 |
رواية عشقت كبريائي فهد ومليكة الجزء الثالث (لقاء الاحبة) الفصل الخاتمة الاولي 1 بقلم دودو محمد
بعد مرور أكثر ثلاثة أعوام
عائلة فهد المنشاوى
عدى ومى :-
مى اتخرجت من الكليه وعدى فتح ليها صيدليه مخصوصه بأسمها
عدى ماسك زى ما هو شركات المنشاوى
ولسه ربنا مرزقهومش بأطفال
فريد وسمر :-
اتخرجو الاتنين من الكليه واتعينو فى مدرسه سمر مدرسة لغه انجليزيه وفريد مدرس لغه فرنسيه
معاهم فهد ثلاثة سنين ونص
وعائشه سنه
معاذ وجاكلين :-
الاتنين شاغلين فى شركة اسر زى ما هما
معاهم مالك وملك توأم ثلاثة سنين
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
عائلة أسر
يوسف وتيلا :-
الاتنين شاغلين فى شركة أسر زى ما هما والشركه بقت من اكبر الشركات فى مصر وخارج مصر
عندهم أروى ثلاثة سنين ونص
ومراد سنه ونص
مليكه وأيمن :-
أيمن اترقه فى شغله بأمتياز
ومليكه اتخرجت وقعدت فى البيت
معاهم عبدالرحمن ثلاثة سنين
وميار 8 شهور
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
عائلة باسم
فرحه ووحيد :-
اتخرجت من كلية الصيدله وباسم فتح ليها صيدليه بأسمها ووحيد شغال فى شركة ادويه مشهوره ولما بيخلص فى الشركه بيروح الصيدليه يساعدها فيها
معاهم جورى سنتين
وحامل فى ولد وهتسميه ريان
عمار :- دخل كلية تجاره ولسه ملاقاش بنت الحلال اللى هتعقله شويه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عائلة فارس المنشاوى
كريم :- اتخرج واشتغل فى شركات المنشاوى وبيحضر الدور اللى هيعيش فيه هو وولاء
ولاء اشتغلت مع مى فى الصيدليه بتاعتها
والفرح باقى عليه اسبوع
بسمله :- دخلت كلية طب وممتازه فى دراستها ولسه على وعدها مع ابوها مش بتكلم جاسر أو تشوفه غير فى المناسبات لكن قلبها كل يوم بيتعلق بجاسر اكتر وأكتر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
عائلة مازن
محمد وهنا :-
هنا اتخرجت واشتغلت فى معمل ابحاث ومتفوقه جدآ فى شغلها محمد مستمر فى شغله فى الجامعه
معاهم ريتال سنتين ونص وهتولد بنوته تانيه هتسميها ريماس
جاسر :- اتخرج واشتغل فى شركات المنشاوى مع ابوه ولسه بيحب بسمله وبيروح يبص عليها من بعيد وهى رايحه الكليه وقرر أن هو هيتقدم ليها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
فى اوضت مى وعدى
مى :- بدموع طلقنى يا عدى
عدى :- حط أيده على وشه وقال يارررررربى مش هنخلص من ام الموضوع ده يا حبيبتى فى ايدى ايه اعمله دكاتره وروحنا الكل نفس الكلام لا أنا ولا انتى عندنا اللى يمنع بس دى حاجه بتاعت ربنا
مى :- قعدت على السرير وقالت بدموع عمرك ما هتفهمنى عمرك ما هتحس بالإحساس اللى بحسه نفسى ابقى ام يا عدى نفسى فى طفل حته منى ومنك
عدى :- قعد جنبها على السرير وحط أيده على كتفها وقال يا مى اصبرى اكيد ربنا هيكرمنا بس مسألة وقت مش أكتر
مى :- اصبر اكتر من كده ايه احنا بقالنا كام سنه متجوزين ومفيش حاجه بتحصل كل اتنين متجوزين فى العيله معاهم عيلين واللى معاها عيل وحامل فى التانى وانا زى ما انا يا عدى
عدى :- غمض عينه وبعدين اتنهد وقال شوفى عايزه ايه واعملهولك غير موضوع الطلاق ده مستحيل هقدر اعيش من غيرك يا مى
مى :- نروح لدكتور تانى يكشف علينا
عدى :- وقف وقال بعصبيه تانى يا مى احنا روحنا لكام دكتور لحد دلوقتى وكلهم كلامهم واحد
مى :- بص دى اخر مره ومش هقولك نروح لدكتور تانى ماشى
عدى :- اتنهد وقال ماشى يا مى لما نشوف اخرتها ايه معاكى وسبها ودخل الحمام اتوضه وخرج اده فرضه ولبس هدومه وقال انا مستنيكى تحت ونزل وسابها فى الاوضه
مى :- دخلت الحمام اخدت شاور واتوضت وخرجت لبست هدومها وأدت فرضها ونزلت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت فريد
صحيت سمر من نومها وقالت
سمر :- ديدو حبيبى اصحه يلا هنتأخر على الشغل
فريد :- فتح عينه وقال صباح الخير يا قلبى
سمر :- بسته فى خده وقالت صباح النور يا عمرى يلا احسن احنا كده اتأخرنا
فريد :- حاضر وقام دخل الحمام اخد شاور واتوضه وخرج لبس هدومه واده فرضه
سمر :- دخلت الحمام
وفى الوقت ده باب الاوضه خبط
فريد :- كان قاعد بيسبح قام وراح فتح الباب وقال اهلا اهلا بالبطل بتاعى وشاله وباسه
فهد الصغير :- بابا بتقولك تيته يلا احسن انتو اتأخرتو على الشغل
فريد :- باسه فى خده وقال انزل قولها إن إحنا نزلين وراك علطول ونزله وقال يلا أجرى
فهد الصغير :- نزل
فريد :- قفل الباب وكانت سمر خارجه من الحمام
سمر :- مين يا قلبى
فريد :- دى ماما بعته فهد علشان يصحينا هههههههههه
سمر :- هههههههه وراح فين المفعوص ده
فريد :- نزل يلا يا عمرى صلى علشان ننزل ناكل لقمه بسرعه ونمشى
سمر :- حاضر وادت فرضها ونزلو الاتنين من الاوضه وكان الكل قاعد
سمر وفريد :- صباح الخير
الكل :- صباح النور
مليكه :- ايه يا ولاد اول مره تتأخرو كده
سمر :- عائشه كانت حرارتها مرتفعه امبارح ومنزلتش الحراره غير على وش الفجر
مليكه :- حطت ايديها على راس عائشه اللى على رجلها وقالت بس الحمدالله دلوقتى مفيش حراره
سمر :- الحمدالله وفريد أتأخر بسبب أن سهر يقراه فى المصحف لحد الفجر وصلى ونام
مليكه :- ربنا يتقبل يا منك يا حبيبى بس جسمك ليه حق عليك لازم تريحه شويه
فريد :- راحت جسمى فى كلام ربنا هو ده اللى بيريحنى جسديآ ونفسيآ
فهد الكبير :- ربنا يصلح حالك يا ابنى
فريد :- ربنا يخليك يا بابا
فهد الصغير :- جدو انت وعدنى هتخدنى معاك الشركه النهارده
فهد الكبير :- شاله وقال انت تأمر يا قلب جده من جوه هخدك معايه الشركه ايه رأيك
فهد الصغير :- وقف وقعد ينط ويقول هيييييييييه جدو ده احلى جدو فى الدنيا بحالها
سمر :- الولا ده طالع بكاش بشكل
فهد الصغير :- لو سمحتى يا ماما متقوليش ولا انا راجل وهروح اشتغل مع جدو فى الشركه
سمر :- شالته وقالت احلى واجمل راجل كمان اموووووه
فريد :- طيب يلا علشان هنتأخر
سمر :- خلاص اهو ووقفت وقالت يلا وبصت لمليكه وقالت خالتو خلى الداده تتابع حرارة عائشه كل شويه ولو ارتفعت تانى لقدر الله تتصل بيا
مليكه :- متشغليش بالك روحى انتى بس
سمر :- باست عائشه اللى رجل مليكه وباست فهد الصغير ومشيت مع فريد
عدى :- وقف وقال عن اذنكم
فهد :- عدى استنا عايزك تعال ورايا المكتب
عدى :- حاضر ومشى وراه ودخل المكتب وقفل الباب وراه
مليكه :- مالك يا مى انتو متخانقين انتى وعدى
مى :- لاء يا خالتو خالص ليه حضرتك بتقولى كده
مليكه :- قعدين انتو الاتنين مكشرين ومش بتتكلمو ده انتو حتى مهزرتوش مع فهد زى ما بتعملو علطول شكلكم زعلانين صح
مى :- بصت على الارض وعينيها كلها دموع
مليكه :- قعدت جنبها ورفعت وشها ليها وقالت قولى واتكلمى يا حبيبتى انا سمعاكى
مى :- بدموع نفسى ابقى ام يا خالتو
مليكه :- يا حبيبتى دى حاجه بتاعت ربنا ما انتو روحتو لكذا دكتور وقال معندكمش حاجه تمنع الحمل
مى :- بدموع عارفه والله يا خالتو بس أكيد فى اى طريقه تخلينى احمل
مليكه :- طبطبت على خدها وقالت بحنان يا مى يا حبيبتى بلاش تنكدى على نفسك وعلى جوزك على حاجه مش بأيدكم اكيد ربنا ليه حكمه فى كده عارفه انك موجوعه ونفسك تبقى ام زى كل اللى فى سنك بس الصبر شويه عدى بيحبك ومستحمل النكد وكل اللى انتى بتعمليه علشان بيحبك ومش عايز يزعلك بس انتى بطريقتك دى هطفشيه من بين ايديكى وهتبقى لا طولتى الخلفه ولا طولتى حب عمرك استهدى بالله كده وصلى ركعتين لله وادعيلو بقلب صافى أن يعوض عليكم بالخلف الصالح أن شاءالله
مى :- بدموع حاضر يا خالتو
مليكه :- مسحت دموع مى وقالت ربنا يهديكى ويصلح حالك يا حبيبتى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مكتب فهد
فهد :- قعد على الكرسى وقال اقعد يا عدى
عدى :- قعد وقال حاضر يا بابا
فهد :- فى حاجه بينك وبين مراتك يا عدى
عدى :- اتنهد وقال هو هو موضوع الحمل يا بابا مش بنخلص منه علطول منكده عليا بسبب انها محملتش كل شهر على كده اول ما تيجى ليها البريود تقلب الدنيا وتطلب منى الطلاق وانا اقعد أهدى فيها انا بجد خلاص تعبت وعلشان بحبها بستحمل كتير وبسمع كلامها واخدها ونروح الدكتور اللى تقول عليه وفحوصات وتحاليل وادويه وبرضه متطلعش حامل انا نفسى اكون اب زيها واكتر بس صابر وراضى بأمر ربنا ووجودها جنبى بالدنيا كلها
فهد :- اتنهد وقال ماهى بتعمل كده غصب عنها شايفه اللى اتجوز قبلها واللى اتجوز معاها واللى اتجوز بعدها كلهم بقو امهات وهى لسه
عدى :- وانا بأيدى ايه يا بابا ومعملتهوش
فهد :- فى ايدك تخدها فى حضنك وتحتاويها حسسها بالامان خليك انت طفلها مش عيب على فكره عوضها عن فقدآ اهم دور فى حياتها الامومه مع أن دى متتعوضش ولا بملايين الدنيا خليك انت سندها فى اشد واصعب وقت ليها مراتك بتمر بأذمه نفسيه صعبه وفى ايدك انت تشدها لبر الأمان والاستقرار حاول معها كل ما تطلب تروح للدكتور جرب وروح معاها مره واتنين وتلاته وعشر متزهقش منها علشان هى متشيلكش مسؤولية اى تأخير فى الموضوع ده
عدى :- ما انا بعمل كده يا بابا وبحاول اشغلها بأى حاجه تحبها وفتحت ليها صيدليه قولت تشغل بيها وقتها
فهد :- يا أبنى مستحيل تقدر تشيل من دماغها موضوع الحمل ده لأن احساس الامومه مولوده بيه بالفطره زى أى ست صعب بس ممكن ترفه عنها بخروجه حلوه او تخدها يومين بره اسكندريه تغير جو فيهم
عدى :- حاضر يا بابا
فهد :- فى ايدك انت ترسم ضحكة مراتك على شفايفها وتحتوى عطفيتها ليك انت كزوج واب واخ وابن وكل حاجه ليها فى الدنيا
عدى :- وقف وقال حاضر يا بابا وربنا يخليك لينا يارب
فهد :- وقف وخبط على كتفه وقال ربنا يصلح حالك ويرزقك الخلف الصالح يارب
عدى :- باس أيده وقال وميحرمناش منك يارب وراح فتح الباب وخرج وقال يلا يا مى
مى :- يلا وخرجو الاتنين وركبو العربيه
عدى :- هوصلك الصيدليه وهروح الشركه وعلى الساعه اربعه هاجى اخدك ونتغدا بره
مى :- لاء نروح عند الدكتور الاول
عدى :- اتنهد وقال حاضر وبعدين نروح نتغدا بره
مى :- ماشى
عدى :- مسك ايديها وبسها وشغل العربيه وراح وصلها على الصيدليه وراح الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
فى اوضت يوسف
صحيت تيلا على صوت المنبه طفته وبصت على يوسف وقالت
تيلا :- يوسف حبيبى اصحه يلا
يوسف :- فتح عينه وقال صباح الخير يا قلبى
تيلا :- صباح النور يا حبى يلا علشان منتأخرش
يوسف :- شد تيلا فى حضنه وبص ليها فى عينيها وقال كانت ليله دمار امبارح وغمز ليها
تيلا :- ضربته على صدره وقالت بطل قلة أدب بقى ويلا قوم
يوسف :- ما بلاش نخرج من اوضتنا النهارده وخلينا نراجع اللى حصل فى ليلة امبارح
تيلا :- يا سلام لاء طبعآ قوم يلا بلاش كسل
يوسف :- قربها منه وبسها بوسه طويله
تيلا :- استجابت ليه وقربت منه اكتر
يوسف :- بعد وقت طويل بعد عنها وبصلها فى عينيها وقال بغمزه ده انتى شكلك رأيك من رأى بقى
تيلا :- زقته بغيظ وقامت وقالت والله العظيم انت غلس ودخلت الحمام
يوسف:- ضحك عليها وعلى طريقتها وقام قعد على حرف السرير وبعد وقت خرجت تيلا من الحمام ودخل يوسف
تيلا :- لبست هدومها وأدت فرضها وشويه وخرج يوسف ولبس هدومه واده فرضه ونزلو الاتنين من الاوضه بتاعتهم وقال
الاتنين :- صباح الخير
أسر ومها :- صباح النور
تيلا :- فتحت دراعها وقالت صباح الخير يا حبيبت ماما
اروى :- صباح الخير يا ماما وحضنتها وبستها فى خدها
يوسف :- وانا مليش بوسه كمان
اروى :- جريت عليه واترمت فى حضنه وبسته بوسه طويله فى خده وقالت احلى بوسه لاحلى بابا فى الدنيا
يوسف :- قلللللللبى يا ناس وشالها وقعد وقعدها على رجله
تيلا :- شالت مراد من ايد مها وبسته وقالت حبيب ماما يا ناس
مراد :- ماما لوح باى
تيلا :- عايز تروح باى
مراد :- هز راسه بمعنى ايوه
تيلا :- بسته فى خده وقالت ماما وبابا يروحو الشغل مش ينفع باى
مراد :- قعد يعيط
تيلا :- لالالا بلاش تعيط بس بس
مها :- اخدته منها وقالت اقعدى كلى انتى
تيلا :- وانتى يا خالتو مش هتاكلى
مها :- اكلت انا وعمك اسر قبل ما تنزلو
أسر :- الشغل عامل معاكم ايه
يوسف :- كله تمام يا بابا وشركتنا بقت من أهم شركات الديكور فى مصر وبره كمان
أسر :- البركه فى الباش مهندسه تيلا
تيلا :- هههههههه هى الشركه كانت كبيره بأسم حضرتك من الاول احنا بس ضفنا شوية أساليب حديثه مش أكتر
يوسف :- انت الخير والبركه يا بابا حضرتك الأساس
أسر :- ربنا يكرمكم يارب ويسعدكم يا حبايبى
مها :- تيلا ابقى روحى بصى على امك انت بقالك فتره كبيره مش بتروحى ليها ومقصره معاها
تيلا :- عندك حق يا خالتو انا مقصره اوى اوى فى حقها وحق بابا باسم وبابا مازن الشغل واخد كل وقتى
أسر :- لاء يا حبيبتى كله الا صلة الرحم اوعى تقطعيها فى يوم من الايام وبعدين انتى كده بضيعى حق من حقوقك الوالدين عليكى وهو الموده والرحمه اللى مفروض تقدميهم ليهم على تربيتهم ليكى وتعب امك فى حملك وولادتك مش محتاج اعرفك لأنك ام ومجربه يا حبيبتى
تيلا :- عندك حق يا عمو هخلص شغل واروح ابص عليهم
أسر :- ربنا يبارك فيكى يا حبيبتى وبص ليوسف وقال وانت كمان ابقى أسأل على خالتك
يوسف :- حاضر يا بابا وبص لاروى وقال يلا يا رورو روحى عند جدو حبيبك
اروى :- راحت عند اسر وقعدت على رجله وقالت وانا يا جدو عايزه اروح عند تيته مى وجدو باسم وخالو عمار
أسر :- احلى عربيه تودى البرنسيسه اروى عند تيته مى يا سلام تأمرى يا قلب جدو
اروى :- باسته فى خده وقالت بحبك اوى يا جدو
أسر :- وانا بموت فيكى يا قلب جدو من جوه
يوسف :- خلاص يا توته
تيلا :- وقفت وقالت خلاص يا قلبى وخرجو الاتنين وراحو على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم
كانو مى وباسم قعدين بيفطرو ونزل عمار عليهم وقال
عمار :- صباح الخير يا بنأدمين
مى :- صباح النور يا حبيبى
باسم : - يا ابنى متعرفش تتكلم زى البنأدمين ابدآ
عمار :- ما البنأدمين بيتكلمو كدا عادى يا بابا وبعدين اموت واعرف حضرتك علطول بتكلمنى بقرف كده ليه هو انا مش ابنك يا حاج ولا ايه بالظبط
باسم :- علشان كل ما بتكبر كل ما بتزيد عبط وهيافه وايه القرف اللى انت عمله فى شعرك ده ولا ايه البنطلون اللى انت لابسه ده ده منظر واحد هيشلنى فى كبرى ده انت مش هتشلنى ده انت هتشلنى وتجيب ليا جميع الامراض بسبب اللى بتعملوا ده
مى :- بعد الشر عليك يا حبيبى وبعدين سيبو يعيش سنه يا باسم ما هو شاب زى الشباب اللى فى سنه هو الجيل ده كله كده مش هو بس
باسم :- جيل منيل بستين نيله وقام وسابهم ومشى
عمار :- بص لأمه وقال هو بابا هيشلنى من دماغه امته كل ما يشوفنى يقولى الكلمتين دول ويحرق دمى
مى :- يا حبيبى ابوك بيكبر فى السن وعايز يرتاح بقى وانت مش مساعده فى كده مقضى حياتك كلها خروج وسهر مع اصحابك وكل شويه عايز عايز فكر فى ابوك شويه وفى مستقبلك يا عمار احنا ملناش غيرك يا حبيبى وانت سند ابوك مفروض تريحه وتبقى انت مكانه فكر فيه شويه يا حبيبى
عمار :- حاضر يا ماما كله يهون علشان عيون ميوش وراح بسها فى خدها ومشى
مى :- ربنا يصلح حالك ويهديك يا عمار يا ابن بطنى يارب وقامت تشيل الاكل من على السفره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
فى اوضت كريم
كان قاعد بيتكلم هو وولاء فى التليفون
كريم :- بفرحه مش مصدق نفسى كلها اسبوع وتبقى معايه وبين ايديه اااااااه هتموتى يا سوسو
ولاء :- اتلم انت عارف ان مش بحب الطريقه دى فى الكلام ماشى
كريم :- وربنا انتى مراتى وداخلين على السنه الرابعه وانا بقنعك بكده ولا عايزه تدينى بوسه ولا حضن اتقى الله يا شيخه ده انا بنهار بسببك اشوف فيكى يوم يا بعيده
ولاء :- لما الفرح يخلص وابقى معاك فى الشقه ابقى كده مراتك لكن أنا بعتبر نفسى لسه مخطوبه
كريم :- نعمممممم يا اختى مخطوبه امال قسيمة الجواز دى ايه
ولاء :- عادى يعنى ورقه مكتوبه بتقول أن ولاء مرات كريم لكن الفعل غير كده ولاء مخطوبه لكريم
كريم :- وربنا على اللى انتى عامله فيا ده هيطلع على عينك الاسبوع الجاى
ولاء :- ههههههههههه
كريم :- ااااااه صبرنى ياربى بقى
ولاء :- كيمو
كريم :- مدام فيها دلع وكيمو يبقى عايزه مصلحه قولى يا اختشى معاكى الميكرفون
ولاء :- احم احم
كريم :- احم احم ايه بس انتى هتغنى ولا ايه
ولاء :- بس بقى يا كريم خلينى اقول ليك الكلمتين اللى عايزه اقولهم ليك
كريم :- ربنا يستر بقى
ولاء :- احم ك.ك.كنت عايزه ابعد ليك صورة الفستان اللى اشتريته بتاع الفرح
كريم :- بفرحه بجد ابعتى ده انا هموت واشوفه
ولاء :- بس اعمل حسابك مش هغيره
كريم :- انا بدأت اتوغوش يا حوريه ابعتى يا قلبى
ولاء :- قفلت السكه وبعتت صورت الفستان
كريم :- اول ما فتح الصوره بحلق واتصدم واتصل وقال ايه اللى انتى جايبه ده انتى ناويه تشتغلى رقاصه فى الفرح ولا ايه
ولاء :- ماله بس يا كريم ما شكله حلو اهو
كريم :- حلو ايه الله يحرقك ده اخرك تحضرى بيه فى كباريه مش فى فرح مستحيل تلبسيه وبعدين انتى محجبه هتلبسيه ازاى ده
ولاء :- بزعل مليش دعوه يا كريم دى ليلة العمر ومن حقى اختار الفستان اللى يعجبنى وانا كده كده هقلع الحجاب فى الفرح الناس كلها بتعمل كده وبعد كده ارجع البسه تانى
كريم :- ليه هو الحجاب تحت امرك تلبسيه وقت ما تلبسيه وتقلعيه وقت ما تقلعيه لاء يا ولاء دى ليلة العمر اه بس علشان نفرح بيها مع بعض مش يبقى جسمك عرضه للرجاله وتقلعى حجابك
ولاء :- وانا مش هغيره
كريم :- وانا بقولك هتغيره يا ولاء ومفيش قلع طرحه
ولاء :- وانا بقولك هلبسه وهعمل اللى فى نفسى فى الليله بتاعتى
كريم :- بعصبيه يبقى بلاش منها الليله خالص وقفل السكه فى وشها وحدف التليفون على السرير ومسح على وشه وقام دخل الحمام جهز نفسه واده فرضه ونزل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى اوضت بسمله
صحيت بسمله من نومها قامت من على سريرها راحت فتحت درج المكتب بتاعها وطلعت صورة جاسر وقالت
بسمله :- بحب صباح النور يا عمرى واحشتنى اوى اوى يا جاسر وبحلم باليوم اللى هتيجى تتقدم ليا فيه وابقى مراتك يااااااه الكام سنه اللى فاتو مرو عليا كأنهم مية سنه واحشتنى ضحكتك كلامك نظاراتك واحشنى أسمى من شفايفك كل حاجه فيك واحشانى بحبك اوى اوى يا جاسر ورجعت تانى الصوره مكانها وقفلت الدرج ودخلت الحمام وخرجت أدت فرضها ونزلت وكان الكل قاعد قالت
بسمله :- صباح الخير
الكل :- صباح النور
كريم :- ايه اخرك كده يا بسله
بسمله :- المحاضره الاولى مش مهمه أوى مش هحضرها ولسه بدرى على المحاضره التانيه علشان كده قومت براحتى من النوم
فارس :- ربنا معاكى يا بنتى ويوفقك
جومانه :- ويسعدها يارب
كريم :- التعليم الاول يا ماما
جومانه :- وفيها ايه لما تتعلم وتتخطب وهى هتبقى اول واحده ولا اخر واحده تتخطب وهى بتدرس
بسمله :- ماما كريم عنده حق اخلص تعليمى الاول وبعدين افكر فى الارتباط
جومانه :- طيب فى شاب زى الفل جمال ايه مقولكيش عليه ووكيل نيابه قد الدنيا وحالته الماديه زى الفل ابن طنطك نيفين هتتجنن عليكى لابنها وكل شويه تكلمنى عليكى ها يا حبيبتى
بسمله :- لاء يا ماما مش بفكر فى الارتباط دلوقتى
جومانه :- بغيظ مش بتفكرى فى الارتباط ولا علشان مستنى جاسر اللى قال هيجى يتقدم ليكى لما تدخلى الكليه ومجاش عبرك وتلاقيه حب واحده غيرك وهيتجوزها وانتى هتقعدى فى ارابيزى
كريم :- ماما ايه اللى انتى بتقوليه ده وبعدين جاسر راجل والتزم بكلمته ومفكرش يقرب منها زى ما احنا طلبنا منه وهو قد كلمته مدام قال هيجى يتقدم ليها يبقى مستنى الوقت المناسب ويتقدم
جومانه :- والوقت المناسب ده امته لما اختك تعنس جنبى
كريم :- بابا حضرتك ساكت ليه ما ترد على ماما
فارس :- بتفرج عليكم وانتو مش عاملين ليا اى اعتبار وبعدين بص لجومانه بغيظ وقال موضوع الجواز ده تقفليه نهائى انا اديت كلمه لجاسر أن بسمله هتكون ليه الراجل التزم بكلمته ومقربش ليها واحنا منلتزمش انتى عايزه تصغرينى يا جومانه
جومانه :- مش قصدى يا فارس بس انا ام ونفسى افرح ببنتى ده كل بنات العيله اتجوزت يا فارس وبنتك لسه
فارس :- علشان بنتك الصغيره والام تفرح لبنتها لما تشوفها مبسوطه وسعيده مع الشخص اللى اختاره قلبها خلاص يا جومانه الموضوع ده مايتفتحش تانى فاهمه
جومانه :- ماشى
فارس :- وقف وقال انا ماشى وخرج وسابهم
بسمله :- وقفت وقالت احم يادوب الحق وقتى باى وخرجتك راحت على الكليه بتاعتها
كريم :- وقف وقال انا كمان ماشى
جومانه :- الدور بتاعك خلص هتجيب امته الفرش علشان خلاص مفيش وقت
كريم :- ربنا يسهل يا ماما هشوف وارد عليكى ومشى وسابها
جومانه :- بغيظ ده ايه العيله اللى كلهم خلقهم عند مناخيرهم دول وقامت تشيل الاكل من على السفره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا حياة
فى اوضت محمد وهنا
صحى محمد من نومه وكانت هنا نايمه فى حضنه قعد يمشى أيده على شعرها ويبصلها بحب وحنيه وفى الوقت ده فتحت هنا عينيها وضحكت ليه وقالت
هنا :- صباح الخير يا قلبى
محمد :- بأبتسامة حب صباح النور يا عمرى
هنا :- بأبتسامه كنت بتبصلى اوى كده ليه وانا نايمه
محمد :- لحد دلوقتى مش مصدق نفسى انك بقيتى مراتى وام اولادى حاسس أن طول السنين دى بحلم
هنا :- حطت ايديها على خده وبصت ليه فى عينيها وقالت لاء يا عمرى صدق احنا مع بعض وعايشين اسعد ايام عمرنا وان شاءالله هنعيش مع بعض سنين كتيره احلى واحلى ربنا يخليك ليا يارب
محمد :- باس ايديها وقال وميحرمنيش منك يا دنيتى كلها وحط أيده على بطنها وقال ويبارك لينا فى ريتال ويجيب اختها ريماس بالسلامه يارب
هنا :- حطت ايديها على ايد محمد اللى على بطنها وقالت بس شكل ريماس هتطلع اشقى من ريتال بتتحرك كتير اوى وبتضربنى بالشلوت كتير اوى فى بطنى
محمد :- ههههههههه شكلها هتطلع بتحب الكوره
هنا :- ههههههههه زى بابا مدمن كوره
محمد :- خالو ده مشكله ده بيلاعب ريتال كوره ومصارعه مفكرها ولد
هنا :- بس تعرف انا ببقى فرحانه اوى لما بشوف بابا بيلعب مع ريتال وفرحان بيها اوى بحس أن هو عايز يعوض طفولتنا اللى راحت منه فى أولادنا علشان كده علطول بيلعب مع ريتال ولما بتيجى اروى هنا بيبقى طاير من الفرحه وسعيد جدآ بيهم
محمد :- خالو مازن اتعذب كتير اوى فى حياته وعذب ناس معاه غصب عنه ومصدق أن الدنيا ضحكة ليه ربنا يخليه لينا ويطول فى عمره يارب
هنا :- يارب ولسه هتقوم
محمد :- هتروحى فين
هنا :- هنزل المعمل
محمد :- لاء خلاص انتى بقيتى على وش ولاده
هنا :- ما انا النهارده هقدم على إجازة وضع
محمد :- انتى شكلك تعبان اوى يا هنا
هنا :- متقلقش يا حبيبى لسه قدامى اسبوع كمان وقامت وقفت وهى تعبانه دخلت الحمام وبعد شويه خرجت لبست هدومها وأدت فرضها
محمد :- دخل الحمام اخد شاور واتوضه وخرج لبس هدومه واده فرضه ونزلو الاتنين مع بعض وقالو
محمد وهنا :- صباح الخير
مازن وحياة :- صباح النور
حياة :- تعالى يا حبيبتى اقعدى
هنا :- قعدت وقالت امال فين ريتال
حياة :- فطرتها وراحت تلعب بلعب بتاعتها
مازن :- يا حبيبتى شكلك تعبان بلاش تنزلى النهارده الشغل
هنا :- بتعب هنزل اقدم على اجازه وهاجى يا بابا
حياة :- ربنا يقومك بالسلامه يا حبيبتى بس شكل بطنك كده بتقول انك مش هتستنى اخر الاسبوع ده اليومين دول هتشرف الست ريماس
محمد :- يارب يا ماما احسن شكلها تعبان اوى
هنا :- انت المفروض تكون اتعود على كده من ايام ريتال
محمد :- باس ايديها وقال يا حبيبتى مقدرش اشوفك تعبانه كده قلبى بيتقطع علشانك
حياة :- ربنا يخليكم لبعض وتفرحو ببناتكم يارب
مازن :- احلى حاجه فى الدنيا الاولاد وبالذات البنات دول رزقهم واسع ربنا كرمك بجنتين احلى زهرتين فى حياتك اسألنى انا ببقى الدنيا مش سيعانى وانا جنبى تيلا وهنا
حياة :- ربنا يخليهملك ويخلى ريتال وريماس يارب
فى دخلت جاسر
جاسر :- وانا مليش دعوه حلوه زى دى ولا ايه وسلم عليهم كلهم
حياة :- ده انت العسل كله يا جسور
جاسر :- ربنا يخليكى يا عمتو يارب
مازن :- انت سندى وضهرى وعزوتى يا جاسر ربنا يخليك ليا يا حبيبى ويسعدك يارب
جاسر :- ويخليك لينا يارب يا بابا وبعدين بص لهنا وقال ايه الكوره دى ناويه تنزل امته
هنا :- هههههههه هو المفروض الاسبوع الجاى بس شكلها كده مش هقدر استنا الست ريماس مستعجله على النزول
جاسر :- ربنا يقومك بالسلامه يا حبيبتى وبعدين قال امال فين حبيبت خالو
حياة :- فى اوضتها بتلعب باللعب بتاعتها
جاسر :- دلوقتى اروح ليها المهم كنت عايزك يا بابا فى موضوع لو فاضى
مازن :- افطر وبعد كده نتكلم
هنا ومحمد :- وقفو وقالو
محمد:- هنروح احنا بقى عايزين حاجه
حياة :- ربنا معاكم يارب
هنا :- سلام وخرجو الاتنين ركبو العربيه ومشيو
حياة :- وقفت وقالت انا الحمدالله هروح ابص على ريتال وسابتهم ومشيت
مازن :- قول يا حبيبى اللى كنت عايز تقوله
جاسر :- بابا عايز اتجوز انا الحمدالله قدرت اكون نفسى واقدر افتح بيت مسؤول منى
مازن :- بفرحه بجد يا جاسر ومين دى اللى انت حاطط عينك عليها وفتحت نفسك على الجواز
جاسر :- بسمله بنت عمو فارس
مازن :- بس لسه فى كليه
جاسر :- وفيها ايه يا بابا
مازن :- خلاص لما اشوفه فى الشغل النهارده أكلمه واخد منه معاد علشان نتقدم
جاسر :- مسك ايد ابوه وبسها وقال ربنا يخليك لينا يا بابا
مازن :- طبطب على أيده وقال ربنا يسعدك يا حبيبى ويفرح قلبك
وفى الوقت ده جت حياة ومعاها ريتال
جاسر :- اخدها من ايد حياة وبسها وقال حبيبت خالو عامله ايه
ريتال :- خيو بيبى
جاسر :- يا خلاثى يا ناس على كلمة خيو بيبى دى عايزه تتاكلى اكل يا بطه وقعد ياكلها من بطنها
ريتال :- هههههههههههه
جاسر :- يا لهههههههوى يا ناس على الضحكه العسل دى بصى خالو جبلك ايه بس اوعى تقولى لماما تدبحنا وطلع باكو شيكولاته من جيبه وادهولها
ريتال :- بفرحه طاطا
جاسر :- هههههههه هى الشيكولاته بقى اسمها طاطا ما علينا خدى طاطا
ريتال :- اخدتها وطلعت تجرى
جاسر :- طيب بوسه يا بت خدى طيب قولى شكرآ ده ايه البت المصلحجيه دى
حياة :- هههههههه عقبال ما ربنا يسعدك ويكرمك بواحده زيها يارب
جاسر :- اللهم امين يلا يدوب الحق الشغل عن اذنكم
مازن :- وانا جاى وراك
جاسر :- ماشى على مهلك سلام وخرج جاسر وركب تاكسى وراح على الشركه
حياة :- كنت عايزه اقولك حاجه يا مازن
مازن :- قولى يا حياة
حياة :- بقولك ايه رأيك ترجع ام جاسر ليك ونعيش كلنا مع بعض هنا وجاسر كمان نبنى ليه دور ويتجوز معانا هنا فى الفيلا
مازن :- انا موافق على موضوع جاسر لكن رافض موضوع أن أرجع لسعاد من تانى صعب احنا كبرنا يا حياة على كده انا اصرف عليها اه لكن نرجع صعب
حياة :- وفيها ايه يا مازن انت وحيد وهى عاشت طول عمرها وحيده ورفضه تتجوز اى حد يبقى ليه صعب وبعدين احنا عايزينها هنا فى وسطنا علشان نعوضها سنين الفقر اللى عشتها زمان
مازن :- سكت
حياة :- مازن انت لسه بتحب مى
مازن :- لاء طبعآ يا حياة مى بالنسبه ليا مش اكتر من ام بناتى زى سعاد بالظبط وبعدين باسم جوزها راجل محترم بجد وكويس معايا ووقف جنبى كتير
حياة :- يبقى خلاص نرجع سعاد وتيجى تعيش وسطنا
مازن :- انتى كلميها انا مش هكلمها
حياة :- ملكش دعوه انت انا هكلمها واقنعها
مازن :- ماشى ووقف وقال يلا هروح انا الشغل عايزه حاجه
حياة :- لاء يا حبيبى عايزه سلامتك اخد علاجك
مازن :- ايوه اخده
حياة :- بالشفا يا حبيبى مع السلامه
وخرج مازن ركب عربيته وراح على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة معاذ وجاكلين
صحى معاذ على صوت خبط الباب قام من على السرير وفتحه وقال
معاذ :- صباح الخير يا حبايب بابا
مالك :- صباح النور
ملك :- بابا انا جعانه
معاذ :- حاضر امشو قدامى علشان ماما متقلقش واخدهم وراح عند المطبخ عمل ليهم سندوتشات وحطهم ليهم وسبهم ياكلو ودخل تانى الاوضه وقعد على حرف السرير وقعد يمشى أيده على وش جاكلين
جاكلين :- حست بأيده فتحت عينيها وضحكت وقالت صباح الخير
معاذ :- بحب صباح النور يا عمرى
جاكلين :- صاحى من بدرى
معاذ :- من شويه حضرت سندوتشات للعيال وسبتهم ياكلو بره
جاكلين :- ربنا يخليك يا حبيبى من يوم ما اتجوزنا وانت علطول مريحنى ومش بتتعبنى خالص فى حكاية المطبخ دى
معاذ :- مسك ايديها وبسها وقال انا قولتلك قبل كده الايدين دول متخلقوش علشان يقطعو بصل وتوم دول اتخلقو بس علشان يدلعو يا قلبى ويتباسو
جاكلين :- بحبك اوى يا معاذ
معاذ:- وهو بيبص فى عينيها قال وانا بموت فيكى يا قلب وروح معاذ وبسها برقه فى خدها
جاكلين :- قامت قعدت ومسكت ايد معاذ وحطتها على بطنها وقالت بفرحه انا حامل
معاذ :- بصلها بفرحه وقال بجد
جاكلين :- ايوه روحت عملت تحليل حمل وطلعت حامل
معاذ :- امته
جاكلين :- وانت شغال نزلت من الشركه وجيت وانت محستش
معاذ :- بفرحه مبروك يا قلبى انا نفسى فى عيال كتيرررر اوى منك يا جاكلين نفسى نبقى عيله كبيره اوى
جاكلين :- حطت ايديها على خده وبصت فى عينه بحب وقال إن شاءالله يا قلبى
معاذ :- ضمها فى حضنه وقال بحب كل حاجه فيكى حبك وجنانك ورومانسيتك وعصبيتك كل حاجه يا جاكى
جاكلين :- ضمته اكتر وبسته فى رقبته وقالت انت عمرى كله يا معاذ
معاذ :- وانت حياتى يا جاكى
جاكلين :- بعدت عنه وقالت هقوم انا اجهز بقى
معاذ :- على ما اجهز مالك وملك للحضانه
جاكلين :- لاء خلاص ادخل انت اجهز وانا اللى هروح اجهز الولاد
معاذ :- اسمعى الكلام ادخلى انتى وملكيش دعوه بس
جاكلين :- اديته بوسه فى خده وقالت قلبى يا ناس وقامت من على السرير دخلت الحمام
معاذ :- بصلها بحب لحد ما دخلت الحمام وخرج يجهز الاولاد وبعد وقت خلص معاذ ودخل الاوضه كانت جاكلين خرجت وبتصلى دخل الحمام واخد شاور واتوضه وخرج لبس هدومه واده فرضه وخرجو الاتنين من الاوضه
جاكلين :- حبايب ماما يا ناس وباست مالك وملك
ملك :- ماما مالك كل شويه يضربنى وياخد منى اللعب بتاعتى ويكسرها
جاكلين :- ليه كده يا مالك
مالك :- كدابه يا ماما انا مش بعمل ليها حاجه دى هى اللى بتاخد الحاجه بتاعتى من غير ما تقول ليا ولا تستأذن منى
ملك :- لاء انت اللى كداب
مالك :- لاء انا مش كداب انتى اللى كدابه
جاكلين :- بااااااس خلاص اسكتو انتو اخوات محدش فيكم يزعل التانى فاهمين
مالك :- حاضر يا ماما
ملك :- حاضر يا ماما
معاذ :- يلا بينا
جاكلين :- يلا ونزلو الاربعه ركبو العربيه راحو على الحضانه ودخلهم مازن ورجع ركب العربيه وراحو على الشركه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة أيمن ومليكه
صحى أيمن من نومه على صوت التليفون بص فيه لاقه الشغل رد عليه وبعد شويه قفل
مليكه :- صحيت وقالت خير يا حبيبى
أيمن :- عايزينى فى الشغل
مليكه :- والله حرام انت بتقعد فى الشغل اكتر ما بتقعد معانا
أيمن :- يعنى بأيدى يا مليكه غصب عنى اعمل ايه
مليكه :- نفسنا تخرجنا يوم زى الناس يا أيمن انا زهقت والأولاد مش بيخرجو خالص
أيمن :- وهو بيقوم من على السرير ربنا يسهل يا مليكه ابقى يوم اخرجكم
مليكه :- لاء بلاش احسن علشان منخرجش ساعه ويطلبوك فى الشغل ترجعنا تانى البيت زى المره اللى فاتت ده احنا ملحقناش ناكل لقمه حتى
أيمن :- انتى فى ايه بالظبط صاحيه بتقولى شكل للبيع
مليكه :- ولا شكل ولا مش شكل شوف هتعمل ايه وسابته وخرجت من الاوضه
أيمن :- بص علي الباب بغيظ ودخل الحمام ورزع الباب وراه وبعد وقت خرج لبس هدومه واده فرضه وخرج من الاوضه لاقه مليكه بترضع ميار ودموعها على خدها راح قعد جنبها ومسح دموعها وقال
أيمن :- مينفعش ترضعى البنت وانتى بتعيطى مش كويس عليها
مليكه :- بطلت ترضع ميار وقعدت تخبط على ضهرها ومردتش عليه
أيمن :- اخد ميار من ايديها وشد مليكه فى حضنه وقال حقك عليا
مليكه :- بدموع انا تعبت وزهقت يا أيمن طول النهار قعده فى البيت لوحدى مع عيالك ما بين أربع حيطان اكل ده وارضع دى واشرب ده واغير لدى واعمل الاكل ليك واغسل وانشر واكوى واكنس وامسح و انت علطول فى الشغل ومشغول وانا بزهق مفيش حاجه جديده فى اليوم نفسى أخرج واشم هوا اشم نفسى شويه من الخدمه بدل ما انا حاسه نفسى بقيت شبه الخدامين قولتلى اقعدى وبلاش تشتغلى قولتلك حاضر يبقى ارحمنى شويه بقى
أيمن :- عارف انك استحملتى كتير معايا وان انا ظلمك معايا فى موضوع الاهتمام بيكى والقعده معاكى بس شغلنا كده ولازم استحمل علشان عيالنا ومستقبلهم وانا مكذبتش عليكى من اول يوم قبلتك فيه وقولتلك طبيعة شغلنا يا مليكه
مليكه :- عارفه يا أيمن بس بجد الحياة بقت ممله اوى انا حاسه ان انا مخنوقه اوى لدرجة ساعة بتيجى فى دماغى افكار وحشه بتخلينى اعيط من الخوف
أيمن :- شدها فى حضنه وبسها فى راسها وقال حقك عليا ووعد منى هاخد اجازه ونطلع على الساحل ولا الغردقه نقضى فيهم يوميآ حلوين
مليكه :- وليه مش شرم
أيمن :- شرم لا غاليه عليا أوى جوازتك دى بخساره عليا انا مش عايزها هرجع فى كلامى
مليكه :- شعار بابا البضاعه المباعه لا ترد ولا تستبدل ههههههههههههه
أيمن :- ههههههههههههه ايوه كده خلى الضحكه تنور وشك من تانى واللى انت عايزاه هعملو ليكى متزعليش منى وحضنها جامد
عبدالرحمن :- زق ابوه وقال ابعد دى امى
أيمن :- وهو بيحضن مليكه اكتر قال ودى مراتى عندك اعتراض
عبدالرحمن :- هتبعد ولا اضربك بالمسدس
أيمن :- بعد وقال لالالا مسدس احنا اسفين يا صلاح
وبعدين مد أيده بميار لمليكه وراح مسك عبدالرحمن وكتفه وقال بتهدد مين يلا ده لا انت ولا عشره زيك يقدرو يعملو كده معايه
عبدالرحمن :- ااااااه الحقينى يا ماما
مليكه :- سيبه يا أيمن
أيمن :- انشف يلا امال عايز تطلع زى ابوك ازاى
عبدالرحمن :- ااه يا بابا بتوجعنى
مليكه :- علشان خاطرى يا أيمن سيبوه
أيمن :- سابه وقال أجرى على امك يا بتاع امك انت
مليكه :- قامت وقالت خد ميار على ما احضر الفطار
أيمن :- اخد ميار وقال حبيبت بابا انتى
ميار :- ببببا
أيمن :- مليكه دى بتقول بابا
مليكه :- من جوه المطبخ بجد يعنى نطقت بابا قبل ماما
أيمن :- شكلك انتى اللى هتطلعى بنت ابوكى بجد مش الولا الخرع ده بتاع امه
ميار :- بببببا هههههههه
أيمن :- يا خراشى يا ناس على الضحكه اللى زى العسل دى وبسها من خدها وقعد يلعبها لحد ما مليكه حضرت الفطار وفطر وبعدين نزل الشغل
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة وحيد وفرحه
صحيت فرحه من نومها قبل وحيد وقعدت تبص عليه وهو نايم بحب ومشت ايديها على شعره براحه وقعدت تفتكر تانى يوم من رجوعها ليه
