رواية احببتها متمرده الفصل الثالث بقلم جمانه السعيدي
سدن رجعت للبيت ضايجه كلوش
اكثر شي ضايجه من كلام رائد حسيته هاني وقلل من كرامتي واني مامتعوده احد يكلمني بهاي الطريقه
منو هو حتى يحجي وياي بهاي الطريقه
بعد ما رست مناقصة المدينه السكينه على ابو سدن
ولان بيها أرباح خياليه
كامت تجي تهديدات
لو تتخله عن المشروع لو نقتلك
التهديد كانت واضح من الشركات االمنافسه
بلبداية عرض علي مبلغ مالي حتى يقبل يترك المشروع
بعدين بدت تجي تهديدات واضحه
الناس الي تملك أموال ونفوذ مايهمه حياة البشر ابد
اهم شي عدهم الفلوس
رائد اني بموقع العمل وخابرني ابو سدن تركت الشغل ورحت للشركة
وصلت وكان ابو سدن مو على بعضه ابد
ابو سدن رائد ابني اني ما اثق بواحد غيرك ابد
.....شكو خير شصار
...اجاني تهديد يردون اعوف مشروع المدينه السكنيه
.... واذا هددوووء شني يعني احنا مانخاف منهم ابد
....مو مسئلة خوف ابد بس ذوله ناس واصلين وعلمود الفلوس كلشي يسوون
اذا تركت المشروع الهم راح يستغلونا واي مشروع ثاني يعجبهم راح ياخذونه من عدنا
هم قصدهم يقضون على شركتنا لان شركه ناجحه
واذا مارديت عليهم اتوقع منهم الغدر بكل لحضه
ممكن يقتلوني
جمانه السعيدي
...لاتكول هييج شني الدنيا سايبه احنا نمشي بلمشروع
ونكمل ولي يكدرون على خل يسوون
اذا عفنه المشروع الهم راح تنهز ثقة الناس بينا
وعملائنا راح يعوفونه
احنا نكمل ونثبت جدارتنا واسم شركتنا لازم يبقى عالي
.ابو سدن ..اني هم اكول هيج بس تحسبا لاي شي ممكن يصير
اني دزيت على المحامي
راح اسويلك توكيل شامل بكل شي
اذا لاسامح الله وصار شي انت اريدك تدير الشركه وكل شي
لان انت الوحيد الي اكدر اثق بي واسلمه ركبتي
وبعد اريد اامنك امانه واعرف انت كدها ومراح تخذلني ابد
سدن زغيره وطايشه ومحد راح يكدر يعدله غيرك
اعرف انت ما مقتنع بلموضوع ابد
بس ماليه احد غيرك اثق بي
آريد اطلب منك طلب
آريد تعقد عليه ومراح اكلك هسه ازوجه اخذ وقتك الكافي سنه سنتين
واذا شفت نفسك ماتريدها عوفه لان اني ما اكدر اغصبك تزوجها ابد
رائد......شنو رائيك تجيبه تشتغل ويانه بلشركه
....وهي شتفتهم من شغل الشركه
...ماكو واحد طلع من بطن أمه كلشي يعرف التجارب هي الي تعلم البشر
جيبها واني افرغ نفسي واعلمه شويه شويه منا لمن تتعلم
يعني نخليها على تجهيز الطلبات
او تسجل بيانات العملاء نخليها على الحسابات
طبعا هي راح تعبنا بس نتحمل ونصبر عليها منا لمن تتعلم
وبلاخير هاي الشركه شركته
اكيد اذا تعلمت راح تلزم الشركه وتكون حريصه على حلاله
وتحافظ علي
جمانه السعيدي
....... ولله اذا علمته يارائد وخليته تلتزم
صدك انت انسان عضيم راح تشيل همه وهم مستقبله مني
رائد ..... بس عندي شروط للعمل
....كول شني شروطك
..... تتركلي حرية التصرف وياها
يعني تنضبط بالدوام ومآ اريد دلع
ومآ اريدد استهتار بلعمل
وماكو مصروف اله تنجز العمل يله تاخذ مصروف
حتى تحس بقيمة الفلوس وتحافظ عليه
.....اني موافق على كل شروطك
شويه واجا المحامي وفعلا ابو سدن سوالي توكيل بادار ة كل أمور الشركه
هذا التوكيل سر محد يعرف بي بس اني وأبو سدن والمحامي
ابو سدن رجعت للبيت وقررت اقنع سدن بلزواج وبلعمل
تعاي بابا اريد احجي وياج بموضوع مهم
خلي امج تجي تسمع الكلام اريدها تشهد على كلامنا
سدن تفضل بابا
....تحبيني
....اكيد احبك واموت عليك ليش تسئل
....اني هم حرمتج من شي بيوم من الايام
....لا ابد
...اني رجال عصامي بنيت نفسي بنفسي وتعبت يله جمعت هاي الثروه واكيد الفضل الاول والاخير الرب العالمين
اني بحكم عملي وخبرتي اعرف مصلحتج زين
اني رست عليه مناقصه كلش مهمه وراح نحصل من وراها
ملايين شركتنا مقدمه افضل عرض
طبعا الفضل يرجع التصاميم الي قدمها رائد
الشركات المنافسه ماعجبهم العرض يرسا علينا
وجاي يهددوني بلقتل اذا ماتركت هاي المناقصه
ام سدن.....يمه قتل معقوله توصل للقتل
ابو سدن خل اكمل وبعدين احجي
اني هسه عندي طلبين من سدن واذا اني ابوها وتحبني وتحترمني تنفذها بدون نقاش
لان اني اعرف مصلحته اكثر منه
الطلب الاول اريد تعقد هي ورائد والزواج يتاجل لمدت سنه سنتين اذا ما اتفقت هي ويااا
اني أفصخ هذا الارتباط
سدن اني مستحيل ازوج هذا المعقد
ابو سدن اني راح انطيكم فتره واحد يختبر الثاني إذا ماتتراهمون اني بنفسي افصخ الزواج
والطلب الثاني تجين تشتغلين بلشركه ويانه
سدن واني شعرف من شغل الشركه
ابو سدن رائد راح يعلمج منا لمن تستلمين الشغل
سدن استلم شغل الشركه كله
ابو سدن اي طبعا هذا حلالج وانتي اولى ديرينه
اذا انتي بنتي واليه معزه عندج توافقين
وتخليني ارتاح شويه
جمانه السعيدي
سدن اوكي موافقه بس عقد بدون زواج واي وقت اكول ما اريده يطلع من حياتي ومن الشركه كله
ابو سدن موافق بس تنطينه مجال سنه كامله وبعدين تقررين
سدن اوكي اكول بكلبي اله اشرده من الشركه ومن حياتنا كله
ثاني يوم ابو سدن بلشركه خابر رائد وطلب منه يحضر للشركه
ابو سدن اليوم اكو سياره مشت وراي منا لمن وصلت للشركه اعرف همه يردون يخوفوني
رائد ولايهمك اذا تريد اني اوصلك وارجعك للبيت
ابو سدن لا مايحتاج الله الحافظ
اريدك تجي بليل حتى تعقد انت وسدن واني راح احضر كلشي
اني موجاي اجبرك على هذا الزواج بس ولله احسك انت افضل انسان يحفظ الامانه
لاتخاف راح يكون عقد شكلي كدام الناس الطمعانه بينا
واخذ وقتك اي وقت تريد تتخلى عن هذا الاتفاق
اني وياك واساندك
رائد اكيد اني اتشرف اناسبكم بس خلي الموعد باجر
لان لازم اكول الامي وخواتي
ابو سدن باجر باجر ميخالف اتفقنا
جمانه السعيدي
رائد رجعت للبيت
رائد امي اتفقنا اني وأبو سدن نكطع مهر والزواج بعد سنه
امي اي بيه الخير انشاء الله
رائد حضري نفسج باجر المهر بليل لاتعزمين احد بس احنا وهمه هم ما عازمين احد
راح انطيج فلوس تشتريله ذهب على ذوقج لان عيب نروح وادينا فارغه زحمه منهم
امي انشاء الله شايف كل الخير وليدي الله يجعله زواجة االدهر
رائد ولله ما اشوفه زواجت الدهر وياا هاي الخبله
امي ليش تكول هيج كول يالله
رائد كلش مامقتنع بلموضوع لوما الحاح ابو سدن ولا اقبل ابد اني وسدن مانتوالم ابد
هي من عالم واني من عالم ثاني
ثاني يوم امي راحت اشترت الذهب والبنات حضرن نفسهن
بليل أجرنا سياره وسيارتي يله كفت النا
بس سيارتي ماتكفي ابد
طبعا البنات كلش ضايجات يكولن اخونا الوحيد ومنتضرين زواجه تالي هيج سكته عبالك مو زواج اخونا
وصلنا واسقبلنا ابو سدن ماكان موجود احد غريب
اجا الشيخ الي يعقد النا
وحضر عماد صديقي وبعد ولد ويانه بلشركه شهود على العقد
وزوجت عماد دخلت يم البنات جوووه
طبعا حتى اخو ابو سدن مايعرف بلموضوع
جمانه السعيدي
شويه ونزلت سدن
لابسه بدله سوده وشعرها عايفته بدون تسريحه ومكياج عادي
بس البدله السوده تخبل عليها
البدله بدون ردن وصدر مفتوح
هلكد ما جسمها ابيض الاسود يشع عليه
ماكان عدها اي ردت فعل امبينه ضايجه ومآ مقتنعه ابد بلموضوع
كاعده وشكله كلش حزين
عقدنا الشيخ وبس خلص الولد طلعو كعدو بلحديقه
وامي كامت تهلهل
وخواتي كامن يباركن اله
وامي اشرتلي تعال لبسها الذهب
اجيت وكعدت يمه وكتله مبروك
وهي ردت من ورا خشمها لاتفرح هاي الزواجه مراح تكمل ابد
سحبت اصبعها البسها الحلقه وكتلها تصدكين امنيتي هاي الزواجه تخرب
لان مامستعد اضيع عمري ويه وحده مثلج
لبستها بس الحلقه ونطيت باقي الذهب الامي تلبسه
وعفته وطلعت بلحديقه كعدت يم الولد وكعدنا نسولف ونضحك
ساعه ونص تقريبا وصحت على امي والبنات وطلعنا ورجعنا للبيت
البنات متخبلات عليه بس يسولفن بجماله
وامي تحمد بأخلاق امها
ثاني يوم رحت للشركه اكو عدنا مشروع جنا نشتغل علي انريد نخلصه بسرعه حتى نبدي بالمدينه السكنيه
ابو سدن كعدت ودزيت ام سدن تكعد سدن اليوم اول يوم دوام اله
لازم تتعود تكعد الصبح وتلتزم بلدوام
رجعت امها وكالت ماتقبل تكعد
قررت اني اروح اكعدها
ابو سدن بابا حبيبتي يله نكعد اليوم اول يوم النا دوام
....يا دوام
...شني نسيتي دوام بلشركه
....هاااا اذكرت مايصير باجر عفيه كلش نعسانه
...هااا من اول يوم خربنا الاتفاق
...بس اليوم باجر اداوم واروح وياك
....لا اليوم ترحين وياي واريدج نشيطه ولكل يتعجب بشغللج ويكولون هاي البنت الي راح اطور الشركه
....زين روح انت قبلي واني راح اسبح وابدل واجي وراك
حتى اتنشط شويه
سدن بابا طلع واني ضايجه ولا اليه واهس اروح للشركه
كعدت سبحت وبدلت وطلعت
امي صاحت وراي تعاي تريكي
سدن ما اشتهي اتريك بلشركه
جمانه السعيدي
وصلت وبابا خابر رائد كاله اجتك سدن وعلمه شنو تشتغل
طلعت ورحت على غرفته دكيت الباب ودخلت
رائد ابو سدن كال اجتك سدن انطيها شغل
اني بوقتها اريد اطلع عندي شغل بموقع العمل
قررت اسلمها اوراق تنقلهن واروح اخلص شغلي وارجع عليه
دخلت عليه اباوع لابسه بدي وردي ضيق بحيث الأشياء الجوه مبينه وتنوره سوده ضيكه وقصيره
ومكياج ملفت والحمره حمره والعطر يسطر
سدن صباح الخير
رائد انتي منو كاللج عازمينج على حفله
....شنو حفله شكاعد تكول
...هاي ملابسج والحمره مال حفله مو مال موضفه محترمه
...انت مالك شغل ابملابسي وحمرتي انت كول شنو الشغل وخلص
....لا اليه شغل ونص انتي جاي تستعرضين نفسج
هاي الملابس بعد ممنوع تجين بيه هنا لو تلبسين شي محترم لو لاتجين بعد
وهاج هاي الكلنس امسحي حمرتج
....انت بصفتك شنو تحدد شنو البس وشنو اخلي
....اولا رئيسج بلعمل واني احدد مستوى شغللج
واحدد راتبج
ثانيا اعتقد خطيبج والبارحة كطعنا مهر وعندي قسيمة زواجنا
....لا انت ناوي تخبلني انت تحدد راتبي وتحدد شنو البس اني عايفتلك الشركه وطالعه
...الله وياج ولاتجين بعد اذا ماتلبسين شي محترم
وتحترمين المقابل يله روحي
سدن حسيت نار اشتعلت بيه من الحركه معقوله هذا هيج يحجي وياي طلعت المكتب بابا كبل
......دخلت وطبكت الباب حيل
ابو سدن شكوو.....شكووو خير
...انت صدك تحجي جايب واحد متخلف مثل هذا وتريده يتحكم بيه
....خير شصار
....هذا المتخلف يكول اني احدد راتبج وانتي تشتغلين عندي وغيري ملابسج
...حقه بابا هاي ملابسج مال حفله مو مال دوام
....ملابس الحفله فستان بدله اني لابسه تنوره وبدي
...اي بس ملابس كلش ملفتات
...يعني انت تايده مو ...توكف ويا ضدي
...بابا هذا زوجج ومن حقه يفرض رائيه عليج
اني بعد ماليه كلمه عليج هو مسول على كل شي يخصج
.....اني بعد ما اداوم حتى لا اشوف خلقته
....بكيفج ....بس اني بعد ماليه دخل بمصروفج انت مسوله من رائد وهو الي يصرف عليج
اذا تردين مصرفج يمشي وتاخذين الي تريدي داومي وأخذي راتب
خل انبهج على شي ناس خريجه وشهادات عاليه وحسره عليه الوضيفه
وانت الوضيفه جايتج وبيه راتب زين وجاي تتبطرين
....شلون يعني اعوفه يتحكم بيه
...هذا الطبيعي بنيتي هو زوجج وانتي لازم تتفاهمين ويا
...هم كال زوجج احس وكعتوني بفخ وثنينكم نصبتو اليه اني بعد ما اداوم
واذا على المصرف اخذ من ماما
للحكايه بقيه احبكمممممم
التفاعل ماعاجبني ابد
تفاعلوا وانزل بعد بارت
#البارت الرابع
احببتها متمرده
جمانه السعيدي
طلعت من الشركه واني اغلي غلي يمكن لو عندي مسدس اله اكتل رائد خلاص
منيين طلعلي .... شلون اني قبلت اوكع بهذا الفخ ليش
عفتهم يورطوني بهاي الزواجه
ابو سدن بس طلعت سدن رحت على رائد لاكاني طالع
ابو سدن ..... ولله كلبي مايطني على سدن يمكن ضغطنا عليها هواي
....لا ماضغطنا عليها هذا التصرف الصيحح تحتاج واحد يقسى عليه .... بس انت لاتحن عليه حتى تصير قويه
وتتحمل المسؤليه
.ابو سدن ..اني وياك بكل شي
.رائد ..كلما تجيك صدها حتى ترجع اليه ماكو غير هذا الأسلوب يعدله
...انشاء الله خير
سدن وصلت للبيت واني عصبيه حيل
امي شو رجعتي شنو خلص دوامج لو مارحتي للشركه نهائيا
سدن هذا الزفت رائد دمر اعصابي ....يريد يتحكم بيه
.امي ميخالف ماما هذا زوجج ولازم تتحملينه
سدن ياربي انتي هم وياهم عليه يريد هو يحدد مصرفي على شنو على شغلي
زين اني ما اريد اشتغل شلون
جمانه السعيدي
امي اكعدي سدن خل احجي وياج
سدن كعدت
امي اني امج واريد مصلحتج انتي هسه عايشه بدون هدف ماعندج اي طموح او حلم
عايشه تاكلين وتنامين
اني وابوج ابد مادايمين اللج
سدن عمركم طويل انشاء الله
امي هاي حقيقه ليش واحد يتهرب منه
زين مافكرتي الشركه ومعمل الحديد منو راح يلزمهن
شراح تسوين
هذا تعب ابوج هاي السنيين كلها منو راح يهتم بي
زين انتي شلون راح تتصرفين ليش تقبلين الناس تكول عليج فاشله
وانت انسانه شاطره وذكيه
اثبتيلهم انتي عكس كلامهم
داومي بلشركه وخلي عقلج بلشغل وحاولي تفهمين كل زغيره وجبيره
ارفعي راس ابوج
خلي يتباها بيج ويكول اني عندي بنيه بعشر زلم
عوفي هاي الحياة التافه وابدي حياة عمليه
دائما رددي ويه نفسج اني قويه اني اكدر
سدن ولله كلامج مقنع انشاء الله راح ابدي من هاي اللحضه وأهم شي اثبت الرائد اني انسانه ناجحه مو فاشله مثل ماهو يكووول
سدن ثاني يوم كعدت الصبح سبحت وطلعت ملابسي
آريد شي مستور حتى لايلزم عليه رائد حجه ويحجي بيه
طلعت بنطرون وستره رمادي وقميص اصفر
وشوز ابيض خليت مكياج خفيف
بعدين رجعت طوخت الحمره على عناد رائد
رفعت شعري كبايه ولبست تراجي كبار وسوار فرفش
نزلت لكيت بابا يتريك اني الصبح ما اتريك نفسي تلعب بلعشره يله اكل شي قليل
بابا يالله شنو هذا النشاط كله
سدن يله كملت نروح
جمانه السعيدي
طلعنا للشركه وصلنا بابا خابر رائد كاله اجت سدن
رائد كال هسه عشر دقايق واوصل
بقيت انتضر
شويه واتصل بابا كاله خلي تجي للمكتب
دخلت كلت صباح الخير
رائد بدون ما ارفع عيني كتله تفضلي
اني كاعد على المكتب وهي كعدت مقابيلي
رفعت عيني اريد انطيه اوراق
بشرفي طالعه تخبل
رائد تفضلي انقلي اسماء العملاء الي اني ماشر عليهم هنا
اخذت الاوراق ونطيته قلم وبدت تكتب
اليوم هادئه يالله يمكن الرزاله مأثره عليه
عطرها كلش مميز
العطر مله المكان
دنكت اراجع اوراق عندي شويه وكملت
انطتني الاوراق
رائد.....تعاي خل اشرحلج تفاصيل العمل
كامت وكفت بصفي
واني بديت اشرحله واأكد عليها تحفظ الخطوات
وتعيدهن
خلصت السجل الاول
حسيتها مالت شويه ليوره ورجعت
رائد شبيج
سدن لامابيه شي بس يمكن ضغطي هبط لان مامتريكه
ممكن اخذ ربع ساعه اروح اتريك وارجع
رائد اكيد ممكن
سدن طلعت ورحت يم بابا وكتله اني جوعانه
طلبلي ريوك وكعدنا اني ويا نتريك خابر على رائد يجي يتريك ويانه بس ماقبل
جمانه السعيدي
بعدين رجعت لكيت رائد يخابر
انطاني سجل واشرلي اددقه وهو يخابر
دخل عماد جابله اوراق مهمه وطلع
خلص وكال كملتي
سدن بعد شويه
كملت كال خلي هناك وجيبلي ذاك السجل
واني اخلي رفعت ايدي والسوار دخل بشعري
آريد اخلص شعري ماكو
رائد حسيت سدن تحوس التفتت عليها السوار داخل بشعرها وهي تحاول تخلصه وماكوووو
كمت وتقدمت عليها وكتله اساعدج
قربت وراسها صار بصدري
وبديت اخلص شعرها
بلبدايه سحبت شعرها ووجعته
سدن اي اي وجعتني على كيفك
رائد دقيقه خلص خلصت شعرها بس شعرها تخربط
سدن شكرا
رائد ممكن اعرف شنو عاجبج بكميه اللوان الي بشعرج عبالك ببغاء
سدن اعتقد هاي حرية شخصيه لو حتى لون شعري تدخل بي
رائد بكيفج اني حبيت انصحج
سدن ما اريد نصايح من احد
رائد خلص ارجعي الشغلج
خليتها تكتب وطلعت
ربع ساعه ورجعت لكيته تحرك براسها واديها من التعب
رائد تكدرين تاخذين استراحه ربع ساعه
سدن ماصدكت كبل طلعت يمه خنكه مكتب رائد
واني مامتعوده على هذا التعب
جمانه السعيدي
رائد كعدت اخابر عندي مكالمه مهمه بعدين طلعت اريد عماد يروح الموقع العمل
اكو شغله مهمه لازم يروح يخلصه بنفسه
جان اشوف سدن كاعده تشرب عصير وتسولف ويه موضف عدنا وتضحك
ما اعرف ليش ضجت اي اعترف ضجت
ضجت وغرت من هذا الموضف
بعدين هي زوجتي وعيب تكعد تسولف وتضحك ويه هذا وذاك
اشرتلها تعاي وراي ورحت دخلت للمكتب
كعدت شويه واجت
رائد اني انطيتج استراحه شويه وترجعين
شو ماخذه راحتج وتسولفين وتضحكين
انتي جايه هنا تشتغلين افتهمتي
سدن هاي الاستراحه مشروطه يعني بيه شروط
لاتضحك لاتسولفين
ترا ولله زودتها ومآ بقه عندي صبر واذا خلص صبري انفجر
ترا هذا عمل موسجن
رائد خلصتي كلام يله ارجعي الشغللج
اريدج تنقلين كل اوراق هذا السجل قبل لاتطلعين افتهمتي
سدن شنو هذا السجل هواي هاي عقوبه شني
رائد هذا عمل انتي جايه هنا تشتغلين مو تلعبين
سدن بس هذا هواي ايجوز يومين يله يخلص
رائد هاي مشكلتج
رائد اني مامحتاج هذا السجل بس هاي كانت فعلا عقوبه
لان حركت كلبي فوك ماواكفه تسولف وتضحك
انوب تراددني اني اعلمج اله اكسر عنادج هذا
جمانه السعيدي
سدن كتبت شويه وبعدين رائد طلع واني استغليت الفرصه وخابرت بابا
سدن بابا فدوه تعال خلصني هذا مجرم شمر الشغل كله عليه
.....اي احنا شغلنا متعب اشتغلي واسكتي
شويه ورجع رائد
سدن بابا خابرني يريدني ضروري
رائد تفضلي
سدن رحت المكتب بابا
سدن ولله اذا مايخفف شغل عليه اعوفله المكتب واهج
جاي يخلي عليه شغل هواي كأنه متعمد يتعبني
....ميخالف اني احجي ويااا
خلص النهار على خير ورجعنا البيتنا
بس ميته تعب واحس ضهري مكسور من كعدت المكتب
ثاني يوم طلعت الملابس اريد شي محتشم
حتى ما انطي فرصه يحجي عليه
طلعت كيلوت بنفسجي طوخ وبدي بنفسجي فاتح
وفتحت شعري وشسورته
وخليت مكياج هادء
نزلت لكيت بابا رايح للدوام
طلعت وصلت للشركه لكيت رائد وبابا يحجون وصايرين أعصاب بس مافتهمت شنو الموضوع
لان من شافوني سكتو اثنيينهم
رائد كال روحي للمكتب سدن اني هسه اجي وراج
رائد كعدت الصبح وأبو سدن خابرني كال تعال بسرعه
دازيله طلقه بضرف وكاتبين هذا اخر انذار الك
اني اقترحت علي نروح نبلغ الشرطه لازم يكون عدهم علم خاف يصير شي
فعلا طلعنا سجلنا بلاغ وكالو احنا راح نحقق بلموضوع
ونرجعلك خبر
سدن اتأخر رائد رحت للمكتب لكيتهم اثنيينهم ماكووو
ماموجودين الصراحه قلقت عليهم
بس بعدين كلت يجوز شغل
شويه واجا عمي على بابا
استقبلته اني ورحبت بي
وسئلني على سبب وجودي هنا كتله اشتغل ويه بابا
بعدين عمي كام يحجيلي على وسام ابنه المريض
ويشرحلي شلون جاي يتعافه وصحته صارت احسن
وشلون الأقارب مهمين والأهل عزوه
والغريب ماينحزر
افتهمت ساعته جاي يخطبني الوسام
ياربي عمي شكاعد يكول وسام هذا المريض النفسي
هو رائد مهندس وهيبه وشخصيه
وماعاجبني النوب وسام عليه
جمانه السعيدي
شويه ورجع بابا
دخل للمكتب ورائد راح المكتبه
بابا كان مبين علي عصبي ومتنرفز
بس شاف عمي حاول يهدء كان متوقع عمي يريد فلوس
اجيت اطلع اني من يمهم
بس عمي كال لا ابقي اريدج تسمعين الكلام
عمي اني اليوم جايك بطلب انت اخوي الوحيد واحنا ما النه غير بعض
اني جاي اطلب ايد سدن الوسام
وسام اتعافى والحمد لله وهي مراح تلكه احسن من ابن عمها واحد يحافظ عليها
اني جاي اخطبها الوسام
رائد دخلت للمكتب بس سدن ما اجت وراي
توقعت ابوها جاي يحجيلها الي صار وان هو اتهدد
قررت اروح اكون وياهم بلصوره
ايجوز سدن تخاف او ترتبك من الموقف
بس فتحت الباب
سمعت عمه يكول جاي اخطب سدن الوسام
يابويه دمي فار جاي يخطب زوجتي
يريد يخطب سدن صرت عصبي اريد اكمز اضمه منه
واكله اوكف هاي زوجتي
سدن بس شافتني وكفت على حيلها
ولكيت نفسي بدون شعور واكف بصفه كتفي على كتفه وايدي محاوطه خصرها
رائد هاي زوجتي شلون تخطبه
عمي ....زوجتك انت شكاعد تكول
....اي زوجتي واذا تريد اشوفك عقد الزواج
....احجي ابو سدن هذا شكاعد يكول
...اي صحيح زوجته
...شلون زوجته ويمته صار هذا الشي وليش اني ما اعرف
مع الاسف على الخوووه
تزوجه بدون مايعرف عمه
ليش تنطيها للغريب قابل وسام شبي
زعل عم سدن وطلع
جمانه السعيدي
سدن اول مره كلبي يحس برائد حسيته مقاتل شرس
ويدافع عن قضيته
حسيته خايف عليه ومتمسك بيه
اتخيل خطواته السريعه وشلون حاوطني بايدا وهو يكول زوجتي
اول مره يكون رائد هلكد قريب مني
رائد عمه طلع واني بعدني حاضنه نزلت ايدي
رائد اسف ابو سدن الموقف خرج عن سيطرتي
ابو سدن ولايهمك انت ماكلت غير الحقيقه
تفضلو على عملكم
طلعت رجعت للمكتب واجت سدن وراي
جبت كرسي وكعدت بصفه وبديت اشتغل واعلمها شلون
الشغل يمشي
صارت بلعشره
خابرت يجبولنا ريوك ورحنا اني وسدن كعدنا نتريك ويه ابوها
لان اني وأبو سدن طلعنا الصبح بدون ريوك
هاي اثنيين مواقف مزعجات من الصبح
جمانه السعيدي
مر اكثر من اسبوع وسدن كلش زينه بسرعه تستوعب وتحفظ الأشياء ومامتعبتني
بس اني بديت اتعود على وجودها يمي
الصبح اوصل قبله وتبقى عيني على الباب
صحيح اعامله بثكل بس علمود تشتغل زين
وتحس بلمسوليه
