 |
رواية عشقت كبريائي فهد ومليكة الجزء الثالث (لقاء الاحبة) الفصل الاربعون بقلم دودو محمد
فى شركة أسر
دخلت جاكلين على مكتب أياد تسأل على يوسف وتيلا
جاكلين :- صبح صبح يا عم الحاج فين الاخوه الأعداء محدش فيهم ظاهر يعنى
أياد :- بصى هو حاجه من الاتنين يا يوسف قتل تيلا يا عيشين فى هنا وسعاده وحب وغلب على دماغ ابونا
جاكلين :- نهار اسود ومنيل أكيد لعبة فى عداد عمر البونيه قول عملت أيه
أياد :- أحم ولا حاجه بس طلبت منها أمبارح نتعشا مع بعض بره
جاكلين :- نهار اسوح قدام يوسف
أياد :- هههههههه ايوه شوية بهارات علشان الغيره وكده
جاكلين :- واكيد تيلا وافقت علشان تغيظ يوسف
أياد :- ايووووون
جاكلين :- أحمد ربنا انك لسه عايش لحد دلوقتى ويوسف مدفنكش مكانك
أياد :- هو كان ناوى بس تيلا تدخلت ودفعت عنى كمان
جاكلين :- ده أنت أيامك هتكون فله مع يوسف اليومين الجاين وربنا يستر على تيلا من يوسف الاتنين فى مكان واحد لوحديهم العند والعصبيه والتهور مع بعض فى وقت واحد ده هيقوم زلازيل وزاعبيل وحاجات كده كتير على بعضيها
أياد :- ههههههههههه ما هو أنا كتبت الوصيه بتاعتى عند المحامى أمبارح ومنتظر الموت على أيد يوسف بسبب ابوكى وجوز خالتك انا قولت أن العيله دى هتكون سبب موتى من الاول محدش صدق
جاكلين :- ههههههههههههههه
أياد :- المهم ايه أخبار سى معاذ معاكى انتى كمان
جاكلين :- احم مفيش أخبار ولا حاجه
أياد :- يا بت عينى فى عينك كده يعنى محاولش يكلمك على التليفون ولا يشوفك
جاكلين :- وانت عرفت أزاى أن هو حاول يكلمنى
أياد :- انتى عبيطه يا بنتى انا بقولك محاولش يكلمك ولا يشوفك وانا أيه هيعرفنى أن أتصل بيكى بس ده المتوقع يعنى أن يحاول يتواصل معاكى بأى طريقه علشان يرجعك ليه وانا قولتلك كده من أمبارح
جاكلين :- اممم ماشى
أياد :- ها أحكى أيه اللى حصل
جاكلين :- أتصل وقعد يقولى أن هو بيحبينى وانا كمان بحبه ومش هيتنازل عنى والكلام اللى كل ما يشوفنى يقولو ليا
أياد :- بس هو بيتكلم بجد يا جاكى وبيحبك بجد وده باين من محاولاته علشان يرجعك ليه
جاكلين :- يا ابنى انت أفهم صعب قولتلك
أياد :- انتى ليه بتعندى نفسك انتى لسه بتحبيه يا بنتى وباين عليكى الوجع اللى جواكى مش معنى أنك بتضحكى وكده يبقى بدارى اللى جواكى الوجع اللى بجد مهما تعملى بيبقى باين على صحبه
جاكلين :- بدموع عارفه أن بحبه يا أياد بس موجوعه اوى منه صراع مابين قلبى وعقلى قلبى عايز يسامحه ويديه فرصه كمان وعقلى بيفكرنى باللى عملو ويقولى مدهوش فرصه ميستهلش الفرصه دى
أياد :- خليكى وراه قلبك وسامحيه يا جاكى
جاكلين :- حتى لو هعمل كده مش بالسهوله دى يا أياد متنساش بابا وفريد هيعرضو الموضوع ده يرجع من تانى لان رافضين اللى حصل فيا من مرات ابوه وهو كان السبب فى كده لما اخدنى هناك
أياد :- طيب وعدى
جاكلين :- لاء عدى بيدافع عنه تملى وشايفه مظلوم من الظروف اللى عشها والتربيه اللى اتربها وشايف أن هو بيحبنى بجد علشان قدر يحمينى حتى من نفسه
أياد :- والله العظيم أخوكى عدى ده بيفهم اما بقى أبوكى واخوكى أكيد مش هيعرضو رجوعه ليكى مدام انتى اللى عايزه كده
جاكلين :- سكتت شويه وقالت ربنا يسهل يا أياد ووقفت وقالت انا هروح أقعد فى مكتب تيلا قصدى المرحومه تيلا هههههههههه
أياد :- ههههههههه ربنا يستر عليها وعليا هههههههههه المهم وراكى حاجه النهارده بعد الشركه
جاكلين :- ولا الهوا من البيت للشغل ومن الشغل للبيت
أياد :- مدام مفيش عزومه لتيلا هعزمك أنتى وخلاص على الغدا
جاكلين :- أيه يا أبنى انت راشق مع أى حد كده وخلاص لتكون عينك عليا ولا حاجه
أياد :- عينى على مين يا بيرا انا قولت أجبر بخاطرك واعزمك على الغدا
جاكلين :- هههههههههههه ماشى موافقه بس بلاش كلمة بيرا دى لو سمحت انا واحده مطلقه وافتخر يعنى عديت من كلمة العنوسه هههههههههه
أياد :- هههههههههههه مطلقه وفخوره بنفسك كتك واكسه توكسك
جاكلين :- هههههههههههههه
أياد :- صح قوليلى لسه بتحبى الروايات ونفسك تعيشى عيشة الروايات
جاكلين :- اسكت يا أخويه مش عشتها والحمدالله واتسحلت واتمرمت اللى جابونى كمان توبت وصليت الحمدالله قطعت كتب الروايات كلها ههههههههههههه
أياد :- ههههههههههههه احسن بعد كده خليكى فى الرعب والاكشن وبس أبعدى عن الرومانسى والاجتماعى ههههههههههههه
جاكلين :- ههههههههههههه سلام هروح اشوف اللى ورايا ومشيت وسابته
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند كريم خرج من كليته وراح لولاء عند الكليه بتاعتها واستناها لحد ما خرجت بس كان معها فرحه ومى ومليكه
مى :- كريم بتعمل ايه هنا
كريم :- ها م.م.مستنى ولاء
مليكه :- بصت لولاء وقالت مستنى ولاء ااااه قولتيلى وانت عامل ايه بقى
كريم :- احم كويس ازيك يا فرحه
فرحه :- الحمدالله يا كريم
مى :- بصت لكريم ولولاء وقالت بس ايه جمع الشامى على المغربى انتو تعرفو بعض أزاى
ولاء :- احم ع.ع.عادى يعنى شوفنا بعض فى فرحك انتى وعدى
مليكه :- شرارت الحب بقى ولعت هههههههههه
ولاء :- ضربتها فى بطنها وقالت اتلمى يا ظروفه
مليكه :- اااااه حرام عليكى يا مفتريه وبعدين خلينى اعمل فيكى شويه اللى كنتى بتعمليه معايا ومع اخوكى
وفى الوقت ده جه عدى بالعربيه
كريم :- بغيظ لا والله طيب ناقص مين فى العيله كمان مجاش علشان يشوفنا بالمره
مى :- ههههههههههههه ده انت حظك عنب يا ابنى والله هههههههههههههه
عدى :- كريم بتعمل ايه هنا
كريم :- لاء ولا حاجه الدكتور قلى اقف فى حته فيها طراوه
البنات :- هههههههههههههههه
عدى :- ايه يا خفه انطق بتعمل ايه هنا
كريم :- جاى اخد الحته بتاعتى خلاص ارتحت
ولاء :- اتكسفت
عدى :- اللى هى مين بقى
كريم :- يا دين النبى على ام التحقيق اللى مش هنخلص منه عدى خد مراتك وبنات خلاتك ومع الف سلامه
مليكه :- لاء انا مستنيه أيمن هيجى يخدنى
ولاء :- بخوف نهار اسود هو أبيه أيمن جاى وانتى ساكته يا مليكه وفى الوقت ده جه أيمن وقال متجمعين عند النبى أن شاءالله خير فى أيه
كريم :- لنفسه هى خروجه مبصوص فيها من الاول
عدى :- ازيك يا أيمن
أيمن :- الحمدالله انت عامل أيه
عدى :- الحمدالله
أيمن :- ازيك يا مى عامله أيه
مى :- الحمدالله يا أيمن
أيمن :- عامله أيه يا فرحه دلوقتى
فرحه :- تمام الحمدالله
ولاء :- طلعت تجرى على حضن أيمن وقالت ا.ا.ابيه واحشتنى
أيمن :- باس راسها وقال وانتى أكتر يا حبيبتى وبعدين بص لكريم وقال مين الاخ
كريم :- ها ا.ا انا ابقى ابن عمى عدى وقريب مليكه ومى وفرحه
أيمن :- اتشرفت بمعرفتك
كريم :- انا اشرف والله
أيمن :- انت كريم ولا أشرف
الكل :- ضحك على كلمة كريم
كريم :- لالالا كريم بس قصدى اقول الشرف ليا
أيمن :- ااااااه وبعدين بص لمليكه وقال يلا يا مليكه يلا يا ولاء اركبو
ولاء :- لالالا روحو انتو انا هركب أى تاكسى
أيمن :- يا بنتى اركبى أحنا كده كده رايحين عندكم فى البيت نطمن على ماما
ولاء :- عندهم مقولتليش يعنى
أيمن :- معلش يا حبيبتى ساعة زمن بس بقالى كتير مشوفتش امى
مليكه :- مفيش مشكله يا حبيبى بس انا قلقت لتكون مامتك فيها حاجه
أيمن :- لاء الحمدالله بس هى واحشانى وبعدين بص لولاء وقال اركبى يلا
ولاء :- ركبت العربيه من وراه وبصت لكريم بقلة حيلة
أيمن :- ركب العربيه مع ولاء ومليكه ومشى بيها
مى :- هههههههههه بصره يا كريم خيرها فى غيرها بقى
كريم :- بغيظ كان لازم ده يحصل بعد ما شوفت وشكم وراح ركب العربيه ومشى
الكل :- بص على كريم وضحك
عدى :- غريبه كريم وولاء طيب عرفو بعض أزاى
مى :- اتعرفو على بعض فى فرحنا
عدى :- ااااه يعنى احنا كنا فتحت الخير عليهم
مى :- هههههههههه اه
عدى :- ههههههههه ربنا يسعدهم اركبو يلا
مى وفرحه ركبو العربيه
وعدى ركب العربيه ومشى بيها على فيلا باسم نزل فرحه وبعدين مشى على الفيلا بتاعتهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا حياة
وصل مازن مع محمد وجاسر وهنا الفيلا ودخلو قعدو
محمد:- بفرحه نورت الفيلا يا خالو وبص لجاسر وهنا وقال منورين والله العظيم انا طاير من الفرحه اننا كلنا متجمعين هنا مع بعض
مازن :- ربنا يخليك يا أبنى حياة أختى عرفت تربى بجد واخواتك فين يا حبيبى
محمد:- مع ماما
مازن :- يرجعو بألف سلامه يارب
محمد :- ربنا يخليك يا خالو تحب اخدك الاوضه اللى حضرتك هتقعد فيها
مازن :- ياريت يا حبيبى احسن تعبت شويه من المشوار وعايز اخد شاور اريح بيه جسمى
محمد :- من عنيا يا خالو اتفضل
مازن :- معلش يا ابنى هات الشنط بتاعتى
جاسر :- حاضر يا بابا وشال الشنط وطلع مع مازن ومحمد
هنا :- قعدت تبص على الفيلا وطلعت وراهم بس قعدت تدور فى الاوض لحد ما لاقت اوضت محمد بصت حاوليها الاول ودخلت بسرعه وقفلت الباب وراها واتفرجت على اوضت محمد وعجبها النظام فيها وذوق محمد الرقيق ومسكت البرفان بتاعه وشمته وحطته تانى مكانه وفتحت الدولاب بتاعه وبصت على هدومه وقفلته تانى وراحت قعدت على المكتب بتاعه ولاقت عنده كميه كبيره من الكتب فى جميع المجالات بصت عليهم وقامت وقفت وراحت عند الباب علشان تخرج بس اتفاجئت بدخول محمد اتوترت وقالت
هنا :- م.م.محمد ا.ا.انا اسفه أن دخلت اوضك من غير ما استأذن
محمد :- دخل وقفل الباب وراه وقال ده انا اوضى نورت بوجودك فيها
هنا :- اتوترت لما محمد قفل الباب عليهم وقالت ش.ش.شكرآ وراحت عند الباب علشان تخرج
محمد :- مسكها من ايديها وبص فى عينيها وقال بس كنتى بتعملى ايه فيها
هنا :- بلعت ريقها بصعوبه وقالت احم ك.ك.كنت بتفرج ع.ع عليها
محمد :- وهو بيقرب ليها وعجبك ذوقى
هنا :- ا.ا.ايوه
محمد :- قرب أكتر ليها وقال عقبال ما تكون اوضك انتى كمان
هنا :- قلبها كان هيوقف عليها من الكسوف وقالت م.م.محمد س س.سبنى أخرج
محمد :- وهو بيقرب منها اكتر نفسى بقى يجى اليوم اللى هتكونى فيه مراتى حلالى ولسه هيبوسها
هنا :- مدت ايديها وفتحت الباب وطلعت تجرى ونزلت بسرعه تحت وهى مكسوفه ومتوتره
محمد :- اتنهد وغمض عينه علشان يهدا شويه وخرج من اوضه وقفل الباب وراه
جاسر :- مالك متوتره كده وكنتى فين فوق
هنا :- ها م.م.مفيش ب.ب بس ط.ط.
محمد :- نزل وانقذ الموقف وقال طلعت بعد ما احنا طلعنا وقعدت تدور فى الاوض علينا وانا شوفتها وروحت عندها اتخضت منى ونزلت وهى مخضوضه
هنا :- ا.ا.ايوه د.د.ده اللى حصل اتخضيت لما حسيت بأيد بتخبط على كتفى نزلت أجرى معرفش أن هو م.م.محمد
جاسر :- ماشى يلا اوصلك
محمد :- خليكم نتغدا كلنا مع بعض
هنا :- لالالا مش هينفع انا اتأخرت وماما هتزعل منى
جاسر :- وانا مقدرش اتغدا بره امى بتستنا لحد ما انا ارجع البيت ونتغدا مع بعض
محمد :- ربنا يخليهالك
جاسر :- يارب ووقف ووقفت هنا ولسه هيمشو
مازن :- استنى يا هنا رايح معاكى الفيلا عندكم
الكل بص لبعض بأستغراب
محمد :- طيب خليها بعدين يا خالو ارتاح شويه
مازن :- عمرى ما هرتاح غير لما مى وتيلا يسامحونى
هنا :- بس تيلا مش فى الفيلا رجعت لجوزها وقعده معاه فى مكان بعيد محدش يعرفه
مازن :- يبقى هطلب السماح من امك وبعدين لما ترجع تيلا ابقى اروح واطلب منها السماح
جاسر :- يا بابا حضرتك لسه خارج من المستشفى جديد وممكن شوية زعل يخلو حضرتك تتنجس من تانى لا قدر الله
مازن :- متخفش يا حبيبى انا اخد علاجى وكويس
هنا :- ماشى يا بابا اللى يريحك يلا وخرج مازن مع هنا وجاسر وراحو على فيلا باسم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عند تيلا ويوسف
كان يوسف قاعد تحت ومتعصب من كلام تيلا ليه وقعد يحدف أى حاجه تقابله فى الارض
تيلا :- وقفت فوق تشوف فى أيه وشافت الحاله اللى يوسف فيها وصعب عليها وكانت نفسها تنزل تخده فى حضنها وتهديه بس افتكرت لما نزلها بالقميص دخلت اوضتها تانى وقفلت الباب وراها وكل ما تسمع صوت تكسير يوسف للحاجه تحط ايديها على ودنها علشان متسمعش صوت حاجه
يوسف :- وهو بيكسر الحاجه قال عاااااااااا ليه ليه بتعملى معايا كده انا تعبت منك ومن عنادك امته بقى تتنازلى وتعترفى بغلطك امته نفسى أعيش طبيعى زى الناس من يوم ما توجدى فى حياتى وانا بعانى وبتعذب بعدك عنى كسرنى ووجعنى غير من شخصيتى خلانى واحد منعزل عن الناس كلها وخلانى عايش مع زكرياتك وبس وعشت حياتى مدفون بالحياه علشانك انتى وبس ولما رجعتى ليا قولت الدنيا ضحكة ليا اتارى بداية وجع جديد معاكى وبسببك تانى عشت وبعيش اسوء حلاتى حررررررام عليكى بقى تعبت هعيش امته بقى من غير وجعك وتعبك لا قادر اكرهك ولا قادر انسا غلطك كفايه بقى كفايه وقعد فى الارض وعيط
تيلا :- كانت بتسمعه وهى دموعها نزله منها وفتحت الباب ونزلت وقالت عايز ترتاح طلقنى وابعد عنى سبنى وانت ترتاح وانا كمان ارتاح انت ليه عايش دور البريئ انت عارف المعاناة اللى شوفتها وانا بعيده عنك اصعب مليون مره من المعاناه اللى بتتكلم عنها ايه يعنى حبست نفسك فى اوضك شويه لكن انا عشت اطلتش من هنا لهنا من بين كل حد شويه افوق من القلم الدنيا تدينى التانى ويوم ما رجعت ليك وقولت ربنا بعت ليا الايد الحنينه اللى هطبطب عليا وتنسينى وجعى اللى فات طلعت انت اكبر قلم من الدنيا والايد اللى بتهد وتكسر فيا الايد اللى كانت سبب دموعى ووجعى انت ده انت اكبر كدبه عشتها فى حياتى عارف الحب اللى قعد احبه ليكى قصدى الحب اللى كنت بحبه ليوسف الصغير الحنين الطيب مش أنت خالص كرهتك قده وزياده وكرهت حبى ليك كرهت كل حلم حلمته مع نفسى بيك وقعدت على الأرض وقالت بجد تعبت منك ومن الدنيا ومن الناس كلها ياريت كنت غرقت فى البحر وانا صغيره بدل العذاب والوجع اللى عشته فى حياتى كلها انت عارف انا كنت شيفاك مختلف عن الرجاله كلها قولت يوسف ده استحاله يطلع زى مازن وبقيت الرجاله اللى قابلتها فى حياتى بس طلعت اوسخ منهم كلهم على الأقل محدش بين جسمى للرجاله عايزينى اعترف بغلطى ماشى انا غلط لما روحت قابلته لوحدى بس غلطك اكبر منى بمليون مره الراجل اللى بجد اللى يدارى جسم مراته مش يفرجه للناس كلها انت عارف حلال عليك تعرف انا كنت هناك ليه مدام انت كده وعايش دور المظلوم انا كنت هناك علشان مكسرش رجولتك فى عينيك علشان احمى جواز اختك من الانهيار كنت هناك علشان سمر سمر اللى لو فريد بعد عنها هتموت من غيره كنت هناك علشان فيديو اختك مصوراه لنفسها وهى بقميص النوم وبتبوس فريد وهو نايم روحت بعد ما هددنى أن هينشر الفيديو ده فى كلية فريد وسمر خوفت عليهم وخوفت من تهورك وعصبيتك عليها لو عرفت قولت اخد منه التليفون بالفيديو وامشى معرفش أن هو كان عامل كل ده مع ابو انس اللى انت عرفتهم وشوفت بعينك ابنه كان هيموتنى لو مكانش ماما منال الله يرحمها وقفت قدامى ودموعها نزلت منها وسكتت شويه وحطت ايديها على بؤقها شويه وبعدين كملت كلامها وقالت انا مش زعلانه أن أنقذت جواز سمر وفريد لكن زعلانه على اللى شوفته منك زعلانه على نفسى وعلى وجع قلبى بس تعرف انا الموضوع ده جه فى مصلحتى عرفتنى على حقيقتك على يوسف الندل الجبان اللى المتهور اللى عنده استعداد يكسر الدنيا بحالها علشان عصبيته خروجك من حياتى دلوقتى مكسب ليا مش خساره هتوجع شويه وايه المشكله ما الوجع واخده عليه طول حياتى بس هعيش على أمل أن الاقى الفرحه فى حياتى فى يوم من الايام
يوسف :- صعبت عليه تيلا وحس أن هو ظلمها قام وقعد قدمها ولسه هيقرب منها ويحضنها
تيلا :- عندك اياك تقرب منى وتلمسنى متفكرش أن انا بعمل كده علشان اصعب عليك وتصالحنى لاء انا تيلا اللى رغم الحياه اللى عشتها والوجع والفراق عاشت قويه وزى ما عشت اللى فات هعيش الجاى ووقفت ومسحت دموعها وقالت ياريت تبعد عنى وتسبنى فى حالى بقى
يوسف :- وقف وقال تيلا انتى غلطى لما ما قولتيش الحقيقه ليا من الاول كانت حاجات كتير اتغيرت ومحصلش كل ده
تيلا :- لاء يا يوسف كنت بعصبيتك برضه هتخرب الدنيا وعمرك ما هتتغير يا يوسف وعصبيتك وتهورك دول هيفضلو السبب الرئيسي فى وجعك طول حياتك
يوسف :- مسكها من دراعها وقال تيلا تعالى ننسا كل اللى فات ونبدأ من اول وجديد وعيوبى اغيرها علشانك وانتى كمان تغيرى من نفسك علشانى
تيلا :- سحبت دراعها من ايد يوسف وبعدت عنه وقالت بدموع ياريت ينفع بس اللى انت كسرته فيا صعب يتصلح يا يوسف
يوسف :- انا غلط وانتى غلطى يا تيلا احنا مش ملايكه ده ربنا بيسامح عبيده واحنا البشر المخلوقين من الطين لاء ليه
تيلا :- ونعمه بالله بس انا بشر مش ملاك زى ما قولت وصعب انسا اللى عملتو فيا
يوسف :- ادينى فرصه وانا أخليكى تسامحينى
تيلا :- انت بالنسبه ليا دلوقتى متفرقش عن مازن بلعكس انت اندل منه وزى ما عمرى ما هسامح مازن عمرى ما هسمحك يا يوسف انتو الاتنين كنتو سبب وجعى وكسرتى
يوسف :- تيلا س
تيلا :- قطعته وقالت خلصنا يا يوسف الحكايه خلصت لحد هنا ياريت تسبنى امشى من هنا وانسانى زى ما انا هنساك
يوسف :- بدموع مقدرش انساكى
تيلا :- غمضت عينيها ودموعها نزلت منها وقالت ارحمنى بقى يا اخى طلقنى وسبنى فى حالى كفايه بقى كفايه وسابته وطلعت على اوضتها
يوسف :- قعد يبص عليها وهى طالعه واتنهد وقعد على الكنبه وحط راسه ما بين ايديه ودموعه نزلت منه
تيلا :- طلعت على اوضتها وقفلت الباب وراها وقعدت وراه الباب وعيطت وحطت ايديها على بؤقها علشان تكتم صوتها
وبعد وقت يوسف مسح دموعه وطلع خبط على باب اوضت تيلا
تيلا :- مسحت دموعها وقامت من وراه الباب وفتحت وقالت نعم
يوسف :- حضرى نفسك الصبح هرجعك الفيلا عندكم
تيلا :- شكرآ على كرم اخلاقك حاجه تانى
يوسف :- تيلا بلا
تيلا :- قطعته وقالت خلصنا يا يوسف
يوسف :- ماشى يا تيلا ونزل وسابها
تيلا :- قفلت الباب جامد ورمت نفسها على السرير وقعدت تعيط
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
وصل مازن مع هنا وجاسر ودخلت هنا وهى متوتره وبصت لابوها وقالت
هنا :- بابا خليك هنا وانا هدخل ابلغ بابا باسم وماما
مازن :- ماشى يا بنتى
هنا :- اتفضل اقعد
مازن :- لاء انا كده مستريح روحى انتى يا حبيبتى
هنا :- حاضر وسابتهم وطلعت عند اوضت امها وخبطت على الباب وهى متوتره
مى :- فتحت الباب وقالت هنا فى حاجه يا حبيبتى
هنا :- ها ا.ا.احم ا.ا.اه يا ماما
مى :- خير يا هنا انطقى علطول اختك فيها حاجه
هنا :- لالالا يا ماما ب.ب.بس بابا تحت
مى :- يخربيت عقلك يا هنا وقعتى قلبى طيب روحى وانا نزله احضر الغدا
هنا :- احم لاء مش بابا باسم
مى :- امال ايه
هنا :- ب.ب.بابا م.م.مازن
مى :- بصوت عالى مييييييييييييين
هنا :- أهدى بالله عليكى يا ماما بابا لسه خارج من المستشفى النهارده
مى :- بصوت عالى ايه دخله هنا ايه جابه ياريت ياخد بعضه ويخرج من هنا بدل ما اطلب ليه الشرطه
هنا :- أهدى يا ماما بس
مى :- هناااااااااااا انزلى خرجى الزباله ده برررررررره
عمار :- جه على صوت أمه وقال فيه ايه يا ماما فيه ايه يا هنا
مى:- الهانم جايبه الزباله هنا عندنا فى الفيلا انزلى خرجى بره يا هنا اقسم بالله مستعد اقتله واطلع فيه وجع السنين اللى فاتت دى كلها
عمار :- انا مش فاهم حاجه هو مين ده
هنا :- ده بابا يا عمار
عمار :- بابا مين مش فاهم
هنا :- يا عمار ابويه مازن
عمار :- اوووووبا
مى :- مش هتنزلى ماشى يا هنا ودخلت لبست طرحه ونزلت
هنا :- يا ماما استنا بس يا لهوى عليا
فرحه :- خرجت من اوضتها وقالت هو فيه ايه
عمار :- ابو تيلا وهنا تحت وماما قالبه الدنيا
فرحه :- نهار اسوح وايه جابه ده
عمار :- انا عارف تعالى ننزل نشوف ايه هيحصل
فرحه :- لاء انا تعبانه هدخل انام مليش دعوه باللى هيحصل
عمار :- لاء انا هنزل اموت انا فى الحرايق دى الصراحه
فرحه :- لعبت فى شعره وقالت بموت فيك وبسته ودخلت اوضتها
عمار :- نزل وقعد يتفرج على اللى بيحصل
مى :- نزلت وهى متعصبه وراحت عند مازن وقالت ما انت زى القرد اهو امال اختك كانت بتكدب وتقول انك تعبان ليه ولا كذبه ما اكاذبكم ها جاى ليه عايز منى ايه ارحمنا بقى عايشين فى عذاب طول عمرنا بسببك يا شيخ ياريت كنت غرقت فى البحر وارتحنا منك
مازن :- أهدى يا مى انا مش عايز حاجه منك انا جاى علشان اتأسف ليكى عن اللى حصل منى زمان بس كان غصب عنى والله
مى :- بدموع ضحكة وقالت ههههه غصب عنك امممم وتتأسف ليا لاء الصراحه ممثل قدير تستاهل جايزة نوبل عليه طيب قولى اسفك ده هيرجع ليا قلبى اللى انت وجعته ولا الكسره اللى كسرتها ليا ولا هترجع ليا عذاب قلبى ووجعى على بعد بنتى عنى ولا هترجع ليا سنين عمرى اللى راحو فى دموع والم ولا هترجع ليا ايه ولا ايه
مازن :- مى اقسم بالله كان غصب عنى انا افعالى دى كلها نتيجة قطعى للعلاج طيب روحى المستشفى واتأكدى من كلامى
مى :- متنطقش أسمى على لسانك فاهم واطلع بره حالا
باسم :- مى أهدى
الكل :- بص على صوت باسم
مى :- راحت عنده وقالت بدموع طلع الزباله ده من بيتى
باسم :- شد مى فى حضنه وطبطب عليها وقال ششششش أهدى يا مى انا جنبك أهدى
مازن :- كويس انك جيت يا باسم علشان انا عايز اتأسف ليك عن زمان واشكرك على تربية بناتى واهتمامك بيهم وكنت نعمه الاب لبناتى
باسم :- راح عنده وهى مى فى حضنه وقال لو هتتأسف على اللى فات بالنسبه ليا انا مسمحك لان ليس على المريض حرج لكن على تربية البنات فأنا مربتش غير هنا وبس وهى فعلا بنتى زى فرحه وعمار عيالى إنما تيلا انت اخدها لدنيا تانيه هى اللى ربتها انت ازاى تعمل كده فى بنتك حتى لو مريض ده ميسمحش ليك انك تعمل فيها اللى انت عملتو انت رمتها فى البحر اى اب انت ده الحيوانات اللى ربنا ميزنا عنها بالعقل بتخاف على عيالها اكتر منك انا مسمحك فى حقى بس مش مسمحك فى حق مراتى وتيلا وضربه بالبوكس فى وشه
جاسر :- بابا ومسكه قبل ما يقع
هنا :- حطت ايديها على بؤقها متفاجئه باللى حصل
مى :- بشماته احسن
باسم :- لسه هيقرب منه تانى يضربه
عمار :- مسكه وقال بابا بابا اهدا ده راجل كبير وتعبان مهما كان
جاسر :- لسه هيروح يمسك فى باسم علشان ابوه
مازن :- مسكه وقال لاء يا جاسر ده واحد قد ابوك وليه حق فى اللى عملو
جاسر :- ده ضربك يا بابا وانت تعبان
باسم :- بابا يبقى انت اللى رماك وانت لسه فى بطن امك ومشى وسابهم ضحيه من ضحياه يعنى
جاسر :- واحد كان مريض تعبان انتو ايه مش عندكم قلب
مازن :- اسكت يا مازن عيب متردش على حد
جاسر :- يا بابا
مازن :- قطعه وقال سمعت قولت ايه مش عايز اسمع صوتك
جاسر :- حاضر يا بابا
مى :- لاء بتعرف تربى ده انت يا راجل مكنتش بتعرف شكل بناتك ايه وهما صغيرين انت عمرك ما كنت اب ولا هتعرف تكون اب ابدآ
مازن :- انا مش هلوم عليكم فى اى رد فعل ليكم ومن حقكم بس عايز تتأكدو أن انا عمرى ما كنت بنأدم وحش ولا التصرفات اللى طلعت منى زمان كانت بوعى منى انا كنت شاب كويس جدآ وطول عمرى الناس بتحلف بأدبى كنت مجتهد وكنت مش بفوت فرض وكنت حافظ كتاب ربنا بس ظروف موت امى وابويا غيرنى كتير علشان كنت انا سبب موتهم وعلى ما اعتقد ان اختى حكت ليكم الظروف اللى مريت بيها طيب انا لو بنأدم وحش كنت وقفت جنب مليكه يا مى لما كانت ملهاش حد وانا اخدها المستشفى ووقفت جنبها بلاش دى انا السنه اللى عشتها معاكى وانا باخد العلاج عمرى جيت عليكى جرحتك قلت كلمه وجعتك لاء يا مى عدم انتظامى فى العلاج هو اللى غيرنى والله اما بالنسبه لتيلا انا بجد مش عارف عملت كده ازاى ازاى قدرت اخطفها من امها وازاى ارمى بنتى للموت بأيديه ودموعه نزلت منه وقعد على الكنبه بتعب
هنا :- قعدت جنبه وقالت بابا بلاش تتعب نفسك بالله عليك انت لسه خارج من المستشفى ومتأقلمتش كويس ابوس ايدك اهدا
مازن :- طبطب على ايد هنا وقال متخفيش يا حبيبتى انا كويس وبعدين بص لمى وباسم وقال انا غلط فى حقكم وفى حق تيلا أكتر من الكل بس بتمنى انكم تسامحونى انا العمر خلاص مبقاش فيه عايز لما أقابل وجه كريم اكون مرتاح ان الكل مسامحنى انا عشت عمرى كله بعيد عن عيالى عشت وحيد بين أربع حيطان عشت بتأنيب الضمير عشت قاطع الكلام مع الكل عشت على دموع عينى وبس بيستهيألى أن انا اتعاقبت بما فيه الكفايه
باسم :- بيستهيألى اللى محتاجه تسامحك بجد تيلا إنما احنا مش هتفرق معاك مسامحتنا فى حاجه اهو ابنك وبنتك سامحوك ناقص تيلا ويبقى كده انت جمعت ولادك من تانى
مازن :- لاء يا باسم انا عايز الكل يسامحنى وانتو أولهم
مى :- لاء يا مازن عمرى ما هسامحك حتى لو كانت هتحيك الكلمه دى
باسم :- انا زى ما قولتلك عن نفسى مسامحك
مازن :- مى
مى :- قولتلك متنطقش أسمى على لسانك
مازن :- حاضر قولى ايه يخليكى تسامحينى وانا مستعد اعملو ليكى
مى :- ترجع ليا سنين عمرى اللى راحت فى دموع على فراق بنتى تقدر
مازن :- ياريت اقدر كنت عملتو ليكى بس عمر اللى راح ما بيرجع
مى :- اهو انت قولتها بنفسك عمر اللى راح ما هيرجع وانا عمرى ما هقدر اسامحك على اللى فات يا مازن اطلع بره لو سمحت
مازن :- بوجع بص لمى وبعدين بص لهنا وبص لجاسر وقال يلا يا ابنى
جاسر :- سند ابوه وهو الدموع فى عينه
هنا :- لسه هتروح معاهم
مى :- بعصبيه هنا اطلعى اوضك
هنا :- هوصل بابا طيب
مى :- سمعتى قولت ايه اطلعى على اوضك
هنا :- بصت على ابوها بدموع وطلعت على اوضتها
مازن :- بص لمى وقال ياريت اللى بنا يبقى بعيد عن البنات يعنى خلى هنا تزورنى متقطعنيش هى كمان
باسم :- لاء فى دى متخفش بناتك ليك حقوق عليهم ومش من حق اى حد يمنعهم عنك
مازن :- شكرآ ليك مره تانيه
باسم :- العفو
جاسر :- سند ابوه ومشى هما الاتنين من الفيلا
مى :- قعدت على الكنبه وقالت بنأدم مستفز
باسم :- قعد جنبها وقال أهدى يا حبيبتى خلاص
عمار :- احم ممكن اقول رأى من غير زعل
مى :- عمار انا مش فايقه لهيافتك دلوقتى
عمار :- بس اللى انا عايز أقوله مش هيافه يا ماما ده رأى وحضرتك حره تعملى بيه ولا لاء
باسم :- قول يا عمار
عمار :- انا شايف ان الراجل ده صادق فى كلامه وصعب عليا اقسم بالله هو مش طالب حاجه صعبه ده طالب السماح مفهاش حاجه لو نتسامح مع الناس ده انتو حتى علطول تكلمونا عن التسامح ما بين بعض انتو ليه مش بتعملو بي بقى ده ربنا غفور رحيم وانا شايف ان الراجل ده اتعذب فى حياته زيه زيكم بالظبط حرام يا ماما سامحيه واديلو فرصه يثبت حسن نيته ليكم بجد يمكن يفرق فى حيات تيلا بجد وزى ما زمان اخد منها الحياه وحرمها منك يقدر دلوقتى يساعد تيلا فى حياتها ويرجعها تانى ليكى زى الاول وتيلا صعب تسامحه طول ما شيفاكى يا ماما رافضه تسامحيه تيلا لو رافضه تسامحه مش علشان اللى عملو فيها لاء باللعكس تيلا ممكن تسامحه على اللى عملو فيها بس مش هتسامحه على اللى عملو فيكى انتى غير لما انتى تسامحيه ده رأى وحضرتك حره فى القرار عن أذنكم وسابهم وطلع على اوضه
باسم :- انا شايف كلام عمار معقول وعنده حق يا مى حاولى تسامحيه يمكن يقدر يرجع ابتسامة تيلا ليكى زى الاول وقلب تيلا يصفى وتعيش بسلام بدل ما عيشه بعقدت ابوها دى
مى :- مش قادره يا باسم قلبى رافض يسامحه على اللى عملو فينا
باسم :- حاولى مش هتخسرى حاجه يمكن العكس تكسبى تيلا بنتك
مى :- اتنهدت وقالت ربنا يسهل
باسم :- بسها من راسها وقال ربنا يباركلى فيكى يارب
مى :- ويخليك ليا يا حبيبى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت فريد
صحيت سمر من نومها ملاقتش فريد جنبها قامت من على السرير غسلت وشها وأتوضت وخرجت أدت فرضها ونزلت تحت
مليكه :- اول ما شفتها قالت سمر ايه اللى نزلك يا حبيبتى
سمر :- ملاقتش فريد جنبى قولت يبقى نزل يقعد معاكم
مليكه :- ايوه يا حبيبتى نزل فطر معانا وراح الجامع وزمانه جاى
سمر :- قعدت وقالت ماشى انا هستنا لما يجى بقى
مليكه :- احضرك تاكلى يا حبيبتى
سمر :- لاء يا خالتو مش هقدر نفسى بتغم عليا
مليكه :- يا حبيبتى مش هينفع كده اللى فى بطنك محتاج غذا كويس
سمر :- غصب عنى والله يا خالتو
مليكه :- حطت كوباية عصير وقالت طيب أشربى شوية العصير دول
سمر :- ماشى واخدت الكوباية وشربتها
وشويه وجه فريد وباس سمر فى راسها وقال
فريد :- عامله ايه دلوقتى يا حبيبتى
سمر :- الحمدالله يا حبيبى كويسه
فريد:- طيب الحمدالله اكلتى
مليكه :- مرضتش شربتها كوباية عصير تسند قلبها شويه
فريد :- لاء انا كده هزعل يا سمسمه ليه مش عايزه تغذى فهد
سمر :- والله يا فريد غصب عنى
مليكه :- بفرحه انتو قررتو هتسمو فهد
فريد :- ايوه يا ماما
مليكه :- ربنا يبارك فيكم يا حبايبى
فريد :- ويخليكى لينا يا ست الحبايب
وفى الوقت ده دخل عدى ومى
عدى :- السلام عليكم
الكل :- وعليكم السلام
مى :- اذيك يا ام سحلول عامله ايه دلوقتى
سمر :- يا غلسه متقوليش على فهودى سحلول
مى :- انتو هتسمو فهد
سمر :- ايوه
مى :- لاء ده كده البوب مقدرش اغلط فيه معاه وسطه من وهو فى بطنك
سمر :- ههههههههه ايوه كده اتظبطى
مليكه :- بس بلاش فهودى دى علشان مولعش فيكم
مى :- احبك وانتى غيرانه على البوب مننا ههههههههه
وفى الوقت ده دخل فهد
عدى :- ابن حلال والله يا بابا ماما ومراتات ولاد بيتخانقو عليك
فهد :- هههههههههه وطبعآ امك اللى فازت
عدى :- والله المباراه لسه فى أولها
فهد :- بس انا واثق أن امك هتفوز عليهم
مى :- بدلع اخس عليك يا فهودى يعنى انت بتشكك فى قدراتنا
عدى :- ده انتى بتلعبى فى عداد عمرك
فهد :- لاء طبعآ يا ميوش بس خالتكم مجنونه ويتوقع منها اى حاجه
سمر :- طيب اشهد انت يا فهودت قلبى احنا دلوقتى بندلع فهد اللى فى بطنى بأسم فهودى خالتو زعلانه ليه وليه علشان بنقوله كده
عدى :- لالالا ماما هتولع فيكم انتو الاتنين هى حصلت فهودت قلبى كمان
فهد :- انتو هتسموه فهد على أسمى بلاش يا ابنى تظلموه وسموه اسم من بتوع اليومين دول
فريد :- لاء طبعآ يا بابا حضرتك الخير والبركه ويارب بس يطلع شبه حضرتك فى الاسم وفى كل حاجه
فهد :- ربنا يخليك يا حبيبى ويقوم مراتك بالسلامه يارب
مليكه :- مردتش يعنى على موضوع فهودى دى
فهد :- ههههههههههه وانتى تكرهى أن ابنك يسمى على اسمى
مليكه :- مكرهش طبعآ بس فهودى دى بتاعتى انا وبس
فهد :- والله بقى اتصرفى انتى ومرات ابنك فى الموضوع ده انا ليا الولد وبس
سمر :- قصدك فهودى هههههههههه
مليكه :- انتى عارفه هسيبك كده لحد ما تولدى اكون فكرت ليه فى اسم دلع غير فهودى ماشى يا ام سحلول
الكل :- هههههههههههههه
عدى :- البوص طبعآ اللى فاز
فهد :- عيب انا واثق فى امك
مليكه :- يلا هقوم أحضر الاكل
مى :- وجاكى فين
مليكه:- معرفش شكلها كده هتتأخر بره
مى :- ماشى انا هاجى أحضر الاكل معاكى
مليكه :- اطلعى بس الاول غيرى هدومك
مى :- ماشى وطلعت تجرى غيرت هدومها ونزلت حضرت الاكل مع مليكه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
وصل كريم وهو متعصب دخل نام على رجل بسمله على الكنبه
جومانه :- مالك داخل كده من غير سلام ولا كلام
كريم :- مفيش بس مصدع شويه من المحاضرات النهارده
بسمله :- وهى بتلعب فى شعره اجبلك حباية صداع
كريم :- لاء يا بسله مش عايز
جومانه :- قولت لسنيوره بتاعتك
كريم :- لاء لسه
جومانه:- ويارب ماتقولها ابدآ
كريم :- ما هو النق ده اللى جايبنى لوره اقسم بالله
جومانه:- قصدك ايه يا روح امك
كريم :- قعد وقال ولا حاجه يا ماما ولا حاجه بابا جه ولا لسه
فارس :- انا جيت مين بيسأل عليا
كريم :- انا
فارس :- مالك وشك كأنك مضروب مية جزمه كده ليه
كريم :- لاء هو وشى كده يوم الاتنين والتلات بيدى لهيثم اكتر
فارس :- ههه خفه
كريم :- بجد اب وام مبالغ فيهم فين الحضن الحنين فين الطبطبه فين الاكل هموت من الجوع
بسمله :- ههههههههه عمرك ما تعرف تقول كلمتين جد على بعضيهم ههههههههههههه
كريم :- لا والله طيب كلمتين جد تمام كده ياأختى
جومانه :- انا هقوم أحضر الغدا
كريم :- ربنا يعمر بيتك يا حاجه اول مره تقولى حاجه عدله بس خلى بالك من الصرصار اللى تحت رجلك
جومانه :- عاااااااااا
كريم :- تعيشى وتخدى غيرها يا ست الحبايب يا حبيبه هههههههههههههههه
جومانه :- يا ابن ال
كريم :- عيب عيب هتغلطى فى الراجل وهو قاعد ميصحش يا جومانه
فارس :- ملكش دعوه اطلع انت منها
كريم :- الله يرحمك يا رجوله
جومانه :- حدفته بالشبشب وقالت ابقى أقرلها الفاتحه ياروح امك
كريم :- ااااااه من أهم الاسلحه عندك اللى بتصيب هو سلاح الشبشب تحسى أن هو عارف مكانه فين رايح على وشى علطول
بسمله :- احسن من اللى بتعملوا فيا
كريم :- اقعدى كده على جنب يا بسله خليكى فى جزرك وبطاطسك
جومانه :- حضرت الاكل وحطته على السفره والكل بدأ ياكل
فارس :- صحبك عمل ايه مع ابوه
كريم :- قليل اوى لما بشوفه علطول قاعد مع ابوه
جومانه :- شهاده لله الولا ده بحبه لله فى لله كده
كريم :- لله هو انتى بتشحتى يا اما ولا أيه
جومانه :- كل يا ولا مسمعش حسك
كريم:- حاضر امامى
وقعدو ياكلو كلهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شركة اسر
خلصت جاكلين الشغل وراحت المكتب عند أياد وقالت
جاكلين :- لسه قدامك كتير انا جوعانه يا بشر
أياد :- وقف وقال لاء خلاص خلصت يلا بينا
ونزلو الاتنين من الشركه وركبو العربيه بتاعة أياد وراحو على المطعم ودخلو قعدو وطلبو الاكل
جاكلين :- معلش بقى يا عم أياد هكلفك بس انا جعانه اوى
أياد :- يا ستى ولا يهمك اطلبى اللى انتى عايزاه هو انا ورايا غير فهد المنشاوى وعيلته
جاكلين :- هههههههههههه ومره واحده قطعت الضحكه
أياد :- بأستغراب فى أيه يا بنتى مالك بلمتى كده
جاكلين :- شاورت بعينيها وراه
أياد :- بص وراه وقال ايوه حضرتك محتاج حاجه
معاذ :- بعصبيه مين ده يا جاكى
جاكلين :- ملكش فيه
أياد :- مين ده يا حبيبتى
جاكلين :- اتصدمت من كلمة حبيبتى وقالت أحم د.د.ده معاذ المهندس اللى كان شغال قبلك فى الشركه
معاذ :- بغيظ وجوزك يا هانم
جاكلين :- قصدك طليقى انت ناسى انك طلقتنى ولا ايه
معاذ :- لاء ما هو اللى انتى متعرفهوش انك لسه مراتى
جاكلين :- وقفت وقالت نععععععععععععم يا اخويه مرات مين
معاذ :- مراتى الطلاق بالغصب لايجوز لازم بالقبول وابوكى طلقك منى بالغصب يعنى انتى م ر ا ت ى
جاكلين :- كتك مو انا مش مرات حد فاهم
معاذ:- مش بقولك ده شرع ربنا اعترضى بقى
أياد :- خلصت كلامك يا بتاع انت اتفضل بقى من هنا بدل ما اعرفك مقامك وعايز اقولك أن جاكى خطيبتى ومستنى العده تخلص وهنتجوز
جاكلين :- بصت ليه بصدمه
معاذ :- انت اهبل ولا عبيط بقولك مراتى تقولى خطيبتك طيب ازاى دى
أياد :- خلاص طلقها علشان هى بتكرهك وبتحبنى انا وهنتجوز ونعيش مع بعض احلى أيام
معاذ :- اتعصب وضرب أياد بالبوكس فى وشه
جاكلين :- نهار اسوح أياد وطلعت تجرى عليه
معاذ :- مسكها من دراعها وقال أمشى معايه
جاكلين :- شدت دراعها وقالت ابعد عنى ملكش دعوه بيا فاهم
معاذ :- جاكلين انتى مراتى انا ومستحيل هسيبك ومش هسمح لاى مخلوق على وجه الارض يخدك منى
جاكلين :- لاء يا معاذ هطلقنى والمرادى برضاك وهتسبنى اشوف حياتى وهتخرج انت منها فاهم
معاذ :- هز راسه بمعنى لاء وقال مستحيل يا جاكلين مستحيل انا بحبك لدرجة الجنون ومستعد أعمل أى حاجه فى الدنيا علشان تسامحينى بس متبعديش عنى
جاكلين :- مش بسهوله دى يا معاذ اللى انت عملتو فيا مستحيل يتنسا بالسهوله دى وسابته ورجعت تانى لأياد
معاذ :- بص لجاكلين بدموع وقال انت ليا خليكى عارفه كده ومش هسيبك عمرى يا جاكى ومشى
جاكلين :- كانت فرحانه من جواها بكلام معاذ وراحت عند أياد وهى بتكتم ضحكتها وقالت انت موت ولا أيه
أياد :- وهو حاطط ايده على وشه قال اهو ده اللى بخده من وراكم اشوف فيكم يوم يا بعده
جاكلين :- سندته وقالت قوم يا اخويه حد قالك زود الجرعه معاه اهو كومك على الأرض يا موكوس ههههههههههه
أياد :- بتضحكى اه يا أختى ليكى حق ما هو اثبت حبه ليكى فى وشى انا عارف اجلى هيكون يا على أيد يوسف لا على أيد معاذ ابن المفتريه اااااه وشى
جاكلين :- هههههههههههههه شكلك مسخره لما كومك فى الارض
أياد :- ما خلاص يا أختى عرفنا انك بتحبى هيرو الله يحرقك ويحرقه فى وقت واحد
جاكلين :- بس هو كلامه ده بجد انا فعلا لسه مراته
أياد :- بصى هو لحد علمى أنا أعرف أن الجواز والطلاق لازم يكون برضه الطرافين ولو ده ما حصلش يبقى باطل اذا كان جواز ولا طلاق وبعدين انتى اتفرجتى على فيلم الزوجه التانيه
جاكلين :- اللى هو بتاع أيتن عامر وعمرو عبد الجليل وعلا غانم
أياد :- لاء يا بنتى ده المسلسل انا بقولك على الفيلم بتاع سعاد حسنى وشكرى سرحان
جاكلين :- ما علينا مالهم
أياد :- بصى لما العمده طلق سعاد حسنى بالعافيه من شكرى سرحان وراحت تعيط فى الحسين باين مش فاكر المهم الشيخ قالها أن طلقها منه باطل لأنه بالغصب وهى كده تبقى لسه مرات شكرى سرحان ومخلتش العمده يلمسها واتعاملت مع شكرى سرحان على أساس أنها مطلقتش منه ولسه جوزها نفس حكاية ابوكى لما خلى معاذ يطلقك غصب عنه يبقى على ما اعتقد كده انك لسه مراته زى ما بيقول وبرضه زيادت تأكيد أسألو شيخ فى الكلام ده
جاكلين :- بصت ليه شويه واتفتحت فى الضحك وقالت هههههههههههههه عينك بقت زرقه ههههههههههههههههه
أياد :- بتضحكى اللهى تنشوى فى نار جهنم يا بعده انتى وهو وحط أيده على عينه وقال اااااااااه يخربيت أيده ايد صعيدى بجد طرشه
جاكلين :- هههههههههههههههه
