 |
رواية عشقت كبريائي فهد ومليكة الجزء الثالث (لقاء الاحبة) الفصل الخاتمه الثالثه بقلم دودو محمد
انتهى نهار يوم أخر وجاء الليل وجاء معاد مقبلة اهل جاسر فى فيلا فارس
وصل جاسر وسعاد ومازن لبيت فارس ورنو الجرس وانتظرو الباب يتفتح وبعد وقت اتفتح الباب ورحب بيهم كريم ودخلهم الصالون
وشويه ونزل فارس وكان فهد وصل ودخلو الاتنين وسلمو عليهم وقعدو
فارس :- منورانا والله
مازن :- البيت منور بأصحابه
فارس :- جاسر راجل جدآ ومحترم من زمان اوى وهو وكريم اصحاب عمرى ما شفت منه حاجه وحشه وكنت فخور أن هو صديق لابنى لأنه كان بيشجعه على المذاكره والدراسه
جاسر :- ربنا يخليك يا عمى ده شرف ليا طبعآ
فهد :- وبسم الله ماشاءالله مجتهد جدآ فى الشركه
مازن :- وهو فخور بجاسر كلامكم ده والله العظيم ربنا يعلم مخلينى فرحان قد ايه
فارس :- مش مجمله والله ده كلام حقيقى ربنا يحميه ويحرسه لشبابه
مازن :- يارب المهم بقى بنطلب ايد الانسه بسمله لابنى جاسر
فهد :- طيب هيبقى ايه ظروفه بالنسبه للشقه والفرح وكده
مازن :- ابنى جاسر هيعيش معايه فى الفيلا اللى انا قاعد فيها هيبقى ليه دور مخصوص ليه لوحده فوق أخته هنا وبالنسبه للفرح شوفو ايه الوقت المناسب ليكم واحنا معاكم فيه
فارس :- على خيرة الله احنا مش هنلاقى احسن من جاسر لابنى
فهد:- استنا مش لما تسأل العروسه الاول
فارس :- من غير ما اسألها عارف ردها
جاسر :- بعد اذنك يا عمى انا بقول نخلى الفرحه فرحتين يوم فرح كريم واكتب الكتاب والفرح يبقى بعد شهرين
فهد :- هههههههه شكل العريس مستعجل اوى
كريم :- وانا ذنب امى ايه يشاركنى فى فرحى بأستعجاله ده
جاسر :- صاحبى وحبيبى وأخويه ونشارك الفرح مع بعضينا
كريم :- بصوت واطى يخربيت الصحوبيه اللى بشكل ده
جاسر :- بتقول حاجه يا كريم
كريم :- لاء بغنى مهرجان صاحبى يا صاحبى يا عم الناس
الكل :- ههههههههههههه
جاسر :- ها يا عمى رأى حضرتك ايه
فارس :- موافق
مازن :- على بركة الله نادى العروسه علشان نقراه الفاتحه
فارس :- كريم روح نادى اختك
كريم :- حاضر وراح جاب بسمله وجه
بسمله :- سلمت على الكل وهى مكسوفه وقعدت جنب ابوها
فارس :- اتفقنا أن جاسر هيكتب كتابك يوم فرح اخوكى والفرح كمان شهرين ايه رأيك
بسمله :- وهى بصه فى الارض هزت راسها بمعنى موافقه
فارس :- يلا نقراه الفاتحه والكل قراه الفاتحه تحت نظرات حب واشتياق وفرحه ما بين جاسر وبسمله وبعد ما الكل بارك ليهم
فهد :- يلا احنا بره ونسيب العرسان يقعدو مع بعض شويه وخرجو كلهم وسابو جاسر مع بسمله
جاسر :- مبروك
بسمله :- وهى مكسوفه ا.ا
الله ي.ي.يبارك فيك
جاسر :- واحشنى صوتك اوى على فكره
بسمله :- احم خ.خ.خد اشرب العصير وهى بتديه ليه وقع على هدومه قالت ا.ا انا اسفه ودموعها نزلت منها وقالت م.م.مش قصدى والله
جاسر :- مسك ايديها ومسح دموعها وقال محصلش حاجه لكل ده انا السبب مش انتى لما كسفتك مش عايز اشوف دموعك تانى ماشى
بسمله :- بعدت عنه وهزت راسها بمعنى حاضر
جاسر :- بسمله
بسمله :- بصت ليه وقالت نعم
جاسر :- بحبك ومش مستعجل اسمعها منك دلوقتى الصراحه كنت عايز استنا لما تبقى مراتى واقولهالك بس مش قادر اصبر اكتر من كده استنيت سنين طويله بحلم بلحظه دى وبحلم اكتر باليوم اللى هتكونى فيه مراتى حلالى
بسمله :- احم أن شاءالله قريب
جاسر :- بس عايز اعرف حبى فى قلبك زاد ولا قل طول السنين اللى فاتت دى
بسمله :- بكسوف وصوت واطى قالت م.م.مقلش
جاسر :- ايه مش سامع
بسمله:- احم م.م.مقلش
جاسر :- يعنى زاد
بسمله :- بصت فى الارض بكسوف وسكتت
جاسر :- هههههههههههه كفايه خلاص احسن حاسس ان خدودك هتولع من كتر الكسوف
بسمله :- ج.ج.جاسر
جاسر :- بهزار يا خبر اسود ومنيل من امته وانا أسمى احلو اوى كده
بسمله :- هههههههههههه
جاسر :- لاء انا بقول يوم فرح كريم خليها كتب كتاب ودخله
بسمله :- بكسوف جاسر بجد مش بحب طريقة الكلام دى
جاسر :- حاضر يا ستى اللى تأمرينى بيه وبعدين هو كل اللى بيدخل كلية الطب بيحلو اوى كده
بسمله:- جاسر لسه بقولك ايه
جاسر :- هههههههههه خلاص والله
وفى الوقت ده دخل كريم وقال
كريم :- انت استحليت القعده بيقولك ابوك يلا
جاسر :- وانتو مستعجلين اوى كده ليه
كريم :- وحياة امك ما تبات هنا احسن قوم يلا
جاسر :- يارب اشوف فيك يوم يا كريم يا ابن ام كريم
بسمله :- هههههههههههههه
كريم :- امشى انجر قدامى وقرب من بسمله وبسها فى خدها وقال مبروك يا بسله
جاسر :- متبوسش خطيبتى
كريم :- دى اختى يا روح النونا امشى وخرجو الاتنين من الاوضه
بسمله :- بصت عليهم لحد ما خرجو وقعدت تضحك عليهم وقالت بحبك اوى يا جاسر اكتر مليون مره من زمان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت كريم
دخل كريم اوضه لاقه تليفونه بيرن بيبص لاقه رقم ولاء مرضاش يرد عليه لكن هى حاولت كذا مره وفى اخر مره فتح وقال
كريم :- نعم
ولاء :- كل ده علشان ترد عليا يا كريم
كريم :- ومكنتش هرد عليكى خالص
ولاء :- واهون عليك
كريم :- طيب ما انا هنت عليكى لما عايزه تصغرينى قدام نفسى وقدام الكل لما الناس كلها تشوف جسمك
ولاء :- لاء مهونتش عليا يا كريم الفستان رجعته
كريم :- مكنش لازم يحصل كل ده علشان ترجعيه يا ولاء انا جوزك ولازم لما اقول الكلمه تسمعيها لان انا مش هضرك
ولاء:- حاضر زعلان منى
كريم :- لاء يا ولاء بس ياريت قبل ما تخافى منى خافى من ربنا بلاش تعملى اللى هيغضبه تحت مسمى ليلة العمر
ولاء :- حاضر
كريم :- هاتى بوسه بقى
ولاء :- كريم انت لسه بتقولى ايه وبتعمل عكسه اهو حرام
كريم :- حرام ايه يا متخلفه انا جوزك
ولاء:- هههههههه اه صح نسيت
كريم :- يا ااااااااختى نسيتى ده انتى عبيطه رسمى بقى
ولاء :- هههههههههههههههههه
كريم :- بحبك
ولاء :- وانا بموت فيك
كريم :- مش البت بسله اتخطبت النهارده وكتب كتابها معانا فى الفرح
ولاء :- بفرحه بجد الف مبروك طيب والفرح امته
كريم :- كمان شهرين
ولاء :- ربنا يسعدها يارب
كريم :- يارب واخلص انا كمان واخد البوسه اللى مطلعه عينى عليها دى
ولاء :- باى
كريم :- اهربى اهربى كلها كام يوم ومش هتعرفى تهربى منى يا قلبى
ولاء :- غلس بس بحبك
كريم :- ههههههههه بموت فيكى يا قلب الغلس باى وقفل السكه معاها وقال مجنونه بس بحبها كلها على بعضها كده جننها وعصبيتها وكل حاجه فيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مر الاسبوع وجه فرح كريم وولاء
وصل المعازيم القاعه وكان واقف فى استقبالهم فارس وفهد وباسم واسر ومازن
باسم :- احنا بقينا كل يومين مهمتنا نقف على الباب نستقبل المعازيم لفرح الاولاد
أسر :- هههههههههه على رأيك العيال كلهم كبرو مره واحده وكل يومين وتالت حد فيهم يتجوز
فارس :- ربنا يسعدهم بس دى اهم حاجه
مازن :- حد لاقى الفرح احمدو ربنا ده انتو فى نعمه
فهد :- على رأيك يا مازن فى ناس من كتر الهم والحزن اللى بيبقى موجود فى العيله عندهم بيتمنو فرح واحد يجى ليهم زى ده وفى الوقت ده جه يوسف وقال
يوسف :- يا جماعه المعازيم جت وكل ده العروسه والعريس منزلوش
فارس :- كريم جاى فى السكه اهو وولاء خلصت خلاص
يوسف :- ماشى هو المأذون جه
فهد :- لاء لسه زمانه جاى
يوسف :- هروح اشوف المعازيم ومشى وسابهم وشويه وجه عدى
عدى :- هو فى ايه فين كريم
أسر :- بص فى ساعته وقال صح اتأخرو قوى
كريم :- انا جيت
عدى :- يخربيت برودك يا شيخ خلص يلا اطلع هات مراتك المعازيم زهقت
كريم :- طيب احترمونى طيب ده انا النهارده العريس
فارس :- اخلص يا بارد
كريم :- طيب طيب ولسه هيدخل
فهد :- كريم فين جاسر
كريم :- كان لسه هنا تلاقيه دخل يدور على بسمله عن اذنكم انا بقى وراح كريم عند اوضت ولاء وخبط على الباب
مى :- فتحت ليه وقالت نعم
كريم :- هو ايه اللى نعم عايز مراتى
مليكه :- كان فيه وخلص معندناش عرايس لحد
كريم :- اخلصى يا رخمه منك ليها
فرحه :- روح يا بابا العب بعيد
كريم :- حتى انتى يا فرحه
جاكلين :- كيمو حبيب قلبى
كريم :- جاكى بنت عمى العزيز هاتى مراتى من جوه اللهى يسترك
جاكلين :- تدفع كام
كريم :- نعم
سمر :- شخلل علشان تعدى
كريم :- انتو موتو البت جوه ولا ايه
تيلا :- حرام عليكم يا بنات خليه ياخد مراته
كريم :- يا اصيله يا بنت الاصول يا غاليه
هنا :- اهى دى كانت اكتر واحده بتقومها عليك جوه
كريم :- وانا اللى فكرك مؤدبه
بسمله :- اخويه يعنى العريس يعنى النهارده فرحى يا جدعان يعنى الجدعنه يعنى
كريم :- قطعها وقال يعنى تقصرى وتدخلى تجيبى مراتى من جوه
عمار :- يا اختتتتتتتى كان بدرى عليك يا ضنايا هو انت وقعت فى الغفر دول قول على مراتك يا رحمن يا رحيم
كريم :- نهار اسوح ومنيل يا ولاء انتى فين يا ولاء
عمار :- انا هنا يا سلامه انا هنا
كريم :- يخربيت خفت دمك يا شيخ يلطش هاتو البت عملتو فيها ايه
وفى الوقت ده طلع أيمن وقال
أيمن :- هو فى ايه
كريم :- بما انك ظابط وكده الله أعلم اذا كنت ظابط حقيقى ولا ظابط ايقاع المهم الناس دى خطفه مراتى ومش عايزين يدخلونى عندها
أيمن :- انت بتهزر انزل تحت ومراتك هتيجى ليك
كريم :- والله العظيم ظلم اشوف فيكم يوم يا بنات غفر على رأى عمار ونزل وسابهم
كلهم :- ههههههههههههههههههه
وفى الوقت خرجت ولاء وهى عماله تضحك على كريم واللى حصل فيه
جاكلين :- ايتها خدمه اهو اتظبط اخر تظبيط هههههه
ولاء :- انا كنت هموت من الضحك عليه جوه
مى :- ايتها خدعه وراكى بنات بمية راجل فى ضهرك
ولاء :- بس اموت واعرف احنا عملنا فيه كده ليه
فرحه :- نهارك اسوح امال كنتى بتعملى ايه معانا
تيلا :- بنشحطف قلبه عليها قبل ما يمتلكها يا بنتى افهمى
مليكه :- طيب وانا هعرف منين
ولاء :- لاء خليكى انتى بس فى البصل والتوم بتوعك دول
أيمن :- اتلمى احسن ما انزلك متكسره لعريسك
ولاء :- لاء وعلى ايه الطيب احسن
أيمن :- يلا ونزلت ولاء فى ايد أيمن عند كريم
كريم :- اول ما شفها انبهر بجمالها وبجمال الفستان وفرح لما لاقها لابسه الطرحه
أيمن :- باس ولاء فى راسها وسلم على كريم واداها ليه وقال اختى معاك اياك تزعلها فى يوم من الايام
كريم :- اختك فى عنيا وبسها فى راسها وحط دراعها فى دراعه وراحو قعدو فى الكوشه
جاسر :- راح عند بسمله وقال ايه الجمال ده طالعه زى القمر
بسمله :- ش.ش.شكرآ
جاسر :- كلها كام دقيقه وهتكونى مراتى مش مصدق نفسى
وفى الوقت ده جه عمار وقال
عمار :- لاء هتصدق نفسك لما تروح دلوقتى حالا علشان تكتب الكتاب
جاسر :- مين ده
بسمله :- وهى بتكتم ضحكتها ده اخو تيلا وهنا من امها
جاسر :- عارف يعنى انا مش هعرف اخو اخواتى بس مين دخله فى الكلام
عمار :- معلش المره الجايه هبقى استأذن لما اجى ادخل فى الكلام
جاسر :- امشى قدامى
عمار :- طيب والمزه بتاعتك
جاسر :- مزه ده انا هولع فيك
عمار :- طلع يجرى
بسمله :- هههههههههههههه
جاسر :- بتضحكى امشى يلا
وراح جاسر وقعد جنب المأذون وقعد فارس الجنب التانى والمأذون كتب الكتاب وقال
المأذون :- بارك لكما وبارك عليكما وجمع بينكم فى خير
فارس :- سلم على جاسر وقال مبروك
جاسر :- الله يبارك فيك يا عمى وراح عند بسمله وبسها فى راسها وقال مبروك يا احلى واحده فى الدنيا كلها
بسمله :- بكسوف الله يبارك فيك
حياة :- استنا يا شيخنا اكتب كتب كتاب مازن اخويه على مدام سعاد
مازن :- ايه اللى انتى بتعمليه ده يا حياة
حياة :- انا عارفه بعمل ايه وندهت سعاد وقعدتها جنب المأذون وحطت ايديها فى ايد مازن والمأذون كتب كتابهم
الدجى طلب من العروسه والعريس يروحو على الاستدچ ويبدأو يرقصو الرقصه السلو
كريم :- حط أيده فى وسط ولاء
ولاء :- حطت دراعه حاولين رقبته
كريم :- وهو باصص فى عينيها مبروك يا قلبى
ولاء :- بكسوف الله يبارك فيك
كريم :- على فكره طالعه زى القمر
ولاء :- ش.ش.شكرآ
كريم :- بحبك
ولاء :- وانا كمان
كريم :- هو انتى ايه حكايتك كل ما اقول كلمه يا اما شكرآ يا انا كمان عايزك تقوليلى بحبك
ولاء :- بكسوف بحبك
كريم :- وانا بعشق التراب اللى بتمشى عليه بحبك بحبك بحبببببببببببببببببك وشالها ولف بيها والكل صفر ليهم وصقفلهم
الدجى طلب من كل كابل ينزل يشارك العروسين الرقصه والكل شاركهم الرقصه وبعد وقت طويل انتهى الفرح وطلعو كريم وولاء على الاوضه بتاعتهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت كريم
دخلت ولاء وهى مكسوفه ومتوتره الاوضه مع كريم
كريم :- منوره يا شابه
ولاء :- احم ش.ش.شكرآ ودخلت
كريم :- قفل الباب وقرب من ولاء وشالها
ولاء :- ك.ك.كريم نزلنى
كريم :- وهو ماشى بيها قال ششششش انا النهارده مش عايز اعتراض على اى حاجه اعملها ودخل اوضت النوم ونزلها على السرير
ولاء :- احم ا.ا.اطلع بره بقى
كريم :- وهو بيقرب ليها اطلع بره ايه انا قتيل الاوضه دى النهارده
ولاء :- رجعت وراه وقالت ك.ك.كريم ا.ا.انت هتعمل ايه
كريم :- هعمل ايه هنلعب عريس وعروسه
ولاء :- م.م.مش دلوقتى
كريم :- عارف وقرب على شفايفها وخطف بوسه منهم وقال خلاص تعبت كنت هموت وألمسهم
ولاء :- بكسوف انت قليل الادب
كريم :- دى كده قلة ادب ده انتى شكلك عبيطه اوى وعلى نياتك
ولاء :- زقته وقامت من على السرير
كريم :- راح وراها ومد أيده على السوسته
ولاء :- بعدت وقالت ا.ا انت هتعمل ايه يا كريم
كريم :- مد أيده على السوسته وقرب من ودنها وقال هساعدك وافتح ليكى السوسته وبدأ يسحب السوسته براحه ويلمس حتة الضهر اللى بتظهر من الفستان لحد ما فتحها وقرب على ضهرها العريان وبسها فيه وطلع على رقبتها وبسها جنب ودنها وقال انا داخل اغير فى الحمام خليكى براحتك وسبها ودخل الحمام
ولاء :- قعدت على السرير وهى بتاخد نفسها بصعوبه وشوية وهدات قامت غيرت هدومها ولبست الاسدال واستنت لحد ما خرج كريم ودخلت الحمام اتوضت وخرجت صلى كريم بيها ركعتين وقال الدعاء وقرب منها وبسها برقه فى خدها ووقف ووقفت معاه ولاء وبص فى عينيها وقال
كريم :- مش مصدق نفسى انك خلاص بين ايديا بعشقك يا احلى ملاك ومد أيده رفع الاسدال وقلعه ليها وبلع ريقه بصعوبه وقرب منها بسها بوسه طويله
ولاء :- بكسوف كريم
كريم :- شالها وحطها على السرير وقرب منها و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وبعد مرور شهرين بدون احداث تذكر الا
مى عملت العمليه فى مصر ونجحت
هنا وفرحه :- الاتنين ولدو
هنا جابت ريماس
وفرحه جابت ريان
وكان الكل سعيد وجاء يوم زواج بسمله وجاسر
والمعازيم وصلت والكل كان فى انتظار العرسان
فى الاوضه عند بسمله كانت خايفه ومتوتره من الجواز
ولاء :- يا بنتى متخفيش دى زى شكة الدبوس وربنا وجاسر بيحبك وبيخاف عليكى ومستحيل يأذيكى
بسمله :- عارفه يا ولاء بس خايفه اوى مش قادره اتخيل أن انا وجاسر هنبقى فى مكان لوحدنا وباب مقفول علينا قلبى هيقف عليا من الكسوف والخوف
ولاء :- كلنا كنا كده بس اول ما يخدك فى حضنه هتنسى الدنيا بحالها وهتبقى فى عالم تانى مخصوص بيكى وبيه
بسمله :- ده على اساس كده انتى طمنتينى الله يخربيتك انتى خوفتنى اكتر وفى الوقت ده دخلت بنات العيله
جاكلين :- الله أكبر بنتى عمى قمر يا ناس لولولولولولوى مبروك يا بسله
بسمله :- بأبتسامه الله يبارك فيكى يا جاكى
تيلا :- تعالى فى حضنى يا مرات اخويه يا غاليه بسم الله ماشاءالله طالعه زى القمر
بسمله :- بكسوف ميرسى يا تيلا
هنا :- مبروك يا قلبى طالعه زى القمر
بسمله :- الله يبارك فيكى يا هنا
فرحه :- مبروك يا بسله
بسمله :- الله يبارك فيكى يا فرحه
مى :- مبروك يا بسبوسه
بسمله :- الله يبارك فيكى يا ميوش
مليكه :- مبروك يا بسمله قمر ماشاءالله
بسمله :- الله يبارك فيكى يا لوكه
سمر :- مبروك يا بسله وربنا يقويكى على اللى جاى وغمزت ليها
بسمله :- بكسوف انتى هتقلقينى أكتر ليه بس
الكل :- ضحك على خوف بسمله
وفى الوقت ده الباب خبط
ولاء :- فتحت وقالت عايز ايه يا كيمو
كريم :- بصوت واطى عايز بوسه
ولاء :- بكسوف اتلم يا كريم
كريم :- وهو بيدوس على شفته قال اااااااه هاين عليا اخدك دلوقتى فى اى اوضه فى الفندق كنت قطعتك وانتى طالعه زى القمر كده
ولاء :- يا ابنى بس حد يسمعك
كريم :- ما اللى يسمع يسمع انتى مراتى محدش ليه عندى حاجه
ولاء :- اخلص عايز ايه
كريم :- عايز ابارك لبسله
ولاء :- بس كله حريم
كريم :- انا اصلا بموت فى كده
ولاء :- بغيظ والله
كريم :- هههههههه بهزر بهزر اوعى كده ودخل وقال بسلتى قمر يا ناس
بسمله :- اترمت فى حضنه وقالت هتوحشنى مقالبك اوى يا كيمو
كريم :- وانا هرحمك انتى وهو ده انا هطلع عينيكم انتو الاتنين
الكل :- هههههههههههههههه
كريم :- ماشاءالله الاوضه كلها مزز اهو
ولاء :- داست على رجله بغيظ
كريم :- ااااااه زعلك وحش اوى يا ولاء كسرتى صوابع رجلى
ولاء :- طيب اتلم علشان مكسرش رقبتك واتفضل بقى اطلع بره وزقته لحد الباب
كريم :- خلاص خلاص طالع وفتح الباب وبسها فى خدها ونزل يجرى
ولاء :- اتكسفت وبصت ليهم
جاكلين :- ايوه يا عم الله يسهلو
ولاء :- احم خ.خ.خلاص بقى عدوها
مى :- هههههههه ماشى ماشى هنعمل نفسنا مشوفناش حاجه وخبط فارس على الباب وفتحت ليه ولاء
فارس :- بسمله خلصت يا ولاء
ولاء :- ايوه يا عمى اتفضل
فارس :- دخل وبسها فى راسها وقال مبروك يا حبيبتى طالعه زى القمر
ولاء :- الله يبارك في حضرتك يا بابا
فارس :- حط دراع بسمله فى دراعه ونزل بيها السلم
جاسر :- اول ما شاف بسمله دموعه نزلت منه ومصدقش نفسه انها خلاص هتبقى ملكه اخدها من فارس وبسها برقه فى راسها وبص ليها فى عينيها وقال طالعه زى القمر
بسمله :- بكسوف م.م ميرسى
جاسر :- حط دراعه فى دراعها وراح عند الكوشه وقعدو الاتنين وشويه وطلب الدجى من العروسين يجو يبدأو أول فقرات الفرح بالرقصه السلو وقف جاسر وبسمله فى نص الاستدج وبدأو يرقصو على انغام الموسيقى
جاسر :- بحب مش مصدق نفسى أن بعد السنين دى كلها بقيتى من نصيبى ياااااا عشت ليالى طويله بحلم باليوم ده
بسمله :- بكسوف مش انت لوحدك
جاسر :- وانتى يا بسمله
بسمله :- ا.ا ايوه
جاسر :- نفسى اسمع كلمة بحبك منك يا بسله
بسمله :- م.م.مش دلوقتى
جاسر :- انا كل ما اطلبها منك تقوليلى مش دلوقتى هو انتى مش بتحبينى يا بسمله
بسمله :- بأندفاع لاء والله العظيم بحبك
جاسر :- ههههههههه وانا بعشقك
بسمله :- غمضت عينيها على اندفعها واتكسفت
جاسر :- ضمها فى حضنه وشالها ولف بيها والكل قعد يصقفو ليهم ويصفرو وفى الوقت ده طلب الدجى من الكابلز يشاركوهم الرقصه
عند يوسف وتيلا
يوسف :- فكره يوم فرحنا
تيلا :- طبعآ يا قلبى انا اى لحظه ما بينا مش بنساها
يوسف :- ربنا يجعل كل ايامنا حب وسعاده وهنا
تيلا :- يارب يا قلبى مر علينا ايام كتير صعبه بس بحبنا وتمسكنا ببعض قدرنا نعديها مع بعض
يوسف :- ربنا يخلينا لبعض ويخلى اروى ومراد لينا يارب
تيلا :- يارب
عند جاكلين ومعاذ
معاذ :- بحبك
جاكلين :- بعشقك
معاذ :- عمرى ما كنت اتخيل أن يبقى معايا قمر زيك كده يا قلبى
جاكلين :- انا اللى محظوظه أن ربنا بعت ليا راجل زيك طيب وحنين ووسيم وكل حاجه حلوه فيك
معاذ :- فاكره لما كنتى نفسك يتعمل فيكى زى الروايات
جاكلين :- ههههههههه اه وتقول باب السما كانت مفتوحه واتحققت ليا امنيتى بالظبط بس شهاده لله انا مهنتش عليك ولا مره فكرت توجعنى
معاذ :- لان انا من اول مره شوفتك فيها وانا حبيتك بجد شدنى ليكى خفة دمك وتواضعك وجمالك رقتك كل حاجه فيكى شدتنى
جاكلين :- انت حياتى كلها يا معاذ
معاذ :- وانتى اجمل ضحكه واجمل عيون بعشقك يا قلب معاذ
جاكلين :- حطت راسها على كتفه وقعدو يرقصو
عند فرحه ووحيد
وحيد :- كان بيبص بحب لفرحه وسرحان فى عينيها
فرحه :- بتبصلى كده ليه
وحيد :- مش قادر اصدق انك بقيتى مراتى وفى حضنى حاسس ان انا بحلم
فرحه :- بحب لا صدق انا بين ايديك وهفضل جنبك وفى حضنك لحد اخر يوم فى عمرى
وحيد :- ربنا يجعل يومى قبل يومك علشان مقدرش اعيش لحظه واحده فى الدنيا دى من غيرك
فرحه :- اترمت فى حضنه وقالت ربنا يخليك ليا يارب
وحيد :- بسها فى رسها وضمها اكتر ليه وقال بحبك وقعدو يرقصو مع بعض
مليكه وأيمن
مليكه :- نامت على كتفه وقالت تعرف ايه اكتر حاجه حلوه حصلتلى فى حياتى
أيمن :- ايه
مليكه :- انك بقيت جوزى وبشكر ربنا فى كل صلاتى على النعمه دى
أيمن :- وانا اسعد واحد فى الدنيا دى انك مراتى فيكى كل اللى حلمت بيه واتمنته يا لوكا
مليكه :- بحبك بحبك بحبك نفسى اسمع الدنيا كلها أن انا بحبك
أيمن :- ضمها فى حضنه وقال انتى فرحة حياتى وسنينى وقعدو يرقصو مع بعض
عند ولاء وكريم
كريم :- انا حاسس أن النهارده ده فرحنا احنا
ولاء :- انت طماع امال اللى كان من شهرين ده ايه
كريم :- احنا ايامنا مع بعض كلها فرح وسعاده يا حبى
ولاء :- بحبك
كريم :- بموت فيكى يا أغلى من حياتى بقولك ما تيجى وغمز ليها
ولاء :- اجى فين
كريم :- ما تيجى نسيب الفرح ونروح نشوف حالنا احنا بقى اصل انا مش على بعضى
ولاء :- اتلم يا كريم وبطل قلة ادب
كريم :- طيب بذمتك فى احلى من قلة الأدب لما بتكون فى الحلال وغمز ليها
ولاء :- اتكسفت ودفست راسها فى حضن كريم
كريم :- بسها فى راسها وضحك على كسوفها وقعدو يرقصو مع بعض
عند هنا ومحمد
محمد :- بحب خلصت فيكى كل كلام الحب ومعنديش كلام يتقال لكن عندى أفعال
هنا :- ههههههههه وكمان بقيت شاعر لاء ده انا كده اتغر حبيبى شاعر ورومانسي وامور وكل الناس بتحسدنى عليه
محمد :- وانا اجى ايه فى جمالك وحلاوتك ده انا الناس كلها حسدانى عليكى لان معايا حته من الجنه فى الارض
هنا :- بعشقك يا احلى واغلى ما فى حياتى
محمد :- بعشقك يا احلى نجمه منوره لياليه وضمها ليه وقعدو يرقصو
عند سمر
كان فريد قاعد كعاده فى مكان بعيد عن الفرح فى اوضه حجزها وبيقراه فى المصحف راحت عنده سمر وقالت
سمر :- مليش دعوه بقى انا عايزاك تيجى ترقص معايا سلو زيهم كلهم
فريد :- صدق بالله وقال انتى عارفه يا سمر ان انا بستحرم الاغانى والحاجات دى
سمر :- مش هتخسر حاجه هى المرادى وبس نفسى ارقص معاك سلو
فريد :- شدها من دراعها وقعدها على رجله وقال خليكى معايا وانا اعيشك احسن واحلى مية مره من اللى هتعشيه تحت
سمر :- وقفت وقالت لاء انا عايزه احضر الفرح
فريد :- براحتك وسبها
سمر :- راحت عند الباب ولسه هتفتح بصت ليه وقالت انت متأكد مش هتخلينى اندم أن محضرتش الفرح
فريد :- هههههههههه ايوه متأكد
سمر :- راحت عنده وقالت ماشى وقعدت تانى على رجله
فريد :- فك ليها الطرحه وقرب منها وبسها بوسه طويله وقال انا هعيشك ليلة تحلفى بيها وقفها ووقف قصادها ومد أيده وراه ضهرها وحطها على السوسته وفتحها ووقع من عليها الفستان فى الارض وميل عليها وشالها وحطها على السرير وقرب منها و(سكتت شهرزاد عن الكلام الغير مباح 😉😉)
عند مى وعدى
كانو بيرقصو مع بعض ومى حست بدوخه
عدى :- بقلق مالك يا مى
مى :- بتعب مش عارفه يا عدى حاسه بدوخه
عدى :- طيب تعالى اخدك المستشفى
مى :- لالالا يا حبيبى تلاقى بس من قلة الاكل علشان طول النهار مأكلتش حاجه
عدى :- بزعل ليه يا مى كده
مى :- مش عارفه مش طايقه ريحة الاكل يا عدى
عدى :- سندها وقعدها على الكرسى
مليكه الكبيره :- بقلق مالك يا مى
عدى :- مش عارف يا ماما دايخه من قلة الاكل طول النهار
مليكه :- وليه يا حبيبتى مأكلتيش
مى :- مش قادره يا خالتو مش طايقه ريحت الاكل
مليكه :- بفرحه ده الوحم يا حبيبتى انتى حامل يا مى
مى :- ا.ا ازاى يا خالتو انا حامل م.م.مش مصدقه نفسى
عدى :- اكيد يعنى يا ماما
مليكه :- ايوه مدام نفسها بتغم عليها من ريحة الاكل ودايخه تبقى حامل
مى :- يارب يا خالتو يسمع من بؤقك ربنا
عدى :- ت.ت تعالى ريحى فى اوضه فوق ومن هنا ورايح مش هتتحركى من على السرير اى حاجه عايزاها هعملها ليكى وميل عليها وشالها وطلع بيها الاوضه وهو فرحان
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند الكبار
باسم ومى
مى :- بصت لباسم شويه وبعدين قالت ياااااااه يا باسم العمر جرى بينا وبقينا جد وجده لاحلى أحفاد هههههه
باسم :- بس مهما كبرتى هتفضلى فى عينى اجمل واحلى واحده فى الدنيا
مى :- لسه بتحبينى زى الاول يا باسم
باسم :- انا بموت فيكى يا ميوش انا عشت سنين طويله بتمنى ابقى معاكى وداعيت ربنا كتير اوى تكونى من نصيبى واتجوزنا وجبنا عمار وولادى وولادك بقو اخوات وربناهم على حب الله والحمدالله عدينا مرحلة بعد تيلا عننا وربنا رجعها لينا من تانى فى حضننا وشوفناهم كلهم فرحانين مع اجوازهم وفرحنا بأحلى احفاد فى الدنيا
مى :- ربنا يخليك لينا احنا من غيرك ولا حاجه
باسم :- باس ايديها وقال ويخليكى لينا يا احلى ميوش فى الدنيا
عند مها واسر
مها :- وهى بتبوس اروى شايف يا أسر اروى كلها انت
أسر :- وانا حلو اوى كده يا مها
مها :- انت احلى راجل فى عنيا انا يا أسر انت ابن عمى واخويا وابويه وجوزى وابنى وكل حاجه حلوه فى حياتى كلها
أسر :- وانا من اول مره شوفتك فيها وانتى مولوده حسيت انك ملزومه منى بنتى انا بقيت اهتم بيكى لحد ما كل واحد سكن فى حته وعشت عمرى كله اتمناكى واراقبك من بعيد لبعيد وادعى فى صلاتى تكونى ليا ومن نصيبى لحد ما ربنا استجاب ليا وشوفتك عندنا فى الفيلا بتاعتنا وحسيت أن دى فرصتى والحمدلله بقيتى مراتى ومن نصيبى وجبنا احلى واجمل اولاد فى الدنيا وكبرو واتجوزو وجابو لينا احفاد ملو علينا الفيلا
مها :- بحبك يا اسو
أسر :- بموت فيكى يا قلب اسو
عند فارس وجومانه
جومانه :- بدموع اخيرآ يا فارس جوزنا عيالنا
فارس :- مسك ايديها ومسح دموعها وقال الحمدالله ربنا يسعدهم ويهنيهم يا حبيبتى ونشوف عيالهم مالين علينا الفيلا
جومانه :- يارب يا فارس احسن الفيلا هتبقى وحشه اوى من غير بسمله
فارس :- ربنا يعلم هتسيب فراغ كبير ازاى عندى بس ربنا يهنيها ويسعدها مع جوزها
جومانه :- بس المجانين التانين كريم وولاء دول نسخه مننا هههههههههه فاكر
فارس :- هههههههه وانا اقدر انسا مقالبك فيا فكره الاكل ولا لما حطيتى ليا زيت ووقعت على الأرض
جومانه :- هههههههه اه ولا لما خلتنى انضف الاوضه يوم فرحنا
فارس :- ههههههههههه ولا لما كانت اللى تتخفى دعاء حطت ليكى حبوب الهلوسه كنتى مشكله
جومانه :- يااااااه يا فارس الايام جريت بسرعه وجبنا عيال وكبرت واتجوزت كمان
فارس :- بس هتفضلى فى نظرى جومانه المجنونه الطقه
جومانه :- بعشقك
فارس :- بموت فيكى يا عمرى
عند مازن وسعاد
مازن :- بفرحه يااااااه ولادى كلهم اتجوز وبقو حاوليه مش مصدق نفسى بجد حاسس أن انا بحلم
سعاد :- مسكت أيده وقالت ربنا يخليك لينا يارب وتجمعنا كلنا بحسك
مازن :- حط أيده التانيه على ايديها وقال وانتى يا سعاد شوفتى كتير بسببى حقك عليا
سعاد :- يا مازن يكفى أن انت كنت سبب أن اكون ام ويكفى انك كنت السبب فى قعدتى فى شقه بدل الشارع وكنت بتصرف عليا علطول اما اللى حصل بعد كده كان غصب عنك ليس على المريض حرج
مازن :- باس ايديها وقال ربنا يباركلى فيكى يارب ويقدرنى أعوضك كل اللى فات
سعاد :- ويخليك لينا يارب
عند إياد
كان واقف بيشرب العصير
ومره واحده حد خبط فيه
ووقع عليه العصير
أياد :- بغيظ انتى غبيه وبعدين قال انتى
مريم :- انت لاء كده بقى لازقه وش
أياد :- نعم
مريم :- مرتين اوقع عليك العصير وفى فرح يبقى جواز وش خد رقمى وهات رقمك
أياد :- بأستغراب ايه
مريم :- مالك مبلم كده
أياد :- سؤال بس انتى طبيعيه
مريم :- لاء ليه
أياد :- طيب كويس انك عارفه نفسك عن اذنك
مريم:- خد هنا وربنا ما انا سيباك الا لما تتجوزنى وطلعت تجرى وراه
عند عمار
كان واقف وقال
عمار :- ياااااه ده انا فى نعمه اقسم بالله كل واحد اتجوز وانا اللى قعد سنجل طب وربنا السنجله جنتله مفيش احسن من انك تقعد كده من غير زن ووجع دماغ وفى الوقت ده خبطت واحده فيه
البنت :- اااااه مش تحاسب
عمار :- هههههههه معيش فكه وبعدين انتى اللى خبطينى مش انا
البنت :- انت بتضحك بجد بنأدم مستفز
عمار :- هههههههه عادى كله عارف كده بس انتى مين
البنت :- حاجه متخصكش
عمار :- صح عندك حق اسفين يا مزه
البنت :- لو سمحت متقوليش يا مزه
عمار :- خلاص جثه حلو كده
البنت :- بقولك ايه لم نفسك
عمار :- مسكها من دراعها وقال بت انتى فى حد وزك عليا ولا ايه خبطى فيا وقولت ماشى عماله تغلطى وتجرى شكلى وقولت ماشى بس لحد هنا كفايه بقى
البنت :- ااااه دراعى لو سمحت
عمار :- سبها وقال انا اسف بس انتى استفزتينى بجد
البنت :- وهى بدلك دراعها مطرح مسكة ايد عمار قالت مش قصدى استفزك عن اذنك
عمار :- اسمك ايه
البنت :- ميرا صاحبة بسمله فى الكليه
عمار :- ميرا اسمك حلو اوى يا ميرا
ميرا :- ميرسى عن اذنك ومشيت وسابته
عمار :- ميرا يا ترى ايه حكايتك يا ميرا وبص عليها وضحك
وانتهى الفرح وكل واحد روح بيته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت بسمله وجاسر
دخل جاسر الاوضه وقال
جاسر :- اتفضلى يا قلبى
بسمله :- دخلت الاوضه وهى مكسوفه
جاسر :- قفل الباب وشد بسمله فى حضنه وقال اخيرآ اتقفل علينا باب واحد
بسمله :- بعدت عنه وقالت احم ع.ع.عن اذنك ودخلت الاوضه
جاسر :- دخل وراها وقعد على السرير وقال تعالى يا بسمله اقعدى جنبى
بسمله :- قعدت على السرير بس بعيده عنه شويه وقالت ن.ن.نعم
جاسر :- قرب منها ومسك ايديها وقال مش عايزك تخافى منى يا بسمله عايزك تتأكدى لو الجواز ده حاجه تضرك عمرى ما كنت هعملها لأن انا مقدرش اوجعك ابدآ يا قلبى
بسمله :- وهى بصه على الأرض هزت راسها بمعنى الموافقه
جاسر :- قرب منها وبسها بوسه طويله من راسها وشدها فى حضنه وقال بحبك اوى يا بسلة حياتى وشويه وبعد عنها وقال هدخل الحمام اغير وانتى غيرى هنا براحتك
بسمله :- هزت راسها بالموافقه
جاسر :- دخل الحمام وغير وبسمله غيرت هدومها ولبست الاسدال وبعد شويه خرج جاسر ودخلت بسمله اتوضت وخرجت وصلى جاسر بيها وقال الدعاء وقام وقف باس بسمله من راسها وقلعها الاسدال وقرب منها وشالها وحطها على السرير و(سكتت شهرزاد عن الكلام الغير مباح 😉😉)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
وبعد مرور ثلاثة سنين آخره
كان الكل متجمع فى فيلا فهد المنشاوى بيحضرو لعيد ميلاد فهد الصغير السادس
مى وعدى نزلو من اوضتهم ومعاهم إيمان ومى حامل فى ولد
عدى ومى :- عقبال مليون سنه يا حبيبى
وصل يوسف وتيلا ومعاهم اروى ومراد الفيلا
يوسف وتيلا :- كل سنه وانت طيب يا فهودى
وفى الوقت ده وصل
مليكه وأيمن ومعاهم عبدالرحمن وميار
مليكه وأيمن :- كل سنه وانت طيب يا جميل
ووصلت جاكلين ومعاذ ومعاهم مالك وملك وميرنا
جاكلين ومعاذ :- كل سنه وانت طيب يا فهودى
ووصلت هنا ومحمد ومعاهم ريتال وريماس
محمد وهنا :- كل سنه وانت طيب يا فهد يا حبيبى
ووصلت فرحه ووحيد ومعاهم جورى وريان
فرحه ووحيد :- كل سنه وانت طيب يا فهد
ووصل كريم وولاء ومعاهم صفاء وولاءحامل فى ولد
ولاء وكريم :- كل سنه وانت طيب يا اسد
ووصلت بسمله وجاسر ومعهم يارا و رحمه توأم
بسمله وجاسر :- كل سنه وانت طيب يا حبيبى
ووصل عمار وميرا وكانو لسه متجوزين بقلهم شهرين ولينا حامل فى الشهر الاول
عمار وميرا :- كل سنه وانت طيب يا فهودى
ولسه هيبدأو عيد الميلاد ويطفو الشمع
أياد ومريم وصلو ومعاهم سلمى
أياد ومريم :- استانووووووو انتو نستونا ولا ايه
فريد وسمر :- وهما واقف قدمهم عائشه المجانين وصلو هو احنا نقدر ننساكم تعالو يلا ووقفو وطفو الشمع مع فهد ومليكه وباسم ومى واسر ومها وفارس وجومانه ومازن وسعاد وحياة والكل اتجمع فى صوره واحده
وانتهى عيد الميلاد ومر الزمن وكان فهدومليكه قاعدين فى نفس المطعم اللى اتقابلو فيه اول مره
مليكه :- وهى بتشرب الشاى قالت فاكر اول مره اتقابلنا هنا فى المطعم ده
فهد :- كانت بداية عمر جديد ليا رغم أن كنت متغاظ منك اوى بس مقدرتش انسا نظرت عيونك ليا واتولدت فيا مشاعر حلوه جوايا ليكى
مليكه :- انا كنت عكسك اول مره اتقابلنا هنا كنت بكرهك اوى اوى بس بعد كده بدأت احبك واتشد ليك شدتنى بحبك وخوفك عليا بغيرتك اللى كانت واضحه فى عينك عليا قسوتك اللى كان وراها حنيه وحب الدنيا كلها وانا شوفت ده بعينى فيك
فهد :- انتى كنتى فرحة عمرى وسنينى انتى الامل اللى شدنى علشان ياخد بأيدى للنور بدل ما كنت عايش فى الطلمه والمعاصى انتى كنتى بالنسبه ليا القشه اللى اتعلقت فيها وقت غرقى وانقذتنى من الغرق
مليكه :- الحادثه اللى حصلت ليك كانت نقطة تحول فى حياتنا كل واحد اعترف للتانى بحبه وعشنا اسعد زوجين رغم محاولات مروة وماما الله يرحمهم أنهم يفرقو ما بينا بس كان بيزيدنا عزيمه وتمسك ببعض أكتر وربنا كرمنا بأحلى أولاد فى الدنيا قابلتنا مصاعب كتير اوى فى حياتنا بس بفضل ربنا وحبنا لبعض قدرنا نتخطاها ونربى الاولاد ونكبروهم مشاكلهم زادت اكتر مع كابرهم بس انت كنت نعمه الاب كنت واقف فى ضهروهم وبتدعمهم لحد ما اخد بأيديهم لبر الأمان ومش ولادنا بس لا ولاد العيله كلها انت قدوة للكل يا فهودى
فهد :- وانتى كنتى نعمه الزوجه ونعمه الام قمتى بواجباتك على أكمل وجه لا عمرك اهملتى فى حقى ولا حق اولادك انتى نعمه كبيره من عند ربنا اكرمنى بيها
وفى الوقت ده جت ليهم واحده وقالت
البنت :- الله مليكه وفهد انا بحبكم اوى اوى وكان نفسى اقابلكم من زمان
مليكه :- احنا
البنت :- ايوه انتو انا متابعكم من اول مره اتقابلتو هنا ونفسى أقابل شخصيه زى فهد
فهد :- انتى اسمك ايه يا حبيبتى
البنت :- أسمى منتهى وعندى عشرين سنه فى كلية آداب ومتابعكم مع دودو من اول مقابله ليكم وكنت عايزه اعرف ازاى قدرتو تكملو مع بعض وتتمسكو ببعض رغم المشاكل اللى انتو مريتو بيها
فهد :- بالحب والتسامح والعشره الطيبه والثقه المتبادلة دول اساسيات اى بيت ناجح طول ما فى حب مابين الراجل والست والثقه محدش يقدر يوقع ما بنهم التسامح شرط أساسى لاى علاقه ناجحه اكيد هيكون فى مشاكل ما بينهم لازم الست تسامح والراجل يسامح علشان المركب تمشى
منتهى :- نصيحه اخيره لجيل دلوقتى
فهد :- انا هنصح الشباب ومليكه تنصح البنات نصحيتى للشباب اياك والحب الحرام اتقى ربنا فى بنات الناس وافتكر أن ليك اخت ام بنت ممكن يتعمل فيها زى ما عملت فى بنات الناس واياك تفكر أن الجواز ده مجرد شهوه لأنك كده فشلت من قبل ما تبدأ الجواز رحله هتمشيها مع نصك التانى وهتكون انت القائد فيها لازم تمشيها بحكمه واتقى ربنا فى الست اللى هتكون مسؤوله منك عاملها برقه وحنيه لانهم اضعف مخلوقات الارض وخلقت من ضلعك علشان تكون جنبك مش تحت رجليك اتقى ربنا فيها ربنا يباركلك فى حياتى ويرزقك بالزريه الصالحه اللى هتنفعك فى كبرك واياك الخيانه من أشد أنواع القتل للست وعمرها ما هتنساها ليك خلى تملى صفحتك بيضه وخلى مراتك تملى ماليه عنيك وابعد عن التسرع واتصرف بحكمه لان التسرع شئ هدام غير بناء وهتندم بعدين على تسرعك وربنا يصلح حال الشباب كلهم
مليكه :- نصحتى للبنات اتقى ربنا فى حياتك وابعدى عن اى شاب عايز يقضيها ابعدى عن الضلمه اللى عايزك وبيحبك اكيد هيظهر حبكم فى النور ابعدى عن الشبهات ارفعى تملى راس اهلك فى السما خليهم فخورين بيكى جسمك عزيز اوى عليكى متسلمهوش لاى أحد ربنا هيبعت ليكى اللى يستهلو بجد ويحافظ عليكى خليكى تملى صادقه مع جوزك الصراحه اهم شئ لأى علاقه ناجحه والثقه ما بين الطرافين خليكى نعمه البنت ونعمه الاخت ونعمه الزوجه ونعمه الام خلى الكل فخور بيكى وخليكى سمعه طيبه ما بين الكل ربنا خلقنا مميزين فى الدنيا ميزنا بنعمة الامومه وشيلنا احنا دور الحمل والولاده علشان ربنا متأكد أن الست حموله الف مره عن الراجل خليكى قد المسؤوليه دى وحافظى على بيتك وعلى جوزك واحسنى تربية ولادك على ذكر الله علشان فى الكبر تكونى فخوره بيهم وبارين بيكى وبأبوهم وربنا يصلح حال البنات كلها
تمت بحمد الله
