رواية بنت الهدي والمجنون الفصل الخامس بقلم مرج البحر
احياناً تكسرنا الدنيا ونكره كل شئ
لاكن يجبرنا الله ويفرحنا بقدر وجعنا 🤍
بنت الهدى.. اني نسيت كل شي صح بس كلش عانيت وتاذيت الكل يكلي مطلقه عبالك اني اول وحده تطلق وناس تسأل ليش وشصار بينكم حتا هيج صار ف اعتزلت عن البشر صرت مااطلع
بابا كلش انكسر على مودي ويحس بذنب اتجاهي
يكول اني سبب اذيتج واني الي كلتلج على هذا
زواج عبالي انو اطمئن عليج بابا انتكست حالته
واختي اشوفها ذبلانه ومهمومه انتبهت على نفسي
اني على شنو هيج الدنيا ما توكف على احد ولا
اني اول وحده تنفصل لازم اكون اقوه واشوف
نفسي وعائلتي وهنا قررت ابدا من جديد قررت
اخطي اول خطوة اول شي اول احجي بالموضوع
وي بابا وخلي يطمئن اني كدرت انو اتخطى كلشي
وانو نسيت كلشي رحت على بابا كتله اريد احجي
وياك بموضوع
اي بنتي احجي
كتله بابا اريد ارجع اعتمد على نفسي اريد اشتغل
وابدا من جديد لان ماكو شي مستاهل حتى انكسر
على موده
اي بنتي عفيه عليج هو هذا الصح اني هسه
يله ردتلي روحي بنتي احس اني سبب في دمار حياتج
بنت الهدى....لا بابا كلشي قسمة ونصيب واني اخذت نصيبي
بابا اني راح افتح الاسواق الي بلبيت واجيب اغراض وابلش اشتغل بيهم
بنتي اني ابقه بنفس الشغله لان ماكدت اتركهه تعودت عليه
بنت الهدى ... براحتك بابا الي يريح
اختي كالت اني وياج اساعدج ماقبلت كتلهه
ركزي بمستقبلج ودراستج انتي هاي اخر سنة
تخلصين وان شاءالله دخلين الكليه الي ترديهه
ثاني يوم رحت اني و صديق بابا ابويه كاله يروح
وياي عندي كم فلس الي بقة من الماخر مالتي من طلكت كان شي قليل بس المهم يسد حاجه رحنه
الشورجه تسوكت ورجعت وصديق بابا يعرف واحد يبيع اجهزة كهربائيه بالاقصاد اخذت براد
ومجمده الاسواق كانت الاسواق من ضمن البيت
بس زغيره وصلت الاغراض بليل رتبت الغراض وشغلت
الاجهزة حتى المشروبات تبقى باردة الصبح
يكون كلشي جاهز
صار الصبح وتوكلت على الله
وفتحت الاسواق وطبعا وابوية وياي
وبديت استرزق وصار عندي معاملين
مشت الايام واني تكالي على رب العالمين
وكدرت اعتمد على نفسي وكدرت اعيش
ابوية واختي ومااخليهم يحتاجون احد
كان يجيني خطابه بس كنت ارفض مااريد
اعيد تجربتي السابقة
لحد يوم من الايام كنت بالاسواق واجه صديق
بابا سلم وكعد يم ابويه وكله ابو هدى كلفوني
جماعة يردون اخطب مره الابنهم واني كلت اجي
عليك سمعتهم يحجون اجيت استرخص من بابا ادخل للبيت اشوف شنو اسوي غده لان مااريد
اسمع شي اني جوابي مثل كل مره هو رفض
طلعت من باب الاسواق دخلت على بيت بابا بين الاسواق والحديقة يفصل بينهم اني جاي ادخل
استوقفني كلام صديق بابا من ساله ابوية منو
هذوله جماعة اني اسمعه يكله بيت محسن الحس.... اكيد تعرفه رجال طيب وناس زينه
جاوبه ابوية منو عنده يريد يتزوج همه ليش مو
كلهم متزوجين رد عليه ابنه الوسطاني مامتزوج
ويريد يزوجه يريد مره يكول حتى لو ارمله مطلقة
بس المهم دير تكون خوش بنيه وحبابه ودير بالهه
على ابني حجى ابويه منو بس لا هذا ابنه المخبل
كله لا ابو هدى هذا مو مخبل بس ضروف خلته
هيج يصير كلنه نعرف زين ليث كان خوش ولد حباب بس شسوي هذا امر ربه وهسه هو احسن
من قبل بس الناس ماترحم وضلت تكول
عليه مخبل
بنت الهدى... سمعت الكلام فتحت عيني على وسعهم اجه بالي الحلم وليث معقوله هو نفسه
لا لا مستحيل دخلت البيت وحضرت الغده
والكلام يدور براسي منو هذا ليث المخبل
وشنو ضروفه ياربي شنو معقوله هاي صدفه
خلصت الاكل رحت دخلت ابوية للبيت
وعزلت الاسواق حتى نتغده سالت بابا منو هذا
الولد ليث وشنو قصته
كال هو صار وياه حادث متعرض الصدمه وفقد النطق وتعرض الحاله نفسيه هاي اني اكول بس ناس تعتبره مخبل
كتله بابا اني موافقه اتزوجه
ابويه كال بنتي الولد اخرس وضعه مو تمام
مرات حتى يضرب المقابل
اخواتي سمعو تخبلو ورفضو كالو احنه نخاف عليج منه وثاني شي انتي شنو ناقصج تاخذين
هيج واحد
قلت مالكم دخل اختياركم الاول اني وافقت عليه وما قلت شي ف هاذا لا تدخلون بيه ابداً اني اريد اتزوج مخبل اخرس هو ما اريد اسمع شي لان تزوجت قبل واحد لسانه شطوله وعاقل
ما استفاديت شي بس انجرحت وطلكني وراح
خلوني اتزوج هذا احسن
وافقت واهلي كلهم زعلانين مني وخواتي تعاركن وياي وزعلن مني قلت اذا تحبوني افرحو الي وادعولي الله يوفقني اني ادره بنفسي
المهم وافقو
وصرت اجهز ما خليت شي بنفسي ابداً واهديت هدايا الخواتي وصار وكت العرس وانزفيت من بيت بابا معززه مكرمه واهل الولد كلهم موجودين وفرحانين ودعت بابا واخواتي ورحت وتركت كل شي جرحني ورى ضهري
دخل العريس اجا وقعد بصفي رفعت راسي
سبحان الله شنو من جمال عنده ولد مايتعيب
من شكل وطول وملامح ورزانه لعد شنو يكلون
عليه مخبل
طلع الموبايل وكتبلي
انتي تزوجتني بموافقتج لو انجبرتي عليه
بنت الهدى .. وليش انجبر عليك
انتي تعرفين عني شي يعني اكيد سمعتي الي كالو عليه الناس مو
بنت الهدى ... اني مايهمني كلام احد ولا انجبر
عليك اني كان بموافقتي
اني مو مخبل مثل مايكلون بس الي تعرضتله
عقلي مااستوعبه وتعبت نفسيتي والناس
ماتقدر وكامت تحجي بكيفها على اني مخبل
بنت الهدى .. ممكن اعرف انت شنو الي صار وياك
والي خلاك توصل ل هذا الحل
ليث .... اني كنت طالب وادرس مابيه شي وكنت
من المتفوقين صاحب ذكاء بشهادة المدرسين والاساتذه من صارت ايام داعش والجهاد ورحت
حتى اقاتل بقيت فترة هناك لحد ما تحاصرنه
ف جماعتي ظلو كل ساعة وكل يوم ينقتل واحد
كدامي خلص الاكل وشرب عدنا وخلص حتى
العتاد بقيت بس اني ولد وياي بقيت افقد الوعي
شوية شوية بسبب الحر والعطش صاحبي مصاب
مات وهو راسه على رجلي اخر شي سمعت صوت رمي اني انهاريت من شفت مات وصوت رصاص
بعد ماحسيت واني بالمستشفى وقتها عرفت
هم الجيش محررين المنطقة واني نقذوني اني
بهاي لحظه مااعرف شنو صار بيه ليش ما رحت وي اصدقائي كمت اكسر شكو شي كدامي
اصيح واني ماكو صوت من ساعتها عبالهم
اني فقدت عقلي وكلهه صارت تكول عني مخبل
بنت الهدى ... هو يكتب بالموبايل واني اقره
شفته وجه صار احمر وصار يلزم راسه ويفرك
بوجه تشجعت خليت ايدي على ايده صحت
باسمه ليث هو رفع راسه عليه وينضر بعيوني
كتله لا تنقهر وانسه الماضي وعوفك من الناس
والكلام وعيش النفسك والاهلك واذا عليه اني
شلون قبلت اني كنت رافضه زواج تماما بسبب
زواجي الاول بس من سمعت بيك وافقت تدري
ليش هو نضر الي بستغراب رديت عليه لان اني
سبق وان شفتك بحلم صارت علامه الدهشه
على وجه اي ليث صدكني شفتك بمنامي
واني وياك لحد مااخليك تطلع من هاي الازمه
ضل يناضر بعيني ابتسم وكتبلي
اتمنى اسعدج ولا انزل دمعتج بيوم
بنت الهدى ..ضلينا نحجي اني وياه بعدها تم كل شي
صارت تمشي الايام والحمد الله ليث كلش حلوو وياي وتحسنت حالته جيد جدا وبدت الناس تغير نضرتها بي واهله كلهم يحبوني ويهتمون بيه
وطلبت انروح نسكن وي ابويه بعد ما اختي اتزوجت اهله ابد ما عارضو رحنه وسكنه وي بابا
اني بقيت اشتغل بالاسواق توسع رزق واشتريت البيت الي ساكنين بي وبنيت اسواق اكبر بالحوش على الشارع صار ماركت كبير والحمدالله بمشاركة ليث طبعا وصار شريك هو يكعد بالاسواق ومايقبل بعد اكعد بيها
طلبت من ليث يقدم خارجي ويدخل دروس خصوصية
وفعلا درس وطلع طب عام وقرر يروح دكتور علم نفس
ومشت الايام والفرحه الاحلا لمن طلعت حامل تخبلو فرحتي وفرحه ليث جبت ابنيه وسميتها
نور لان نور حياتي كلها وبعدها صارت عندي ولد سميته امير
.
.
.
.
سامر حالياً 2025 ما صار عنده اطفال واخت سامر جابت ولد معوق ما اكللكم دعيت عليهم بس قلت حسبي الله ونعم الوكيل ع جرح سببتو اليا وربي اخذ حقي وزياده لانهم ضلموني واستغلوني. الى هنا خلصت قصتي وربي قصتي حقيقه ما قلت شي جذب ابداً
حتى الحلم هو اني حلمته وشفته
رسالتي اللي اريد اوصلها لكل بنيه ان يكون اختيارج الزواج يكون صح مو على حساب هذا وهذاك وعلمود هو كرايب ودمرين حياتج اختاري الانسان الصح
ورسالتي الثانيه الي توكع في مطبات وتطلك مو معناتها اخر دنيا لا اكمل واشوف حياتي
وللبنت المضلومه ربج ياخذ حقج لو بعد حين وكل حزن بعده فرح اكيد لان ربنا يحبنا ويختبرنا ...
انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم
شكرا لزيارتكم عالم روايات سكيرهوم
