيش حكاية دكتور وطالب دى 

واحده تانيه :- يابخت اللى هتتجوز حضرتك هتكون محظوظه بجد 

محمد :- بص على هنا وقال احم ش ش.شكرآ

البنات وقفو 

واحده تانيه:- عن أذن حضرتك بقى هننزل علشان منعطلكش اكتر من كده وشكرآ على مساعدة حضرتك لينا وخرجو وقفلو الباب وراهم 

محمد :- قام وقعد جنب هنا وقال عامله ايه 

هنا :- بغيظ كويسه

محمد :- عرفتى اخر الاخبار 

هنا:- بصت ليه ومردتش عليه 

محمد :- مش خالو هيخرج بكره من المستشفى 

هنا :- والله

محمد :- اه والله انتى مش فرحانه أن ابوكى هيخرج من المستشفى ولا ايه 

هنا :- وقفت وقالت لاء فرحانه عن اذنك ولسه هتمشى 

محمد :- وقف قدامها منعها من المشى وقال مالك يا هنا 

هنا:- مفيش واوعى من سكتى 

محمد :- وانا اول مره اتكلم معاكى يعنى طريقة كلامك متغيره معايا فى ايه 

هنا :- معلش هى دى طريقة كلامى الجديده ولو مش عجباك روح اتكلم مع البنات المفرفشه اللى كانت هنا من شويه 

محمد :- عرف أن هنا غيرانه عليه ومقدرش يمسك نفسه من الضحك وقال هههههههههههههههه انتى هههههههههههه بتغيرى عليا هههههههههههههههه

هنا :- لاء وانا هغير عليك ليه اياكش تولع معاهم انا مالى وسابته ولسه هتمشى 

محمد :- طلع يجرى عليها ومسكها من دراعها وقال تعالى هنا يا مجنونه 

هنا :- بعصبيه سيب دراعى يا محمد 

محمد :- ههههههههههههههههه

مش قادر اقولك انا فرحان قد ايه وانا شايف الغيره فى عنيكى 

هنا :- زقته وقالت مستفز وخرجت من الاوضه وهى حابسه الدموع فى عينيها 

محمد :- بص عليها لحد ما اختفت ونزل وراها ودخل المحاضره وقال السلام عليكم 

الطلاب :- وعليكم السلام 

محمد :- قبل ما ابدأ اى حاجه عايز اقول كلمتين واشاركم فرحتى انا بحب واحده هنا زميله ليكم و الصراحه مش غريبه عنى هى بنت خالى 

هنا :- بصت بصدمه على محمد واتكسفت ووشها احمر ووقفت وقالت ع.ع.عن اذن حضرتك انا لازم أخرج حالا

محمد :- طيب تعالى لحظه 

هنا :- وقفت مكانها ومصدومه ومش عارفه تعمل ايه 

محمد :- راح عندها ومسكها من ايديها ونزل وقف بيها وقال الانسه هنا تبقى بنت خالى وحبيبتى وان شاءالله الخطوبه هتكون قريب جدآ وطبعآ كلكم هتكونو معزومين 

هنا :- حست أن قلبها هيوقف عليها من كتر الكسوف ورجليها مش قادره تقف عليها 

محمد :- حس بهنا قال وعلشان المناسبه السعيده دى النهارده مفيش محاضره 

الشباب قعدت تصفر ليهم 

والبنات كانت بتحقد على هنا ومتغاظه 

محمد :- اخد هنا وخرج بيها وبصلها وقال بحبك يا مجنونه ومفيش ولا واحده فى الدنيا دى تملا عنيا 

هنا :- سحبت ايديها من ايد محمد وقالت بكسوف ا.ا انت ايه اللى عملتو ده هبص فى وشهم ازاى بعد كده 

محمد :- عملت ايه الحب لا عيب ولا حرام وبعدين الكل عرف انك بنت خالى وخطيبتى ومحدش هيقدر يبصلك بعد كده ولا بصه والبنات تعرف أن انا بحب اجمل وارق واحده فى الدنيا دى كلها 

هنا :- اتكسفت وبصت فى الارض 

محمد :- بعشق كسوفك ده اوى 

هنا :- احم بس انت نسيت ماما مستحيل هتوافق على الجوازه دى 

محمد :- سبيها على ربنا وان شاءالله ربنا هيحلها من عنده 

هنا :- ونعمه بالله 

محمد :- تعالى نروح عند خالو فى المستشفى 

هنا :- بس انا لسه عندى محاضرات تانيه بقالى كتير محضرتهاش علشان بروح عند بابا 

محمد :- تعالى وانا هبقى اجيب ليكى الملخص بتاع اللى فات وبتاع النهارده 

هنا :- ماشى 

وخرحو الاتنين ركبو العربيه وراحو على المستشفى 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى كلية مى وفرحه 

وصلهم عدى بالعربيه ومشى بعد ما اطمن عليهم انهم دخلو 

فرحه :- اول ما شافت الكليه وافتكرت ايام وحيد دموعها نزلت منها 

مى :- انسى يا فرحه اهو اخد نصيبه من اللى حصله من ابوكى وعمو فهد 

فرحه :- حطت ايديها على بطنها وقالت بدموع انسا ازاى وانا جوايا حته منه بتفكرنى بيه 

مى :- تعرفى أن احنا مع بعض فى كليه واحده واول مره نتجمع مع بعض فيها تملى كنتى قاعده معاه وكنا نشوف وشك صدفه فى الكليه 

فرحه :- علشان هو كان بالنسبالي الدنيا بحالها كنت افتح عينى على صوته اجى الكليه اقعد معاه طول الوقت امشى من الكليه نقعد نتكلم مع بعض لحد النوم مكنتش شايفه حد قصادى غيره هو وبس

مى :- حتى هو مكنتش اعرفه خالص رغم أن هو معانا فى نفس الكليه 

فرحه :- هههههه بس هو كان عارفكم كلكم انا كنت مفكره أن هو عارفكم علشان خاطرى انا اتاريه كان عارفكم علشان الخطه بتاعته تمشى صح 

مى :- بكره مليكه تنزل الكليه وهعرفك على ولاء صاحبتنا وهنقضى احلى سنين عمرنا مع بعض فى الكليه دى 

فرحه :- بضحكة انكسار إن شاءالله 

وفى الوقت ده جت ولاء وقالت 

ولاء :- نهارك اسوح ومنيل انتى بتصحبى بنات من ورايا ولا ايه يا ميوش 

مى :- اهى تجيبى فى سيرة القط تلاقيه ينط اهى دى ولاء اللى لسه بقولك عليها وبصت لولاء وقالت دى بنت خالتو مى 

ولاء :- سلمت عليها وقالت انتى مستجده هنا يعنى جديد 

مى :- لاء يا بت هى هنا من زمان بس مكناش بنتقابل كتير مع بعض 

ولاء :- اه يا واطين يعنى ليكم بنت خاله هنا ومحدش قال 

مى :- خلاص بقى يا ست اللتاته 

فرحه :- شكلك دمك خفيف

ولاء :- ياااااا ده انتى معاكى برميل عسل مركز يابنتى 

فرحه ومى :- ههههههههههههههه

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، 

فى شركة أسر 

وصل يوسف الشركه ودخل مكتبه وطلب السكرتيره انها تدخل ليه وبعد شويه دخلت السكرتيره وقالت 

السكرتيره :- تحت أمرك يا فندم 

يوسف :- مدام تيلا جت 

السكرتيره :- لاء لسه يا فندم

يوسف :- احم وأستاذ أياد السكرتيره:- لسه يا فندم

يوسف :- احم ماشى اطلبى ليا فنجان قهوه ساده وهاتى ليا الأوراق اللى محتاجه تتمضه

السكرتيره :- حاضر يا فندم عن أذنك 

يوسف:- قعد يفكر فى غياب تيلا فى نفس الوقت غياب أياد خرج من المكتب بتاعه وراح عند الاسانسير علشان ينزل يشوف اذا كان هيجى أياد لوحده ولا مع تيلا لكن فى الوقت ده باب الاسانسير اتفتح وخرجت منه تيلا وأياد 

يوسف :- وقف مكانه مصدوم لما شاف الاتنين جاين مع بعض وفكر أنهم كانو مع بعض بره 

أياد :- صباح الخير يا أستاذ يوسف 

يوسف :- مردش عليه وبص لتيلا بغيظ 

تيلا :- اتجاهلته ولسه هتمشى 

يوسف :- انتى يا هانم يا محترمه لازم تعملى حساب سمعت الشركه بدل ما انتى مقضيها كده

تيلا :- بصت ليه بصدمه وقالت الكلام ده تقصد بيه انا 

يوسف :- وهو فى حد غيرك مقضيها 

تيلا :- قربت منه وزقته وقالت انا محترمه غصب عنك ومش انا اللى بتقضيها يا أستاذ وبخاف على سمعتى اكتر كمان ما بخاف على سمعت الشركه 

يوسف :- بأمارة ما انتى متأخره على الشغل وكنتى بتتمشى مع البيه بره 

أياد :- بس انا قبلتها هن

تيلا :- قطعته وقالت ثوانى يا أستاذ أياد وبصت ليوسف وربعت أيديها على صدرها وقالت وده يخصك فى أيه اذا كنت بقابل أستاذ أياد ولا غيره انا حره على فكره أقابل اللى أقابله مدام خارج مواعيد العمل الرسميه انا مش صغيره وعارفه بعمل أيه وبصت ليه من فوق لتحت ومشيت وسابته 

أياد :- انا قابلتها ه

يوسف :- قطعه وقال ممكن مسمعش صوتك وامشى دلوقتى حالا من قدامى بدل ما أدفنك مكانك 

أياد :- خاف ومشى على مكتبه 

يوسف :- بص على باب المكتب بتاع تيلا وراح عنده وفتح الباب ودخل وقفله بالمفتاح 

تيلا :- كانت حطه راسها من التعب على المكتب واتفاجئت بدخول يوسف عليها قالت بعصبيه انت يا بنأدم ازاى تدخل عليا مكتبى كده من غير ما تخبط بس اتصدمت لما شافت يوسف قفل الباب بالمفتاح قالت بتوتر ا.ا انت بتقفل الباب بالمفتاح ليه 

يوسف :- وهو بيقرب منها انتى عايزه ايه بالظبط وصلتينى لأقصى درجات العصبيه 

تيلا :- بتوتر وانا هعوز منك ايه انت اللى وقف ليا على الواحده شلنى من دماغك وانت اعصابك تهدا 

يوسف :- وهو بيدوس على سنانه ما هو لو انتى ماشيه صح مكنتش حطيتك فى دماغى لكن انتى ماشيه غلط ومش همك سمعة العيله 

تيلا :- رجعت لوراه وقالت وانت مش واصى عليا انا حره واعمل اللى انا عايزاه 

يوسف :- وهو بيقرب عليها بلاش تقولى كلام يعصبنى اكتر 

تيلا :- انا مش بخاف على فكره وفى الوقت ده ضهرها خبط فى الحيطه 

يوسف :- قرب منها اوى ونزل على شفايفها وبسها بعنف لدرجة أن شفايفها نزلت دم

تيلا :- حاولت تبعده عنها معرفتش وكانت بتتألم من شفايفها وبعد معاناه قدرت تبعده عنها ورفعت ايديها وضربته بالقلم 

يوسف :- اتصدم من مدت ايد تيلا على وشه حط أيده على خده وقال بتمدى ايدك عليا 

تيلا :- وهى بتمسح الدم من على شفايفها قالت بدموع انت مش بنأدم انت حيوان انا بكرهك بكرهك 

يوسف :- ماشى يا تيلا انا هعرفك مين يوسف لو مكنتش اخليكى تندمى على اللى عملتيه ده مبقاش انا وبص ليها بتوعد وراح فتح الباب وخرج 

تيلا :- بصت عليه لحد ما خرج ودموعها نزلت منها وقالت بنأدم مستفز وحيوان انا معرفش كنت مخدوعه فيك أزاى وقعدت على الكرسى بتعب وحطت ايديها على بطنها وقالت مستحيل هسمح للحيوان ده أن هو يربيك مستحيل 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى إحدى الشقق بالاسكندريه 

كانت روان نايمه فى حضن راجل كبير بلبس يظهر جميع مفاتنها وبتقول 

روان :- امته هتنفذ وعدك ليا يا باشا 

ابو انس :- وهو بينفخ دخان السجار فى وشها قريب اوى هانت خلاص 

روان :- تسلميلى يارب ياباشا 

أبو أنس :- وكل ما هتمتعينى كل ما هحقق ليكى كل اللى بتتمنيه 

روان :- كل اللى بتمنا أن اشوف اللى اسمها مى دى مرميه تحت رجلى وبتترجانى أن ارحمها من العذاب اللى هتكون فيه 

ابو انس :- لاء دى حاجه بسيطه بس مستنين الوقت المناسب 

روان :- وطبعآ مش هتستخسر فيا فيلا صغننه بأسم رورو حبيبتك  

أبو أنس :- وهو بيمشى أيده على رجلها العريانه من بكره تكون عندك احلى فيلا فى اجمل مكان فى اسكندريه 

روان :- بضحكة دلع هههههههههه وانا عيونى علشان خاطر الباشا ده انت اللى شغلت القلب من اول ما شوفتك فى المطعم وغمزتلى وقربت منه و(فعلو ما حرمه الله😠😠😠 )

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،