رواية ازاى اطفش عروسة بابا الفصل السابع والخمسون 57 بقلم اليا

   ماشية من سكات ماسكه فإيد مامتها راسها فالأرض بس جمـانة حست برجفتها الغريبة وقفت ، ندهت عليها بس مردتش مرفعتش راسها بتعيط مـش راضية تبصلها ..

   " غفـران ، بصيلي يا ماما مالك ، مش قلتلك متخافيش ، معـاكي ماما ، قوليلي مالك .. " 

   رجعت نزلت راسها منطقـتش بكلمة .. 

   جمانة مطت شفايفـها زيما بنتها بتعمل بالعـاده ..

   " خلاص مـش عايزه تقـولي مالك ، زعلت منك باين مبتحبينيش بتخبي عني .. " 

   حضنتها ..

   " لا بحبك يا ماما .. " 

   مسحت لها الدمـوع بصوابعـها هدتها حاولت تشيلها عشان تعـرف مالها مرضيتش تخليها تشيلها ..

   " غفـران خليني اشيلك .. " 

   " لا لو شلتيني هتنزل .. " 

   استغربت ..

   " هي مـين ديه اللي هتنزل .. " 

   عيونـها تملو دموع تاني .. 

   " البيبـي .. " 

   " يا روحي عايزه تروحي تـواليت ده اللي مخليكي تعيطي طيب مقلتيش لـيه .. " 

   " ماما ماما عايزه ادخل الحمام دلوقتي .. " 

   كـان باين عليها مش هتستحمل أكـثر ، دورت حولين نفـسها على اي مكان ينفـع ..

   " خلاص لقيته ، ينفـع تصبري شـوية لبين ما نوصل للشجره اللي هناك ديه .. " 

   شهقت ..

   " شجره .. " 

   شاورت عليها ..

   " ايوه الشجره اللي هنـاك ديه ، مش بعيده أوي .. " 

   غفـران بترقص رجليها مبقـتش قادره تستحمل .. 

   " الشجره لا .. " 

   " لـيه .. ؟.. " 

   اتفتحت في العياط ثـاني ..

   " مش عايزه اعمل حمام على الشجره ، هتمـرض بسببي و ممكن تمـوت .. " 

   جمانه مش عارفه تعمل ايه ، تمسك ضحكتها من تفكير الطفولي لبنتها ولا تزعل عليها بس مكنش في وقت ساعتها .. 

   " غفران معقول ماما تاخدك تعملي حمـام على الشجره المسكينه بعـد الشجره هنلف على اليمـين نلاقي هناك مطعـم هدخلك الحمام بتاعه .. " 

استعجلتها غفـران و بعدما طلعت من حمام المطعم رجعت مشيت معاها ..

   " مقلتيليش ليه خبيبتـي رغبتك تدخلي الحمام .. " 

   غـيرت الموضوع ..

   " ماما ايه رأيك ناخد تاكسـي انا تعبت أوي و الطريق لسـا طويل اوي ، عارفه ممعكيش فلوس ، احنا ناخد تاكسـي و نخلي عمو اللي على البوابه يدفع هو يعـرفني نقله شكرا و بابا يديه الفلوس بعدين ايه رأيك ؟.. " 

   جمـانة فعصت خدودها ..

   " بنوتي الذكية ، و الفكره ديه مقلتيهاش من بدري ليه ؟.. " 

   بوزت ..

   " مخطرتش على بالي كان مشغـول بنداء الطبيعة .. " 

بتعرف تنتقـي الكلمات طفلة بمـثل حيويتها و ذكاءها مستحيل لو شفتها تكتشف انه امـها وحدن زي جمـانه ده اللي هي كانت بتفكـر فيه و هي بتلعب بشعـرها فالتاكسي ، بدل ما تعلم بنتهـا الحب هي بتعلمها ..

   اترددت قبل ما تسأل ..

   " عايزه ماما تعملك ايه يا غفـران ، عشان تكوني مبسـوطة يعني الحاجات اللي تمنيني ماما تعملهالك لما كانت غايبه .. " 

   " أحضان و بـوسات كـثير ، نطلع مشاوير نشـتري لبس و حاجات زي بعض نلبسها ، نلعب و نرسم سوا و نعمل خروجات و لما تخلص العطله انت مع بابا توديني كل يوم المدرسه و تعمليلي لانشـبوكس اللي فيها فواكه متقعطه اشكال حلوه .. " 

   بحنيه ..

   " و ايه ثاني .. " 

   كملت بنبره فيها شـوية زعل ظهر فجاة ..

   " طلبت كـثير أوي أصلا ، ممكن بس لاجازه نطلع مشاوير و ايام المدرسة توديني الحاجات الثانية مش مهـمة .. " 

   " لا مهمة .. ( خلت غفران تبصلها بعدها كان وشها على صدرها ) اي حاجه انت عايزاها هي مهـمه ماشي ، انت تقـولي لماما كل انت عايزاه من هنـا و رايح لو بمقدورها تعملهولك هتعمله و لو مينفعش ماما هيكون عندها سبب و هنعمل حاجه ثانيه أحلى .. "

   حضنتها جامد ، ضحكت .. 

   " يعني هنعمـل كل حاجه ، أنا بحبك أوي .. " 

   " و انا بحبك يا قلب ماما .. " 

عيونها دمعو و مسحت دموعـها عشان بنـتها متلاحظش ، ابتسمت رجعت فتحت معـاها مواضيع لبين ما وصلو و السائق أخد حسابه وقفت بنتها قبل ما تطلع ..

   " غفران ، انت مش هتقـولي لبابا اللي حصل في البيت اوعديني مش هتجيبي سيرة تيته سميه .. " 

   غفران كشرت ..

   " ليه ، انا هقله طبعا ، مش هخبي عليه .. " 

   اتنهدت ..

   " لا يا غفران مش هنقول لبابا على اللي حصل تيته كويسة هي بس كانت متعصبه مني عشان عمر زعل بسببي و عملت تصرفات غلط .. " 

   " بس انت كنت تعبانه .. " 

   " هي متعـرفش يعني مينفـعش نزعل منها ، لو قلنـاله هو هيزعل من مامته و هنزعله ، مش عايزه تشـوفي بابا زعلان صح ؟.. " 

   نفخت خدودها هزت راسـها رغم انها مكنتش مقتنعه ..

   ابتسمت على لطافتها ..

   " شطوره ، يلا خلينـا ندخل .. "

اتفاجأ عمـر بوجودهم و هو قاعد فمكتبه ملحقش يسـال عن سبب جيتهم طلبت تعمل مكالمة من تلفـونه ، اتصلت بليلى كـانت قاعدة حاطه راسها بين ايدها شافت رقمه على الشاشـه مردتش غير بعد ثالث الاتصال ..

   " ديه انـا يا ليلى ، احنا عند عمـر متخافيش .. " 

   " الحمد لله يا رب ، بعـتذرلك عن اللي ماما عملته ، هـي مشيت و معرفتش أعمـل ايه اتصل بعمـر خفت المشاكل تكـبر و كنت قاعدة مستنية على أمل تكونو رحتو مكان قريب و راجعـين .. " 

   " هقفل دلوقتي عمـر جاي .. " 

   عمـر شايل غفـران و جاي عندها ..

   " خلصتي ؟.. مقلتولـيش اجيتو ليه ؟.. " 

   غفـران كشرت ..

   " مصر لـيه يا بابا على السـؤال ده مش عايزنـا نجي خلاص مش هنجي وحشتنـا أوي بس انت مشتقتلنـاش خالص .. " 

   راسم الصدمة المبالـغ فيها على وشه .. 

   " انا ؟.. دنـا بحاول أخلص شغلي كله بسـرعه ، عشان ارجع بدري اشوفك و نطلع سوا .. ايه رأيك دلوقتي ترجعـو البيت .. " 

   قاطعته بصوت عالي ..

   " البيت لا .. " 

   استغرب نبرتـها ..

   " لـيه ماله البيت ؟.. " 

   جمـانة اتدخلت خافت الموضوع يتفضح ..

   " هي ملت في البيت ، ممكـن اخدها جنينـة قريبة من هنـا تلعب شوية .. " 

   غفـران بحماس ..

   " ايوه هنـروح الجنينه يا بابا و على وقت الغـدا هتجي و هنروح نتغدا سوى ، ممكن يا بابا ممكن .. " 

   حس انه في حاجة غلط ، نبـرته جادة .. 

   " قوليلي الصراحة لـيه مش عايزه ترجعي البيت ..