رواية ارحموني ولو رحمة مرة الفصل الثالث 3 بقلم فراقد حسن علي

-وعيت على المي البارد انرش على وجهي

واني نايم بحظن أمي،،وهي متوليتني دك على وجهي راشديات 

فاطمة/يااا يمه شبيك حاجيني 

كلبي راح يوكف عليك من الخوف 

محمود/يمه فرح ماتت 

نفس ام رحمن هاي المره جيرانه

الجدة /اسم الله جدة 

الرحمن حافكم واسم الله الاعظم حولكم وحواليكم

-ول جدة شبيك كلبك رچيچ هذيج فرح كلشي ما بيها امها تغسل وجهها على المغسلة 

محمود/طفرت من حظن امي 

بس راسي دايخ وجسمي يرجف من الخوف من كمية الدم الشفته

-كامت امي هي وخالة سهام غسلن وجهها 

الشك كلش صغير بس لان تركض ودمها حار 

هلكثر طلع دم 

-اباوع عليها وشلون خالتي تغسل بوجهها 

ويطلع الدم شبعت بجي من الخوف عليها 

-واركان ماكو بالبيت 

أنهزم وطالع بره يخاف 

-امي جابت قطن وديتول 

ومسحت الجرح الي صار بطرف خدها 

جوه عينها اليسره بس صغير ،،

-فرح بجت لان الديتول حرك الجرح

-طلعت ادور على اركان 

ودموعي تجري على وجهي

وامسحهن بطرف ردن الدشداشة 

-لكيته خاتل بصريفة الحلال 

وضام نفسه بالتبن 

-جيتت عليه وشبعته دك وكتل 

-وعضيته من جف ايده اللي ضرب بي خد فرح 

-وهو من الخوف ماشال لا ايد ولا رجل 

محمود/تركته وكعدت على صفحة 

هو يبجي خايف من ابوي يدكه ويجلده بالحزام

-واني ابجي ما اعرف لان كتلت اخوي

لو لان خايف على فرح 

-ما اعرف شكد بقينا كاعدين 

ماحسيت على روحي الا غافي بمكاني 

فزيت على شخص يشيلني

-اثاريني غفيت على كوم التبن 

وهذا ابوي شايلني بحظنه

واركان بعده نايم بمكانه

-اباوع الدنيا عصر يعني صار 

تقريبا ب ٣ ساعات هنا خاتلين

//يابه أني صحيت 

شيل اركان خطيه خايف 

-يابه اكو واحد عاقل يضم روحه هل ضمة 

محمود /نزلني أبوي ،،وراح شال اركان 

وهو خطية فز مرعوب ورجع يبجي

ابوي حظنه // لاتخاف يابه اجيت 

اشيلك اخاف عليك من كوم التبن 

لا يطلع عليكم صل ويلدغكم

-رجعنا للبيت نمشي ويه ابوي 

اني على ايده اليمنى

واركان على ايده اليسره 

-أركان يبجي وخايف 

ماشايف وجه فرح 

بس شايف الدم 

طالع يركض من البيت

-دخلنا واجتي فرح ومنى يركضن علينا 

-اركان شال فرح ويبوس بيها ويبجي 

واني شلت منى 

-انوب شالت ثوبها تشوفنه الشورت 

واصل فوك الركبه بشويه 

وبنهايته لاستيكه ضابه على رجليها

ومنى هم شوفتنه هدومها

فاطمة/فرح ،،منى ،،يمه بعد لاتكولن خالة 

اني ماعندي بنات وانتن بناتي 

صيحلي يمه فاطمة 

فرح/تباوع على أمها سهام وسألتها 

-يمه يصير نكول يمه فاطمة 

سهام/اي يمه يصير وهي امجن الثانية 

بعد لاتكولن خالة ،، كولن يمه

فاطمه/يبعد عمري يايمه 

فدوة رحت للبنات 

-وبعد عيب ترفعن ثوبجن 

وتشوفن الشورت لواحد 

عيب مايصير يكولون عليجن مو حبابات

باسم/يول اركان شلون هلشكل تعور وجهها 

بعد منو يتزوجها من تكبر يبقى نيشان بوجها

محمود /عمي ترى فرح مرتي 

ليش تكول منو يتزوجها هي مو مالتي 

واني احبها 

وكاعد انتظر شوكت رب العالمين 

يرزقنا بهدية صغير نفس هالة

الجميع/هههههههه 

الجد/كفو منك يالسبع 

-فرح مرتك والك ماتصير الغيرك

محمود/اي جدي مرتي ،

وحتى لو وجها صار مو حلو 

ابقى احبها

احمد/هااا محمود صاير جبير وتعرف تسولف

محمود/اي اعرف اسولف انتوا ربيتوني

خاجية /معدل ونعم التربية 

الحمد لله والشكر لله ركضت السنة بسرعة على الخير والبركة 

عمة كمرة جابت توم ولد (عدنان وقحطان ) 

وعدها قبل (نوال)

عمة نجمة هم جابت ولد ثاني (عمر )وعدها قبل (رافد)

-وعمي محمد زوجته خاله رجاء صار عدهم بنية سموها (رغد)

-وعمي أحمد زوجته خاله هناء صار عدهم بنية سموها (كوثر)

-دخلنا بسنة جديدة 

الحمد لله نجحت للصف للسادس ابتدائي 

وصار عمري ١٢ سنة 

شوية طولت بس ضعيف واسمر 

مو حيل أسمر يعني 

بس بنيتي قوية من شرب الحليب 

والاكل الصحي ومدارات امي

-واركان نجح للصف الثالث ابتدائي 

وصار عمره ٩ سنوات

-هم شويه طويل وضعيف بس اشكر

-يعني مبينة ومعروفة شكولاتنا اولاد عرب 

-عمتي شمس أجوها خطابة

بيت خالها جمعة 

بس هي ما قبلت 

-الولد اسمه فائز ،،

-سمين وكرشه يمشي كدامه

وشخصيته ضعيفة

سمعت عمه شمس هيجي تكول لجدي

-وانوب ردت كالت // يابه ما اريده هي خوما بالغصب ما اريده 

-وجدي يكلها //لاتضوجين خلكج بويه

ولاتهتمين لحجي أمج 

انتي كحيلة ويرالدج خيال نشمي 

مو فائز الفاهي يصير خيالج

-وزعلوا بيت الخال جمعة 

وصارت مشاكل عائلية (( شلون شمس 

ترفض فائز شبي وشناقصه 

وهو الف وحده تتمناه ))

-وجديتي زعلت على عمتي شمس

لان رفضت فائز وصارت المشكلة بسبب رفضها وزعلوا عليها بيت اخوها

-بهاي هوسة الايام خالتي سهام بدت تخيط 

اول مابلشت خياط بس لنسوان البيت 

والنسوان الاقارب والجيران 

ونوب شوية شوية انعرفت بالديرة 

-وشوكت ما اجي اشوف فرح لازمة 

بقاية القماش وتكصكص بيهن بالمكص

-ومنى عيشتها شايله نص كرصة خبز 

جوها جناحها وتعلس بيها 

-لو يصبولها كلاص جاي وتكعد تغمس 

الخبز بالجاي 

لو تسوي ثريد وتخلي عليه شكر وتاكله

-واركان ياكل وياها بنفس الكلاص على الواهس

-وهمه أثنينهم شكران جنهم زنابير صفره

myhopes

-نطلع نشتغل ويه أبوي بالزرع 

ومن نرجع أحوي شويه تفاح أخضر لو مشمش أخضر لفرح تحب تاكله تموت على الحموضة لو تغمس التفاح والمشمش بالملح وتاكل 

-واركان يكعد يدور بالزرع على خيار صغار

على شنو وليش صغار لان ناعم نفس منى وهي تحب تاكله ويه الخبز 

-وهي تبقى تتملق لاركان حتى يجيبلها طماطة خضرة عدها عسل مو طماطة وما لاحكه

-رجعنا للبيت واشوف فرح ومنى وهالة ونوال مسوايات حلقة دائرية ويلعبن بالحوش ويغنن ويصفكن

فرح/أمان يحنه ،،،،أمان

حنة البصره ،،،،أمان 

عليه حصره ،،،،أمان 

اليوم عيدي ،،،،لا لا 

فستان جديدي ،،،،لا لا 

فستاني كركش ،،،،لا لا 

بالورد ملطش ،،،،لا لا 

-فرح تكول المقطع ،،والبنات يردن عليها أمان ،،لا لا

-عدت كم يوم وبالصدفة رحنا للصريفة اني واركان ولكينا دجاجة كاركة 

-رجعنا نركض للبيت 

وجبنا بيض من أمي ضامتهن بسلة خوص 

بوفية جديتي علمود نكففهن ميصير نخليهن بثلاجة يخربن وميفگس البيض ويطلع فروخ

-اخذنا البيض ورجعنا للصريفة 

جبنه طاسة مال بناء قديمة وخلينا بيها تبن

وعدلناه سويناه بالنص على شكل حفرة 

وخلينا البيض وكعدنه الدجاجة 

وخلينا جوه التبن مفتاح ودرنفيس منحتاجه

وضمينه الطاسة بختله من الصريفة 

حتى محد يشوفها ، ولا يبيضن الدجاجات الباقيات فوك هذا البيض

-بدت المدارس وسادس بكلوريا 

-وامي شدت عليه حزام باب الحوش ما أوصلها،،بس ارجع من المدرسة اغسل وابدل واتغده واظل اقرأ 

تكلي //اريدك تطلع اول نفس كل سنة 

-واركان هم شاطر يكعد يقرا يمي على الواهس وياخذ كله عشرات بالاملاء

-ومن تكعد امي تراجعلنا تكعد يمنا البنات 

فرح و منى وهالة ورغد وكوثر صح صغار 

بس هم تكعدهن يمنا ما تفرق بيناتهن 

تكول//خطية نخليهن يباوعن 

وتقسم اوراق دفتر الرسم بالنص 

وتكلهن//يلا كعدن ارسمن وشخبطن 

-خالة سهام حامل للمرة الرابعة 

وخالة رجاء ،، وخالة هناء هم حوامل 

امي وعمة شمس شايلت أكثر شغل البيت 

-ومن يخلصن شغل 

يكعدن يسولفن ويلتهن بفد شغلة بيناتهن 

لو يكعدن يم النسوان اللي تجي تخيط يم خاله سهام 

-بس خالة هناء هي الوحيدة اللي تروح للصريفة تعرف تحلب الهوايش

من هي بنية عد اهلها تعرف تحلب 

وهي بيدها تخثر الحليب وتسوي خاثرة 

-قبلها جانت جديتي تروح تحلب الهوايش وراها عمة شمس هي تتكفل بالحليب 

وتسوي خاثرة 

-امي من تجمع الاوراق والهوسة من يخلصن البنات لعب تظل صافنة على الرسوم والشخابيط تكول/ هاي فرح عدها موهبة هاي تطلع رسامة 

-اجي اباوع على ورقتها اشوفها صدك راسمه 

مثلا بيت ،، او وردة ،، او شمس ،،او جبل 

او عائلة صح رسمها بسيط وبس خطوط 

بس واضح المعنى والخط مرتب مو مال طفلة صغيرة 

ومشت الايام وخلصت ٢١ يوم ،،رحنا اني واركان للصريفة من رجعنا من المدرسة 

ما شاء الله لكينا البيض مفكس 

طالعات ٩ فروخ من أصل ١١ بيضة 

يعني بس ٢ فاسدات 

-اخذنا الفروخ والدجاجة تنكر بيدي 

شلعت جلد من عندي مو منكار تكول درنفيس ويبج بيدي

-سوينالها قفص صغير بالحديقة وره البيت سيم ناعم وخشبات ثبتناهن بالكاع 

ودكينه السيم عليهن

وسوينه القفص على شكل مربع 

ومن فوك السطح خلينه عليه باريه مال خوص وثبتناها بالخشبات

وسوينه من خلال السيم باب صغير كد واحد يمد ايده يخلي مي واكل للدجاجة والفروخ

ويومية صارت تجي فرح والبنات يشوفن الفروخ

وهن يشعلن الدنيا بالعياط والصريخ يخافن منها 

-احنا تعودنا من نرجع من المدرسة 

نروح للحديقة أنطلع الدجاجة وفروخها

لان عمة شمس تشمر رماد تنور الطين بالكاع

حتى يمرغلن روحهن بالرماد وما يقمل جسمهن 

ويظلن ينبشن بالكاع ياكلن الدود والنمل

-ونبقى كاعدين يمهن نراقبهن 

حتى لا ياكل العتوي واحد من الفروخ

-وفرح المخبلة شالت الفرخ وهو كام ينوص

والدجاجة هجمت عليها شبعتها تنكر 

-وهي ما قصرت عياط وبجي لمت علينا الديرة 

شلتها بحظني و وخرت عنها الدجاجة 

ودموعها توكع على جتفي 

فاكه حلكها وتنوح

محمود/اول شي هذا مو شعر هذا يسمونه ريش

ويصير ناعم ويغطي جسم الدجاج

-ولخاطر هاي دموعج من نروح اخذلج هذا الفرخ

وخلي يمج بالبيت ربي 

بس توكلي وتشربي 

حتى لا يموت

-وصدك من رجعنا للبيت اخذت الفرخ ويايه

والدجاجة شبعتني تنكر 

واستلمتني عمة شمس بهذيج الرزايل 

تخاف على البيت لا يتوسخ 

-وفرح العوبة فرحانة وتضحك حصلت على الفرخ خلته بصندوگ مال طماطة 

وخلتله نخاله وكاسه مي

-وكلساع طافره وتباوع عليه

اكل ،،شرب لو لا

وباقي البنات يركضن وراها جنهن خيل 

-وهيج خلصت ايامنا 

شكالت فرح 

شنو اكل الفرخ 

ليش تعاركن البنات 

وخلصنا امتحانات نص السنة 

والحمد لله مسيطر على الدراسة 

-واركان نفس الحالة شاطر ماينخاف عليه

-وفرح يوم عن يوم خطها يتحسن 

ورسوماتها توضح اكثر 

ومداريه الفرخ 

وتلعب باقي قطع القماش

-خالتي سهام جابت توم بنات هلمرة 

سموهن (مريم ،، فاطمة)

-عمي باسم ذبحلهن ٤ دجاجات ،،ثواب لوجه الله 

-بس خطية ضايج يكول// اريد ولد يشيل اسمي

-يعني عمي باسم صارن عنده ٥ بنات 

((فرح ، منى ، هالة ، مريم ، فاطمة ))

-وخالة رجاء هم جابت بنيه سموها هبة 

((رغد و هبة ))

-وخاله هناء جابت ولد سموه عثمان ((كوثر ،عثمان))

غمضت هاي العين وفتحت الثانية 

وتخنكني امتحانات اخير السنة 

والخوف اكل كلب امي قبل ما ياكلني

-اركان خلص امتحانات قبلي ونجح للصف الرابع ابتدائي

-واني امتحنت بكالوريا والحمد لله مسيطر يومية من ارجع امي تسألني شجابولك اسئلة وشلون حليت

-وبهذاك الليل فزيت من النوم عطشان ردت اكوم اشرب مي

-واسمع صوت غريب ،، فتحت عيوني 

واخذني الفضول اريد أسمع زين 

وأشوف شنو الموضوع 

ومنين يجي هذا الصوت

-بقيت جامد ما اتحركت من المنظر المخجل 

رغم ضوه الفانوس كلش قليل شبه طافي

-شفت أمي وابوي بموقف 

اول مره أشوفه بحايتي

خفت وارتبكت ،،

واستحيت من روحي 

-عبالك بهذيج اللحظه ،،

كبرت على عمري عشر سنين 

بقيت جامد مااتحرك

ورجعت غمضت عيوني 

-همه جانوا نايمن على جربايتهم

واركان بصف الجربايه نايم لزك يعني جواها

واني بصف اركان بصف الحايط

يعني من افتح عيوني اشوف

فوك الجربايه بوضوح

-احس كلبي كام يدك سريع وريكي نشف

ما اعرف خوف من امي وابوي 

ما اعرف مستحي من الموقف 

-مع العلم مو كولشي واضح منهم 

لان متغطاين بالجرجف

بس الصوره كلها واضحت عندي

شوية وهدات حركتهم واختفت الأصوات 

من كد الهدوء اسمع صوت حركة طكطة الجرباية والفراش

وحسيت على أبوي كام شرب مي

وهمس امي تحجي وياه 

وسمعت خطواته من كام وطلع بره 

-بقيت للصبح مانايم وتصنعت 

اني طافي من البارحه

-بس الموقف لزك براسي صار مثل الشريط كلساع وينعاد بذاكرتي

وكلش اثر بيه على الرغم من شفت المنظر بسرعة غمضت عيوني بس خربط كل اوضاعي 

-مرت الايام وكمت استحي 

انام يم أمي أبوي بنفس غرفتهم

-وكمت انام يم جدي بالهول ،،

واركان هم لطش وياي

-وتحججت لان ابوي ينصي فتيلة الفانوس واشوف احلام تخوفني وابقى الليل كله كاعد

بس بالهول جدي يعوف الفانوس ضواه عالي

-أستلمت الشهادة ناجح وطلعت اول على صفي 

-وامي فرحتها اكثر من فرحتي 

تكول هي الي قرت وامتحنت ونجحت

-واني حسيت بروحي كبرت 

بعد صرت طالب بالمتوسطة 

والحمد لله على بداية العام الدراسي الجديد 

كملت اجراءات التسجيل بالمدرسة المتوسطة

واستلمت كتب ودفاتر الصف الاول متوسط

-واركان كام يبجي شلون راح يداوم وحده بالمدرسة صارله ٣ سنوات تعلم عليه 

يروح وياي ويرجع وياي

-فرح هنا صار عمرها ٥ سنوات

سمنت ودنفشت جسمها مليان 

وعبالك كامت تكشف جسمها يصير ابيض

وشعرها طول خالة سهام تسويلها جدايل والعيون تجدح ملونة 

-الفرخ كبر وكام يترس البيت ضروك وعمه شمس اخذته وشمرته بالصريفة 

ويه باقي الدجاج 

وهي شبعت بجي عليه وتريد يبقى بالبيت

قنعتها وكتلها //يومية اخذج تشوفي وارجعج للبيت

-بهاي الأيام اوضاع الدنيا تحسنت شويه 

كالوا// أنفتح الحصار جزئي على العراق

والحصة التمونينة اطورت وصارت تجي بيها مواد اكثر 

-والمحاصيل الزراعية ما شاء الله بيها خيرات الله 

وهم الجمعيات الفلاحية ما مقصرة تدعم الفلاحين بالموارد الزراعية 

بهاي السنة جدي اقترح على عمامي يفلشون البيت ويرجعون يبنون بناء حديث 

ويوسعون البناء ويكبرون البيت

ما شاء الله صار ميكفي كل العايلة

وبالذات من تجي عماتي وجهالهن والنسابه

اتفقوا جدي وابوي عمامي بيناتهم على المصاريف وانوب اتفقوا ويه خلفات وعمال مضبوطين وبلشوا بالشغل والبناء 

واحنا شلنا لغير بيت وكعدنا ايجار 

كد مدة البناء بين ميخلص البيت 

-وبهذاك اليوم بلشوا بتفليش البيت 

ومسحوه مسح ويه الكاع 

وأسسوا بناء وتصميم جديد اكبر واوسع

-واصدقاء ابوي وعمامي 

و ولد عمامهم وخوالهم يطلعون ويشتغلون فزعات وياهم يعني مياخذون أجرة الشغل

الحمد لله كم شهر وكعد البيت بالتمام والكمال بناء حديث ومرتب 

وصار اوسع وانفه من البناء القديم

-صارت ثلاث غرف جوه 

وهول واستقبال ومطبخ جبير 

والحوالي جبير جامع كل تفاصيل البناء وحمامات داخلية وخارجية 

وحوش جبير صار طولة مال خيل 

واهم شي اكو حديقة امام البيت

وحديقة خلف البيت 

-ودرج يصعد للطابق الثاني 

صارت ٤ غرف كبار فوك 

وحمام واحد مشترك للجميع 

ومخزن للغراض الزايدة 

وسطح جبير نطرك بي من امي تحبسنا فوك 

-امي صارت شاطرة 

ويمكن شافتنا صرنا كبار 

رتبت الغرفة وقسمتها بردة من الوسط كأنما صارت غرفتين 

بليل احنا انام هنا 

وهي أبوي ينامون هناك 

-وباقي نسوان عمامي اشتغلن على نفس الفكرة 

يكولون //هاي هي رهمت غرفة للجهال

وغرفة للكبار

-وبلشنا نشيل غراضنا من بيت الايجار 

لبيتنا الجديد وايام كعدنا نعزل ونرتب 

وناس تساعد ناس 

-الحمد لله من بعد التعب أستقرينا بيتنا الجديد وصدك صار حلو ومرتب 

بس تبقى ذكريات البيت القديم موجودة

-سبحان الله بهذاك اليوم جديتي صبحت مريضة لان صاعد عدها السكر والضغط 

ونومها مستشفي خطية لان أنجلطت بين ليلة وضحاها 

-وصار بيها من اثر الجلطة شلل نصفي 

بس الطبيب كال //لا تخافون ترجع نفس قبل 

بس يراد شغلة صبر و وكت لحد متستعيد قوتها 

-والخطاطير صار يجون بالوفود 

ناس داخلة وناس طالعة 

وامي ونسوان عمامي وعماتي حايرات بجديتي يدارنها 

ومنا يركضن على ضيافة اللي يجون 

-اجيت من المدرسة الظهر واريد انام مااكدر

-اعوذ بالله من الشيطان الرجيم

الموقف والمشهد ينعاد براسي 

-كمت من فراشي نزلت جوه 

واشوف فرح كدامي كاعدة تاكل بالمطبخ

ولابسه دشداشة من فوك ضابة على جسمها

ومن جوه منفوشة وعريضة نفس التنورة وبيها حزام امي تسميها دشداشة كلوش 

-وهي صايرة مربربة ومليانة 

وجسمها متغير وصاير يتحول ويكشف على ابيض

-واباوع على رجليها شلون أمددتها 

وصاعد الثوب فوك الركبه 

ومخليه الماعون بين رجليها وتاكل 

-فرح تعاي وياي فوك انطيج اصباغ ودفتر رسم .....