رواية المجنون العاقل الفصل الخامس بقلم جمانه السعيدي
بكر...اخذني ابو حسين البيتا
بس وصلنا فتحت الباب شهد
شهد....ياعيوني سوده عليه كله بسببي سلامتك الف سلامه
حجتها بطريقه نسيت كل الوجع
شلون بيه ياربي تورطت بهاي المهمه اني وين وهاي المصيبه وين
دخلنا فارشين فراش بلصاله تمددت وغطوني
جابولي اكل اكلت
ابو حسين وشهد اكثر ثنيين مخبوصين بيه
نمت للعصر ابو حسين طلع للمحل واني بقيت نايم
كعدت العصر راسي يوجعني حيل
وايدي مااكدر احركها حيل
باوعت شفت تليفون ارضي
ولله مشتاق اسمع صوت امي اريد احجي وياها
كلبي طك على اهلي
هسه تلكيهم خابصين الجو عليه
كعدت على حيلي قربت على التليفون
رنيت عليهم
اول مره محد رد عليه رجعت رنيت عليهم
سمعت امي كالت الووووو
راسا دموعي نزلن
سمعت صوت شهد جايه نزلت السماعه ورجعت المكاني
فتحت الباب عليه
شهد...هااا كعدت شلون صرت
بكر....لزمت راس وكتلها اسي اوجعني ( راسي يوجعني )
شهد... طبعا يوجعك غير انضرب بلكاع هسه اجيبلك وصله أشد راسك
طلعت شهد واني كمت ابجي صوت امي يرن بعقلي
اجت ام شهد جايبه وصله
ام حسين.....هااا جمعه راسك يوجعك
يااا تبجي تبجي من الوجع
شهد...يمه خاف حيل متاذي اجيبله حب راس
ام حسين...جيبي جاي وحب راس
بكر...مااعرف شلون ضغطت على راسي من كل الجهات
وبعدين ربطته اليه
حسيت الالم شويه خف
جابتلي شهد جاي وانطتني حبايه تمددت حسيت راسي صار شويه احسن
بقيت وحدي اريد امي اريد احجي وياها
اريد اسمع صوت ابوي
رجعت كعدت لزمت التليفون
بعدين رجعت السماعه مكانها خاف تليفونهم مراقب
خاف انكشف
اذا لزموني احجي ويا اهلي راح تكون نهايتي
رجعت تمددت وكمت ابجي مااريد ابقى هنا اريد انهزم
تعبت حيل تعبت من هاي المهمه
مو عبالك شهر احس صار سنه تعبان نفسيا
اريد ارجع الاهلي
راسا دخلت شهد
شهد...شوف سويتلك حلاوه شعريه
خلتها وكعدتني
شهد....اني اوكلك لان ايدك توجعك
بدت تخلي بلخاشوكه وتوكلني شويه شويه
شهد....انت سبع وقوي انت بطل
اني احبك اموت عليك
بكر...رفعت راسي وعيوني اجن بعيونها لحظه حسيت نفسي كلش متعلق بيها
واريد أكلها اني هم احبج واموت عليج
كلبي وكلبج التقن بلوقت الغلط
طبعا هي قصدها تحبني حب عادي
بس اني لا احبها حب حقيقي
شهد.استغربت لان هاي النضره مو مال واحد مجنون
حسيته ارتبكت عافت الاكل وطلعت
عيوني فضحني ترا اني بشر واغلط عادي
اني مااكدر ابقى امثل كل الوقت
حتى الممثلين شكد يدروسون يله يتقنون فن التمثيل
بكر...اني شكد غبي مو راح انكشف اكو واحد مخبل
يباوع على بنيه هيج نضره
يمكن حست اني عاقل وراح تخرب الدنيا على راسي
رجعت تمددت وتغطيت سويت نفسي نايم واني خربطت الدنيا
بس مجاي اكدر اسيطر على مشاعري من تكون موجوده كبالي جمانه السعيدي
اني اغبى احد بهاي الدنيا
لا شاطر بشغلي ولا شاطر اسيطر على مشاعري
حسيتها اجت غمضت عيوني
اخذت ماعون الحلاوه وطلعت
للمغرب رجع ابو حسين اجا كبل دخل عليه
ابو حسين.. هاااا جمعه انشاء الله زين
بكر .كعدت اي اني اني زين بس اسي اودعني
( يوجعني )
ابو حسين...باجر اتصير زين انشاء الله
بكر...جابو العشى وكعدو كلهم يمي يتعشون بس اني اكل وحدي بصينيه وحدي
كلما تلتفت شهد انزل راسي بلماعون واكل اكل مخربط
حتى لا تشك بيه
من خلصت اجت شهد اخذت الصينيه
ونضفت كدامي لان الاكل ترس الكاع
بعد مخبل وجوعان لازم الاكل يصير هوسه
ورا العشى فتحو التليفون اندكت الباب
طلعن سهد وامها من يمنا
اجا ابو اركان اهووو شكد غثيث
ابو حسين...تفضل تفضل
ابو اركان....يالله السلام عليكم
ابو حسين...عليكم السلام
ابو اركان...سمعت هذا المسكين كاتلينه
ابو حسين ...اي ولله واحد ارعن حشاك ولله هلمسكين
يحل يربط بس هاي الناس مابقى بكلبها ذرة رحمه
بكر...اني عرفت جاي عليه اكيد اكو شي
كعدو يسولفون واني اكول بكلبي بسلا ابو حسين يحجي على صدام لو الحزب
ياربي سترك
مايعرفون ابو اركان جاسوس عايش بينهم
جمانه السعيدي
الحمد لله رب العالمين ستر وعدت سلامات من راد يطلع
ابو اركان
دنك عليه يسلم وخله ورقه بايدي بدون ماا اي احد يشوفه
طلع وياا ابو حسين للباب يوصله بقيت وحدي
فتحت الورقه مكتوب بيها
هاي فرصتك دور بيتهم اذا اكو كاسيت حسيني او كتب دينيه اذا لكيت شي اتصل على هذا الرقم من تليفونهم
اذا نجحت بهاي المهمه تخلص شغلتك وترجع بيت اهلك
لا تحاول تتصل بااهلك التليفون مراقب
اذا اتصلت كبل للسجن فهمت لو لا
رجع ابو حسين اني ضميت الورقه بجيبي
ابو حسين. اعوفك تنام بس تاخذ علاجك بلاول
بكر. اخذت العلاج وتمددت
ابو حسين طفا الضوه وطلع
بكر...هاي شلون ويااهم ياربي ناس مامنيين بيه اكل واشرب بيتهم ويعاملوني احسن معامله
شلون اغدر بيهم
شلون اسلمهم للموت بايدي
بقيت احوس مااكدر انام
ذوله حتى انفاسي حاسبينها عليه مجرد رنيت على اهلي
عرفو بيه
اكيد هذا التليفون مراقب
اني بس اتحسن اروح اسلم نفسي والغي هاي المهمه خل يسجنوني
ارحم من هذا الوضع الف مره
اني مااكدر ااذي هاي الناس الطيبه
ناس مابيهم اي شر ناس تريد بس تعيش ليش هيج محاربيهم
شكد هاي الناس خايفه من الدوله الدوله خايفه منهم اكثر
والا هلمسكين ابو حسين ليش تخاف منه الدوله
رجال بسيط يريد يعيش وبس
بلكوه يله نمت من كد التفكير
الصبح كعدني ابو حسين تريكنا اني وياا سويه
بكر.. اني اوح وياك ( اروح وياك)
ابو حسين ...وين تروح وياي صدك تحجي لا ابقى هنا انت تعبان وايدك توجعك
بكر.. لا اوح وياك مااريد ابقى بلبيت يمكن لحظة ضعف مني وشهد تكشف كلشي
اريد الغي هاي المهمه قبل لا يعرفون اني منو
مااريد اوكع من عينهم وخاصه شهد مااريدها تكرهني
صممت اطلع وياا ابوحسين
حسين.. هو هذا مال بيت النهار كله دايح بلشارع
كوه تريده يكعد بلبيت
حن للجداوه اريد يجمع ارباعه
علي...طبعا صدك الي مثل هذا مو مال بيت مال شوارع
بكر.. اني ابد ماازعل من كلامهم اني لو بمكانهم مااقبل واحد مخبل يدخل بيتي
وهمه متحمليني اكل واشرب بيتهم
زين منهم وصابرين عليه
طلعت وياا ابوحسين بس ايدي بعدها توجعني وراسي
ورجلي كوه امشي عليها
بقبت كاعد يم ابو حسين بمحله
منا للضهر تعبت حيل وصخنت ماكدرت اقاوم
رجعني ابو حسين البيته
بس وصلنا البيتهم وكعت بعد مااكدر اوكف على حيلي
ابو حسين وشهد خلوني على الفراش
شهد راحت جابت مي بارد تسويلي كمادات
وابو حسين راح للمستشفى بلكت اكو ممرض يطلع وياا
شويه ورجع كال محد قبل يطلع وياي يكولون العصر
شهد ماعافتني ابد كل شويه تخلي ايدها على خدي
لو على ركبتي تشوف حرارتي
وترجع اسوي كمدات
ابو حسن كعدني وكام يوكلني بايده
اخذت علاج شويه سكنت علي ونمت
العصر كعدت محد اكو يمي الباب مطبوكه وعايفيني وحدي
الصخونه فكتني
فتحت الباب وطلعت غسلت
شافتني شهد واجت عليه
شهد...هااا جمعه شلون صرت
ام حسين....هااا جمعه
جمعه....هزيت راسي
شهد ...تريد اكل لو اجيبلك بسكت وجاي
جمعه.. هزيت راسي مره ثانيه
جابتلي بسكت وجاي اكلت وطلعت بدون محد يعرف اني طلعت
هاي العائله الشي الي جاي تسوي وياي هواي
اني ماتكدر اتحمل اكثر
جمانه السعيدي
طلعت رحت كعدت باب الكهوه
بعدين افتريت بلسوك صارت الدنيا ليل
رحت كعدت باب محل ابو حسين
التفكير راح يكتنلي اريد الغي هاي المهمه
حتلو الثمن جان السجن
خل يسجنوني ميخالف اكيد وقت وراح يخلص
بس اذا كتبت عن بيت ابو حسين
عذاب الضمير مراح يخلص طول العمر
معقوله اسلمهم للموت بايدي
مستحيل مااكدر لو يعدموني مااكدر اسوي هذا الشي
شويه واجا ابو حسين لكاني كاعد باب المحل
ابو حسين...عرفت راح الكاك هنا ليش عفت البيت
مو انت مريض ومحتاج علاج
يله تعال وياي مااعوفك هنا ابد
بكر...ماقبلت اروح بس هو صمم لازم اروح ويااا
للبيت
بس دخلت الولد من شافوني راحو نامو
بس شهد... ليش طلعت انت مريض لازم تصير زين يله تطلع
باجر اربط ايدي الايدك حتى لا تطلع
اني اخاف عليك لا تطلع فهمت لو لا
بكر......كلت بكلبي اني جاي افشل بهاي المهمه بسببج
وراح انسجن مدري انعدم من وراج
شهد ...جبتلك عصير ونستله
اخذني ابو حسين للحمام
سبحني وجابلي عشى تعشيت ونمت
قررت هاي راح تكون اخر ليله اليه هنا
باجر لازم اسلم نفسي
شكرا لزيارتكم عالم روايات سكيرهوم
