رواية بنت العم الفصل الثالث
لا..لا مش هينفع..انا انا مش عايز..احم...جوازنا ده ورقه وبس..تمام..يعني انا مش معترف بيه اصلا
دلال شهقت بردح وقال..ومش معترف بيه ليه ان شاء الله...المأذون يهودي...ده ايه النصيبه دي رجالة اخر زمن
دياب قال بسرعه..لا...انا مش مش قادر..انا مش عايز..يعني مش قابل بيكي انتي بزات..لا..مستحيل انسى انك واحده رقاصه..واكيد انا مش اول واحد يقربلك..وانا مرضاش على نفسي كده
دلال الكلام وجعها قوي بس مبينتش قالت ...تمام..كده احسن..احسن للكل...بس ابقى افتكر ياسيد الرجاله..ان انت الي قولت مش عايز ها افتكرها كويس ..تصبح على خير
دلال قالت كده وراحت نامت على السرير بحزن ودياب حس بندم على الي قالو بس حاول يقنع نفسو ان ده الصح وغير هدومه وراح ينام على السرير
دلال بصتلو وقالت..ايه هتنام هنا ليه...فيه اتنين مش متجوزين ينامو جمب بعض
دياب بصلها بزهق وقال..عايزه ايه
دلال شاورت على الارض وقالت..انزل نام على الارض..انا منامش جمب واحد غريب
دياب قال بغضب وزعيق .ارض ايه الي عيزاني انام عليها انتي اتهبلتي في نفوخك
دلال قالت بزعيق..لا بقولك ايه..لو هنختبر احبالنا الصوتيه فانا بعرف ازعق حلو قوي...انزل نام على الارض بالستر احسن انادي لابوك واقولو الي حصل هنا وهو يقولك بقى تنام فين
دياب اتغاظ منها جدا وسحب المخده والغطا بغيظ وفرش على الارض ونام وهو هيتجنن منها
دلال ابتسمت وقالت في نفسها..استني عليا يا دياب
في صباح يوم جديد كان الكل على الفطار ودلال نزلت وكانت لابسه بنطلون جيينز ضيق وتوب وجاكيت قصير وعامله شعرها كيرلي كانت قموره بس لبسها مش محترم خالص قعدت على الفطار وقالت...صباحو يا حلوين ايه ده سفره دي ولا مائدة الرحمن الواحد جعان من يومين
ناصر صفر وبقى يبصلها بوقاحه وجمال اتعصب وقال..ناصر
ناصر نزل راسو في الارض بخوف وروحيه لطمت على خدها بخوف وقالت..سيبك من ناصر داري معايا الكرسه دي الواد زمانو نازل هيقتلها ويقتلنا
جمال سمع صوت باب اوضه دياب بيتفتح قلع عبايتو ولفها بيها بسرعه وقال...متقلعيهاش واصل سامعه يا بتي
دلال بصت لهم باستغراب وقالت..فيه ايه لكل ده هو انا عريا،نه
جمال قال اسمعي الي بقوله يا بتي علشان خاطري انا
دلال لسه هترد نزل دياب وقعد وقال...صباح الخير يا جماعه
جمال قال بارتباك..صباح الهنا..صباحيه مباركه..جهزنالكم الفطار بتاعكم..نزلتو ليه يا عرسان
دياب بص لدلال بضيق..وقال...اسأل بت اخوك صحيت ملقتهاش..و..بس قطع كلامو باستغراب وبقى يبصلها شمال ويمين وقال..انتو لفينها زي سجارة البفرة كده ليه
جمال اتوتر وناصر ضحك جامد بس امو قالت بسرعه ..بردانه...بردانه يا حبه عيني من ساعة ما نزلت وهيه بتترعش رعش ...انا هاخدها انيمها شويه وهاجي على اطول
دلال بصت للاكل وقالت بتزمر وهمس...انا جعانه طيب
روحيه قالت ...ماشي يا حببتي هنجبلك على اوضتك يلا بقى لتعيي
دلال وقفت معاها وهيه بتنفخ بغيظ ولسه هتمشي معاها ناصر مد رجلو وداس على العبايه بخبث وفي ثوني وقعت على الارض
دياب لسه بيحط اللقمه في بقو اتصدم بدلال ولبسها وقف وبصلها بغضب ومسك العبايه لبسهالها واخدها بالعافيه على الاوضه واول ما دخلها قال بغضب..انا مش قولتلك اللبس ده ممنوع انت فاكره تفسك متجوزه بنت خالك..ولوا دراعها بغضب وقال..عارفه لو لقيتك لابس المسخره دي تاني هكسر عضمك فاهمه
دلال قالت بالم..ااايييى اي سيب ايدي يا غبي هتكسرها
دياب قال بغضب...كمان بتقلي ادبك يا يا وسخه يا بتاعت الكبريهات وضربها قلم قوي وقعت على الارض وقال...انتي تحمدي ربك اني اتجوزت واحده زيك الله واعلم كانت مع كام راجل غيري
دلال بصتلو بدموع وقالت بانفعال ...ايوه انا بتاعت كبريهات..اتربيت فيها...مع اب طبال وام لاحول ليها ولا قوه...انا كبرت لقيت نفسي بدل ما بمسك القلم بمسك الصجات وبدل ما اجمع علمات كنت بجمع النقطه دي كانت حياتي الي مقدرتش انت ولا ابوك تنقذوني منها وفضلتو متهنين بفلوسكم وعزكم وجايين دلوقتي تحاسبوني وتعايروني عليها...وكتر خيرك يا ابن عمي..شكرا انك اتجوزت واحده بتاعة كبريهات زيي...بس انا عمري ماكنت رخيصه ولا لقمه ساهله لحد واقسم بربي ما فيه حد قدر يلمسني ولا يقربلي ولو انت تسمح تقول كده لمراتك انا مسمحش حد يهني كده سامع
دياب كان بيسمعها بحزن وحس بالذمب على الي عملو والي قالو..كمان حس انها صادقه فعلا ولسه هيتكلم دلال قالت بغضب ودموع..مش عاجبك هدومي بس انا معنديش غيرها..ده الي اتعودت البسو ..بس مدام مش عاجبه سي السيد بلاش منها وبقت تقطع الهدوم وهيه لبساها بغضب ودموع
بقلم..زهرة الربيع
دياب كان بيبصلها بزهول ولسه هتكمل مسك اديها وقال...ورحمة الغالين كفايه...حقك على راسي
دلال بقت تبصلو بغضب ودموعها على خدودها ودياب ماسكها وشدها ليه وبص على الهدوم الي قطعتها وبلع ريقه بارتباك وقال...ربنا امر بالستر ...استري معاي علشان اعرف اتستر لاني والمصحف على اخري وخايف اطلع عيل بعد الي قولتو امبارح
دلال مقدرتش تمنع ضحكتها وزقتو وبقت تمسح دموعها ودياب ابتسم وقال..ايوه كده اضحكي خلي الشمس تنور...متزعليش مني انا كده بهيم وكلامي دبش انا خرتيت زي ما انتي قولتي...حدانا متعودين الواحده تتغطى من فوق لتحت ومقدرش تبقى مرتي لابسه كده
دلال قالت بحزن بس انا والله ما عندي غيرهم يا دياب انا مش قاصده اضايقك ولا حاجه..انا...انا ماصدقت بقى عندي عيله وخايفين عليا وغيرانين عليا مش زي الراجل الي كان يعريني للخلق...والله انا مبسوطه بيكم اكتر من اي فلوس
دياب ابتسم ومسك ايدها وقال...ولا تزعلي نفسك يا ست البنات اذا على كلامي اعتبريني واحد اهبل ...واذا على الهدوم انا هاخدك من يدك ونطلع نختارلك البس الي يمشي هنا بس يكون على زوق عيونك الحلوين
دلال ابتسمت بسعلده وقالت..انت طيب اوي يا دياب..مش زي ما بتبان
دياب ابتسم وقال...وانتي حلوه قوي ومغطيا جمالك بكل التكاليف الي في وشك دي مع انك مش محتاجه لاي حاجه تجملك انتي عيونك لوحدهم يغطو على جمال القمر...وهمس لها وقال ..على فكره لو كلامك الي قولتيه من شويه ده طلع صح وطلعتي صاغ سليم هخليكي ملكه البيت..لا ملكه البلد كلها...احم..ايه رأيك نلغي كلام امبارح ونتأكد دلوك
دلال ضحكت وقالت...انا كل الي قولتو صح..بس بعينك تتأكد ومشيت بدلع
دياب اتنهد وقال...مسيرك يا تفاح تستوي وتنزل على الاراضي
دلال ضحكت وكانت مرتحالو جدا ومبسوطه بيه ودياب رغم كل الي كان في نفسو وكل كلام ناصر لاكن كان مطمنلها وحاسس انها مكدبتش وحابب وجودها معاه اوي
تحت ناصر كان واقف قدام عمه الي بيزعق ويقول...انت وقعت العبايه قاصد يا ناصر...مش هتبطل تغير من ولد عمك وتحقد عليه
ناصر كان بيسمعه بخنقه ومش بيتكلم وجمال كمل وقال...ولد عمك زي اخوك وابوك قبل ما يسافر وصاك تفضل معاه وتساعدو مش تقف ضدو في اي حاجه ده حتى امك الله يرحمها قالتلك خليك مع دياب
ناصر الغضب سيطر عليه وقال...انتو السبب في كل ده..لما كبرتوه عليا انا الاكبر انا الي ليا الحق بالعموديه وكل حاجه من بعدك مش هو لاكن انت وابوي شفتو اني انا منفعش وطبعا ولدك هو الي ينفع...كمان مرتو الي جوه دي بكل فلوسها من حقي..انا الاكبر انا الي كان لازم اتجوزهاو
بس سكت على قلم قوي من جده وقال بعضب..انا وابوك قصرنا في تربيتك..لحد ما بقيت مش نافع..مش كفابه ليل ونهار متدهول وحالتك طين كمان قليل ربايه وجايب الوم عليا وعلى ابوك.. انا وابوك عارفين انك مش هتنفع لحاجه واصل ..غور من وشي
ناصر بصلو بغضب وطلع راح مكان ما بيقعد يشرب بالعاده لما يكون مضايق
دياب نزل وروحيه جريت عليه وقالت بخوف عملت ايه للبنيه يا دياب
دياب لسه هيرد ابوه قال بسخريه..هيعملها ايه يعني سبيه ده زي ابوه بيطلع وينزل على الفاضي
دياب ابتسم وقال...طب كويس انها وراثه يا حج...بقولك يا اما روحي جبيلي عبابه من عندك وطرحتها حاجه تنفع لدلال علشان هنطلع سوا
روحيه فرحت وقالت ..هوا
وجمال ابتسم بسخريه و قال ...مش قولتلك...طالع لابوه... عند ما تتقفل الأوض... بيبقى عليه العوض
دياب ضحك جامد وقال...ابن الوز عوام
وبالليل طلعو سوا وبقم يلفو على المحلات كانت شكلها قمر بالعبايه والطرحه واختارت هدوم حلوه جدا للبيت واختارت ادرسات طويله ومحتشمه قمر للخروج وحجابات وشنط وجزم وكل حاجه
دياب كان بيحاسب وبس وبعد كده دخلو القسم الحريمي الد،اخلي ودياب عمز لها وقال...ايوه كده هو ده المكان الي يدخل صوح...بصي اختاري وميهمكش
دلال ضحكت وقالت..احنا مش اتفقنا ولا ايه يا عمده
دياب قال..اتفقنا مين... انا معرفش حد بالاسم ده
دلال ضحكت واختارت كام حاجه حلوين وخرجو وهما مبسوطين وبيضحكو ووقفو يشربو عصير وهما بيتكلمو سوا وبيهزرو تحت انظار شخص كان في العربيه بيراقبهم وعمل تليفون وقال...ايوه يا ناصر بيه هما قدامي اها..متقلقش انهارده هخلصك منو
دياب لسه هيعدي الشارع هو ودلال اتفاجأ بالي ضرب عليهم نار وصابت دياب وقع على الارض سايح في د،مه
