رواية احببتها متمرده الفصل الخامس بقلم جمانه السعيدي
عطرها كلش مميز
العطر مله المكان
دنكت اراجع اوراق عندي شويه وكملت
انطتني الاوراق
رائد.....تعاي خل اشرحلج تفاصيل العمل
كامت وكفت بصفي
واني بديت اشرحله واأكد عليها تحفظ الخطوات
وتعيدهن
خلصت السجل الاول
حسيتها مالت شويه ليوره ورجعت
رائد شبيج
سدن لامابيه شي بس يمكن ضغطي هبط لان مامتريكه
ممكن اخذ ربع ساعه اروح اتريك وارجع
رائد اكيد ممكن
سدن طلعت ورحت يم بابا وكتله اني جوعانه
طلبلي ريوك وكعدنا اني ويا نتريك خابر على رائد يجي يتريك ويانه بس ماقبل
جمانه السعيدي
بعدين رجعت لكيت رائد يخابر
انطاني سجل واشرلي اددقه وهو يخابر
دخل عماد جابله اوراق مهمه وطلع
خلص وكال كملتي
سدن بعد شويه
كملت كال خلي هناك وجيبلي ذاك السجل
واني اخلي رفعت ايدي والسوار دخل بشعري
آريد اخلص شعري ماكو
رائد حسيت سدن تحوس التفتت عليها السوار داخل بشعرها وهي تحاول تخلصه وماكوووو
كمت وتقدمت عليها وكتله اساعدج
قربت وراسها صار بصدري
وبديت اخلص شعرها
بلبدايه سحبت شعرها ووجعته
سدن اي اي وجعتني على كيفك
رائد دقيقه خلص خلصت شعرها بس شعرها تخربط
سدن شكرا
رائد ممكن اعرف شنو عاجبج بكميه اللوان الي بشعرج عبالك ببغاء
سدن اعتقد هاي حرية شخصيه لو حتى لون شعري تدخل بي
رائد بكيفج اني حبيت انصحج
سدن ما اريد نصايح من احد
رائد خلص ارجعي الشغلج
خليتها تكتب وطلعت
ربع ساعه ورجعت لكيته تحرك براسها واديها من التعب
رائد تكدرين تاخذين استراحه ربع ساعه
سدن ماصدكت كبل طلعت يمه خنكه مكتب رائد
واني مامتعوده على هذا التعب
جمانه السعيدي
رائد كعدت اخابر عندي مكالمه مهمه بعدين طلعت اريد عماد يروح الموقع العمل
اكو شغله مهمه لازم يروح يخلصه بنفسه
جان اشوف سدن كاعده تشرب عصير وتسولف ويه موضف عدنا وتضحك
ما اعرف ليش ضجت اي اعترف ضجت
ضجت وغرت من هذا الموضف
بعدين هي زوجتي وعيب تكعد تسولف وتضحك ويه هذا وذاك
اشرتلها تعاي وراي ورحت دخلت للمكتب
كعدت شويه واجت
رائد اني انطيتج استراحه شويه وترجعين
شو ماخذه راحتج وتسولفين وتضحكين
انتي جايه هنا تشتغلين افتهمتي
سدن هاي الاستراحه مشروطه يعني بيه شروط
لاتضحك لاتسولفين
ترا ولله زودتها ومآ بقه عندي صبر واذا خلص صبري انفجر
ترا هذا عمل موسجن
رائد خلصتي كلام يله ارجعي الشغللج
اريدج تنقلين كل اوراق هذا السجل قبل لاتطلعين افتهمتي
سدن شنو هذا السجل هواي هاي عقوبه شني
رائد هذا عمل انتي جايه هنا تشتغلين مو تلعبين
سدن بس هذا هواي ايجوز يومين يله يخلص
رائد هاي مشكلتج
رائد اني مامحتاج هذا السجل بس هاي كانت فعلا عقوبه
لان حركت كلبي فوك ماواكفه تسولف وتضحك
انوب تراددني اني اعلمج اله اكسر عنادج هذا
جمانه السعيدي
سدن كتبت شويه وبعدين رائد طلع واني استغليت الفرصه وخابرت بابا
سدن بابا فدوه تعال خلصني هذا مجرم شمر الشغل كله عليه
.....اي احنا شغلنا متعب اشتغلي واسكتي
شويه ورجع رائد
سدن بابا خابرني يريدني ضروري
رائد تفضلي
سدن رحت المكتب بابا
سدن ولله اذا مايخفف شغل عليه اعوفله المكتب واهج
جاي يخلي عليه شغل هواي كأنه متعمد يتعبني
....ميخالف اني احجي ويااا
خلص النهار على خير ورجعنا البيتنا
بس ميته تعب واحس ضهري مكسور من كعدت المكتب
ثاني يوم طلعت الملابس اريد شي محتشم
حتى ما انطي فرصه يحجي عليه
طلعت كيلوت بنفسجي طوخ وبدي بنفسجي فاتح
وفتحت شعري وشسورته
وخليت مكياج هادء
نزلت لكيت بابا رايح للدوام
طلعت وصلت للشركه لكيت رائد وبابا يحجون وصايرين أعصاب بس مافتهمت شنو الموضوع
لان من شافوني سكتو اثنيينهم
رائد كال روحي للمكتب سدن اني هسه اجي وراج
رائد كعدت الصبح وأبو سدن خابرني كال تعال بسرعه
دازيله طلقه بضرف وكاتبين هذا اخر انذار الك
اني اقترحت علي نروح نبلغ الشرطه لازم يكون عدهم علم خاف يصير شي
فعلا طلعنا سجلنا بلاغ وكالو احنا راح نحقق بلموضوع
ونرجعلك خبر
سدن اتأخر رائد رحت للمكتب لكيتهم اثنيينهم ماكووو
ماموجودين الصراحه قلقت عليهم
بس بعدين كلت يجوز شغل
شويه واجا عمي على بابا
استقبلته اني ورحبت بي
وسئلني على سبب وجودي هنا كتله اشتغل ويه بابا
بعدين عمي كام يحجيلي على وسام ابنه المريض
ويشرحلي شلون جاي يتعافه وصحته صارت احسن
وشلون الأقارب مهمين والأهل عزوه
والغريب ماينحزر
افتهمت ساعته جاي يخطبني الوسام
ياربي عمي شكاعد يكول وسام هذا المريض النفسي
هو رائد مهندس وهيبه وشخصيه
وماعاجبني النوب وسام عليه
جمانه السعيدي
شويه ورجع بابا
دخل للمكتب ورائد راح المكتبه
بابا كان مبين علي عصبي ومتنرفز
بس شاف عمي حاول يهدء كان متوقع عمي يريد فلوس
اجيت اطلع اني من يمهم
بس عمي كال لا ابقي اريدج تسمعين الكلام
عمي اني اليوم جايك بطلب انت اخوي الوحيد واحنا ما النه غير بعض
اني جاي اطلب ايد سدن الوسام
وسام اتعافى والحمد لله وهي مراح تلكه احسن من ابن عمها واحد يحافظ عليها
اني جاي اخطبها الوسام
رائد دخلت للمكتب بس سدن ما اجت وراي
توقعت ابوها جاي يحجيلها الي صار وان هو اتهدد
قررت اروح اكون وياهم بلصوره
ايجوز سدن تخاف او ترتبك من الموقف
بس فتحت الباب
سمعت عمه يكول جاي اخطب سدن الوسام
يابويه دمي فار جاي يخطب زوجتي
يريد يخطب سدن صرت عصبي اريد اكمز اضمه منه
واكله اوكف هاي زوجتي
سدن بس شافتني وكفت على حيلها
ولكيت نفسي بدون شعور واكف بصفه كتفي على كتفه وايدي محاوطه خصرها
رائد هاي زوجتي شلون تخطبه
عمي ....زوجتك انت شكاعد تكول
....اي زوجتي واذا تريد اشوفك عقد الزواج
....احجي ابو سدن هذا شكاعد يكول
...اي صحيح زوجته
...شلون زوجته ويمته صار هذا الشي وليش اني ما اعرف
مع الاسف على الخوووه
تزوجه بدون مايعرف عمه
ليش تنطيها للغريب قابل وسام شبي
زعل عم سدن وطلع
جمانه السعيدي
سدن اول مره كلبي يحس برائد حسيته مقاتل شرس
ويدافع عن قضيته
حسيته خايف عليه ومتمسك بيه
اتخيل خطواته السريعه وشلون حاوطني بايدا وهو يكول زوجتي
اول مره يكون رائد هلكد قريب مني
رائد عمه طلع واني بعدني حاضنه نزلت ايدي
رائد اسف ابو سدن الموقف خرج عن سيطرتي
ابو سدن ولايهمك انت ماكلت غير الحقيقه
تفضلو على عملكم
طلعت رجعت للمكتب واجت سدن وراي
جبت كرسي وكعدت بصفه وبديت اشتغل واعلمها شلون
الشغل يمشي
صارت بلعشره
خابرت يجبولنا ريوك ورحنا اني وسدن كعدنا نتريك ويه ابوها
لان اني وأبو سدن طلعنا الصبح بدون ريوك
هاي اثنيين مواقف مزعجات من الصبح
جمانه السعيدي
مر اكثر من اسبوع وسدن كلش زينه بسرعه تستوعب وتحفظ الأشياء ومامتعبتني
بس اني بديت اتعود على وجودها يمي
الصبح اوصل قبله وتبقى عيني على الباب
صحيح اعامله بثكل بس علمود تشتغل زين
وتحس بلمسوليه
سدن من كمت اشتغل حسيت حياتي اله طعم ثاني
فعلا جنت عايشه حياة بدون معني
اكل وانام واسهر للصبح على النت
هسه غير ااكعد الصبح كلي نشاط
واحاول اثبت ذاتي
وخاصة ويه رائد اريد اثبتله اني انسانه ناجحه مو فاشله ابد
تعودت علي بلبدايه كنت اتصوره مغرور ومتعجرف
بس من تقربت منه عرفته طيب وحنيين
ويعرف يتصرف صح بلمواقف الصعبه
رائد بيوم داومت سدن بس كانت مريضه وعدها كحه
كعدت تكتب وترتب بس حسيته حيل تعبانه
لزمت ايدها لكيتها مصخنه
رائد انت مريضه ومصخنه ليش اجيتي اليوم
سدن سبحت بليل ومانشفت شعري تعاجزت والصبح
كعدت عندي افلاونزا بس مو قويه
بدلت وطلعت للدوام
بس هناك حسيته ثكلت عليه
حسيت حرارتي صعدت وكمت اكح
بس استحيت اطلب اجازه
ماحسيت غير رائد لازم ايدي ويكول انتي مصخنه
سدن لا هسه اصير زينه شوية بررد
رائد لا روحي للبيت ورتاحي وباجر اللج اجازه لاداومين
لمن تتحسن حالتج داومي
سدن خل اكمل شغلي واطلع
رائد لاتكملين اي شي روحي ارتاحي الشغل مايخلص ابد
سدن بس
رائد وكفت وسحبته من ايدها كومته وكتلها تعاي اني اوصللج للبيت
طلعنا اني وياها صعدنا بلسياره وهي بس تكح
مريت على الصيدليه وجبتله علاج ووصلته للبيت
رجعت للشركه
بس ابد مو حلو المكتب بدوناها
لليل ردت اطمن عليها قررت اخابرها
جمانه السعيدي
دكيت عليها بلاول ماردت ثاني مره ردت عليه
رائد الووووو
سدن هلووو رائد
رائد شلون صرتي
سدن احسن الحمد لله كح كح كح
رائد بعدج تكحين
سدن المشكله مو بلكحه المشكله راسي يوجعني
رائد باجر اذا تبقين هيج امر عليج اخذج للطبيب
سدن ماما اليوم خذتني العصر وجبت كومه علاج
اني نحسه من اتمرض ما اطيب بسرعه
رائد اني اريدج تطيبين بسرعه المكتب مو حلوووو
سدن يمعود شمستفاد من وجودي
رائد شلون انتي تعلمتي بسرعه وجاي تمشين الشغل
سدن ولله تحجي صدك
رائد اكيد احجي صدك
سدن زين باجر انزل للشغل
رائد لا صيري زينه يله ترجعين ننتضرج
سدن شكرا الاهتمامك
رائد لا شكر على واجب مساعدتي الحلوه
سدن تصبح على خير
رائد وانتي من اهل الخير
للحكايه بقيه احبكمممممم
تفاعل حلووو مثلكم
#قصصmyhopes
#البارت_الخامس
#احببتها_متمرده
#جمانه السعيدي
رائد كمت كل اشويه اخابرها واتحجج بشغله علمود نحجي اني وياها
لو اسئله على صحته لو اسئله على اوراق
بس اريد احجي وياها
يومين والثالث اجت للدوام
اجت بس موعبالك جانت مريضه عبالك جانت بسفره سياحيه
لابسه نفنوف اسود واحمر وصابغه شعرها لون يخبل
مثل لون الجكليت
سدن صباح الخير وياها ابتسامه
رائد الجمال بجهه والابتسامه جهه ثانيه
صوتها عبالك موسيقى دخلت باذني
صباح الخيرات شلون صرتي
....الحمد لله احسن
...انشاء الله دوووم
..... ليش اجيتي خاف بعدج تعبانه
....ضجت من الكعده بلبيت تعودت على الشغل
..... الحمد لله
...يله نبدي الشغل
...نبدي قابل شعدنا على فكره لون شعرج حلوووو
.....شكرا من ذوقك
جمانه السعيدي
كعدت على الكرسي وكانت اكو فتحه جانبيه بلثوب اني منتبهة الها
بس كعدت انفتح ثوبها وطلعت رجلها الحد الركبه
باوعت عليها
هي التفتت اشرتله على الفتحه بعيوني واني احك بشعري
هي افتهمت اني ما قابل راسا عدلت كعدتها وضمت رجله
بدينا نشتغل اني وياها بلمكتب
ما اخفي عليكم عيوني مصممات يفضحني
ما اكدر ابعدهن عنه
صرت اتفحص أدق التفاصيل بوجه
من كد ماناعمه وكلشي بيها ترف
يمكن اذا ابوسها من شفايفها يطلع دم
سدن رائد وين صفت احجي وياك هاي الحسابات بيه غلط ضايفين صفر زياده
رائد خل اشوف اي صح عفيه سدن واشرتله اوكي
بقينا نشتغل بعدين اتريكنا طلبت جاي وهي طلبت نسكافي
للساعه وحده طلع ابوها قبلنا
وكال انت جيب سدن وياك وصله للبيت
جمانه السعيدي
رائد ورا ساعه اجاني اتصال
ابو سدن ضاربينه طلقات وحالته حرجه بلمستشفى
اني اتخبلت كتله يله امشينا
سدن شكووو شصاير
رائد اني هسه اشرحللج بلطريق
صعدنا السياره
رائد راح اكوللج شي بس الزمي نفسج ولاتخافين
سدن شكووو احجي خوفتني
رائد ابوج ضاربين علي طلق وهسه بلمستشفى
سدن يااا عزااا انت شكاعد تكول
راسا كامت تعيط وتلطم على وجه هلكد مابيضه وبشرتها ناعمه راسا طلع دم من خدودها
اني لازم ايدها حتى لاتضرب وجه واسوق بايد وحدا
لاتخافين مابي شي لاتخافين
هسه نوصل ونطمن علي
راسا طلعت تليفونه خابرت امها وكامت تصرخ وترجف كلها
من الصدمه
وللج ماما اللحكي بابا بابا ضاربينه وهسه بلمستشفى
سدت التليفون ورجعت تبجي وتصرخ
وصلنا وهي من بابا المستشفى تصرخ بابا بابا لاتعوفني
جمانه السعيدي
دخلنا نركض واني رحت للدكتور لكيته يفحص بي
كال نازف هواي دم لازم يدخل غرفة العمليات فورا
٣ طلقات ضاربته وماذياته حيل
وحدا بصفحته ووحدا مخترقه كتفه همزين مو بلقلب
والثالثه كاسره عضم الفخذ
الدكتور انت ابنه وقع على العمليه
.....اني زوج بنته اني مثل ابنه
دخلو للعمليات شويه ووصلت ام سدن حضنت سدن وكامن يبجن اثنيينهن
طلعت الممرضه وكالت المريض نازف هواي دم نحتاج دم
كتله اني انطيكم اني فصيلتي +O ترهم انطي دم
رحنا اني وياها المصرف الدم بلمستشفى واخذو مني دم
جمانه السعيدي
ساعه وربع بقه بلعمليات طلع الدكتور كال حالته احسن
بس لازم تمر ٢٤ ساعه يله نطمن صار احسن
لان نازف هواي
ام سدن من الهبطه والقلق ضغطها صعد
اخذتها اني وسدن للطوارء ضربوها ابره وشكللوله
محلول حلوووو حتى ينزل ضغطه
هذا الوقت كله وسدن مابطلت تبجي
وجها تحول لون وردي من البجي تكسر الخاطر
تقدمت عليها واخذتها بحضني
اني حضنتها وهي حضنتني وكامت تبجي حيل
تبجي وتناشغ وتصيح بابا
رائد لاتبجين حبيبتي هسه يطلع لاتخافين ابوج قوي وميهمه الرصاص
لزمت خدودها باديه ومسحت ادموعها باصابيعي
اسكتي لاتبجين
وصيري قويه لان ابوج وامج اثنيينهم محتاجينج
هسه وقت القوه مو وقت الضعف
جمانه السعيدي
رجعت حضنتني تبجي وتصيح خايفه خايفه على بابا
رائد احنا شكلنا البجي مراح يغير شي هو هسه محتاج دعائج
رائد ابقي هنا يم امج واني راح احجز غرفه بالخاص
لابوج وارجع لاتتركين امج ابد
بسته بخدها وطلعت
رحت حجزت غرفه ونقلت ابو سدن بيه
ورجعت عليه لكيت المحلول مخلص
كتلها ابقي هنا منا لمن تتحسن حالتج
ساعه ورحت جبت سدن وامها وكعدنا بلغرفه
الدكتور أكد على الهدوووء
رحت جبت لاصق جروح وخليته على الجرح الي بخد سدن
سدن مكابله ابوها وبس تبجي ماتقبل تسكت
رائد الدكتور اذا يشوفج تبجين يطلعنا من الغرفه كلنا
اسكتي وادعيله
انشاء الله يعدي مرحلة الخطر
رحت جبتلهم عصير ولبن وكيك ونساتل
وخابرت امي تحضر عشى ويجيها عماد ياخذه
كملت امي العشى وخابرتني دزيتلها عماد جاب العشى
واكدت علي لايجي احد من الشركه
لان ممنوع الزياره
ماقبلن يأكلن سدن وامها بس اني جبرتهن ياكلن
حتى نتناوب على السهر ويه ابو سدن
كل اشويه اجيب المضمد يشوفه والدكتور الساعه ١٢ بليل مر علي وأكد حالته مستقره
جمانه السعيدي
نامت سدن ووامها واني بقيت كاعد واراقب بحالته
الساعه ٣ كلش تعبت اباوع سدن نايمه ورجليها طالعات
سحبت البطانيه وغطيتها
لان كل شويه يجي المضمد
تحركت وهي نايمه نايمه على الجربايه وصارت قريبه الحايط والغطى طاح
بقه مجال يمها
تمددت بصفها وغطيتها وبقيت لازم الغطى خاف يوكع
من كد ماتعبان نمت
ما اسمع غير المضمد جاي يضرب ابو سدن ابره
وأم سدن واكفه بصفه تقريب الساعه سته الصبح
رجعت غمضت عيوني ونمت
حسيت فد شي صار على وجهي فتحت عيوني شعر سدن صاير على وجهي وارسها صاير بصدري
باوعت للساعه
الساعه ثمانيه الصبح
كمت لكيت ام سدن كاعده على الكرسي وخاله اديها على الجربايه مالت ابو سدن ونايمه
كعدتها كتلها روحي نامي على الجربايه مالتج واني اكعد بمكانج
شويه واجا عماد جايب ريوك خطيه هو وزوجته محضرين الريوك وجايبينه
اطمنو على حالة ابو سدن وراحو
اني رحت اكعد سدن
عيونها مورمات من البجي وشفايفها حمر وشعرها مخريط
رائد سدن سدن سدونه
اسدن فتحت عيوني رائد يكعد بيه صباح الخير
رائد صباح النور اكعدي تريكي حتى ترحين للبيت
غسلي ورتاحي وبدلي وتعاي
وأخذي امج وياج حيل تعبت البارحه
سدن لا انت روح ارتاح وغير ملابسك تعبناك ويانه
رائد هذا الكلام بعد لاتعيدي وتعاي تريكي لان انتي البارحه ما اكلتي خاف ضغطج يهبط
تريكت سدن وراحت واني رحت جبت الدكتور
وطمني حالته مستقره والحمد لله
بس لازم تمر ٢٤ ساعه حتى نطمن اكثر
طبعا ابو سدن يفتح عيونه ويرجع ينام
ومايكدر يحجي من تأثير البنج
ساعتين ورجعت سدن وامها مغسلات ومبدلات وجايبات اكل وياهن
وفواكه سدن لابسه بنطرون وقميص ورافعه شعرها
بس امبين عليها التعب والقلق
بعدين اني رحت للبيت سبحت وبدلت ورجعت للمستشفى
ما اكدر اعوفهن وحدهن
اخاف يصير شي على ابو سدن وهنه وحدهن
رجعت لكيت عمهم موجود ويااا ولده اثنيينهم
سلمت عليهم ماردو عليه السلام
دخلت لكيت ابو سدن كاعد
سلمت علي حسيته فرح من شافني
سدن بابا الفضل الرب العالمين والرائد البارحه يركض منا ويرجع منا حتى دم اتبرع اللك
عمي وليش احنا ماعدنا خبر احنا اهله واولى احنا نهتم بي مو الناس الغريبه
ابو سدن رائد موغريب من اهل البيت
عمي اي بس احنا شني غربه ليش ماكتلونا
رائد الحمد لله عدت على خير ولله ستر
اجا المضمد ويا ممرضه وكال اطلعو نريد نغيرله الضماد
جمانه السعيدي
طلعنا برا عم سدن وولده وكفو على صفحه
وأم سدن بقت جوه يم ابو سدن
واني وسدن كعدنا على الكراسي البرا
رائد شلون صرتي
سدن احسن الحمد لله من شفت بابا كاعد ويحجي حالتي تحسنت هواي
رائد عيونج بعدهن منتفخات من كد البجي
سدن رفعت اديه ومسحت عيوني
رائد لاتمسحيهن حتى وهن منتفخات حلولت
سدن ابتسمت ولله ما اعرف شلون اشكرك ولا اعرف شلون اجازيك
رائد من يتشافى بابا اني اخذ حقي منج
سدن فتحت عيونها حيل شنو تقصد
رائد مو كلنا من يتشافا ابوج خليه مفاجئه تعرفين منو نام بحضني البارحه
سدن البارحه انت مو ويانه بلمستشفى
رائد اي وحده حلوه نامت بحضني وشعرها كعدني الصبح
سدن نزلت حواجبي منو تقصد
رائد اقصد انتي نمتي بحضني البارحه للصبح
سدن جذاب
رائد عيب تكولين عليه جذاب بعدين اسألي امج
وهي راح تاكدلج هاي الحقيقه
طلع المضمد والممرضه من الغرفه التفتت لكيت عمه وولدا يردون ياكلونا بعيونهم
رجعنا كلنا دخلنا للغرفه مره ثانيه
سدن اخذت امي على صفحه ماما رائد البارحه وين نام
امي نام يمج على الجربايه
سدن لاتكولينه شلون
امي شني شلون الولد تعبان ويريد ينام وماكو بس جربايتين اني نايمه على وحده وانتي نايمه على وحده
قابل ينام بحضني
انتي زوجته ونام يمج وكلما يوكع الغطى يرجع يغطيج
سدن التفتت علي راسا غمزلي وهو يعدل بشعرا
بحركه خباثه
لليل بابا حيل صارت صحته احسن
بس ماياكل بس ننطي سوائل
ورائد ما عافنا ابد
بقينا اني ورائد كاعدين للثنتين ويااا ونسولف بعدين كعدت ماما واني ورائد رحنا انام
رائد قرب عليه ماتجين انام مثل البارحه
سدن لا شكرا اني انام بمكان ماما وانت نام بلجربايه الثانيه
رائد بس اذا امج تعبت وتريد مكانها اني اجي يمج
عود عوفيلي مكان
سدن باوعت علي وضحكت
تمددت واني احجي ويه نفسي اذا رائد ماكان موجود
شلون راح نتصرف اني وماما
حاضن بابا ويعدل مكانه وكل شويه رايح جايب الدكتور
وتبرع بلدم
عرفت ليش بابا متمسك بي فعلا رائد هو الإنسان الصح
ولله يمكن ياست سدن وكعتي بحبه
نمت هلكد ماتعبانه
جمانه السعيدي
رائد نمت ساعتين وكعدت لكيت ام سدن كاعده على الكرسي وغافيه
كتلها روحي نامي بمكانج اني كاعد يمه
راحت نامت للسته جبت المضمد حتى ينطي علاجه
قبل لايدخل غطيت سدن لان تحوس وكل شويه يوكع الغطى
انطا العلاج وطلع بعد للساعه تسعه يله يجي الدكتور
ويشوف حالته بس وضعه احسن
رحت تمددت يم سدن ونمت
ولله نمت هواي يجوز ساعه ونص لو ساعتين
حسيت سدن كعدت وتريد تنزل من الجربايه لازم تعبرني يله تنزل لان الجهه الثانيه الحايط ماتكدر تنزل
سويت نفسي غافي وحضنتها
وهي ترفع بايدي على كيف تريد تنزل
واني ارجع احضنها حيل
بعدين دنكت عليه وتحجي بهمس
اعرف انت كاعد وهاي الحركات موعليه وخر ايدك اريد انزل
فتحت عيوني صباح الخير
.....صباح النور ليش نايم يمي
....ما اعرف اغفه اله بحضنج
....يله ابتعد خلي انزل لاتكعد ماما
....كعدت وعفته تنزل واني نزلت وياها
اسبوع وطلع بابا من المستشفى
صحيح حالته شويه مستقره
بس رجله مايكدر يمشي عليها
لان الطلقه قاسمه العضم نصين
مجرد طلعو الطلقه وصبو رجله ولازم يسوي عمليه ثانيه يخلي بلاتين برجله
بس يردون وضعه يتحسن ويسوون العمليه الثانيه
اني بقيت بلبيت ما اروح للشركه ابقى يم بابا
والشركه صار يديرها رائد
بس يوميه يجينا حتى يطمن على بابا
ويحجيله الشغل شلون ماشي
جمانه السعيدي
وكل شويه يخابر بحجة يسئل على بابا ونبقى نسولف
اني ويااا حسيت كل الحواجز بينا انشالت
وصرت اشتاقله وانتضره يوميه
بيوم خابرني كال راح اجي
بدلت وبقيت انتضره اني ويااا نضراتنه فاضحاتنه
سلم علينا وكعد يحجي عن الشغل البابا
طلعت انتضره برا بلحديقه
دزيتله رساله اني برا انتضرك
شويه وطلع اني كاعد ارش بلحديقه
رائد شكاعد تسوين
سدن مثل ماتشوف ارش بلحديقه
رائد....يمته ترجعين للدوووام ترا مايصير هيج ولله اشتاقيتلج
سدن بس يصير بابا احسن ارجع للدوووام
اخذ ماي من الصوندا وشمره عليه
واني كمت ارش علي ماي وهو يصيح لاتبلليني شلون ارجع للبيت
واني مستمره اركض ورا وارش علي ماي. لمن نكعته
رجع عليه واخذ الصوندا وبللني اني شارده وهو يرش عليه ماي لمن ملابسي انطبعن على جسمي
وكمت انكط مي من فوك ليجوه
شمر الصوندا وكال تستاهلين ليش تبلليني
بعدين كمنا نضحك اثنيينه
رائد هسه شلون ارجع للبيت هيج
سدن تعال انطيك من ملابس بابا
رائد لاشكرا هسه اوصل وابدل
طلع واني عيني علي واضحك
اضحك على وضعنا شلون كنا نتعارك وشلون هسه نتشاقه
للحكاية بقيه
تفاعل حلو مثلكم حبايب
#قصصmyhopes
#البارت_السادس
#احببتها متمرده
جمانه السعيدي
رجعت اداوم بعد ما بابا سوا العمليه الثانيه ثبتلوه بلاتين
برجله
ورائد ماسكت ابد اشتكى بكل مكان وفضح الشركات
المنافسه
حتى الوزير العمل والشؤن الاجتماعيه قدم شكوووا
ونشر التهديد بواسائل التواصل الاجتماعي
الوضع هدء شويه وبدينا الشغل الجديد بالمدينه السكنيه
واني صرت الرائد مثل ضله نشتغل سوووا
قدمنا شغل يخبل
كل كادر الشركه يشتغل بهمه
بس اكوووو شغله عكرت صفو هاي العلاقه
جمانه السعيدي
سدن دك تليفوني من شفت المتصل مارديت
ورجع دك مره ثانيه وثالثه
قفلت التليفون شويه واجا رائد ليش قافله تليفونج
كتله ما قافلته خلص شحن
وكلما افتح نفس الشخص يتصل بيه
كنت اضنه ماضي وراح الحاله
صار اربع اشهر مامتصل بيه هسه شذكره بيه
ليش رجع يتصل
اول يوم عبر وثاني يوم كدرت اقفل فوني
بس إلى متى راح يبقى هذا الوضع
مرتين غيرت رقمي بس بدوون فايده
ضنيت حياتي تغيرت بس هذا المجرم مايرضا يحل عني ابد
رائد اني وسدن علاقتنا كلش تحسنت والشغل ماشي
بس بديت الاحظ عليها الارتباك
بلفتره الاخيره دائما صافنه
وتليفونه دوم مغلق
ما انكر شكيت اكو شي بس ما اعرف شنو
كلما اسئلها ليش فونج مغلق تكول مابي شحن
اسئلها ليش احسج مو ويانه تكول افكر بابا
دائما باله شارد واحسها قلقه
جمانه السعيدي
اسبوع وهي مرتبكه وكلما اخابره تتحجج بحجه
بيوم دك تليفونه ورفظت المكالمه
وبعدين دك مره ثانيه حولته صامت
استئذنت تروح للحمام
فضولي دفعني اروح وراها
دخلت واني بقيت على الباب
بلبدايه كانت تحجي بصوت ناصي وماكدرت افهم شي منها
بعدين صارت عصبيه وكامت تحجي بصوت عالي بدون ماتحس
سدن انت شتريد مني كافي اخذت اكثر من حقك وزياده إلى متى تبقى لاحكني
......اريد فلوس وديري باللج تتجاهليني لان تعرفين شنو اكدر اسوي
.سدن ..كافي صارلك سنه تسحب مني فلوس ماطلعت هاي غلطه غلطته قابل ابقى العمر كله ادفع ثمنه
....هذا الحجي مايفيدني اريد عشره مليون فهمتي
سدن شنوعشره مليون منيين اجيبلك تحجي صدك
.....منيين اجيبلي مشكلتج هذا الخير كله وتكولين منيين اجيبلك
لو ما ابوج أغنى واحد بغداد
جمانه السعيدي
....اي بس انت هواي سحبت مني فلوس واني ما اكدر أدبر هذا المبلغ ابد
...باعي اللج يومين تخلقين فلوس اني من زمان لازم اسحب منج فلوس بس كنت مو هنا خارج العراق
وهسه رجعت وكاعد اللج كعده
طبعا هو يكذب كان بلسجن
يومين والعشره مليون يكوونن يمي
لاولله تعرفين شنو اسوي
....الله يخليك استرني ابوي مريض ويمكن يروح بيه
....ماكو غير اليومين فهمتي
....لا لا تسد التليفون ارجوك اسمعني
رائد واكف وابد مامستوعب الي جاي اسمعه
سدن سدن شنو مسويه
يامصيبه الي تخليه تتوسل بواحد ويريد منها عشره مليون
راسا فتحت الباب عليها وهي تفاجأت بيه وصاحت رائد
رائد ماتحملت وماكدرت اضبط اعصابي راسا ضربته راشدي من قوته وكعت بلكاع والتليفون تفلش
حقيره شنو المصيبه الي مسويته كولي كولي بسرعه
لا اذبحج هنا
سدن لازمه خدي وابجي رائد فدوه اسمعني قبل لاتحكم عليه
خل نطلع نحجي برا الموضفين يباوعون علينا
رائد اليوم اموتج كومي كومي بسرعه اطلعي كدامي
سدن كمت واني اللملم بنفسي جمعت تليفوني ومشيت ورا
يمشي بسرعه وبحركه تكول بركان يمشي مو بشر
طلعنا وصعد بلسياره واني صعدت بصفه
وساق السياره بسرعه
لزمت ايده وكمت ابجي واصيح على كيفك فدوه
لاتخوفني
رائد احجي بسرعه ضربت الستيرن بعصبيه واصيح
احجي لاتخبليني
احجي لا هسه احرك الدنيا حرك
سدن كمت ابجي حيل واناشغ ومن كد البجي والخوف منه ما اكدر احجي
عصبي نار ويسوق بسرعه حسيت كلبي راح يوكف
يمه بارود ومشتعل
شرايين وجهه وركبته بينن من العصبيه
اني اريد احجي بس ادموعي يصبن ما اكدر
سدن فدوووه اوكف اوكف لان خوفتني ما اكدر احجي ابد وكف السياره واني احجيلك
رائد احس نار تطلع من عيوني احس كمت الهث من العصبيه وهي تبجي وتتوسل بيه
بلكوه وكفت السياره وكمت اضرب على الستيرن مال السياره بعصبيه
رائد يلله احجي ولله ااذبحج ومحد يلومني
احجي بسرعه احسن اللج
جمانه السعيدي
سدن مسحت ادموعي فدووه اهدء لايصير بيك شي من العصبيه
رائد ماللج شغله بيه احجي بسرعه منو هذا الي يهدد بيج
وشنو لازم عليج احجي بسرعه
سدن ولله راح احجيلك كلشي بس اهدء
العام من جنت بلسادس جانت اكو ويانه بنيه حيل مضوجتني وتحجي عليه دوووم وحتى اطلع عليه اشاعات
ساعه تكول تغش بلدرس
ومره تكول شفته هي ولد صعدت بسياره
حتى مره طلعت عليه اشاعه حامل من حرام
والبنات صدكنه وكل شويه تجي وحدا تسئلني
وتعرف البنات ماكذبن خبر ياخذن الكلام ويرجع كلام
ويزودن علي شويه
اتعاركنا اني وياها كذا مره بلمدرسه
واني اجاني انذار بلفصل
وخصوصا هاي السنه الثالثه اليه
مره تعاركت وياي وحيل ضوجتني
ومره لكيته منتضرتني باب المدرسه وياها بنات تريد تكتلني
بس اني رجعت للمدرسه وبقيت منتضره السايق بالاداره
لمن اجا يلله طلعت
وبعد مشاكل كومه مايمر يوم اذا ماتصير مشكله بينا
وحده من صديقاتي كالت اني راح اعرفج على واحد
يخليها تسكت للابد
وبعد تستحي ترفع عينها بعينج
سدن يعني شيسوي اله
...كلشي يكدر يسوي تردينه يسوي وياها علاقه ويصورها
تردينه يكتله ويسوي بيها عاهه مستديمه
شتريدين يسوي بس كلشي بحسابه
جمانه السعيدي
اني عقل طفله ماعندي وعي كافي
ومن كد ما مضوجتني ردت اخلص منها بكل طريقه
رائد احجيلي هذا الي يهددج ليش شلازم عليج كولي
سدن بس اصبر شويه واني جايتك بلكلام
هاي البنيه صديقتي حددتلي موعد وياااا
ونتفق شلون يخلصني منه
بيومها العصر مرت عليه صديقتي وتحججننا نطلع نشتري
اقلام ودفاتر محتاجينهن
وكدرت اقنع امي واطلع
التقينا بي بحديقه عامه
فد واحد شكله ابد مو راحه
اجا على دراجه
كال شتريدين اني مستعد بس حركي ايدج شويه
عرض عليه يصورونه مشاهد يعني مو زينه بعد مايستدرجونه بس اني ماقبلت ابد
كال خلص اني اكتله اللج كتله زينه بحيث بعد ماترفع عينه بعينج وحتى اخليه بعد ما اداوم ابد
اني كتله شتريد انطيك بس خلصني من اماني
هو ساعته كان مسجل كلامي ويا وشلون اتفقنا
لان هو عندا سوابق حتى يضل يهددني ويسحب مني فلوس
رائد احجي شنو صار بعدين
يومين وكدرت أدبر المبلغ بحجة دروس خصوصيه ادخل حتى انجح من السادس
وكدرت أدبر المبلغ
ودزيته اله بيد هاي البنيه الي عرفتني علي
جمانه السعيدي
ثاني يوم ماداومت اماني واني كل اشويه اسئل ليش ماداومت جنت كلش خايفه ومرعوبه
ثاني يوم كالو اماني داعمته دراجه ورجله مكسوره
والي داعمه واحد ملثم وماكو رقم الدراجة يستدلون علي
بعدها اماني ابد ما داومت لان رجلها مكسوره
ولمن عرفت اهله حالتهم الماديه ضعيفه تندمت
والي مجبس رجله ما مجبسها صح
ورجلها انعابت
وصارت تمشي مثل العرجه
ولله كلش تندمت لان سويت هيج
وحتى ماكدرت اقرا وكرهت المدرسه كله
احساسي بلذنب موتني
ورسبت للسنه الثالثه
وبعد ماشفت اماني ابد
جمانه السعيدي
بس هذا الحقير احمد بعد فتره دزلي تسجيل بصوتي
واني اتفق ويا عليه
ويريد مني فلوس
ساعته خفت لابابا يعرف
لو ماما يصير عدها خبر بلي صار
ويجوز يشتكي عليه ويخلوني بلسجن
صرت كل فتره ابيع قطعه ذهب وانطي فلوسه
واذا ماما سئلتني اكول ضاعت مني
وتشتريلي غيرها
وهاي صار اربع اشهر اختفى من حياتي
وكنت اضن خلص هاي هي خلص الموضوع
طلع جان مسافر وهسه رجع
بس يريد هلمره عشر ملايين مني
رائد هم تقرب منج اوطلب منج شي يعني علاقه
احجي الصدك ولله اذا جذبتي عليه
يكون آخر يوم بعمرج
اذبحج ومحد يعاقبني لان مسئلة شرف
احجي الصدك احسن اللج
سدن لا ابد ماطلب مني شي غير الفلوس
بس هواي سحب مني فلوس والضاهر مراح يشبع ابد
ولله اني ندمانه وتصرفت بعقل اطفال
من ساعته والندم ياكل بكلبي اكل
واخاف احجي اخاف من بابا
وهو كل مره يهددني
اذا ماتدفعين
ادز التسجيل للشرطه
ومآ اعرف اتصرف وحدي
رائد ليش ماكلتيلي
سدن هو هاي الفتره الي تعرفت عليك بيها اختفى من حياتي واني ضنيت كلشي انتهى
وماحبيت علاقتنا تبدي بهيج شغله فدوووه
صدكني هاي الحقيقه
اني مستعده اروح اعتذر منه واقدمله التعويض المناسب
بس كون ما انسجن ابد
اخاف اروح للسجن
جمانه السعيدي
رائد وين تليفونج
سدن هذا
...... طلعي السيم كارت ونطينيا
سدن اني بعدني ما مرجعه التليفون لان من ضربني رائد
وكع مني ونفتح
طلعت السيم كارت ونطيته الرائد
شغل السياره ووصلني البيتنا بدون مايحجي اي كلمه
نزلت وبقيت واكفه وهو شغل السياره ومشه
ومآ حجه اي حجايه وياي
دخلت للبيت تعبانه ومقهوره وضايجه
حتى مارحت البابا سلمت علي صعدت الغرفتي كبل
وحتى ملابسي مانزعتهن
اتمددت وتغطيت صعدت ماما وراي وحاولت تفهم شنو صار
ماحجيت اي شي كتلها تعبانه وما اكدر ابد
ضليت لا اني نايمه ولاكاعده متمدده وخايفه من الي راح يصير
لليل واني عقلي يجيب ويودي
سمعت صوت رائد بيتنا وامي صعدت حتى تخليني انزل
غطيت راسي
وسويت نفسي نايمه
ثاني يوم مارحت للدوام كعدت الصبح سبحت ورجعت نمت
امي كل شويه تصعد تريد تعرف اني شبيه
صحيح رائد اخذ السيم كارت
بس جنت متوقعه يتصل بيه على النت
بس ابد ما اتصل بيه
رائد القصه الي سمعتها من سدن شلة عقلي معقوله
كره سدن يوصلها تتفق ويا واحد مجرم
لو هذا المجرم استغل الموقف وراد يستفاد منه
بكل الاحوال سدن غلطانه
واني لازم الكه حل بسرعه الهاي الشغله
ما راح اعوف احمد يستغله طول العمر
ضليت الليل كله كاعد وافكر بحل الهاي المصيبه
دزيت رساله السدن بدون سلام
كتبتلها اريد اسم هاي البنيه الثلاثي وبيتهم وين
دزتلي اسمها والمنطقه الي ساكنين بيها
ثاني يوم رحت اسئل عليهم اربع ساعات يله كدرت اوصل بيتهم
ناس فقراء وعلى كد حالهم بيتهم بسيط
من شافو سيارتي ولبسي استغربو من وجودي
بس اني كلت الابوهم عندي شغله مهمه وياك
اكو موضوع اريد احجي بي وياك
استقبلني احسن استقبال ودخلنا بيتهم
رائد حجي انت ماتعرفني بس اني اعرف سمعتكم الطيبه
وهذا الشي خلاني اجي اليوم واتامل خير منكم
....تفضل اني بلخدمه
...سمعت اكو عدكم بنيه تعرضت الحادث صار سنه وماعرفتو منو الي دعمه
...اي بس الحمد لله هي زينه بس رجلها شويه تعرج منها
يابويه الحمد لله طلعت سالمه منه
حجي اني راح احجيلك كلشي واريدك تسامح زوجتي
واي شي تطلبه اني كدامك
اي تعويض تطلبه اني جاهز
... زوجتك شنو علاقته بلموضوع
رائد اني جايك بلسالفه كلها وبديت احجيله كلشي صار
وطلعت دفتر الشيكات وكتله اكتب اي رقم يعجبك
علمود نتعاون اني وياك ونلزم المجرم الحقيقي
الي نفذ جريمته ويه بنتك ويوميه ينفذ جريمه جديده
بس عندي طلب تتنازل عن زوجتي لان بس تدخل السجن تموت ماتتحمل ابد
.....ولله والنعم منك صحيح زوجتك جانت سبب بس بنتي شريكه وياها لان جانت تستفزه
وثنيينهن عقل اطفال وهذا احمد استغل الموقف
ورتكب جريمته
هسه الي صار صار بعد والحجي مايفيد واني اذا سجنت سدن قابل شراح استفاد
رائد اطلب التعويض الي يعجبك
شكرا لزيارتكم عالم روايات سكيرهوم
