رواية عشقت كبريائي فهد ومليكة الجزء الثالث (لقاء الاحبة) الفصل الثاني والاربعون 42 بقلم دودو محمد

فى مكان ما مهجور 

فاقت تيلا لاقت نفسها متكتفه وفى اوضه ضلمه حست بخوف وقالت بصوت مهزوز 

تيلا :- انا فين فى حد هنا 

جاكلين :- سمعت صوت تيلا قالت تيلا انتى هنا 

تيلا :- بأستغراب جاكى انتى كمان هنا 

البنات التلاته سمعو صوت تيلا وجاكلين وقالو :- تيلا جاكى 

تيلا :- هو فيه ايه انتو كمان هنا يا بنات 

مى :- ايوه يا تيلا بس احنا فين ومين عمل فينا كده 

فرحه :- بدموع ا.ا.انا خايفه على اللى فى بطنى حاسه ان هينزل 

جاكلين :- خوفك ده وتوترك هو اللى هينزلو من بطنك أهدى شويه 

مليكه :- نهدا أزاى واحنا متكتفين وقعدين فى اوضه ضلمه حتى مش قادرين نشوف بعض ومش عارفين احنا فين ولا مين اللى عمل كده 

تيلا :- قوى قلبكم يا جماعه واذكرو الله فى قلوبكم وربنا مش هيسبنا وخليكم وثقين أن عمو فهد وبابا وعمو أسر مش هيسبونا 

جاكلين :- وانا كمان واثقه فى بابا 

فى الوقت ده الباب اتفتح وسمعو صوت رجل داخله عليهم والنور نور 

البنات غمضو عينيهم من شدة الاضاءه ووحده وحده اتعودو على الضوء 

تيلا :- بصدمه انت مش انت اللى كان خطفنى وكان معاك الفيديو بتاع سمر 

شهاب :- بضحكة شر هههههههههه ايوه انا هو بعينه وبصلها من فوق لتحت وداس على شفته بسنانه وقال بس كنتى طلقه يا بنت الايه بالقميص كان هياكل منك حته 

تيلا :- انت واحد قليل الادب انت ليه بتعمل كل ده 

شهاب :- قرب منها اوى وقال هتعرفى السبب بعدين 

تيلا :- رجعت لواره بجسمها علشان تبعد عنه 

جاكلين :- مش انت اخو معاذ ووحيد 

شهاب :- راح عندها وقال بنت المنشاوى ومرات أخويه الغاليه 

جاكلين :- شكلك واطى وجبان شكلكم كلكم اندال

شهاب :- من حقك تتكلمى بكبرياء ما هو الغلط من عند اخويه اللى معرفش يكسرك زى ما التانى عمل وبص على فرحه وراح عندها وضحك وقال هههههههه انتى بقى معرفش جيتى هنا ليه انتى خلصانه لوحدك هههههههههه اخويه وحيد ده راجل بجد وهو قدوتى فى الانتقام وبعدين راح عند مليكه وقال اخت الغاليه سمر دى ليها غلاوه خاصه فى قلبى وزادت اكتر لما شوفتها بالقميص شكلها كان مثير أخر حاجه بس هكرمك أكتر علشان جوزك اللى عايش دور الرجوله وعامل عليا ناصح وبيراقبنى ميعرفش أن انا كنت عارف وبجيبه وبوديه بمزاجى هههههههههههه

وبعدين راح عند مى وقال انتى بقى غاليه عند واحده حبيبتى جدآ لدرجة أنها عايزه تولع فيكى والدنيا كلها موصيه عليكى انتى بالذات وشكلك هتندفنى النهارده 

تيلا :- متفرحش اوى ولا تقدر تعمل لينا حاجه ولا انت ولا اللى مشغلك 

جاكلين :- انت وقعت برجلك فى عرين الاسد وأكيد طبعآ عارف مين فهد المنشاوى مش هيرحمك

شهاب :- لالالا خوفت يا بت ولما هو راجل اوى كده عرفنا نخطفكم أزاى دخلنا جوه بيته بسهوله ازاى ابوكى ده اضعف ما تتخيلى كبر وخرف اسم على الفاضى 

جاكلين :- هههههههههه اثبت على موقفك كده لما تقع تحت أيده 

شهاب :- اتغاظ ومسكها من شعرها وقال بتضحكى الضحك ده هيكون دموع وترجى دلوقتى هتبوسى رجليه علشان ارحمك 

جاكلين :- بألم ابعد عنى يا حيوان 

شهاب :- بصلها بغيظ وزقها فى الارض وطفى النور وخرج وقفل الباب وراه

تيلا :- جاكى جاكى انتى كويسه 

جاكلين :- بدموع انا كويسه يا تيلا 

مى :- مين اللى وراه وعايزين مننا ايه 

جاكلين :- انا بدأت افهم شويه 

مى :- طيب ما تفهمينه 

جاكلين :- احنا اللى خطفنا شهاب واخواته علشان ينتقمو مننا 

فرحه :- بس أزاى انا لسه شايفه فى الكليه 

تيلا :- أكيد بعتو ناس من عندهم 

مليكه :- ازاى بس وهما مش معاهم فلوس انا بقول مش هما 

مى :- طيب وجود البنأدم ده بيعمل ايه هنا 

مليكه :- استنو انا افتكرت حاجه 

تيلا :- ايه هى 

مليكه:- أيمن كان قايل ليا أن شهاب ده شغال مع ابو انس اللى هو أخو ابوكى بالتبنى 

مى :- ايوه صح انا فاكره الكلام ده وبأمارة أن ابو انس ده هو اللى كان مخلى شهاب يعمل كده معاكى علشان يوسف يتهور ويقتلك ويبقى انتقم لابنه اللى اتسجن بسببك 

مليكه :- صح كده 

جاكلين :- طيب ابو انس ده عايز ينتقم من تيلا احنا بقى نتخطف معها ليه ولو انتبهتو لكلامه قال لمى فى ناس متغاظه منها وعايزه تقتلها ايه دخل بقى ابو انس بمى 

فرحه :- بدموع مش قادره افكر حاسه ان انا تايهه ومش فاهمه اى حاجه خالص

تيلا :- اتنهدت وقالت كل حاجه هتتعرف 

مليكه :- بخوف وهو ممكن يقتلونا زى ما بيقول 

جاكلين :- قل لا يصيبنا إلا ما كتب الله لنا وانا واثقه فى رجالة العيله عندنا 

فرحه :- بخوف ودموع انا مش عارفه انتى ازاى قلبك جامد كده ده انا هموت من الخوف الصراحه انتى وتيلا قلبكم قوى اوى كان نفسى اطلع قويه زيكم 

جاكلين :- علشان انا بثق فى بابا وعارفه أن مش هيسكت غير لما ننامو فى بيوتنا

مليكه :- بخوف ربنا يستر 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى المستشفى 

الكل اتوتر من غياب جاكلين 

مليكه :- بقلق جاكى اتأخرت اوى 

مى :- فعلا ده السوبر ماركت هنا مش بعيد 

مها :- بدموع وانا بتصل على الرجاله محدش بيرد وعايزه اطمن على مى 

جومانه :- ربنا يطمن قلبنا على جاكى ومى 

سمر :- ثوانى هتصل على فريد واتصلت على فريد وانتظرت الرد بس برضه محدش رد عليهم 

مها :- بخوف لالالا فى حاجه مش طبيعيه 

وفى الوقت ده تليفون سمر رن برقم فريد 

سمر :- بفرحه اهو فريد بيتصل وردت عليه وقالت فى ايه يا فريد ليه محدش بيطمنا على مى

فريد:- بزعل للاسف يا سمر لاقينا الحراس مقتولين ومى مش موجوده 

سمر :- بخضه يا نهار اسود اختى راحت فين 

فريد :- منعرفش لسه مين اللى عمل كده 

مها :- بدموع بنتى ايه حصلها انطقى يا سمر انطقى 

سمر :- بدموع اتخطفت يا ماما 

مها :- قعدت فى الارض وقالت بنتى يا ترى انتى فين يا قلب امك ياحرقة قلبى عليكى يا حبيبتى 

جومانه ومى :- قعدو جنب مها فى الارض يطبطبو عليها 

جومانه :- أهدى يا مها ربنا يجيب العقواب سليمه 

مى :- يارب يا جومانه 

مليكه :- بقلق قوليلو يسأل الحرس اللى بيمشى وراه جاكلين عليها 

سمر :- فريد جاكلين نزلت تجيب ليا عصير من بدرى ولحد دلوقتى مجتش أسأل عليها الحرس 

فريد :- بدموع وجاكى كمان اتخطفت 

سمر :- قفلت السكه وبصت لمليكه وقالت بدموع جاكى ومى مخطوفين 

مليكه :- خبطت على صدرها وقالت بنتى جاكى وقامت من على السرير بتعب ودموع وقالت يارب احمى البنات واحرسهم يارب انا اموت لو حصلهم حاجه 

جومانه :- قامت مسكت مليكه وقالت أهدى يا مليكه رايحه فين دلوقتى 

مليكه :- سبينى يا جومانه بنتى ومرات ابنى مخطوفين هقعد هنا اعمل ايه لازم اروح الفيلا دلوقتى حالا 

مى :- بزعل انتى لسه تعبانه يا مليكه 

مليكه :- بدموع ازاى هيجيلى قلب اقعد اتعالج والبنات مخطوفين قوليلى يا مى انا قلبى نار عليهم 

مها :- ااااااااه يا قلبى ياترى ايه حصلكم يا بنات ياترى عاملين ايه دلوقتى يارب رجعهم بالسلامه يارب ومتحرقش قلبنا عليهم 

جومانه :- سندت مليكه 

مى :- سندت مها 

ونزلو كلهم وركبو تاكسين وراحو على الفيلا 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا فهد المنشاوى

وصلت الرجاله لفيلا فهد واتفاجئو بقتل الحرس دخلو الفيلا وطلع عدى يجرى على اوضه ملاقاش مى نزل دور عليها فى كل مكان فى الفيلا بس ملاقهاش عدى صرخ بأعلى صوت عنده وقال 

عدى :- بدموع مىىىىىىىىىىىىىى وقعد فى الارض وقال مى يا بابا اخدو مى مراتى لو حصل حاجه ليها هموت 

فهد :- اجمد يا عدى أن شاءالله كل حاجه هتكون كويسه 

أسر :- قعد على الكنبه وحط راسه ما بين ايديه وقال قولتلك بلاش يا فهد صممت انك تبحث وراهم اهو دلوقتى اللى بيدفع التمن بنتى وبنتك 

باسم :- انا عايز أفهم كل حاجه فى أيه بالظبط 

عدى :- بابا ليك يد فى الموضوع ده 

فريد :- يا بابا اتكلم وريحنا 

فارس :- طول عمرك بتجرى وراه المشاكل مفكر نفسك فوق الكل عمرك ما فكرت فى النتايج اللى هتسبب مشاكل للكل انا معرفش انت عملت أيه بس متأكد انك لعبة بالنار مع حد علشان كده خطفوه مى وجاكلين 

فهد :- بعصبيه خلاص خلصتو مش عايز اسمع نفس حد فيكم وفى الوقت ده رن تليفون فهد 

فهد :- رد على التليفون وسكت شويه وقفله وقعد جنب أسر بصدمه 

الكل :- بص لفهد بقلق 

عدى :- بخوف مى حصل ليها حاجه اوعى والنبى يا بابا

فهد :- بكسره بصلهم كلهم وقال تيلا وفرحه ومليكه اتخطفو هما كمان 

باسم :- بأنهيار بناتى كمان دخلو فى اللعبه فهمونى مين دول وليه عملو كده 

أسر :- بدموع لو بناتى حصل ليهم حاجه مش هسمحك يا فهد 

باسم :- بعصبيه متسكتش كده فهمنى ايه اللى بيحصل وليه خطفو البنات انطق متسكتش كده انطق بقولك 

فهد :- اتنهد وقال يا جماعه انا عمرى ما فكرت أن اللعبه دى هيدخل فيها البنات وأيمن كان مأكد ليا كده 

باسم :- أيمن جوز مليكه 

فهد:- ايوه يا باسم أكد أنهم مراقبين الناس كويس وانا كنت حاطط حراسه على البنات متوقعتش أن يدخلوا بيتى ويبقى فى خطف 

فارس :- ما تفهمنا بدل ما انت بتكلمنا بالالغاز 

فى الوقت ده دخل أيمن ومعاه يوسف وهو منهار ومعاه وحيد ومعاذ 

عدى :- وحيد ومعاذ انا عايز أفهم حالا ايه اللى بيحصل بالظبط حد فيكم يتكلم 

أيمن :- بزعل اهدو كلكم وانا هفهمكم كل حاجه 

أسر :- انت ازاى بالهدوء ده ومراتك مخطوفه انت وعدنى أن مفيش حد هيتأذى فى الموضوع ده

أيمن :- وانا عند وعدى يا عمى 

باسم :- زق الكرسى وقعه فى الارض وقال بعصبيه ما بلاش الالغاظ دى وانطقو بقى 

أيمن :- حاضر اللى عمل كده ابو انس وروان وشهاب ومعاهم طرف رابع دعاء 

الكل :- اتفاجئ

باسم :- مش ابو انس ده اللى كان اخو اللى ربه تيلا وروان مرات عدى الاولى وشهاب ده اللى كان سبب المشكله ما بين يوسف وتيلا ودعاء السكرتيره ايه لم كل دول على بعض انا مش فاهم حاجه خالص وبعدين دعاء مش فهد اخدها أداها لاخوها ازاى رجعت تانى وايه دخل الزفت ده وأخوه فى الموضوع حد يتكلم ويفهمنى 

أيمن :- اهدا يا عمى وانا هفهمك كل حاجه 

اولا كده دعاء تكون خالة روان وكانو متفقين مع بعض على الانتقام من عمى فهد وحضرتك وعم أسر عن طريق عدى والشباب دول على البنات وطبعآ اترسمت الخطه أن روان توقع عدى وتدخل ما بين العيله وتوقع ما بين عمى فهد ومراته وكان مفروض معاذ يوقع أى بنت من بنات عمى أسر ووحيد يوقع أى بنت من بنات عمى باسم وشهاب يساعدهم ويكسروهم وطبعآ كانت دعاء مدخله فى دماغهم اللى حصل زمان لابوهم ولامهم كان بسببكم زى ما انتو عارفين بس الصدفه وقعت جاكلين فى سكت معاذ وحبها بجد وكان ناوى يقول ليها الحقيقه قبل الجواز لكن اخواته هددوه أن هيقولو لجدتهم ولو الجده عرفت كانت خلت أى حد تانى لعب على جاكلين مكانه وعمل فيها زى ما وحيد عمل فى فرحه 

باسم :- بص لوحيد بغيظ وداس على سنانه 

أيمن :- أحم المهم معاذ اتجوز جاكلين علشان يحميها من شر اخواته وجدته وبعد الجواز بيوم اتصلت دعاء عليهم وطلبت منهم يجيبو مراتتهم ويروحو البلد وبالفعل حصل اللى حصل وحضراتكم انقذتوهم وتانى يوم جه ليه معاذ وحكا ليا كل اللى حصل على اساس ان انقذ اخوه شهاب من الطريق اللى ماشى فيه بس للاسف خرج شهاب واختفى ومعاذ ووحيد اختفو وعرفت بعد كده أن عمى فهد كان حابسهم عنده فى المخزن  اما روان فشلت مع عدى واطلقت منه بدرى فافشل مخططها هى وخالتها ولما حاولو يرجعو تانى كانت مى دخلت حياته وحبها حاولو كذا مره أنهم يوقعو ما بين عدى ومى بس فشلو وقعدو يخططو لحد ما خطفو مى علشان ينتقمو منها ومن عدى ومن عم أسر 

عدى :- بس هى حامل 

أيمن :- هى حامل بس لحد دلوقتى منعرفش من مين هى كانت على علاقه بيك وفى نفس الوقت على علاقه بشهاب وعلى علاقه مع ابو انس فصعب نحدد ابن مين اللى فى بطنها  

باسم :- طيب ايه جمع ابو انس بيهم 

أيمن :- احنا بدأنا نمسك طرف الخيط لما اتمسك انس ابنه وبدأ يزوره انا قولت ليكم قبل كده أن فى كاميرا فى المكتب بس مقولتش ليكم الموضوع كله معرفة ابو انس بشهاب جت عن طريق المراقبه كان أبو أنس بيراقب تيلا وفى نفس الوقت شهاب بيراقب تحركات العيله والاتنين اتقابلو ولما ابو انس شافه عمل نفسه بيسأل عن عيلة المنشاوى كان تمويه علشان يعرف ناويه شهاب ايه اكتشف الكره فى عين شهاب ليكم ومن هنا بدأ الكلام والاتفاق على كل الخطط اللى حصلت ومعرفة دعاء بيه عن طريق شهاب لما هربت دعاء من اخوها وطلبت المساعده من شهاب اخدها عند ابو انس وطلب منه أن هو يحميها وروان عملت نفسها قاعده فى كافيه وحاولت تشاغل ابو انس وتشغله بحركاتها وطبعآ كان بمعرفت شهاب علشان يخدها بيته 

فارس :- وليه معرفهوش كمان على روان زى ما عرفه على دعاء ليه لفو عليه 

أيمن :- علشان تقنعه انها بتحبه ويضحكو عليه ويخدو منه فلوسه 

فريد :- يعنى هو عادى كده راضى بواحده تكون ليها علاقات بالرجاله عادى  

أيمن :- ما هو شهاب طالع زى ابوه وعم فهد عارف أزاى يعنى واتجمعو العصابه مع بعض ابو انس وشهاب ودعاء وروان 

باسم :- برضه مش فاهم ايه علاقة خطف البنات بكل ده 

أيمن :- البنات اتخطفو لسببين اول سبب روان تنتقم من مى علشان عدى وابو انس ينتقم من تيلا علشان هى السبب فى حبس ابنه ودعاء تنتقم من جاكلين علشان تحرق قلب عمى فهد بس الصراحه اللى مش قادر افهمه خطفو فرحه ومليكه ليه 

فارس :- والسبب التانى ايه 

أيمن :- اكتشفنا خلال التحريات أن ابو أنس بيشتغل فى التهريب والشغل الممنوع جيت وطلبت من عمى فهد وعمى أسر المساعده علشان امسك ابو انس عن طريق الشركات بتاعتهم و اننا نعمل لعبه على أبو أنس وندخل وسيط مابين عمى فهد وأبو انس على أساس أن يقدر يدخل اسم شركة فهد المنشاوى وشركة الأسر فى الشغل الممنوع ده من غير ما عمى فهد ولا عمى أسر يعرفو وطبعآ وفرنا فيه كل الشروط اللى تخلى ابو انس ميشكش فيه وطبعآ دى فرصه عظيمه بالنسبه ليه أن يستخدم شركتين كبار فى الشغل ده من غير ما يكون ليه يد فى حاجه طبعآ ما صدق ووافق وشغلنا الطرف ده فى شركة عمى أسر وبدأ يتفق معاه على وقت أستلام الشحنه وطبعآ عمى فهد وعمى اسر مضو على كل الاوراق علشان ميشكش فى حاجه وجه معاد التسليم و اتمسكت الشحنه والرجاله وهو هرب وبعد كده عرف أن دى كانت لعبه من الحكومه والشركتين علشان كده حب ينتقم من عمى فهد فى البنات 

فريد :- بغيظ ولما انت عارف كل ده ليه مقولتش ده من زمان كانت حاجات كتير اتغيرت كان مثلا جاكلين وفرحه متجوزوش دول و حاجات تانيه كتير هتتغير 

أيمن :- اولا اهدا احنا طبعآ كل ده معرفنهوش مره واحده فى حاجات عرفناها من التسجيل بتاع المكتب وفى حاجات عرفناها من وحيد ومعاذ وفى حاجات لسه عرفنها من التحريات شهاب وابو انس احنا مكناش نعرف مكانهم روان ودعاء عرفنا من التحريات حقيقة القرابه اللى ما بنهم روان كنا بنراقبها لأننا شكينا فيها لما راحت المكتب عند عدى موضوع التهريب ده انا عرفته من التحريات وكل حاجه انا قولتها دلوقتى عارفها عمى أسر وعمى فهد وشخص تالت كان هو الوسطه اللى دخلناها ما بنا وبين ابو انس 

باسم :- عايز افهم الاتنين دول بيعملو ايه هنا 

أيمن :- انا اللى جبتهم لأنهم هينفعونا فى التأثير على اخوهم ويقنعوه يسلم نفسه  ويسلمنا ابو انس ويسلمنا البنات وهما على فكره لسه اجواز بناتكم لان الطلاق اللى حصل كان باطل لأنه بالإكراه وعمى فهد عارف كده وعارف أن معاذ لسه جوز جاكلين 

باسم :- مش وقته الكلام ده انا عايز بناتى كويسين فرحه حالتها خطر من الحمل 

وحيد :- اتفاجئ لما عرف أن فرحه حامل بص لباسم بدموع وقال مراتى حامل 

باسم :- وهو بيدوس على سنانه قال متقولش مراتى فاهم 

فهد :- اهدا يا باسم 

باسم :- متقوليش اهدا انت السبب فى كل اللى احنا فيه لو بناتى حصل ليهم حاجه مش هرحمك يا فهد فاهم 

فارس :- متقلقش يا باسم إن شاءالله خير واحنا كلنا فى النار مش انت بس 

باسم :- لاء انابناتى اتحطو فى لعبه ملهومش دعوه بيها بنته وبنات أسر ضحايا أفعال ابوهم لكن أنا وبناتى ملناش ذنب 

أيمن :- انا وعدكم أن مفيش حاجه هتحصل للبنات ثقو فيا انا دلوقتى بحدد مكانهم فين عن طريق سلسه كنت أدتها لمليكه قبل الجواز تلبسها فى رقبتها علشان فى شغلنا معرضين للانتقام فى أى وقت لو حصل حاجه زى ما حصلت دى أقدر اوصلها عن طريق جهاز التتبع اللى فى السلسله 

أسر :- طيب بسرعه مستنى أيه قبل ما يعملو حاجه فى البنات 

أيمن :- تليفونه رن رد وقال حددت المكان تمام ابعت ليا الاشاره اوام وقفل معاه وقال حددنا المكان

عدى :- وقف بلهفه وقال طيب يلا بينا بسرعه 

أيمن :- خليكم انتو والبنات هتكون عندكم كويسين 

فهد :- وقف وقال كلنا هنيجى معاك 

يوسف :- مسح دموعه وقال كلنا مش هنرتاح غير لما نوصل ليهم 

فى دخلت الحريم 

مليكه :- بدموع بنتى يا فهد ايه حصل ليها  

فهد :- بغيظ متخفيش بنتك هتكون عندك يا مليكه 

مها :- قعدت على الكنبه وهى منهاره ومسكت فى هدوم أسر وقالت بنتى مى فين يا أسر 

أسر :- بدموع بناتنا الاتنين اتخطفو مى ومليكه يا مها 

مها :- خبطت على صدرها وقالت بناتى بناتى لو حصل ليهم حاجه انا هموت يا أسر انا عايزه مى ومليكه يكونو عندى دلوقتى وبصت لايمن وقالت أيمن البنات يا أيمن 

أيمن :- متقلقيش يا طنط احنا حددنا مكان البنات وساعتين بالكتير والخمس بنات هيكونو عندكم 

جومانه :- خمسه ليه مين تانى اتخطف 

أيمن :- تيلا وفرحه 

مى :- اول ما سمعت كده اغمى عليها 

الكل طلعو يجرو عليها وقعدو يفقو مى 

مى :- بدموع بناتى انا عايزه بناتى يا باسم حرام اللى بيحصل فينا ده حرام وبصت ليوسف وقالت الحق مراتك يا يوسف مراتك حامل 

الخبر نزل على الكل بصدمه 

يوسف :- بدموع تيلا حامل 

مى :- رجعها هى واختها كويسين يا يوسف الاتنين حوامل 

يوسف :- بدموع ووجع البنات هترجع لو على حساب عمرى وخرج يجرى على عربيته 

أيمن :- خرج وراه هو والرجاله وركبو العربيات وراحو على مكان الاشاره 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عند البنات 

سمعو باب الاوضه بيتفتح وصوت رجل بتقرب منهم وفاجئه النور اتفتح 

جاكلين :- بصدمه انتو انا مش فاهمه حاجه 

دعاء :- ههههههههه ايه مفاجئه ليكى يا بنت المنشاوى 

جاكلين :- بأستغراب مش قادره افهم طيب انتى هنا بحكم شهاب هنا طيب روان بتعمل معاكم ايه 

روان :- راحت عند مى ومسكتها من شعرها وقالت جايه اخلص على الزباله دى 

مى :- اااااه اوعى مفيش حد زباله غيرك ااااااااااه اوعى 

روان :- بغيظ قربت منها جدآ وقالت مبقاش انا روان لو مكنتش سففتك التراب واعرفك اخرت اللى ياخد حاجه منى بالغصب وزقتها وقالت منورين ده انتو هتشوفو أسود أيام عمركم واخرها هههههههه وبصت لجاكلين وقالت عامله ايه يا اخت جوزى واحشتينى موت 

جاكلين :- وحش لما يلهفك انا مرات اخويه مى مش انتى يا بنت سلطح ملطح 

روان :- اتغاظت وبصت ليها بغيظ وقالت كلها حلاوة روح وشويه كلكم هتبوسو رجلينا علشان نرحموكم 

دعاء :- سيبك منهم يا رورو تعالى نستنا بره ونسمع بودننا اللى هيحصل هههههههه وخرجو الاتنين 

البنات :- كلهم بصو لبعض بقلق 

تيلا :- مين دول انا معرفهومش 

جاكلين :- دى روان طليقت عدى والتانيه تبقى اللى مربيه وحيد ومعاذ مرات ابوهم وكانت زمان شغاله فى شركة بابا سكرتيره 

مليكه :- خلاااااااص هتجن بجد انا حاسه ان تايهه ايه جمع روان دى على دعاء طيب شهاب دعاء تبقى مرات ابوه لكن روان ايه دخلها بيهم 

فرحه :- بدموع انا حاسه اننا وقعنا فى أيد عصابه 

مليكه :- شكلنا كده يا فرحه 

تيلا :- اسكتو شويه بقى بلاش شغل اللك الكتير ده 

مى :- والعمل يا بنات شكلهم نوين يعملو حاجه فينا 

جاكلين :- يخربيت الذكاء يعنى خطفينه ليه بيهزرو معانا مثلا ما أكيد ناوين على حاجه 

تيلا :- يعنى شهاب مع ابو انس عايزين ينتقمو منى ودعاء وشهاب عايزين ينتقمو مننا كلنا بسبب عمو فهد وبابا وعمو أسر وروان عايزه تنتقم من مى علشان عدى يعنى شهاب هو العامل المشترك ما بينهم كلهم

جاكلين :- بس اللى محيرنى وجود روان وازاى اتجمعت معاهم حاسه دماغى مشلوله ومش قادره اوصل لاى حاجه 

تيلا :- شهاب هو الورقه اللى ممكن نكسبها لصفنا 

الكل :- بصو ليها بأستغراب وقالو أزاى 

تيلا :- نستعطفو بأبن أخوه اللى فى بطن فرحه مهما كان قاسى هيضعف لما يعرف أن فرحه حامل من وحيد 

جاكلين :- بس ده شكله شرانى مش من اللى قلبهم بيضعف لحد 

مى :- تيلا عندها حق ولو منفعش يبقى كسبنا محاوله مخسرناش حاجه 

فرحه :- بس كده ممكن يقول لاخوه وانا الصراحه مش عايزه اعرفه ان انا حامل 

جاكلين :- بذمتك انتى بنأدمه احنا بنقول نعمل محاوله نخرج بيها من هنا وانتى بدورى انك تخبى عليه

فرحه :- ماشى خلاص 

وفى الوقت ده دخل شهاب الاوضه ومعاه ابو أنس 

ابو انس :- وقف قصاد البنات ونفخ السيجار الكوبي فى الهوا وقال طبعآ انتو هتموتو وتعرفوا انتو هنا ليه انا هقولكم ونزل عند تيلا وقال انتى الأساس طبعآ انتى اللى بسببك ابنى مرمى فى السجن لو كنتى اتنزلتى ليه على الفلوس اللى مش من حقك اصلا مكنش كل ده حصل لكن انتى طماعه ضحكتى على اخويه وخلتيه يكتب ليكى الاملاك كلها بأسمك انتى 

تيلا :- انا مش طماعه وعمرى ما بصيت لفلوس انتو اللى كلاب فلوس وعايزين الدنيا كلها تكون بتاعتكم ام بقى بابا الله يرحمه انا مضحكتش عليه هو شاف الفرق بينى وبينكم انا وقفت جنبه رغم مكنتش من دمه لكن انتو بعدو وقعدو مستنين موته علشان تورثه وهو شاف انكم متستحقوش ولا جنيه من فلوسه مضربتهوش على أيده انا 

ابو انس :- ما هو انتى هتتنزلى على كل حاجه قبل ما تموتى وابقى سلميلى على اخويه وحياتك ههههههههههه

وبعدين وقف واتعدل وبص لمى وقال اما انتى يا حلوه رورو بتحبك قوى قوى لدرجة أنها وقفه على قبرك بتجهزه بنفسها حنينه اوى رورو دى هههههههههههه ووبص لمليكه وفرحه وقال انتو بقى جيتو غلطه فوق البيعه الرجاله لاقوكم معها جابوكم معاهم اغبيه بس يلا جت فرصه علشان نحرق قلب ابوكم عليكم وبعدين بص لجاكلين وقال اما انتى بقى يا بنت فهد المنشاوى حسابه كبر معايه اوى ومسك شعرها وقال انتى عارفه بسبب ابوكى خسرت بضاعه بقد ايه بملايين انا هحرق قلبه عليكى زى ما حرق قلبى على فلوسى ووقف وقال انا هكون العمل الاسود بتاع عيلة المنشاوى هخليهم يعملو قبور جماعيه ليكم 

جاكلين :- بغيظ وبغل ولا تقدر تعمل حاجه اخرك تتشطر على الحريم لأنك معندكش الجرأه تواجه الرجاله 

ابو انس :- شكلك قويه زى ابوكى بس دودو هتعرف تكسرك اصلها كمان عايزه تنتقم من ابوكى ومنك 

جاكلين :- انتو اجبن من انكم تواجهو بابا 

ابو انس :- اتغاظ وشد جاكلين وقفها وقطع الهدوم من عليها 

جاكلين :- يا حيوان يا قذر انت أزبل من الزباله نفسها

ابو انس :- انا هوريكى الزباله هيعمل فيكى ايه ولسه هيقرب منها 

البنات :- خافو على جاكلين 

شهاب :- لما شاف كده غمض عينه وافتكر حب معاذ ليها راح ومسك ابو انس ومنعه وقال لاء يا باشا متوسخش نفسك سبهم وانا هعرف اربيهم بنفسى 

ابو انس :- زقها فى الارض 

جاكلين :- وقعت فى الأرض وجسمها وجعها من عزم الوقعه

ابو انس :- مسك جاكلين من شعرها ومسك تيلا من شعرها بالايد التانيه وقال انتو الاتنين حسابكم كبير اوى معايه وانا اللى هموتكم بأيديه دى بس بعد اللى هيتعمل فيكم وساب شعرهم وبص لشهاب وقال حضر الرجاله علشان توضبهم وخرج وسابه مع البنات 

البنات :- خافو وبصو لبعض 

شهاب :- شايفكم يعنى خايفين هههههههههه 

جاكلين :- انت ازاى تقبل علينا يتعمل كده فينا مفكرتش فى اخواتك وشكلهم هيبقى ايه لما يعرفو أن اخوهم كان السبب فى أن احنا نتأذى وانت متأكد أن اخواتك بيحبونا عمرهم ما هيسمحوك كل ده ليه علشان تنتقم على حاجه محصلتش اصلا واللى اسمها دعاء دى ضحكت عليكم علشان تنتقمو ليها هى ،واخواتك عرفو الحقيقه كلها وان ابويه وعمو اسر وعمو باسم ملهمش يد فى الموضوع بلعكس ابويه كان بيحمى امك من ابوك وبيحافظ على شرفها اللى ابوك نفسه كان عايزها مع كل راجل شويه 

شهاب :- كدابه متحاوليش تغيرى الحقيقه انا كنت بشوف ابوكى بنفسه يجى عندنا الشقه واخواتى اتجوزكم علشان ينتقمو منكم وحيد قدر ينتقم لكن معاذ لاء وانا هعمل اللى اخويه مقدرش يعملو وانتقم منك بأبشع الطرق وأخويه كلها كام يوم وينسى 

تيلا :- بزمتك انت صعيدى الراجل الصعيدى بجد ميخدش بتاره من واحده ست التار للرجاله وبس اما بقى انك تسمح حد يقرب لمرات اخوك دى لو حدها تكون كفيله تثبت انك متستحقش تكون راجل بجد  الراجل اللى مستعد يضحى بعمره علشان يحمى اللى ليه انت لا تمد بأى صله للصعايده انت عار عليهم بجد 

وفى الوقت ده دخلت الرجاله مع روان ودعاء 

روان :- متعو نفسكم يا رجاله واهتمو أكتر بديه ودي وشاورت على مى وجاكلين 

فرحه :- خافت وقالت بدموع شهاب بلاش اللى هيعملو فينا ا.ا.انا حامل من اخوك 

شهاب :- غمض عينه وسكت

روان :- راحت عنده وحطت ايديها على كتفه وقالت تعال يا قلبى معانا وسيب الرجاله بقى يأزأزو براحتهم  ههههههههههههه

شهاب :- بص على الرجاله وبص على فرحه وهى دموعها نازله منها 

دعاء :- سحبته من أيده وقالت تعال يا حبيبى جه اليوم اللى هتاخد فيه بتار ابوك وامك تعال وشدته بره 

الرجاله قربو على البنات 

البنات :- قعدو يصوتو ويقاومه الرجاله 

شهاب :- بره كان بيحاول يحط أيده على ودنه علشان ميسمعش صوت البنات وشاف قصاد عينه صورة وحيد ومعاذ قام مره واحده وفتح الباب وقال اطلعو بره 

دعاء :- راحت وراه وقالت في ايه يا شهاب 

شهاب :- احم بلاش حكاية الاغتصاب دى احنا نقتولهم علطول 

روان :- بغيظ ليه بقى أن شاءالله انا عايزه عنيهم تتكسر مليش دعوه 

شهاب :- وهتفرق معاكى ايه عنيهم تتكسر اذا كان كده كده هيموتو

البنات :- كان جسمهم بيترعش من الخوف 

دعاء :- ماشى يا شهاب لما نشوف اخرتها معاك وشاورت للرجاله تخرج وقالت الباشا هيزعل اوى من اللى حصل ده ومشيت هى وروان 

شهاب :- بص للبنات وهما خايفين وقال خلاص محدش من الرجاله هيجو جنبكم 

فرحه :- بدموع ابوس ايدك خرجنا من هنا ا ا.انا حاسه ا.ا.انى بنزف 

شهاب :- شاف الدم خبط بأيده على الحيطه وقال عااااااا اعمل ايه دلوقتى اعمل ايه وبعدين مسح على وشه وقال هخرجكم من هنا بس اصبرو الرجاله دى تروح فى أى مكان ودخل فك البنات وقال متخفوش وسبهم وخرج وقفل الباب عليهم 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

فى فيلا حياة 

كانت هنا قعده بتاكل مع مازن ومحمد وجاسر وتليفونها رن بصت وقالت 

هنا :- دى سمر وردت وقالت ايوه يا سمر 

سمر :- بحزن وخوف انتى فين يا هنا 

هنا :- بأستغراب انا عند بابا ليه فى حاجه 

سمر :- تعالى حالا على الفيلا بتاعة خالتو مليكه ده فى مصيبه 

هنا :- بقلق فى ايه يا سمر انطقى

سمر :- بدموع جاكلين وتيلا ومى ومليكه وفرحه اتخطفو

هنا :- قامت وقفت وقالت بصدمه ايه ا.ا.انا جايه حالا وقفلت السكه مع سمر ودموعها نزلت منها

مازن :- بقلق فى ايه يا بنتى 

هنا :- بدموع تيلا وفرحه اتخطفو يا بابا 

مازن :- وقف بصدمه وقال بنتى وافتكر لما خطفها زمان حس نفسه دايخ واغمى عليه 

محمد :- خالى وطلع جاب ازازة البرفان ونزل يجرى 

جاسر :- كان حاطط ابوه فى حضنه وعمال يفوق فيه ودموعه على خده 

محمد :- بخوف خد يا جاسر فوقه 

هنا :- كانت عماله تعيط 

جاسر :- مسك البرفان وفوق مازن بيها 

مازن :- فتح عينه بصعوبه وقال بدموع بنتى تيلا ا.ا.انا لازم اروح انقذها وطلع يجرى 

جاسر ومحمد وهنا طلعو يجرو وراه وركبو الاربعه العربيه وراحو على الفيلا 

مازن :- بنتى فين يا مى انطقى 

مى :- بدموع وتعب تيلا اتخطفت يا مازن انا عايزه بناتى مليش دعوه 

محمد :- طيب مين خطفهم

جومانه :- دى عصابه اللى خطفتهم علشان ينتقمو من فهد 

مى :- بدموع بناتى انا عايزه البنات ااااااه يا قلبى ااااااه

مازن :- هاتو رقم باسم بسرعه 

هنا :- بدموع حاضر قالت ليه الرقم 

مازن :- سجل الرقم واتصل على باسم واستنا الرد وبعد محاولات كتيره منه رد عليه باسم 

باسم :- الو مين معايا 

مازن :- بعصبيه انتو فين يا باسم انا مازن 

باسم :- رايحين نجيب البنات

مازن :- بعصبيه مكانكم فين بالظبط 

باسم :- متقلقش يا مازن هنجبلك بنتك 

مازن :- بعصبيه انا مش عويل انا اللى هنقذ بنتى قولى مكانكم بالظبط 

باسم :- هبعت ليك العنوان فى رساله 

مازن :- ماشى بسرعه وقفل مع باسم وشويه وجت الرساله وخرج يجرى وراح وراه جاسر ومحمد وركبو العربيه وراحو على العنوان اللى فى الرساله 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عند البنات 

دخل شهاب براحه وقال اجهزو يلا انا هخرجكم دلوقتى بس اطلعو ورايا من غير صوت 

جاكلين :- والرجاله اللى بره 

شهاب :- انا مشيتهم يلا ورايا 

البنات وقفو ومشيو وراه شهاب براحه وخرجو من الاوضه 

شهاب :- بص حاوليه وبعدين بص للبنات وشاور براسه بمعنى يمشو بس وقف فاجئه وهو المسدس عند راسه

ابو انس :- على فين يا جميل 

شهاب :- الباشا 

أبو أنس :- ايوه الباشا وخدهم كده ورايح على فين 

البنات :- كلهم ضمو على بعض من الخوف ولما شافو الرجاله حواليهم 

شهاب :- بص يا باشا بلاش موضوع الحريم ده انا ممكن اقتلك فهد المنشاوى أو حتى حد من أولاده الرجاله لكن الحريم ملهومش ذنب 

ابو انس :- ههههههههههه لا ضحكتنى بجد وايه غير رأيك كده 

شهاب :- بزعل انا كنت غلطان لما قبلت بموضوع خطف الحريم وبعدين فيهم مراتات اخواتى وواحده فيهم حامل فى ابن أخويه مقدرش أذيهم 

دعاء :- بصت بغيظ لجاكلين وقالت يعنى تعب السنين دى كلها فى تربيتكم علشان تنقمو من عيلة المنشاوى  راح على الفاضى ومسكت جاكلين وخنقتها وقالت كله منكم يا ولاد المنشاوى انا هاخد حقى بأيدى 

شهاب :- لسه هيروح علشان يدافع عن جاكلين 

ابو انس :- لو اتحركت من مكانك رصاصه من المسدس فى قلبك علطول فاهم 

شهاب :- بلاش يا ماما 

دعاء:- انا مش امك فاهم انا استحملت قرفكم وقرف عيشتكم علشان تنتقمو ليا من عيلة المنشاوى بس حتى فى ده فشلت 

جاكلين :- بدأت علامات الخنقه تظهر على وشها 

شهاب :- ابعدى عنها بقولك 

دعاء:- هههههههههه هموتها واحرق قلبك عليها يا فهد ههههههههههههههه

وفى الوقت ده سمعو ضرب نار 

شهاب :- استغل انشغال الرجاله بالصوت وقرب على ابو انس ووقع منه المسدس وضربه بالبوكس فى وشه وراح عند دعاء وزقها على الأرض راسها اتخبطت جامد واغمى عليها  

جاكلين :- من كتر نقص الاكسجين وقعت فى الأرض أغمى عليها 

شهاب :- قعد فى الارض وخبط على وش جاكلين علشان يفوقها بس فى الوقت جه ابو أنس وضرب شهاب بالمسدس فى ضهره 

البنات :- قعدت تصوت اول ماشافت كده 

شهاب :- بتعب متخفوش هطلعكم من هنا 

ابو انس :- ضرب شهاب برصاصه تانيه فى ضهره وشد تيلا من شعرها ومشى بيها مع كام راجل من رجالته 

روان :- مسكت مى من شعرها وقالت امشى معايا وراحت وراه ابو أنس 

فرحه :- الدم زاد عندها ووقعت على الأرض وقالت الحقينى يا مليكه 

مليكه :- كانت وقفه وسط كل دول ومش عارفه تعمل ايه دموعها نزله من عينيها وبس وفى الوقت ده دخلت الرجاله 

أيمن :- بص للقوات اللى معاه وقال ادخلو دوره فى المكان وراح عند مليكه وقال مليكه ردى عليا انتى كويسه مليكه 

مليكه :- كانت عماله تبص عليه ودموعها نزله منها ومش بترد 

أسر :- راح عندها واخدها فى حضنه وقال انتى كويسه يا حبيبتى فين اختك 

مليكه :- سكته ومش بترد 

يوسف :- مليكه يا حبيبتى حد عملك حاجه طيب ردى علينا فين مى وتيلا 

مليكه :- مش بترد علي أى حد نهائى ودموعها نزله منها 

فهد وفريد وعدى :- طلعو يجرو على جاكلين 

فهد :- اخد جاكلين فى حضنه وقال جاكى يا حبيبتى ردى عليا جاكى 

فريد :- قعد يخبط على وشها ويقول فوقى يا جاكى ردى علينا بالله عليكى 

عدى :- جاكى قومى ردى علينا عملو فيكى ايه ولاد ال...... دول ودينى ما انا سيبهم ، وبعدين بص حاوليه وقال فين مى مراتى وقام يجرى يدور عليها 

فهد :- يا ولاد ال***** ودينى ما هسبكم 

وحيد ومعاذ :- اتصدمو لما شافوا شهاب مضروب بالنار

معاذ :- شهاب لالالا اوعى تموت يا شهاب علشان خاطرنا قوم احنا اتعودنا نعيش تلاته اياك تموت وتسبنا 

شهاب :- وهو بيتكلم بتعب حقك عليا يا اخويه حاولت انقذ مراتك بس مقدرتش مش انا الاخ اللى تتشرفو بيه ع.ع.عندك حق امك دعاء ك.ك.كانت بتضحك علينا السنين اللى فاتت دى كلها 

وحيد :- بدموع شششش طيب اسكت بلاش تتعب نفسك بالكلام اجمد بالله عليك علشان الجده مستنياك فى البلد 

شهاب :- ابقو ادفنونى جنب أمى عاشت مظلومه وماتت مظلومه وغمض عينه ومات 

معاذ :- لاااااااااا شهاب رد عليا لالا متموتش لا فوق ا.ا.احنا هنعيش مع بعض بقلب ابيض مفهوش انتقام ولا ظلم رد عليا ساكت ليه شهاب شهاااااااااب 

وحيد :- بدموع شهاب موت ليه وسبتنا ليه 

باسم :- طلع يجرى على فرحه وشاف الدم نازل منها قعد فى الارض وقال ب.ب.بنتى ا.ا ايه حصلك قومى ردى عليا يا حبيبت بابا فرحه قومى يا بنتى علشان خاطر قلب ابوكى اللى وجعه فرحه فررررررحه 

وحيد :- قام يجرى على فرحه وقال بدموع لالالا اوعى انتى كمان تسبينى فرحه ردى عليا انا ما صدقت ان لاقيتك فرحه 

باسم :- قومى يا بنتى ردى علينا وبص لوحيد وقال خدها بره بسرعه للاسعاف على ما اروح ادور على اختها 

وبسها فى راسها ومشى 

وحيد :- شال فرحه وخرج بيها على الإسعاف وحطها فيه وركب معاها ومشى 

معاذ :- راح عند جاكلين وقال بدموع جاكلين ردى عليا بالله عليكى انا مقدرش اعيش من غيرك 

فهد :- خدوها بسرعه على الإسعاف على ما اصفى حسابى مع ولاد ال*****دول 

معاذ:- شالها وبص على شهاب بصه اخيره بدموع وخرج بيها حطها فى الإسعاف وركب معاه فريد وراحو على المستشفى 

فهد :- شاف دعاء وقعه فى الارض حط ودنه على صدرها عرف انها لسه عايشه مسكها من شعرها وضربها على وشها 

دعاء :- فاقت واتصدمت لما شافت فهد 

فهد :- داس على سنانه وقال انا غلطان أن مطلعتش روحك بأيديه المره اللى فاتت علشان الشيطانه اللى زيك حرام تعيش وسط بنأدمين 

دعاء :- بخوف ف.ف.فهد 

فهد :- عملك الاسود ومسكها من رقبتها وخنقها وقال هطلع روحك بأيديه دول على اللى عملتيه فى البنات دول انطقى فين ابو أنس والبنات 

دعاء :- وهى مخنوقه ومش قادره تتكلم م.م.معرفش 

فهد:- خنقها اكتر وقال انطقى 

دعاء :- هموت ه.ه.هموت 

أيمن :- لاء يا عمى سبها متوديش نفسك فى داهيه واخدها من أيد فهد وقال للعسكرى خدها على البوكس 

فهد :- كنت سبنى طلعت روحها بأيديه وفى الوقت ده دخل مازن وقال 

مازن :- فين بنتى 

أيمن :- حضرتك مين 

مازن :- انا ابو تيلا فين بنتى 

أيمن :- لسه مش عارفين 

مازن :- ازاى مش عارفين انا عايز بنتى حالا 

أسر :- بيدور على يوسف ملاقهوش قال محدش شاف يوسف 

أيمن :- كان هنا من شويه راح فين ده مجنون ومتهور وبص لأسر وقال خد يا عمى مليكه وانا هروح ادور عليه هو وعدى والبنات 

فهد :- وانا جاى معاك 

أيمن :- خليك يا عمى هنا 

فهد :- لاء يا أيمن 

مازن :- وانا كمان 

أسر :- بص لفارس وقال خد مليكه يا فارس وديها الإسعاف على ما أطمن على مى أختها 

فارس :- ماشى واخد مليكه وخرج بيها راح على الإسعاف 

أيمن وفهد ومازن وباسم واسر ومحمد وجاسر كانو عاملين يدوره فى المكان كله على البنات وعلى عدى ويوسف 

،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

عند تيلا ومى 

خرج ابو انس وروان من باب  خلفى للمكان وهما معاهم تيلا ومى  وكام راجل من رجالة ابو أنس 

روان :- وهى بتشد مى من شعرها انجرى قدامى 

مى :- اااااه سيبى شعرى يا زباله 

روان :- انا هوريكى الزباله هتعمل فيكى ايه دلوقتى 

أبو أنس :- ابقى ورونى هيعرفو يوصلو ليكم ازاى ههههههههههه

تيلا :- انت واحد مريض بالشر والشر عمره قصير واكيد اللى هينتصر فى الاخر الخير 

روان :- هههههههه معانا احنا الشر هو اللى بينتصر ولا أيه يا باشا هههههههههه

ابو انس :- طبعآ يا روح الباشا هههههههههههه

عند يوسف وعدى 

قعدو يدورو فى كل مكان وكان فى اوضه مقفوله يوسف ضرب الباب برجليه ودخلو يدرو فيها 

عدى :- شاف الخاتم اللى كان جايبو لمى واقع فى الارض قال بدموع كانو هنا خاتم مى اهو وجابه وقال فينك يا مى فينك 

يوسف :- بص كده فى باب خلفى ممكن يكونو خرجو من هنا 

عدى :- طلع يجرى على الباب وفتحه وقال بسرعه يا يوسف

يوسف :- طلع يجرى وراه عدى ودورو عليهم وشاف حلق تيلا واقع فى الارض نزل جاب الحلق وقال بتاع تيلا يببقى أكيد هما قريبين من هنا ومشو الاتنين براحه وشافو راجلين واقفين بسلاح 

عدى :- شاور ليوسف بعنيه على الراجل 

يوسف :- رد عليه بهزت راس ومشو براحه جدآ وجم من وراه الرجاله ولفو راقبتهم كسروها واخدو السلاح بتاعهم ومشو براحه وهما بيبصو فى كل مكان ومره واحده اتصدمو لما شافوا مى وتيلا اتنين رجاله مسكاهم وحطين المسدس عند دماغهم 

ابو انس :- منورين يا رجاله 

وفى الوقت ده راجلين حطو المسدسات عند راس يوسف وعدى 

يوسف :- سيبو البنات وخلى حسابكم معانا احنا

ابو انس :- نزلو سلاحكم فى الارض كده زى الشاطرين

يوسف :- بص لتيلا ولمى بدموع وحط المسدس فى الارض

عدى :- حط المسدس فى الارض وبص لمى يطمنها 

ابو انس :- شاطرين وبص للبنات وقال بما انا قلبى طيب مش هموتكم لوحديكم هموت معاكم حبايبكم ويونسوكم فى التربه بتاعتكم ايه رأيكم بقى حنين صح ههههههههههه

عدى :- لالالا ملكش دعوه بيهم وخلى حسابك معانا احنا 

روان :- اوووه يا حنين خايف على حبيبة القلب 

عدى :- انتى طلعتى واحده و***** انا معرفش كنت مخدوع فيكى أزاى 

روان :- طق طق طق محبكش وانت كده ،كده هزعل وراحت عند مى وضربتها بالقلم وقالت وانا زعلى وحش اوى ومسكت مى من شعرها وقالت ما تعقليه يا قطه 

عدى :- بعصبيه ابعدى عنها بقولك ملكيش دعوه بيها حسابك معايا كتر اوى يا روان

 روان :- هههههههههههههه طول ما معايا الباشا محدش يقدر يأذينى يا دودى 

يوسف :- لو انت راجل بجد خلي المواجهه ما بنا بعيد عن رجالتك 

ابو انس :- راح وقف جنب تيلا ومشى المسدس بتاعه على جسم تيلا ووصل المسدس لحد بطنها من تحت وقال انا راجل اوى تحب اثبتلك قدام عنيك 

يوسف :- اتعصب وقال ابعد عنها يا و****** يا ال*****

أبو أنس :- ههههههههههههه بعد عنها وراح عند يوسف وقال لو حابب تشوف مراتك عريانه وفى حضنى اشتم تانى 

يوسف :- بص لمى ولتيلا بصه هما فاهموها 

تيلا ومى :- بحركه سريعه مسكوه أيد الرجاله اللى وراهم وعضوهم 

الراجل :- اللى تيلا عضته زقها على الحيطه 

تيلا :- راسها اتخبطت واغمى عليها 

مى :- طلعت تجرى استخبت بعيد عن ضرب النار 

يوسف وعدى :- فى نفس الوقت ضربو الرجاله اللى وراهم بالراس من وراه وجابو المسدسات من الأرض بحركه سريعه وقعدو يضربو الرجاله بالرصاص وهما كان عددهم مش كتير وقدرو يقتلوهم كلهم بس رصاصه جت فى كتف يوسف 

ابو انس :- اول ما شاف كده طلع يجرى وهرب وسابهم 

روان :- ملاحقتش تجرى واتوترت وخافت لما شافت عدى رايح عليها وعينه كلها شر 

عدى :- راح عند روان ومسكها من شعرها وقعد يضرب فيها على وشها لحد ما وشها كله جاب دم 

يوسف :- طلع يجرى على تيلا ومى 

مى :- قعدت تعيط فى حضن يوسف وجسمها كله بيترعش 

يوسف :- شششش أهدى يا مى كل حاجه هتكون تمام أن شاءالله 

عدى :- قعد يضرب روان لحد ما اغمى عليها وبعدين سابها وطلع يجرى على مى 

مى :- خرجت من حضن يوسف واترمت فى حضن عدى وقعدت تعيط 

عدى :- قعد يطبطب عليها وقال أهدى يا مى انتى خلاص فى حضنى محدش هيقدر يأذيكى 

مى :- وهى خايفه مسكت فيه أكتر وقالت ا.ا.انا خايفه يا عدى 

عدى :- متخفيش وانتى فى حضنى 

يوسف :- طلع يجرى على تيلا وقعد يخبط على وشها ولاقه راسها بتجيب دم شالها ومشى بيها 

عدى :- يوسف الراجل شكله هرب 

يوسف :- هنجيبه بس دلوقتى نلحق تيلا 

ومشو كلهم فى نفس الوقت أيمن والرجاله جم وشافو تيلا وهى مغمى عليها 

مازن :- بخوف تيلا بنتى مالها 

يوسف :- كويسه هى بس أغمى عليها لما اتخبطت فى الحيطه 

باسم :- تيلا فوقى يا حبيبتى 

أسر :- شد مى فى حضنه وقعد يبوس فيها ويقول انتى كويسه يا حبيبتى 

مى :- بدموع هزت راسها بمعنى لاء وقالت النهارده كان أصعب يوم فى حياتى 

أسر :- طبطب عليها وبسها فى راسها وقال المهم انكم كلكم كويسين 

فهد :- راحو فين 

يوسف :- وهو شايل تيلا 

الراجل هرب واللى اسمها روان مغمى عليها فى الارض 

أيمن :- قبض على روان وحطها فى البوكس 

يوسف :- رفض يحط تيلا فى الإسعاف وقال لاء انا هخدها فى العربيه وفى الوقت ده فاقت تيلا ومسكت راسها وقالت 

تيلا :- بتعب انا فين 

يوسف :- تيلا انتى كويسه

تيلا :- بتعب انا عندى صداع جامد اوى وعينى شايفه بيها بصعوبه 

مازن :- أنشالله انا وانتى لاء 

تيلا :- فتحت عينيها بصعوبه وقالت بتعب انت 

مازن :- ايوه يا حبيبتى ياريت اللى فيكى يكون فيا انا 

تيلا :- بصت ليوسف وقالت بتعب نزلنى 

يوسف :- انتى تعبانه

تيلا :- نزلنى بقولك 

يوسف :- نزلها وحاول يمسكها 

تيلا :- لاء شكرآ مش محتاجه مساعده منك وقالت بابا

باسم ومازن :- فى نفس الوقت قالو نعم 

تيلا :- بصت لمازن وغيرت وشها وبصت لباسم وقالت تعال يا بابا سندنى 

باسم :- حاضر يا حبيبتى ومسك أيديها ومشى بيها 

فى الوقت ده كان يوسف بيتألم من الرصاصه اللى فى كتفه بس بيحاول يدارى 

مازن :- بيبص اتفاجئ أن فى حد من بعيد موجه المسدس على تيلا طلع يجرى على تيلا وحضنها وقال بنتى وجت الرصاصه فى ضهره 

فهد :- طلع يجرى على أبو أنس ومسكه وقعد يضرب فيه لحد ما خلى وشه كله دم وكان هيموت فى أيده 

أيمن :- اخده من أيد فهد بصعوبه وحطه فى البوكس  

تيلا :- اتفاجئت من حضن مازن ليها وحست بالرصاصه لما جت فى جسم مازن 

الكل :- طلع يجرى على مازن 

مازن :- وهو بيبص فى عين تيلا قال بتعب انا فرحان ان قدرت اخدك فى حضنى حتى لو ده أخر حاجه فى عمرى 

تيلا :- وهى بتحاول تمسك دموعها ليه عملت كده 

مازن :- مش كتير عليكى عمرى يا حبيبتى ووقع فى الارض من التعب 

تيلا :- قعدت جنبه وقالت لالالا متموتش 

مازن :- انا كده مش محتاج حاجه من الدنيا كفايه عليا أن شوفت لهفتك وخوفك عليا 

تيلا :- بلاش كلام ارجوك حد يلحقه يا جماعه 

جاسر :- بدموع بابا متسبنيش من بعد ما لاقتك ارجوك 

مازن :- طبطب عليه وقال انا فخور انا كان عندى ابن راجل وخلوق زيك خلى بالك من اخواتك البنات يا جاسر 

جاسر :- لالالا انت اللى هتخلى بالك منهم يا بابا فوق علشان خاطرى 

محمد :- خالو بلاش كلام علشان متتعبش أكتر 

مازن :- غمض عينيه وسكت 

تيلا :- لالالا فوق فوق بالله عليك وقعدت تخبط على وشه وقالت ب.ب.باباااااااااااا

وجت الإسعاف واخدت مازن وجت تركب معاه هى وجاسر رجل الإسعاف قال إن واحد بس اللى يركب معاه 

باسم :- اركب انت مع ابوك يا ابنى 

جاسر :- ركب الاسعاف مع مازن ومشيو بيه على المستشفى  

يوسف :- وهو بيحاول يدارى الوجع اركبى نروح وراه على المستشفى 

تيلا:- ركبت مع يوسف وهى دموعها على خدها وراحو على المستشفى

والكل ركب عربيته ومشى بيها